Quote: *قطاع الكهرباء يكشف اسباب عودة البرمجة للتيار الكهربائي* كشف الباشمهندس خيري عبدالرحمن أحمد وزير الطاقة والتعدين المكلف اسباب عودة برمجة التيار الكهربائي. اوضح سيادته في تعميم صحفي عن نشوب حريق في Reactor بمحطه توليد مروي تسبب في نقص التوليد المتاح مما اضطرنا اسفين الى برمجة التيار الكهربائي، كما أفاد سيادته بأنه وبحمد لله تم السيطرة على الحريق بفضل انظمة الحماية Fire Wall وان المهندسين والفنين شروعوا في عملية الصيانة وجاري نقل محول الى المحطة هذا بالاضافة سير العمل بشكل جيد لارجاع الخط الثانى 500 kv بمحطة مروي. وسوف تكون هناك برمجة للتيار الكهربائي لحين الانتهاء من العمل وذلك لتغطية العجز الناتج عن العطل ووفقا لسياسة التوزيع العادل كما يلي: - ٥٠٪ من المستهلكين ٧ساعات في الفترة الصباحية من ٨ ص. - ٥٠٪ من المستهلكين، في الفترة المسائية وتقسم الى مجموعتين كما يلي: - ٢٥٪ من ٥ الى ٨م. - ٢٥٪ من ٨ الى ١١م. وينعكس الامر في اليوم التالي وفقا البرمجة اعلاه بالتبادل بين الزبائن. كما اشاد سيادته بدور الأجهزة الاعلامية في نقل وتوضيح الحقائق للمواطنين لانهم الشريك الأساسي لقطاع الكهرباء كما ناشد المواطنين بعدم الإلتفات للشائعات الوسائط المختلفة التي تداول اخبار مضللة او منتقصة تسبب الضيق للمواطن، وأن جميع نشراتنا واخبارنا تنشر عبر كل الوسائل الرسمية عبر لجنتنا الاعلامية في الصحف والمواقع الخيرية. في ختام التعميم اعتذر سيادته للمواطنين عن هذا العطل الطارئ ومطمئنا عن عودة الاستقرار فور الانتهاء من العمل. *وزارة الطاقة - اعلام قطاع الكهرباء* ١١ اغسطس ٢٠٢٠م
08-22-2020, 11:15 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: اعتداءات على عاملين بالكهرباء الخرطوم: الانتباهة أون لاين
أدانت اللجنة التسييرية للعاملين بقطاع الكهرباء فرعية إدارة توزيع ولاية الخرطوم الاعتداءات المتكررة علي منسوبيها. واوضحت في بيان لها اليوم ان العاملين بقطاع الكهرباء يمثلون الخطوط الامامية التي لا تتوقف عن تقديم الخدمات حتى في أحلك الظروف من باب الواجب الاخلاقي للعاملين والحق المشروع للزبائن في التمتع بكهرباء مستقرة حسب الإمكانيات المتاحه للعاملين . واشارت الى تعرض منسوبيها لإعتداء من بعض المواطنين مما ادى الى اصابات وان هذه الإعتداءات المتكرره تم التعامل معها بحكمة نسبة للظروف التي تمر بها البلاد في ظل تجاهل وتباطؤ الجهات العليا في توضيح الحقائق او التضامن الفعلي لا الصوري من خلال التوسل والرجاء بعدم التصعيد دون السعي لتثبيت الحقوق وقيام تلك الجهات بالواجبات التي توضح الحقائق للمواطنين. وطالبت اللجنة التسييرية لفرعية إدارة توزيع الخرطوم السيد وزير الطاقة والتعدين بالإعتذار للعاملين على الإعتداءات التي تعرضوا لها وتثبيت الحقوق وتمليك المواطنين جوانب القصور في الخدمة دون المساس بالعاملين وإصدار قانون بعد الرجوع إلى الجهات ذات الإختصاص يحمى الحقوق ويصون كرامة العاملين.
09-22-2020, 08:42 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
اليوم رجعت البيت ظهرا بقيت الكهربا مقطوعه -كنا اعتدنا من اسابيع قطع ساعتبن تىته بوم الاحد وحصل قطوعات عشوائيه بسبب اعطال بدا لينا انو اتعالجت- المهم بعد ساعتين اتصلت اول مره قالو مافى اى رساله عن سبب القطع وتم رفع بلاغ بعدبعد سعتين تانى اتصلت قالو مفصول من التحكم (دون ابداء سبب اذا كان مبرمج او عطل او صيانه) بعد صلاه المغرب اتصلت تالت لاجد الخبر الصحيح انو فى عطل فى الخط المغذى للمنطقه وجارى اصلاحو االارتباك وعدم توضيح اسباب القطوعات مع العلم قطع الاحد عندنا يعنى انو فى برمجه ويبدو انها غير معلنه .والادهى لما حدث اليوم انو من امس المغرب حصلت قطوعات قصيره فى مناطق مختلفه من الخرطوم واليوم برضو كان فى بلاغات كتيره من الصباح حسب الموظفه اللى ردت على فى اول اتصال .. يظل عيب عدم تواصل وشفافيه الشركه مع عملائها خاصه فى ظروف زى امتحانات الشهاده واعتماد خدمات اصلا مازومه زى المخابز على الكهرباء
10-03-2020, 11:06 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
رغم تصريح وزير الطاقه المكلف بتوليد سد مروى اعلى انتاجيه للطاقه الكهربائيه لكن تعود القطوعات المبرمجه (العشوائيه) مره صباح ومره مساء لكن متى ؟؟ خلال النهار او المساء ؟؟ غير محدده
10-04-2020, 05:56 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: بسبب نقص الوقود خروج الباخرة التركية المغذية لكهرباء مدينة بورتسودان عن العمل. و القطوعات ستستمر من ٤- ٥ ساعات على فترتين يوميا حتى توفر الوقود.
10-06-2020, 06:36 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: هاجر سليمان تكتب: القطوعات وفشل مسؤولي الكهرباء 6 أكتوبر 2020
على الرغم من الاموال الطائلة التى ترد الى خزانة الشركة السودانية لتوزيع الكهرباء، الا اننا نجد ان الشركة فاشلة تماماً في توفير الخدمة للمواطن، اذ انه مازال التيار الكهربى يعانى من قطوعات مبرمجة وعشوائية, ونلاحظ ان هنالك تزايداً في ساعات القطوعات هذه الايام، وحينما استفسرنا علمنا ان تلك القطوعات بسبب توقف وتعطل ماكينات التوليد الحرارى بنسبة تقارب (٥٠%)، حيث نجد ان محطة كوستى (ام دباكر) التي تضم اربع ماكينات ومن المفترض ان تولد قرابة (٥٠٠) ميقاواط، الآن تعمل بها ماكينتان فقط، اى تعمل بنسبة (٥٠%) فقط، اضف الى ذلك ان نسبة التوليد المائي هذه الايام بلغت (٧٥%) من اجمالى الكهرباء في الشبكة القومية، وكان الاجدر والاولى ان تكون الكهرباء في مثل هذا الوقت سنوياً في اعلى درجات استقرارها، ولكن للاسف مازالت تعانى قطوعات بلا انفراج . ان القرارات الخاطئة لمسؤولى قطاع الكهرباء وخاصة شركة التوزيع اسهمت اسهاماً كبيراً جداً في تزايد تلك القطوعات، اى بمعنى ان هنالك تناسباً بين القرارات العشوائية التى يصدرها مسؤولو الكهرباء ومعدلات استقرار التيار الكهربي, واحسب ان تحويل العمال والفنيين من الدرجة (C) للمسار (D) خلف حالة من الاحباط وسط اولئك العمال جعلت معظمهم يهملون اداء واجباتهم والاتجاه للاهتمام بتنظيم الوقفات الاحتجاجية والتعبير عن سخطهم وغضبهم بما يتواءم مع المرحلة . ان ما يحدث في قطاع الكهرباء الآن من تردٍ وانهيار يعتبر مسؤولو الكهرباء مسؤولين عنه مسؤولية مباشرة، ويجب ان يعرضوا للمساءلة، ولكن ليس هنالك مسؤول (مالي قاشو) قادر على ايقاف هذه الفوضى. وحتى وزير الطاقة المكلف لا أثر له ولم نسمع عن أى انجاز له، ولا حتى الوكيل الذي عين لاجل قطاع الكهرباء فجميعهم فاشلون . الآن البلاد بحاجة لكهرباء تعادل (٧٠) قيقاواط/ ساعة، الا ان المتاح حاليا فقط (٥٥) قيقاواط/ ساعة، ويبلغ العجز نحو (١٥) قيقاواط/ ساعة، وهذا العجز هو السبب الرئيس وراء القطوعات . الآن نجد ان شركة التوزيع اوقفت التوصيلات الجديدة على الشبكة بحجة ان لجنة الاحمال رفضت التصديق على الطلبات الجديدة، فمن الذي اعطى لجنة الاحمال الحق في رفض طلب مواطن باجراء توصيل لمنزله؟ وبأى حق تمنع تلك اللجنة مواطناً من حقه؟ وما لا تعلمونه ان شبكات قطاع الكهرباء لم تشهد اية توسعات منذ تولى المدير الحالى منصبه وحتى الآن، والدليل على ذلك توقيف التوصيلات الجديدة وبدون اى قرار يوضح الاسباب، يعنى باختصار ان لجنة الاحمال ترفض الطلبات نسبة لفشل مسؤولى قطاع الكهرباء وشركة التوزيع خاصة في توسيع الشبكة القومية لاستيعاب طالبي الخدمة الجدد . والآن اى طلب يقدم للجنة الاحمال يتم رفضه، ولدينا زبائن يجأرون بمر الشكوى جراء رفض طلباتهم وهم يتبعون لقطاعات جبرة وغرب ام درمان المزارع. ولعل هذا سينعكس سلباً على اسعار منتجات الحيوان خلال الفترة القادمة، وكذلك هنالك زبائن يتبعون لبعض احياء الازهرى ووسط الخرطوم وبحرى رفضت طلباتهم، ولدينا قائمة باسمائهم ومستندات كثيرة بطرفنا، وسنواصل.
لاتعليق ويكفى تصريحات الوزير ايام كورونا وتفاقم ازمه الكهربا مثلا زى موضوع ام دباكر مش مفروض تكون اكتملت صيانها حسب التصريحات السابقه بمجرد استئناف حركه الطيران وعوده المهندسين لاكمال صيانه ام دباكر وواستكمال تركيب وتشغيل قرى 3
10-08-2020, 01:03 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: وزير الطاقة يكشف أسباب برمجة قطوعات الكهرباء 7 أكتوبر 2020 خيري عبد الرحمن أحمد الخرطوم: هنادي النور كشف وزير الطاقة والتعدين المكلف وكيل قطاع الكهرباء م. خيري عبد الرحمن أحمد أسباب برمجة قطوعات الكهرباء. وقال خيري في بيان تحصلت (الانتباهة أون لاين) على نسخة منه: (مضطرون هذه الأيام إلى تنظيم برمجة يومية لقطوعات الكهرباء نسبة لإنخفاض الانتاج الحراري وكذلك انخفاض الوارد من الربط الإثيوبي الذي كان قد انعدم لعدة أيام لأسباب فنية حتى بدأ بالعودة التدريجية البطيئة يوم ٤ أكتوبر ونتوقع عودته الي وضعه الأقصى خلال الأسبوع القادم). وأضاف خيري: (بالأمس بلغ العجز في الإمداد الكهربائي حوالي ٦ قيقاوات ساعة من جملة ٦١,٦ قيقاوات طلب كلي (١٠٪). وكان ذلك بسبب انعدام وقود الفيرنس مما أدى الى الخروج النهائي لمحطة بحري الحرارية بالإضافة الى التوقف الكامل للبارجة في بورتسودان ويشكل ذلك ما مجموعه ٧ قيقاوات ساعة: اي أكثر من العجز). وقال الوزير: (والى أن يتوفر الوقود اللازم، ستتواصل برمجة القطوعات والتي تتم بنفس الجدولة السابقة المعروفة للجميع: اي يوم بعد يوم ومساء بعد مساء. من الإشكاليات الحرجة الاخرى توفر المال اللازم للقيام بالصيانة الشتوية للمحطات الحرارية والشبكات. كان من الضروري وصول كافة الاسبيرات المطلوبة لهذه الصيانة في هذا الوقت من العام: أكتوبر وذلك للبدء في الصيانة السنوية: ماكينة عقب أخرى الي أن تكتمل بنهاية مارس ٢٠٢١م. وما لم يتم تدارك هذا الأمر الحرج، فالكثير من الماكينات لن تصمد للعمل في فترة الصيف القادم خاصة وان بعضها لم يخضع للصيانة لعدة سنوات مضت، مما سينذر بصيف اصعب من ما مر علينا هذا العام، وقد يؤدي ذلك الي احباط كافة الخطط التنموية التي تعكف كافة اجهزة الدولة لتحقيقه). ودعا خيري كافة المستثمرين وأجهزة الدولة والبنوك والمنظمات الدولية ذات الصلة الى التعاون مع قطاع الكهرباء لتوفير التمويل اللازم. كما دعا المواطنين الى تفهم الوضع الاضطراري والعمل معنا من أجل ترشيد الاستهلاك والتعاون مع العاملين الذين لا يدخرون جهداً في مواصلة تفانيهم لخدمتهم وقد شاهدهم الجميع يخوضون المياه ويتسلقون الأعمدة ويعرضون انفسهم للخطر المحسوب في سبيل توفير الراحة للمواطنين، ولهم التحية وكل التقدير.
