حمدوك موظف في حكومة السودان بدرجة رئيس وزراء. يهنأ علي النجاح ويساعد فيه علي انجاز المهمة التاريخية. يحاسب علي فشله ويسأل عن إخفاقه بل ويحاكم. --- يحضر في تخريج الجنجويد ويتضاحك مع (شركاءه) وحسب قوله شغال معاهم في تناغم مما يدلل عدم نيته في هيكلة الاجهزة الامنية او اعادة بناءها خاصة الشرطة التابعة مباشرة لسعادته حسب نص الوثيقة. مكونين في قوي الحرية قالوا الشغلة دي مااا ماشة صح , بل الاتحاديين مشوا اكثر وصرحوا بشفافية انه في خيانة للثورة بتحصل جوة الهيلمانة دي. محتاجين اجوبة من هم الخونة؟؟ المسألة بقت ما بتحتمل..
03-21-2020, 05:14 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
هل نحن في حرب باردة (خفية) بين المحاور؟؟ الكيزان لسة مسيطرين بمؤسساتهم وافرادهم بل تم تعيين بعضهم في وظائف حساسة مؤخرا.. تغريدة السيد عمر الدقير مغلفة لكن تنبئ عن كثير.
03-21-2020, 05:50 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
في السعودية بعد شهر من اداءه القسم قال قوي الحرية ما قدمت برنامجها ليه. ما معروف هل تم تقديم البرنامج ولة شغال من راسه سااي. ابو اللمين ليه قول (مأثور) يا تغنوا انتو يا اغني أنا. هل حمدوك شغال يغني براه؟ أم في فرقة شغالة؟!! ملف السلام من (مهام) السيد رئيس الوزراء و (رعاية) المجلس السيادي. بس شايفين العسكر ماسكين الملف دا قوووي بمساعدة الفريق المدني في السيادي. المرة الوحيدة اللي شفنا فيها حمدوك ماسك الملف دا كانت في (احتفالية) كاودا وهو (ينط) عجل الكرامة. وبالمناسبة الملف دا كووله (مدور) من دبي.. لينا عودة. اما في الملف الاقتصادي حدث ولا حرج. عين حميدتي في البداية علي رأس الآلية الاقتصادية (ما صدفة) قبل ما يتراجع ويرأسها بنفسه (حبر علي ورق). دي اهم ثلاثة ملفات. الانجاز صفر زي هلالنا.
03-21-2020, 11:41 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
سلام معتصم حقيقه لايوجد تغيير حقيقى على الارض مجرد حاجات تستفل اعلاميا واقولها بملء الفم وعن قناعه انو من يدافع عن الوضع الحاصل الان يشارك فى سرقه الثوره واجهاض مطالبها ولايعدو كونو مغفل نافع او غواصه كيزان
03-21-2020, 04:32 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات يا معتصم .. نعم هنالك اخطاء مبدئية تشريعية وتنظيمية وتأسيسية وعملياتية لم تعد خافية على أحد.. منها ما يتعلق بدور قوى الحرية وواجباتها .. ومنها ما يتعلق بسياسات الحكومة بشقيها .. إذا لم يعترف بها الجميع ويعملون بروح وطنية خالصة ومتجردة لتداركها وتصحيحها .. فلن تنجز الثورة أهدافها المعلنة.
03-21-2020, 04:49 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: نعم هنالك اخطاء مبدئية تشريعية وتنظيمية وتأسيسية وعملياتية لم تعد خافية على أحد.. منها ما يتعلق بدور قوى الحرية وواجباتها .. ومنها ما يتعلق بسياسات الحكومة بشقيها .. إذا لم يعترف بها الجميع ويعملون بروح وطنية خالصة ومتجردة لتداركها وتصحيحها .. فلن تنجز الثورة أهدافها المعلنة.
تغيب التشريعي عن عمد يطعن في مصداقية المكون دا كله بشقيه المدني والعسكري. مافي محاسبة اذن فوضي. الاجندات بنودها طالن يا مولانا الملك والتصحيح زمنه فات. شفافية معدومة.. لييييييييه.
03-21-2020, 04:39 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: حقيقه لايوجد تغيير حقيقى على الارض مجرد حاجات تستفل اعلاميا واقولها بملء الفم وعن قناعه انو من يدافع عن الوضع الحاصل الان يشارك فى سرقه الثوره واجهاض مطالبها ولايعدو كونو مغفل نافع او غواصه كيزان
سرقة الثورة خلها اتاكدنا انها تمت. بس اتسرقت لمنو وليه؟ فرية حمدوك مكبل بالوثيقة مثيرة للشفقة لانه حمدوك جابوه بالوثيقة دي يا زاتها. لو (مكبل) مش مفروض يمشي؟ كنداكاتنا لمن كبلوهم كلاب الامن هتفن جوة الزنازين حرية سلام وعدالة حمدوك دا ماااا يهتف او ساااي كدة (يلوح) بالاستقالة.. خايف عليه يطلع مصطلح الزول دا (حمدوك ساااي) لا اشتغل لا خل غيره يجي يشتغل.
