|
|
 Re: عيونك يا حمادة فيها حاجة . (Re: shaheen shaheen)
|
29
اخيراً وجدتك يا " نوارة "
وجدتك جثة باردة فى ثلاجة المشرحة
قلت لهم ويدي ترتجف
- ايوه , دى هى , نوارة الماحى , نوارة اختى الوحيدة .
قاموا بحركة مسرحية سخيفة وهم يرفعون ايديهم
- الفاتحة .. ربنا يصبرك يا دكتور .
نظرت لهم دون اهتمام , دون ان اكترث حتى برفع يدي لمشاركتهم فى لعبتهم الروتينية المفضلة
- دى هى نوارة .
تقرير التشريح اشار باقتضاب ان سبب الوفاة هبوط حاد فى الدورة الدموية , وجدوها ميتة وهى نصف عارية على رصيف , الحمد لله ان الوفاة قد حدثت قبل ساعات , ولم تتحلل
تحلقوا حولى على هيئة نصف دائرة , عامل المشرحة صاحب الاظافر الطويلة المتسخة وكان يمضغ قطعة من الحلوى اللزجة , شرطى لا اعلم من اين جاء , وثالث رث الثياب يتحدث باسراف عن الاجراءات والاوراق المطلوبة , المختومة باختام وتوقيعات جهات رسمية غامضة
- الصبر يا دكتور .. ربنا يجعلها اخر الاحزان .
تطوع الشرطى باضافة معلومة هامة لم اكن اعرفها , وهو يضع يده على كتفى كأننا اصدقاء طفولة
- الموت علينا حق .. الرسول ذاتو مات .
شعرت بالدوار من هذه المحاضرات الروحية السمجة , تماسكت بصعوبة بالغة
- عايز انتهى من الاجراءات بسرعة عشان استلم الجثـ .. عشان استلم نوارة .
يلعب الموت معى لعبته باقتدار .. ايام لندن كانت بيننا مُكالمات هاتفية طويلة , تطلب منى ان اتدثر جيداً بالغطاء فى البرد , وان اكل وجباتى الثلاث بانتظام , انا المشهور بالفوضى فى مواعيد الطعام
قلت انها قد وصلت الى بر الامان مع زوجها الطبيب البشرى فى المنفى الاختيار بـبورتسودان , قلت ان السفينة اخيراً قد استقرت فى ميناء لذيذ , أطفال وزوج حنون ناجح على الاقل فى مُحيطه الجغرافى الضيق الذى يتحرك فيه , واستقرار مادى محترم يُشكل طوق نجاة من الحوجة والعوز .. لكن حساباتى كانت خاطئة , متى كانت صحيحة ؟
كان لديها ولع بالشعر , تكتبه باقتدار , ثم تحرقه فى نهاية المطاف , تخجل من نشره
ارسلت لى ايام لندن واحدة من اروع القصائد التى كتبتها فى حياتها :
اهلاً وسهلاً
انتا مين ؟
لما عاينتا فـى مرآية
ما عرفتك
انتا مين يا وش حزين ؟
عاملة ايه فيك السنين ؟
مركب تودى .. التوديك ما بتجيب
انتا مين ؟
يا زول مداقش فى دروب الهجرة
فى جيوب البنطلون شايل حنين
درباً بوديك .. البوديك ما بيجيب
**
ضيعتا وشك يا غريب
ضيعتو فى زحمة رصيف
وصرختا فى الوش البديل
- منو انتا ؟ .. انا شايفك كتير .
انتا مين ؟
يا الماشى حفيان فى الطريق
شاكيك شوك درب المسير
وين الجناحين شان تطير ؟
لا راحة فى الوطن الاساس
لا راحة فى الوطن البديل
**
مكتوب عليك الاندهاش
مقسومة ليك سكة سفر
شنطك مستفة للرحيل
موعود تكون فى الغربة يا بحار غريب
يا غربة فى الوطن الاساس
يا غربة الوطن البديل
**
وشك صرخ فيك
- انتا مين ؟ .
رديت
- غريب , داير استريح .
وشك قفل باب وشو فى وشك
وبقيت براك
انسان وحيد .. مهجوم من الامطار .. حزين
موعود تكون فى الغربة يا بحار هجين .
