|
|
|
 Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
| Quote: والرجال البشربوا الشيشة ذاتهم قليلين أدب |
بتتريق حضرتكـ ...خخخخخ
أنت ما كنت قريب ده مالينا دخان شيشة في جنبات الديم ..
وعشاء في أبو حمامة ..
هسه بقى ليك كعب وقلة أدب ..
انت بالمناسبة يوم داكـ ..
صحي مرقت (بتول) واتعشيت فول ..
يا لها من تجربة لو الواحد كان مكانك كان سوا البِدع .. 
| |
 
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عبدالحفيظ ابوسن)
|
عن أي برستيج يتحدثون هؤلاء بالله عليكم ....
تحياتي : ياسر العيلفون .
حرية شخصية يا عليفون فين المشكلة.... ولا فاكر الدنيا حدها الدبيبة
ضغوطات الحياة... يا سيدي انسان عندو توتر ما برتاح الا يشيش... ولا عادي ممكن راجل يشيش وما يلفت انتباهك... دي الثورة.. واظنك هتفت... حرية خلي الباقي دي ياها الحرية من حقها تشيش وتسكر وتعمل ما عايزة فاهم يا عووضة... انت عايشين وين...
يا قسم الله... دا الله ودي قسمته... الراجل راجل متفهم بحاجات زوجتة وبحب انها تنفس عن نفسها.. وكمان تفتهن... تلقاك ضاغطينك وما قادر تقول احم
قال دلوكة قال ومعاها برمة شنب
غايتو يا عوضة ١٨ سنة في المنبر ما وصلتك حبيب الله
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
Quote:
حرية شخصية يا عليفون فين المشكلة.... ولا فاكر الدنيا حدها الدبيبة
|
اخونا عمر نملة صراحة ما فهمت شي من كلامك اعلاه ,,, فالدنيا حدها لا اعلمه صراحة ولكن الدبيبة في حد زاتها دنيا والعيلفون دنياوات ...
شاكر ومقدر لك ردك الشافي ...
تحياتي : ياسر العيلفون
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: muntasir)
|
افهمك يا عليفون... في واحدة بتشيش.. وزوجها موافق... وبعتبر دا برستيج يعني اسلوب حياة... وانت اتسالت عن أي اسلوب حياة.. قلت ليك الدنيا واسعة أوسع من حدود العيلفون حتى الدبيبة يعني تدخل بحري جوة.. في كوبر وفي كافوري. وتعدي الكباري في الخرطوم وامدرمان... العجب لو ركبت الطيارة ياما تشوف العجب... شوفت كيف... وما تمشي بعيد الخرطوم القدامك دي زمن بيرقصوا الاسلو دانس والناس عايشة... وجنبهم الجوامع بتصلي التراويح... وقع ليك الفهم.. الخلاصة عيش حياتك زي ما عاوز وخلي الناس تعيش حياتها... ولا جيب ليها ناس النظام العام ورجعنا لسنة ٨٩...الحرية ليست جلابية تفصلها زي ما عايز... واذا عايز تنتقد ودا حقك استحمل انتقاد الناس ليك
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر التاج)
|
من الحاجات الماقدرت افهما ابدا في المجتمع السوداني هي موضوع تدخين البنات او النساء عامة
كيف ومتين التدخين بقا عيب للبنات ، والسبب شنو الخاهو بقا تابوو ؟ بعد ما كان عادي في يوم من الايام
شخصيا حبوباتي الاتنين (الله يرحمهم) كانوا بدخنو عكس ازواجهم طبعا ، جدي كان بجيب السجاير لي
حبوبتي من الدكان والاتنين بطلوهو بعد اداء الحج ، يعني خدمة طويلة وممتازة ن الكلام ده ما قديم ،
واحدة فيهم دخنت لحد اواخر التسعينات وانا خمست معاها السيجارة ..
انا عايز اعرف الحصل شنو بالظبط الخلا اخوالي واعمامي يشنفو التدخين بتاع البنات وهم
كانوا بجيبوهو لي امهاتهم من الدكان زيو وزي الشاي والقهوة ؟
الحصل شنو يا خوانا ؟
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: زهير عثمان حمد)
|
سلام زهير
| Quote: موضحة(بالنسبة لنظرة الناس لمدخنات الشيشة اختلفت كثيرا و أصبحت نظرتهم إيجابية عكس السابق لانها شأن خاص و نوع من البرستيج.) |
ما ذكرته (ك , م ) هو نوع من قلة الحياء التي تخدش ادب المراة المسلمة في المقام الاول وتخدش الحياء في المراة السودانية في المقام الثاني
فمن المعروف عن المراة السودانية خلال العقودات السابقة حياها وادبها وبعدها التام عن الممارسات السالبة مثل (شارب الشيشة والتدخين )
انا شخصيا لا ارجح الامر لموضوع سياسي كما ذكربعض الاخوة السابقين فيما يختص بموضوع المدنية لان المدنية ليست دليل صحة لممارسة عادات سيئة
فالعادة السيئة تمارس حتى في ظل حكم اسلامي بحت قائم في احكامه على الشريعة الاسلامية
ولكن ارجح الامر الي التربية والي الاسرة التي تنشا فيها الفتاة وايضا عوامل اخرى مثل الزوج الذى سمح لزوجته بممارسة مثل تلك العادة
فصراحة امراة تشرب الشيشة وتدخن ماذا نتظر منها وكيف سوف تستطيع ان تنجب لنا جيل معافى يساهم في بناء الامة والوطن ففاقد الشي لايعطيه
وكما ذكرت الحكمة (الام مدرسة اذا اعددتها اعددت شعب طيب الاعراق )
*********************************************
وافر الشكر والتقدير
| |
|
|
|
|
|
|
|
|
 Re: طبيبة سودانية : ادخن الشيشه بعلم زوجي وما � (Re: النعمان اسحاق)
|
سلام عليكم
السجاير والتمباك للنساء فى المجتمع موجود من بدرى غالبا للنساء كبار السن وكتير بحجه (عندها زار). وكان فى جلسات نسويه قهوه او مشاط او مناسبه ما المهم انها ليست علنيه خارج اطار نسوى محدود. وحتى رجال الاسره عدا الصغار(غالبا الاحفاد).وحادثه شخصيه اذكر عمتى كان بترسلنى الدكان للتمباك (زمن العلبه) اوى لاقانى جنب الباب وزنقنى اسئله ماشى وين وانا ملخوم احاول البد علبه التمباك منو لانو رغم لم يكن يعلم انها تستخدم التمباك حتى الوقت داك وولدها حينها رجل تعدى التلاتين سنه.ودا حريه شخصيه تمارس فى اطار خصوصيه ظروف المجمتمع
اما عمليه التدخين بالنسبه لبنات الزمن دا فهى نوع من التمرد على المجتمع ومحاوله اثبات المساواه (كعرض مراهقه متاخره اشبه بما يحدث للاطفال فى سن دون ال16 سنه).
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Asim Ali)
|
تحياتي ومودتي Asim Ali
| Quote: السجاير والتمباك للنساء فى المجتمع موجود من بدرى غالبا للنساء كبار السن وكتير بحجه (عندها زار). وكان فى جلسات نسويه قهوه او مشاط او مناسبه ما المهم انها ليست علنيه خارج اطار نسوى محدود |
الحكاوي كثيرة جدا عن ممارسة حبوبتنا لبعض الممارسات (التدخين - الصعوط ) وزي ما ذكرت انت تحت اطار نسوي محدد يعني
لا الزوج عارف ولا الطفل الصغير عارف (سكوتي ساي ) مراعاة لاشياء كثيرة حتى لا تفقد احترامها عند ابنائها ويضعو في ذهنهم ان امهم تتعاطى السجائر او التمباك
اما ناس (ك , م ) القالت علني كده دا نوع من البرستيج .... دي صراحة انا بعتبرها مشوهة اخلاقيا ولا تملك ادنى شي من الحياء
وكوننا نفسر ليها الممارسة دي بنوع من المراهقة المتاخرة ونوع من التمرد ف دا يسمى (العذر الاقبح من الذنب )
ف الفتاة التي تتمرد تستطيع ان تفعل اي شي في ظل عدم وجود تربية وعدم وجود رقيب يقابل الممارسات السالبة بحسم
كما ذكرت في التعليق السابق الموضوع يرجع الي عدم التربية
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: النعمان اسحاق)
|
سلام عليكم النعمان اسحق
هو ليس عذر ليهم وانما قصدت مجرد تشبيه للسلوك بسلوك المراهقين .
التربيه فى وماننا دا جدمها اتفرق بين جهات مختلفه الشارع ومجتمع المدرسه/الجامعه والقنوات وانترنت وياتى دور البيت فى ذيل القائمه لاختفاء شكل التواصل الاسرى (قل ما تجتمع الاسره حول صينيه العداء على الاقل فى كتير من الاسر) وذابت كتير من القيم السودانيه بدعوى التطور ومجاراه الحضارات اخرى بغثها وسمينها.والقصه اعمق تطال الشباب من الجنسين فكل طرف اصبح كائن جذور له رغم ارتباط شكلى وترديد عبارات اصبحت مكروره وفخر بثقافه وتاريخ يعرفو عنو واحد بالمئه .
