حمدوك خنوهو الكيزان فى طريق الثوره بترشيحو وزير ماليه-وعارفين السودانىىي عاطفيين اكتر من عقلانيين واعتقد عارفين امكاناتو وربما يستفيدو من علاقاتى عشان يفكفك المشاكل الدوليه العملوها قبل يرجعو يسرقوها سرقه كامله
03-20-2020, 11:52 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
ترشيحاته مشبوهة تعطيل تكملة هياكل السلطة ضعيف في مواجهة الفساد ضعيف في مواجهة فلول النظام البائد تقديراته خطأ في شان تمويل موازنة 2020 تاركةالحبل علي القارب لوزير شؤون الرئاسة مانيس الزول دا ورطة الحكومة الإنتقالية يقعد ووب يمشي ووبين غايتو يحلها الشربكها
03-20-2020, 11:58 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هسي يجيكم الاطرش داك يشبكم ما قلت ليكم! و حتى ذلك الوقت كدي يا عظمة خلينا من الكلام ابو عموميات ادينا اسماء وتفاصيل و تدليل على مزاعمك كيف ترشيحاته مشبوهة منو هم المشبوهين ديل و مشبوهين بياتو معيار كيف عطل اكمال هياكل السلطة كيف ضعيف في مواجهة الفلول إلخ إلح
كل واحدة من الاتهامات الغظيمة الذكرتهن ديل لا يمكن القائها كدا و تمشي
03-20-2020, 12:11 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
حسب وجهة نظري وقرايتي المتأخرة الزول دا نهايته وزير مالية أو مستشار ولكن لا يصلح لرئاسة حكومة الثورة نهائي
غايتو صعبها علينا خالص الموقف والمسؤولية الاخلاقية تجاه التغيير لم تترك لنا مجال او مساحة للمناورة يخلوه يخرمج ومعاو المزرعجية مشكلة كبيرة لأنهم ممكن يجرعونا المصالحة المزعومة حقتهم غصبا عنا
تفكر في تغييره الخطوة فيها مخاطرة كبيرة لحد التهور
03-20-2020, 12:05 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48742
هنا عبدالعظيم عندو حق اول حاجة اتوقعتها فور تشكيل الحكومة هي اعتقال ما لا يقل عن الف كوز من الجناح الاقتصادي - الفاسدين- او الجناح السياسي للمؤتمر الوطني والتحقيق معهم فورا في قضايا اقتصادية وجنائية وتجميد ممتلكلتهم واصولهم لحين البت فيها قانونا ، للاسف لم يحدث هذا والان تقريبا فقدنا الامل في استرداد الاموال المنهوبة لاني اعتقد ان جزء كبير منها تم التصرف فيه وبعضها ربما تم غسله بطريقة او بأخرى . انا الان منتظر اعرف السبب ، سمعت تحت تحت انو حمدوك يواجه تكتل شرس وواضح ومباشر جدا من العساكر لدرجة ان برهان في احد الاجتماعات هدد بنسف الوثيقة الدستورية ، لا اعلم مدى صدق الرواية، لكن في مؤشرات بتدل على الحاجة دي. اعتقد انه على حمدوك الخروج للشعب ومصارحته بما يجري خلف الكواليس ، الدسديس ومحاولة حل المشاكل بطرق سلمية مع ناس ما بعرفو غير البندقية ، الثورة ما زالت تحمل زخمها وبامكانها حسم العسكر في الشوارع. يطلع عديل يقول لينا الحاصل واحد اتنين تلاتة .. وانا وقفت في السهلة دي ..
03-20-2020, 12:19 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
الحبيب عبدالعظيم .. تحياتي رغم أني اميل الى حمدوك .. لكني مرتاح جداً للبوست .. لا قداسة لأحد ، ولا شخص منزه هذه هي الحرية والشفاقية تقديس السياسيين هي الممارسة التي اقعدت بالوطن نموذج لبوست للرأي الحر
هكذا يتم بناء وطن معافي فوق الشخوص
شكرا الحبيب عبدالعظيم
03-20-2020, 12:43 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
كتب السيد عمر يوسف الدقير رئيس حزب المؤتمر السوداني على حسابه في الفيسبوك الآني :-
'' لا نعلم الجهة التي تحدد التعيينات في الوظائف القيادية في الخدمة المدنية ولا الكيفية، من الأوفق تكوين مفوضية الخدمة المدنية وطرح الوظائف للتنافس النزيه بين السودانين وفق معايير سليمة ومعلنة سياسة التمكين من الموبغات التي كنستها الثورة.. يجب ألا يسمح بعودتها بأي وجه كان ''
03-20-2020, 12:47 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
الموضوع ما موضوع شماتة ولا موضوع قلنا ليكم زمان كل واحد بيقرا من زاوية مختلفة حسب تجربته وخبرته وفهمه مافيها صح وخطاً ابدا ما ايدت ترشيح حمدوك ... لانه ببساطة يمثل طبقة ( هو وبقية وزراء التكنوقراط) ظلت بعيييييدة عن كل القتل والموت والدمار الحاصل في البلد تلاتين سنة بدون نسمع منهم كلمة واحدة وحتي بدون أي أي خبرات مثبتة في وظائف سياسية مماثلة وبالتالي النتيجة الحالية طبيعية ...
المشكلة مافي حمدوك ولا وزراءه المشكلة في انو الناس بما فيهم قحت ما شافت الكلام ده من الأول والمشكلة الأكبر انو لحد الان ما شيفنو جزء منها ( عزة نفس ) وجزء منها (إنكار للواقع) ...
ياخي ما ممكن نوظف زول ونجي نشتغل ليهو شغلو وزير الصحة الا نقوم القيامة عشان يفهم وزير العدل الا نطلع مليونية عشان يكون لجنة تحقيق وزير المالية لازم تدور مظاهرات عشان يوقف رفع الدعم ورئيس وزراء قدر ما قلنا مشكلتنا الأساسية في الداخل حايم 24/7 ووزير اعلام لحد ما طلعنا ليهو الشارع حتي شال مدير مدير التلفزيون رغم انو من الثورة ومن أبناء الثورة لكن علي المستوي الشخصي ضعيف ولا يصلح ابدا كوزير
اما حمدوك فلا يصلح الا سفير للنوايا الحسنة والساذجة ( بعد نجرب ونشوف )
المرحلة الجاية في الصراع مع حمدوك ووزراء حاتكون صراع بقاء اذا فهمت انا قاصد شنو حايتحول الموضوع من اثبات قدرات الي حماية شخصية للمناصب والمواقع والحاضنة الإسلامية والعسكرية جاهزة اذا ما كنت أصلا هي جزء من التخطيط جاهزة واصلا حاضنة كامل المجلس السيادي ونص الوزراء ياخي وين ثورتنا وين اموالنا المنهوبة وين محاكمات القتلة
من تقديس صنم الي تقديس صنم تاني
03-20-2020, 01:24 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
Quote: وزير المالية لازم تدور مظاهرات عشان يوقف رفع الدعم
رىفع دعم شنو الوقف . رفع الدعم شغال مويه تحت القش صفوف البنزين التجارى زيها وزى المدعوم زحمه العيش التجارى ب2 جنيه وتشيل اى كميه والصف بقى بدلو تسجيل فى لسته الخدمات القائمه غلى تجارى السلعتين ديل طبيعلى تزيد سواء مطاعم ,مواصلات ....حتى المولدات الخاصه البتدى كهربا فى الاخساء والقرى المادخلتها كهربا الحكومه وقس على ذلك هل نتوقع رفع الدعم بنافذه بيع باسم تجارى ؟؟؟
03-20-2020, 01:27 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
حمدوك الماسورة شغال رئيس حكومة كأنها حكومة تصريف أعمال يسلك العلاقات الخارجية ويعيد السودان للجمتع الدولي ويفتح الطريق للفلول والعسكر والطبقة المسيطرة والمستفبدة من السلطة وعلاقات المصالح المتشابكة حول النظام البائد... لا يتصرف وكأنه رئيس حكومة ثورة عظيمة يحتفظ ب الفلول في جهاز الدولة البرقراطي
وفي تعديل وزاري وشيك تخيلوا وزير الطاقة والتعدين على رأس قائمة الوزراء المغادرين وزير الطاقة من أنشط الوزراء وشغال كويس ورفض تنفيذ رغبات بعض الفلول والعسكر قاموا قنطروه... الوزير دا يا حمدوك يا ماسورة إختبار لقوة قرارك واختبار لمدى انبطاحك لشلة مرافيت الحزب الشيوعي وزيريهم ( جاهز) وبيسخن ومستعد يتولى حقيبة الطاقة والتعدين
النشوف أخرتا مع حمدوك الماسورة دا
03-20-2020, 01:49 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
غايتو أحد أكثر الخيارات حكمة الاتخذته الثورة هو فكرة حكومة تنفيذية غير حزبية! ختى ولو تسللت بعض الاسماء المعروف انتمائها لكن في النهاية هي تحت مظلة غير منتمين أو ملتزمين حزبيا ماهو وجه الحكمة في الموضوع دا, اهو ظاهر في الصراعات و الكواريك التي تطفو على السطح كل ما تم تعيين أو اعفاء, و فكرة عجبني للمارقوت و حزبي أو الطوفان! نعمل ليكم شنو يا اخوانا المقاعد محدودة ما في طريقة لإستيعاب كل الاحزاب و الكيانات و المسارات و الجمعيات و لجان المقاومة و صفحات الفيس بووك وكل من عمل لايك وكل من طلع لايف و كل من حرق لستك او طلع مظاهرة في مقاعد الحكومة و المناصب العامة! الناس تهجس و تعتبر القصة دي قسمة ورزق, والما لقى فرقة اسي ينتظر الانتخابات و ان شاء الله ربنا بعوّضه! تعيين فلان او علان وتجاوزك وحزبك لا يعني سرقة لثورة و فشل الحكومة و شنو ما عارف روقوا الله يهديكم كلهن تلاتة سنة عدت مهن واحدة سوّوي صبر رفيق
03-20-2020, 01:51 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
شغال يا عاصم اكيد لانو وزير ورئيس وزراء مفروض انهم اقتصاديين في المقام الأول مسكوا الحكومة لقوا نفسهم قاعدين في السهلة لا رؤية ولا برنامج ولا كاريزما بقوا يسمعوا كلام وتوجيهات فلول الحكومة السابقة وينفذوا في نفس السياسات اللي قامت ضدها الثورة الان بقي عليهو كذب ، تراجعنا من رفع الدعم ولفوا ودوروا عليها .... وعملوا تجاري وفاخر وبطيخ اللي إعادة انتاج نفس الازمة السابقة وعلي اسوأ
موضوع اقالة الوزير ده مؤشر علي الكلام ووعلي المرحلة الجاية survival
03-20-2020, 02:08 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
إنتفدنا سلبيات الإتفاق السياسي والوثيقة الدستورية , وأنتقدنا المكون المدني في مجلس السيادة الذي لم يستفيد من كونه أغلبية وترك الجمل بما حمل لحميدتي وتابعه برهان وإنتقدنا قصور مجلس الوزراء ,,,,,,,,,,,,,,, ولكن big لكن ! المتتبع للأحداث يلاحظ أن الفلول من كيزان وسلفية متكوزنة بعد فشل مواكبهم المنفردة ومسيرات الزواحف .. غيروا تكتيكاتهم وإرتدوا جلود الثوار - عبر كوادرهم الخفية وصفوفهموأصبحوا يزايدون علي الحكومة وينعون القصور الثوري وذلك تنفيذا لأجندة لاعلاقة لها بالثورة ......... * وهناك ومن داخل قوي الحرية والتغيير - من تحالف أو توادد مع حميدتي وأصبح يناديبالإنتخابات المبكرة .. * عموما وكما ذكرت في بداية حكم حمدوك سندعم الإيجابي ونرفض السلبي وإن بديل حمدوك إن ذهب يجب أن يكون أكثر حسما وحزما وثورية وإلتصاقا بنبض الشارع وأهداف الثورة ... * ولكن يجب إن ننتبه جيدا ونحن نواجه قصور الحكم الحالي وننتقده - يجب أن ننتبه لمخططات الثورة المضادة وخبث تكتيكاتهم -يجب أن نتصدي لهم وألا نسمح لهم بإستغلال حالة الإحباط لتحقيق أجندتهم - وننزع عنهم ورقة توت إدعاء الثورية والحرص علي معايش الناس وعلي الوطن - يجب التصدي لمن همه تصفية الثورة وهدم المعبد الثورة علي كل الثوار - حكاما وناقدينومحبطين ........