تحياتي حبيبنا معتصم الثورة سرقوها ناس قحت نفسهم و كيزان العسكر و اصبحت الحكومة و رئيسها في خبر كان قحت ما عارفة تدير بلد بالسلطة المخولة ليها من الثوار و بالتالي أصبحت قحت لبانة في خشم المجلس العسكري الكيزاني ما زال الكيزان يتحكمون و يحكمون البلد حمدوك كما وضح ما عندو سلطة تنفيذية و لا يحزنون انجازات زيرو حكومة اي ثورة معروفة يا معتصم و قرارات أي ثورة وااااضحة في إزالة رموز الحكم السابق عدا ثورتنا
تحياتي حبيبنا معتصم الثورة سرقوها ناس قحت نفسهم و كيزان العسكر و اصبحت الحكومة و رئيسها في خبر كان قحت ما عارفة تدير بلد بالسلطة المخولة ليها من الثوار و بالتالي أصبحت قحت لبانة في خشم المجلس العسكري الكيزاني ما زال الكيزان يتحكمون و يحكمون البلد حمدوك كما وضح ما عندو سلطة تنفيذية و لا يحزنون انجازات زيرو حكومة اي ثورة معروفة يا معتصم و قرارات أي ثورة وااااضحة في إزالة رموز الحكم السابق عدا ثورتنا
تحياتي حبيبنا معتصم الثورة سرقوها ناس قحت نفسهم و كيزان العسكر و اصبحت الحكومة و رئيسها في خبر كان قحت ما عارفة تدير بلد بالسلطة المخولة ليها من الثوار و بالتالي أصبحت قحت لبانة في خشم المجلس العسكري الكيزاني ما زال الكيزان يتحكمون و يحكمون البلد حمدوك كما وضح ما عندو سلطة تنفيذية و لا يحزنون انجازات زيرو حكومة اي ثورة معروفة يا معتصم و قرارات أي ثورة وااااضحة في إزالة رموز الحكم السابق عدا ثورتنا
تحياتي حبيبنا معتصم الثورة سرقوها ناس قحت نفسهم و كيزان العسكر و اصبحت الحكومة و رئيسها في خبر كان قحت ما عارفة تدير بلد بالسلطة المخولة ليها من الثوار و بالتالي أصبحت قحت لبانة في خشم المجلس العسكري الكيزاني ما زال الكيزان يتحكمون و يحكمون البلد حمدوك كما وضح ما عندو سلطة تنفيذية و لا يحزنون انجازات زيرو حكومة اي ثورة معروفة يا معتصم و قرارات أي ثورة وااااضحة في إزالة رموز الحكم السابق عدا ثورتنا
03-22-2020, 06:02 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: الثورة سرقوها ناس قحت نفسهم و كيزان العسكر و اصبحت الحكومة و رئيسها في خبر كان قحت ما عارفة تدير بلد بالسلطة المخولة ليها من الثوار و بالتالي أصبحت قحت لبانة في خشم المجلس العسكري الكيزاني ما زال الكيزان يتحكمون و يحكمون البلد حمدوك كما وضح ما عندو سلطة تنفيذية و لا يحزنون انجازات زيرو حكومة اي ثورة معروفة يا معتصم و قرارات أي ثورة وااااضحة في إزالة رموز الحكم السابق عدا ثورتنا
من البداية فقدونا الشرعية الثورية واختاروا لينا الشرعية الدستورية. حتي دي ما كانوا جاهزين ليها يا عمادالدين لحدي ما طلعت مليونية القضاء.. اتخيل!! وباقي القصة معروف (المحكمة الدستورية وتعيين القضاء نفسهم). ولسة المسلسل دا ما خلص (ملف محفوظ) ههههههه. الكيزان اكتر ناس (بشكروا) في حمدوك لانه طلعهم من جحورهم ورجعوا ربوا دقونهم تاني وبقوا يمشوا في الاسواق ومحتكرنها وياكلوا (حق الناس) لا داسهم لا خلانا ندوسهم. من هياكل السلطة وأهمها الجهاز التشريعي. لسبب يعلموا كبير وزراءنا وحاضنته قحت ربطوه بملف السلام!! يعني اختاروا عدم المساءلة (ليهم وللعسكر) كمان وحتي الجبهة الثورية. معقولة بعد ثورة بااااالغة قام بيها الشارع ودفع ارواح شبابه يتم تغييبه عن المشاركة في كل اجهزة الحكم سيادي وتنفيذي وتنوب قحت مقام التشريعي (عضل كدا)؟. حمدوك قبلان بالمهزلة دي يسالم ويطايب ويسافر ووزراءه في تخبطهم ماشين. فالحين بس في نط عجول الكرامة.
03-23-2020, 04:54 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
محور الدول المطلة علي البحر الاحمر وخليج عدن. من التسمية معروف دلائل المحور دا (السيطرة علي الموانئ) وهي سيطرة الامارات والسعودية علي كل الموانئ. لا شاورنا فيه لا قال رأيكم شنو.. لا تشريعي طبعا يوافق ويناقش وشارع مغيب يشيل ويشكر. حمدوك زار مصر, اريتريا, وجيبوتي.. طبعا بالاضافة للمركز في دبي والرياض كمان.