اما كاظاهره تدخين الشيشه للنساء فى اماكن العامه كمظهر للمساواه واثبات وتمرد صامت على مجتمع ذكورى(لو كان فى جديه طلب مساواه حقيقيه) اجدها نوع من الهروب عن تحمل مسئوليات المساواه الحقيقيه مثلا مهندسه بترول فى الحقل او مقاتله فى اليش خاصه فى وحدات كالمظلات والصاعقه او ضابط شرطه لايعمل داخل المكاتب المكيفه وانما فى دوريات الشرطه ومطارده المجرمين وربما قائده شاحنات اسوه بجارات فى ارتريا ...الخ اما الكلام عن المساواه فى المناصب الكبرى والوظائف الناعمه لااجدها الا نوع منالاستسلام لمظاهر ديكوريه بعيده عن جوهر المساواه وتحمل المسئوليه فى جميع المواقع
وكمثال تلميع ايقونه ثوره مصنوعه (الحدثمصنوع) وتجاهل الكنداكات الحقيقيات من رفقه صائده البمبان وامانى التى فقدت عينها واخرى كسرت يدها وحلق شعرها فخرجت من المعتقل لتشارك باصاباتها وشعرها المحلوق والقائمه تطول.وما انسى اذكراول طالبه كديت فى الثانويات فى الثمانينيات (موده) من برى. واذكر سيده كانت تتدرب مع مستجدين فى نفس الميدان الكنا بنتدرب فيهو فى الكديت(بين كبرى كوبر صاله المعلم) وعرفنا انو زوجها عسكرى اتوفى وتم تجنيدها فى نفس وحدتو والتدريب كان تدريب عسكرى حقيقى مش اى كلام .
عشان كدا دعوتنا لبنات الايام انو يفتشو عن مجالات مشاركه حقيقيه الحياه لتدلل على مساواتها
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Asim Ali)
|
سلام كتير يا Asim Ali
Quote: عشان كدا دعوتنا لبنات الايام انو يفتشو عن مجالات مشاركه حقيقيه الحياه لتدلل على مساواتها
|
للاسف الاغلبية من بنات الزمن دا من ذو العقول بتاعة البرستيج زي ماقالت الدكتورة (ك , م )
------------------------------------------------------------------------------------
وشفت كيف ي Asim Ali يجيك واحد من الجماعة ديلك بتاعين حقوق المراة ويقول ليك انت مالك ودي حرية شخصية
متناسين بان الدين الاسلامي قد منح المراة حرية عظيمة ورفع من مكانتها وجعل الجنة تحت اقدامها
المراة مكرمة في الاسلام ومكرمة في مجتمعنا السوداني فيجب ان تتحلى بصفات تليق بهذا التكريم
وما سوى ذلك فهي مجرد انثى والحيوانات تلد الاناث
والله يكفينا شر عقول البرستيج
وافر الشكر
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: النعمان اسحاق)
|
مرحبابك يا النعمان في البورد واتمنى ان يطيب لك المقام
لكن بس لو في طريقة تشرح لي الاتي
السوى دي رجل :-
Quote: الحكاوي كثيرة جدا عن ممارسة حبوبتنا لبعض الممارسات (التدخين - الصعوط ) وزي ما ذكرت انت تحت اطار نسوي محدد يعني
لا الزوج عارف ولا الطفل الصغير عارف (سكوتي ساي ) مراعاة لاشياء كثيرة حتى لا تفقد احترامها عند ابنائها ويضعو في ذهنهم ان امهم تتعاطى السجائر او التمباك |
ودي كراع شنو:-
Quote: اما ناس (ك , م ) القالت علني كده دا نوع من البرستيج .... دي صراحة انا بعتبرها مشوهة اخلاقيا ولا تملك ادنى شي من الحياء
وكوننا نفسر ليها الممارسة دي بنوع من المراهقة المتاخرة ونوع من التمرد ف دا يسمى (العذر الاقبح من الذنب )
ف الفتاة التي تتمرد تستطيع ان تفعل اي شي في ظل عدم وجود تربية وعدم وجود رقيب يقابل الممارسات السالبة بحسم
كما ذكرت في التعليق السابق الموضوع يرجع الي عدم التربية |
لاحظ ان فووووق قلت فيما معناه انو زي الطبيبة دي وامثالها لا يرجى منهن انجاب اجيال سليمة تساعد في بناء ونهضة البلد
فااا الطبيبة دي هي زااتا من ياتو جيل ومنو الرباها
ونحنا الحبوباتنا دخنن حتى عود العشر ههه وسفن التمباك .. اها بالنسبة للمعيار الختيتو دا موقفنا شنو؟؟؟
تحياتي
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Haytham Ghaly)
|
السلام عليكم Haytham Ghaly
تحية طيبة
Quote: السوى دي رجل :-
Quote: الحكاوي كثيرة جدا عن ممارسة حبوبتنا لبعض الممارسات (التدخين - الصعوط ) وزي ما ذكرت انت تحت اطار نسوي محدد يعني
لا الزوج عارف ولا الطفل الصغير عارف (سكوتي ساي ) مراعاة لاشياء كثيرة حتى لا تفقد احترامها عند ابنائها ويضعو في ذهنهم ان امهم تتعاطى السجائر او التمباك |
من خلال الحكاوي من الناس الاكبر مننا في العمر انو زمان مسالة السجائر والصعوط دي كان حاجة عادية وما محل استغراب والكلام دا حسب السمعتو من كبار السن كان حاصل في الستينات والسبعينات ولحدي نهاية الثمانين
وصراحة تامة انا انسان عايش في السودان وفي مدينة كوستي ما حصل يوم بالغلط صادفت لي حبوبة بتسف صعوط ولا بتشرب سجائر الا من الحكاوي
ولا حصل برضو صادفت لي واحدة من ناس البرستيج ديل خاته ليها شيشة وشغالة بتشرب فيها
نرجع للنقطة التانية
Quote: اما ناس (ك , م ) القالت علني كده دا نوع من البرستيج .... دي صراحة انا بعتبرها مشوهة اخلاقيا ولا تملك ادنى شي من الحياء
وكوننا نفسر ليها الممارسة دي بنوع من المراهقة المتاخرة ونوع من التمرد ف دا يسمى (العذر الاقبح من الذنب )
ف الفتاة التي تتمرد تستطيع ان تفعل اي شي في ظل عدم وجود تربية وعدم وجود رقيب يقابل الممارسات السالبة بحسم
كما ذكرت في التعليق السابق الموضوع يرجع الي عدم التربية |
Quote: Quote: لاحظ ان فووووق قلت فيما معناه انو زي الطبيبة دي وامثالها لا يرجى منهن انجاب اجيال سليمة تساعد في بناء ونهضة البلد
فااا الطبيبة دي هي زااتا من ياتو جيل ومنو الرباها
ونحنا الحبوباتنا دخنن حتى عود العشر ههه وسفن التمباك .. اها بالنسبة للمعيار الختيتو دا موقفنا شنو؟؟؟ |
|
في النقطة دي عايزك تتفق معاي
في ان العادة هي عادة سالبة ولاتشبه مجتمع المراة السودانية وحتى ان فعلوه حبوبتنا يبقي الغلط هو الغلط
لكن الفرق انو حبوبتنا ما كان بشربو الحاجة دي بطريقة فيها نوع البجاحة وقلة الحياء زي الدكتورة المذكورة في البوست
وما اظن تربية زي دي تكون سودانية خالصة وخصوصا معاها بجاحة في انو ما عندها شغلة بكلام الناس والحاجة التانية لمن قالت زوجي ما عندو مشكلة
معناها خربانة من كبيرها ف دي ليها حق تعمل اي حاجة
------------------------------------------------------------------------------
في ملاحظة تاني لو حبوبتنا كان فعلا بشربو الشيشة والسجائر ليها امهاتنا حاليا مابيعملنا كده وبستنكرو الحاجة دي على اولادهم وبيحاول جاهدين ان الابناء مايتعاطو الحاجات دي ؟
محتاجة توقف وتامل وفحص للتاريخ
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: يحي قباني)
|
سلام عليكم الاستاذ / نزار قباني
Quote: إلى متى مباحات الرجال ستستمر محرمات و عيوب للنساء ؟
|
هناك فرق في البحث عن عيوب النساء والتبشيع بيها وهناك فرق في وضع ملاحظة على عيوب النساء وتقديم النصيحة التي تحيد من انتشار ظاهرة تعتبر عيبا في مجتمع الذكور اولا فما بالك في مجتمع النساء
وتركيزي في النقاش تمحور حول المراة بالخصوص لعدة اسباب
1. المراة تعتبر كيان مؤثر جدا في الاسرة لدرجة انها يمكن ان تصبح ام واب ولايستطيع الاب ان يكون الام والاب معا
2. 70 % من التربية والتحلي بالصفات الاخلاقية في الابناء نابعة من الام
3. الاضرار السلبية التي يمارسها الرجال مثل شراب الشيشة والتدخين اذا كانت تضر الرجال بنسبة 100% فانها تضر المراة بنسبة 300% مما تسببه من تشوهات خلقية للجنين اذا كانت حامل واضرار اخرى قد تؤدي الي العقم
4. مجتمعنا السوداني وعاداتنا وتقاليدنا تستنكر (شراب الشيشة - التدخين ) عند الرجال وقد تقلل من احترامهم فما بالك اذا كانت صادرة من مراة
وافر الشكر والتقدير
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: ABUHUSSEIN)
|
لا الزوج عارف ولا الطفل الصغير عارف (سكوتي ساي ) مراعاة لاشياء كثيرة حتى لا تفقد احترامها عند ابنائها ويضعو في ذهنهم ان امهم تتعاطى السجائر او التمباك
يا نعمان دي نقلة حصان في شكل L دي سنة ٢٠٢٠ عاين ليها كويس... الدكتورة
دي بتوجه رسال فحواها انا بشيش وزوجي موافق.. وأهلي موافقين... بتعمل ليكم جس نبض... المره الجاية بتنقلكم للمربع التاني... لما تحاصر الملك.. وما في حل الا تنهزم ولا تعيد دور تاني بتكتيك جديد
يا عمر التاج تصدق بديت اقتنع بمرافاعتك انك ما كوز من ناحية تنظيمية...لكن قولك دخلك في حيز محمد المصطفى التففاف
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
امام مسجد قريتنا الشوال ولاية النيل الاببض
رحمة الله عليه الفكي احمد
انصاري اكتر من اولاد المهدي
اوصى عند موته ان يدفن بالجزيرة ابا وتحقق ذلك
سأله يوما احد المصلين قائلاً:
يا فكي احمد لو توضيت للصلاة وبعدين دخنت سجارة قبل الصلاة
أها وضوي دا صحيح ولا باطل
فاجاب الفكي
يا ولدي لو توضيت وسلمت على زول دخن سجارة وانت تعلم بذلك بطل وضوءك
بالمناسبة قبل ضرب الجزيرة ابا في مارس ١٩٧٠
كان الصعود والسجائر من المحرمات في الجزيرة ابا
والمدينة كانت تخلو من الشرطة
واذكر في صغري عندما يؤذن المؤذن للصلاة خاصة الضهر والعصر والمغرب
يترك اصحاب المتاجر متاجرهم مشرعة الابواب
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما �د (Re: عمر نملة)
|
السيد النعمان اسحق
تحية
ومن القال ليك انو مافي زول بتعاطي الجدة للتمباك؟
الحلة كلها تعرف من تتعاطي التمياك والجد عارف والآخوان والأولاد !