دمعت عيونى فى تلك الليلة من هذا الحس الادبى المرهف, هاتفتها فى الثانية صباحاً , ردت بصوتها المستيقظ من النوم فى فزع
- مهدى ! .. فى حاجة يا مهدى ؟ .. انتا كويس .
قلت لها فى شجن
- اهلاً وسهلاً .. انتى مين ؟ .
ضحكت فى فرح طفولى
- بالله مصحينى الساعة اتنين صباحاً عشان تقول لى كده ! .. هجمتنى يا مهدى وووب علي , انا هسع قلتا انك عيان .
- يا بت انتى شاعرة كويسة .. حرام يا نوارة الموهبة دى تضيع منك , حرام انك تكونى مجرد ربة منزل وبس .
قالت فى دلال
- ها , يا ولد , ها .. دى حاجات بكتبها لما اكون زهجانة .. بالمناسبة القصيدة دى كتبتها ليك مخصوص .
- انا فخور انك اختى يا نوارة , بالجد انا فخور .
قلت لها فى اصرار اننى سوف انشرها فى اى دورية عربية ثقافية
- اوعك يا مهدى .. أشعارى لا تُهدى , لا تُباع , و لا تُنشر , لو نشرتها , تانى ما برسل ليك اى قصيدة .
اصبحت هذه القصيدة بالذات بيننا مثل شفرة , نفتتح بها كل المكالمات الهاتفية
- اهلاً وسهلاً .. انتى مين ؟ .
- انتا مين يا وش حزين ؟ .. عاملة ايه فيك السنين ؟ .
تحرك صديقى بوضع اليد عامل المشرحة ومعه الآخر رث الثياب فى انهاء اوراق الاستلام وشهادة الوفاة , هاتفت زوجها الطبيب البشرى
- زوجتك اتوفت .
قال بصوت مُنغم ينتمى لكتلة عدم الانحياز
- نعم ؟ .
- انتا بقيت أطرش ؟ قلت ليك زوجتك نوارة ام اولادك اتوفت , كلم الاولاد .
رد فى أرتباك
- أأأأأأأ .
كان هناك فى الطرف الآخر صوت نسائى قوى , سمعت انه قد تزوج من موظفة عيادته الخاصة , امرأة مُتسلطة , نحيفة مثل عود الذرة , ترتدى النقاب وتتحدث عن عذاب القبر حتى فى حفلات الأعراس , تحول البيت على يديها الى خلية اسلامية نائمة .. رحلت الشاعرة الرقيقة عن المنزل وجاءت المتطرفة , شرائط " احمد الجابرى " اختفت , وتكدست فى الارفف الخشبية شرائط " عبدالحميد كشك " , هذا هو التطور الطبيعى للدولة المُتجهة نحو الحداثة فى رشاقة !
حملتها بين يدي مثل طفل , حملتها وانا احتضنها , رغم كل الاعتراضات لكى نحملها بواسطة النقالة الى عربة الاسعاف
قلت لهم
- مافى زول يفتح دينو معاى .. انا بشيل اختى كده لحدى عربية الاسعاف .
صمتوا فى خوف .. كنت فى قمة الارهاق , من الصباح حتى العصر , تشجع رث الثياب قليلاً وصرخ فى ايمان مؤمن بالشكليات الدينية
- لا , لا .. كده حرام شرعاً , دقيقة بس , النقالة ياأأأأأ....
وقف مُعترضاً طريقى , ثم ابتعد بسرعة عندما لمح نظرات عيونى , نظرات عيون مجنون
كانت مثل طفلة فى الحجم والوزن , مُتخشبة وباردة ومُتسخة
مشيت بها فى الردهات الداخلية والخارجية حتى مكان العربة البيضاء .. بحلق بعض الرجال البلهاء فى المشهد الذى امامهم , كأنهم يُشاهدون فيلم مُثير على قناة فضائية , كنت اتوقف وانا احملها وانظر فى عيونهم مُباشرة مثل مجنون
- فى شنو يا علق يا ود الحرام بتعاين لى كده مالك ؟ .
كانوا يفرون من امامى بخطوات سريعة متعثرة وهم يهمهمون بكلمات عن الصبر ومفتاح الفرج .. عندما وضعتها فى الصندوق الخلفى لعربة الاسعاف , ارحت راسى على صدرها البارد , قلت لها فى همس وحنان
- انتا مين ؟ .. يازول مِداقش فى دروب الهجرة , فى جيوب البنطلون شايل حنين .