03-20-2020, 02:15 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
حمدوك الماسورة دا مافي زول بلومه على تركة النظام البائد ومعلوم أن الإصلاح عاوز وقت.. يعني انا فاهم وما عاوز أحمله ما لا يتحمل ولكن تقاعسه في مواجهة الفلول غير مقبول وغير مبرر شركات الكيزان تعمل تسرح وتمرح شغال تعيينات لأصحابه وأولاد دفعته ما شغال بي محاربة الفساد الشغلة مصر وعازم على رفع الدعم وتحويل حياة الناس لي جحيم معتمد على المؤسسات الدولية في تمويل الميزانية دا رهان خاسر من الاول كلموه ورفعوا ليه تصورات وقالوا ليه الموارد عندك جوة السودان خت يدك عليها عامل اضان الحامل طرشا غايتو إختيار حمدوك رئيس وزراء خطأ تاريخي لا يغتفر ولن يتصلح تجمع المهنيين مفروض تقدم اعتذار للشعب السوداني في هذه الورطة واختيار حمدوك الماسورة رئيس للوزراء
03-20-2020, 02:22 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7209
Quote: ابدا ما ايدت ترشيح حمدوك ... لانه ببساطة يمثل طبقة ( هو وبقية وزراء التكنوقراط) ظلت بعيييييدة عن كل القتل والموت والدمار الحاصل في البلد تلاتين سنة بدون نسمع منهم كلمة واحدة وحتي بدون أي أي خبرات مثبتة في وظائف سياسية مماثلة
Quote: ورئيس وزراء قدر ما قلنا مشكلتنا الأساسية في الداخل حايم 24/7
Quote: ووزير اعلام لحد ما طلعنا ليهو الشارع حتي شال مدير مدير التلفزيون
طيب نقول إتفقنا معاك في الإقتباس الأول بتاع إنو حمدوك دا زول منظمات وبيمثل طبقة كانت بعيدة عن البلد وواقعها وطبيعة مشاكلها وحجمها ونقول بالإقتباس الأول عرفنا أسباب عجز الأداء المبينة في الإقتباس التاني. مشكلة الإقتباس التالت إنو ما ممكن ملايقتو مع الإقتباس الأول لأنو وزير الإعلام دا كان دايماً قريب من مشاكل البلد بحكم عمله خلال التلاتين سنة بتاعة الإنقاذ. قصة خبرات مثبتة في وظائف سياسية مماثلة دي أنساها لأنو الوحدين العندهم خبرات في وظائف سياسية مماثلة هم الكيزان والصادق المهدي.
السؤال: ماهي المؤشرات التي تصلح للتنبؤ بمستقبل المرشح لمنصب وزاري في أداء مهام المنصب المرشح له؟
03-20-2020, 02:36 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
استأذنكم وارد على الزميل حافظ بشير المؤشرات التي تصلح للتنبوء بنجاح المرشح ختاها زمان الراحل على محمود حسنين : الكفاءة مع التاريخ النضالي والقناعة بالتغيير ومشروعه (الكلام دا لا ينطبق على حمدوك) والدليل على كلامي دا عدم وضوحه بشأن محاربة الفساد تعيناته المشبوهة لبعض فلول النظام البائد عامل فيها متصالح مع النظام البائد تركيزه الأكبر هو فتح الطريق للمؤسسات الحالية والشركات الحالية (اغلبها له علاقة بالنظام البائد) الزول الماسورة دا شغال يسلك ويعيد العلاقات مع المجتمع الدولي ويسلم البلد لي طبقة مستفيدة منهم كيزان ومنهم انتهازين ساي
الكلام دا علي حساب تفكيك التمكين وعلى حساب محاربة الفساد
الأخطر من الكلام دا كله هو التمكين الذي تقوم به الشلة حول حمدوك شغالين تسكين في الوظائف دون اعتبار لأي شرط من شروط الشفافية وفتح الفرص أمام السودانين
الثورة قامت و سقططت النظام البائد وسلمت السلطة صرة في خيط لي حمدوك الماسورة الذي قرر ان بتخلى عن قوى الحرية والتغيير استعان بي مرافيت الحزب الشيوعي وعندهم مطبخ خاص بالشلة
عشان ما يقوم به حمدوك لا علاقة لقوى الحرية والتغيير بهذه الخرمجة
حمدوك يا سادة نسج تحالف مع الفلول رفض اقالة الحكام العسكرين في الولايات بعد موافقة حركات الكفاح المسلح.. حمدوك رافض يقيل العساكر ويعين مدنيين مؤقتا حتى إتمام عملية السلام
حمدوك الماسورة ومعاو المستشار رقم صفر شغالين تواصل مع فلول الكيزان وعندهم مشروع المصالحة.. عامل نفسه مانديلا.. ما عندة رغبة في تصفية ثروة الكيزان ولا عاوز يحاسبهم ولا عاوز يغير العملة ويجبر الميزان على إعادة الأموال للبنوك
الزول دا ماسورة بي جضوم وجلحات
03-20-2020, 02:43 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
صبرنا على الزول دا صبر غير طبيعي سلحفائ بطي جدا في قراراته الشرعية الثورية لا مكان لها عنده
يا كمال عباس طفح الكيل بكرة الكيزان عندهم زحف أخضر مليون مرة قالوا ليه الكوز أنس عمر شغال تحريض وشغال يجمع في الكيزان.. الحكومة تتفرج فيه عاجزة الزول الماسورة دا بي طريقته دي شغال يمهد الطريق للإنقلاب بيضيع في الثورة بي طريقة غريبة ومريية
03-20-2020, 02:37 PM
adil amin adil amin
تاريخ التسجيل: 08-01-2002
مجموع المشاركات: 36927
https://top4top.io/ كاك كاااااك كاااااااااااااك البوست ده منطقة علميات عظموت نويدك وين لمن تجن شيخ العيير ولي الشيخ الجعلي مش قلنا ليك باري رؤية ما تباري اشخاص حمدوك شغال تبع بعاعيت مايو 1969 وعقاب لكيزان 1989 والبنك الدولي وسيرك جوبا اضل والعن منو
03-20-2020, 02:53 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: غايتو أحد أكثر الخيارات حكمة الاتخذته الثورة هو فكرة حكومة تنفيذية غير حزبية!
مع احترامي يا ود البشرى دي كانت أسوأ الخيارات .. بالواضح كدا خمونا فيها العساكر وجداد الكيزان لأنهم كانوا عارفين صعود سياسيين يعني اقتلاع جذورهم .. المحايدون لأنهم بلا غبينة لن يتشددوا .