ثانيا
كدي من ناحية دينية كدة
القول بكراهة التمياك والسجايراو تحريمه لم يستثني رجل او إمراة ولم يقصر الحرمة والكراهة علي المرأة !!
والدولة كما قلنا تبيح التدخين والتمباكً وتاخذ عليه ذكاة وضرائب ولم يحظر القانون تدخين المرأة وتمبكتها !
اذا لا القانون او الدين يحل او يقنن هذا للرجل ويحظره علي المرأة !
عادات وتقاليد يمكن !
ولكن مهما كان الأمر من المرفوض وصفة. المرأة المتعاطية للصعوت بقلة الأدب !
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: كمال عباس)
|
Quote: Quote: السجاير والتمباك للنساء فى المجتمع موجود من بدرى غالبا للنساء كبار السن وكتير بحجه (عندها زار). وكان فى جلسات نسويه قهوه او مشاط او مناسبه ما المهم انها ليست علنيه خارج اطار نسوى محدود
|
مرة سألت حبوبتي كيف ولييه اتعلمت التدخين ، اجابت بأنو كان جزو من طقوس الزواج انو
العريس بوزع السجاير على البنات ومن هنا بتعلموا ، والموضوع ما مدسوس ولا بندس اصلا
حبوبتي كانت بتشيل القروش من زوجها وبتشتري البينسون من دكان اخوها
وبدخنوا قدام اي راجل ، الا ازواج بناتهن وده موضوع تاني ..
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
Quote: هناك فرق في البحث عن عيوب النساء والتبشيع بيها وهناك فرق في وضع ملاحظة على عيوب النساء وتقديم النصيحة التي تحيد من انتشار ظاهرة تعتبر عيبا في مجتمع الذكور اولا فما بالك في مجتمع النساء
وتركيزي في النقاش تمحور حول المراة بالخصوص لعدة اسباب
1. المراة تعتبر كيان مؤثر جدا في الاسرة لدرجة انها يمكن ان تصبح ام واب ولايستطيع الاب ان يكون الام والاب معا
2. 70 % من التربية والتحلي بالصفات الاخلاقية في الابناء نابعة من الام
3. الاضرار السلبية التي يمارسها الرجال مثل شراب الشيشة والتدخين اذا كانت تضر الرجال بنسبة 100% فانها تضر المراة بنسبة 300% مما تسببه من تشوهات خلقية للجنين اذا كانت حامل واضرار اخرى قد تؤدي الي العقم
4. مجتمعنا السوداني وعاداتنا وتقاليدنا تستنكر (شراب الشيشة - التدخين ) عند الرجال وقد تقلل من احترامهم فما بالك اذا كانت صادرة من مراة |
اتفق معك تماما ان المرأه كيان مؤثر في في الاسره
اتفق ان 70 في المية من التربية نابعه من الام ...
ده علاقته شنو ان المرأة ممكن تكون بتشيش ؟
وين قلة الحياء و قلة الادب هنا ؟ يعني وين الجريمة بالضبط ...
طيب ما نمنعها من التعليم كمان و تقعد في خدرها تنتظر بعلها ...؟
انا في نظري مجرد عاده سيئة لاضرارها الصحية ... و لا شيئ اكثر من ذلك ...
يا رجل ... الشيشة ظاهره جديده على السودان ... و لانه العالم بقى قرية صغيره ... الناس اتعلمتها ... بيريود ...
تعرف قلة الحياه ياتها ؟ قلة الحياء انها تكون ملفلفة و بتقول الله قال و الرسول قال ... و بتسرق قوت الكادحين ...
انحنا بس بندس رقبتنا وراء جملة مجتمع محافظ و لكن القصه و ما فيها اننا مجتمع ذكوري ليس الا ... ليس للمرأه امل طالما نحن بهذا التفكير ...
| |
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
ديشااااااااك
كم لبثنا!
هسة نعسان لكن بجي بكرة أحتل في البوست دة حتلة شديد
بس هسة أدهشني دة | Quote: تقديم النصيحة التي تحيد من انتشار ظاهرة تعتبر عيبا في مجتمع الذكور |
الشيشة عيب في مجتمع الذكور؟
قول والله
وبعدين منو الطلب منك تقديم النصيحة؟
واحدة بتمارس حريتها الشخصية وراجلها موافق إنت مال أهلك؟
النصيحة دي فهمها شنو؟ تدخل في خصوصيات الناس!
ومنو القال ليك إنك أفهم من الطبيبة ولا راجلها ولا أهلها عشان تجدعهم كلهم كدة وتتكفل بي تربيتها!
ذكرتني زميلنا قال لمدخن التدخين ضار بالصحة .. رد ليه أيوة مكتوبة في العلبة وبقراها كل يوم
طبعاً ضحكنا عليه لما اتعقد .. يعني تقول لي زول حاجة هو عارفها وتعمل فيها فالح!
قال عيب قال! علي الطلاق جبدتها في مكة المكرمة والمدينة المنورة
عيب بالعاء!
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
بأختصار
لو الموضوع موضوع دين يبقي الحرمة والكراهة والتحليل يطال الرجل والمرأة علي حد سواء ..
لو القضية قانون فالقوانين تبيح التدخين والتمباكً لكل المواطنين رجالا. كانو او نساء !
لو المسالة مسالة صحة فالضرر يلحق بكل متعاطي !
-لو جينا لأخلاقية. التعاطي فليس هناك ما يثبت اخلاقية هذا الفعل. للرجل وعدم. أخلاقياته للمرأة !
نبقي في الاخر مع اعتبارات العادات والتقاليد والتي تبيح للرجل -احيانا ما لاتبيحه للمرأة ،،.
وهنا مفترض البعض يكون شجاعا ويقول ان منطلقي فقط هو التمسك بالعادات والتقاليد السودانية وينسونا من الاعتبارات التانية !
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: muntasir)
|
امتثال زمان النسيبة عين الشمس ما بتاكل مع زوج بنتها ولا بتقعد معاه في صينية واحدة مع انه بيكون ساكن معاهم في بيتهم ،لكن لو سو ظار بضربو الريد ليبل عادي لأنه الأسياد عايزين كده أحمدي ربك والله نيويورك دي كان إلا تشوفيها مع ناس فنسنت في بيوتي آند ذا بيست
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
تحياتي / أحمد محمد عمر
| Quote: وبعدين منو الطلب منك تقديم النصيحة؟ |
لو كنت بدافع عن الطبيبة في حد نفسها فا انا شخصيا احي فيك قيمة الانسانية وهذه صفة ابن بلادي الطاهرة لان
لو كنت بدافع عن سلوك الطبيبة ف ليس لدى ما اقوله لك سوى ربنا يهديها .....ويفتح بصيرتك حتى تميز الحق من الباطل
وافر الشكر
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Abdullah Idrees)
|
Quote:
مرة سألت حبوبتي كيف ولييه اتعلمت التدخين ، اجابت بأنو كان جزو من طقوس الزواج انو
العريس بوزع السجاير على البنات ومن هنا بتعلموا ، والموضوع ما مدسوس ولا بندس اصلا
حبوبتي كانت بتشيل القروش من زوجها وبتشتري البينسون من دكان اخوها
وبدخنوا قدام اي راجل ، الا ازواج بناتهن وده موضوع تاني . |
فىالحته دى بت مجدوب فى موسم الهجره للشمال نموذج ولكن ينسحب على جميع نساء الحى مث فزى مافى اختفات بسيطه باختلاف الجهه سواء وسط او شمال او ...وحتى فى المنطقه الواحده او القريه فى الشماليه تختلف عادات الحله قرب النيل عن فريق فوق بتاع العرب فى اطراف القريه جهه الصحرا برضو فى اختلافات فرديه سواء الفئه العمريه (غالبا الحان والتمباك لى فئه من 40 فما فوق ) او قوه الشخصيه مثال(بت مجدوب) مثلا...الخ لكن فى النهايه المراه السودانيه عندها طبع حياء المراه اللى مهما بلغت من العمر لاشعوريا تغطى راسها لما تسمع صوت رجل يستاذن للدخول
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Asim Ali)
|
.
في الحج وفي عرفات تحديدا شفت لي مدام تقريبا من الشوام بتدخن ...
