|
|
|
 Re: 12 حالة جديدة فجأة 29 مصاب في معظم احياء الخ� (Re: Asim Ali)
|
سلام
نحن افضل حالا من دول كثيرة سبقتنا . اتباع الارشادات ، والتباعد بين الاشخاص ، والمحافظة علي النظافه الشخصية ، وعدم ملامسة الاسطح . هو العلاج الناجع والفعال ( حتي الان ) .
القائمين علي الامر ، وحسب استطاعتهم ، قائمين بدورهم علي احسن حال . والباقي علينا . الالتزام . الالتزام . واخذ الحيطه والحذر ، وعدم التعامل بعفوية ، فالامر جد خطير .
نتمني السلامة والحفظ للجميع ،،،،
| |
 
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: Gafar Bashir)
|
Quote: سلام عاصم
حسب الكلام قال وزير الصحة 29 حالة او انا سمعتها غلط
لانو اخر احصائية عارفها كانت 17 حالة
17+10
17+12
ما عارف الحساب الغلط وين |
ماف غلط بس شكلك مامتابع 18 و19 قبل اتاكدت حالنهم يوم 11ابريل وبعد اقل من 24 ساعه من تاكيد الحالات 16 و 17 نهايه يوم الجمعه 10 ابريل
| |
|
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: Gafar Bashir)
|
Quote: شوشوفو لينا بالمرة وزير صحة جديد
|
انت ما بتحضر التنوير اليومى حتى الكادر الصحى لم يسلم من المواطن السودانى الناس الفى العزل
ضربو كوادر الجيش الابيض حتى الناس الوصولوا
من الخارج اعطوا تلفونات غلط زى الحالة الجات من الامارات يعنى عاوز سوليك شنو وزير الصحة
حقيقة الفى بر عوام
| |
|
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: حسام الدين حمودة)
|
تحياتي يا حسام الدين
Quote: حول البعض الموضوع لصراع سياسي ،، مظاهرات ،،، معقولة بس ،، أصلا هو تصرف يشبههم
|
الحول الموضوع لسياسي هو السيد وزير الصحة كفرمالة وكعذر بدل ما يشوف قصوره ويعتذر
الناس لما اتكلمت وطلعت مظاهرة الامر كان بيستحق وكان بيستحق اكثر من مجرد مظاهرة كان بيستحق مليونية
لكن لا الوزير شايفه ولا الناس البتحب الوزير شايفاهو
هو اليوم ده اللي حايقيف في التلفزيون ويقول ما عندي شيئ اعمله
| |
|
|
|
|
|
|
|
 Re: 12 حالة جديدة فجأة 29 مصاب في معظم احياء الخ� (Re: Gafar Bashir)
|
غايتو ياجعفر المشكله الشعب مامساعد الناس ماشغاله بالقصه وهم عارفين البلد اقتصادها واقع وكان اتفشت الكورونا معناها الرماد كال حماد
وزير الصحه بالتحديد ما شايفو قصر مقارنه بظروف البلد ونسال ربنا يعينو ونقدر نقدم مايلينا فى الازمه دى والازمه دى تتطلب تحمل الناس لى مسئوليها على الاقل شوف ماتطرق من اعتداء على الكادر الطبى خلال مهامو فى الستشفيات او العمل الميدانى
بالنسبه للفيديو
Re: ذعر بسبب اشتباه حاله كورونا بالسودانRe: ذعر بسبب اشتباه حاله كورونا بالسودان
| |
|
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: حسام الدين حمودة)
|
الامارات الجانا منها البلا والوبا ترسل 15 طن مساعدات طبيه لاثيوبيا
دا شكر ابى احمد ليهم
Quote:
Grateful to the #UAE government for the support of 15tonnes worth of #COVID19 prevention medical supplies, including PPE gears and masks. Appreciating my brother
@MohamedBinZayed
for showing solidarity with #Ethiopia and the continent at large.
|
| |
|
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: احمد حمودى)
|
على المواطنين أن يتركوا الاستهتار ويتبعوا الإرشادات الصحية الرسمية، فهذا الوباء لا تنفع معه الرجالة والفهلوة والتواكل لا يفرق بين الناس أو المجتمعات أو الدول.
على المواطنين أن يثقوا في وزير الصحة ويتبعوا تعليماته ويعينوه على القيام بمهامه، فليس هناك خيار أفضل ولا مكان للتدافع السياسي مع جائحة كورونا التي ركّعت الجميع.
| |
|
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: محمد الأمين موسى)
|
| Quote: دة اخدها من زوولة ما مخالطة وهو من الجيش الابيض شكله البلد مستفة كرونا وكلام العالم البريطانى حيكون مية مية |
والله انا قريت التقرير السوداوي
ما استبعدتو لكن كابرت عليهو متمنيا ان يكون كلو غلط ويدي في قلبي ومتاكد انو الكلام ده ما اتبني علي أوهام وأحلام.. علي قراية ارقام وكنت بفكر عن انو ( ممكن نكون ما عارفين ) ممكن الاطباء ما عارفين ولا وزير الصحة ولا سجم الرماد كلهم ما عارفين ....