03-20-2020, 02:54 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
يا عارف دي حكومة ثورة عندها شرعية ثورية قاعدة في الرف الزول الماسورة دا ما عاوز يستعمل الشرعية الثورية ولا عاوز يخلي الناس يستعملوها
يا زول نحن ثوار ما كيزان ما بنمشط حكومة حمدوك الماسورة دا بي قملها كله كله يا يستعدل ويتعدل ويبطل انبطاح لي الشلة ويبقى قدر الثورة وتضحيات الثورة او يقول انا ما قدر التحدي دا الموضوع دا ما فيه لعب فيه شهداء وأرواح طاهره فدت الوطن عشان التغيير مش عشان يجي الماسورة دا يمسك لينا العصاية من النص
لا يمكن نكرر تجربة الجداد الإلكتروني بتاعة الكيزان دي ثورتنا ودي حكومتنا والتغيير حقنا
الثورة أكبر من حمدوك ومن عيال المنظمات
03-20-2020, 03:09 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
بطريقتنا دي يا مولانا وكل واحد ما شايف زول بفهم غيره و يقول يا أنا و حزبي يا مدني تغرق كان لايوم الليلة ما تراضينا على اختيار حكومة ولو مرت سنين لذا فكرة اختيار غير المنتمين هي الوحيدة للممكنة لحدي ما تجي الانتخابات
03-20-2020, 03:20 PM
adil amin adil amin
تاريخ التسجيل: 08-01-2002
مجموع المشاركات: 36927
Quote: ما بنمشط حكومة حمدوك الماسورة دا بي قملها كله كله
طيب اديك موس تحلق ليها صلعة وجمكسين رايك شنو يا عظموت الرايح ليه درب https://top4top.io/
ده والله احلي بوست كل يوم يوم بيوعي واحد من الرجرجة في البورد ويجي يهضرب ارمي قدام يا عظموت قلنا ليك امسك في صبة جون قرنق بس 2005-2010 الناس ديل كيسهم فاضي قعدت تتمسخر حمدوك بتاع الساعة كم ثورتك دي دايرة تاني ثورة الثورة حامل فكري ومشروع سياسي واضح واعي به 90% من الشعب علي الاقل عليك الله تلفزيون السودان ده ولاذاعة السودانية فيها مشروع ثورة حمدوك بس الطاقم كلو مخستك ومنتظرين كمان ولاة مدنيين من نفس النوع وبرلمان مركزي مزيف من نفس النوع عقاب بعثيين وشيوعيين وناصريين وعيهم ما فايت مثلث الحمدي ربع دماغ زيك كده عاش ابو هاشم
03-20-2020, 03:21 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4144
وأنا يشهد هذا البورد أنني كنت قد دعمت حمدوك دعما مستميتا ونافحت عنه . ولكني لست متجمدا أعدل عن كل ما يثيت لي أنه ظنا فاسدا خاطئاً
Quote: محاولة الإغتيال ولا شنو يا عبد العظيم؟
إغتيال ألف حمدوك أرحم بألف مرة من إغتيال ثورة وحرمان 40 مليون نسمة من الأمل في سودان يعز فيه شعبه ويعيش حياة كريمة قاتل الله التعصب والتحزب وتقديم مصلحة الأحزاب والجماعات على مصلحة الوطن.
03-20-2020, 03:39 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
بسم الله الرحمن الرحيم الله .. الوطن .. الديمقراطية التجمع الإتحادي _______ - يا جماهير شعبنا الصامدة: ظل التجمع الإتحادي خلال جميع مراحل ثورة ديسمبر العظيمة يعمل على تقوية وحدة الصف الثوري ضمن تحالف قوى الحرية والتغيير ومع مختلف مكونات الثورة, مدركا أن الخلافات بين هذه القوى والسعي لإعلاء المصلحة الذاتية لن تكون نتيجته النهائية سوى شق الصف الوطني وتهديد المسيرة الهادفة لتحقيق الأهداف و الشعارات التي رفعتها الجماهير ودفعت ثمنها باهظا من المهج والأرواح والدماء , وتشهد جميع المواقف التي إتخذناها على صدق توجهنا ودعمنا لحكومة الإنتقال التي أنجبتها الثورة المباركة. - يا جماهير شعبنا الصابرة: ولما كان إنجاز أهداف الثورة و تحقيق المصلحة الوطنية هو المؤشر الذي يقود مواقفنا, فقد كان لزاما علينا مخاطبة القوى الثورية بكل شفافية لكشف التوجهات المهددة لمسيرة الثورة, ومن ذلك ما تبدى لنا جليا من تحركات وقرارات ومواقف ظللنا نرصدها بدقة ونتابعها عن قرب حتى تكشفت لنا خيوطها الهادفة لتحقيق تسوية يكون ثمنها إجهاض هدف الثورة الأكبر و المتمثل في تفكيك النظام البائد وإزالة دولة التمكين, وهو الهدف الذي سيكون من المستحيل دونه وضع الأساس السليم لبناء دولة المواطنة والحرية والسلام والعدالة. - يا جماهير شعبنا المثابرة: قد تأكد لدينا بصورة لا يطالها الشك أن هناك قسما داخل المكون العسكري بمجلس السيادة إلى جانب دوائر داخل السلطة التنفيذية ( مجلس الوزراء) عقدت العزم على السير في طريق مساومة مزعومة مع مختلف القوى الإسلاموية ومكونات النظام البائد تهدف لتعطيل عملية التفكيك, وذلك عبر الإستهداف المباشر لعمل لجنة إزالة التمكين ومحاربة الفساد فضلا عن توفير الحماية والملاذات الآمنة لرموز النظام البائد المطلوبة للعدالة. قد عملت الأطراف المشار إليها على إتخاذ قرارات في غاية الخطورة من وراء ظهر مؤسسات قوى الحرية والتغيير وعبر إغراء أفراد وإستخدامهم كبيادق لشق الصف الثوري, بالإضافة لصنع دائرة محدودة العدد وذات توجه سياسي معروف واعتمادها كحكومة موازية لحكومة الثورة, فضلاً عن السعي لإستقطاب بعض المكونات الثورية من أجل إضعاف قوى الحرية والتغيير وخلق تحالف جديد يشمل الموالين للنظام البائد وقوى الثورة المضادة. - يا جماهير شعبنا الباسلة:، إن التراخى المُتعمد تجاه إزالة التمكين و محاربة الفساد فتح الباب مُشرعاً أمام بقايا نظام الثلاثين من يونيو 89 لتنظم نفسها ولتضع العراقيل أمام عملية الإنتقال تارةً بضرب الإقتصاد الوطني الذي ما زالت تسيطر عليه قوى الرِدة وتارةً بتعبئة الشارع ضد حكومة الثورة (مسيرات الزحف الأخضر ؛ الفولة و موكب يوم غدٍ 21 مارس ) وقد شرعت هذه المجموعات في تنظيم نفسها أمام مرأى ومسمع السلطة الإنتقالية و أجهزة إنفاذ القانون. إن تفكيك دولة التمكين يمثل بالنسبة لنا خطاً أحمراً لن نسمح لأي فئة بالمساومة عليه والإلتفاف حوله, وسنسعى مع كافة القوى الثورية التي تشاركنا ذات الهدف لإجهاض أية توجه للتقارب مع مكونات النظام البائد, مع تأكيدنا على الإستمرار في دعم حكومة الإنتقال من أجل تحقيق شعارات الثورة حتى تعبر بلادنا هذا المنعطف التاريخي الهام.
المجد والخلود لشهداء الثورة التجمع الإتحادي 20 مارس 2020
03-20-2020, 03:56 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: غايتو أحد أكثر الخيارات حكمة الاتخذته الثورة هو فكرة حكومة تنفيذية غير حزبية!
لسة يا باشمهندس ما شايف الموضوع في المناصب السياسية يدوها لموظفين معظم انجازاتهم تنفييذ الأوامر ده ينفع في المواضيع المهنية
بالمناسبة مبروك ليكم ياخ تعييين إيهاب اوهاج اظنو مدير الطرق والجسور .... ههه امس اتصلت عليهو عشرين مرة حتي رد ... قلت ليهو من بدايتتها كدة .. قال لي انت ووالمعاك عندكم اليوم بس تاني زاتو مافي رد
03-20-2020, 05:26 PM
احمد حمودى احمد حمودى
تاريخ التسجيل: 01-11-2013
مجموع المشاركات: 4364
Quote: مشكلة الإقتباس التالت إنو ما ممكن ملايقتو مع الإقتباس الأول لأنو وزير الإعلام دا كان دايماً قريب من مشاكل البلد بحكم عمله خلال التلاتين سنة بتاعة الإنقاذ.
المعيار هو تنفيذ المطالب القامت من اجلها الثورة ... يتطلب وجود قائد ... وليس موظف
التكنوقراط في مناصب سياسية (حصرا)... مافي نتيجة مرجوة غير الشايفنها علي حسب رايي واتمني أكون غلطان اليوم وبكرة وبعد بكرة ( ودي مرحلة انتهت الان كلهم بقوا في المناصب) وبالتالي المعيار الحالي هو الاداء انا شخصيا دعمت ورشحت فيصل ... لكن في المحك اتضح انو ضعيف ولايرقي لمستوي الثورة وبطالبه بالاستقالة اليوم قبل بكرة (حتي لو السبب انو رئيس وزراءه ضعيف مؤثر عليهو) انت دعمت حمدوك ( كمثال ) ... هل في رايك مفروض تدافع عنه بالحق والباطل ونقول ياخي حواء ما ولدت غيره
تعال نسال سؤال بس في موضوع كورونا عشان ده الموقف البظهر فيهو القائد
وين وزير الاعلام من الموضوع وين وزير الصحة من الموضوع وين رئيس الوزراء من الموضوع وين مجلس السيادة يا سيادة اذا ما طلع في موضوع زي ده فايتدو شنو السيادة شوف في فيديو حايم لاسمها منو ياخي والله حاجة تمرض ... نداء موجه للشعب السوداني ولا عافة في شنو ولا عارفة المشكلة شنو ولا عارفة عايزة الناس يعملو شنو ... بس الحقونا
ياخي ترامب ده كلو يوم عنده بيان
ولو عايز الحقيقة جد أداء كل الوزارات مرتبط بأداء حمدوك المفتقد لصفة القائد ... مجرد موظف لا رؤية ولا هدف ولا كاريزما وبالتالي البقية حتي لو جيدين في ظله حايكونوا باهتين زيو
03-20-2020, 03:45 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
يا حمدوك دي ثورة وفيها شهداء ودماء انت قادر تفهم الكلام دا؟ يا تستعدل وتبقى قدر معركة التغيير وضرب الفساد وإزالة التمكين او امشي ارجع مكان ما جيت وشيل معاك باقي عيال المنظمات صبرنا لغاية ما روحنا مرقت
03-20-2020, 03:50 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
هوي يا حمدوك انت شكلك ما عارف الثورة دي العملها منو اوعى تكون فاكر الشلة بتاعة المزرعة عملت الثورة دي شلتك دي عودها في الثورة دي عود ني ما عندهم قدرة على مواجهة الكيزان راجع حساباتك وراجع أهداف الثورة
الثورة دي ثورة عظيمة شباب زي الورد ارتقوا شهداء عشان مشروع التغيير وإزالة التمكين وتصفية دولة الكيزان شفت دا هدف لا نحبد عنه ولن نتراجع عنه وليس مكان للمساومة
03-20-2020, 03:54 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
إذا في حاجة انا حأكون ندمان عليها هي دعمي لحمدوك لرئاسة الوزراء.. إنا دعمته بعد أن تم التوافق عليه لكن ندمنا على اليوم الفكرنا نقبل ترشيحه غايتو غلط صعب يتعالج
زول أقل قامة من الثورة وتضحياتها شخصيا ما عندي معاو اي مشكلة شكله زول مهذب بس ما بنفع معانا وما عنده قدرة يحقق لينا أهداف الثورة
03-20-2020, 04:19 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
الاتحادي المعارض عندهم كم وظيفة لي هسه عشان نجدد مدى موسرة حمدوك للآن شايف ناس الامة وشباب الانصار رايقين الايام دي بعد دهنو سيروهم... باقي الزملاء والرفاق وفق ليس بالإمكان احسن مما كان ..