عندما سمعت صوت السرينة العالى المزعج , وعندما اغلقوا علينا الباب .. بكيت دون توقف , بكيت حتى نزفت من انفى
- يا ماما مهدى رِعف .
تصرخ هى فى حب حقيقى , وتأتى امى مهرولة
- قلت ليك مليون مرة ما تلعب فى الشمس , السخانة بتعمل ليك رعاف .
تُنزل راسى الى الاسفل , وتسكب الماء البارد عليه , بينما " نوارة " تبكى وهى تمسح عنى الدماء بفستانها المتسخ الصغير .
|
|
 
|
|
|
|
|
| العنوان |
الكاتب |
Date |
| عيونك يا حمادة فيها حاجة . | shaheen shaheen | 04-16-18, 09:20 AM |
| Re: عيونك يا حمادة فيها حاجة . | shaheen shaheen | 04-16-18, 09:22 AM |
| Re: عيونك يا حمادة فيها حاجة . | shaheen shaheen | 04-16-18, 09:30 AM |
| Re: عيونك يا حمادة فيها حاجة . | shaheen shaheen | 04-16-18, 09:48 AM |
| Re: عيونك يا حمادة فيها حاجة . | shaheen shaheen | 04-16-18, 02:51 PM |
| Re: عيونك يا حمادة فيها حاجة . | shaheen shaheen | 04-16-18, 03:29 PM |
| Re: عيونك يا حمادة فيها حاجة . | shaheen shaheen | 04-18-18, 10:38 PM |
| Re: عيونك يا حمادة فيها حاجة . | shaheen shaheen | 04-19-18, 09:47 PM |
| Re: عيونك يا حمادة فيها حاجة . | shaheen shaheen | 04-19-18, 10:04 PM |
| Re: عيونك يا حمادة فيها حاجة . | shaheen shaheen | 04-25-18, 09:48 PM |
| Re: عيونك يا حمادة فيها حاجة . | shaheen shaheen | 04-27-18, 09:14 PM |
| Re: عيونك يا حمادة فيها حاجة . | shaheen shaheen | 04-27-18, 09:23 PM |
| Re: عيونك يا حمادة فيها حاجة . | shaheen shaheen | 04-30-18, 05:02 AM |
| Re: عيونك يا حمادة فيها حاجة . | shaheen shaheen | 05-02-18, 04:33 AM |
| Re: عيونك يا حمادة فيها حاجة . | shaheen shaheen | 05-02-18, 04:40 AM |
| Re: عيونك يا حمادة فيها حاجة . | shaheen shaheen | 06-18-18, 05:50 PM |
| Re: عيونك يا حمادة فيها حاجة . | shaheen shaheen | 07-25-18, 05:25 AM |
| Re: عيونك يا حمادة فيها حاجة . | shaheen shaheen | 07-28-18, 03:25 PM |
| Re: عيونك يا حمادة فيها حاجة . | shaheen shaheen | 07-28-18, 03:36 PM |
| Re: عيونك يا حمادة فيها حاجة . | shaheen shaheen | 07-29-18, 09:56 AM |
| Re: عيونك يا حمادة فيها حاجة . | shaheen shaheen | 08-23-18, 06:56 PM |
| Re: عيونك يا حمادة فيها حاجة . | shaheen shaheen | 08-23-18, 07:16 PM |
| Re: عيونك يا حمادة فيها حاجة . | shaheen shaheen | 09-11-18, 08:51 AM |
| Re: عيونك يا حمادة فيها حاجة . | shaheen shaheen | 09-11-18, 04:46 PM |
| Re: عيونك يا حمادة فيها حاجة . | shaheen shaheen | 09-15-18, 09:54 AM |
| Re: عيونك يا حمادة فيها حاجة . | shaheen shaheen | 09-15-18, 10:21 AM |
| Re: عيونك يا حمادة فيها حاجة . | shaheen shaheen | 09-15-18, 10:42 AM |
| Re: عيونك يا حمادة فيها حاجة . | shaheen shaheen | 09-20-18, 07:09 PM |
| Re: عيونك يا حمادة فيها حاجة . | shaheen shaheen | 09-16-18, 11:32 AM |
| Re: عيونك يا حمادة فيها حاجة . | shaheen shaheen | 09-21-18, 04:55 PM |
