♧ كورونا من زاويةٍ إيمانيةٍ £

شفتو إيطاليا بتشتكي من الكرونا و هي بلد عندها إمكانيات مهيئه طبيآ
أحسن مننا دشليون مرة و بعد دا اتجهجهو و خشو في الاضيق من الفتيل.
بما إنو الفتيل بقي المقياس الأيامات دي..شفتو السعوديه قفلت بلدا كيف!؟
دي وصلت مرحلة إنها حتى للخلايجة إخوانهم لزم قطعتو معاهم حطب و
قالت ليهم سوري دقشك لوري كل زول ياكل نارو و يا روح ما بعدك روح
وقفلت بيت الله في وش خلق الله ودا كلو درءاً للوباء وإجراء احترازي
من الكرونا و بعد دا كلو الإصابات في زياة وقد يؤتى من نامنه الحذِر.
● طيب اوريكم بطريقة بحسبة بسيطة: الانتشار كيف علشان نتخيل الوضع:
قبل يومين في مصري مصاب دخل مكة؛ حالياً المصابين من المخالطين ليه
دا وصلو كم وأربعين بني ادم ودا في يومين بسيعني اي زول جي سلم
عليه أو كان في مكان حواليه؛ و يا حيوك لامن الحكومة عرفتو وعزلتو
مرصو كم ؟! يلا، اتخيلتوهاحسبتوها الكلام وقع ليكميلا نجي للكلام الحار:
▪ إحنا بنيتنا الصحية صفر حرفياً ما عندنا مستشفي مؤسس ما عندنا غرف
عناية لا مركزة و لا مهلهلة .. مافي معدات مافي أماكن عزل أو حجر صحى
حرفيا ما عندنا و لا حاجة لا جوة الخرطوم و الاكيدبر حدس و لا حرج بمعني:
لو الكرونا انتشرت في السودان خلاص الهوا ضربنا وكلنا حنموت فرن فردا
و بعدينك علا يكبسونا في ترب جماعية كبسن كبسا لانو أساسن مافي قدرة
نوقف بيها أو نحاصر بيها هدي الملاريا الكل يوم معانا..خلي نعالج لينا أوبئة!!

- رئيس وزراء بريطانيا العلج المعفن طلع في مؤتمر قالت استعدو لوداع أحبائكم
..دى الإمبرطورية التؤ لا تغيل عنها الشمش بجلالة قدرها قالت كدي احنا مع شنو
ناس قريعتي راحت و حنسوي شنو لو المرض انتشر لدرجه بقت مفاضلة بين: نعالج
منو و نخلي منو دا بدل "تقوللي منو و تقوللي شنو"قلى قولت سماعين ود حد الزين.