انتو المحور دا فائدته شنو لو سألنا؟؟
03-23-2020, 05:12 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
السيد رئيس مجلس الوزراء في حفل تخريج الدفعة الثامنة من مليشيا مرتزقة الدعم السريع. التخريج كان لدفعة كبيرة جدا في البداية. وين تم تدريبهم؟ ومنو الصرف عليهم؟ اولا. ح يشتغلوا وين وفي شنو؟ ثانيا؟؟ ولة السؤال ممنوع؟؟؟؟
03-24-2020, 07:55 AM
Kabar Kabar
تاريخ التسجيل: 11-26-2002
مجموع المشاركات: 18537
سلام يا معتصم.. والتحية للأصدقاء الحضور هنا.. حمدوك يعمل لمصلحة السودان ، عبر تفويض من قوى الحرية والتغيير وتجمع المهنيين ، وهؤلاء فوضتهم الثورة لإدارة الفترة الإنتقالية. الترتيبات الدستورية والقانونية ، البرامج السياسية ، التفاوض لإحداث السلام ، الترتيبات الإقتصادية ، ترتيبات العدالة الإنتقالية كلها مسئولية الحاضنة السياسية التي يجب ان تكون لها رؤى واضحة.. فالحكومة الإنتقالية هي اداة تنفيذ وليست اداة تشريع وقضاء..التأخير في اكمال هياكل الفترة الإنتقالية هي مسئولية الحاضنة السياسية.. الحكومة الآن عمرها سبعة اشهر ، وبديهي ان هذه ليست فترة انجاز وانما فترة تبيان الطرق ووضع تصور عام ينفذ لاحقا..وحتى الآن ماشة في الإتجاه الصحيح: على مستوى السياسة الدولية محاولات جادة لوضع السودان في المشهد الدولي كدولة صديقة وليس دولة مشاكسة وعنيدة ومهددة للسلام الإقليمي والدولي ، الإتحاد الأوربي منح السودان فرصة اشبه بالفرصة التي اتيحت لألمانيا بعد الحرب العالمية الثانية ، فهناك اسواق للإقتصاد السودان بشروط ميسرة ، العقوبات الأمريكية ضد السودان تراخت قبضتها كثيرا وفي اتجاه لإلغائها تماما..ومؤكد توقيع السلام النهائي سيكون مدخل مهم لمعالجة اشكالات الإقتصاد.. على المستوى الأمني ، حتى الآن البلد في حالة استقرار امني ولم يحدث انفراط كما حدث في بعض الدول ، يعني عدم انحدار السودان ، حتى اللحظة ، للفوضى والعنف المسلح فهذا مكسب كبير للغاية.. المحاسبة والعدالة والإنتقالية ، صحيح مؤجلة وبطيئة حتى الآن ، ولكن الإعلان عن تسليم مجرمي الإبادة والجرائم ضد الإنسانية وجرائم الحرب للمحكمة الجنائية الدولية فهذا اتجاه صحيح.. المجلس التشريعي ، تأخير تكوينه هو مسئولية الحاضنة السياسية التي رأت لترتيبات خاصة ربط الأمر بتوقيع اتفاق سلام نهائي..وهذه ليست مسئولية رئيس الوزراء.. تأخير تشريع القوانين الرادعة مربوط بتكوين المجلس التشريعي ، فلا يمكن ان تشرع الحكومة (كجهة تنفيذية) قوانين وفي نفس الوقت تسعى لتطبيقها.. سؤالي: ما هو معيارك للنجاح والفشل؟ عملية السلام في جوبا ، سواءا سيطر عليها العسكر ، او المجلس السيادي ، حتى الآن حققت تقدم مهم للغاية ، وفي اتجاه للتسوية..فأين الخطأ هنا؟ الوقوع تحت اقدام المحاور ، ليس مسئولية حمدوك وحكومته وانما مسئولية الحاضنة السياسية المتشاكسة والمتناكفة (وهو داء ادمان الفشل على مر تاريخ النخبة السياسية السودانية التي اضاعت ثورة اكتوبر وثورة ابريل ، والآن في اتجاه تضييع ثورة ديسمبر..!!).. ماهو المطلوب بالضبط الآن وفي هذه المرحلة الحرجة؟ ممكن تصور واضح..وعلى استعداد للدعم في حال التقين بان ما تعرضه افضل مما يحدث الآن.. كبر
03-24-2020, 08:05 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
المصيبة يا معتصم في حمدوك الزول دا ضعيف لم حوله شويةعواطلية عندهم طموحات وشطحات عاوزين يعملوا مصالحة مع الإسلامين وشغالين في مشروع المساومة دا مع بعض عساكر المجلس السيادي وعشان يمهدوا الطريق للمساومة تركوا بعض الكيزان في مؤسسات الدولة.. عطلوا شغل لجنة تفكيك التمكين عشان كدا في حاجات كثيرة مرتبطة بي تفكيك التمكين معطلة.. تعينات مشبوهة لبعض الكيزان كانت بتوصية من عمر مانيس... ومانيس دا جابه حمدوك
