|
Re: فصل الدين عن الكورونا (Re: صديق مهدى على)
|
وجه اخر من وجوه الازمة : امبارح بسمع اذاعة اف ام ، متصل ختم مداخلتو بــ" اللهم ارفع عنا البلاء وعن جميع المسلمين" ! دي طبعا حاجة شائعة في المساجد وخطب الجمعة ومرات كمان معاها رفع يد وتمني تدمير الغرب "الكافر" الخ الخ .. بكل بساطة طبعا انتقلت من المسجد للشارع لانو مصدرا شخص الناس بتثق فيهو وبتعتبروا عالم دين ! المتخلف المتصل والمذيع الماكلف نفسو يصحح غلطة المتصل وكل من يفكر بهذه الطريقة: الوباء ده عالمي عابر للقارات لا بعرف مسلم ولا بعرف كافر ولو ما انتهى من العالم كلو مافي زول حيرتاح..
| |
|
|
|
|
|
|
Re: فصل الدين عن الكورونا (Re: Abdullah Idrees)
|
سلامات وتحايا لكم جميعا
طيب فصل الكرونا عن السياسة كيف :)
قبل شوية شفت بوست للاخت زهرة حيدر في الفيسبوك منزلة فيهو صور عن مستلزمات طبية في الخرطوم بتتوزع الناس.. موزعة كتبرع او دعم من حزب المؤتمر السوداني والدعم السريــع .. اللافتة الملعقة في عبوة المعونات الطبية اكبر وأظهر من الملصق البيحوي اسم ومكونات ومواصفات وصلاحية العبوة والشكل والتصميم مافاضل الا يختو تحت اسم المرشح... انا متاكد في جزء من الشاركو في العمل دا من الناشطين بيكونو كتبوا ممتعضين من تبرع الكيزان بكيلو لحمة في اضحية من ذات الاضاحي تحت فلاشات الكاميرات ..
نعم مفهوم انه دا حزب مدني وداك حزب عسكري وانه في انتخابات جاية وتحشيد وأعمل لكي أراك وأريني ماذا عملت وفاهم انه واما بنعمة ربك فحدث بس ما لقيتو تورونا مساهمتكم الا بالملصق دا!
| |
|
|
|
|
|
|
|