03-20-2020, 05:13 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
أهااااا قمنا للغلاط, الاجماع الوطني مكوّن من مكوّنات قوى الحرية و التغيير, محمد عصمت اتحادي و قيادي في التجمع الاتحادي المعارض الطلع البيان دا زاتو شكلو ما نوّروك كويس يا عظمة في ناس بنك السودان, ما مشكلة عندك تعيين وكلاء الطاقة و الكهرباء و قصي همرور ممكن تمسك فيهم
03-20-2020, 05:26 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الموضوع في المناصب السياسية يدوها لموظفين معظم انجازاتهم تنفييذ الأوامر ده ينفع في المواضيع المهنية
هي لكن يا دفعة يجيبوا ليكم مناصب سياسية تكفيكم كلكم من وين حبايبي هههههه اذا تعيين الموظفين دا شايف الانتقادات كيف تخيّل تعيين حزبيين! من اول سوم الحرابة كانت دوّرت!
في قروب المهندسين شايف الاحتجاجات مدورة في موضوع الطرق و كونها سياسيا من زمان محجوزة للشرق, ما عندي فكرة فا ما علّقت
03-20-2020, 05:29 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
ود البشرى محمد عصمت ما عنده علاقة بكتلة التجمع الاتحادي المعارض الموقعة على إعلان الحرية والتغيير حزب محمد عصمت جوة الحرية والتغيير تحت كتلة الإجماع الوطني (وقعت ليك)
03-20-2020, 05:34 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
الاستاذ عبدالعظيم وضيوفه سلامات.. سألنا لمصلحة منو حمدوك شغال من زماان.. لم يعمل لصالح الثورة او تنفيذ مطالب الشارع والثوار.. يسالم ويطايب بس. وقّف زحف الثورة وسمح للعسكر بالمرور وللكيزان بالتمدد بغض الطرف (دراية) او عدمها.. المهم حاصل. يمتلك صلاحيات رئيس جمهورية بالوثيقة الضعيفة دي زاتها ولم يستفيد منها الا في (الطيارة) سفر وسياحة. قبلان يعمل في عدم وجود مجلس تشريعي (ما) بالوثيقة. لم يفكفك الكيزان بالوثيقة..(شغال بالشوكة والسكين). لم يهيكل الشرطة بالوثيقة.. وبتفرج فيها لسة تقمع فينا. لم يعين او يختار نوع حكم للاقاليم بالوثيقة.. لم يكمل المفوضيات بالوثيقة.. شايف وزراءه لا شغل لا مشغلة حايمين ويصرحوا في شغل غير وزاراتهم (لايفات) و (لافين سااي). بالعربي ما اشتغل بالوثيقة وبقي شغال لجهة.. ما عاد ينفع السكوت والثمن اللي اندفع في الثورة دي كبييييييير وغالي. اللي عاوز يقول تخوين يقول. حمدوك مقلب كبير.. للثورة شوط ثاني ودا شوط المدربين. الله يفكنا من كرونا. التاريخ لن يرحم.
03-20-2020, 05:55 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
معتصم ادريس الزول الماسورة دا طلع روحنا وكمل صبرنا بنص الوثيقة الدستورية البنك المركزي تحت إشراف الجهاز التنفيذي في لقاء عثمان ميرغني قال البنك المركزي ما عندي في لقاء الجالية السودانية في الرياض قال ما ادوني برنامج والبرنامج عنده لقاء البرهان ونتنياهو تمت مشاورته وعارف كل شئ انكر وقال ما عندي علم
الزول دا تعبان ومنتهي.... غايتو تجمع المهنيين ورطنا فيه ورطه كبيرة
امس عين محافظ جديد لبنك السودان كان شغال نائب محافظ تحت صابر حتى 2006.. وعين نائب المحافظ صاحبه ودفعته ولا خجلان... الثورة ما قامت عشان يقعد يخرمج ويتردد رئيس الوزراء في مواجهة الفساد
بلغ السيل الزبى
03-20-2020, 06:17 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
فعلا اعتذر انا لخبطت و كلامك صاح محمد عصمت تبع الاتحادي الموحّد!! زاتكم كتّرتوا الاحزاب "الاتحادية" يا للمفارقة لكن دا ما الموضوع انت تقول ان المحافظ الجديد ونائبه كيزان في حين يشيد بهما قيادي و في نفس الوقت احد الاداريين ببنك السودان مما يعني معرفته الشخصية بهما تفتكر لو كانوا كيزان كما تدّعي هل تغيب الحقيقة دي عن محمد عصمت؟ ولّا يكون برضو طلّعته كوز كمان؟
03-20-2020, 06:27 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
ياعبد العظيم ماهي الفصائل التي المنضوية تحت التجمع الإتحادي؟ ماهي التيارات الإتحادية المنضوية الإتحادي وفي نفس الوقت تحتفظ بعضويتها داخل نداء السودان أو قوي الإجماع ؟ - هل الفصيل الذي يضم في عضوية محمد عصمت خارج التجمع الإتحادي؟
03-20-2020, 07:15 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
مشروع التجمع الاتحادي المعارض قام على إسقاط النظام كهدف استراتيجي للتجمع في يناير 2018 الفصائل المؤسسة هي : الاتحادي الديمقراطي العهد التاني الوطني الاتحادي الموحد الوطني الاتحادي الاتحادي الموحد (عصمت) الحركة الاتحادية الاتحادين الاحرار التيار الحر اتحادين معارضين لنظام الإنقاذ وغير منضوين لهذه الفصائل
الاتحادي الوحد بتاع ناس عصمت جزء من تحالف الإجماع الوطني قبل تأسيس التجمع الاتحادي
03-20-2020, 06:57 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: ما بنمشط حكومة حمدوك الماسورة دا بي قملها كله كله يا يستعدل ويتعدل ويبطل انبطاح لي الشلة ويبقى قدر الثورة وتضحيات الثورة او يقول انا ما قدر التحدي دا الموضوع دا ما فيه لعب فيه شهداء وأرواح طاهره فدت الوطن عشان التغيير مش عشان يجي الماسورة دا يمسك لينا العصاية من النص لا يمكن نكرر تجربة الجداد الإلكتروني بتاعة الكيزان دي ثورتنا ودي حكومتنا والتغيير حقنا الثورة أكبر من حمدوك ومن عيال المنظمات
تحياتي عظيم ... أظن ختيت أصبعك علي بيت الداء ... الشلة وعيال المنظمات الدولية والامريكية ديل داخلين بي أجندة حزبية واستخباراتية تفوق فهم من يعرفهم جيدا ... لازالت سياسة الكيزان في محاربة تصدير المنتجات السودانية وإحالة ريعها من حصيلة الصادر لبنك السودان متواصلة وآخر قرارات حكومة حمدوك بمنع دخول البرادات القادمة من الخليج والسعودية يخدم تنفير ومنع المصدرين من تصدير المنتجات الزراعية المطلوبة ومرغوبة في الخليج والسعودية ... ولازال عايد حصيلة صادر الذهب ضالي الطريق الي خزينة بنك السودان بعلم المجلس السيادي ومجلس الوزراء ... ولازالت مشكلة الوقود ماثلة في ظل تدفق خام السودان (٧٠ الف) برميل وخام جنوب السودان (٢٠٠ ألف برميل) الي مصفاة الخرطوم او موانيء التصدير في بشاير ... وفي ظل عدم الشفافية في هل تعمل مصفاة الخرطوم؟ أين يذهب هذا الخام؟ ولماذا كل هذه الصفوف من العربات والشاحنات التي تسد الطرق في أهم المدن في السودان الخرطوم وبورتسودان؟ حكومة حمدوك مبرمجة علي تمويل الميزانية بموارد تأتي من الخارج ومعلوم عدم إمكانية تلقي بنك السودان اي تحاويل من الخارج في ظل الحظر الأمريكي ويعلم القاصي والداني أن الحكومة في يديها الكثير من البدايل والسؤال هو لماذا لا تريد استخدامها ؟
03-20-2020, 07:06 PM
Hassan Farah Hassan Farah
تاريخ التسجيل: 08-29-2016
مجموع المشاركات: 9093
عتقد انه على حمدوك الخروج للشعب ومصارحته بما يجري خلف الكواليس ، الدسديس ومحاولة حل المشاكل بطرق سلمية مع ناس ما بعرفو غير البندقية ، الثورة ما زالت تحمل زخمها وبامكانها حسم العسكر في الشوارع. يطلع عديل يقول لينا الحاصل واحد اتنين تلاتة .. وانا وقفت في السهلة دي .. ------------------------------------------------------------------------------------- دا المطلوب من حمدوك...... التستر على ضغوطات العسكر مشاركة فى جريمتهم اطلع يا حمدوك وواجه الناس بالحقائق شكرا الاخ عبدالله ادريس
03-20-2020, 07:43 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
كمال عباس الاتحادي الموحد كان عضو في السكرتارية التأسيسية ورفض فكرة الاندماج بين الفصائل قبل الثورة وفضل التنسيق بين الفصائل بعد نجاح الثورة واندماج الفصائل الخمسة المشكلة للتجمع الاتحادي المعارض رجعوا قالوا نعيد التأسيس ونبدأ من جديد الكلام دا بعد توقيع التجمع الاتحادي على ميثاق الحرية والتغيير
فحزب محمد عصمت لا علاقة له بكتلة التجمع الاتحادي الموقع على إعلان الحرية والتغيير ولكنه عضو في كتلة الإجماع الوطني (النقطة عاملة ربكة لبعض الناس)
03-20-2020, 08:25 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
شكراً اخوى عبدالله ادريس فقد وضعت يدك على الجُرح على رئيس وزرائنا د.عبدالله حمدوك الخروج فى مؤتمر صحفي حالاً ومواجهة الشعب السودانى بالحقائق المجردة واذا كان هناك اى معيقات داخلية تمنعه من مواصلة المسير . اى تأخير من هذا المؤتمر ليس فى صالحك يا حمدوك .
