|
Re: مع الاسف حصاد القومة للسودان لا يشتري عما� (Re: الامين موسى البشاري)
|
الامين سلامات.. الحملة ما انتهت او في الحقيقة حتي زااااتو بدأت علشان يتقاس عليها بالفشل او النجاح. الغرض الاساسي من الحملة عند الشارع هو مدي تماسكه ودعمه لثورته بغض النظر عن نجاح من دعي للحملة دي او فشله. تاكد تماما انه الحملة دي بمقايسنا ناجحة وناجحة جدا وجاءت تماما في مواعيدها. للاوطان في دم كل حر يد سلفت ودين مستحق..
| |
|
|
|
|
|
|
Re: مع الاسف حصاد القومة للسودان لا يشتري عما� (Re: Arif Nashed)
|
Quote: مع الاسف حصاد القومة للسودان لا يشتري عمارة في اركويت.. والله صحي!
|
كمان معاها حَلِيفة كان تنتظر شوية قبل ما تحكم علي حملة لم تكمل يومين عشان تحكم عليها أنا لا أقصد صاحب البوست في شخصه. و لكن أقصد ما تصرح به العقول التي فقدت صوابها ... و ظهرت عورتها تماماً ... العقول التي غاب ظل عقلها الباطن يكشف ما بداخلها من ضلال العقول التي تتغذي علي فضلات عبد الحي الفكرية و دعواته الحاقدة العقول التي تشرب العِلْم من (بصاق) او (تُفَاف) المنابر و ترتوي حتي تفيض و تملأ المنابر ضجيج .... الذين تبرعوا أغلبهم من الفقراء و لكنهم لم يبخلوا بقليلهم شاهدناهم في ساحة الاعتصام و هم يهتفون (( لو عندك خت ما عندك شيل)) لم تكن القروش تعني لهم شئ أمام حب الوطن و هيبة الموت أما تصغيرك لما تم جمعه حتي الآن فلا أحتاج أن أعلق عليه لانه لا يستحق فالعالم قادم علي مرحلة جديدة و ليس أمامنا الا الاعتماد علي النفس لا للمعونات و الهِبَات. مرحلة جسدتها أخلاق شعبنا العظيم في الاعتصام و برغم محاولة إغتيال هذه الأخلاق و لكنها سوف تبقي و تبني الوطن.
| |
|
|
|
|
|
|
Re: مع الاسف حصاد القومة للسودان لا يشتري عما� (Re: احمد حمودى)
|
السلام عليكم البلد مفلسة وال عندهم قروش هم الكيزان وبالنسبة للخارج لم يرفع الحظر ( تأكد يا استاذ احمد حمودي ) أغلبية الشعب موظفين من يوم ٥ في الشهر المرتب خلص والباقين رزق اليوم باليوم . ارفعوا دعم البنزين ووصلوا الموظفين بباصات تبع الوزارات
| |
|
|
|
|
|
|
Re: مع الاسف حصاد القومة للسودان لا يشتري عما� (Re: اخلاص عبدالرحمن المشرف)
|
Quote: ارفعوا دعم البنزين |
رفع الدهم هن البنزين فقط وليس الجازولين لانو الجازولين داخل فى الزراعه بجانب تكلفه النقل ودا كلو فى ضهر المواطن ---------
الصحيح 50 مليون ---- الناس الماراضيهلا كلام الاخ الامين الناس الدفعت دى كم نسبتها من الشعب السودانى المسحوق ديل ناس عندهم فائض مال قدرو يتبرعو وكمان الكترونيا ياناس استاذ جامعه شغال طلبه بناء ودا مثال برز للسطح. دا مثال لشرائح شايله المجتمع بمجهودها وماقادره توفى التزامات اسرها اذا كان اداره تهتم بصرف استحقاقات القحتيين الاداريين (الضخمه) وتحرم الاساتذه من من استخقاقات الامتحانات على (قلتها) الا انها نوايه تسند الزير الحمله الوطنيه الحقيقيه كان من المفترض ان تكون قبل ان يركب حمدوك الطائره فى اول سفريه للخارج يستنفر الشعب كل بما تيسر له فى ناس ممكن تدفع قروش ناس ممكن تقدم خبره ناس ممكن تقدم مجهود دى مسارات حمله وطنيه حقيقيه يشارك فيها الجميع فى وطن يعانى وضع اقتصادى متردى مفروض تقوم فى بدايات الحكومه الانتقاليه تخلى حمدوك قائد ثوره يقود معركه تنميه حقيقيه مش حمله تنميه ببعد واحد (اعلامى) . بعدين قروش تعويض ضحايا المدمره كول المفروض يدفعها الكيزان والتنظيم الدولى ليه اتدفعت من الموارد الذاتيه لماليه الشعب الشعب السودانى ؟؟؟؟ . حتى الحمله اتقدم بينيديها قرارات لناس ازاله التمكين عشان تسخن وتطلق الحمله بقوه. . بعدين الشى الحاصل دا وشايفو (كمواطن) مش (((كسياسى او منظم فى حزب يدافع بشكل اعمى عن حكومه ولايستكيه ان يقدم اقل نوع من النقد لتصيرها))) الحكومه دى عاجزه وما اظن فضل من عمرها كتير واظن ازمه كورونا عملت ليهم (زمن بدل ضائع)
| |
|
|
|
|
|
|
Re: مع الاسف حصاد القومة للسودان لا يشتري عما� (Re: احمد حمودى)
|
Quote: حاليا جميع الناس قعدين فى البيوت وليهم شهر كمان فى كل العالم ياخى انت الحصل عليك شنو بقيت تهاجم الثوار وحركات دارفور
|
ابدا والله يا احمد
الحملة لم ترقى لمستوى التوقعات والامال
حركات دار فور ... قاعدة تبتز الناس عشان يوقعوا السلام
ودا ما صاح ... الحقوق ليست منحة
| |
|
|
|
|
|
|
Re: مع الاسف حصاد القومة للسودان لا يشتري عما� (Re: الامين موسى البشاري)
|
اسامة داؤود عبد اللطيف twitter نحن بالروح للسودان فدا اعلن بكل فخر واعتزاز بهذا الوطن العظيم وبشبابه الابطال بتبرعى بمبلغ 5 مليون دولار امريكى فى اطار حملتنا الموفقة القومة للسودان د. اسامة داؤود عبد اللطيف رئيس مجلس ادارة مجموعة شركات دال ----------------------------------------------- اها يا البشارى شن قولك؟
| |
|
|
|
|
|
|
Re: مع الاسف حصاد القومة للسودان لا يشتري عما� (Re: Asim Ali)
|
Quote: هل تم اعلان تبرع اسامه داؤود عن طريق لجنه المبادره ام هو كلام وسائط ؟ حتى الحسابات فى الفيس وتويتر اغلبها مزيف واسماء كتيره قالو اتبرعت |
سلام يا عاصم
اسألهم تاني عليك الله
يا زول والله قريت مبالغ في الواتس والفيسبوك والتويتر
تخلي السودان دا اغنى دولة ... وما يحتاج لي زول
| |
|
|
|
|
|
|
|