♧ علمتنا صروف القدر و نوائب الدهر £

♧ البروف حساس/ محمد عبدالله الريح دوَّ هذا ااموقف علر الفيس :
هذا سلوك زول سودانى ﻻ يملك من الدنيا إلا القليل مما فد يسد الرمق :
إﺗﺼﻞ بي ﺭﻗﻢ ﻏﺮﻳﺐ ﺭﺩﻳﺖ ﻋﻠﻴﻪ ﻗﺎﻝ ﻟﻲ : ﻣﻌﻠﻴﺶ يا أﺧﻮﻱ ﺭﺳﻠﺖ ﻟﻴﻚ ﺭﺻﻴﺪ
ﻣﻠﻴﻮﻥ ﺑﺎﻟﻐﻠﻂ ﻗﻠﺖ ﻟﻴﻪ: ﺩﻗﻴﻘﻪ ﺃﺷﻮﻑ ﺍﻟﺘﻠﻔﻮﻥ ﻭ ﻗﻔﻠﺖ وﺇﺳﺘﻌﻠﻤﺖ عن ﺍﻟﺮﺻﻴﺪ.
و ﻓﻌﻼً ﻃﻠﻊ طاييني ﺭﺻﻴﺪ ﻣﻠﻴﻮﻥ . ﺣﺒﻴﺖ ﺃﺧﺘﺒﺮ ﺭﺩﺓ فعلو ؛ فاﺗﺼﻠﺖ ﻋﻠﻴﻪ ﻗﻠﺖ
ﻟﻴﻪ ﺍﻟﺮﺻﻴﺪ ﻭﺻﻞ ﻟﻜﻦ ﺃﻧﺎ ماحأرسله ليك ﻷﻧﻲ ﻣﺤﺘﺎﺝ ﻟﻴﻪ ﺃﻛﺘﺮ ﻣﻨﮓ لأنه ﺃﻣﻲ
ﻋﻴﺎﻧﻪ ﻫﻬﻬﻬﻬﻬﻬﻬﻬﻬﻪ ﻭ ﻓﺘﺤﺖ ﺍلسبيكر لأنو ﺍﻟﻨﺎﺱ ﺍﻟﻤﻌﺎﻱ ﻣﺘﺸﻮﻗﻴﻦ ﻟلنهاية.

● ﻭ ﺍلله يا ﺃﺧﻮﺍﻧﺎ ﺍﻟﺰﻭﻝ ﺩﻩ ﺭﺩ ﻟﻲ ﺭﺩ أﺻﻼً ما إﺗﻮقعتو ﻭ ﻻ ﺗﻮﻗﻌﻮ زول ﻤﻌﺎﻱ
ﻭ ﻳﻘﺸﻌﺮ ﻟﻴﻪ ﺍﻟﺒﺪﻥ. ﻗﺎﻝ ﻟﻲ : يا ﺯﻭﻝ ﺣﺮّﻡ ﺗﻌﺎﻟﺠﻬﺎ ﺑﻴﻪ ﻭأﻧﺎ ﺗﺎﻧﻲ ﺑﺘﺼﺮﻑ ﻭ ﺭﺑﻨﺎ
ﻳﻜﺘﺐ ﻟﻴﻬﺎ ﺍﻟﺸﻔﺎﺀ . ﻭﺍلله ﺣﺴﻴﺖ ﺑﺈﺣﺴﺎﺱ ﺃﺟﻤﻞ ﻣﺎ ﻳﻜﻮﻥ ﻭﻗﻠﺖ ﻟﻴﻪ ﻭﺍلله أﻧﺎ
ﺑﻬﻈﺮ ﻣﻌﺎﻙ ﺳﺎﻱ ﻭوﺩﺍﻳﺮ أﺷﻮﻑ ﺭﺩﺓ ﻓﻌﻠﻚ بس. ﻭ ﺍلله ﺍﻟﻮﺍﻟﺪة ﺑﻌﺎﻓﻴة ﺗﺎﺍﺍﻣة
ﻭﻣﺎ ﻋﻨﺪﻫﺎ أي ﻋﻮجة .
● ﺍﻟﺰﻭﻝ ﻟﺴﻪ ﺑﻘﻮﻝ ﻟﻲ : ﺳﺄﻟﺘﻚ ﺑﺎلله ﻟﻮ ﻣﺤﺘﺎﺟﻬﺎ ﻟﻌﻼﺝ ﺍﻣﻚﺧﻠﻴﻬﺎ ﻭ ﻳﺤﻠﻒ
ﻃﻼﻕ ﻭﻳﺼﺮ ﻋﻠﻲ ﻭﻳﺤﻠﻔﻨﻲ ﻗﻮﻝ ﻭﺍلله ﺍﻣﻚ ﺑﺨﻴﺮ . ﺣﻠﻔﺖ ﻟﻴﻪ ﺍﻧﻬﺎ ﺑﺨﻴﺮ ﻭﻋﺎﻓﻴﻪ.
ﺑﻌﺪ ما ﺣﻮﻟﺖ ﻟﻴﻪ ﺍﻟﺮﺻﻴﺪ ﻭ أﺧﺪﺕ ﻭأﺩﻳﺖ ﻣﻌﺎﻩ ﻓﻲ ﺍﻟﻜﻼﻡ إﺗﺨﻴﻠﻮا ﻃﻠﻊ ﺍﻟﺮﺻﻴﺪ
ﻣﺎﺷﻲ ﻟﻣﻨﻮ ؟ ﻫﻮ ﺷﻐﺎﻝ ﻓﻲ ﻣﻬﻨﻪ عادية ﻓﻲ ﻛﺮﺩﻓﺎﻥ ﻭﺍﻟﻘﺮﻭﺵ ﻣﺎﺷﻪ ﻣﺼﺎﺭﻳﻒ
ﻋﻼﺝ ﻟﻮﻟﺪه ﺑﺪﺭﺱ في ﺍﻟﺠﺎﻣﻌﻪ في ﺍﻟﺨﺮﻃﻮﻡ ﻭﻣﺮﻳﺾ في ﻧﻔﺲ ﺍﻟﻮﻗﺖ .