03-24-2020, 08:47 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: المصيبة يا معتصم في حمدوك الزول دا ضعيف لم حوله شويةعواطلية عندهم طموحات وشطحات عاوزين يعملوا مصالحة مع الإسلامين وشغالين في مشروع المساومة دا مع بعض عساكر المجلس السيادي وعشان يمهدوا الطريق للمساومة تركوا بعض الكيزان في مؤسسات الدولة.. عطلوا شغل لجنة تفكيك التمكين عشان كدا في حاجات كثيرة مرتبطة بي تفكيك التمكين معطلة.. تعينات مشبوهة لبعض الكيزان كانت بتوصية من عمر مانيس... ومانيس دا جابه حمدوك
عبد العظيم.. مافي أي مصيبة ، اللهم الإ خزعبلاتك والإبتزاز الرخيــص.. ملاحظ ، حتى اللحظة عاجز تماما عن وضع تصورات للمعالجة وانما شغال نياصة وشكوى..وهذه هي المراهقة السياسة وعاطفة الخم..يعني ما في شغل عقلاني.. نشكر ناس حزب الأمة بقيادة الصادق المهدي ، انهم منذ البدء طرحوا قضية هيكلة قوى الحرية والتغيير ، ونجحوا في التعبئة للقضية الى ان صارت واقع.. الآن انت يا عبد العظيم والتجمع الإتحادي جزء من قوى الحرية والتغيير ، يعني لو عندكم أي رؤوى وتحفظات مؤسسة يجب ان تتم عبر قنوات قوى الحرية والتغيير..اعملوا شكوى وقولوا ما دايرين رئيس الوزراء الباهت ، وعندنا شخصية ذات كاريزما (من غير جضوم وجلحات وشعر قرقدي) واقنعوا حلفاءكم والشعب بتلك الشخصية وسوف ندعمكم ونسقط ليكم حجر حمدوك وحكومته.. اختيار الوزراء هو مسئولية قوى الحرية والتغيير وتجمع المهنيين ، والتي وضعت الية ترشيح ثلاث اسماء لكل وزارة ثم يترك لرئيس الوزراء اختيار احدهم..والسؤال: اين كان التجمع الإتحادي حينما اختارت قوى الحرية والتغيير اسم عمر مانيس؟ الشلة التي تتحدث عنها وتخاف من ذكر اسماءها بالتفصيل للشعب ، قلنا نفترض جدلا ان دكتور الشفيع خضر من ضمن الذين يقصدهم التجمع الإتحادي..فلماذا ظهر دكتور الشفيع خضر واستفرد برئيس وزراء اختارته قوى الحرية والتغيير؟ ما تنسى ، حتى التهرب ومحاولة شق الصف بان حمدوك هو مسئولية تجمع المهنيين ، لن يعفي التجمع الإتحادي من المسئولية.. عندكم خيار واضح: الحال ما عاجبكم انسحبوا من تجمع الحرية والتغيير ، وارجعوا الشارع وقودوا عملية تصحيح بطريقتكم الخاصة..بخلاف كده النياصة والفهلوة والقفز في الهواء هي مجرد عمل لا اخلاقي ..! ومثلما قلت في خيطك المجاور.. سؤال برئ: ليها الفرنبة حصلت من التجمع الإتحادي بعد زيارة حميدتي للقاهرة؟ يعني نفهم انو جاتكم توجيهات عليا من القاهرة تسوطوا الفترة الإنتقالية؟ تجمع صغنوني ، زي فيروس كروونا..وطمعان يسقط حجر الفترة الإنتقالية؟ وين يا عمك..القرض قاعد..!! كبر
03-24-2020, 09:01 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: الترتيبات الدستورية والقانونية ، البرامج السياسية ، التفاوض لإحداث السلام ، الترتيبات الإقتصادية ، ترتيبات العدالة الإنتقالية كلها مسئولية الحاضنة السياسية التي يجب ان تكون لها رؤى واضحة.. فالحكومة الإنتقالية هي اداة تنفيذ وليست اداة تشريع وقضاء..التأخير في اكمال هياكل الفترة الإنتقالية هي مسئولية الحاضنة السياسية..
الترتيبات مع تأميني إنها البرنامج الانتقالي الا انه حمدوك في السعودية وبعد شهر كامل من اداءه القسم قال ما عنده. ودا بفتح سؤال مشروع ليه؟ كان منتظر شنو وكل دقيقة بتمر نحن عارفين انها محسوبة علينا وبتمنها. عدم جدية؟ ولة عدم معرفة بحجم المسؤلية الكبيرة والامانة اللي هو قبل يتحملها؟ امامه وثيقة واااضحة (فوق) فيها مهامه مش كان يبدأ علي الاقل في تنفيذها اقلاااااها هيكلة البوليس عشان بس يدينا احساس انه في تغيير فعلا تم.!!
Quote: الحكومة الآن عمرها سبعة اشهر ، وبديهي ان هذه ليست فترة انجاز وانما فترة تبيان الطرق ووضع تصور عام ينفذ لاحقا..وحتى الآن ماشة في الإتجاه الصحيح: على مستوى السياسة الدولية محاولات جادة لوضع السودان في المشهد الدولي كدولة صديقة وليس دولة مشاكسة وعنيدة ومهددة للسلام الإقليمي والدولي ، الإتحاد الأوربي منح السودان فرصة اشبه بالفرصة التي اتيحت لألمانيا بعد الحرب العالمية الثانية ، فهناك اسواق للإقتصاد السودان بشروط ميسرة ، العقوبات الأمريكية ضد السودان تراخت قبضتها كثيرا وفي اتجاه لإلغائها تماما..ومؤكد توقيع السلام النهائي سيكون مدخل مهم لمعالجة اشكالات الإقتصاد..