Quote: انا الان منتظر اعرف السبب ، سمعت تحت تحت انو حمدوك يواجه تكتل شرس وواضح ومباشر جدا من العساكر لدرجة ان برهان في احد الاجتماعات هدد بنسف الوثيقة الدستورية ، لا اعلم مدى صدق الرواية، لكن في مؤشرات بتدل على الحاجة دي. اعتقد انه على حمدوك الخروج للشعب ومصارحته بما يجري خلف الكواليس ، الدسديس ومحاولة حل المشاكل بطرق سلمية مع ناس ما بعرفو غير البندقية ، الثورة ما زالت تحمل زخمها وبامكانها حسم العسكر في الشوارع. يطلع عديل يقول لينا الحاصل واحد اتنين تلاتة .. وانا وقفت في السهلة دي ..
03-20-2020, 08:44 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
الاحباب الكرام قبل قليل كنت أقرا في موقع الاخبار السودانية مقال له علاقة بالموضوع ========================
بيان خطير يكشف عزم دوائر داخل (العسكري والوزراء) على تشكيل حكومة موازية تشمل إسلاميين
كشف التجمع الإتحادي عن وجود قسم داخل المكون العسكري بمجلس السيادة ودوائر بمجلس الوزراء عقدت العزم على السير في طريق مساومة مع مختلف القوى الإسلامية لتشكيل حكومة موازية لحكومة لحكومة الثورة تهدف لتعطيل عملية التفكيك. وقال البيان الذي تحصلت (الانتباهة أون لاين) على نسخة منه: (قد تأكد لدينا بصورة لا يطالها الشك أن هناك قسماً داخل المكون العسكري بمجلس السيادة إلى جانب دوائر داخل السلطة التنفيذية (مجلس الوزراء) عقدت العزم على السير في طريق مساومة مزعومة مع مختلف القوى الإسلاموية ومكونات النظام البائد تهدف لتعطيل عملية التفكيك، وذلك عبر الإستهداف المباشر لعمل لجنة إزالة التمكين ومحاربة الفساد فضلاً عن توفير الحماية والملاذات الآمنة لرموز النظام البائد المطلوبة للعدالة). وأضاف البيان: (قد عملت الأطراف المشار إليها على إتخاذ قرارات في غاية الخطورة من وراء ظهر مؤسسات قوى الحرية والتغيير وعبر إغراء أفراد وإستخدامهم كبيادق لشق الصف الثوري، بالإضافة لصنع دائرة محدودة العدد وذات توجه سياسي معروف واعتمادها كحكومة موازية لحكومة الثورة، فضلاً عن السعي لإستقطاب بعض المكونات الثورية من أجل إضعاف قوى الحرية والتغيير وخلق تحالف جديد يشمل الموالين للنظام البائد وقوى الثورة المضادة).
وقال بيان التجمهع الاتحادي: (إن التراخى المُتعمد تجاه إزالة التمكين و محاربة الفساد فتح الباب مُشرعاً أمام بقايا نظام الثلاثين من يونيو 89 لتنظم نفسها ولتضع العراقيل أمام عملية الإنتقال تارةً بضرب الإقتصاد الوطني الذي ما زالت تسيطر عليه قوى الرِدة وتارةً بتعبئة الشارع ضد حكومة الثورة (مسيرات الزحف الأخضر ؛ الفولة و موكب يوم غدٍ 21 مارس ) وقد شرعت هذه المجموعات في تنظيم نفسها أمام مرأى ومسمع السلطة الإنتقالية و أجهزة إنفاذ القانون). وأضاف البيان: (إن تفكيك دولة التمكين يمثل بالنسبة لنا خطاً أحمراً لن نسمح لأي فئة بالمساومة عليه والإلتفاف حوله, وسنسعى مع كافة القوى الثورية التي تشاركنا ذات الهدف لإجهاض أية توجه للتقارب مع مكونات النظام البائد, مع تأكيدنا على الإستمرار في دعم حكومة الإنتقال من أجل تحقيق شعارات الثورة حتى تعبر بلادنا هذا المنعطف التاريخي الهام).
يمكنك ايضا قراءة الخبر في المصدر من موقع صحيفة الانتباهة
03-20-2020, 08:53 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: حسب صحيفة السوداني الدولية : حميدتى التقى ب صلاح قوش فى مبنى المخابرات العامة فى القاهرة صلاح قوش يشترط للخروج من المشهد السياسى السودانى : - الغاء مطالبات الانتربول الدولى بالقبض عليه . - حقه فى انه احد صناع ثورة التغيير الصحيفة تقول خلال الايام القادمة سيتم الترويج لصلاج قوش انه احد صناع ثورة التغيير .. .
السودان الان #أهم شرطين وضعهما صلاح (قوش) أمام المسؤول الرفيع للخروج من المشهد السياسي : _ طبعاُ المسئول الرفيع هو حميدتى اثناء زيارته الاخيرة لمصر حيث انه التقى ب صلاح قوش فى مبنى المخابرات المصرية فى القاهرة .
03-20-2020, 09:50 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: لسة يا باشمهندس ما شايف الموضوع في المناصب السياسية يدوها لموظفين معظم انجازاتهم تنفييذ الأوامر ده ينفع في المواضيع المهنية
رغم أنه مؤكد كلامي لم يكن له تأثير إلا أني أسأل الله أن يغفر لي معارضتي لاختيارك لعمر الدقير يا جعفر فمهما كان كان سيكون أفضل بعشرات المرات من هذا الحمدوك خُدعنا فيه والله وضللنا ضلالا بعيدا
03-20-2020, 10:35 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4144
Quote: هو صلاح قوش يعني أصلا داخل المشهد عشان يخت شروط للطلوع
والله يا جعفر هو داخل دخلة في المشهد لمن طالع بي غادي الزول دا لو ما عملو معاهو تسوية الأمور ما بتنعدل وما سنكسبه من الرجل عشرات أضعاف ما سنخسره الرجل لا زال جهاز مخابراته يعمل ليس كموظفين يتلقون رواتب بل كمجندين كيزان في الميديا وربما يتلقون مقابل مادي من جهاز الأمن السابق أو من شركات مملوكة للكيزان الشغلانة مشربكة وبدون كسب قوش لجانب الثورة سيستمر جهاز أمن قوش في وضع العراقل الضخمة أمام الثورة التي وضعها ولا زال يضعها وترقبوا إعصام في شهر رمضان قوش يلعب بكرت فض اعتصام القيادة وتهييج زوي القتلى
03-20-2020, 10:39 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4144
تحياتي حمدوك يتحمل جزء من المسئولية لكن في رايي قوى الحرية والتغيير تتحمل الجزء الأكبر بعدم الوضوح في اختيار عضوية اللجان المختلفة بعد الثورة، وكمثال على ذلك خوازيق الوثيقة الدستورية في الأساس كان بسبب عضوية اللجنة وعدم مشاورة السادة القانونيين المختصين بصياغة الدساتير في السودان حسبما رشح في وقتها فيما يختص بالأخطاء الواردة في الوثيقة وكنت سألتك يا أستاذ عبد العظيم في بوست سابق عن عضوية لجنة الاختيار للمناصب السياسية والتنفيذية لأنو ناس الحرية والتغيير لغاية الان ما واضحين في امر الاختيار صلاح قوش ذكي وقوي لكن وجودو في صفوف الثورة حيزيد من الصراعات في قوى الةورة وفي داخل المجلس السيادي وممكن يهدد الاستقرار الظاهري للحكومة الحالية
03-21-2020, 00:28 AM
Elhadi Elhadi
تاريخ التسجيل: 01-06-2003
مجموع المشاركات: 9588
عندما رفضنا توقيع الوثيقة واصدرنا بيان بالاحتفال بثورة اكتوبر علي ان يكون مسيرة جماهيرية الي مجلس الوزراء باستكمال متطلبات الثورة ما اتفق حوله اعلان الحرية والتغيير وصفتونا بالثورة المضادة ولافرق بيننا وبين الانقاذ وبل عندما نزفت الدموع ايام توقيع الوثيقة التي تنتقد الان وصفتونا بالحقد وقلتوا هزمونا اربعة صفر وقلنا لكم نفرح وننزف الدموع عندما يتم القصاص للشهداء واستكمال برنامج قحت , الما مقتنع انو الثورة اجهضت فليتحسس وطنية
تعال يا بريمة نتونس في البوست التحفة عندي تار كبير مع عبدالعظيم ده بس يشد لي السلك انشر ليه غسيلو القذر هنا قال يتكلم عن المشاط = ادوات جقود في البورد دن ملكية فكرية ما عايز يمشط الحكومة بي قملا قلنا ليك حمدوك بمشط في الانقاذ ذاتا بي قملا https://top4top.io/ هل المشكلة في حمدوك ولي قح ت بوتيكات مايو 1969 والجبهة الثورية ودبابين العدل والمساواة والمتسكع الفاشل ياسر عرمان والكل يهرول لي مصر ويتسكع بين الامارات وقطر والاتحاد الاوربي وامريكا البنك الدولي = ناس الكرورنا قح ت لمة بلا مشروع للنخبة السودانية وادمان الفشل من ادو الشباب المغيب علم مايو ودوهم القيادة العامة وليس المحكمة الدستورية ومن جدعو رؤية الحركة الشعبية المحترمة ودستور 2005ومرقو بعاعيت مايو صديق يوسف وساطع والسنهوري عرفت الثورة دي بي الشنقيطي فلان وعلان والولولة والبكا والزغاريد والجنازة كلب ومرت سنة ووقف حمار الشيخ في العقبة هسة منتظر عبدالعظيم ده يجن واوديه الشيخ الجعلي او شيخ العيير
03-21-2020, 04:35 AM
adil amin adil amin
تاريخ التسجيل: 08-01-2002
مجموع المشاركات: 36927
يا عبد العظيم كبر دماغك واطلع من القطيع بتاع رجرجة البورد بتشوف كويس هل الجمل يقود الولد ده ظنون انطون الشباب في ثورة تسقط بس وشيخو الترابي بتاع النظام الخالف والانقاذ 3