10-08-2020, 02:31 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: مستشار حمدوك يعلن الاتفاق مع شركات أمريكية لحل أزمة الكهرباء 8 أكتوبر 2020
الخرطوم: الانتباهة أون لاين أعلن الشيخ خضر المستشار الاقتصادي لرئيس الوزراء الدكتور عبد الله حمدوك عن توقيع اتفاقيات في مجال الطاقة الكهربائية مع شركتي (M. P. S) متعددة الجنسيات جنرال الكتريك الأمريكية في يومي الرابع عشر والثامن عشر من اكتوبر الجاري على التوالي. وستعمل شركة جنرال إلكتريك الامريكية على تأهيل سد مروي ومعالجة أخطاء إنشاء السد وتشغيل أحد التوربينات المتعطلة، إضافة إلى تركيب أنظمة رقابة إلكترونية لتقليل الأعطال ورصدها مبكرا. إلى جانب ذلك ستعمل شركة جنرال إلكتريك وشركة أم بي أس على إنشاء محطات إنتاج وتطوير محطات كهرباء قائمة. وقال كبير المستشارين بمكتب رئيس الوزراء الشيخ خضر لـ (التغيير) اتفقنا مع شركة جنرال إلكتريك الأمريكية على تنفيذ مشروعات طاقة ستنفذ بعضها بالشراكة مع شركة أم بي أس (M. P. S) متعددة الجنسيات وبعض المشاريع ستنفذها شركة جنرال إلكتريك منفردة. وأضاف الشيخ: (سيتم التوقيع على الاتفاق مع جنرال إلكتريك وأم بي أس في الأسبوع المقبل وتحديدا في يومي 14، 18 من هذا الشهر). ويشمل الاتفاق مع الشركة الأمريكية توريد قطع غيار لمحطة قري للكهرباء ومحطة محمود شريف ببحري ومحطة كهرباء كوستي بولاية النيل الأبيض إلى جانب تركيب معدات محطة الفولة بطاقة إنتاجية تبلغ 400 ميغاواط.
بين كلام الوزير امس وكلام مستشار رئيس الوزراء اليوم اصلو مابنعلق يس دايرين شغل على الارض واستقرار فى الامداد بدل بهدله نسحب من الجبشه وتسحب من مصر
12-26-2020, 06:46 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
زى مابننتقد الجهات المسئوله عن الكهرباء والطاقه علىمانظنو تقصير برضو لازم نلقى الضوء على الاعتداءات على البنيه التحتيه الناقله للطاقه الكهربائيه . ظهرت حكايه تقطيه حديد الابراج الناقله (ابراج الضغط العالى) وهى جريمه مثل هى تخريب للاقتصادالقومى هى تهديدلارواح المواطنين والممتلكات
Quote: *ابراج الكهرباء تتعرض للتخريب وتفقد 600 م واط مما يدفع إلى برمجة القطوعات إلى حين اكتمال عمليات الصيانه بعد غداً الاثنين* بدأ اليوم العمل في اصلاح ابراج كهرباء الضغط العالي (٢٢٠) كيلو فولت التي كانت قد تعرضت للنهب والتخريب بسحب اجزائها وآل بعضها الي السقوط التام وتجري عمليات الإصلاح عبر فريق فني كامل من العمالة الفنية الوطنية التابعة لشركة نقل الكهرباء وذلك بالقرب من محطة نقل الجموعية بامدرمان. ويجري العمل الآن علي اعادة اصلاح البرج رقم ٩ ويلي ذلك اصلاح بقية الابراج ويتوقع الانتهاء من كافة الأعمال صباح الاثنين ٢٨ ديسمبر. وكان قطاع الكهرباء قد أعلن الخميس عن بداية صيانة هذه الابراج اليوم السبت وأوضح ان ذلك سيتسبب في انخفاض الوارد من كهرباء محطة مروي بواقع (٦٠٠) ميقاوات، وتجري جدولة القطوعات لتغطية العجز الناجم عن هذه الأعمال التخريبية والتي دخلت حيز التنفيذ منذ مساء الخميس الماضي استعداداً للصيانة. اعلام وزارة الطاقة السبت ٢٧ ديسمبر ٢٠٢٠
12-28-2020, 04:19 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: *بعد تعرضها للسرقة و التخريب* *اكتمال إصلاحات و صيانة أبراج كهرباء الضغط العالي* أشاد وزير الطاقة و التعدين المكلف خيري عبد الرحمن بالعاملين في قطاع الكهرباء من مهندسين و فنيين لما بذلوه من جهد مقدر و تفان في وقفتهم التي اثمر عنها إكمال اصلاحات و صيانة ستة ابراج للضغط العالي في منطقة الجموعية، بعضها سقط ارضا. و كان من المتوقع إصلاحها في غضون اسبوع، غير أن الفريق العامل أنجز المهمة امس الأحد قبل الموعد المتوقع. و بعث الوزير خيري عبد الرحمن رسالة شكر و تقدير لتفانيهم في العمل، و شكر المواطنين على صبرهم أثناء خروج ٦٠٠ ميقاوات من محطة مروي نتيجة لتعرض ابراج ناقلات الكهرباء بسبب السرقة و التخريب. و من ناحيته قال وزير الطاقة و التعدين أن الكهرباء ستعود إلى وضع مستقر دون برمجة . و أكد ان البرمجة لا تتم إلا للضرورة القصوى نتيجة نقص الوقود و قطع الغيار او برامج الصيانة الشتوية في المحطات الحرارية و شبكات النقل و التوزيع. ٢٨ ديسمبر ٢٠٢٠ إعلام وزارة الطاقة والتعدين
01-17-2021, 06:32 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
بعد عوده واستمرار القطوعات المخرمجه ..اقصد المبرمجه عطل فى قرى 4 ومن غير المعلوم حجم اسهامها فى الكهربا المنتجه حاليا
Quote: قبل قليل انهيار ESP في محطه قري ٤ ، ازمة حقيقية اطلت برأسها لتفرض واقعا سيئا في ظل تذبذب التيار وانقطاعه المستمر نرجو ان توضع في قمة الاولويات للحكومة الانتقالية
دالياالطاهر
01-18-2021, 01:00 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: *وزير الطاقة والتعدين يتفقد محطة كهرباء قري 4 ويطمئن علي سلامة الكوادر البشرية والأجزاء الرئيسية للمحطة من جراء الانهيار*
قال وزير الطاقة والتعدين المهندس/ خيري عبدالرحمن ان الانهيار الجزئي الذي حدث في الوحدة الثانية لمحطة كهرباء قري 4 أمس كان محدوداً وتمت السيطرة الكاملة علي هذا الحادث موضحاً ان ادخال الوحدة الاولي للعمل بعد اكتمال صيانتها سيرجى حتى يكتمل التحقيق في معرفة أسباب ذلك الانهيار لتجنب تكرار الحدث في الوحدة الثانية. جاء ذلك خلال وقوفه اليوم بمنطقة قري شمال الخرطوم علي حجم الضرر بمحطة كهرباء قري 4 موضحاً ان الانهيار حدث جزئيا في الوحدة الثانية من المحطة وتحديداً في الجزء الخاص بوحدة تنقية مخرجات الحريق التي تقوم بفرز المخلفات الثقيلة عن الخفيفه بصورة منتظمة للحفاظ علي البيئة في المحطة والمنطقة السكنية المجاورة، وقد شمل الانهيار الهيكل الحديدي الذي من المفترض انه مصمم ليحمل 800 طن من محروقات الفحم الحجري والرمل وهي الحمولة الآمنة التي لايصلها التشغيل العادي للوحدة، وهنالك نظام حماية يُقف الوحدة عند زيادة حمولتها، ولأن النظام الالي بالمحطة متوقف تماماً منذ ٢٠١٦ فإن الوحدة تعمل يدوياً، والتشغل الآلي يحتاج للاسبيرات التي تنتظر التمويل. الصيانة الدورية للوحدة كانت مبرمجة شهر فبراير القادم (السهر القادم) حيث كان سيتم تفريغ المخلفات يدوياً، وقال الوزير وجهنا بعمل التقييم الأولي من قبل المهندسين العاملين بالمحطة ثم الاستعانة بالخبراء الوطنيين والاتصال بالشركات المصنعة والمصممة لمعرفة تقييمهم ان كانت في التصميم ام المواد المستخدمة ام الإنشاءات والتركيب وضرورة دراسة التربة وكل ما يتعلق بهذا الحادث المؤسف والذي لم يكن له مثيل في السودان. ووجه الوزير بالمحافظة علي بقية أجزاء الوحدة المنهارة والعمل علي تفادي زيادة الانهيار وبعد الانتهاء من تجميع كافة المعلومات المطلوبة للتحقيق العمل بالطرق الآمنة لسحب الركام، وقدم السيد الوزير اشادة كبيرة بالعاملين في المحطة لتعاملهم مع الحادث لحظة وقوعه بحرفية ومهارة فنية عالية رغم عمل الغلاية وقتها بدرجة حرارة الف درجه وعمل المكينة في توليد 30 ميغاواط وفقدانهم الفجائي لضغط الفراغ، وبالتالي تمكنوا من تجنيب المحطة الحريق الكامل اوفقدان الموارد البشرية. مبينًا إن هذه الزيارة تعتبر زيارة تقييمية للحدث وسندعم فريق العمل بمراكز البحث العلمي من الجامعات والخبراء الوطنيين كما سنواصل عملنا مع وزارة المالية للحصول علي الدعم كافي لنتمكن من تشغيل كافة منشآت الكهرباء الحساسة بصورة جيدة ضمانا لسلامة العاملين اولا ثم سلامة المنشآت. مدير محطة كهرباء قري 4 المهندس/ ادم ابراهيم قال الحادث كان محدود لم يمتد للموارد البشرية و حريق الاجزاء الاخرى للمحطة فقدنا بهذا الحدث من 28 إلى 30 ميغاواط تتكون المحطة من وحدتين الوحدة رقم 1 لم تتأثر سنعمل علي ارجاعها للخدمه مشيراً الي توقف تشغيل الغلاية والتوربينه من الخدمة في الحال وتم عمل التحوطات اللازمة لسلامة باقي المعدات المساعدة والرئيسية. رافق الوزير مدير عام شركة التوليد الحراري والمدير العام المكلف للشركة السودانية القابضة للكهرباء. -- إعلام وزارة الطاقة والتعدين الإثنين 18/يناير/2021م
01-19-2021, 03:28 PM
Nasir Ahmed Elmustafa Nasir Ahmed Elmustafa
تاريخ التسجيل: 10-30-2007
مجموع المشاركات: 1961
العمل في قطاع الكهرباء مثل اي عمل حكومي في تردي مستمر لاول مرة في تاريخ السودان تنفد برمجة قطوعات في فصل الشتاء الدي يشهد انخفاض شديد في الاحمال مما يجعله مناسبا لاجراء الصيانات الدورية قبل شهر اعلنت الوزارة ان سبب القطوعات سرقة ابراج الكهرباء ووعدت بوقف البرمجة خلال اسبوع بنهاية اعمال الصيانة ولكن البرمجة مستمرة محطة بحري الحرارية خارج الخدمة تماما بسبب انعدام الوقود محطة قري الحرارية تخرج مكينة تلو الاخري بسبب انعدام الصيانة واخرها انهيار وحدة فرز مخرجات العادم والتي كانت قاصمة الظهر الان التوليد يعتمد علي سد مروي والروصيرص واعالي عطبرة وسيتم سحب جميع المياه المخزنة في البحيرات لفترة الصيف الخلاصة ان الوزارة تكدب في تقاريرها والمغطى بالزمن عريان قطوعات الكهرباء مقدور عليها في الشتاء ولكنكم موعودون بصيف ساخن لن تتعدي فيه ساعات الامداد الكهربائي اصابع اليد والله المستعان
02-02-2021, 11:04 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
يبدو ان القدر الضئيل من الشفافيه.اصبح كورقه التوت الصغيره التى اسبحت لاتستر شيئال من عوره الدوله فى هذا الجانب ربما بسبب سوء الاداره اواستخدامها اداه خبيثه فى حرب الدوله العميقه على الثوره والانتقاليه اليوم انتقلت فى منطقتنا انتقلت القطوعات الى التناوب يوميا بن المساء 4 ساعات ونصف والنهار 7ساعات ونصف بعد ان كانت مرتين او ثلاثه فى الاسبوع خلال الفترهى النهاريه ولاتتعدى 4 -ساعات فى كل مره اتستقر القطوعات او تتناقص القطوعات متزامنه مع الزيادات فى الكهرباء والمياه ويفترض انها على الاقل تزامنا مع الزيادات تسقر ساعات القطوعات او تقل لا ان تتزايد المعاناه !