+
كان عندنا زميلة في الجامعة وهي عشرينية بتسف صعوط عادي ...
+
البدويات الخليجيات برضو عاملات أزمة في الصعوط السوداني ...
.
.
فاااا حقو الناس تبطل مثاليات و تاكل ما يليها ...
.
..
.
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: قسم الفضيل مضوي محمد)
|
Quote: اها ..انت قلت"" انهن بدخنن قدام اي راجل ، إلا أزواج بناتهن،،وده موضوع تاني "" .
|
اهلين امتثال
القول ما قاله منتصر
زمان زوج البنت كان نسابتو بحترموهو احترام شديد بالذات من نسيبتو ، كانت بتغطي وشها تطلع عيونا بس
وما بتاكل ولا بتشرب ولا بتتكلم قدامو بصوت عالي ومستحيل تاكل معاهو في صينية واحدة لو انطبقت السما
والارض، اعتقد ان الموضوع تسويقي بحت ههههههه عشان تحرر السوق .
شفتي العظمة الماضقناها
اسي عادي تقول لي بتها "يا بت اقعدي اتونسي لاحقة شنو ياهو راجلك المعولق اب عينا طايرة ده ؟" زمان لو جات لي امها
بعد نص ساعة بس بطردوها طرد، يلا امشي شوفي بيتك..
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Abdullah Idrees)
|
Quote: ياخ
براق سنها يسوي بق |
اضبط يا رقيب المنبر.. دي مش سرقه واضحة ولا ده ما كوز؟
..
..
الشيشة بتختلف من السجائر والتمباك يا كمال..
والمرأة كان عشرينية أو سبعينية وبتشرب شيشة فده نوع من قلة الحياء والادب
وده ما طعن في الشرف؛ ده ابتلاء زي ما انا وضحته فوق وعليها ان تستتر لا ان تصرح به كما صرحت الدكتورة.. هذا على الصعيد العام؛ اما على المستوى الشخصي فاري ان المشكلة هي عدم المطارق؛ ويفترض نبدأ بالزوج السمح لها بذلك.. ده رأي الشخصي والماعيزها تتزوجني على كيفها ههههه.
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: ولياب)
|
واحد مدخن جا البقالة لقا علبة الدخان مكتوب فيها التدخين سبب رئييسي للضعف الجنسي
عاين لي بتاع البقالة وقاليو وين بتاع السرطان داااك
مجتمعاتنا المتخلفة دي حدها البطن اذا شبعنا انتفض المعلم
الله يصبرنا في المحن دي الطيب صالح رماها فوق بت مجضوب وزهير رماها فوق الطبيبة
التدخين ضار بالصحة موش بالجكسي
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Biraima M Adam)
|
كتب بريمة معلقا علي كلام أحد الأخوة
!Quote: غايتو حبوباتنا الله يرحمن و يغفر ليهن سجارتن كانت قصبة و حقة الصعوط تحت المخدة …))
ديل حبوبات ناس وين؟؟ .. حبوباتنا ما كانن بعملن كده أبداً.
بريمة |
السودان كبير واسع وعلي الرغم من دا الناس بتعرف تماما عادات وتقاليد بعض في كل المناطق
- في مناطق بعض النساء يشربن نوعا مخفف من الخمور -وفي بعضها تدخن كبيرات السن
وفي بعضها يعتبر عمل المراة بالزراعة والرعي عيبا بينما يعد هذا أمرا طبيعيا في مناطق أخري
وهكذا بالنسبة لمن يعملن ببيع الشاي وفرش البضاعة في السوق !
لذا تبقي مسألة المزائدة علي الناس والإدعاء بأن مجموعة سكانية أو جهوية أكثر تمسكا
بالأخلاق والقيم تبقي مجرد تشفي ومزائدة رخيصة
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
Quote: الدكتورة
دي بتوجه رسال فحواها انا بشيش وزوجي موافق.. وأهلي موافقين... بتعمل ليكم جس نبض... المره الجاية بتنقلكم للمربع التاني... لما تحاصر الملك.. وما في حل الا تنهزم ولا تعيد دور تاني بتكتيك جديد |
تحياتي / عمر نملة
جنس النبض دا عملو وزير المريسة وماشاء الله لقى الشعب السوداني واقف ليهو قنا باستثناء ناس البرستيج ديل
لكن مقدور عليهم ان شاء الله
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: ABUHUSSEIN)
|
الاستاذ ABUHUSSEIN
تحياتي
| Quote: غايتو حبوباتنا الله يرحمن و يغفر ليهن سجارتن كانت قصبة و حقة الصعوط تحت المخدة ... |
غايتو حبوبتنا ديل شكلهم مابتروح ليهم عوجة تب صبحهم حاضر وللقران دارسات وللاسلام متعلمت ولي الولين محترمات
اللهم ارحم الاحياء منهم والاموات
لكن ي اخوي
جنس البرستيج دي يدعو ليها بشنو ؟
ماتنسى تشمل زوجها برضو في الدعوة
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: نعمات عماد)
|
تحية طيبة استاذة / نعمات
Quote: مرحب بيك النعمان اسحق
هل تعتقد أن الله سبحانه و تعالى يحتاج لدعواتك عشان يغفر لعباده؟
مع انك لو دعوت لأي شخص بالهداية لربما كسبت حسنات. |
الله سبحانه وتعالى لايحتاج لدعواتي عشان يغفر لعباده
والنص اعلاه ردة فعل لموضوع اعتبره مستفز قليلا من الدكتورة (ك , م ) وبعض التعليقات الاخوة الذين ينظرون بان سلوك الدكتورة شخصي .
وهذا هو سبب تعدى قلمي قليلا
وفي الاخر اقول :-
ربنا يهدينا ويسترنا جميعا
وافر الشكر والتقدير استاذة نعمات
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: النعمان اسحاق)
|
هل تعتقد أن الله سبحانه و تعالى يحتاج لدعواتك عشان يغفر لعباده؟
مع انك لو دعوت لأي شخص بالهداية لربما كسبت حسنات
د نعمات... دخلت بروفايلك ويمكن اول مره ادخل بروفايل... مهم وجدت انك تحبين كل أنواع . Desserts
سوف افتح بوست خاص لك اقدم لك فيه عصارة دراستي وخبرتي في هذا المجال
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
كتب عمر التاج
.. يQuote: ..
الشيشة بتختلف من السجائر والتمباك يا كمال..
والمرأة كان عشرينية أو سبعينية وبتشرب شيشة فده نوع من قلة الحياء والادب
وده ما طعن في الشرف؛ ده ابتلاء زي ما انا وضحته فوق وعليها ان تستتر لا ان تصرح به كما صرحت الدكتورة.. |
كيف يعني الشيشة بتختلف من السجائر والتمباك ؟ وماهو وجه الإختلاف ؟
وليه الشيشة ماعيب وقلة أدب للرجل وفي نفس الوقت عيب للمراة؟
أساس العيب شنو ؟ ديني - أخلاقي - قانوني؟
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: نعمات عماد)
|
تحياتي استاذة نعمات
Quote: يا النعمان كل من يواظب على الكتابة يتعرض للإستفزاز و يتعلم من تجاربه.
|
مؤكد ما قلتيهو لكن يجب ان يتعلم المستفزين بان بعض السلوكيات تخص الفرد ولكنها تعود على الجميع
وليس كل قلم هو مستبيح لاعراض الناس فمشرط الطبيب يستبيح الجرح للتدواي وليس لزيادة الالم
ليتهم يعلمون ....ليتهم يعلمون
وافر تقديري وشكري وامتناني
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: د.محمد بابكر)
|
السلام عليكم د. محمد بابكر
تحية طيبة
| Quote: نحن مالنا تشرب شيشة ولا أفيون زولة عندها اهل و زوج والبلد فيها قوانين تمنع هذا الفعل و تبيح ذاك..يعنى انا ما عارف نحن حننصب انفسنا قضاة على الاخرين لمتين؟ و كأنما خلاص مشاكل البلد كلها اتحلت و بقت على الشيشة !!!!! |
انحنا مالنا : العبارة دي بالكاد تكون سبب انهيار المجتمع
جاري القبضني وانا صغير بشرب في سجارة واداني جلدة كويسة خلتني تاني ما افكر اعمل كده لو كان قال انا مالي
كنت اليوم اكثر المدخنين
انحنا مالنا خلت كثير من الاباء يخافو على اولادهم من سلوكيات المجتمع اللى اصبحت منتشرة بصورة مخيفة ومؤذية واصبحو يفضلون مكوث ابنائهم في البيوت
عكس جيل ابائنا فلا خوف عليهم من الشارع فهناك من يربي ايضا
د. محمد بابكر
المجتمع ايضا يسهم في التربية وله الحق في ان ينبذ كل سلوك لا يتمشي مع الخلق والاخلاق
وقارن بين زمن مضى والزمن الحالي لو كان عامل العمر يسمح بذلك
سوف تجد الفرق شاسع
وافر الشكر والتقدير
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: النعمان اسحاق)
|
شيشتها دي معسل (زغلول) ولا بحريني تفاحتين او فراولة؟
لانه بصراحة الموضوع هنا بفرق في النوعية الذكورية والانثوية
وبعدين ياخ هي قالوا طبيبة يعني عارفة الاضرار المترتبة وهل صحي ان الشيشة بتعادل 100 سجارة برنجي ؟
ثم ثانيا وزوجها راضي ومتكيف ومستمتع بى الشيشة حقتا ويمكن يشد ليهو نفس نفسين معاها ويقعد يكح طول الليل
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Ahmed Yassin)
|
جاري القبضني وانا صغير بشرب في سجارة واداني جلدة كويسة خلتني تاني ما افكر اعمل كده لو كان قال انا مالي
كنت اليوم اكثر المدخنين
يا ريت لو خلاك وتكون مدمن تدخين احسن من تكون حشري ووصي... لا وكمان ماسك مقاولة مع ربنا.. انت عايش في اي بقعة
تعال ادخل محل شارع الظلط
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: احمد يوسف (خور جهنم))
|
Quote: خليك من السجائر الكعب دا الاكل الواحد دا عيب تاكل في صينية واحدة مع زوج بنتها ودا موضو تاني زي ما اتفضلت
في عادات سودانيبة اصيلة لا تزال موجودة
|
هواري حبابك 10 - وينك يازول
هذه العادة بالذات لازالت موجودة وان انحسرت بشكل كبير
الناس ما عايزة تتقبل فكرة انو العادات دي بينتجا المجتمع لسد فراغ قيمي او معنوي
او مادي معين ، العريس كان بوزع السجاير للبنات غير المتزوجات ضمن طقوس
الزواج في بعض المناطق النيلية لانو العريس كان مصدر تفاؤل للبنات هم ما برفضو
وسيجارة ورا سيجارة لحد ما يتعلمو ، في الناحية التانية المجتمع ما كان شايف انو شراب
السجاير للبنات عيب ! وهنا غايتو لو قاصدين او لا ، فهمهم متقدم جدا للموضوع
من ناحية حقوقية او جندرية واميل الى انهم كانوا منفتحين في مواضيع كتيرة خاصة بالجندر
اكتر مننا.