https://top4top.io/
هل الولد يقود الجمل ده ظنون يتكلم وحمدوك يسمع https://top4top.io/
الناس ديل ما طلعو من متاهة الترابي المقبور الجهنمية ولا يمكن ابدا ان تصنع من موية الفسيخ شربات غي نفس هياكل الانقاذ المجرمة من 1989-2020 نظام وظيفي مصمم لتدمير السودان ونهب الموارد وتحت قرود السيرك الخمسة في المنطقة والبنك الدولي والاتحاد الاوربي وامريكا =ناس الكرونة القطع حمدوك نعلاتو في الجري ليهم وهم هسة في محنة الكرونة الثورة في السودان مهدية بتجي من الاقاليم وتغير المركز المشوه ده الي الابد وتؤسس مركز جديد في كوستي انت البديل ليه تباري الناس وفلان وعلان هم لا احسن ولا اذكي ولا انظف منك البرنامج الوطنية السودانية النظيفة موجودة انت ضع اطار الدولة الصحيح في دماغك بعدين قارنو بي الموجود شوف القاعدة دي اي زول يهرول لي الامارات او قطر من زمن عبدالعزيز خالد التجاني والسيسي وحمدوك وياسر عرمان وجبريل ابراهيمخ ..ارمي طوبتو طوالي وبرنامجو كمان حكومة المركز فشلت عايزين يختو لينا ولاة فاشلين في راسنا ليه في الاقاليم من الاساس وبرلمان تحفة كله معيين ليه؟؟؟ الديمقراطية والفدرالية والانتخابات والمحكمة الدستورية مالا؟؟؟؟ شغل دماغك ياخ
03-21-2020, 04:39 AM
عمر نملة عمر نملة
تاريخ التسجيل: 11-08-2009
مجموع المشاركات: 2550
انت يا هادي لما اتهموك كوز في بوست الكرتة جيت دافعت عن شخصك لأنهم سابو الكرتة واندرعو فيك.. دحين يا صاحب الكرتة اول حاجة أدين عبد العظيم الضعيف من غير جضوم وشعرو مسبسب بدون جلحات قول ليه ابعد من شخصنة حمدوك.. اسا انا اعمل شنو امشي في بوستك اخم الكرتة وازيدك كوزنة.. غايتو اصلو تاني ما ادافع عن شخص قبل ما افلفل مداخلاتة واشوفو مشرب غيرو من نفس الكاس يا عبد العظيم نسفت فكرة البوست بتجنيك على شخص حمدوك
03-21-2020, 06:36 AM
adil amin adil amin
تاريخ التسجيل: 08-01-2002
مجموع المشاركات: 36927
Quote: الله يعوض الناس حمدوك ماسورة بي red]جضوم وجلح
الجماعة حكامات حمدوك يا عبدالعظيم خلو الموضوع الزعلك ومسكو في الجضوم وده غزل رفيع طبعا وحاجة كويسة تقول لي زول اب جضوم في السودان وخلو الماسورة دي تخصص الكنزي بس اوعك تقول عجل له خوار وتحصل معاوية المدير الرجرجة قوم اذا اجتمعو ضرو واذا تفرقو لم يسمع بهم احد اصبر يا عبدالعظيم ق ح ت دي حتنهار قريب وتفكك البوتيكات سوق ليبيا قريب واعتذر لي الماسورة بالله ومن المواسير ما يتفجر منه الماء
03-21-2020, 07:52 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
للذين استفزهم العنوان ولم يستفزهم ما يفعله حمدوك الماسورة :المقلب أشهر ماسورة كان وارغو محترف المريخ الذي سجله جمال الوالي وكان مقلب شربه المريخ حمدوك هنا برضه مقلب كبير وصفه ب الماسورة القصد منه المقلب الجضوم والجلحات هنا لأنسنة هذه الماسورة وانه زول عنده جضوم وجلحات وبيلبس بدلة هذا تفسير العنوان
بعدين انا غسلت يدي من زولكم دا لا شكرا حمدوك ولا شئ انت أكبر مقالب هذه الثورة واكبر إنتكاساتها.. الكلام لا شخصي ولا شئ هو توجيه نقد مباشر لرئيس الوزراء وليس لشخص حمدوك
03-21-2020, 09:26 AM
adil amin adil amin
تاريخ التسجيل: 08-01-2002
مجموع المشاركات: 36927
Quote: لذين استفزهم العنوان ولم يستفزهم ما يفعله حمدوك الماسورة :المقلب أشهر ماسورة كان وارغو محترف المريخ الذي سجله جمال الوالي وكان مقلب شربه المريخ حمدوك هنا برضه مقلب كبير وصفه ب الماسورة القصد منه المقلب الجضوم والجلحات هنا لأنسنة هذه الماسورة وانه زول عنده جضوم وجلحات وبيلبس بدلة هذا تفسير العنوان
المشكلة في ق ح ت نفسها كمان لمة بلا مشروع وانت يا عبدالعظيم زول كويس ورغم التراهات البينا الا انك زول كويس وانا ما زعلت منك ابدا لمن كنت بتهضرب في بورد2019 وانت الان بتستخدم وعيك الخاص في تقييم الامور ودي الحرية المهمة في هذه المرحلة تقيم بما تشوف طوالي ق ح ت الفاشلة الانتهازية قعدت مع العساكر من الاول قبل ينظفو ليها المكان لانهم ازرقية مناصب وحمدوك قال ناس ق ح ت ما ادوني برنامج من الاول ودي القصة محاصصة وانتهازية والرشيد سوي البدع شللية غبية انت الموجوع علي الشهداء بتاعين 2019 الانقاذ دي اسوا من الكرونة من 1989 -2020 قتلت ملاييين السودانيين وجدعت المحكمة الدستورية وجابت التيس المستعار ق ح ت عشان تمشي بيهم الانقاذ ثلاثة الثورة ثورة وعي وبصيرة وانت وغيرك وكل السودانيين يكونو جزء من الحل ويكون في مؤسسات وهيكلة جديدة تركيبة الانقاذ ذى تركيبة فيروس كورونا لا يمكن بشكلها ده تكون مفيدة حتكون مضرة طوالي طال ما شكل العر,ص خرتوم= 18 ولاية مفروض يكون المركز الجديد ذى البرازيل كوستي = الاقاليم الخمسة وفتك بي العافية بعد ده انت سيد نفسك مين اسيادك
03-21-2020, 09:38 AM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
انا بعتقد الخطأ الاساسي و الورطة الحقيقية كانت الوثيقة الدستورية وهنا تتحمل قوى الحرية هذا الخلل.
ما ممكن تجيب ليك زول كرئيس وزراء وهو مقيّد و مكتّف بوثيقة ظاهرها الثورة و باطنها الردة. و ايضا الصراعات الحزبية داخل قوى الحرية و التغيير اضعفتها ك حاضنة.
مريم الصادق استقالت من الآلية الاقتصادية
Quote: دفعت مقرر الآلية الاقتصادية العليا نائب رئيس حزب الأمة مريم الصادق المهدي باستقالة مسببة من الآلية وعزت ذلك لغياب المنهج في دولاب عمل الدولة , و غياب روح الفريق، و ضعف القدرة على القرارات.
نص الاستقالة
بسم الله الرحمن الرحيم
حول الآلية الاقتصادية العليا الموؤدة
في الاجتماع الثلاثي الذي انعقد عصر الخميس 5 مارس 2020 بدعوة من مجلس الوزراء و ضم المجلس السيادي و مجلس قوى الحرية و التغيير.
بعد الاستماع لتقديم رئيس مجلس السيادة لأجندة الاجتماع الثلاثي الثلاثة، نوقش البند الأول من الأجندة و هو الخاص بالأزمة المعيشية الطاحنة الراهن.
ابتدر الحديث رئيس مجلس الوزراء د. عبد الله حمدوك أنهم في مجلس الوزراء بحثوا الأزمة في اجتماع امتد لساعات أربع و خرجوا برؤية يطرحها وزير المالية،
والذي طرحها بواسطة الباور بوينت و كانت موزعة على الحضور كتابة في ملف انيق.
بعد الاستماع لرؤية الحكومة قدمت قوى الحرية و التغيير رؤيتها في حل الأزمة المعيشية و التي كانت قد ناقشتها في اجتماع مطول في اليوم السابق و هي:
1. إنشاء غرفة أزمة ثلاثية من الأطراف الثلاثة ( السيادي – الوزراء – الحرية ).
2. إنشاء صندوق تابع للمالية تؤول إليه الممتلكات المصادرة بواسطة لجنة التمكين لتخصص لتمويل توفير السلع الإستراتيجية.
3. تمليك سين للغلال لوزارة التجارة ووضع اليد عليها بالكامل.
4. توفير دعم عاجل لتمويل حصاد القمح في الجزيرة
5. مراجعة سياسات الذهب وفك احتكاره.
6. وضع الدولة يدها على الشركات الامنية والرمادية.
7. تصحيح الموقف السياسي تجاه السعودية والإمارات ومتابعة متبقي الدعم المرصود.
8. ابتدار حملة شعبية لدعم الموازنة العامة.
9. إنشاء آلية من الشرطة لرقابة وصول السلع الإستراتيجية لمستحقيها مع عمل إصلاحات عاجلة في الشرطة تمكنها من هذا الدور.
10. فتح أسواق بيع مخفض ثابتة ومتنقلة تساعد في تخفيف الضائقة المعيشية.
11. تعيين محافظ جديد لبنك السودان ومدراء جدد للمصارف الحكومية.
12. البدء فوراً في إجراءات تبديل العملة.
13. الإسراع بإكمال هياكل السلطة المدنية.
14. حل مشكلة إجراءات ميناء بور سودان.
15. مراجعة سياسات الصادر.
بعد نقاش مطول تكونت تلك الآلية برئاسة نائب رئيس مجلس السيادة و تحددت مهامها العاجلة لحين انعقاد المؤتمر الاقتصادي المقرر في 29 مارس 2020. و
ضمت الآلية في عضويتها كل من: ا. محمد الفكي الناطق الرسمي باسم مجلس السيادة، رئيس الوزراء و وزراء القطاع الاقتصادي بمجلس الوزراء إضافة لوكيلة
وزارة العدل و وزير الداخلية و مدير جهاز المخابرات الوطني، و تمثيل 7 لقوى الحرية و التغيير 5 منهم من المجلس القيادي المركزي و 2 من لجنة الخبراء الاقتصادية.