02-03-2021, 04:18 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
الاثنين اول قبراير الكهربا قطعت اطول مده فى تاريخ القطوعات الحاليه سبعه ساعات ونص نهارا الثلاثاء 2 فبراير الكهربا قطعت من سته مساء لمده سته ساعات ونص اليوم 3 فبراير قطعت من سبعه صباحا لمده تسعه ساعات وشويه لما الحكايه طولت قمت بالاتصال حوالى الساعه تلاته عشان استقسر هل تعديل فى جدول القطوعات المخرمجه -اقصد المبرمجه- او فى رساله من التحكم عن مشكله فى الخط او صيانه. الغريب انو الموظفه اللى ردت بدات فى رفع بلاغ باسمى وبما نبهتها انى باستفسر اولا عن الحاصل -قد لايستدعى الامر اذا كان تعديل برمجه او صيانه فكان ردها وهى متوتره انو هم ذاتهم ماعارفين البرمجه دى كيف ؟ دا رد موظفه فى مركز البلاغات وخدمه العملاء فى الكهرباء (لاتعليق)
02-15-2021, 04:04 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
تتصاعد المعاناه بزياده عدد الساعات القطوعات 9 -10 ساعات نهارا و4 ساعات ليلا يوم بعد يوم واثار على كارثيه على المناطق السطنيه اقلها توقف الخبز يهلق ازمه مضاعفه
03-16-2021, 04:59 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: بالرغم من استمرار القطوعات… تدشين خدمة جديدة لتقديم بلاغات الكهرباء 16 مارس 2021
الخرطوم:الانتباهة اون لاين
دشنت الشركة السودانیة لتوزیع الكھرباء خدمة (أیسر) للرسائل القصیرة عبر الرقم 4848 لبلاغات الكهرباء.
وقدم فریق عمل المشروع تعریف عن الخدمة وكیفیة عملھا وأشاد الحضور بالجھد المبذول
للتسھیل علي المواطن وتقلیل الانتظار الطویل في الرد علي البلاغ.
غايتو خدمه البلاغات تعلق غريق بقشه غالبا هو الاتصال بتاخرو فى احيان كتيره لغايه مايخلو الناس تتكل على ارسال رساله قصيره !!!! قبل شهرين قطعت المويه يوم خميس بعد المغرب واسنمرت قاطعه لغايه تانى يوم .انا يوم الجمعه الصباح ضربت لطوارىءالمياه وبلغت . المويه جات مع صلاه الجمعه لكن المضحك انو رساله تنفيذ البلاغ جاتنى بعد اسبوعين (ناس الكهربا والمويه احيانا برسلو رساله قصيره انو البلاغ تم تنفيذو او تحت التنفيذ )
03-19-2021, 01:54 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
هل نتوقع تفاقم القطوعات قبل دخول رمضان الكهربا فى منطقتنا الفتره الاخيره كانت تقطع يوم بعد يوم سحابه النهار لفتره لاتقل عن 8 ساعات ويوم الجمعه لاقطوعات يوم الاربعاء اول امس قطعت نت 6 ص حتى 6 م اليوم الجمعه من الصباح قاطعه رجعت بعد صلاه الجمعه مع دخول الصيف (زياده درجه الحراره ) وتصريحات الوزير المراوغه بصيف بقطوعات اخف وعدم الشفافيه هل فعلا سيكون صيف ورمضان بقطوعات اخف (على الاقل؟)
03-20-2021, 04:24 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: الحكومة توفر 250 مليون دولار شهرياً لشراء وقود محطات الكهرباء 20 مارس 2021
الخرطوم : هنادي النور
أعلن وزير الطاقة والنفط عن الاتفاق مع الحكومة لتوفير مبلغ ٢٥٠ مليون دولار شهريا لتأمين الوقود لمحاطات الطاقة الحرارية من الفيرنس بجانب التزام الحكومة بشراء قطع الغيار والتزامات المقاولين والاستشاريين بحوالي ١٠ مليون دولار .
كاشفا خلال مؤتمر صحفي بمنبر “سونا” اليوم ان توليد الكهرباء من مصادرها الرئيسية من سد الروصيرص وبحري الحرارية وخزان سنار وإمداد مصر وإثيوبيا، مبينا أن الطاقة التصميمية للكهرباء الحالية حوالي ٤ الف ميقاواط وقال بكل أسف الإنتاجية الفعلية لهذه الطاقات 1.82 الف ميقاواط بنسبة ٢٥% من الطاقة التصميمية.
ومن جانبه أكد وزير الإعلام تكوين لجنة من قبل وزارة المالية والري والجهات ذات الصلة بإشراف رئيس مجلس الوزراء على معاجلة إشكالات الكهرباء وتذليل الصعاب.
مع #### لحدى الباب كل يومحجه شكل واحصاءات شكل
03-20-2021, 04:30 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
بعد مارفعت فيديو المؤتمر الصحفى فى البوست وبديت اكملمشاهده باقى المؤتمر الصحفى قطعت الكهرباء لاول مره (من شهرين ) مساء ولاطول فتره (سته ساعات من 5 ونص ل 11 ونص فى تاكيد فعلى ميدانى انو الازمه فى تصاعد بعد انقطاع الكهربا امس لاول مره يوم الجمعه برضو من شهور ومتوقع بكره تقطع الهربا صباحا من 7 او 8 وتستمر ساقيه جحا من المعاناه وحجوه ام ضبيبينه الحكومه فى مسلسل الاعذار والبشرى السراب
03-26-2021, 09:05 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
الاخبار عن زياده طاقه انتاج المحطه التركيه فى البحر الاحمر او موضوع الربط الكهربائى من دول الجوار فى اعتقادى كلام للاستهلاك الاعلامى لتخدير وامتصاص غضب المواطن . . خاله من الفوضى عجيبه فى الثطوعات امس كان موغد برمجه القطع نهارى واليوم برضو من 7 وتص صباحا قطعت برضو (الظاهر انو زول التحكم يدخل ويقطع من غير جدول جغرافى او زمنى واضح ولا حتى تقرير لبقطوعات اليوميه عشان مابقطع عشوائى) المهم اتصلت رفعت بلاغ وماعارف هلى فى ناس بلغو غيرى ولا لا .....وعادت الكهربا بعد ساعه و10 دقائق.
04-04-2021, 05:48 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
تحسنت الخدمه ليومين او ثلاثه قبل اسبوع او عشره بعدها عادت حليمه لقديمها قطوعات مرتين فى اليوم ولما اتصلنا وتساءلنا هل هو قطع مبرمج اوعطل ؟؟ كانت الاجابه غريبه تخفيف اجمال ياناس برمجه القطوعات مش تحفيف احمال ولا عندها معنى تانى فى سوداننا ؟؟ !!! . اصبحت مواعيد القطوعات وفتراتها غير واضحه (لا برمجه )اخرها اليوم قطعت 12 ساعه من 5 ونص صباحا الى 5 ونص مساء والله اعلم الايام الجايه كيف ورمضان كيف
04-08-2021, 06:54 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
ازمه الكهرباء مع اقتراب شهر رمضان وتصاعد درجه الحراره ومقاربتها 40 درجه 10 ساعات (فى المتوسط) بشكل غير مبرمج يربك حياه الناس والادهى ان يقطع الماء منتصف الليل ووتقطع الكهرباء فى الصباح عشان تكمل الناقصه على المواطن المسكين وصمت مره وتصريحات مرتبكه والان حديث عن استقاله وكيل الوزاره ماذا يجرى فى الوزاره ؟؟ استقاله وكيل وزاره الطاقه والاسباباستقاله وكيل وزاره الطاقه والاسباب
04-12-2021, 00:36 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: عودة التيار الكهربائي لنيالا بعد أسبوع من الظلام 11 أبريل 2021
نيالا: الإنتباهة
عاد التيار الكهربائي إلى مدينة نيالا حاضرة ولاية جنوب دارفور وثاني أكبر المدن السودانية، بعد أسبوع من القطع التام من قبل الشركة التركية المسؤولة عن توليد الكهرباء بالمدينة.
وقال والي ولاية جنوب دارفورموسى مهدي، إن الكهرباء عادت للمدينة بعد إيفاء وزارة المالية الاتحادية بمديونية الشركة وثمن مهدي جهود وزارة المالية في الالتزام وضمان استمرارية التيار الكهربائي في المستقبل.
وتسبب قطع التيار الكهربائي في احتجاجات ومظاهرات واسعة شهدتها مدينة نيالا اليوم “الأحد” نظمها طلاب مرحلتي الأساس والثانوي، طالبت بعودة التيار الكهربائي الذي بدوره أدى لأزمة حادة في مياه الشرب بعد توقف محطات المياه بجانب التأثير في القطاع الصحي والحركة التجارية.
وقامت الشركة التركية المسؤولة عن توليد الكهرباء في المدينة بقطع التيار الكهربائي وإيقاف تشغيل محطة الكهرباء مطلع الأسبوع الماضي إلى أجل غير مسمى، راهنة تشغيل المحطة بسداد وزارة المالية الاتحادية مديونية الشركة البالغة نحو (20) مليون دولار.
. واستمرار الوزير والوزاره فى بذل المبرارات والوعود
Quote: وزارة الطاقة: انفراج كبير في أزمة الكهرباء والوقود في ظرف ثلاثة أيام 11 أبريل 2021 وزير الطاقة والنفط جادين علي عبيد عقد رئيس مجلس الوزراء د.عبد الله حمدوك اجتماعاً مطولاً اليوم مع وزير الطاقة والنفط المهندس جادين علي عبيد ووكيل الوزارة المهندس وليد عصام الدين الأسد لمناقشة أزمة الكهرباء والنقص في المشتقات البترولية.
واستمع رئيس مجلس الوزراء إلى تقرير عن أسباب الأزمة والمشكلات التي تواجه قطاع النفط والطاقة بالبلاد ومقترحات معالجتها. وقال وزير النفط والطاقة بعد الاجتماع أنه أطلع رئيس مجلس الوزراء على الجهود المبذولة لحل الأزمة في ظرف ثلاثة أيام. وأضاف إن الوزارة دخلت في اجتماعات مطولة مع كل الجهات ذات الصلة بملف البنزين والجازولين لمعالجة المشاكل، وأن هناك خمس بواخر ستفرغ شحناتها البترولية في ظرف ٢٤ ساعة، كما سيتضاعف انتاج المصفاة بأكثر من الضعف. وعن حل مشكلة الكهرباء قال وزير النفط والطاقة إن العجز في الإمداد الكهربائي سينخفض انخفاضاً كبيراً ويستقر الأمداد خلال أيام قليلة بدخول مابين ٧٠٠ إلى ٨٠٠ ميقاواط للشبكة القومية. وأضاف إن الباخرة التركية في ميناء بورتسودان ستدخل بطاقة ١٣٠ ميقاواط، وسيرتفع انتاج مروي من ٦٠٠ إلى ٩٠٠ بدخول ٣٠٠ ميقاواط للشبكة، بجانب ١٠٠ ميقاواط من أم دباكر، و١٢٠ من محطتي بري وبحري، و٨٠ ميقاواط من محطة الرصيرص، بجانب سد ستيت. من جانبه قال وكيل وزارة الطاقة والنفط المهندس وليد الأسد إن المشكلة الكبرى كانت توفير الفيرنس وانخفاض التوليد المائي، وقد تم علاج المشكلتين بجانب توفير قطع الغيار العاجلة، وأضاف إن كثير من هذه المحطات تحتاج لصيانة وتوفير قطع الغيار على المدى البعيد. وقال إن الوزارة تعمل على معالجة الأعطال الطارئة بخطة قصيرة المدى، لكنها تعمل أيضا على خطة طويلة المدى لتوفير المشتقات البترولية عبر شركات عالمية معروفة، وصيانة محطات الكهرباء للوصول بها لطاقتها القصوى.