● ﻭﺍلله ما ﺍﺗﻤﺎﻟﻜﺖ ﺩﻣﻮﻋﻲ ﻭ ﺑﻌﺪ ما ﺗﻌﺮﻑ ﻋﻠﻲﻗﺎﻝ ﻟﻲ ﻋﻨﺪﻱ ﺑﻬﺎﺋﻢ
في ﺍﻟﺒﻴﺖ ﻭ أﻧﺎ ﺣﺎﻟﻒ ﻃﻼﻕ ﻟﻴﻚ ﻣﻨﻬﻢ 3 ﺭﺃﺱ ﺿﺎﻥ ﻓﻲ ﺍلله ﻟﻮ ﻋﻨﺪﻙ ﺯﻭﻝ
في ﺍﻷﺑﻴﺾ ﺧﻠﻲ ﻳﺠﻲ ﻳﺸﻴﻠﻬﻢ ﻟﻴﻚ ﻭﻟﻮ ﻣﺎ ﻋﻨﺪﻙ ﺍﻧﺎ ﺑﺮﺳﻠﻬﻢ ﻟﻴﻚ !!ﺯﻭﻝ ما
ﻋﻨﺪه ﺑﻲ أﺩﻧﻰ ﻋﻼﻗﻪ ﻭ ﻻ ﺑﻌﺮﻓﻨﻲ ﻭ ﻳﻤﻜﻦ ما ﻧﺘﻼﻗﻰ في ﻳﻮﻡ ﻣﻦ ﺍﻻﻳﺎﻡ ﻭ ﻻ
ﺭﺍﺟﻲ ﻣﻨﻲ ﻣﻘﺎﺑﻞﻣﻮﻗﻒ ﺃﻛﻤﻞ ﻣﻌﻨﻰ ﻛﻞ ﺷﻲ. يا ﺃﺧﻮﺍﻧﺎ ﺩﻳﻞ ﻛﺎﺋﻨﺎﺕ ﺷﻨﻮ ﺩﻳﻞ
ﻧﻔﻮﺱ ﺳﻮﺩﺍﻧﻴﻪ ﻣﺎ ﺯﺍﻟﺖ أﺻﻴﻠﻪ ﻧﺨﻮﻩ ﻭ ﺇﻳﺜﺎﺭ ﻭﻛﺮﻡ ﻭإﺣﺴﺎﻥ في ﺍﻟﺤﻮﺟة.
ﺯﻭﻝ زﻱ ﺩﻩ ﻓﻲ ﺯﻣﻨﺎ ﺩﻩ ﺣﺎﺟﻪ ﺗﺤﻴﺮ.. ﺩﻩ ﺍﻟﺴﻮﺩﺍﻥ ﻳﺎهُ ﺩﻩ ﺍﻟﺴﻮﺩﺍﻥ.