♧ كورونا من زاويةٍ إيمانيةٍ £

● قلت ليهو الخير يجي من وين مع طبيعة شغلنا إنت عارف براك
المهم قال لي تعال علي قلت ليهو عندي مشوار يادكتور وبجي عليك
طوالي ماتستلم زول قبليني لأنو دي شكلها (كرونة) و إنت عارف براك
جرجرة الكرونه قال لي خير تيت تيت المكالمه إنتهت وجنبت برة الشارع
عشان أفك القروش و عطست عطسه قويه معاها قحه كده و قلت للبنية
النفك القروش وأجي البنت أشارت لي بي راسه فوق تحت ومنططة لي
عويناتا فناجين قدر دا خاتة طرحته فوق خشما متبامة ليها وماسكة فيها
بي سنونا. ما إشتغلت بالموضوع كتير قلت أمشي أفك القروش و أجي أسألا.

▪الشاهد لامن جيت لقيت الركشة خلا ثواني بس لا لقيتا شرق لا لقيتا قرينا
اتحيرت و راسي سخن. في واحد كان مراقب المنظر شافني مستغرب سألني
قلت ليهو في بنية كنت شايلا مشوار قال البنت دي إنت من إتحركت من الركشه
البت فتحت وفحطت بسرعة 400كيلو في الساعه قبلي ما تقطع الظلط كفتتا
ليك شريكة طايرة و ختفوها المستشفي قال لي يازول البت دي كانت خايفة
ترجف إنت كنت موديها وين؟! قلت ليهو يازول المهم الزول دا شكلو متلقي
حجج و كسار تلج وبحب الشربكة؛ نط ركب معاي و قال لي نلحقا ما تتلحس.

● المهم وصلنا هناك ولقينا أهلا ماليين المستشفي أشرو لي عليهم مشيت لقيت
أخوانا إتنين أربعة في أربعة الواحد لو طقشك طالوش بوديك الأخرة بدون مقدمات
النوع فيهم واحد شكلو هادئ و طيبان والتاني الما بتكلم نوعية أبو وش إتجاه واحد لابنطرح لابنجمع زولي الجا معاي خشي شمال طوالي في الجماعه قال ليهم دا ياهو
الزول الكانت راكبة معاهو و قامت جارية منو المرحومة لامن دقشتا الشريحة!!!