اول القصيده كفر مع بدايه الشهر الكريم وتخدير الناس بانفراج الازمه خلال تلاته يوم ناس الان قطعت ليهم مع مواعيد السحور ومتوقع برضو تقطع لناس وقت تجهيز الفطور
04-14-2021, 09:41 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5148
علمت ان الكهرباء ومنذ اليوم من شهر رمضان لم تقطع حتي الان . امدرمان بالتحديد . الله يهديهم ويخلوها ، ولو عندهم مصاريف لاشياء اخري ، يأجلوها ، ويخلو الاولوية للكهرباء ، هذا الشهر علي الاقل . علي الاقل الناس تصوم كويس ، وحاجاتهم الفي التلاجات ماتخرب لليوم التالي .
الله يصلح الحال .
تحياتي ،،،
04-14-2021, 01:17 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
سرم عليكم هاشم كارورى رمضان كريم فعلا الكهربا برضو عندنا فى بحرى برضو ماقطعت رغم انو حسب كلام صاحب محل فى السوق -بصلح عندو كمبيوتر- قال انها قطعت امس العصر شايف ناس فى الوسائط بيقولو قطعت عندهم من غير تحديد مناطقهم بعضهم بيقول انها قطعت لدقائق والبعض بيقول لفترات طويله لكن المشكله شفافيه ناس الكهربا انو يكونو متواصلين مع الناس خاصه انو الناس قلقانه ..... تصور انو ناس يكون الواحد قلقان ومنتظر انها تقطع عشان يرتاحخوفا من انها تقطع لفتره طويله اذا استمر الامداد فتره طويله ...تصور وصلنا مرحله انو الواحد يكون عندو القطوعات وضع طبيعى واستمرار الامداد الكهربى مثار قلق! . امس واحد نقل محادثه بينو وبين واحد قال انو عندو علاقه بسد مروى يذكر فيها انو انتاج كهربا السد اتضاعف مع بدايه رمضان ومستوى الماء المخزون خلف السد مطمن حتى نهايات رمضان. . موضوع ترشيد الاستهلاك مفروض يكون مستهدف بيهو مكاتب الحكومه ..الموظفين مع رمضان واستخدام المكيفات العادى والفريون ذات الاستهلاك الالى وموظفين يقيلو فى المكاتب (نوم وترطيب) الناس فى المناطق السكنيه ربنا يلطف بيهم كفايه عليهم سخانه السوق والازمات
رمضان كريم ربنا يجعلو شهر خير وبركه ورحمه على الشعب المغلوب على امرو
04-15-2021, 01:20 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: الشركة القابضة للكهرباء: زيادة التوليد المائي والحراري خلال رمضان 14 أبريل 2021
الخرطوم: الإنتباهة
أعلن المدير العام لشركة كهرباء السودان القابضة المكلف عثمان ضو البيت، مواصلة كافة الجهود لزيادة المنتج من الكهرباء خلال شهر رمضان على صعيد التوليد المائي والحراري.
وأشار ضو البيت إلى أن العاملين بالكهرباء يبذلون قصارى جهدهم من أجل تقديم خدمة أفضل للمواطنين، معلناً كفاءة وجاهزية التوليد المائي لمضاعفة الإنتاج، لا سيما بعد زيادة المناسيب في النيل (الأزرق والأبيض)، فضلاً عن تزويد محطات التوليد الحراري بالوقود.
04-15-2021, 04:58 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11853
عوده القطوعات مره تانيه مع زياده حراره الجو قطعت عندنا من 3 وتص عصر لغايه 7 مساء يعنى فطور فى سخانه وطلام الاتصال ب4848 المكالمات فى الانتظار تقارب ال200 لغريب شىء يتقطع التيار من منطقه سكنيه عصرا بعد نهايه الدوام فى المكاتب وخروج المؤسسات والوزارات من دائره التحميل العالى على الشبكه !!!!
04-22-2021, 01:56 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
تستمر قطوعات الكهربا مع رمضان وتصاعد درجات الحراره خااصه فى قادم الايام حسب التنبؤات قطوعات عشوائيه لاتراعى حاله الصيام ولا الجو صمت تام من وزاره الطاقه وشركه الكهربا بعد مؤتمرات وتصريحات تخدير الراى العام الكاذبه قبل رمضان حتى مركز الرسائل لخدمه العملاء واللى احتفلو بيهو قبل اسابيع لم يتم تفعيله لخدمه المواطن وفى طور التجريب حتى الان
04-22-2021, 02:42 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
يادوب كملت المداخله السابقه الا وقطعت الكهربا فجاءه (3 صباحا) وعادت بعد دقائق ربع ساعه وتانى قطعت لدقائق والاتصال ب4848 الرقم فى الانتظار يزيد عن 100 مكالمه واصبح فصل الاجهزه عن الكهربا ضروره لتامين الاجهزه من الضرر بسبب فوضى وخرمجه الجهات المسئوله عن توزيع الكهربا
05-10-2021, 06:04 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
حاتكلم عن موضوع خلاف القطوعات اللى اصبحت معتاده واعتقد لدرجه قد يصبح استقرار التيار وعدم انقطاعه هو الشىء الغريب . الموضوع مختلف ويلمس جانب هام خاصه مع اقبال الخريف قبل اسبوع اتمسحت شاشه العداد لمره اخرى بسبب زحمه التوصيلات فى صندوق العدادات على العمود وتشابك فروع الاشجار مع الاسلاك وحركه الفروع وتاثيرها على ثبات الاسلاك بعد التبليغ ووصل ناس الصيانه وكما المعتاد من اى موظف لجهه حكوميه طالبنى بقطع فروع الاشجار المتشابكه مع الاسلاك اعلى العمود بديهى مسئوليه تامين خطوط الامداد الكهربى كنظافه مسار الاك والتوصبلات على الاعمده تقع على على شركه توزيع الكهرباء لاسيما فى حاله الخطوط المتاخمه لمرافق عامه وشوارع رئيسه ناهيك حتى عن داحل الاحياء لايجب ان يتم دون اشراف شركه الكهرباء والدفاع المدنى فكثيرا فخلال فصل الخريف مع الرياح والامطار تتسب فروع الاشجار فى سقوط اسلاك الكهرباء او احدوث ماس ومايتبعها من حوادث لكن يبقى الامر كما المعتاد الهمل بسياسه رد الفعل بدلا عن الوقايه لتفادى الحوادث وحفظ الارواح
05-20-2021, 04:31 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
بعد العيد عادت القطوعات 4 ساعات نهارى وساعتين مسائى بالتناوب لكن بعدالحكومه ماقدرت تدافع عن قرار الاغلاق الجزئى بسبب كورونا وتراجعت عنو بشكل ذكى اصبح الموسم موسم امتحانات نقل وشهاده (تعليم عام وعالى كمان) زادت ساعات القطوعات امس مساء 3 ساعات واليوم نهارا 8 ساعات !!!!!!
05-27-2021, 10:39 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: وزير الطاقة : ايام قلائل وتنتهي برمجة قطوعات الكهرباء مايو 27, 2021
الخرطوم:الواقع نيوز
عزا وزير الطاقة والنفط المهندس جادين علي، عودة برمجة لقطوعات الكهرباء بعد شهر رمضان بسبب الضعف في التوليد المائي،وقال إنها سنتهي في شهر أغسطس المقبل بشكل تام
وأضاف: أن جميع الماكينات والتوربينات في أحسن حالاتها لكن احتياجات وزارة الري للمياه للموسم الزراعي أدى إلى نقص طفيف في عمليات التوليد المائي،
وكشف جادين في حديثه لبرنامج (كالآتي) بقناة النيل الازرق، عن وجود كميات مقدرة من الوقود ببورتسودان تعمل الوزارة على ترحيلها للولايات لإزالة الاختناقات والصفوف، متوقعاً حدوث زيادة في أسعار الوقود تماشياً مع زيادة أسعار الدولار
05-27-2021, 11:32 PM
Nasir Ahmed Elmustafa Nasir Ahmed Elmustafa
تاريخ التسجيل: 10-30-2007
مجموع المشاركات: 1961
ان الأمم والدول لا تبنى بالتمني ولا بالاشاعات وإنما بالعمل الحقيقي والجد والاجتهاد هناك محطتان في قري وبورسودان كانتا على وشك التشغيل عند سقوط حكومة الإنقاذ حتى الآن لم تتمكن الوزارة من التفاوض والوصول لاتفاق مع المقاول الرئيسي او مقاول الباطن التركي وكانتا ستسهمان كثيرا في حل مشاكل القطوعات
06-05-2021, 02:45 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
الاحد بدايه امتحانات الاساس جامعات شغاله امتحانات (اغلب الجامعات فى الخرطوم -دا تشوه معروف سلفا ويجب معالجتو طبعا) لكن طلاب الجامعات شريحه ضخمه فى الخرطوم وتتاثر بالقطوعات فى ظروف كظروف الامتحانات بعضها شغال درسه اونلاين (كهربا ونت) الشهاده السودانيه على الابواب . زياده فى ساعات القطوعات 10 ساعات نهارا 5 ساعات مساء
06-05-2021, 05:46 AM
Nasir Ahmed Elmustafa Nasir Ahmed Elmustafa
تاريخ التسجيل: 10-30-2007
مجموع المشاركات: 1961
عشرات مدراء العموم ومدراء الادارات تم تدويرهم على المناصب كل يوم مدير جديد قبل أن يتوسد مكتبه يتم تغييره تخبط إداري ليس بعده تخبط الوكيل يعين مدراء ومدير الشركة يعين اخرين في نفس الوظائف معقول الناتج يكون تيار مستمر ومستقر
06-09-2021, 07:24 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
اللقاء الاذاعى يفضح مشكله اساسيه مش فى قطاع الكهرباء بل ربما فى خيكل الدوله كلو مشكله الاداره ومشكله تانيه التراخى فى حسم جذور الفوضى والفساد من عهد الكيزان حتى يستقيم مسار الاداء
06-16-2021, 05:47 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
مسلسل التخدير بقرب انتهاء القطوعات ومسلسل قرى3 هل تمت التسويه مع الشركه التركيه اولا ؟ اذا كان حتى بدايه الشهر الجارى ما فى معالجه حسب فيديو شرح المشكله فوق عن قرى3 الالمانولا الخواجات الفى الصور دى لجنه دراسه للوضع ام ماذا ؟؟
Quote: #القومه_للسودان قريبًا.. وداعًا لقطوعات كهرباء بدء العمل اليوم في المحطة الكهربائية الجديدة (قري3) التي تضم 3 توربينات من انتاج شركة سيمنز الألمانية، بطاقة 561 ميغاواط، ستدخل الشبكة القومية نهاية هذا العام، حسب العقد الذي وقعه وزير الطاقة مع الشركة. ميزة هذه التوربينات انها يمكن ان تعمل بكافة أنواع الوقود: وقود خام، فيرنس، ديزل وغاز. هذا ومن المقرر ان ينتهي التفاوض مع الشركة قريبًا لتشغيل 2 توربين أخرى بمدينة بورتسودان بطاقة 374 ميغاواط، وبذلك يكون المجموع 935 ميغاواط من المنتظر ان تدخل الشبكة مع بداية العام الجديد.