جزء منها امكانيات لكن الجزء الاكبر سبهللية واستهتار ولا مبالاة .... ولسة بتذكر المصريين لمن قفلوهم من السعودية كانوا بيجوا السودان يقعدوا 14 يوم بي سجمهم ورمادهم خالطوا كم نفر ولا عملو ياتو مصيبة ..... والناس الفجاة فتحوا ليهم البمطار للعوة بدون ضوابط وبدون حجر صحي ..... اتخيل ممكن يكونوا قدر كيف
احكي ليك شغلة بسيطة بدون اسماء
عندنا بيت بتاع عزابة
مر عليهم زول شغال مندوب مبيعات بجيهم طوالي جايي من مدينة تانية
اولا البيت فيهو 8 كلهم كورونا
الشقة الجنبهم والفوقهم 16 كلهم في الحظر وانتظار النتائج
الفيروس لعين
لعين جدا
والزول شايف ومتابع
ومفتكر انو عملنا ثورة وعملنا تغيير
ياخي يوميا ترمب ده بطلع يتكلم
وين ياخ البلد ومجلس الوزراء والمجلس العسكري ووزير الصحة
من متين الناس بتنبح في الموضوع والبلد كانو مافيها زول رشيد
عشان يجوا قبل يومين يقولوا نعمل شنو الموضوع طلع من يدنا
مشغولين بي شنو كانوا
حكومة وقحت ومجلس عسكري
المهم الان تعبئة عامة وحظر مافيها حل
ناس شغل اليوم باليوم في لجان احياء
وعارفين السودانيين وقت الوقفة مجتمع تكافلي
بس الله يعمي وزير المالية ما يشوفها فرصة تانية لرفع الدعم
| |
|
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: Gafar Bashir)
|
سلام عليكم
امس شفت قصه واحد فى مصر نقل الاصابه ل45 من عائلتو الممتده فى فى القريه توفى منهم فى حدود الخمسه افراد..
المهم فى الاغلاق الناس تحتفظ بالنتباعد الاجتماعى مش يعملو عطله الاغلاق درب لمعه فى البوت وكشاتين وفته فى الدكان وهلمجرا
مشكلتنا استهتار الناس من جهه ومن جهه تانيه استغلال البغض للازمه يعنى وجدت اليوم فى البقاله معقم صناعه محليه (200 مل) ب 130 جنيه اما الكمامات دىغايتو الواحد ممكن يشترى مخدرات بشكل اسهل من شراء كمامه
| |
|
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: Asim Ali)
|
من مشاهد استهتار الناس وتفلب الفضول على الالتزام بتوجيهات السلامه
قبل ساعتين فى سوق بحرى لمه ناس استغربت منها متوقع تكون بضاعه رخيصه لكن الحقيقه عرفتها من رد واحد من الساخرين منهم قال دا زول (طوالى شخص خالتو كورونا) والناس ملمومه فوق راسو
موقف زى دا وزير الصحه ذنبو شنو ؟
هسى كان البوليس عمل زى الهند ولعض الدول اللاتينيه تبقى مشكله سياسيه
| |
|
|
|
|
|
|
|
|
|
Re: 12 حالة جديدة فجأة 29 مصاب في معظم احياء الخ� (Re: Gafar Bashir)
|
يعني يا جعفر بشير الوباء عالمي والأنظمة الصحية في الدول الغنية تنهار
أمام العدد الكبير من الحالات والاقتصاد العالمي يعاني وأنت داير يغيروا
ليك وزير الصحة عشان العدد وصل كم وعشرين إصابة؟
شنو الشي المفروض يعمله وزير الصحة المتخصص في الصحة العامة والوبائيات
والحاصل على جائزة أفضل مدير إقليمي اثناء عمله في منظمة الصحة العالمية؟
شنو هي الحاجة البتعرفها انت وممكن تكون فايتة عليهو في مواجهة الطوارئ الصحية؟
نجيب ليك أبو قردة... كيف معاك؟
| |
|
|
|
|
|
|
| |
Asim Ali
Hasheem Karouri
Hani Arabi Mohamed
احمد حمودى
حسام الدين حمودة
محمد الأمين موسى
سيف النصر محي الدين
فيس بوك
تويتر
انستقرام
يوتيوب
بنتيريست