♧ وِقْفَةُ تأمُّلٍ على حافَّةِ الفراغ: Corono-Phobia £

* السودان الجديد ( أبدن ما هنت يا سوداننا يوماً علينا) ✍
( ندي الظاهر واحدة من تهويمات علوبات عمنا المهرج علوب لكن\
و شكلو المرة دي بالظات جادي .. و لكن للأسف لقانا نحنا المانا جادين )

أقسم بالله يا ناس السودان راجيكم يوم أبيض زي اللبن...!! والله جد ....!! بس عايز شوية إجتهاد ورؤية ..فبمجرد
نهاية أزمة ( كورونا ) دي سيتقدم السودان عالميًا عشرات المراكز الي الأمام ودون أي مجهود ....واتذكرو كلامي دا ..!!

* فقط لأننا سلة غذاء العالم ...!! هذه العبارة التي ظلت حبيسة حصص الجغرافيا المدرسية وأضابير الوزارات المعنية في
كل أرجاء الوطن العربي ستخرج للعلن وتكشف عن نفسها بجلاء ..!!أزمة ! كورونا ) كشفت أن العالم ليس كما كنا نراه🥰

* حيث لم تفلح التكنولوجيا الحديثة! والمقاتلات النفاثة بطيرا وبدون طيار! والعملات المشفرة ....!! وال 5G في فعل شيئ ...!!
ووقفت صامتة واجمة لاحول لها ولا قوة ....!!كان المشهد الوحيد المتاح هو تكدس الناس والاصطفاف أمام المحال طلبًا للغذاء ...!!
وهلعهم لتخزينه ....!! إستعدوا يا بني السودان لإطعام العالم ...!! هذي أرضكم ...!!
فأمامنا فرصة تاريخيه ...وأنتم أهلا لذلك فقد كنتم ولاتزالون تجودون بالموجود ...والماموجود ظاطو!!
ناس فزعة وأهل جود ...!! وأهل الحارة ديل اهلي ...

* تذكروا معي هذا البوست و إن غدا لناظرة قريب ...!!لست منجم ولا عراف ...هذا هو الواقع وقراءة المعطيات وتحليل النتائج ....!!
قبل أيام صدرو ( بصل ) من السودان لبعض الدول منها الكويت الشقيقة البصل الواااحد دا 🧅🧅 وقياسا علي السعر عادي ممكن
يخش بورصة السلع زيو زي النفط ..دا بصل بس ...🧅 لسا ما دخلنا في الفول والقمح 🌽

...وسمح السمح ..😇😍

علي هذه الدولة السودانية الآن أن تترك كل ما في يديها من ذهب ونفط وتتجه بكلياتها نحو الزراعة ولا شيئ سواها .. 🥬🥒
اتجهنا نحو الذهب والنفط فتوقفت عجلة الإنتاج فلما ذهب ثلثي النفط ...أصابنا الدوار ...😇واتجهنا للذهب وأخطأنا التقدير
من جديد الهدف والعيار ...!!ديل اسمهم المخزون الاستراتيجي ...! الدهب ترفع بيهو حصتك كرصيد يعزز الإقتصاد والنفط
تدعم بيهو مدخلات الإنتاج ..!!تجولنا بين الذهب الأسود والأصفر تائهين ...والأخضر بين ظهرانينا فاقع لونه يسر الناظرين ....!!

بالجد نحن مفروض نكون في حالة سجود بس ...شكرا لله علي جزيل نعمه وعطاءه والحمد له كثيرا
لما يدوك أرض بكر حدادي مدادي ...ونيلين غير الدقاقة ....ومساحات تتجدع فيها زوج وفرادي
دا غير النفط والدهب وحاجات تانية بي غاديوبعد دا يكون في صف بتاع رغيف ...!! 😳😳

تراجع نفسك بس ...!! أصلو مافي أي حاجه تانيه ...!! ولايوجد سبب بالمطلق سوى أن هناك خلل جسيم في ترتيب
الأولويات ..!! وواقع أليم في استغلال الموارد ...!! بلد ربنا أداها الثروة الحقيقية المستدامة ...تمشي تفتش في سكك الندامة ...!!! 😳😳
(( عشان ( قلبتا ) سريعة...!! )) سايقين دوله نحن ولا حافلة ...!!؟؟؟ 😳🚌المهم مافاتت حاجه وكلو بي أوانو ..خلونا نتعلم من الأزمة
دي ..فنحن نمتلك النووي السلمي و الإقتصاد الأخضر ...!! ودا ياهو السلاح القادم وليس سواه ...!!( كورونا ) قالت ذلك بوضوح وستمضي ..!
! لتبقى الدروس والعبر ....!! ..........فهل من معتبر ..!!؟؟🤔الكلام بتاع مشكلة تكلفة الإنتاج والصادر ومدخلات الزراعة وقلة الإمكانات
هذا حديث العاجزين الحريصين علي الواقع دون تغيير ...!! هولندا مساحتها قدر مشروع الجزيرة بتسقي العالم دا كلو لبن ...!! 🥛نقعد نحنا
أسياد الرصة والمنصة ( نبخو ) في ( الجرتق ) ...!!؟؟؟؟ 😤💨( مع اعتزازي بعاداتنا وتراثنا هذا لكن خلينا ( نبخو ) هنا وهناك ) ...😜

هولندا بتدخل 14مليار دولار في السنة فقط أرباح حليب
عندهم مليونين بقرة ونحن عندنا 8 مليون وبنستورد لبن ....!!!😳😳😳
وسنأتي لذلك لاحقا مدعما بالأرقام والمؤشرات ...!!
اها يا أخوانا هسا نسمي بصلنا دا مزيج النيل ...🧅ولا بصلة مزيج برنت
...
انا غايتو رأيي نسميهو ....( بصل البل والمقل ) ...!!
تخليدًا للدموع التي سالت من ( البمبمان ) وغسلت المآقي والصدور لتصنع سودانا جديد ✌️
التحية لمزارعي بلادي الشرفاء وهم يغسلون بحبات عرقهم الحلال أرضنا البكر لتنبت قمحًا ونغني
والتحية لشعبنا الصابر المعطاء البستاهل كل تقدم وكل خير ...وكل نجاح ...!!وبقدر العذابات
والجراح حنضوي تاني و من جديد ...!!وحننثر الآمال درر ...ونلون الغيمات صباح ..🌹
ولتحيا يا وطن المحبة.. والمعزة ..والحضارة .......!!! والسماح