06-20-2021, 04:06 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
بعد رواج تصريحات منسوبه لوزير الطاقه عن توقف القطوعات خلال فتره الشهاده السودانيه, تبين انها ربما غير صادقه او منسوبه زورا بعد انكاره لها وان القطوعات تتوقف فقط خلال ساعات الامتحانات (نفس ساعات قطع الانترنت من 8 ص الى 11 ص) وتستمر القطوعات مسائبه ونهاريه بخلاف ذلك
06-25-2021, 09:29 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: متابعة #موضوع_محطات_سيمنس انطباعات وخلاصلات موضوع توربينات الكهرباء المشتراة من سيمنس الما اشتغلت من 2016 ده مسكناها تحت الهاشتاف الفوق وسمعنا فيهو وجهات نظر مختلفة لانو لو اشتغلت كان خففت من قطوعات الكهرباء .. كنت حريص أسمع وجهة نظر سلطة الكهرباء الحالية والقائمون عليها من إدارات وسيطة ، لكن زي ما قلت الجو العام في الكهرباء مشحون شديد ، الناس متحفظة تديك معلومة رغم كلامهم الطيب واستجاباتهم ... حتى الزول القالوا عينو الوزير الجديد عشان يملك الراي العام الحقائق والشفافية والكلام الانشائي الما بيأكل عيش داك ، لما اتواصلت معاه كل العملو رسل الايجاز الصحفي بتاع لقاء الوزير مع كرستوفر ، والمعروف الايجاز داك كان كلام عام ودقدقة مشاعر ما انطوي علي أي حاجة تمسك فيها ، قلت ليهو يازول الايجاز ده كلام مافيهو أي حاجة قال لي أنا ماعندو شيء بعدو ...... إنطباعاتي الشخصية في موضوع المكنات ده بعد عشرات الأتصالات والمقابلات لثورجية ومحايدين وحتى ناس شالتم لجنة التمكين كيزان وغير كيزان كما يلي :- الزيت الحالي : الوزارة اتفقت مع سيمي التركية (حقت اوكتاي ) وليست سيمنس في التوقيع الشفناه يوم 15 يونيو (ومرفقة الصورة) على استئناف العمل في قري 3 وهي تلات مكنات ، وحا يدوهم 3مليون دولار باعتماد مستندي من 14 مليون المتبقية المكنات دي ممكن تدور قبل نهاية السنة زي ما اتفقو مع سيمي لكن مكنتين علي افضل تقدير لانو في مكنة من ناحية فنية عايزة كتير ...............ر المكنات تم تعديلها بعقود بحيث تشتغل بالفيرتس معظم المهندسين بقولوا افضل تقدير ليها 125 ميقا واط من طاقة تصميمة لو اشتغلت بالغاز الطبيعي 187 ميقا للمكنة الواحدة (مازي ما ما قال حبيبنا منعم في يومها ضرب 187 في تلات ادتو 561 ميقا ) ، ناس الحكومة مأملين المكنة تنتج 150 بالفيرنس ..... طبعا حكاية الاتفاق ازيادة انتاجها الوارد غي الايجاز الرسلو لي زولهم بتاع الاعلام قصد منو يضيقو ليها مراجل وده بحيث تضيف 250 تاني في قري3 لكن ده كلام لسه تفاهمات (ونسة ) ............... أكتر من مهندس قال لي حتى لو اشتغلت بالغاز الطبيعي في أجواء السودان من المستحيل تصل 187 ميقا لانها مصممة لمناطق باردة وده بيعزز كلام لجنة التمكين النزلناه إنو المكنات تم شراءها جاهزة على عجل كانو وراها كمشنات ....................... في دراسات موجودة ل3000.ميقا قري و1500ميقا في بورتسودان (بوقود فيرنس) و محطة الفولة بالغاز .. وتاني دراسة لمحطة بالفحم الحجري في أركياي بالبحر الأحمر، لكن المحطات تحديدا بشكلها ده ما سبقتها دراسات مخصصة حتى المكنتين حقات بورتسودان اتخذ قرارها معتز موسى بعد وصلوا المانيا ..................... التركي بقى مقاول رئيسي منعا لاحراج سيمنس عشان الكيزان محظورين بس ما استطيع اجزم اوكتاي خش بعطاءات وللا ساكت .. طبعا عطاءات الكيزان زاتها ممكن تكون صورية زي التلات فواتير مشتريات .................. واحدة من حسياسيات الموضوع أنو لجنة التمكين ومعظم الثورجية في الكهرباء ما عايزين التركي طبعا السبب معروف ، بينما كتير من المحايدين خصوصا في الأزمة الحالية لنقص التوليد يوقولوا ليك التركي يخلّص على الأقل فري لأنو شبه انتهت .. بينما ناس التكين بقولوا اوكتاي ده ما بدورها مهما ادوه .................... واحدة من المشاكل التركي شايل اكتر مما شغال .. لكن ده ما بسبب مهندسي الكهرباء ، ده كان أيام الجوطة و العساكر الطرش .. بعد الثورة طوالي هو وقف ، بقولو ادوه اكتر من العقد ساكت عشان يشتغل ... ما قفلنا الموضوع بنخليهو فاتح لحدي ما تشتغل
06-25-2021, 09:57 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
تحياتي عاصم ... لا إله إلا الله ولا حول ولا قوة إلا بالله العلي العظيم اللهم أغفر وأرحم واعف عن هذا البلد وأسكنها فسيح جناتك ... تعازينا الصادقة لأهل السودان ... بلد عدمانا المهندسين البكتبو وصف لي ما يحتاجونه وعدمانه القانونيين البنزلو الإحتياجات دي في عقودات قانونية ملزمة وعدمانة الناس النضاف الزمتم ما أستك عشان يتعاملو مع العقودات دي ويختارو الأصلح لتنفيذ هذه العقودات ... وعدمانه مهندسي المشروع المنوط بهم مراقبة تنفيذ المشروع .... ايييييييييك ... بلد ما فيها زول عارف يشتغل بي مهنية ومحتاجة لي خبرات خارجية للقيادة والإدارة ووضع المفاهيم الصحيحة لكل الأعمال ... بلد فعلا هامله وما عندها وجيع ...
مرحب اخ صلاح القصه شنو ؟ فشل ادارى مكايده سياسيه مشكله كوادر مشكله اسبيرات وصيانه وعود وتبريرات واحيانا بشريات (مابتحثل) . مهما كان السبب او الاسباب لكن الحقيقه واحده تطبيع معاناة الموطن واعتياد الازمات الكهربا لو ماقطعت او اتاخرت فى القطع يحصل قلق وتوتر وتساؤلات :مالها ماقطعت ؟؟ . وهكذا حال دوله بكاملها لاىتقدم شيى يبعث على تفاؤل او اطمئنان ان البلد فيها مؤسساتها همها واجبها فقط لا اكثر
07-02-2021, 11:26 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: وزارة النقل ووزارة الطاقة والنفط يوقعان اتفاقية نقل الفيرنس لمحطات الكهرباء عبر السكة حديد وقعت هيئة سكك حديد السودان مع الشركة السودانية للتوليد الحراري اليوم برئاسة وزارة الطاقة والنفط عقد ترحيل للفيرنس من ميناء بورتسودان لمحطة التوليد الحراري بالخرطوم بحري حيث بلغت قيمه العقد مبلغ ( مئتان وثمانون مليون جنيه سوداني) لنقل (عشرون ألف طن) من الفيرنس وذلك لمدة ثلاثة أشهر وقد وقع عن جانب السكة حديد المهندس وليد محمود احمد المدير العام للهيئة والمهندس يوسف محمد الطاهر المدير العام للشركة السودانية للتوليد الحراري. وأكد مدير عام السكة حديد على جاهزية السكة حديد لنقل السلع الاستراتيجية من مشتقات بترول وخلافه بمميزات تفضيلية خاصة الهيئة لديها خطة طموحة للارتقاء بمستوى النقل السككي خلال هذه الفترة لنقل السلع الاستراتيجية، مؤكداً على استمرار هيئة السكة حديد في نقل الفيرنس لمحطات التوليد الحراري بكل من الخرطوم بحري ونيالا ومحطه ام دباكر من ميناء بورتسودان. وافاد المهندس عثمان ضو البيت مدير عام شركة كهرباء السودان القابضة ان الاتفاق الذي وقع يعني بترحيل الوقود لمحطات التوليد الحراري وبالتالي يسهم في زيادة انتاج الكهرباء وتحسين الامداد للمواطنين موكداً ان الترحيل كان ابرز التحديات والسكة حديد لديها القدرة لترحيل الكميات المطلوب وهي قادرة علي وصول المحطات الطرفية التي تنقطع في موسم الخريف . واوضح وزير النقل ميرغني موسى بأن النقل عبر السكة حديد هو الأفضل والأقل تكلفة مما يسهم بدوره في دعم الاقتصاد الوطني ، وان ترحيل الفيرنس يعتبر اكبر دعم للناقل الوطني بعد ترحيل السكر موكد دعمه لمشاريع التطوير المستمرة لهيئة السكك الحديدة حتي تتمكن من اداء مهامها الوطنية. وامتدح وزير الطاقة والنفط المهندس جادين علي عبيد دور هيئة السكة حديد ودخولها في ترحيل الفيرنس من ميناء بورتسودان الي محطة بحري الحرارية ، مشيراً الي ان السكة حديد لديها القدرة لنقل الكميات التي تغطي حاجة المحطات الحرارية لاسيما انها سابقا كانت هي الناقل الاوحد ، معتبراً ان التوقيع يعد نقله كبيرة وهي تعمل علي نقل ممنهج ورخيص ويحترم المواعيد.
07-10-2021, 03:24 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
تحياتي عاصم ... دي مصيبة كبيرة جدا بالنسبة للشعب السوداني العايش في جهنم دي ... قطع الكهرباء مستمر ومستدام منذ ٩ أشهر فانتفت صفة الظاهرة الموجودة في العنوان فأرجو تغيير العنوان ليصف الحاله جيدا ... ثانيا واضح انو إهتمام المغتربين والمهاجرين الذين يمثلون ٩٠% من كتاب المنبر ليس لديهم أدنى فكرة عن ماذا يعني إنقطاع الكهرباء لمدة ١٠ ساعات نهارا و٨ ساعات ليلا في بلد منذ مارس الماضي لم تقل درجة الحرارة فيه عن ٤٠ درجة ... لذلك علينا بالتأكيد عل وجود كل البوستات التي تهتم بانقطاع الكهرباء في الصفحة الأولي دايما إلى أن يقضي الله أمرا كان مفعولا ...
07-14-2021, 06:03 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
خلال يوم ١٢/٧/٢٠٢١ تم قطع الكهرباء الساعة ٥ و٥٢ دقيقة صباحا ... تم إرجاع الكهرباء الساعة ٦ و٣٥ دقيقة مساءا ... تم قطع الكهرباء الساعة ٦ و٥٠ دقيقة مساءا ... تم إرجاع الكهرباء الساعة ٨ و٢٠ دقيقة ليلا ... تم قطع الكهرباء الساعة ٩ و٢٥ دقيقة ليلا ... تم إرجاع الكهرباء الساعة ١٠ و٣٥ دقيقة ليلا ... تم قطع الكهرباء الساعة ٣ و٤٥ دقيقة فجرا ... لم ترجع الكهرباء حتى الآن ... الساعة ٧ و١٢ دقيقة صباحا ...
خلال ٢٤ ساعة تم قطع الكهرباء لمدة ١٦ ساعة ...