| Re: عيونك يا حمادة فيها حاجة . | shaheen shaheen | 09-24-18, 07:17 PM |
| Re: عيونك يا حمادة فيها حاجة . | shaheen shaheen | 09-24-18, 07:32 PM |
| Re: عيونك يا حمادة فيها حاجة . | shaheen shaheen | 09-25-18, 09:16 PM |
| Re: عيونك يا حمادة فيها حاجة . | shaheen shaheen | 09-27-18, 07:28 PM |
| Re: عيونك يا حمادة فيها حاجة . | shaheen shaheen | 10-01-18, 06:41 AM |
| Re: عيونك يا حمادة فيها حاجة . | shaheen shaheen | 10-02-18, 06:23 PM |
| Re: عيونك يا حمادة فيها حاجة . | shaheen shaheen | 10-02-18, 06:25 PM |
| Re: عيونك يا حمادة فيها حاجة . | shaheen shaheen | 10-03-18, 03:59 PM |
| Re: عيونك يا حمادة فيها حاجة . | shaheen shaheen | 10-03-18, 08:38 PM |
| Re: عيونك يا حمادة فيها حاجة . | shaheen shaheen | 10-05-18, 10:07 PM |
| Re: عيونك يا حمادة فيها حاجة . | shaheen shaheen | 10-07-18, 07:19 PM |
| Re: عيونك يا حمادة فيها حاجة . | shaheen shaheen | 10-07-18, 07:32 PM |
| Re: عيونك يا حمادة فيها حاجة . | shaheen shaheen | 10-11-18, 07:02 PM |
| Re: عيونك يا حمادة فيها حاجة . | shaheen shaheen | 10-11-18, 07:04 PM |
| Re: عيونك يا حمادة فيها حاجة . | shaheen shaheen | 10-11-18, 07:23 PM |
| Re: عيونك يا حمادة فيها حاجة . | shaheen shaheen | 10-11-18, 08:01 PM |
| Re: عيونك يا حمادة فيها حاجة . | shaheen shaheen | 10-15-18, 09:54 PM |
| Re: عيونك يا حمادة فيها حاجة . | shaheen shaheen | 10-22-18, 09:53 PM |
| Re: عيونك يا حمادة فيها حاجة . | shaheen shaheen | 10-22-18, 10:22 PM |
| Re: عيونك يا حمادة فيها حاجة . | shaheen shaheen | 10-23-18, 09:17 PM |
| Re: عيونك يا حمادة فيها حاجة . | shaheen shaheen | 10-24-18, 05:57 PM |
| Re: عيونك يا حمادة فيها حاجة . | shaheen shaheen | 10-24-18, 06:10 PM |
| Re: عيونك يا حمادة فيها حاجة . | shaheen shaheen | 10-24-18, 06:37 PM |
| Re: عيونك يا حمادة فيها حاجة . | shaheen shaheen | 10-24-18, 06:45 PM |
| Re: عيونك يا حمادة فيها حاجة . | shaheen shaheen | 10-24-18, 09:55 PM |
| Re: عيونك يا حمادة فيها حاجة . | shaheen shaheen | 10-24-18, 10:04 PM |
| Re: عيونك يا حمادة فيها حاجة . | shaheen shaheen | 10-24-18, 10:13 PM |
| Re: عيونك يا حمادة فيها حاجة . | shaheen shaheen | 10-24-18, 10:21 PM |
| Re: عيونك يا حمادة فيها حاجة . | shaheen shaheen | 10-24-18, 10:29 PM |
| Re: عيونك يا حمادة فيها حاجة . | shaheen shaheen | 10-24-18, 10:46 PM |
| Re: عيونك يا حمادة فيها حاجة . | shaheen shaheen | 10-31-18, 08:06 PM |
| Re: عيونك يا حمادة فيها حاجة . | shaheen shaheen | 10-31-18, 08:17 PM |
| Re: عيونك يا حمادة فيها حاجة . | shaheen shaheen | 10-31-18, 08:32 PM |
| Re: عيونك يا حمادة فيها حاجة . | shaheen shaheen | 11-03-18, 04:13 PM |
| Re: عيونك يا حمادة فيها حاجة . | shaheen shaheen | 11-03-18, 04:25 PM |
| Re: عيونك يا حمادة فيها حاجة . | shaheen shaheen | 11-05-18, 09:11 PM |