دا يا كبر ما كان مفرووووض يأخذ زمن ومجهود بذله حمدوك في وقت كان في (اولويات). البيوتات المالية والمجتمع الدولي كان(مجبر) يتعاون يتعامل معانا بعد اعتي ثورة في تاريخنا اطاحت بشيخ الديكتاتوريين في افريقيا بل والعالم. ليه؟ لانه ببساطة إقتلعنا آخر قلاع الاسلاميين في المنطقة ( لو دا زاتو بعني حاجة عندهم). اما قصة العقوبات الامريكية اللي اساسا كانت (شبه مرفوعة) او زيارة فرنسا الماجابت تمنا نقوله غير فضيحة (البرتوكول) بتاع وزيرة الخارجية(الله يديها الصحة). بإختصار دا ما (أهم) مهامه زي الهيكلة او التفكيك. اذا فعلا دي ما فترة (انجاز) حسب قولك إنما فترة (وضع حجر اساس) انا اتفق معاك فعلا بالضبط دا الحاصل مهد للعسكر وحميدتي توطيد قبضتهم في العمالة ونفذ بإمتياز برنامج مرسوم بدقة ليه توّجه بتعيين حميدتي علي راس الآلية الاقتصادية وحضر بمزاج تخريج المرتزقة من الجنجويد. يعني ما فشل فيه حميدتي شعبيا او (شراية عدييل) عملوا حمدوك بجدارة واقتدار. يستحق الشكر. بقينا مرهونيين للامارات (عبيد وذهب) لدرجة انه اولادنا العالقين في الصين جابوهم لينا جزاءا شكورا.
Quote: على المستوى الأمني ، حتى الآن البلد في حالة استقرار امني ولم يحدث انفراط كما حدث في بعض الدول ، يعني عدم انحدار السودان ، حتى اللحظة ، للفوضى والعنف المسلح فهذا مكسب كبير للغاية.. المحاسبة والعدالة والإنتقالية ، صحيح مؤجلة وبطيئة حتى الآن ، ولكن الإعلان عن تسليم مجرمي الإبادة والجرائم ضد الإنسانية وجرائم الحرب للمحكمة الجنائية الدولية فهذا اتجاه صحيح..
ثورتنا حمت نفسها من الانزلاق يا كبر ما اللجنة الامنية بتاعت الكيزان. بل حصل العكس فضوا الاعتصام واختلقوا مشاكل قبلية في بورتسودان ونيالا وكملوها بالمحاولة الانقلابية الوهمية بتاعت تمرد الامن اللي في نهاية تمت بيه ترقية دمبلاب.!! عمر العسكر ما عملوا للاستقرار وشيل معاك محاولة الاغتيال. اما البطء في العدالة والمحاسبة دا يا كبر يا هو زااااتو سبب قيام الثورة. البطء لييييييييه وعدم المحاسبة؟ تواطؤ؟؟؟؟ يسلموا البشير ولة يقطعوه شرموط دا قطرة في بحر الانتقالية. البشير ما مفروض يكون برنامج وهو (مسجون) علي الاقل , لانه في ملفات اهم , واهم بكتييييير.
Quote: المجلس التشريعي ، تأخير تكوينه هو مسئولية الحاضنة السياسية التي رأت لترتيبات خاصة ربط الأمر بتوقيع اتفاق سلام نهائي..وهذه ليست مسئولية رئيس الوزراء.. تأخير تشريع القوانين الرادعة مربوط بتكوين المجلس التشريعي ، فلا يمكن ان تشرع الحكومة (كجهة تنفيذية) قوانين وفي نفس الوقت تسعى لتطبيقها.
يعني انت هنا بتقول الوثيقة القدامه دي حبر علي ورق متي ما (رأت) الحاضنة ترتيبات مختلفة. يعني الباشا دا قاعد فانيلة سااااي لا بهش لا بنش لا وجها بصر. كيف حلف قسم ينفذ والحاضنة بتغيير ليه في الايقاع وترقصه حسب ما رأت؟ يعني (أنا) كان ممكن ارقص علي نفس (الطبل) دا. الناس بتصفق وبتشكر فيه سااي علي (طيبته) دي. رئيس الوزراء لما يقبل بدور زي دا اذن هو بمثل الجهة اللي عينته ما شارع الثورة. لانه الشارع قدم ليه تلاتة مذكرات بمليونياتهم للتشريعي وهيكلة الامن والولاة. اذن ما تلومونا لما نقول الزول دا فانيلة.
Quote: سؤالي: ما هو معيارك للنجاح والفشل؟
الوثيقة القاعدة في مكتبه قالت (التشريعي بعد 90 يوم) والهيكلة للبوليس وقتية وللوليات حكام او ولاة والمفوضيات. ولما هو قبلان بالوضع دا اذن بنفذ في اجندة ما حقتنا انما حقت الحاضنة و (رؤياها) اللي بتتغير وانت بنفسك لايمها ووصفتها بالفاشلة تاريخيا ودا مقياسي للفشل والنجاح. اخيرا.. يقدم استقالته لانه ضعيف موجه وعديم رؤية (زول طيب بس). تحياتي يا استاذي كبر ومنووون بالزيارة والنقاش.