07-14-2021, 01:31 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
التحدى الحيكشف الفوضى ايام العطله ال9 تعداد الخرطوم حيقل والناس فى الولايات صرف الكهربا التقيل حيقل خاصه مع اجازه مكاتب الدوله اها حيقطعوها برضو ؟ ماعندهم حق يقطعوها سلاعه فى العيد . الوزير الجديد قال اول ايامو قال القطوعات حتخف وتخف تدريجيا حتى بدايه اغسطس حيتحسن الوضع بشكل افضل وماخفت القطوعات ونحنا على ابواب اغسطس على الاقل موقف التوليد المائى يكون اتحسن مع وارد مياه الخريف على السدود بس فالحين صدروا لينا تقرير الجزيره عن سد الروصيرص وانخفاض المستوى نتمنى وزاره الرى تطلع بيان رسمى يشرح بتفصبل
07-17-2021, 03:33 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
اصبحت لا اتصور ان تمر علينا مطر من دون تقطع الكهرباء رغم وجود كهربا فى الاحياء المجاوره. صبت مطره الليله عند الساعه 9 مساء قطعت الكهربا بعد حوالى 10 دقائق (والمويه كانت قاطعه من قبلها) واستمر انقطاع الكهربا لمايزيد عن سته ساعات ورجعت قبل الاذان الاول (الفجر). اذا قطعوها احترازيا ليه تستمر قاطعه ساعات بعد توقف المطر؟ بالنسبه للحوادث الحى قريب من مكتب الكهربا واى مشكله لاتحتاج غير 10 دقائق (طالما باقى الاحياء كهربتها تمام وشغاله ومافى احتمال طوراىء فيها طبعا مشكله حوادث الخريف (الهواء والمطر) ربما تكون مهدد لتوصيلات الكهربا فى الحى قد يحصل صقوط سلك يهدد حياه الماره (احتمال حدوث تماس بين الاسلاك منخفض لان الاسلاك حاليا مغطاه بماده عازله ). قبل كم اسبوع تحسبا للحوداث فى الخريف قدمت اقتراح لناس لجنه الخدمات انو يتم عمل حمله لنظافه الاشجار المتشابكه مع الاسلاك لتقليل مخاطر حوادث الامطار والهواء وكان فحوى الاقتراح انو لجنه التغيير تنسق مع ناس الكهربا ووناس الدفاع المدنى بحيث يتم قطع الفروع المتشابكه بكثافه مع الاسلاك لاسيما انو الاشجار الكثيفه اغلبها على الشوارع الرئيسه (الشهيد مطر والمزاد والشارع شمال عبود وشارعين اسفلت مروربمنتصف الحى (شمال - جنوب) -حركتهم كثيفه- طبعا لم يصل حتى رد على الاقتراح والغريب بعد كم يوم بسبب التشابك بين الاشجار مع الاسلاك ارتخى سلك يقطع بالعرضمع واحد من شارعى الاسفلت ولولا بطف الله لحصل حادث بين بسبب تشابك السلك مع عربيه دفار وناس الكهربا جو وشدو السلك -من غير عمل اى شىء بخصوص الشجر - و مازال ضغط كثافه الشجر يضغط عليه لاسفل ولازال يشكل خطر على السيارات الكبيره الماره لاناس الكهربا اتخذو موقف بخصوص الشجره المتشابكه مع الاسلاك ولا ناس لجنه التغيير اتعظو واتحركو فى اتجاه معالجه المشكله بشكل عام فى الحى
07-21-2021, 03:37 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
قطوعات الكهربا تحولت لاداه تعذيب واستنزاف زمن زطاقه المواطن فى الهواء وحاله من الضغط النفسى والاجهاد الحسدى يفعل التوتر وانعاكاساتو كهربا تقطع مع اول قطره فى المطر طيب قول احتراز لكن تقطع اكتر من تمانيه ساعات 6 منها بعد توقف المطر والهواء !!!(جات بعد 3 ساعات لدقائق قليله وقطعت ) دا انر مقصود لاموضوع احتراز ولا حتى موضوع معالجه اعطال طارئه
07-21-2021, 09:03 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
الحبيب الجميل عاصم .. بوستاتك مفيدة المشكلة والكارثة عندنا في البلد كنا زرع بوابورات ( الدونكي ) في أمن وأمان في سنوات االانقاذ الاخيرة جاء مشروع كهربة البوابير فعلا كان ذو جدوى في البداية لكن مع مرور الوقت كما أي مشروع في السودان بداية بحماس ثم سوء ادارة ثم انهيار في الموسم السابق الشتوي كان كارثة تخيل في نص الموسم الكهرباء تقطع في السكن والشوارع ما مشكلة ولكن في زراعة موت
تحياتي الحبيب عاصم
07-23-2021, 11:25 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
مرحب عمنا الحبيب على فعلا المشكله عامه وتاثيرها كارثى على الموسم الزراعى لكن شايف فى الشماليه بقى فى اتجاه لاستغلال الطاقه الشمسيه ويمكن تذكر جبت مثال لواحد اسس مزرعه معتمده على الطاقه الشمسيه فى الرى بل وحسب ماذكر انو الملد الكهربائى المعتمد على البترول موجود احتياط ما احتاج ليهومنذ تاسيس المزرعه (اعتقد سنتين او تلاته) فى الهند الالواح الشمسيه عملو ليها تصميم تكون محموله ومتنقله يعى تستخدم لرى مزرعه وتتحرك العربه الحامله للابواح لمزرعه اخرى لريها اعتقد فى الشماليه الاهالى ممكن يستفيدوا من الطاقه الشمسيه لو اتعاونو ودعمتهم روابط ابناء المناطق دى الموجودين فى الغربه
07-23-2021, 11:26 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
ولسه حجوة ام ضبيبينه قالو تحسن فى اغسطس تانى قالو تهايه العام هسى بخبر زى دا بيمهدو لاستمرار الازمه لغايه رمضان القادم
Quote: توجيهات ببدء صيانة مطحات الكهرباء في موعدها 25 يوليو 2021 وزير رئاسة مجلس الوزراء المهندس خالد عمر يوسف الخرطوم: الإنتباهة
وجه وزير شؤون مجلس الوزراء خالد عمر، قطاع الكهرباء بتقديم رؤية متكاملة لزيادة التوليد الكهربائي وخطوط النقل.
وبحث اجتماع الغرفة الفرعية لقطاع الكهرباء أمس، برنامج صيانة محطات التوليد الحراري المائي للفترة من أغسطس القادم إلى نهاية مارس من العام القادم 2022م، حيث وجه وزير شؤون مجلس الوزراء، وزارة المالية، وشركات التوليد الحراري والمائي بعقد اجتماع يخصص لمناقشة برمجة الميزانيات اللازمة لأعمال الصيانة حتى تبدأ في الوقت المحدد لها.
كما ناقش الاجتماع موقف الغرفة من توفير الوقود اللازم لمحطات التوليد الحراري ووجه باستمرار توفير الوقود الي جانب اكمال جميع الخطط المتعلقة بإنشاء محطات توليد الطاقة المتجددة، وتذليل كافة العقبات لإكمال ادخال محطة قري 3 للخدمة.
07-26-2021, 07:06 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
سلام عاصم ... صياغة الخبر توحي بأن أزمة الكهرباء الممتدة منذ شهور قد إنحسرت وأن الأمور ظبطت ومافي مشاكل غير الآتي :- ١ :- تقديم رؤية متكاملة لزيادة التوليد الكهربائي ... ٢ :- تقديم رؤية متكاملة لزيادة خطوط النقل ... ٣ :- بحث برنامج الصيانة والتمويل اللازم لها ... ٤ :- بحث موقف الوقود للمحطات العاملة ... ٥ :- إكمال الخطط المتعلقة بإنشاء محطات الطاقة المتجددة ... ٦ :- تذليل العقبات لإدخال محطة قري ٣ للخدمة ... الوزير والمعاهو كانو ضاربين عشرة ونسة وما بعيد يكون فطرو سمك على حسابنا وكبابي الشاي والليمون مدوره فيهم النهار كلو ... يا سعادة الوزير الهمام (المهندس) خالد عمر نقول ليك اجتماعات العلاقات العامة دي في منتصف أزمة الكهرباء ما حا تحل أزمة الكهرباء الممتدة منذ نوفمبر الماضي ... مشاكل الكهرباء المذكورة أعلاه والتي تم بحثها في اجتماعكم حللها الوحيد هو توفير الدولارات ... نعلم بأن دخل البلد من العملات الصعبة يذهب نصفه للبنزين والدقيق الفاخر والنصف الآخر تصرفه الحكومة على المخصصات وسلام الكفاح المسلح وحاجات تانية لا يصح ذكرها ... لو وفرتو ١٠% من مداخيل الدولار لحلحلة مشاكل الكهرباء منذ نوفمبر الماضي لما احتجتم لشغل وقتكم الغالي بمثل هذه الإجتماعات وكانت الأزمة في طي النسيان ... لكن دا ياهو حال البلد وحال مسؤوليها منذ سنيين طويلة خلت ... هرشة :- مافي حاجة إسمها توليد حراري مائي ... ممكن تقول توليد حراري ومائي ...
07-26-2021, 06:52 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
الازمه عموما وتحديدا الجزئيه بتاعت قرى 3 دى بقت لى عامله زى القضيه الفلسطينيه من قمنا وفتحنا للان ما اتحلت هسى قرى دى مفروض حسب التصريحات انها تتشكب مع نهايات الانقاذ وبدايات الثوره لكن لليله شغالين معانا مواعيد عرقوب غايتو يومها البتشغل دا الواحد الا يوزع بلح كرامه
07-28-2021, 05:32 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
بدون إعلان من مسؤوليي الكهرباء أو وزارة الطاقة يستمر الإستقرار في التيار الكهربائي للأسبوع الثاني على التوالي ... لذا يعتبر هذا التحسن مؤقتا ومنذرا بمزيد من القطوعات في أي وقت يختارونه ... إذا كان هذا التحسن حقيقي كان الأجدر أن تعلن عنه وزارة الطاقة وتعلن أسبابه لأنو الشي الطبيعي ان تستمر البرمجة بعد عيد الأضحي كما أوعدو ...
07-30-2021, 06:06 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: وزير الطاقة/إنتهاء برمجة قطوعات الكهرباء اعتبارا من يوم غد الأحد. الخرطوم/سودان اندبندنت. السبت 2021-07-31
أكد وزير الطاقة والنفط علي عبيد جادين استمرار استقرار الامداد الكهربائي عقب انتهاء عطلة عيد الاضحى، وجدد جادين تعهداته بانتهاء برمجة القطوعات ابتداء من غد.
وقال جادين في تصريح بحسب صحيفة الجريدة: هذه الفترة ستشهد استقرارا للتيار الكهربائي، خاصة في فصلي الخريف والشتاء لقلة الاستهلاك في هذين الفصلين في الوقت الذي يزيد فيه الاستهلاك في فترة الصيف بجانب ضعف الماكينات ،واردف التوليد المائي مستقر، ونتفاءل خيرا والأحوال في السليم إلى ان نغادر هذا الفصل في أحسن حال ونستقبل الصيف القادم بوضع أفضل مماكان من الفترة السابقة
افلحت الوزاره ان صدق وزيرها ونتمنى ان ياتى فصل الصيف ومجطه قرى فى الخدمه من دون تسويف واعذار وصيف مستقر انشاء الامداد امتدادا لكهرباء مستقره طول العام
08-01-2021, 05:25 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
عاصم كيفنك ... قطعت عندنا ٦ و١٥ دقيقة قبل أذان المغرب ... الزول دا كيزان الكهربا حا يلعبو بيهو سيجه ... الكيزان في الكهربا تمكين صاموتي ... في كل المستويات ...
