♧ كورونا من زاويةٍ إيمانيةٍ £

● أنا الدنيا ضلمت في وشي وبقيت أشوف طشاش طشاش
و إضنيني بقن شغالات فووو فووو صوووو وشلاليفي يبسن بقن
دقيق دقيق المهم عاينو لي كلهم بمن فيهم أخوانا العاملين زي جونسينا
داك أخوها الشرس داك جرانا عليهو وقشطني ليك أم كفففالمهم عيني
اليمين طفت و اليسار نطت جات في محلها و أضاني فصلت كهربة و بقيت
شايف الناس لي فوق و أنا لي تحت اترتحت لمن قعدت في واطات الله دي
و قال ليهم أمسكو الزول دا لامن نشوف الحاصل شنو المهم الدكتور جاهم
مارق وقال ليهم حمدله علي السلامة ممكن تدخلو تشوفوها . أنا عيني فتحت
شوية لامن سمعت الكلام ده و دخلت مع الجماعه و هي مما شافتني نططت
عيونا تاني أنا ندهت الشيوخ دؤل شيخ شيخ اللؤلة يحلني عاد الحلا بلة من
الزنقات و المذلة.. الليلة يا السُّبَّق في أهل الله يا دفع الله المصوبن الشريف
نسبو الجر الشمسي مع الملايكة ما غلبو و التمياح حجر في شان جلوك قلبو.
الليلة يا أب شرا يوف المانجيل و يا العليش البتقلب القطن عيش و عوض
الجيد تور عفينة الشين و يالبادراب تحلوني من ورطة لا إيدي لا كراعي.

● المهم البت دخلت في غيبوبة وأخوها داير يطعني سكين مسكوه مني
وقالو ليهو لامن نفهم الحاصل إن شاء تتكيه شخ تضبحو . و كل دقيقة
يجيني جامر متل الرهطومة و بحجزوه مني والله كان شوفتو منظري
بس كلب مزوزر في صف رغيف ياخ أنا أول مرة زاتي أحن علي روحي.