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
| Quote: فمن المعروف عن المراة السودانية خلال العقودات السابقة حياها وادبها وبعدها التام عن الممارسات السالبة مثل (شارب الشيشة والتدخين ) |
غلط
ياما رسلونا النسوان للسجائر ونحن صغار وكان موضوع عادي في قعدة الجبنة
قهر النسوان دة بدأ في عهد الانقاذ | Quote: متناسين بان الدين الاسلامي قد منح المراة حرية عظيمة ورفع من مكانتها |
كدي وصف لي الحرية العظيمة دي في مسألة العدة
الواحدة راجلها يكون غايب عنها 10 سنين ولو اتوفى تتحبس 4 شهور ما تتزوج خلالهم ولا تتزين بينما الراجل مرتو حية يعرس تاني تلاتة معاها
أنا ما بتكلم في الحكم الشرعي لكن دايرك توصف لي الحرية العظيمة الأنا ما شايفها دي
ودخل الجنة تحت أقدام الأمهات بحرية البنات شنو؟ | Quote: لكن الفرق انو حبوبتنا ما كان بشربو الحاجة دي بطريقة فيها نوع البجاحة وقلة الحياء زي الدكتورة المذكورة في البوست |
وين البجاحة وقلة الحياء في واحدة بتشرب شيشة زي ما بحبوباتنا بشربوا السجائر؟ Quote: لو كنت بدافع عن الطبيبة في حد نفسها فا انا شخصيا احي فيك قيمة الانسانية وهذه صفة ابن بلادي الطاهرة لان
لو كنت بدافع عن سلوك الطبيبة ف ليس لدى ما اقوله لك سوى ربنا يهديها .....ويفتح بصيرتك حتى تميز الحق من الباطل |
يا اخوانا دة ملاح شنو دة!
هنا مافي دفاع عن زول ولا سلوك هنا في احترام خصوصيات
زولة بتعمل حاجة ما فيها إدانة قانونية وبعلم زوجها تاني التحشر ليكم شنو!
انت لو شايف فعلها مخالف للقانون والدستور اتكلم فيه فيما عدا ذلك ما لم تتعدى على حريتك الشخصية ما عندك بيها غرض
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
Quote: الشيشة بتختلف من السجائر والتمباك يا كمال..
والمرأة كان عشرينية أو سبعينية وبتشرب شيشة فده نوع من قلة الحياء والادب
وده ما طعن في الشرف؛ ده ابتلاء زي ما انا وضحته فوق وعليها ان تستتر لا ان تصرح به كما صرحت الدكتورة |
أها النكلمك
الشيشة بتتميز عن السجائر والتمباك بالخصوصية
مافي زول بشرب شيشة في المواصلات ولا في مكان عام
ما بتتمارس إلا في أماكنها الخاصة على عكس السجائر والتمباك الممكن يدورن في مكاتب العمل عادي
يعني أكتر حاجة مستورة في المنبهات يا عباس
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
Quote: نصيحة با نعمان, الزول دا خالي موضوع وما أتى لحوار و رايح ليه آكشن ساي
ما تتجرجر معاه البقوله كلو قول ليه كلامك صاح! |
أها كيتنا في هادمين الآكشنات الزيك ديل جاء داخل بي عكاز Quote: باستثناء ناس البرستيج ديل
لكن مقدور عليهم ان شاء الله |
يا ربي بنادوا ليهم اربعة من سنة سادسة يشدوهم في الطابور! :)
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
| Quote: صحي مرقت (بتول) واتعشيت فول |
وحاتك الله ما كاتب لينا انحراف كلو كلو :)
من سودان النظام العام لسعودية الأمر بالمعروف .. مصر القريبة دي ما شفناها
Quote: زنديق كافر
وسنحشرك اعمى في نيران جهنم |
تعرف أنا جاتني رغبة مجنونة أخفف الضغط عليك واتكفر بدلك شوية
غايتو ختيت الشرك فوق ما عارفو بقبض ولا بجلي :)
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
تعرف يا احمد انا شغال بنكتة جو برنارد شو ديك
الهجوم الاخلاقي المهووس بعكس لي نفسية مشوهة دة مقاس حقي انا براي
حتي في الحياة الحقيقية البمسك سيرة الناس وبيتتبع عوارتهم مابكون زول كويس وعندو خلل
اي زول حر في سلوكو مادام بتحمل تبعات حريتو دي
وماضرنا غير اننا بنحاول نغير الناس بدل نقبلهم . نقبلو مش نحبو .
مافي عيب الا العيب وانتهاك حرمات الاخرين والتغول عليهم
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: علاء سيداحمد)
|
تعرف يا ابوسن
أمي عندها غضروف ومبادئ خشونة في الركب وانا كنت ياداب متخرج من الجامعة يمكن تاني مرتب لي
سايقها الخرطوم لي مستشفى في شارع سوبا لكن يبعد من الظلط مسافة قريب 2 كيلو والزمن داك لسة الركشات ما اخترعوها خليك من ترحال وباقي الرفاهيات دي
طوالي من مدني أجرت أتوس ودة كان الخيار الوحيد المتاح غير الحافلات والبصات رغم إنه أمي بتقول لي مقاعد البص واسعة وما عندها مشكلة أنا كنت بقول ليها لا لا تركبي براك قدام وتتني ضهر المقعد ولو دايرة تتمددي ترجعي وراء وانا بمشي ليك قدام تعبتي من القعدة نوقف في أي مكان لحدي ما تاخدي راحتك
وفعلاً مشينا لحدي التفتيش وكانت رحلة موفقة .. بس في التفتيش ناس الشرطة قبضوا بتاع الأتوس وحجزه عربيته بحجة إنه معروف عندهم شغال تاكسي بعربية خاصة .. حاولت مع ناس الشرطة بكل الطرق يا اخوانا نحن ما باقي لينا كتير شيلوا رخصته بس خلوهو يوصل الحاجة العيانة دي ويجيكم
الضابط قال لي ما بنقدر نفك العربية لكن ليكم علي أركبكم من هنا .. وكلم العساكر وفعلاً جاء بوكسي دبل قبينة وقفوا عسكري وقال ليه شيل معاك الحاجة دي وولدها وقال ما عندو مشكلة
ركبت قدام داير اسلم على السواق حسيتو متجاهلني عاينت فيه عرفته .. من حلة جمبنا إمام مسجد مرتاح عندو مزارع مشهور بإنه متحدث دائم في المناسبات وأيام وفاة أبوي كان يومياً بيجي بعد صلاة المغرب ويعمل حلقة الخير والإيمان للموجودين في العزاء
بعد شوية اتكلم قال لي انا عرفتكم بالمناسبة قلت ليه أكيد يا شيخ فلان
فجأة وبدون أي مقدمات قال لي أمك دي ماا تركبها البصات بتبهدلها معاك في التفاتيش مالك؟
أنا صبت فيني مطرة لدرجة العبرة خنقتني وغلبني الكلام .. أمي قالت ليه والله ما قصر ركبني عربية مخصوصة لكن حجزوها ناس الشرطة .. لوى بوزه نظام ما مصدق
وريناهو المستشفى فإذا به يقيف في الشارع العام ويأشر لينا على المستشفى أهو داك ليه
أمي ولا خلتو كمل كلامه نزلت طوالي .. أنا فطست كرامتي وقلت ليه معليش ياخ أنا عارف المكان قريب لكن أمي ما بتقدر تمشي وهنا مافي مواصلات لو في مجال بس ياريت توصلنا الباب
ببرود شديد قال لي معليش لاحق اجتماع
نزلت أنا وأمي ووقفنا في الشمس ما عارف ذاتو أعمل شنو ولا محتاج أوصف ليك شعوري وقتها أكيد واضح
سبحان الله وقفتنا 5 دقايق ما تمت يقيف لينا دفار قدامنا مباشرة وينزلوا الراكبين قدام يرجعوا وراء ويأشر لينا بتاع الدفار اركبوا طوالي ركبنا لقيناهو واحد من حلة جمبنا النوع الطالع للريبة والتلاف وبجي الحفلات سكران ويتشاكل داك لمن مسمينو الدولي
سلم علينا بحرارة شديدة واعتذر لي أمي قال ليها قال ليها والله يا خالة ما داير اسلم عليك قاعد لكن شايفك واقفة في السخانة والشمس دي قلت الحاجة بتكون تعبانة
ودانا المستشفى ودخلنا جوووة لحدي العيادة رغم إنه كان شاحن بضاعة موديها سوق امدرمان وأصر يقعد معانا أنا قلت ليه نحن برنامجنا طويل ولسة فحوصات ومقابلات وانت شايل بضاعة أخد راحتك نحن أمورنا ظابطة .. حتى كضبت عليه قلت ليه خالي جايينا هنا .. طبعاً الزمن داك ما كانت الموبايلات منتشرة
