♧ وِقْفَةُ تأمُّلٍ على حافَّةِ الفراغ: Corono-Phobia £

● و أنت أصلن يا عم جاغوم ، بعد كدا داير شنو يا حاج ¿!
الشارع بتاعك بقى إتجاهاً واحداً ..عاوز تعيش تاني لمتين يعني!¿
ياخ افسك المجال لغيرك ياخي... حتى كمامات جهاز التنفس بقت
الأولوية فيها للشباب و من خمسين و لي فوق يستعملو (الكوع)
لحدما يتكلوا علي الله . و أنت عديت عقدك الخامس بعقدين
اتنين عبارة عن شوط إضافي .. دا طبعن بعد خصم الجمعات!!

● عشت زمانك بالطول و العرض؛ و دي الوقت جيل هذا الزمان الحاضر
جو يستلمو مكانهم. فياخي تورينا عرض أكتافك ياخي قشة ما تعتر ليك..
عليك يسهِّل و علينا يمهِّل .. و نسأل لك ربك يديك حسن الخاتمة{مَعَ ٱلَّذِينَ
أَنْعَمَ ٱللَّهُ عَلَيْهِم مِّنَ ٱلنَّبِيِّۦنَ وَٱلصِّدِّيقِينَ وَٱلشُّهَدَآءِ وَٱلصَّٰلِحِينَ ۚ وَحَسُنَ أُوْلَٰٓئِكَ
رَفِيقًا }٠ و يلهمنا فيك الصبر و حسن العزاء.أكيد عمنا لو سمع هذا الكلام
من أي من معارفه لو حتى ابنائه لقاطعه بقية سنوات عمره القلائل!!!