03-25-2020, 04:43 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: لمصيبة يا معتصم في حمدوك الزول دا ضعيف لم حوله شويةعواطلية عندهم طموحات وشطحات عاوزين يعملوا مصالحة مع الإسلامين وشغالين في مشروع المساومة دا
من مقابلة غازي انا بطني طمت منه. سبب واحد يضيع بيه زمنه مع اسلامي اقتلعتهم ثورة مااااافي. اللهم دا الا من باب (كوز نضيف) ههههه. ضعفه ووضاعته واضحة في الشوكة والسكين اللي شايلهم يفكفك بيهم الكيزان.
03-25-2020, 06:44 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 2733
يظن الكثير ان حمدوك يملك عصا موسي ، فالرجل ضحي بوقته ، واستقراره المهني والعائلي ، وقبل بهذه المهمة المستحيلة . " تركه " عمرها اكثر من ثلاثين عاما ، فيها مافيها ، واسؤا ماخلفته تلك الفترة السؤداء من تاريخنا ، موت الوطنية ، ووضع المصالح الشخصية اولا ، الانانية وحب النفس ، والتشكيك في الاخرين ، وضياع الثقة بشكل نهائي بين الناس . شبت اجيال في تلك الفترة ، وذهبت اخري ، تغيرت المفاهيم ، ليس للافضل " للاسف " . وانما للاسؤا ، فالعله والمشكلة ليست في حمدوك ، وانما المشكلة فينا نحن كشعب . لانتفق ابدا ، وكل منا يري نفسه افضل من الاخر ، واصابنا وسواس مزمن ، فاصبحنا نري المساؤي فقط ، ونتغاضي عن الايجابيات ، ونهضم حقوق الناس . البلد حاليا ، تغلي الحركات المسلحة من جهه ، والمكون العسكري " اللجنة الامنية " ، من جه اخري . والشعب ازدات حالته سؤء ، والوضع المعيشي اصبح نار ، وندرة في كل شئ . لكن هناك اناس يعملون ، يحاولون جاهدين اخراج البلد من هذا المازق ، والمنزلق الخطير ، في نفس الوقت ، يوجد من يضع العراقيل ، بوجههم ، بدء من " بتاع الدكان ، او البقالة " ، في رفعه للاسعار دون مبرر ، وبشكل سافر ، حتي المهاجرين في دول المهجر ، يساهمون في تردي الاوضاع ، عبر بحثهم للتحويلات المالية عن " افضل سعر " . وقس علي ذلك . دولة الكيزان الاوغاد ، مازالت موجودة ، وتعمل في الخفاء ، وتعمل بجد ، لاجهاض هذه الثورة ، بكل السبل والطرق . وباذن الله لن يتوفقون . -------- نعم توجد بعض الاخفاقات هنا او هناك ، وهذا شئ طبيعي ، فنحن بشر ( وقريبا سنقرض ) ، ولسنا مثالين ، ففينا من يخطي ، وفينا من يصيب ، الاخفاقات ، في الوزراء ، الذي لم يكونوا موفقين ، وبقدر قامة الثورة . هم من نشر هذا الشعور بالاحباط . مهددات الثورة كثيرة جدا ، لكن اذا تسارعت الاجراات ، وانشئ المجلس التشريعي ، وتم استبدال الولاة العساكر بمدنيين ، وربك هدي ناس الجبهه الثورية ، وعقار وغيره من الزعماء القبليين ، وقادة الحركات المسلحة ، وجلسوا للحوار ، وحسم كل الامور المعلقة ، يكون افضل . والا . سيحدث الاسؤا .
تحياتي ،،،
03-25-2020, 06:59 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
هاشم سلامات مافي زول منصف ممكن يحمل حمدوك مسؤلية الخراب والدمار الذي حدث خلال ال30 سنة الماضية مكن برضه من غير المقبول تطنيش خرمجة الزول دا وتردده في تحقيق أهداف الثورة و تعطيل تكملة هياكل السلطة الإنتقالية حمدوك هو الذي يحول دون قيام المجلس التشريعي وهو الرافض تعين ولاة مدنيين مكلفين حتى اكتمال عملية السلام (دون أي مبرر) يفضل أن يستمر الكيزان يحكمون الولايات تحت إشراف وحماية العساكر ومباركة حمدوك
إضافة لي الكلام الفوق دا حمدوك شغال يعين كيزان عديل في وظائف مهمة دون أن يقدم تفسير. وعندما يهيج الشارع يعفي من قام بتعينه الزول دا ملكلك شديد يا هاشم كاروري ومقلب وشربتوا الثورة المشكلة تصحيح الوضع دا مكلف وممكن ينسف الفترة الإنتقالية عشان كدا الطريقة الوحيدة هي الضغط علية واستمرار النقد والتصدي بقوة لأي مخطط يستهدف الثورة ان شاء الله يخيب ظني ويشد حيله ويبقى قدر الثورة
03-25-2020, 07:18 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
اسألك سؤال دور حمدوك فى اغلب النقاط الاشرت ليها شنو علاقة حمدوك شنو بأعلان المجلس التشريعي علاقة حمدوك شنو بى سرعة او ابطاء المحاكمات علاقة حمدوك شنو بتصفية الدولة العميقة علاقة حمدوك شنو بالشرعية الثورية البتبكى عليها دى الرجل جاء محكوم بقحت و العسكر و بيناتن وثيقة لمهام محددة ملف السلام و ليهو معالجاتو ملف الاقتصاد و ليهو تفاصيلو الدستور و قيام انتخابات بنهاية الفترة الانتقالية و بس اللغلغة و الورجغة البتمارس فيها انت و عبد العظيم و عمر التاج و الهادى و معاوية المدير و ظل الله فى الارض الكنزي ما عندى ليها تشبيه غير تبوّل الاطفال فى المرتبة الملايا بتتغسل و المرتبة بختوها فى الشمش بس انتو ساعدونا بى لباس البمبرز