طلع مشى ونحن بقينا قاعدين في المستشفى .. بعد ساعة ونص ساعتين كدة جانا راجع تاني في المستشفى وكنا خلاص طالعين لقيناهو جاء بي بوكس جديد مكيف وقال لينا أنا أصلاً راجع مدني قلت اشوفكم لو راجعين اسوقكم في طريقي أمي قالت ليه مافي داعي للتعب بس وصلنا السوق الشعبي قال ليها ما أنا أصلاً بيكم وبلاكم ماشي احسن تركبوا معاي تونسوني في الطريق وفعلاً وصلنا لحدي باب البيت
بقينا نمسك ونحلف فيه عشان يدخل ياكل حاجة بعد المشوار الطويل دة وهو بقول مستعجل لما أصرينا شديد قال لينا والله صراحة كدة دفاري في السوق لسة ما خلصت بضاعتي ولا شفت البضاعة الراجع بيها بس أخدت البوكس دة من واحد صاحبنا في السوق قلت ليه عندي خالتي عيانة داير اوصلها مدني واجيك بس مسافة الطريق
المشهد دة كان بالنسبة لي ردة مفاهيمية
قبل الحادثة دي كان الدولي بالنسبة لي زول تلفان في الشارع ما بسلم عليه والشيخ شخصية مقدسة من النوع البسلم عليه وانا مدنقر
بعديها عرفت إنه الرجالة لا دين لها وإنه السكران ممكن يكون أفضل أخلاقاً من إمام المسجد عادي بالزبادي
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
بل ما قادرين نفهم إنه في عوالم تانية غير أفهامنا
فعلا دا اساس البوست وأساس كل نقاش
يا احمد عمر مبالغة الدولي.. وعمك الإمام الشايف انه وصي على المجتمع يعاقب امرأة في أمس الحوجة بحجة شنو ما عارف
الدولي بيعمل السبعه وذمتها.. ودا بينه وبين صحتة وربه.. لكن معمعم بكل مكارم الاخلاق
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
وتصدق لما أعدت التفكير في شلة الدولي وأشباهه لقيتهم هم البشيلوا المناسبات فوق راسهم
هم البمشوا يحفروا المقابر أنصاص الليالي ويدقوا الصيوان وهم البشيلوا الصواني في الأعراس
وناس مولانا وأشباههم بكونوا قاعدين ملمعين نضيفين بالجلابية البيضاء مكوية ما ببذلوا مجهود إلا في شيلة المايك
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
يا أحمد عمر عشان كده حبوباتنا كانوا كان عملت حاجة بيقولوا ليك مدخورة ليك عشان كده في الغالب الأعم أي زول تلقاهو يكثر من إظهار التدين أعرفوا حبرتجي وضلالي وأغلب من أثروا في الإنقاذ اصحاب أصل وضيع ووضاعة الأصل لا علاقة لها بالفقر عاين عليك الله لي ناس أمين حسن عمر ومصطفى إسماعيل والبشير وأخوانه وغيرهم تجد الوضاعة تتجلى فيهم زي إمامكم الضلالي ده
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: muntasir)
|
احمد محمد عمر
| Quote: بعديها عرفت إنه الرجالة لا دين لها وإنه السكران ممكن يكون أفضل أخلاقاً من إمام المسجد |
ممكن يكون ؟
دا شىء اكيد ومافيهو كلام .. بتلقى زول لا بصلي ولا دخل الجامع لكنه افضل من الف من ائمة المساجد ورغم بساطته لكنه
يملك نفس انسان وقلب فيهو رحمة وشهامة
مشوارك والحاجة حكاية ويمكن تسيل كثير من الحبر والمشاعر لانك لاحمت بين الاسى والفرح وبين الغلظة واللين وبين الواجب القريب
وبين السترة.
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Haytham Ghaly)
|
Quote: قبل الحادثة دي كان الدولي بالنسبة لي زول تلفان في الشارع ما بسلم عليه والشيخ شخصية مقدسة من النوع البسلم عليه وانا مدنقر
بعديها عرفت إنه الرجالة لا دين لها وإنه السكران ممكن يكون أفضل أخلاقاً من إمام المسجد عادي بالزبادي |
اما بالنسبة للخمره ...
فعمك صلاح جاهين قال يا احمد عمر :
رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة تصبح وحوش
و صاحبت ناس م الخمرة تصبح بشر
عجبي ...
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: ترهاقا)
|
Quote: ركبت قدام داير اسلم على السواق حسيتو متجاهلني عاينت فيه عرفته .. من حلة جمبنا إمام مسجد مرتاح عندو مزارع مشهور بإنه متحدث دائم في المناسبات وأيام وفاة أبوي كان يومياً بيجي بعد صلاة المغرب ويعمل حلقة الخير والإيمان للموجودين في العزاء
بعد شوية اتكلم قال لي انا عرفتكم بالمناسبة قلت ليه أكيد يا شيخ فلان
فجأة وبدون أي مقدمات قال لي أمك دي ماا تركبها البصات بتبهدلها معاك في التفاتيش مالك؟
أنا صبت فيني مطرة لدرجة العبرة خنقتني وغلبني الكلام .. أمي قالت ليه والله ما قصر ركبني عربية مخصوصة لكن حجزوها ناس الشرطة .. لوى بوزه نظام ما مصدق
وريناهو المستشفى فإذا به يقيف في الشارع العام ويأشر لينا على المستشفى أهو داك ليه
أمي ولا خلتو كمل كلامه نزلت طوالي .. أنا فطست كرامتي وقلت ليه معليش ياخ أنا عارف المكان قريب لكن أمي ما بتقدر تمشي وهنا مافي مواصلات لو في مجال بس ياريت توصلنا الباب
ببرود شديد قال لي معليش لاحق اجتماع |
سبحان الله الناس ديل كأنهم نسخة من بعض . .
اللامبالاة الكانت تجاه الشعب تلاتين سنة دي ما صدفة . .
انا ما عارف ماهو المنهج او الطريقة البتخلي مجموعة من الناس صورة بالكربون من بعض . .؟!
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: حمد عبد الغفار عمر)
|
ما يبدو انو القصة ماخده جانب دعم قصه الحرية الشخصية للمرأة لقضية المساواة بين الجنسين
نعم نحنا في القرن الواحد وعشرين ويفترض المواقف تكون باتجاه وعى وتحضر أكثر. فالحرية الشخصية ما مطلقه على العموم وعندها سقف لما تصل حدود معينه
السجائر والشيشة بين استخدام الحبوبات سابقا (كعاده تمارسها نساء تعدن الأربعين غالبا) لا يتعدى ضررها التدخين السلبي لغير المدخنات في المجلس. ما الان فالتدخين والادهى منها ضررا الشيشة تستخدم من طيف عمري عريض عند النساء بالتالي بخلاف ضرر التدخين السلبي برضو تدخين النساء صغار السن وتأثير التدخين على الجنين اثناء الحمل والرضاعة وتربيه الصغار. وعليه تتصادم الحرية الشخصية مع صحة الجنين او الطفل بعد ولادتو.
فالفضية ما قضيه وصاية وكلام زى دا ,فاذا كان مثال الفضية هو طبيبه تتجاهل لا تلتزم بمبدأ صحى بسيط(وهو امر شائع بين العاملين في المجال الطبي نساء و رجال) ومسئوليه التناول يجب انو تكون مسئوليه من غير ترديد شعارات على الاطلاق.
نرجع بالنسبة لربط الحرية الشخصية (للمرأة) تحديدا كدعم لقضية المساواة بين الجنسين. ولو نظرنا لكثير من المجتمعات في أطراف السودان البسيطة أكثر تقدما في قضية المساواة بين الجنسين (واللي ما بتتوفر الا بتوفر حريه شخصيه للمرأة) والحاصلة في جوانب ومجالات لا علاقة لها بمظاهر حريه او مساوه هامشيه زى التدخين او تناول خمر. اما في مجتمع المدينة لم يحدث اختبار حقيقي للمساواة (بالضرورة تقوم على الحرية الشخصية) فالمرأة في مجتمع المدينة مازالت حريتها الشخصية والمساواة أمورا خدت الجانب الديكورى وتسليع للمرأة. ناهيك عن تبنى الامر بشكل يضرب ويعمل على هدم مؤسسه الاسره كنموذج لتطور المجتمع واستقرارو وتحضرو.
اما الحديث عن اختبار حقيقي لقضية الحرية والمساواة هو مشاركه المراه بشكل فعلى (مش ديكوري) للرجل في المجالات الخاليه بحجه انها حكر على الذكور وغير مسموح ليها بدخولها. اضافه الى تقبل حمله الشعارات لتطبيق الشعارات من قبل من هم في الدائرة الاجتماعية الضيقة ليهم.
بعدين السجاير ولا الشيشة مش وارد للسودان مع المستعمر؟
وكثير من المجتمعات السودانية –مسلمه وغير مسلمه -لا تدخن المراه حتى تكون من المقاييس الجادة التحضر وحريه المراه.
ما بالضرورة نقلد عوالم تانيه ونضعها نموذج للتحضر والحرية وكتير مننا يهلل باننا أصل البشرية والحضارة. العوالم الثانية أصبحت حضاريا تنحدر وتتراجع حضاريا مع ذوبان مؤسسه الاسره وتفتت القيم الضامنه لتماسك اسره والمجتمعات دي. لازم نحدد معاييرنا الاجتماعية سواء حريه شخصيه للمرأة والرجل او مساواه او خلافو وحتى مفاهيم التخلف والتحضر حسب ثقافات وعادات مجتمعاتنا وترك حاله الاستسلام للانهزامية امام الاخر ومانكون زى ورقه الكربون تنسخ اى شى بتكتب بواسطتها ونتعاطى مع ماعند اخر بأسلوب الفلتر /الغربال
تحياتى
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Asim Ali)
|
انأدب يا نملة في مخاطبة الآخرين
تصدق يا قسم الله ما شفت مداخلتك دي
ما في قلة أدب بالعكس انت وصفت زوجها بالدلوكة وعادي عايز تعدي. وتبرم شنبك.. لا ما تعدي تنقرص من نملة.. ويلفت انتباهك.. طالما أعطيت نفسك الحق تسب غيرك استحملََََ....
انا بشوف نظرتك للموضوع اقل ما يقال عنها خلف المتخلفة... لس بدري عليك.. محتاج كتير... الدنيا واسعة.. واعمل حسابك أمثال الزوج الوصفتو بالدلوكة كتير... اذا صادفك المشهد دا في أرض الواقع اعمل غمران والا زي ما قالت الفنانة بتدقا
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: عمر نملة)
|
موضوع الصحة والتدخين
التدخين -التمياك والشيشة. ضار بالصحة بالنسبة للرجل والمرأة !
وكما ذكر احد الأخوة فان تدخين السجاير - الذي يتم تعاطيه في المنزل ومكان العمل والمواصلات والأمكنة. العامة ضرره. اكبر من الشيشة التي
التي يتم تناولها في مواقع محددة ،،
نجيك لمسالة. التدخين وصحة الجنبين
الوالد الذي يتعاطي سجاير -يتسبب في ظاهرة التدخين. السلبي - وينعكس ذلك علي أطفاله وعلي زوجته الحامل.. وكذلك الزوج متعاطي الشيشة بالمنزل !
وبعدين المرأة المدخنة دي ممكن قد تعدت سنة الإنجاب !
التدخين بدرجة عالية والشيشة والتمباكً بدرجة اقل يتعدي متعاطيه حريته ويتغول. علي صحة الأخريين فلماذا تخصص المرأة فقط !**
**
قلنا ان الدين والقانون والأخلاق والصحة. العامة تساوي. بين المدخن الرجل والمرأة. في الضرر والحظر. والإباحة. والتحليل. والتحريم ،،
أما العادات والتقاليد السودانية فلها حسابات مختلفة ومنطق مغاير وعشان كدة حقو الناس او بعضهم تخلي شماعة الدين والأخلاق والصحة ويعلنوها صراحة ان موقفهم
من تدخين المرأة محكوم بالعادات والتقاليد !
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: كمال عباس)
|
Quote:
موضوع الصحة والتدخين
التدخين -التمياك والشيشة. ضار بالصحة بالنسبة للرجل والمرأة !
وكما ذكر احد الأخوة فان تدخين السجاير - الذي يتم تعاطيه في المنزل ومكان العمل والمواصلات والأمكنة. العامة ضرره. اكبر من الشيشة التي
التي يتم تناولها في مواقع محددة ،،
نجيك لمسالة. التدخين وصحة الجنبين
الوالد الذي يتعاطي سجاير -يتسبب في ظاهرة التدخين. السلبي - وينعكس ذلك علي أطفاله وعلي زوجته الحامل.. وكذلك الزوج متعاطي الشيشة بالمنزل !
وبعدين المرأة المدخنة دي ممكن قد تعدت سنة الإنجاب !
التدخين بدرجة عالية والشيشة والتمباكً بدرجة اقل يتعدي متعاطيه حريته ويتغول. علي صحة الأخريين فلماذا تخصص المرأة فقط !**
**
قلنا ان الدين والقانون والأخلاق والصحة. العامة تساوي. بين المدخن الرجل والمرأة. في الضرر والحظر. والإباحة. والتحليل. والتحريم ،،
أما العادات والتقاليد السودانية فلها حسابات مختلفة ومنطق مغاير وعشان كدة حقو الناس او بعضهم تخلي شماعة الدين والأخلاق والصحة ويعلنوها صراحة ان موقفهم
من تدخين المرأة محكوم بالعادات والتقاليد ! |
ارحع اقرا المداخله تانى
مافى شى عن الدين
لكن نقاش قشور الحريه الشخصيه كمدخل لتبرير مساواه ديكوريه للمراه تقود لتسليعها واستغلالها
الحريه الشخصيه ومساواه المراه مع الرجل عندها محكات حقيقيه الناس بتتهرب منها وتتمسك بقشور زى التدخين وشنو ماعارف .
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Asim Ali)
|
زي ما جاءتني في الواتس نقلتها ليكم بضبانته.
الحصه اليوم تمباك :-
أحد سكان الفاشر يحكي لنا كيفيه زراعه الصعوط او التمباك او العماري
ويقول : بحكم إنتمائي إلى دارفور و الفاشر على وجه الخصوص ... وقفت على التمباك بكل مراحله وعرفت الكثير الكثير من أسراره
🌅 رايت أكثر زملاء الدراسة والعمل يتعاطون السفه.. وهم من غير أهل دارفور.. فشرحت لهم كيف تعد هذه الآفة..
🌅 وشاركت باكثر من موضوع في جريده (السلطان) الحائطية والتي كانت لسان حال دارفور
🌅 لم يستجب إلا قليل.. فأيقنت ان القوم قد أدمنوا حتى النخاع...
🎈🎈🎈🎈
🌅 ماهي نبتة التمباك وكيف شكلها ؟؟!!
🎈نبات التمباك اخضر غامق اللون.. ينمو بإرتفاع متر عن الأرض وشكلها مثل نبات البندوره (الطماطم)...
🎈 لا تزرع البذور لتنبت كما يعتقد الكثير.. بل يتم شتلها وهي بطول 10 سنتمتر تقريبا ...
🎈لا يحتاج إلي ماء.. حيث يكفيه لتر واحد فقط وعند الشتل....
🎈 بمجرد تجهيز الأرض وانتهاء الشتل بصب الماء والكمية التى ذكرتها..
🎈تنقطع علاقة المزارع بزراعته حتى يحين موعد حصاده....
🎈🎈🎈🎈
🌅 كيف ولماذا
🎈نبات التمباك لا ياكله اي مخلوق.. سواء كان حيوانا أو حشرة.. لذلك لا يحتاج المزارع الى حراسته او زريبه او سور يحمى زرعه... (يعني اشتل ونوم حتى الحصاد)... 🎈الحشرات تبتعد عن مزارع التمباك.. وكذا الحيوان.. والغريب ان الإنسان لا يجرؤ على شق مزارع التمباك..
🎈والسبب أن السموم التى تنبعث من هذه النباتات تقتل وتسبب ضيق التنفس...
🎈🎈🎈🎈
🌅 كيف يتم حصاد التمباك ؟ 🎈عندما يستوي النبات.. ويحين حصاده.. يستأجر أصحاب المزارع أناس متخصصون لهذا العمل.. وهي أصعب مرحله.. والأكثر تكلفه لهم..
🎈والشخص الذي يقوم بقطف أوراق هذا النبات.. ينسلخ جلده بسبب حرارتها.. وكذلك يصاب بأمراض الأنف والعيون والرئه ...
🎈يصبح جلد القاطف مثل من يعاني داء البرص... ثم يبدأ الجلد في نموه ليعود الى وضعه الطبيعي بعد فتره من الزمن.. وهكذا تدور الدوائر..
🎈🎈🎈🎈
🌅 ثم ماذا ؟
🎈تجمع الأوراق في مساحة صغيرة.. لا تتعدى ال 3 امتار او حسب الكمية..
🎈 ثم تضاف إليه بعض المحدقات.. ويقول ساخرا : مثل (الكتشب) و(البهارات)..
🎈🎈🎈🎈
😍 لكن لنري ماهى هذه البهارات
🎈هذه البهارات عبارة عن صفق شجر (العشر), حيث يتم إضافة كميه كبيرة من أوراق العشر.. ولسببين:
🎈هما إضافة نكهة وطعم حار إلى التمباك.. بجانب زيادة كميتها...
🎈ويجب أيضاً ان تعلموا.. ان العشر لا يأكله لا الإنسان ولا الحيوان.... ويستفاد من حطبه في الوقود والبناء.. وهي شجره ذات عصير أو محلول أبيض يستكرهه الناس..
😍 أما النوع التاني من المحدقات.. عبارة عن فضلات الحمير.. أعزكم الله (الروث او الزباله )..
🎈تجمع كميه كبيرة من هذه الزبالة وتطحن ثم تضاف الى أوراق التمباك..
🎈طبعاً هذه المحدقات تضيف طعماً ورائحه لذيذة (اي نفاذة) للتمباك..
🎈ويجعل من يتفنن أكثر في تمباكه.. يكون رقم واحد او (العماري الأصلي)..
🎈🎈🎈🎈
😍 التــــــخــــمـــــــيـــرة :
🎈بعد تجميع ما ذكر (أوراق التمباك + روث الحمير + أوراق العشر ).. في مكان واحد..
🎈يتم غطاء هذه الخلطه بفروع الأشجار والقش (الحشائش) والمشمعات.. وتترك لفترة طويلة.. حتي تتخمر....
🎈ويوم فتح هذه الخلطة المتخمرة.. لا يستطيع أي مخلوق أن يقترب منها و لمدة لا تقل عن أسبوع...
🎈بعد إنقضاء الفترة يعبأ المحصول في جولات خيش.. ويتم ترحيله إلى مدينة الفاشر.. حيث يتم طحنه في مطاحن التمباك بمدينه الفاشر لصاحبها التهامي....
🎈ثم يتم شحنه إلى مخازن أمدرمان.. خلف إستاد الهلال.. ليوزع إلى مناطق السودان الختلفة....
🎈🎈🎈🎈
😍 ماذا يحدث للميت من متعاطي التمباك ؟
😍 يقول شخص:
🎈في عام 1991م.. كنت ملازما لعمي المريض بمستشفى الفاشر الكبير.. إذ حل بالمدينه وباء السحائي الفتاك.. الذي يقتل الإنسان دون ان يمهله الشهاده...
🎈عندها فإن فزعا قد أصاب الناس بالمستشفى.. لأنه في رأس كل ساعة يهرع بمريض سحائي..
🎈ومن باب الفضول.. كنا نذهب لنرى المريض و حالته... ج🎈سمعت الطبيب أو الممرض يسأل أهل المصاب.. إن كان يتعاطى التمباك..
🎈إذا كانت الاجابه (نعم).. يفرشون له كيس من النايلون لينام عليه...
🎈سألت عن السبب..
🎈أخذتني إحدى الممرضات إلى شخص متوفي حديثا بالسحائي وقالت لي أنظر....
🎈 رأيت سائلا أسود اللون يتم افرازه من فم وأنف المتوفى..
🎈وقالت لي: ان من يسف التمباك (تنبعث منه هذه الرائح الكريهة.. وكذلك السائل النتن من جسده.. ومن كل (فتحة) في جسده اعزكم الله....
🎈اقسم بالله العظيم.. رأيت ذلك السائل الأسود.. وبحسب كلام الممرضه سببه التمباك...
🎈🎈🎈🎈
🌅 والجدير بالذكر.. وأهم ما قاله الأخ :
🎈طبعا أبناء دارفور.. لا يتعاطون التمباك, إلا قليلا.. بل من النادر جدا أن تجد من يتعاطاه..
🎈ويعتبر تعاطي التمباك في دارفور عيب كبير..
🎈والسبب: لأنهم يعرفون سر هذه الطبخه الخبيثة...
🎈اما المساكين الماعارفين شغالين سف...
🎈🎈🎈🎈
😨 منقول للفائدة..
😨 لعل الله يهدي بهذا المقال أقوام مدمنين لهذه النبتة الخبيثة..
🎈🎈🎈🎈
اللهم اني بلغت اللهم فشهد.
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Arif Nashed)
|
| Quote: قالت لي: ان من يسف التمباك (تنبعث منه هذه الرائح الكريهة.. وكذلك السائل النتن من جسده.. ومن كل (فتحة) في جسده اعزكم الله.... |
عارف تحياتي ..ابعد من معلومات الواتسب ورسائل الفورورد دي كلها مواسير وضنب ككو
الاسلوب بتاع التخويف والارهاب بالخزعبلات وقصص الرعب دي اسلوب قديم اتقنه خصوصا الجماعات السلفية والدعوية
يعني عشان تنهي عن فعل ضار او غير صحي مافي داعي تروج لمعلومات مغلوطة وما عندها اي اساس علمي او منطفي
تعال قول الصعوط ضار بالصحة وممكن يكون سبب في امراض باسلوب علمي وضح فيه شنو هى المواد الخطرة دي الموجودة في التمباك واثارها الضارة
لكن قصة سايل اسود وفتحات دي ما بتخش راس زول
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Asim Ali)
|
لا ياعصام انت من رفضت تدخين المرأة من مدخل صحي بينما أغفلت ذات الشق الصحي علي الرحل !
أها انا ضد التدخين والتمباكً والشيشة سواء كان المتعاطي. رجلا او امراة ! وحتي في الغرب امريكا مثلا والتي تمتع التدخين في الأماكن العامة وغيرها من المقيدات الصحية وتضع سن ٢١ عاما كحد ادني لقانونية تعاطيه او التعامل به فانها
لاتحظره علي المرأة فقط باعتبار. تعديه علي حرية الأخريين والجنيين وانما. تترك ذلك للطبيب وتعليماته التي يخصص بها الوالد والوالدة !
أما مسالة المساواة في كافة الحقوق والواجبات والحريات -وحقوق المواطنة والإنسان غض النوع الجندري والعرق والدين فهذا مبدأ لاخلاف عليه
ولكن التمسك. بهذا المبدأ. لايعني التفريط فيما دونه من تمييز جندري تحت ستار الصحة. وخلافه ! فالضرر الصحي مرفوض سواء وقع من رجل والمرأة او مس سواهم بسبب تعاطي تدخين او خمر او فوضي وإزعاج عام !
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: كمال عباس)
|
انا ماميزت المراه فى قضيه التدخين
| Quote: فالفضية ما قضيه وصاية وكلام زى دا ,فاذا كان مثال الفضية هو طبيبه تتجاهل لا تلتزم بمبدأ صحى بسيط(وهو امر شائع بين العاملين في المجال الطبي نساء و رجال) |
لكن التدخين زى حكايه تناول والمخدرات ليها تاثير على الجنين اثناء الحمل وخروجو للدنيا معلول بسبب عدم تحمل مسئوليه المراه لدورها كحامل /ام لانو الطفل شريكها فى مرحله الحمل (دا طبعا غير حكايه التدخين السلبى بعد الوده كخطر مضاف للطفل).
| Quote: وانما. تترك ذلك للطبيب وتعليماته التي يخصص بها الوالد والوالدة |
عارف عشان كدا حتى لما نناقش فى بوست زى دا لازم نلفت النظر لقضيه زى عشان الشابا يعرف تداعيات الامر الصحيه ويضعها اما الطبيب (اللى غالبا يكون مدخن او تمباكى) وعن تجربه واحتكاك مع شباب الايام دى الناس ثقافتها ثقافه فيس وواتس .لكن معرفه حقيقيه تخليهم يعرفو شى فى الدنيا دى مافى .ودا موضوع تانى واسبابو منها تربيه التجهيل خلال التلاتين سنه .ياخى حتى لو قلت لي واحد/واحده ارجع شوف الموضوع فى الكتاب او لموقع الفلانى عشان تعرفعن بينه يقول ليك ورينى الخلاصه وبشوف القصه ضياع زمن.
المهم مابحظر على المراه حريه شخصيه تمارسها وابيحها للرجل وانما شايف انو فى حاله ضياع لادراك لحدود الحريه الشخصيه للجنسين لكن الكم فى البوست هو عن مراه و(طبيبه) كمان
زما النسوان الكبار كانن بدخنن واغلب المجلس مدخنات يعنى ومافارق سلبى او ايجابى
نحنا فى السودان عموما لسه ثقافه انو التدخين عندو مكانو الخاص للمدخنين لسه موصلناها وحتى لما زول يدهن فى مكان عام زى مواصلات عامه وتنبهو يعتبر انك بتتعدى على حريتو وانوالمكان ماحقك وانو راكب بقروشو زيو وزيك
عشان كدا قضيه الحريه الشخصيه محتاجه ياخدوها الناس على مراحل عشان ماتقود لفهم وممارسات تتعدى على الوسط المحيط
تحياتى
| |
|
|
|
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Asim Ali)
|
كتب الأخ عاصم
(لكن التدخين زى حكايه تناول والمخدرات ليها تاثير على الجنين اثناء الحمل وخروجو للدنيا معلول بسبب عدم تحمل مسئوليه المراه لدورها كحامل /ام لانو الطفل شريكها فى مرحله الحمل (دا طبعا غير حكايه التدخين السلبى بعد الوده كخطر مضاف للطفل)
ليس الأم وحدها - فالوالد الذي يدخن شيشة او سجاير بمنزله يؤثر سلبا علي زوجته -حاملا ام لا وعلي أطفاله -
فالتدخين. السلبي لايقل خطورة عن التدخين. المباشر -علما بان نسبة المدخنين. من الرجال. أضعاف المدخنات من. النساء والضرر وبالتالي الضرر الآتي. منهم اكبر !
بالنسبة للمرأة فان طبيبها يحذرها من التعاطي. والخمور وبعض الأدوية. اثناء الحمل. والرضاعة الطبيعية وكذلك
ينبه الوالد الذي المدخن والمتعاطي بنفس القدر !
وعلما بان اكثر المدخنات ومتعطيات الصعوت يفعلن هذا في مرحلة عمرية. محددة !
| |
|
|
|
|
|
|
| |
زهير عثمان حمد
ياسر السر
جمال ود القوز
محمد قسم الله محمد
عبدالحفيظ ابوسن
عمر نملة
عمر التاج
Abdullah Idrees
كمال عباس
النعمان اسحاق
احمد حمودى
Asim Ali
يحي قباني
ABUHUSSEIN
Ali Alkanzi
محمد البشرى الخضر
قسم الفضيل مضوي محمد
Hatim Alhwary
ولياب
حامد بدري
Biraima M Adam
نعمات عماد
د.محمد بابكر
Ahmed Yassin
احمد يوسف (خور جهنم)
علاء سيداحمد
ترهاقا
عمر سعيد علي
حمد عبد الغفار عمر
Arif Nashed
فيس بوك
تويتر
انستقرام
يوتيوب
بنتيريست