اجتمعت اللجنة اجتماعا مطولا مباشرة بعد نهاية الاجتماع الثلاثي المذكور بغالبية عضويتها، بحثت فيه الأزمة الراهنة بمسئولية و شفافية وبدأت في وضع
الحلول العاجلة. حتى الآن لم تصدر اللجنة اي بيان عنها او تصريح رسمي باسمها. و تم تسريب لمحضر غير رسمي للاجتماع الثلاثي نشر على نطاق واسع.
ما حدا بي للكتابة هو ردود الأفعال التي وجدها هذا التسريب، سوءا من الرأي العام السوداني او من الآلية نفسها:
⁃ الحاضنة السياسية ممثلة في المجلس المركزي تقرر قرار بصورة جماعية شفافة في اجتماع رسمي -الروشتة المقدمة من قحت أعلاه – ثم يبدأ أفراد منها
في الهجوم على القرار الجماعي الذي شاركوا هم أنفسهم او ممثلي مكوناتهم فيه.
⁃ التردد بشأن الشراكة الثلاثية و دور المكون العسكري فيه، خاصة دور الدعم السريع ما زال الأساس الذي يحكم هذه الشراكة.
⁃ التردد هذا فيما يخص الشراكة. و العقلية المعارضة في العمل السياسي التي تتسيد طريقة تفكير قيادات قحت هما عوامل ذاتية اشد مضاءً و تأثيرا في
التسبب في البطء في اتخاذ القرارات و في تنفيذها بأكثر مما يؤثر به وجود الدولة العميقة أو مؤامرات داخلية أو خارجية.
⁃ حالة التردد و الوجل من اتخاذ قرار و السعي لتحسين الصورة أمام إعلام رقمي قوي و مؤثر عبر المواقع الاجتماعية؛ جعل أقوى مؤثر في صنع القرار
السياسي مجموعات الإعلام الرقمي سواء كانوا إفرادا أو مجموعات.
⁃ لذلك فإن غياب منهجية واضحة للعمل في دولاب الدولة؛ و غياب روح الفريق، و ضعف القدرة على الثبات على القرارات المتخذة كلها عوامل تغذي و تقوي
بعضها البعض و تجعل من الوضع الراهن المفهوم و الممكن الحل؛ وضعًا كارثيًا خطيرًا.
في اجتماع ثلاثي انعقد يوم 10 مارس ابلغنا بواسطة السيد رئيس مجلس السيادة بتحويل رئاسة الآلية لرموز (رئيس مجلس الوزراء). و لم تعقد الآلية اجتماعا او تصدر قرارا منذاك.
الآن و بعد مضي عشرة أيام على حالة الموت ألسريري لتلك اللجنة وسط صمت غريب من الأطراف الثلاث؛ أعلن عن انسحابي من عضوية تلك اللجنة و
التكليف بأن أكون مقررة لها؛ فلست ممن يتسمون بمواقع لا عمل وطني فيه و لا خدمة لأهلي أقدمها عبره. و لكي لا أكون شريكة في اي خداع او تسويف للشعب السوداني الأبي. مريم المنصورة الصادق المهدي
برضو في ملاحظة : في تسريب لخطابات رسمية و سرية واغلبها يخص وزارة المالية وبنك السودان مثلا خطاب وزير المالية لبنك السودان بخصوص موضوع "شركة الفاخر"
و تقرير عن الموقف للسلع الاستراتيجية ايضا تم تسريبه و نشره.
الأمر يستحق مراجعات و مكاشفات و شفافية
بس بعيدا عن التخوين و الاساءة
03-21-2020, 11:46 AM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: واكبر إنتكاساتها.. الكلام لا شخصي ولا شئ هو توجيه نقد مباشر لرئيس الوزراء وليس لشخص حمدوك
والله يا عبد العظيم ما كان في داعي تتعب نفسك وتفسر وتشرح الماء بالماء بعد نضالك الطويل - طيب الجضوم والجلحات ديل يا ربي كانوا ضمن الباكيج بتاع منصب رئيس الوزراء ول شيء شخصي ول إنت ما ناقش الشخصي الخاص في خلقتك من الشئ العام ؟ أخيرا الناس تتوقع شنو من الطائفتين وهم أصلا كيزان في سلوكهم وبيعهم الوهم باسم القداسة والدين والأشراف وآل البيت ومش عارف آيه ؟
03-21-2020, 03:16 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: وشفوت الثورة وغيرهم كثر، عندهم قبول جماهيري وحنكة، كان مفترض يكونوا جزء أساسي من الفترة الإنتقالية دي.
الكلام ده اتحسم زمان لما كان السؤال شنو المشكلة في المرحلة الجاية هل هي سياسية او اقتصادية
قلنا سياسية وكان تصويت مباشرة وفاز الخيار التاني انها اقتصادية عشان يتعالج موضوع زي دة عايز رجوع لنقطة الصفر لكن اذا عايزين نعالج من هنا ولي قدام علما بان طبيعة الصراع الان نفسها في حالة تحول بدل صراع حول القضايا الاساسية الان صراع حول أهلية الوزراء وفي نفس الوقت احتماءهم بحاضنات سياسية تانية وابعاد الحاضنات الاصلا وصلتهم يعني صراع بقاء والقضايا الاساسية في خبر كان
اظن محتاجين ثورة تصحيحية والله اعلم
03-23-2020, 06:30 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
فتحي الضو '' هنالك مجموعة من المكون العسكري داخل مجلس السيادة تسعى لتنفيذ المصالحة مع الكيزان وتعمل على إفشال حكومة حمدوك واجبارها على مصالحة الكيزان ''
هو حمدوك اذا مسلم أمره لمجموعة صغيرة(شلة) مؤمنة وشغالة تمهد المصالحة مع الكيزان ما العساكر براهم يا فتحي حمدوك زاته متواطئ بعضه للطرف وقبولة الإجتماع بغازي صلاح الدين
03-23-2020, 08:06 AM
Yousuf Taha Yousuf Taha
تاريخ التسجيل: 05-03-2013
مجموع المشاركات: 1034
هسي كلامك دا حا تودي وين بعد اتضح انها ما كوزة بل هم الفكوا الاشاعة دي عشان يحاربوها وانها من الناس المصنفة شيوعية لدى الكيزان بحكم انتماء زوجها السياسي؟
03-23-2020, 10:24 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هل التجمع الإتحادي وغيره فيروس كروونا في حلق الفترة الإنتقالية؟
عبد العظيم..حبابك وحباب الصديقات والأصدقاء هنا.. وامنيات للجميع بالحفظ والسلامة من داء فيروس كروونا المرعب.. والتحية والشكر لكل من طالب عبد العظيم بسحب حكاية (الجضوم).. يبدو ان بعض القوى السياسية السودانية هي كروونا قاتلة للغاية..وادائها سوف يسقط حجر الفترة الإنتقالية..!! اوصى نفسي والجميع ، بالإستفادة من الحجر الصحي وممارسة مراجعة لتاريخ النخبة السياسية السودانية التى لم تتعلم مطلقا من اخطائها ، وهي قوى كلما منحها الشعب السوداني ثورة ومدخل للتغيير تكون هي اول من ينسف المكاسب بالتناكف والمحامرة والفهلوة التي تشبه اركان النقاش..انصح الجميع بالعودة لمراجعة كتاب الديموقراطية في الميزان لمحمد احمد المحجوب (واسئلته الشجاعة لماذا فشلنا ومهدنا الطريق للعسكر للتدخل في السياسة السودانية )، وكتب منصور خالد من حوار مع الصفوة لغاية النخبة السودانية وادمان الفشل ، وكتب محمد ابو القاسم حاج حمد..فهذه الكتب تحتوي على معلومات قيمة في توصيف اداء النخبة السودانية ، وعنادها المستمر في ارتكاب نفس الأخطاء بصورة تحسد عليها.. الوضع الأن هو تكرار للأشياء بحذافيرها ، خصوصا بعد ثورة اكتوبر ، ثورة مارس-ابريل ، والأن ثورة ديسمبر.. الوصف بالجضوم يا عبد العظيم هو اتهام صريح بفساد رئيس الوزراء عبد الله حمدوك..فهل لديك ادلة تثبت هذا الإتهام؟ الوصف بانصياع رئيس الوزراء عبد الله حمدوك لشلة بعينها ، هو تأكيد لكلام الرجل بان قوى الحرية والتغيير وتجمع المهنيين ، ليس لديها دستوري انتقالي ، ليس لها برامج لإدارة مرحلة الإنتقال وانما لديها جـــــبن وهروب من المسئولية عبر خلق كبش فداء (حمدوك ووزارته)..ومش مهم.. المهم ياعبد العظيم ما هي هذه الشلة؟ ولماذا انت والتجمع الإتحادي عاجزين عن ذكر الأسماء التي تدير الدولة بالتأثير على رئيس الوزراء؟ المصالحة مع الكيزان هي اجندة كل قوى الحرية والتغيير(بما فيها التجمع الإتحادي) التي تواطئت مع العسكر عبر البصم على قرار فض اعتصام القيادة ، ومعالجة هذه الورطــة بعرقلة تحقيق نبيل اديب..وهي نفسها القوى التي فشلت في محاكمة عبود وحسن بشير نصر في سياسة الأرض المحروقة في مواجهة حركة انيانيا ون ، بعد ثورة اكتوبر ، وفشلت في محاكمة رموز مايو بعد ابريل ، والآن تحاول الهروب من محاسبة رموز نظام الجبهة الإسلامية..فهذه ليست مشكلة حمدوك يا عبد العظيم وانما مشكلة الحاضنة السياسية التي ورطــت نفسها وسلمت يدها البتوجعها للعسكر.. عبد العظيم والتجمع الإتحادي ، وبعض من قوى الحرية والتغيير ، هي كروونا قاتلة وسوف تسقط حجر الثورة اذا لم ينتبه اهل السودان..! فالآن الأمر عندهم ، ان الثورة نجحت وعلينا ان نبحث عن مصالحنا..!,,وليتها مصالح حقيقية وانما هي مراهقة سياسية بالباب العديل..! تأخير تكوين المجلس التشريعي والمفوضيات هي اخطاء قوى الحرية والتغيير التى لم توحد موقفها وبرنامجها والعمل لصالح قضايا السودان..ليس لديها رؤية سياسية واضحة..!! تأخير التفكيك والمحاكمات لرموز النظام سببه بعض من قوى الحرية والتغيير التي ضربت مصالحها مباشرة لواقعة تشابك تلك المصالح مع النظام السابق وورطــة (تحالف اهل القبلة).. ثم ماذا الآن؟ بدل النقة والنياصة ، يجب ان ترجع الناس للشرعية الثورية المزعومة وتتخذ الآتي: اولا: فض الشراكة مع العسكر ، وحل الحكومة الإنتقالية ، وخلق فراغ دستوري لكذا شهر يسمح بسحل رموز الجبهة الإسلامية وصلبهم في الشوارع وهدم قدرتهم الإقتصادية وتحكمهم في السوق والإقتصاد ، ثانيا: طرح برامج ورؤى واضحة فيما يتعلق بقضايا السياسة والإقتصاد والسلام والعدالة الإنتقالية ، والترويج لتلك الروؤي في اوساط الشعب السوداني حتى تحظى بالقبول والدعم.. ثالثا: اذا فشلت قوى الحرية والتغيير في الخيارين اعلاهما ، عليها ان تلتزم اخلاقيا بدعم خياراتها الحالية والإستمرار فيها دون اللجوء بين الفينة والأخرى لإرباك الشعب بالنطح والشطح غير المؤسس..واستعراض القدرة على التشاكس والإختلافات غير المؤسسة..!