03-25-2020, 07:35 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
الوثيقة الدستورية شالت كل صلاحيات رئيس الجمهورية وختتها في مجلس الوزراء وحمدوك رئيس المجلس دا ملف السلام ما مفروض يختطفه مجلس السيادة البنك المركزي تحت إشراف مجلس الوزراء بنص الوثيقة الدستورية وحمدوك طلع قال البنك المركزي تحت مجلس السيادة يا زول حمدوك ضعيف وأقل قامة من الثورة العظيمة دي ترشيحه لرئاسة الوزراء من أكبر الأخطاء التي ستدفع الثورة ثمنها
الوزارات تحافظ بنفس طواقم عمل وزراء الكيزان وزارة المالية مثال.. رئاسة مجلس الوزراء المكان الأخطر الذي أتت منه الترشيحات المشبوهة.. مانيس دا جابه حمدوك
معذور لا متابع ولا عندك معلومات.. وجاي قايم سداري حتقع بي خشمك المرة الجاية امشي ذاكر كويس وتعال
03-25-2020, 07:56 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
غايتو بلادتك فاتت الغشيم لى ورا فى موضوع بنك السودان القصة واضحة و لقاء غثمان ميرغن قاعد فى اليوتوب قانون البنك شى و صلاحيات رئيس الوزرا شى تانى البنك اتمسّك بالقانون و ليهو الف حق و حمدوك اتمسّك بالوثيقة و ليهو الف حق حمدوك بذكاء احتكم للشعب يكفى حمدوك فخر بعد اللقاء هرولة السيادي لاعلان ان البنك من مسئولية رئيس الوزرا و عين البنك ما شافت الا النور ملف السلام ليهو مفوضية خاصة به تحت اشراف و مسئولية حمدوك يخش فيها السيادي تخش فيها انت بلا فهم برضو تحت حمدوك عندك حاجة تانية ولّ ياهو حد فهمك اها نديك الفهم ال بالجد ألبس البمبرز قبل تنوم _____ سئمنا من خبائث طرحكم او كما قال الكنزي سمح !!!!!
03-25-2020, 08:08 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: حمدوك هو الذي يحول دون قيام المجلس التشريعي وهو الرافض تعين ولاة مدنيين مكلفين حتى اكتمال عملية السلام (دون أي مبرر) يفضل أن يستمر الكيزان يحكمون الولايات تحت إشراف وحماية العساكر ومباركة حمدوك
إضافة لي الكلام الفوق دا حمدوك شغال يعين كيزان عديل في وظائف مهمة دون أن يقدم تفسير. وعندما يهيج الشارع يعفي من قام بتعينه الزول دا ملكلك شديد
ما اظن حمدوك هو من يحول دون قيام المجلس التشريعي ، كذلك لا اظن انه الرافض لتعيين الولاه المدنيين .( فهناك ايادي خفيه ) . تضررت مصالحها .
كما ذكرت سابقا ، توجد عوائق كثيرة ( مفتعلة ، او من اثر تركة النظام السابق ) ، وحتي لاتغرق السفينة بمن حملت ، يقوم حمدوك ورهطة بالصبر ، والمناورة بغية كسب نقاط جديدة لصالح الثورة ، وكما ذكرت هذا الامر لايتم بين ليلة وضحاها ، ولايوجد لديه مصباح علاء الدين ليمسحه ، وينعدل الحال . في مستنقع السودان ، التحديات كثيرة ، كذلك المتربصيين . النقد مطلوب ، لكن بالحق
ليعيينك الله ياحمدوك .
تحياتي اخي عبد العظيم ، وصاحب البوست ،،
03-25-2020, 08:33 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
أبداً يا هاشم حمدوك هو المعطل تكليف الولاة المدنيين التعايشي رسل خطاب رسمي لي رئيس الوزراء بامكانية تكليف ولاة مدنيين من قبل شهر وبعد إتمام عملية السلام تمم تعديلات وفقا للاتفاق الجديد الحصل حمدوك عمل نايم.. وبعد اسبوع كباشي قال مافي ضرورة لتكليف ولاة مدنيين ويجي ان يكتمل السلام أولاً.. حمدوك لم يخرج للشعب السوداني ويوضح موقف الحكومة المركزية من تشكيل الحكومات الولائية المدنية... حمدوك ملكلك يا هاشم تفسيري لهذا الموضوع هو راضخ لضغوط الشلة التي تناصب قوى الحرية والتغيير العداء وراقد للعساكر.. الله يعوضنا في رئيس الوزراء
تحياتي
03-25-2020, 10:03 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 2733
Quote: حمدوك هو المعطل تكليف الولاة المدنيين التعايشي رسل خطاب رسمي لي رئيس الوزراء بامكانية تكليف ولاة مدنيين من قبل شهر وبعد إتمام عملية السلام تمم تعديلات وفقا للاتفاق الجديد الحصل حمدوك عمل نايم.. وبعد اسبوع كباشي قال مافي ضرورة لتكليف ولاة مدنيين ويجي ان يكتمل السلام أولاً.. حمدوك لم يخرج للشعب السوداني ويوضح موقف الحكومة المركزية من تشكيل الحكومات الولائية المدنية...
لا اشكك في معلوماتك ابدا ، لكن مثل هذه التفاصيل تحتاج مصدر مؤثوق ، ( نحن لسنا تحت رحمة شخوص امثال كباشي وغيره ، من زعماء الغفله ، التي جاءت بهم الصدفه لمواقع ليست علي مقاسهم ) . وبالتحديد هذا الكباشي ، الذي عرف عنه تغيير الوقائع بسذاجه بالغة . الحكومة المركزية بدأت بتشكيل لبناتها الاولي ياعبد العظيم ، لكن كعادتنا ، بدأنا بالتشكيك ، وابدأ الملاحظات السالبه في الاسافير ، وحقيقة هذا يسبب ربكه لاصحاب القرار ، الحكوملت الولائية ، تعمل بنفس التروس القديمة " مؤقتا " ، لحين البت في الامر ، برمته .
حمدوك ماملكلك ياصاحبي ، ملكلكين نحنا .
تحياتي لك ولصاحب البوست الكريم ،،،
03-25-2020, 01:45 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا ود البشرى حمدوك زاته في رقبته لا جا بإنتخابات ولا عنده شرعية ديمقراطية نفس الآلية التي تم بها إختيار حمدوك هي الآلية التي سوف يتم بها إختيار الولاة المدنيين... يعني وقت على رقبته واختياره شرعية ثورية.. ونفس الآلية دي زاتها الببقيها محاصصات مع الولاة شنو؟.. مافي أي صيغة يمكن أن تكون مكان إجماع الناس في ظل غياب الإنتخابات.. عشان كدا تم اعتماد نفس الشرعية الثورية دي لاختيار الولاة المدنيين..
03-25-2020, 02:33 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: عشان كدا تم اعتماد نفس الشرعية الثورية دي لاختيار الولاة المدنيين..
و الاعتمدها منو؟
شوف يا خوي, زي ما قلت قبل كدا ولأنّ, كل حزب بما لديهم فرحون و ما شايفين غيرهم يستاهل او يستحق كان خيار التكنوقراط هو الافضل و الاكثر حكمة! شنو البخلّي حزب اعضاؤه ما يملوا حافلة يحاصص في حكم الولايات! مش ياهو منطقك الرافض بيه تعيينات الوظائف العامة! كلمة شرعية ثورية دي فضفاضة و ما بتحدد معايير للاختيار انتو الاتحاديين مثلا ماشاء الله ماشين على كم طاشر حزب يحاصصوكم كيف؟ يود كل حزب نص ولاية ولا شنو؟
سيدي الامام ختّاها ليكم واضحة
03-26-2020, 02:19 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
كرهنا المشهد العسكري ودفعنا تمن اقتلاعهم ارواح واجساد مزّقها الرصاص او ابتلعها النيل. ثورة شارك فيها اي سوداني حر كره الخنوع والاحتقار وقلة ادب الكيزان مدنييهم وعسكريين. مشهد رئيس الوزراء (الثورة) في الصورة يغني عن الف سؤال.
ثقته في عسكر الانقاذ وفريق الخلا المرتزق لا تحدوها حدود.
قوي الحرية والتغيير بضاعتكم ردت عليكم.. جيبوا لينا زول قلبه حار يااخ يشبه ثورتنا.
03-26-2020, 07:09 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
صورة ابلغ من مقالات.. أعفت عن كتير. - العسكر ما زالوا يحكمون وبقوة اكتر مما سبق. - المدنية حبر علي ورق. - تشييع وزير أنسي المسؤولين مسئولياتهم والتزامهم (لو في واحد مسعول) وسطهم ح يصبحو كلهم ما مسؤولين. - رئيس وزراء (حكومة) عسكر الكيزان (يتوسطهم). - حكومات العالم وسفاراتها ووكالات انبائها (فهمو حاجة). - رقاد عديل للعسكر من رئيس الوزراء اسقط ورقة التوت. ------ فضل بس تعيين وزير الدفاع الجديد من مؤسسة الدعم السريع العسكرية. مش حضر تخريج دفعة منهم؟ مش العسكر ليهم حق اختيار وزيرهم؟ مش الجنجويد (معترف بيهم)؟ المافي شنو؟
الواقف جمبه في الصورة دا مش منيس (الكوز) وسط ناسه؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutasim Idris
Asim Ali
محمد على طه الملك
Kabar
عبدالعظيم عثمان
Hasheem Karouri
جلالدونا
محمد البشرى الخضر
فيس بوك
تويتر
انستقرام
يوتيوب
بنتيريست