08-02-2021, 01:59 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
تصريح تانى على مواقع اخباريه ينفى ماورد سابقا هسى الخوف يجى ينكر كلامو دا ذاتو غايتو لو فى جديه واحترام للمواطن الكلام ومصدر الاخبار يطلع من صففحه وزارة الطاقه وصفحه شركه توزيع الكهرباء غير كدا دانموذج استهبال وعدم مسئوليه وعدم احترام للموطن الانت جيت فى الكرسى دا باسمو وباسم ثورتو ناس شكرا حمدوك ختو معاها شكرا جادين (طبعا مافى زول قيكم سيد وجعه والكلام هين على الاسافير)
Quote: وزير الطاقة: قُطوعات الكهرباء مُستمرّة 2021/08/040 أكّد وزير الطاقة والنفط جادين علي عبيد، استمرار قطوعات الكهرباء خلال الفترة المقبلة نتيجة لارتفاع الطلب على الكهرباء. وقال جادين إن الحديث عن وقف برمجة القطوعات لا يتناسب مع المُعطيات في القطاع، ونفى الحديث المتداول عنه في وسائل التواصل عن وقف البرمجة، وأضاف “قد يحدث بعض التحسُّن نتيجة لأسباب متعددة”، وقطع باستمرار القطوعات، لكنه قال إنها ستكون بصورة مُخفّضة وفي حدود. في سياق آخر، قال جادين بحسب صحيفة الصيحة، إنّ الإنتاج الحالي من النفط بلغ 60 ألف برميل يومياً، واعتبرها دون الطموح، وأشار إلى أن فترة ما قبل انفصال جنوب السودان وصل الإنتاج فيها 500 ألف برميل وتدني إلى 120 ألف برميل، وعزا السبب إلى شُح التمويل والمُقاطعة الاقتصادية. ونوّه إلى أنّ الظروف تمضي في تحسُّنٍ عقب إزالة السودان من القائمة السوداء ودخول الشركاء الذي يُمهِّد الطريق لمزيد من الانفتاح وجذب الاستثمارات. الخرطوم (كوش نيوز)
08-11-2021, 07:59 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
بعد امطار فجر الاحد الغزيره-واستمرار الامداد الكهربائى على غير المعتاد- جات مطره فجر اليوم خفيفه لكناستمرت لفته طويله وبشكل متقطعانقطعت الكهرباء على غير المتوقع فلا امطار غزيره ولا تيارات هوائيه تثير الخوف والحذر الان لحظه كتابه المداخله تهطل امطار يبدو انها غزيره نسال الله ايسوقها الى بلد ارضه ميته ويحفظ لنا الامداد الكهربائى (بالضروه وشبكات الاتصالات) صباح اليوم وصلت العمل فى فاصل استراحه خلال هطول المطر وفحاءه كل الشبكات فى موبايلى (شبكتين) ولا خط ظاهره انقطع امداد المياه مع الامطار برضو ملاحظه رغم انو الامداد من محطه بحرى يعنى بسبب حجمها يفترض يكون فيها الضمانات لاستقرار الامداد المائى
08-16-2021, 04:40 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
قطوعات الكهرباء تمد براسها من جديد اليوم ودون سابق انذار من 12 وربع الى 4 الا ربع حوالى 3 ونص اتصلت على الطوارىء مستسفرا هل هو قطع مبرمج ام امر اخر (صيانه او عطل) موظفه الخدمه الصوتيه شرعت فى رفع بلاع باسمى فوقفتها وقلت ليها انا عايز اعرف الوضع عشان ارتب امورى فكررت هنا ماظاهر عندى ...انتظرها لغايه ماترجع دا اسلوب موظفه خدمات الطوارىء المفروض يكون عندها اسلوب ومدربه على التعامل مع الجمهور (خاصه بعد الاعلام عن تطوير المركز وتنويع الخدمات فيهو) غايتو درس انو الواحد فى اتصالات زى دى مايكون متحدث بنفس هادىء (اول كلامى معاها سلام عليم واستمريت اتكلم بهدوء) الواحد يخش بنفس ار عشان زى المخلوقه دى تقعد فى علبها من اول دقيقه . ماممكن خدمه عملاء وطوارىء تكون فيها المعلومات غير متوفره (لو صدقت الموظفه انو مافى نشره تفيد بكدا) الا ان كانت الموظفه تتعمد التاعمل باسلوب عدوانى (يبدو انها ياكوزه ياشغاله عشان الشغل لكن مامستحمله طبيعه وظروف الشغل دا)
08-18-2021, 04:23 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
من الصباح المويه قاطعه وتوقع تقطع الكهربا الساعه 12 ظهرا حسب برمجه اول امس فى نفس الوقت انتظار وصول وكيل الغاز عشان امشى اسحل الانبوبه واسلمها مواعيد برمجه الكهربا جات وفاتت وماقطعت لحسن الحظ لما اتصلت بوكسل الغاز عشان اجى اسجل لقيت الغتز وصل مشبت غيرت الانبوبه وراجع مبسوط عبيت الانبوبه والكهربا ماقطعت والمويه كانت جات ليها زى ساعهوسبه مجرد وصلت البيت واثنا ما بربط فى الانبوبه وفى بالى اضبط قهوه فاهمه بعدها فجاءه قطعت الكهربا -الساعه 2 تقريبا- طبعا كملت ربط الانبوبه واستسلمت للسخانه ونسيت موضوع كبايه القهوه
08-20-2021, 10:03 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
تخدير الراى العام بتدوير الاعذار والاسباب لاعاده برمجه القطوعات
Quote: #بسبب البارجة التركية زيادة ساعات برمجة قطوعات الكهرباء بالخرطوم ..!! كشف مهندسين بقطاع الكهرباء عن اسباب زيادة ساعات قطوعات الكهرباء بالخرطوم بسبب خروج البارجة التركية التي تنتج الكهرباء لمدينة بورتسودان عن الخدمة وقالوا ان بورتسودان يتم تزويدها من البارجه التركيه والفائض يحول للشبكه للقوميه وفي حاله خروج البارجه يتم امداد بورتسودان بالكهرباء من الشبكه القوميه مما يتسبب في عجز كبير للشبكة القومية التي تلجا لزيادة ساعات القطوعات في الخرطوم لسد العجز وتوقفت البارجة التركية عن امداد بورتسودان بالكهرباء بسبب المديونية الكبيرة على الحكومة # السؤال وقت انتو ماقادرين تدفعو حق الكهرباء ...الفنكهة ليكم شنو تدفعو نص تريليون جنيه علشان تجيبو بيها عربات جديدة للوزراء..؟؟
المصدر اخبار السودان الالكترونيه
08-22-2021, 04:08 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
اليوم مع توقع انقاطاع التيار بعد صلاه المغرب تاخر قطع الامدادلغايه بعد الساعه سبعه واستمر الاقطاع لخمس ساعات كامله (الى الساعه 12 ونص) بعدمنتصف الليل . حتى بعد رضينا بظروف الازمه ونحاول الانسجام معاها يصرو يكونو غير منضظبطين حتى فى المواعيد من حوالى الساعه 6 (قبل صلاة المغرب) وقفت الشغل على الكمبيوتر رغم انوو عندى شغل كتير محتاج ساعات وماحابى يتاثر بانقطاع الكهربا والاعتماد على البطاريه بعدها منتظر تقطع فى مواعيدها اغرب حاجه انك فى اوقات عشان مايختل ايقاع يومك والتزاماتك تتمنى انو الكهربا تقطع هسى (حسب البرمجه طبعااقصد الخرمجه )
08-28-2021, 10:50 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: وزير الطاقة: حلول عاجلة لاستقرار الكهرباء بجميع الولايات 2 سبتمبر 2021
الخرطوم: الإتباهة
قال وزير الطاقة جادين علي، إن الحكومة تجاوزت مشكلة وفرة المنتجات النفطية، وتعمل الآن على كيفية تأهيل البنيات التحتية والسعات التخزينية للمنتجات النفطية.
وبحث لقاء بين وزير الطاقة ووالي سنار الماحي سليمان، إستقرار إمداد الطاقة الكهربائية بولاية سنار خاصة في المشروعات الحيوية وخدمات المواطن وكيفية تطويرها لمواكبة نهضة الولاية وانفتاحها على استقبال المشروعات الاقتصادية.
وأكد أن وزارة الطاقة من ضمن خطتها المستقبلية إمتداد خط أنابيب المشتقات البترولية مدنى الخرطوم الى ربك مرورا بسنار، بحيث تكون سنار ضمن الخط الرئيسى الناقل للمنتجات البترولية القادمة من مصفاة الخرطوم .
كما اكد جادين سعى الوزارة لجلب مستثمرين لهم خبرة فى هذا المجال للاستفادة من مصادر الطاقة الشمسية بولايات السودان المختلفة، وأعلن سعيه التام الى الوصول الى حلول عاجلة لاستقرار التيار الكهربائي بجميع الولايات.
وتناول اللقاء أهمية مربع (8) الذي كانت به اكتشافات سابقة للغاز الطبيعي بولاية سنار منطقة السوكي، وطرحه للمستثمرين لاستئناف العمل فيه حتى يصبح فاتحة خير على الولاية والبلاد بصورة عامة لاسيما بدخوله سيصبح السودان منتجاً للغاز الطبيعي بجانب البترول والمعادن الاخرى.
من جانبه قال والي سنار ان قضية تحسين الإمداد الكهربائى تعتبر اولوية مع تنفيذ مشروعات البنية التحتية ، والتنمية الاجتماعية والمشروعات الخدمية.
وقال إن كل مشكلات التنمية تحل بتوفر الطاقة من كهرباء ووقود، والتى تطور الطرق التى تخدم الزراعة الالية، ومحطات المياه، وعمليات الحصاد.
09-10-2021, 01:38 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: من الاخر كدا مسرحيه لرفع الدعم عن الكهرباء تحسبن قطاع التوليد المائى من جيب المواطن !!!! وين مؤتمرات الدعم وجوامه رئيس الوزراء والوفود من مؤتمرلمؤتمر ؟ قروش معونات وقروض ما اتوجهت لتاهيل البنياتالاساسيه شن فايدتها ؟ الايكونو فى قطاع التوليد المائى دايرين يشتروا مويه يزويدوا بيها الالانهار والنيل ههههههههه وين ناس شكرا حمدوك وناس السولقه بالخلا والتطبيل لمؤتمرات الخارج ؟؟ جعجعه ولانرى طحينا وكمان فيها طوله لسان وتطبيل !!!! واحيانا تخوين واهام بعاداة الثوره سبحان الله
امس الخميس قطعت الصباح ساعتين من 10 لى بعد 12 بشويه رغن انو مايوم برمجه وكانت قاطعه الاربعاء قطعت تانى مع صلاة المغرب ورجعت سريع طلعت لقيت صفين قاطعين لسه وقالو قاطعين من الصباح من 10) المهم تانى قطعت بعد صلاة العشا صفنا مع الجماعه الاصلا قاطعين المهم حاولت ابلغ فى الالتانيه لما قطعت المغرب لقيت ناس الكهربا شغالين رد الى يفيد انو الكهربا قاطعه فى منطقتكم وسيعود التيار قريبا(طبعا ردهم على اساس رقم العداد) يعنى لاتفهم صيانه ؟ ولا برمجه جديده ؟ ولا طوارىء او خادث ؟يخلوك قاعد تتفلت لماقطعت بعد العشا جارنا برضو قال لى حكايه الرد الالى وانو مافاهم الحاصل شنو اتصلت رد الى يول لايمكن الرد لاسباب فنيه وحاول متابعه المشكله عبر قنوات اخرى اتحركت مشيت جهه الاميه (لانو المشكله غالبا من الاميه) لو مالقيتهم شلغلينمعناها دربى عدييل على مكاتبهم وصلت لقيتهمشغالين يبدلو فى ممفتاح طبعا عرفت انو فى اميه الحى المجاور برضو مشكله مفتاح طلع ما اصلى -وعمل مشاكل برضو - واضطرو لتغييرو المهم انك تطور وسائل اتصالك مع العملاء شىء جيد لكن مش بمستوى انو المواطن يدفع مقابل خدمه وتتقطع الخدمه ومايعرف السبب شنو ولا (المده المحتمله لمعالجه المشكله) ويكون الرد الى ومعمم دى خدمه اساسيه وحق للمواطن ومدفوع قيمه الخدمه مقدما ودا ما اسلوب تعامل مع المواطن كمواطن اولا وكعميل (او زبزن-حسب تعبير الرد الالى) قليل من الرقى فى التعامل والاحترام للمواطن
09-19-2021, 12:56 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
فوضى القطوعات (المخرمجه) الليله من الصباح قطعت سته الا ربع صباحا قبل الناس تبدا يومها كويس حاولت الاتصال انتظار 17 دقيقه واتعلق الاتصال لا رد ولا انتظر تانى اتصلت وسالت دا برمجه ولا عطل وذكرت عطل الخميس قال مافى رساله برمجه من مكتب بحرى طيب ارفع بلاع طلب بياناتى اديتو البيانات وعرضا قلت ليهو بياناتى ماعندكم لانى طلول السنوات دى ببلغ قال مافى بيات عنك الفهمتو انو مع التحديث مسحو حتى بيانات متصلين زينا كدا ممكن يكونو جزء من دراسه الاماكن البيكون فيها مشاكل اكثر ويرجعو ليهم فى استبيانات ومسح عن جوده الاداء استقرار الشبكه فى منطقتهم المهم الكهربا رجعت حوال عشره او عشره ونص الساعه 12 قطعت تانى ..شويه ورجعت تانى شكلو مافى جدول واضح للخرمجه وكل يوم يتقطع خط عشوائى وكل فتره خلال اليوم يجى زول من دون مرجعيه جدول منظم يرفع المفتاح من خط عشوائى قطع خلال اليوم ام لا مايهم تبوظ اجهزه ولا يتعطل شغل زول معتمد على الكهربا مامهم عشوائيه مفرطه
تحياتي عاصم ... البيحصل في قطاع الكهرباء ما عندو علاقة بالتوجه السياسي في البلد ... ااااي نعم الوزير شدا وركب فيها كضب ساي بفعل المحاصصة حتي ماجستير إدارة الأعمال (من جامعة جوبا ... خلوة الفكي أبكر) لم تسعفه في تجنب الفشل العما القرى والحضر ... فشل مهني له وللتيم الذي يقوده ... فشل إداري تشهد به فاطنه ست القهوة ... فشل وغياب رؤيا وتخبط كلام ظهر في الإعلام ... زوووول كارثة حقيقية ... المحيرني دق الصفايح والطشاطه لي أولا (ترك) وبعداك إنقلاب (برهان - بكراوي) تصدق وتامن بالله ... حسبتهم أكتر من ١٠٠ بوست في منبرنا دا وحدو .... سيبك من باقي الميديا ... الخميس الجاي سوف تتراجع هذه البوستات للصفحة التالتة او الرابعة وتظل قطوعات الكهربا مدورة في هذا الشعب بدون حل في الأفق ...
09-23-2021, 06:19 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: المحيرني دق الصفايح والطشاطه لي أولا (ترك) وبعداك إنقلاب (برهان - بكراوي) تصدق وتامن بالله ... حسبتهم أكتر من ١٠٠ بوست في منبرنا دا وحدو .... سيبك من باقي الميديا ... الخميس الجاي سوف تتراجع هذه البوستات للصفحة التالتة او الرابعة وتظل قطوعات الكهربا مدورة في هذا الشعب بدون حل في الأفق ...