كبر
03-24-2020, 07:52 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
يا كبر ياخي ما تضيع وقتنا في نقاش انت ما عندك معلومات كافية ومندفع بي عاطفة وحماس جماهير القصة وما فيها حمدوك متخبط وما قادر يقود الثورة.. موضوع الجضوم انا شرحته فوق امشي فتشه لم أتطرق لفساد الرجل.. ما تحاول تحرف موضوع البوست
الزول دا رشحه تجمع المهنيين وجابته ثورة عظيمة وثبت لي انه أقل قامة من هذه الثورة والشواهد عندي كثيرة
يعني صراحة كدا الثورة اكلت مقلب في الزول دا
الشلة يعرفها القاصي والداني وانت لأنك مندفع وما عندك معلومات كافية بتشوف الكلام دا طلس ساي اسأل منو هم مرافيت الحزب الشيوعي الحول حمدوك اسأل عن الدائرة الضيقة الحولة... اسأل عن منو هو عمر مانيس
بعدين من أغسطس 2019 قحت وتجمع المهنيين بعيدين عن صناعة القرار بصورة فعلية... شكليا هم الحاضنة لكن فعليا حمدوك أسس ليه حاضنة جديدة... فهمت يا المبروك
03-24-2020, 08:24 AM
Kabar Kabar
تاريخ التسجيل: 11-26-2002
مجموع المشاركات: 18537
عبد العظيم.. ياخي ما تخمنا بالفهلو بتاعة اركان النقاش والمراهقة السياسية (بالمناسبة غير حزب الأمة والحزب الشيوعي ، باقي قحت كلها بتمارس في مراهقة سياسية).. افرض ما عندي معلومات يا عبد العظيم ، انت المالك للمعلومات مالك داسيها من المواطن؟ولا الموضوع عندك مجرد ابتزاز رخيــص؟ الشلة دي مالك عاجز عن تسميتها؟ خايف من شنو بالضبط؟ نفترض جدلا انك تشير الى دكتور الشفيع خضر..السؤال أين قوى الحرية والتغيير وتجمع المهنيين (الحاضنة السياسية)؟ اسأل هذا السؤال لأن القاعدة معروفة ، اشرحها ليك عمليا: عندنا في كندا الحزب المسيطر على الحكومة هو الحزب الليبرالي الفيدرالي ، هذا الحزب تم تفويضه من قبل الشعب بعد ان طرح برنامجه الإنتخابي الذي يغطي كل القطاعات (من اعلا قضية لغاية قضية النفايات) ، ثم قام بتفويض رئيس الوزراء (السلطة التنفيذية) لتنفيذ البرنامج ، ومتابعة التنفيذ ، أي قصور يقوم الحزب باعداد المعالجة ويسلمها للحكومة للتنفيذ. صحيح الوضع في السودان لم يأتي بانتخابات وانما جاء بتفويض الشرعية الثورية للحاضنة السياسية.. وحينما تجي تقول لي منذ اغسطس 2019 هذه القوى خرجت من صنع القرار فهذه خيانة للثورة ومراهقة سياسية وغش للشعب السوداني..! دكتور الشفيع خضر صحيح ان لديه رؤية للمصالحة ، وحضوره لأن الحاضنة السياسية تهربت من مسئولياتها وفتحت الباب لمن هب ودب لأن يكون حول رئيس الوزراء وحكومته..!.. لماذا هذه الوضعية؟ التخبط هو ديدنكم يا عبد العظيم.. يعني حزب انقسم دشلومية مرة ..وحتى الشظية المسماة (التجمع الإتحادي) في ذات نفسها متخبطة ومتشظية..وبرضو كمان جايين تفتوا في قضايا السودان؟؟؟؟!!!! حتى الآن مافي مشكلة..ماهي رؤية عبد العظيم والتجمع الإتحادي؟ اطرحوا رؤيتكم ، والشخصية الكاريزما (الما عندها جضوم وجلحات وشعر قرقدي) التي تصلح لمنصب رئيس الوزراء..واقنعوا الشعب السوداني باختياركم..بخلاف كده مافي داعي للنياصة والفنجطة..! سؤال برئ: ليها الفرنبة حصلت من التجمع الإتحادي بعد زيارة حميدتي للقاهرة؟ يعني نفهم انو جاتكم توجيهات عليا من القاهرة تسوطوا الفترة الإنتقالية؟ تجمع صغنوني ، زي فيروس كروونا..وطمعان يسقط حجر الفترة الإنتقالية؟ وين يا عمك..القرض قاعد..!! كبر
03-24-2020, 08:46 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
يا كبر انت مشكلتك ما عندك معلومات وشغال تكابس.. طبعا دي حاجة كويسة لكنها مرهقة التجمع الإتحادي دا وقت كان بيكتب في وثيقة الحرية والتغيير لصناعة تحالف المعارضة لإسقاط البشير حمدوك دا كان ضارب الطناش والكندشة في أديس الشباب ديل بعد ما كتبوا الإعلان ومشوا مضوا باقي الكتل وبعد. تلاوة الإعلان بالليل صبحت الواطة كانوا كلهم في معتقلات الأمن... إنت جاي تزايد عليهم هسي و أول كتلة طلعت بيان واضح وقالوا نحن لن تشارك في الحكومة ولم نقبل بمشاركة في الحكومة بدون إنتخابات والله هانت السياسة..
وقادرين مع باقي القوى الثورية تصحح مسار السلطة الإنتقالية
03-24-2020, 09:51 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2185
التحايا و التقدير للجميع و معا لاصحاح ما يخرج من خط الثورة و بالنصيحة لمن تقدموا الصفوف فالدين النصيحة ... و التقدير للاخ منتصر و هو يكتب :
Quote: لماذا لا نستعين بقوش كشاهد ملك للقضاء على النبت الشيطاني للكيزان؟!
.. لم يحظى كلامه حظه من التعليق ... و انا فى بدايات الثورة كانت هذه رؤيتى للثوار و لمن اعرفهم فى ق ح ت ان نتمسك باحدى وزارات الامن او الشرطة و او الجيش و ان ناخد قوش شخصيا و نحتفظ به كشاهد ملك رجل كنز و لديه ما لديه من معلومات و ملفات و تسجيلات و ايضا له شهادة من السيد الصادق و محمد ضياء الايام الاخيرة للنظام البائد .. المهم الثورة ثورة وعى و لبلوغ غاياتها لابد من التفكير و الرؤية من زوايا عدة دون ضر و لا ضرار
قوش كشاهد ملك هل يضر الثورة ام ينفعها .... ام ان اختلال ميزان القوى و ضعف المكون المدنى سواء بالسيادى او مجلس الوزراء لا يسمح بمثل هكذا الاستعانة او التفكير فيه .. .. و الثورة مستمرة و جذوة الانتفاضة لم و لن تنطفىء و التقدير و الاحترام لكم جميعا بمحبة
03-24-2020, 08:58 AM
Kabar Kabar
تاريخ التسجيل: 11-26-2002
مجموع المشاركات: 18537
طيب ما عندي معلومة ، والمعلومة عندك انت السياسي ..ليه عاجز من تمليك المعلومة للمواطن؟ الدسدسة والغتغتة فوق كم يا عمك؟ الإبتزاز بتاع صغنا وفعلنا وانجلدنا وسكونا وزقلونا..ده كلو ما بيحلك.. يعني انت شغال رزق اليوم باليوم..والأظرط شغال مراهقة سياسية..! جيب وثائقك (هذا اذا كان فعلا عندك وثائق) وخلي الجماهير تحكم..ولا انت ما عندك ثقة في الجماهير..؟ في بوست مجاور (بتاع اخونا معتصم) قلت ليك: الوضع ما عاجبكم انسحبوا من قوى الحرية والتغيير وامشوا الشارع عشان تعملوا شرعية ثورية خاصة بيكم ونفذوا حاجاتكم.. حتى اللحظة لم تقدم رؤية للمعالجة..يعني شغال نياصة ساكت..وبرضو تقول لي عملتوا وثائق وشنو كده ما عارف..!!
كبر
03-24-2020, 10:18 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعظيم عثمان
نعمات عماد
Asim Ali
محمد البشرى الخضر
Yasir Elsharif
Abdullah Idrees
علي عبدالوهاب عثمان
كمال عباس
Hafiz Bashir
adil amin
محمد على طه الملك
Arif Nashed
منتصر عبد الباسط
احمد حمودى
HAIDER ALZAIN
Mutasim Idris
Salah Zubeir
Hassan Farah
علاء سيداحمد
Elhadi
elsharief
Biraima M Adam
عمر نملة
Nasser Amin
Hadeer Alzain
سيف الدين محجوب
محمد محمد قاضي
Kabar
محمد بدرالدين
فيس بوك
تويتر
انستقرام
يوتيوب
بنتيريست