| Re: عيونك يا حمادة فيها حاجة . | shaheen shaheen | 11-05-18, 09:26 PM |
| Re: عيونك يا حمادة فيها حاجة . | shaheen shaheen | 11-06-18, 09:46 PM |
| Re: عيونك يا حمادة فيها حاجة . | shaheen shaheen | 11-06-18, 09:58 PM |
| Re: عيونك يا حمادة فيها حاجة . | shaheen shaheen | 11-10-18, 12:13 PM |
| Re: عيونك يا حمادة فيها حاجة . | shaheen shaheen | 11-10-18, 12:22 PM |
| Re: عيونك يا حمادة فيها حاجة . | shaheen shaheen | 11-11-18, 07:19 PM |
| Re: عيونك يا حمادة فيها حاجة . | shaheen shaheen | 11-11-18, 07:32 PM |
| Re: عيونك يا حمادة فيها حاجة . | shaheen shaheen | 11-11-18, 07:34 PM |
| Re: عيونك يا حمادة فيها حاجة . | shaheen shaheen | 11-30-18, 06:21 PM |
| Re: عيونك يا حمادة فيها حاجة . | shaheen shaheen | 11-30-18, 06:24 PM |
| Re: عيونك يا حمادة فيها حاجة . | shaheen shaheen | 12-03-18, 06:24 PM |
| Re: عيونك يا حمادة فيها حاجة . | shaheen shaheen | 12-03-18, 06:30 PM |
| Re: عيونك يا حمادة فيها حاجة . | جمال ود القوز | 02-26-20, 07:03 PM |
| Re: عيونك يا حمادة فيها حاجة . | جمال ود القوز | 02-26-20, 07:05 PM |
| Re: عيونك يا حمادة فيها حاجة . | جمال ود القوز | 02-26-20, 07:13 PM |
| Re: عيونك يا حمادة فيها حاجة . | shaheen shaheen | 07-08-20, 09:34 AM |
| Re: عيونك يا حمادة فيها حاجة . | عبدالعظيم عثمان | 07-08-20, 09:41 AM |
| Re: عيونك يا حمادة فيها حاجة . | shaheen shaheen | 07-08-20, 10:08 AM |
| Re: عيونك يا حمادة فيها حاجة . | shaheen shaheen | 05-15-21, 12:52 PM |
| Re: عيونك يا حمادة فيها حاجة . | أحمد محمد عمر | 05-15-21, 11:43 PM |
| Re: عيونك يا حمادة فيها حاجة . | shaheen shaheen | 05-25-21, 07:01 AM |
| Re: عيونك يا حمادة فيها حاجة . | shaheen shaheen | 05-25-21, 07:03 AM |
| Re: عيونك يا حمادة فيها حاجة . | shaheen shaheen | 05-27-21, 03:01 PM |
| Re: عيونك يا حمادة فيها حاجة . | shaheen shaheen | 06-05-21, 09:04 PM |
| Re: عيونك يا حمادة فيها حاجة . | shaheen shaheen | 06-06-21, 06:15 PM |
| Re: عيونك يا حمادة فيها حاجة . | shaheen shaheen | 06-07-21, 07:42 PM |
| Re: عيونك يا حمادة فيها حاجة . | shaheen shaheen | 06-09-21, 06:01 AM |
| Re: عيونك يا حمادة فيها حاجة . | shaheen shaheen | 06-11-21, 09:03 AM |
| Re: عيونك يا حمادة فيها حاجة . | shaheen shaheen | 06-11-21, 09:05 AM |
| Re: عيونك يا حمادة فيها حاجة . | shaheen shaheen | 06-12-21, 07:36 AM |
| Re: عيونك يا حمادة فيها حاجة . | shaheen shaheen | 06-13-21, 08:46 PM |
| Re: عيونك يا حمادة فيها حاجة . | shaheen shaheen | 06-14-21, 10:14 AM |
| Re: عيونك يا حمادة فيها حاجة . | shaheen shaheen | 06-14-21, 03:30 PM |
| Re: عيونك يا حمادة فيها حاجة . | shaheen shaheen | 06-15-21, 05:29 PM |
| Re: عيونك يا حمادة فيها حاجة . | shaheen shaheen | 06-16-21, 05:14 AM |
|
| |
shaheen shaheen
فيس بوك
تويتر
انستقرام
يوتيوب
بنتيريست