|
Re: Gillette لا يستحّقهُ الرِجال !! (Re: walid taha)
|
الحبيب وليد تحياتي .. ربنا يكتب السلامة للجميع .. يا رب أنا كنت بنفس الطريقة زمان ولكن قرأت وسمعت الكثير من الاطباء يحذرون من الحلاقة في المحلات العامة ( محلات الحلاقة ) لأن هذا يساعد في انتقال التهاب الكبد ( سي ) ما لم تأخذ معك ( معدات الحلاقة الخاصة بك مع كل جلسة حلاقة ) وقالوا هذا من أسباب انتشار هذا الفيروس في مصر من الحلاقين وعيادات الاسنان
أنا ملاحظ هنا في السعودية ..كثيرين يأتون إلى الحلاق ومعهم ( معدات الحلاقة الخاصة بهم ) وخاصة الموس رغم أن الحلاق يقوم بتعقيم ادوات الحلاقة ..
أحسن حلاقة اللحية في البيت .. والراس بالماكينة بدون استخدام الموس
حفظنا الله جميعاً من كل سوء .. قريبي وليد .. عمك علي زول موسوس .. لكن لا بد من الوسوسة للسلامة ..
| |
|
|
|
|
|
|
Re: Gillette لا يستحّقهُ الرِجال !! (Re: walid taha)
|
مافي حل غير الليزر بس داير ليه حبة شجاعة كدة :)
الحلاق في النهاية حتمشي ليه كل كم يوم؟ ما برضو نفس الشئ والشعر حيقوم حيقوم كان يومين كان تلاتة أنا غايتو من ناس يوم بعد يوم .. لكن يومين بدون حلاقة الأمور بتجوط
دة الطقم حقي
| |
|
|
|
|
|
|
Re: Gillette لا يستحّقهُ الرِجال !! (Re: أحمد محمد عمر)
|
سلام وليد طه والضيوف الكرام شفت حلاقة الشعر العادية دي عند الحلاق ما بأحبها ،، وكنت أخليه لما يخنفس حتى أمشي مرة ،،، الدقن كمان يمسك جضومك بي هنا ويمسح وشك بي هنا ويلفلف راسك يمسن وشمال ،،،، مزعجة ياخ ما حصل حلقت ذقن عند حلاق أبداً وعندي المكنة البتفتح ضلفتين ديك ،،، هههه زي العجب باردة وناعمة تحياتي
| |
|
|
|
|
|
|
Re: Gillette لا يستحّقهُ الرِجال !! (Re: أحمد محمد عمر)
|
يعني نوع زي كده ،،، وللعلم في نوع تاني غطاء الموس فيه قطعة واحدة وهو النوع المنتشر وهو نوع سيئ وخشن وسخن على الجلد ،،، الأنواع الفي الصورة هي الأفضل النوع الفي الصورة غير متوفر بكثرة ولكنه ممتاز وناعم على البشرة
| |
|
|
|
|
|
|
Re: Gillette لا يستحّقهُ الرِجال !! (Re: walid taha)
|
Quote: حقيقة -ومن واقع التجربة- خلصت الى ان حلاقة الذقن فى الحلاق مثالية |
صدقت في كلامك لكن خت في اعتبارك نصائح الاخوة بانك تشيل معاك معدات الحلاقة الخاصة بيك عشان تتفادى الامراض الفايروسية
طبعا انا زيك كده وصلت للقناعة دي بس قبل 4 سنة لاني كنت بشيلا بالموص في البيت وبدات تظهر لي حبوب دهنية وقابلت بها طبيب جلدية وقال لي دي حساسية وما عندك حل غير انك تشيلها تاني بمكنة الحلاقة ومن هنا بدات دوامة الصالوين بتاعة الحلاقة وزيارة مرتين في الشهر
| |
|
|
|
|
|
|
Re: Gillette لا يستحّقهُ الرِجال !! (Re: النعمان اسحاق)
|
هوووي أنتم في دا .. ولاّ هنا في أمريكا .. الحلاقين كلهم نسوان ومن شرق أسيا .. الواحدة تعمل ليك حلاقة ومساج للرقبة والرأس .. و"كوندشنر" .. والله ترطب لما تجيك حالة هذيان ..!
لما كنا شباب الحاجات دي ظابطة معانا منقة .. لكن مع الحالة نحن فيها دي .. تخاف زول يمد يده عليك .. خليك يعمل ليك مساج!
بريمة
| |
|
|
|
|
|
|
Re: Gillette لا يستحّقهُ الرِجال !! (Re: walid taha)
|
الوجيه/ وليد كان عندنا في مدني في ام سويقو حلاق اسمو الاستوبر ما عارف اراضيهو وين فوق الارض والا تحتها كان يجمع بين اكثر ثلاث صفات كفيلة بي تغيير رايك دا اولا كان براااااااي ومعاط لو سمعو عبد الله داش لقال والله ناس هناي ديك رحمه .... ثانياً : كان مع كلامو وحكاويهو ما بيفتح الله عليه بانو يفوت تسلسل الحجوة او السيرة فبستعيض بدلا عن ذلك بسواقة الراس زي السايق ليهو هنتر الثالث وهو الاهم ...سوي (موسيقى تصويرية .......) عينو حاااااارة يعني بتخش في اي زول يعني عادي مره قالوا بعاين لي فلاتي شايل ليهو بطيخة فوق راسو بدون ما يمسكا بي ايدو وشاقي ام سويقو في اتجاه الدباغة يقوم يقول """شوف البطيخة دي راااااسية فوق راسو كيف تقول زارعا ............تقوم بببببب البطيخة تجي واقعة ...نحن واحنا صغار كنا بنمشي ليهو لي حلاقة العيد الصغير فقققققققط انا من انصار الجيليت الرباعي الدفع البيتي بشرط السخان يكون بعد الاتش .... الموية الحارة بتختصر كتير من التخريش والجل الجديد بيبرد موضوعك استثنائي وخروج على المألوف ما زي مواضيع جيل الشنو ما عارف داك الفي الفيس
| |
|
|
|
|
|
|
Re: Gillette لا يستحّقهُ الرِجال !! (Re: malik_aljack)
|
أحمد محمد عمر والله أحسن حلاقة بيها ،،، نااااعمة وخفبفة ،،، هسي شوف صورتي الرمزية دي ،، أياهو حالق بيها ،،، حقتك دي ياخ محنكشة والشعر بيدخل بين الأمواس وما يطلع بي أخوي وأخوك ،،، جرب حقتنا دي عشان تعرف إنو جدك ده كان عبقري
| |
|
|
|
|
|
|
|