مرحب سلاح زبير الحاصل فى الميديا وفى زقاقات الحكم والسياسه شىء بعيد عن وضع البلد والمواطن ناس عندها فرق تقدير للواقع او بالاحرى خالقين واقع افتراضى للسودان غير السودان العايشنو بكل كوابيسو وازماتو الاسبوع المنتهى بكره كان مزعج فى موضوع خرمجه القطوعات شغال امتحانات يوم بعديوم متوافقه مع برمجه القطع المسائى اصل البيت وقبل ما فهم الحاصل شنو تقطع الكهربا (اطلع برا اقعد فى الشارع جارنا خفير بيت تحت التشييد اولادو يولعو نار خشب يحتق الواحد والبلد مابقت تسمح بالتجول الامن ليلا) تانى يوم النهار برمجه القطع نهار يعنى يوم اجازه افضل منو تعب وقفه الامتحانات ربنايصلح الحال ويلطف باللد واهلو
10-11-2021, 00:47 AM
Asim Ali Asim Ali
تاريخ التسجيل: 01-25-2017
مجموع المشاركات: 13500
بعد قطع اول امس ليلا اربعه ساعات وشويه الليله قطعت 5 ساعات نهارمن 12 الا (قبل اذان الضهر) الى سته الا (بعد صلاة المغرب) قطوعات الكهرباء بسبب اجراءات بين الماليه والنفط !!قطوعات الكهرباء بسبب اجراءات بين الماليه والنفط !!
12-01-2021, 09:30 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: الكهرباء: تخفيض في ساعات القطوعات 1 ديسمبر 2021
أوضح المهندس عثمان ضوء البيت مدير عام الشركة السودانية القابضة للكهرباء أن ساعات القطوعات ستنخفض ، الا ان مشكلة العجز بين الإنتاج الكهربائي والإستهلاكي ستظل قائمة ما لم يتم إدخال محطات جديدة مثل قرى “3” والذى يحول نقص التمويل فى تنفيذها.
وقال فى تصريح (لسونا) إن خروج البارجة التركية ومشكلة الوقود سبب آخرفى زيادة ساعات القطوعات.
12-22-2021, 07:31 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: الشركة القابضة للكهرباء : بسبب الديون القطوعات ستستمر بوتيرة أكبر والوضع اقرب للانهيار 22 ديسمبر 2021 محطة توليد الكهرباء في ايران أوضح المهندس ابوبكر عباس الزين مستشار الشركة القابضة للكهرباء أن قطاع الكهرباء بالسودان ظل يعاني من مشاكل مستعصية عن الحل وأشار في حديثه لبرنامج (كالآتي) بقناة النيل الأزرق الى أن اهم اسباب عودة القطوعات هي القصور الكبير في عمليات الصيانة لمحطات التوليد وشبكات نقل الكهرباء بجانب الديون المتراكمة وتوقف شركات استيراد قطع الغيار بسبب عدم سداد مستحقاتها مشيرا الى ان هنالك حالة من عدم الثقة بين الشركات وقطاع الكهرباء مطالبا وزارة المالية بضرورة الالتزام بالسداد وجدولة الديون وقال عباس ان الديون ليست بالكبيرة على الدولة فالقطاع يحتاج الى 30 مليون دولار وهل المبلغ المطلوب لحل المشكلة وتوقع استمرار القطوعات بوتيرة اكبر اذا لم تحل مشكلة الديون وقال الوضع الآن أقرب للانهيار مستبعدا حدوث زيادة في اسعار الكهرباء وقال الزيادة السابقة لم تنعكس على استقرار وتوفر الامداد .
12-22-2021, 10:02 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
هلا عاصم ... عن إذنك .... شلنا الفيديو بتاعك وععععمل لي مشكلة في بوست الكهربا بتاعي ... نأمل مرور الريس هنا وبي هناك لحل المشكلة ... التعليق أدناه بخصوص الفديو من المفروض أكتبو بي هناك حيث فشلت في الحاقه بالبوست ... الفيديو قفل البوست
Quote: لعناية الباشمهندسين ود الشيخ وود البشرى وصديق مهدي ... أرجو متابعة الفديو بين الدقيقة 7 ة55 ثانية والدقيقة 9 و20 ثانية
12-23-2021, 07:13 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
كل مسئول يجى يعمل عروضو الشعب بيعرف حاجه واحده بدل الزيارات التصريحات كهربا مستقرة وبس غير كدا احسن يا مسئول تقوم بواجبك وتنجض شغلتك
Quote: محطة جديدة لانتاج الكهرباء تدخل الخدمة في مايو القادم 23 ديسمبر 2021
قام وكيل وزارة الطاقة والنفط المهندس محمد عبدالله محمود أمس بزيارة تفقدية إلى كل من شركة مصفاة الخرطوم ومركز التحكم في المنتجات النفطية بقري، وطاف المستودعات الإستراتيجية بالإضافة إلى تفقد سير العمل في محطة كهرباء قري3 رافقه مديري الإدارات العامة بالوزارة .
وإطمأن الوكيل والوفد المرافق له على سير العمل في المرافق المذكورة بصورة طبيعية، وقال توجد كميات كافية من المواد البترولية تفي حاجة البلاد من المحروقات والعمل يجري بصورة طبيعية في شركة مصفاة الخرطوم حيث تقوم بتكرير الخام النفطي، كاشفاً عن مناقشة بعض التحديات المحدوده مع العاملين بالمصفاة، وواعداً بالحلول ومناقشة الجوانب التي تلي الجهات المشتركة في الدولة مثل وزارة المالية والجهات الأخرى حتى يستمر العمل في المصفاة حسب الخطط المرسومه في رفد البلاد بالمواد البترولية دون تدني أو توقف في التكرير.
وشملت الزيارة مركز التحكم في المواد البترولية والمستودعات الإستراتيجية بمنطقة قري، ووقف على العمل في غرفة نقل البترول والمواد السائلة وإطمأن على أن العمل يجري بصورة طيبة في المركز الذي تتجمع فيه المواد البترولية الواردة من مصفاة الخرطوم ومن خارج السودان عبر خطوط الأنابيب من بورتسودان إلى مركز التحكم.
وعلى صعيد قطاع الكهرباء تفقد الوكيل سير العمل في محطة كهرباء قري3 بمنطقة قري، والتي يجري فيها العمل بصورة طيبة، ووقف على الأجزاء الجديده التي تم تركيبها، والمباني الخاصة بمكونات المحطة، وإستمع إلى شرح وأفي من مدير المشروع ومدير عام الشركة السودانية للتوليد الحراري، والتي من المتوقع أن تدخل دائرة الإنتاج في مايو القادم.
وقال الوكيل سنعمل بجد حتى تدخل محطة كهرباء قري3 إلى الخدمة في أقرب وقت ممكن لكي تساهم في دعم الشبكة القومية للكهرباء ووعد بالعمل على مجابهة التحديات التي تواجه المرافق المذكورة مهما كان حجمها حتى تنعم بالإستقرار التام، والمحافظة على هذه الموارد الإستراتيجية التي تهم المواطنين في قطاعي البترول والكهربا، مبيناً أن هذه الزيارة تأتي في إطار المتابعة للعمل.
01-09-2022, 03:54 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
عودو قطوعات الكهرباء رغم الزيادات الهائله فى تعريفه الكهرباء هلفعلا الزيادات لتغطيه تكاليف صيانه وتطوير شبكه الكهرباء ام هى مجرد محاوله اخرى لتحميل الشعب تكاليف صرف على دوه مترهله الادارة بحسب الترضيات وصرفها على القمع لاضمان استمراريتها ؟
01-11-2022, 03:23 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: لجنة لمراجعة زيادة تعرفة الكهرباء 11 يناير 2022
الخرطوم: الإنتباهة
شكل مجلس السيادة لجنة لمراجعة زيادة تعرفة الكهرباء، خاصة للقطاع الزراعي.
وتتألف اللجنة بحسب تصريح صحفي للمجلس، برئاسة عضو مجلس السيادة أبو القاسم برطم وعضوية كل من وزارتى المالية والطاقة والنفط، لمراجعة الزيادات.
وقالت المتحدثة باسم المجلس، ان المجلس خلال جلسته الاثنين، أكد على ان حرية التعبير والتظاهر حق مكفول للجميع، ودعا إلى الالتزام بالسلمية، وأوضح ان دور الشرطة والأجهزة الأمنية خلال التظاهرات، ينحصر في حراسة المواكب وحمايتها وضمان سلميتها.
01-14-2022, 06:42 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: *بيان صحفي* *ناقلة تتسبب في إتلاف أحد الأبراج الناقله للكهرباء بطريق بورتسودان* تشير وزارة الطاقة والنفط الى خروج البارجه التركية ببورتسودان من تغذية الشبكة القوميه للكهرباء نتيجة لتحطم أحد الأبراج الناقله للكهرباء في الخط الرئيسي الذي يربط بورتسودان بالشبكة القوميه، وذلك بسبب اصطدام ناقلة تجارية بالبرج مما أدى لاتلافه كلياً؛ وقال المهندس محمد عبدالله محمود وزير الطاقة والنفط المكلف، ان ادارة الكهرباء تحركت فوراً لموقع الحدث لمعالجة هذا الخلل و إصلاح البرج كما ان هنالك معالجات أخرى تجري من قبل الفنيين في الكهرباء لاعادة الكهرباء لمدينة بورتسودان بشكل عاجل من خلال إعادة تشغيل البارجة التركية بالتنسيق مع شركة بشائر للبترول في أسرع وقت ممكن؛ كما اوضح ان العمل علي اعادة تأهيل البرج التالف تسير بشكل حثيث، موضحاً ان تعطل الخط الناقل ادى الى خروج حوالى ١٥٠ ميغاوات من الشبكة القومية للكهرباء اثرت بشكل مباشر على استقرار الأمداد الكهربائي فى مناطق السودان الأخرى . *إعلام وزارة الطاقة والنفط الجمعه 14 يناير 2022م* *ناقلة تتسبب في إتلاف احد الأبراج الناقله للكهرباء بطريق بورتسودان* تشير وزارة الطاقة والنفط الى خروج البارجه التركية ببورتسودان من تغذية الشبكة القوميه للكهرباء نتيجة لتحطم احد الابراج الناقله للكهرباء في الخط الرئيسي الذي يربط بورتسودان بالشبكة القوميه، وذلك بسبب اصطدام ناقلة تجارية بالبرج مما أدى لاتلافه كلياً؛ وقال المهندس محمد عبدالله محمود وزير الطاقة والنفط المكلف، ان ادارة الكهرباء تحركت فورا لموقع الحدث لمعالجة هذا الخلل و اصلاح البرج و ان هنالك معالجات اخرى تجري من قبل الفنيين في الكهرباء لاعادة الكهرباء لمدينة بورتسودان بشكل عاجل من خلال إعادة تشغيل البارجة التركية بالتنسيق مع شركة بشائر للبترول في أسرع وقت ممكن؛ كما اوضح ان العمل علي اعادة تأهيل البرج التالف تسير بشكل حثيث، واوضح ان تعطل الخط الناقل ادى الى خروج حوالى ١٥٠ ميغاوات من الشبكة القومية اثرت بشكل مباشر على استقرار الأمداد الكهربائي فى مناطق السودان الاخرى. *إعلام وزارة الطاقة والنفط الجمعه 14 يناير 2022م*
01-24-2022, 07:30 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
استنادا على موازنة الحكومة الاتحادية للعام المالى ٢٠٢٢م و القوانين المصاحبة لها المجازة من الاجتماع المشترك لمجلسي السيادة و الوزراء بتاريخ ٢٠ يناير ٢٠٢٢م، و التى اعتمد فيها دعم الحكومة لتكاليف تشغيل الكهرباء بنسبة ٦٩٪ على ان يتم تحصيل نسبة ٣١٪ من تكاليف التشغيل عبر تعرفة البيع. عليه تمت مراجعة فئات تعرفة الكهرباء من وزارتي المالية و التخطيط الاقتصادى و الطاقة و النفط و تعديلها ابتداء من اليوم ٢٤ يناير ٢٠٢١م الساعة الثامنة مساء يالتوقيت المحلى لتكون وفقا للجدول المرفق.
اعلام وزارة الطاقة والنفط الإثنين 24 يناير 2022م
01-24-2022, 08:58 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
اكتر من 10يوم شغالين فى بناء برج ضغط عالى واحد هسى دالو كان فى دولهتانه زى الصينولا اليابان او مصر القريبه دى كان ورديات 24 ساعه يخلص فى 72 ساعه
Quote: *اقتراب انتهاء عمليات الصيانة في البرج الناقل لكهرباء بورتسودان* قال وزير الطاقة والنفط المكلف المهندس محمد عبدالله محمود ان العمل في البرج الذي تحطم قبل أيام يجري العمل فيه بصورة طيبة ومن المتوقع أن تنتهي عمليات الصيانة قريباً. وكان قد تحطم نتيجة تعرضه لاصطدام من ناقلة تجاريه مما أدى إلى انقطاع الكهرباء عن مدينة بورتسودان لعدة ايام وخروج 150 ميغاواط من الشبكة نتيجة خروج البارجة التركية ببورتسودان مما أثر على بقية ولايات السودان. *اعلام وزارة الطاقة والنفط الإثنين 24 يناير 20 22م*
03-02-2022, 06:00 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة