♧ ناس عايشة و ناس دايشة £

₩نضحك شوية£
........................
●جداً لينا من كواهلة بحر أبيض.. مسكوا وجع بطن لواية دايرة تودِّر ذمتو
خلتو يهضرب:(يا ناس المزاريق والسكاكين و الخناجر تحش في مصاريني حش).
الجماعة ختفوهو لحقوبو عيادة أجدع أخسَّاوي باطنية في منطفة الكوة .. دخلوه
على الحكيم و شكى ليهو الحسس..الدكتور قال ليهو:(أمش جيب لنا فسحة و تعال).
مرق برة لقالو شباب عواطلية: " ها جنيات هوووي وروني محل المروق بي وين؟!!
ضحكو عليه و قالولو : يا حاج (المروق) في سوق العناقريب. زولك شم ريحة القهنبة
قام كورك فيهم صرف لهم بركاوي صاح و رجع مقبل على جماعتو قاللهم أرح آناس
دي عافيتن اتقسَّت بلحيل و جابت لها فنقسة؛ دحين قوموا نتكامل أهلنا)😂😂😂

[٢٨/‏١٠ ١٨:٣٨]
حكاوي عادل سعيد أب جقادو:
《 من أرشؤف يومراا عريس》:ـــ
♤ فا شنو، السودانين بتعاملوا مع العرسان
الجداد بي تعاطف كبير و أريحية شديدة جدن.
♡ بتاع المرور و قفنيً لافي الصينية غلت و طلب مني
الرخصة و الترخيص؛ داير أطلعهم فمما لمح يديني محننات
قال لي امش يابن العم ،ما أنت عريس و كدا.عالم طيبانة!!

●دخلت تأشيرات الأطباء الفي شارع النيل.. طلت دا صف
رغيف بايخ كدا قلنا ؤلا برضو نفطر قروض. رلا واحد شافنا
عرسان إتبرع دخلنا أنا والمدام جو المكتب و عمل لينا الخروجة
و جاب لينا نسكافيه كمان سألت كم قال لي ألف واربعمائه و أربعين
للجوازين؛ فقلت أرحلحا معاو زي ما أكرمنا اديتو 2000... رجع
لي 1000 قال: ما عشان إنتو عرسان ياخ أعتروهل ختتي ليكم.

● أها قريب دا كانت سالسة الأسافي.كنا شاعرين لينا بي دَبَس
ساي
لاتخيز لينا حنة و مرقنا ماشين مصلحة الجمارك عندنا محاولة
بلبصة لمخارجة إعفاء جمركي لعربية اورنيك وراد دبي..فالزنقة
صعبت قلت للمدام اضربي للحنانة تجى تطبق لينا حنتنا دي .
😂😂😂😂😂
♧[٢٨/‏١٠ ٢٣:٤٦] دفع الله ود الأصيل:
●هههههههههاي يجازيك ياأبجقادو .قال حنان بلو بلو ؟!
و لا قصدو حنان سكليب و عوضية ردحي ؟! لأنو أخونا
مو عارف ماشي ليو على شهر ؛ قصدي برميل زفت كابين
عليو باغة عسل واحدة بس بفوق نظام وشية (Topping)
للتمويه و كدي. فلو لهمقو لحسو سريع و لا بالغلت قد
البرميلبتحت من أساسو ، بقى الضحك شرطو .

♧ لست مجنونًا، و لكن جئتُ رغم أنفي £ ( دفع الله ود الأصيل)
أجمل شيء ناس عايشة .. و ناس برضو دايشة)
❤️العزوبيه تولد الإبداع الرومانسي🌹
😂😂😂😂😂😂😂😂😂

♧ ﻳﺎﺍﺍ ﺳﻼﻡ ﻳﺎ ﺟﻤﺎﻋـــة على
خواطر ااعزابة و الخيال الواسع£

♡ ﻟﻤﺎ ﺗﺮﻛﺐ ﺟﻨﺒﻲ ﺑﺖ ﻓﻲ ﺍﻟﺤﺎﻓﻠة ﺑﺘﺪﻳﻨﻲ
ﺍﺣﺴﺎﺱ إﻧﻲ ﻋﺮﻳﺲينفض في الكيسﻭ أﻧو ﻧﺤﻨﺎ
ﻗﺎﻋﺪﻳﻦ ﻓﻲ ﻜﻮﺷــة الزفاف وباي باي عزوبية.

♡ﺷﻜﻞ ﺍﻟﺤﺎﻓﻠة ﺑﺪﻳﻨﻲ شعور ﺍﻧو
ﺍﻧﺤﻨﺎ ﻓﻲ ﺼﺎﻟة سبارك سيتي ﺍﻟﺬﻫﺒﻴــة.
# ﻣﻨﻈﺮ ﺍﻟﺮﻛﺎﺏ ﻭﻫﻢ ﻗﺎﻋﺪﻳﻦ ﺑﺘﺨﻴﻞ إنو ﺩﻳﻞ كولهم ﻤﻌﺎﺯيمنا.

●حتى ﻣﻨﻈﺮ ﺍﻟﻜﻤﺴﺎﺭﻱ ﺣﺎﻳﻢ ﻭﺳﻂ ﺍﻟﺮﻛﺎﺏ ﺑﺪﻳﻨﻲ إﺣﺴﺎﺱ
ﺍﻧو ﺑﻮﺯﻉ ﻓﻲ الشربات، و أنو صواني عشاء الكوكتيلات المو خمج في الطريق.ﻭﺍﻟﻌﺠﺐ ﺍﻟﻌﺠاﺐ ﻟﻮ ﺍﻟﺴﻮﺍﻕ ﻣﺸﻐﻞ ﺍﻏﺎﻧﻲ سيرة. دا بس بﺨﻠﻴﻨﻲ أﻛﻮﻥ ﺳﺎﺭﺡ أتحسس في جيوبي
ﻭ أﻗﻮﻝ ﺍﻟﻔﻨﺎﻥ البجعر ﺩا أﺳﻲ عدادو بكون كم ؟!!

● والعجببة كمان لما الكمساري يجي جنبك ويقعد
يطقطق ليك في أصابعبنو الالمعصعصات ديل تقرررب
تقوم علي حيلك تقلدو و تقول ليو أبشر بالخير يازول.

● و لما الركاب يبدو ينزلو واااحد تلو الآخر ، أها تقررب
تقول ليهم شكراً ليكم والله ما قصرتو و ربنا يقدرني علي رد جميلكم يكن يا جماعة ما لسة ما زال الليلو طفلن يحبو ،،

● و العجب لما الجنبك يرجع ليك باقي الفكة اللتناولا ليك من الكمساري ليك بحسسسك انو قال ليك ياخ دي حاجة بسيطة من أخوك خليها معاك بتساعدك و أنت ماك عارفالباقية ساي ؛ لسة راجيك مشوار طويييل ولبلن يحبو حبيان جد .
☆أيوة .. أسأل مجرب و لا تسأل طبيب!

ياخي بالجد إبداع عزوبي رومانسي خرافي، موش؟!!!
😂😂😂😂😂😂😂😂😂😂

‏
♡ لما تتعرف علي جكسوية جديدة ؛
و بعد فترةليست بالطوييييلة ، تقوم تباغتك
بنفس السؤال البايخ:"أنا بالنسبة ليك بعني شنو؟ "
‏● هنا رأسك حينفتح فقشتين وتعرف إنو الفترة
التجريبية مجاني انتهت؛ فيا إمتن تتوكح تشترك
في الخدمة، و يا تلغيها و يلا ، تدينا عرض
كتافينك و غبشة كرعينك!✋

😂😂😂😂
● قال ليك جكسوية جاية من الجامعة و معاها في صفاقا
بويفرند لازق فيها لبسة قدة في مخلوفة و ماشين على موغف
جاكسون اليدبن مشبوكات في اليدين و ااحنك جوة الكناكين
بسنظام"حبيبي أميك لي و أنا بكطع ليك".. و فجأة كحلت ليك
عمها جاغوم بن بلَّاع.. أب شنبن كاجة متل كُنش العصيدة زولن
صعب بلحليل ؛ سكينو مطرقة لو جلت أم دلدوم هي ما بتجلي..
ناس وحاتي تشمها و كدي!! البنية شفتة عملت تقدير موغف
سريع ؛ و يلا قالت للولد ؛ خليك ماسك يدي لا ترمش و مبحلق
أفقي بس و لا في موضع السجود و يلا اعمل أعمى و رايح
لسلامتك و سلامتي و لسلامه ناس السوق العربي كلهم!!

● العم لامن شاف بت اخوه ويدينهم في يدين بعض طوالي
طسل سكينو من ضراعو عدلا و طاي متهلمن الاتنين و لامن
بت أخوه قالت ليهو ياعمي كيفك ..عليم الله الشاب ده عميان
كطعو معاك الظلط داك ينوبنا فيه ثواب العم جر نفس و شنبو
نزل ورجع سكينو في جفيرا و قال ليها:حرم نعم التربيه يابت
أخوي. بالله قال ليك ابليس من حيسو جاتو جلطه!!
🤣🤣😂😂

😂😂😂😂

(حاذر .. قدامك مطبٌّ ناعمٌ)
# امرأة لا تردُّ على طلبات المراسلة ، لا يعني هذا أنها تستهين بمراسليها أو تحتقرهم ،
أوأنها فولاذية المشاعر خشبية اللهجة، و لكنها مسألة قناعات فغت أو أنو العنتر نط بكون
كاطع موية و نور عنهمعندهم في حشرو عباس ريفي كمل نومك على ضفاف ترعة ود
المنسي ، محلة ام صفقن هوراص ، بجزيرة واغ الواغ. وبرضو فغت ، لا غير!!

ا#جكسوية عجوز متصابية بتنشر مقطوعات غزلية ، أو تنجرها بنفسها كطع اخخدر،
فهذا لا يعني هذا بالضرورة أنها توجهها لك إتا بازات عمل شلاضيمك الغولاد ديل .. ولا
يعني أنها متيّمة او وقعت في حب أحدهم لا سمح الله ، بل لعلّها تستعذبُ هذا النوع من الكتابات
فقط كسلوى و ديندن زملاذ من ضححاح المعاناة في عزصنانة هجير غرباتٍ ثلاث.

# و هذه كمان امرأة تنشر كتاباتٍ حزينة ، هذا لايعني أنها أرمةٌ ثُكلى
أو تقع في مشاكل عائلية عويصة ربما راقتها الفكرة أو أنها أخساوية
اجتماعيىة متعودية تقمص مشكلات الغير و تجازف تحلحلا.

* ودي كمان تفضل تبقى مساقدة متّصلة حتّى هزيع الثُّلث الأخير منالليل،
أو حتى يتبين الخيط الأبيض من أخيه الأسود من الفجر، فلا يعنيبالضّرورة
والبرهان القطعي و الشاهد التاريخي أنّها انها من إياهم ، أنها من المدردشات
مع مخاليق أو أشباح من عالم ٍ افتراضيٍّ او ذئاب بشرية أو في ثياب الواعظين
عاملين فيها حملان وديعة ، فربما قد يعني ذلك أنها من الزينات سُراي الليل
بالأوراد شادينالحيل ، أو أنها مجرد مساهرة بتحادث في صديقتها، أو
لا تحادث أحدًا أصلًا أو تشاهد مسلسلًا أو لعلّها نامت فقط و قد نسيت أن
تقفل بالطبلة والمفتاح دليل الإدانة ضدها بالأخضر الفسفوري!!

# امرأة تضحك وتنشر منشوراتٍ مضحكةً كنوع من التنوع؛ لفا يعني هذا
أنها تعيش في ضحك وتكشُّمٍ دائمٍ برا سبب متل قلة أدب نار القصب بل ربما
كانت من أتعس خلق الله ,وعايشة في عزلة كراهبٍ منطلعٍ للتنسُّك في صومعته ؛
و لكنها تفضفض فقط لأجل طرد رائحة خلوف الصائمين عن الحديث المباح.
# فلنرتقي أكثر فأكثر بمناسيب ظنوننا، فلعل بعضها و ليست كلها إثماً.

* تحياتي لكم جميعا ً أيها الساادة والسيدات الموتسسبين منكم والموتسبات ،
المفسفسين منكم و المفسفسات والمتوترين والمتورات الأحياء منكم و(الحيَّات)
و الأموات نكمن دمتم في صحة و غافيةٍ و سعادة وحبور لا ينتهي.
🤣🤣😂😂

《 تنمر على طريقة عمر بن ربيعة》
▪ أصيب أعرابي بعطشٍ شديدٍ حتى
طفح به الكيلُ و بلغ به السيلُ الزُّلى.
فمر بأعرابية غاية في الحُسن و الفتنة.
فقال لها : أهون ما عندكم نريد و نطلب!!
~ و أصعب ما عندكم لا نجرؤ أن نطلب !!
فقدمت له الماء زُلالاً فشرب حتى ارتوى!!
فقالت: لو عرفت اسمك لقلت لك هنيئاً !!
فأجابها بفطنة العرب إسمي على وجهك!
قالت: هنيئاً يا أبا الحسن .
ثم قال لو عرفت اسمك لشكرتك .فجاوبت
بدهاء نون النسوة:إسمي على خاصرتك؟!!
و كان يتأبط سيفاً مُهنداً فقال شكراً لك يا هند ..
☆هكذا كا التحرش والترقيم والتنمر المو خمج
من الطيبين زمن الناس حُنان في عصر الجاهلية
الأولى بلغة فصحى وذوق وأدب ماقلة أدب !!
موش كما هو حاصلٌ بزمان العولمية االراهنة

《 صباع المعجون في فتيل》
●عندنا بينتهي صباع المعجون الوااااحد دا، في عز
نخبه الأول عادةً خلال اسبوعين تلاتةبالكتير عند الناس
البحكوها شديد ثم يصمد ل4 شهور و عشرة أخري!!

● بعد انقضاء العدة ح نمر بمراحل التِّجِضم و اللِوْلَيو ثم العِصَّير
لامن يجيب الزيت ظاطو.، و من ثم الكرفيس و الشفط بالهوفر، حتين
بعداك يجي الكرش و اللطيش والفجيخ و الظِّميط فالشِّريط و النخر
بإدخال فرشة الاسنان في كناكينه و نخشو بالأعواد والماني عارف
شنو داك؛ إلي أن نصل مرحلة القطّيع و المدغ ساي راسو عديييل
ثم التلاشي غير مأسوفٍعلى شبابه لأنو فعلن (غلتان المرحوم) .

● و صباع المعجون الفارغ ( إن وُجد) فيعتبر من النفاياتالنادرة
جدن التي لا يمكن أن يُعمل ليها (Recycling) أي: نظام إعادة
تدوير وكدة! و قلما نجده مرمياً في كوشة و هو (سالمٌ)!!

●و العجيبة أنو طيلة هذه الأربعة أشهرٍ و عشرة، و هي
مظبوطة على(عدة حبس الأرملة) موش عارف ليه؟علا يمكن
لرمزية إكرام الميت؛ رغم إنو سمعنا قالو: إكرام الميت دفنو؛ موش
يبهدلوه جنسى كدا زي سواة جزاء الباشنهمس/ سنمارعلى يد الملك
النعمان بن اامنذر رماه ليلقى حتفه من سطوح قصر الخورنق الذي
صممم عمارته و بناه له بنفسه. ياخي لبه كدا" خيرن تفعلشرن تلقى"

● الشاهدأنو، و رغم تيقنك تمامن بنا لا يظع مجالاً لمحاواات اللَّت
و(العجن) بأن المعجون قد انتهي بفعل عوامل التعرية؛الاي تعرض ليها
على يديك أخخخ منك إتا يا سفاح يا وحش يا ماسر!! علا أنو النتيجة
النهائية انك في نهبة النفق المظام بتتسوك منو يعني بتسوك منو سيك
سيك معلق فيك، و باتباع أي من السبل و الحيَل المتخلفة المبتكرة
المذكورة، حسب وصفات الخلطة السحرية حسبىالعنوان اعلاه.

● أما مرحلة الغسيل فهي مرحلة متأخرة شديد و حديثة جدن لم تخطر
من ذي قبل على قلب بشر و لا أي ذي كبد رطب؛ و لم أكن شخصياً علي أية
درايةٍ بها إلا بعدما قابلت صاحبنا (كوتش) بالامس وجبنا سيرة المرحوم. قاللي:
إتا عارف يا دفعة انا اخر مرة دي لمن قمتا اتسوك الصباح وشفتا حالة صباع
المعجون بصراحة تحنن فعلن حنيت عليو لانو ما فيو أي حاجة تدل علي انو
كان هناك أثرٌ بعد عينٍ رضا كليلةٍ لوجود أيتها دعكة معجون .

● المهم قمت مسكتو بي يدي العِسرا نفختو ليك نفخ خروف العيد بالكُنُش ،
وكبيت فيه موية و مسكت الفرشاة بيدي اليمنا يلا خجيت الموية ديك شوية
و كتحتها ليك في خشمي عامل زي الود بشرب لي في سفن أب نظام حاجة
باردة و كدي ، و بلا لحقتها ليك سريع بالفرشاة و بلا هاك يا برط نضيف!!

● قت ليو، بعد ان كدت أشرق من الضحكعلا بس " أنا ماشرقتا.. (أنا جيت أعاين"
في محن و بلاوي آخر زمان : قت ليو تعرف يابو الكواتش إتا دايناصور شبه منقرض
السلالة و شكلك جايبنا ناطي من غباعب العصر الجيري؛ فا شنو، مفروض يودوك يتربسوك
جوة مع الخرافيات المحنطة في متحف الشمع الأحمر في لندن؛ و ما تدبرس بتلقى شلتك
قدامةطى المخاربين هناك ناس الغول و العنقاء و الخل الوفي. و لا قول ليك حاجة يابو
الكواتش ، ياخي تيمح لي أقولك : تبن لك و ثكتك أمك و أخواتك من الرضاعة! يعني لو
ما كان حنيت عليو كان أكلتو موش بس قوللي. بالله عليكم دي أمة يشفعو ليها؟!!

كسرة:
● صباع المعجون تجاوز سعرو حاجز ال( مليون م/ج أي:( ميل / جنيه)
وما زال (العِصَّير) مستمراً و كمان ما بتصدقو صباع الجن زاتو قايلني شمتان
فوقو فرفع رويسو صرلي إصيبعاو المكنكشات الخمسة و قاللي شنو: " اسنع هوي،
كدي خلوني أنا ترا البقت فينب بقت خلاس. عاا اصبرو أنتو اصبرو إنتو زاتكن كدي
أرجو الجاييكم بس؛ و هو إنتو لسة شفتو جنس "عَّصَّير" أنا اتخصباتا منو و قت
ليو " يا كافي البلا و ياوحايد المحن . والله تراهو يا ما تحت السواهي دواهي"

[} أجمل ﺧﻄﺎﺏ ﻏﺮﺍﻣﻲ ﻣﻦ دار الوثائق منعام
1962(ﺍﻟﺸﻤﺎﻟﻴﺔ - ﻣﺮﻛﺰ شندي - ﻗﺮﻳﺔ الشقالوة)
[} ﺧﺎﻟﻲ ﺍﻟﺤﺎﺝ ﺍﻟﺨﺪﺭ ﻭﺩ ﺍﻟﻔﻀﻞ ﻭﻣﻨﻪ إﻟﻰ ﻣﻴﻤﻮﻧﺔ
- ﻳﺠﺪﻫﻢ ﺑﺨﻴﺮ - ﺷﻜﺮﺍً ﻟﺴﺎﻋﻲ ﺍﻟﺒﺮﻳﺪ (1962-6-11)
ﺇﻟﻰ ﻣﻴﻤﻮنة ﺑﺖ ﺍﻟﺨﺪِﺭ .. ﻭﺭﻕ ﺍﻟﺴﺪِﺭ .. خلاس ﻋﺎﺷﻘﻚ
ﻃﺸﺎ ﻭ ﻭﺩِﺭ .. ﺿﺮﺏ ﺍﻟﺒﻨﺎﺩﺭ ﻋﺸﺎﻥ ﻳﺠﻴﺐ ﺍﻟﻤﺎﻝﻭﻋﺎﺭﻓﻚ
ﺭﺍﺟﻴﺎﻫﻮ ﻋﻠﻰ ﺍﺣﺮ ﻣﻦ ﺍﻟﺠﻤﺮ ..ﺳﻼﻡ ﻟﻴﻜﻲ ﻭ ﻟﻠﻨﺎﺱ
ﺍﻟﺒﺮﻳﺪﻭﻛﻲ ..ﻭﺍلبيكچنوﻛﻲ يطيرو ﻓﻲ ﺑﻠﺪ ﺍﻟﻠﻪ

[} ﻳﺼﻠﻚ ﺟﻮﺍﺑﻲ ﺩﺍ ﻭﻳﻠﻘﺎﻛﻲ ﻓﻲ ﺧﻴﺮ ..ﺍﻣﺎ ﺍﻧﺎ ﺍﻥ
ﺳﻌﻠﺘﻲ ﻣﻨﻲ ما سعلت منك شينة .. ﻻ ﺗﻨﻘﺼﻨﻲ ﺷﻲ
ﺳﻮﻯ ﺭؤياكي ..ﻣﻦ ﻳﻮﻣﻲ ﺍﻟﺮﻛﺒﺖ ﺍﻟﻘﻄﺮ ﻭﻗﺒﻠﺘﺎ ﻏﺎﺩﻱ
ﺳﺎﻓﺮﺕ ﺍﻧﺎ ﺍﻟﺠﺘﺔ ﻭ ﻗﻠﻴﺒﻲ ﺧﻠﻴﺘﻮ ﻣﺸﻌﻠﻖ ﻓﻲ ﺍﻟﻤﺸﻠﻌﻴﺐ
ﺍﻟﻤﻌﻠﻖ ﻓﻲ ﻣﺮﻕ ﺩﺍﻧﻘﺘﻜﻢ .. ﻋﺸﺎﻥ ﻛﻞ ﻣﺎ ﺗﺠﻲتختيلك ﺑُﻘﺮﺓ
ﻟﺒﻴﻨﺔ ﺗﺰﺣﻴﻬﻮ ﺑﺸﻴﺸﻲ لا ﻏﺎﺩﻱ ﻭ ﺗﻄﺮﻳﻨﻲ .. ﺗﻠﻮﻟﺢ وﻓﻴﻬﻮ
ﻫﺒﺎﻳﺐ ﺍﻟﻐﻲ..ﺳﻴﺪﻭ ﻳﻄﻤﺶ ﺑﺎﻟﺒﻨﺎﺩﺭﻭﺷﺎﻭﻳﺎﻫﻮ ﻧﺎﺭ ﺍﻟﻐﻲ.
ﺍﻣﺎ ﺑﻌﺪ:-
[} أﻓﻴﺪﻛﻢ بالآتي : ﺍﻧﻲ ﻭﺻﻠﺖ ﺍﻟﺨﺮﺗﻮﻡ .. ﻭ ﺭﻛﺒﺖ ﺍﻟﺘﻜﺴﻲ
قلتلو ﻭﺩني ﺍﻟﺴﺠﺎﻧﺔ ﻋﻠﻲ ﻧﺎﺱ ﺧﺎﻟﻲ ﺍﻟﺒﺸﻴﺮ .. ﻭﺻﻠﺖ ﺍﻟﺒﻴﺖ
ﻟﻘﻴﺖ ﺍﻟﺴﺘﺮﺓ ﻣﺮت ﺧﺎﻟﻲ .. ﺍﺳﻜﺘﻲ ﻣﺎ ﺑﺘﻘﻮﻟﻲ ﺍﻟﺴﺘﺮﺓ ﺍﻟﻤﻴﺤﻼﻧﺔ
ﺩﻳﻚ..ﺳﻤﻨﺖ ﻭﺑﻘﺖ ﻗﺪﺭ ﺍﻟﻠﻴﻠﺔ ﻭﺑﺎﻛﺮ..ﻧﺎﻥ ﺍﻟﻘﺮﺍﺭﻳﺺ ..ﺍﻟﻘﺮﺍﺭﻳﺺ
.. ﺍﻭﻝ ﻣﺎ ﺩﺧﻠﺖ ﺟﺎﺑﻮ ﻟﻲ ﺻﺤﻦ ﻗﺮﺍﺻﺔ ﺑﻲﺩﻣﻌﺔ ﻓﻮﻗﺎ ﻟﺤﻴﻤﺎﺕ
ﻭﻧﺎﺱ ﺍﻟﺒﻨﺪﺭ ﻳﺎ ﻣﻴﻤﻮﻧﺔ ﻛﻞ ﻳﻮﻡ ﺑﻴﻀﺒﺤﻮ .. ﻣﻮ ﻣﺘﻞ ﻧﺎﺱ ﺑﻠﺪﻧﺎ
ﻳﻀﺒﺤﻮ ﻣﻦ ﺍﻟﺴﻮﻕ ﻟﻠﺴﻮﻕ .. (ﻭ،ﺍﻟﻀﺒﻴﺤﺔ ﻳﺎ ﻋﻨﺰ ﻛﺒﻴﺮﺓ ﻳﺎﻋﻨﺎﻕ
ﻟﺪﻏﺎﻧﺔ.. وشفتي ﻳﺎ ﻣﻴﻤﻮﻧﺔ ﺍﻟﻠﻤﺒﺔ ﺍﻟﻠﺖ ﺍﻟﻜﻬﺮﺑﺎﺀ ﻣﺎ ﻋﻨﺪﻫﺎ ﺷﺒﻪ
ﻋﻼ ﺍﻧﺘﻲ. ﺍﺻﺒﺮﻱ ﻟﻲ ﺑﺲ ﺍﻥ ﻣﺎﻋﺮﺳﺘﻚ ﻭﺟﺒﺘﻚ ﺍﻟﺨﺮﺗﻮﻡ
ﻭﺳﻮﻳﺖ ﻟﻚ ﺍﻟﺒﻴﺖ ﻛﻠﻮ ﻟﻴﻤﺐ ﻣﺎ ﺗﺪﻳﻨﻲ ﺍﻳﺪﻙ .. ﺗﻮﻟﻌﻲ
ﻭﺗﻄﻔﻲ ﺳﺎﺍﺍﺍﺍﺍﻛﺖ ..! ﺍﻋﺮﻓﻚ ﺍﻧﻮ ﺍﻟﻤﻨﺪﻳﻞ ﺍﻟﻠﺨﺪﺭ
ﺍﻻﺩﻳﺘﻴﻨﻲ ﻟﻴﻬﻮ ﺧﺎﺗﻴﻬﻮ ﻓﻲ ﻗﻌﺮ ﺍﻟﺸﻨﻄﺔ .. ﻛﻞ
ﻣﺮﺓ ﺍﻣﺮﻗﻮ ﻭﺍﻋﺎينلو ﻭﺍﻃﺮﺍﻛﻲ.

[} أها، ﻣﺸﻴﺖ ﻣﻊ ﺧﺎﻟﻲ ﺍﻟﺒﺸﻴﺮ ﻟﻠﻈﺎﺑﻄﻴﺔ ﻭﻗﺎﻟﻮ ﺧﻼﺱ
ﺑﻴﺸﻐﻠﻮﻧﻲ ﻓﻲ ﺍﻟﺒﻮﻟﻴﺺ .. ﻭﺑﻌﺪﻳﻦ ﻳﺎ ﻣﻴﻤﻮﻧﺔ ﺑﻌﺪ ﺷﻬﺮﻳﻦ
ﻛﺪﻱ .. ﺭﺳﻠﻲ ﻟﻲ ﻣﻘﺎﺳﻚ .. ﺭﺳﻠﻴﻬﻦ ﻣﻊ ﺍﻗﺮﺏ ﺯﻭﻝ ﺟﺎﻳﻲ
ﻣﻦ ﻃﺮﻓﻜﻢ. ﺭﺳﻠﻲ ﺟﻼﺑﻴﺔ ﻣﻦ ﺟﻼﻟﻴﺒﻚ ﻋﺸﺎﻥ ﺍﻗﻄﻊ ﻟﻚ
ﺗﻼﺗﺔ ﺯﻳﻬﺎ ﻟﻠﻌﺮﺱ .. ﻭﺭﺳﻠﻲ ﻟﻲ ﻓﺮﺩﺓ ﻧﻌﺎﻝ ﻣﻦ ﻧﻌﻼﺗﻚ
ﻋﺸﺎﻥ ﺍﺷﺘﺮيلك ﺟﻮﺯﻳﻦ ﻧﻌﻼﺕ ..ﻭﻓﻲ ﺍﻟﺨﺘﺎﻡ
ﺳﻠﻤﻲ ﻟﻲ ﻋﻠﻰ ﺍﻟﻨﺎﺱ ﻣﻦ ﺟﻢ.
.............
ﻭﺩ ﻋﻤﺘﻚ ﻭﺧﺘﻴﺒﻚ
ﺳﺮ ﺍﻟﺨﺘﻢ ﻭﺩ ﺍﺑﺸﻮﺭﺓ

*ﺟﻮﺍﺏ ﺣﻘﻴﻘﻲ:*
*ﻣﻦ ﺩﺍﺭ ﺍﻟﻮﺛﺎﺋﻖ 1962*

《السمبرية و مالك الحزين🦩
[} زمن الناس حونان في الثانوي العام بنطلع
من المدرسة و ننتظر البنات نحربس ليهن لحدي
ما يمرقن و يجن مارات بجنبنا متقاطرات يتاتن زي
قدلة جنا الوزين بين جناين الشاطئ و بين قصور الروم.
[} المهم كان عندي مُزّة طويلة وسمحة بلحبل لامن ترمي
في الشوك المشيت ليهو ، ولا أنا براي كنت شايفها في عيني غزالة ماني عارف. كنت بعاين ليها من بعييد لبعييد و بلبد ليها جمب مزيرة كده عشان أشرب ما أروى .. لحد ما تجي كاطعة
أبل شوقي و أبقى متراوح على أهلي. كان حب عذري شديد.

♡ الشاهد، واحد من اساتذتنا الله يطراهم بالخير يوم
قبضني ليك بالثابتة و تاني يوم قال لي : شايفك بتشرك
للبنية العاملة خلقتا متل السمبريه ديك جنب المدرسه. طبعن (السمبرية لغير الناطقين بها و الناطقين بغيرها: طيرة سوداء طويلة و معشكبة كده لتظهر مع دهاريب مطر الرُّشاش الرشَّا) كشمت وقلت ليهو أي والله "الاستاذ شافني وشفتو و ما في داعي للانكار و الجرجرة " قال لي: ما تضيع زمنك دي سمبرية سااااي . قلت ليهو : تمام يا فندي و انصرفت راشداً .

[} تاني يوم قلت أتأكد اشوفها من قريب وكسرت كرونة جنب المزيرة وجيت جمبها على استحياء كده و هي تمشي كما يمشي الوجي الوحل.. ولقيتها بالجد بعد تغبيش الوعي و غسيل الدماغ الحصل لي تخيلتها فعلن سمبريةٌ تسعي وقلت والله بالجد أنا كنت مطلش و ما مركز و فعلاً محتاج للبعدل لي كراسي راسي ،،

♤ ومن ديك وعيييك مرت الليام و الشهور و الدهور..
و أنا في إحدي زياراتي للبلد . ألاقي ليك كبيرنا زاتو الذي
علمنا سحر البيان (مرشد التايهين وقتها) عربيتو مبنشرة واقف في الشارع نزلت سلمت عليهو وكان معاهو المدام قلت ليهو علي مهلك استريح لامن ربطت اللستك في العربية و بقيت متخارج فمن باب رد الجميل قال لي: تعال سلم على المدام . أها لامن" مديت يميني بلا كلام ما قدرت قدامك أقيف"
بس "يا معاين من الشباك يا أحلى زةل شفناك" يشهد الله شوف عيني دبل البياكلن الدود وش جكسويتي زاتا الما بيغباني ألقاها ليكنفس سمبريتي بزااتها و صفاتا لكن وشها كفلقة قمر التمام.. متوهطه تب جنبو و ترضِّع ليها في شافع أتاريه عمك كان مدقسني و من الزمن كاتل بيها ملف.أها من الزمن داك نقشت ليكم نظرية [الدولة العميكة] وبقيت أنا ماني عارف زاتي
يقولو علي[مالك الحزين] ولا أبو السعن!! فا شنو ،غايتو
نقول أمرنا لله؛ لكن تاني مرة اصحي يا بريش!!
😊👋

قال ليها : قومي اتسحري حبيبتي انا
قالت ليهو : ما أنا (مسحورة) بيك و متيقنة بيك
إنتا حبيبي انا . باكر وكت حست بالعطش نشف ريقا
قعدت تتبلبل بالتوب أمها شاماها و متابعة الفلم تعاين
ليها ساي قالت ليها: أها المعولقة وينو الرقاق باللبن
الكنتي حاضناهو و غاتسعة معاهو داك لي
إضنينك. و برضو تقوللي منو و شنو؟!
😂😂😂

: ® مسرح في الهمبريب الطلق £
< دفع الله ود الأصيل>
((({3})))
ستكتش (1)
(STOP / ACTION )

● حيث يفتح الستار على واحد من إياهم و هو مظلل داكن
القزاز و رافعو شديد . و شايل الريموت ليفتح مصاريع البوابة
الراجمات لباحة قصره المنيف و الكائن بضاحية المنشية شرقاً .
ليجد أمامه شاباً اشعث أغبر بائس الهيئة ؛ أقرب إلى زوال شَبَحَ
حيث كان نحيلاً لامن كملان من لحم الدنيا ؛عظيم التِّفة هزيل
القامة يمشي..نحيف الساقين و شبه منعدم ما بين المنكبين.
وقف أمامه مصلوباً متل (عود الفسو) ببنطلون جنز مهيرت،
تحتو سروال مقدود و مرقع و فوقو تي شيرت مشرتم
منقوش بشعار(حافظوا على نظافة مدينتكم)-

● بسم الله ، فتاح يا عليم رزاق يا كريم ،
اللهم اجعلو خير يا رب ، داير شنو يا زول مالك
منشحط لينا هنا مصاقرنا من صباح الرحمن؟!
-داير أشيل ليكم كيس القمامة، ي أستاذ
(و هنا يتنفس صاحبنا الصعداء).
~ طيب خش شيلا و انكشح أبقى
مارق خلصنا، و بالله اتخارج لينا
سريع، عشان أنا ماني فاضي
ليك ؛ مارق وراي مية مشوار
و مقاضي مهمة بالهبل.

~ حااااضر ، لاكين سعادتك عندي ليك سؤال نصيحة
في نفس الوكت، إنو شايف كلبكم الوولف دا زي الما مرتاح؛
شكلو بعاني من حالة شيزوفرينيا متأخرة و ( اختصاء )
عاطفي حاد ، بالمناسبة عندكم برضو كديسة حنكوشة؟!

~ و ما لا دي كمان ! اصدق يا دا ،و ديناها أمبارح تاخد
مساج و حمام مغربي ظافئ جنبينا هنا في عفراء موول.
و لا أقول ليك حاجة، يا زول بطل رغي، و شيل وساختك
دي و انكشح من هنا أدينا عرض كتافينك، هو إنت بتاع
كرتة و لا تمرجي بيطري ما لاقي شَغُل، أما و الله
بجاحة شماشة عواطلية سعاليق ووو...!!

~ لا و أنت الصادق ي وجيه ، و كمان لو ما عجبك،
و أزيدك في القصيد بيتين ، محسوبك استتشاري نفساني
متخصص بالذات في الحيوانات الزيك گدا {طبعن دي برطم
بيها سرياَّ اً كدا في حنانو ساي} ؛ قصدي زي كلابكم و قططكم
السمان ديل ! ثم بعد تنهيدة..لكن أهو ترا ظروف المعايش جبارة
جابتنا ليكم نلم وساختكم و نسمع منك إهانات تكسر الخاطر
و تسم البدن. فعمومن، ألا قد بلغت، اللهم فاشهد.

● ثم ينصرف الشاب و يخلِّي صاحبنا مندهش
فاتح خشمو شبرين، ياخي دا لدرجة إنو قرر لأول
مرة و منذ زمااان ، يخلي اللاندي كروزر (VXR)
بتاعو الفاره مكندش و مقرش في محلو ، و يمشي
يركب يعمل جولة بالمواصلات العامة يقضي مقاضيه
مع سواد خلق الله الغبش أبان مسوحاً موية يتفرج
عليهم و يتفقد أحوالم و أهي فرصة بالمرة
يشوف أحوال الدنيا دي برة الشارع فيها
شنو و الحياة ماشة كيف.

• صدر تحت توقيعي و أنا بكامل
قواي العقلية المعتبرة شرعاً و غاااانونن!!
في ظل نظامٍ زاحفٍ إلى مزابل التاريخ ؛
و إن كان لا يزال ممسكاً بزمام الأمر عبر
فلول دولة (عميكة) لها أصابع أخطبوطية
كأنعم و أملس من رؤوس الأفاعي.

ود ال ح ي ش ا ن ال ت ل ا ت ة
مؤذن محجورْ منزلياً بجزيرة مالطة

: ® مسرح في الهمبريب الطلق £
< دفع الله ود الأصيل>
((({3})))
ستكتش (1)
(STOP / ACTION )

● حيث يفتح الستار على واحد من إياهم و هو مظلل داكن
القزاز و رافعو شديد . و شايل الريموت ليفتح مصاريع البوابة
الراجمات لباحة قصره المنيف و الكائن بضاحية المنشية شرقاً .
ليجد أمامه شاباً اشعث أغبر بائس الهيئة ؛ أقرب إلى زوال شَبَحَ
حيث كان نحيلاً لامن كملان من لحم الدنيا ؛عظيم التِّفة هزيل
القامة يمشي..نحيف الساقين و شبه منعدم ما بين المنكبين.
وقف أمامه مصلوباً متل (عود الفسو) ببنطلون جنز مهيرت،
تحتو سروال مقدود و مرقع و فوقو تي شيرت مشرتم
منقوش بشعار(حافظوا على نظافة مدينتكم)-

● بسم الله ، فتاح يا عليم رزاق يا كريم ،
اللهم اجعلو خير يا رب ، داير شنو يا زول مالك
منشحط لينا هنا مصاقرنا من صباح الرحمن؟!
-داير أشيل ليكم كيس القمامة، ي أستاذ
(و هنا يتنفس صاحبنا الصعداء).
~ طيب خش شيلا و انكشح أبقى
مارق خلصنا، و بالله اتخارج لينا
سريع، عشان أنا ماني فاضي
ليك ؛ مارق وراي مية مشوار
و مقاضي مهمة بالهبل.

~ حااااضر ، لاكين سعادتك عندي ليك سؤال نصيحة
في نفس الوكت، إنو شايف كلبكم الوولف دا زي الما مرتاح؛
شكلو بعاني من حالة شيزوفرينيا متأخرة و ( اختصاء )
عاطفي حاد ، بالمناسبة عندكم برضو كديسة حنكوشة؟!

~ و ما لا دي كمان ! اصدق يا دا ،و ديناها أمبارح تاخد
مساج و حمام مغربي ظافئ جنبينا هنا في عفراء موول.
و لا أقول ليك حاجة، يا زول بطل رغي، و شيل وساختك
دي و انكشح من هنا أدينا عرض كتافينك، هو إنت بتاع
كرتة و لا تمرجي بيطري ما لاقي شَغُل، أما و الله
بجاحة شماشة عواطلية سعاليق ووو...!!

~ لا و أنت الصادق ي وجيه ، و كمان لو ما عجبك،
و أزيدك في القصيد بيتين ، محسوبك استتشاري نفساني
متخصص بالذات في الحيوانات الزيك گدا {طبعن دي برطم
بيها سرياَّ اً كدا في حنانو ساي} ؛ قصدي زي كلابكم و قططكم
السمان ديل ! ثم بعد تنهيدة..لكن أهو ترا ظروف المعايش جبارة
جابتنا ليكم نلم وساختكم و نسمع منك إهانات تكسر الخاطر
و تسم البدن. فعمومن، ألا قد بلغت، اللهم فاشهد.

● ثم ينصرف الشاب و يخلِّي صاحبنا مندهش
فاتح خشمو شبرين، ياخي دا لدرجة إنو قرر لأول
مرة و منذ زمااان ، يخلي اللاندي كروزر (VXR)
بتاعو الفاره مكندش و مقرش في محلو ، و يمشي
يركب يعمل جولة بالمواصلات العامة يقضي مقاضيه
مع سواد خلق الله الغبش أبان مسوحاً موية يتفرج
عليهم و يتفقد أحوالم و أهي فرصة بالمرة
يشوف أحوال الدنيا دي برة الشارع فيها
شنو و الحياة ماشة كيف.

• صدر تحت توقيعي و أنا بكامل
قواي العقلية المعتبرة شرعاً و غاااانونن!!
في ظل نظامٍ زاحفٍ إلى مزابل التاريخ ؛
و إن كان لا يزال ممسكاً بزمام الأمر عبر
فلول دولة (عميكة) لها أصابع أخطبوطية
كأنعم و أملس من رؤوس الأفاعي.

ود ال ح ي ش ا ن ال ت ل ا ت ة
مؤذن محجورْ منزلياً بجزيرة مالطة

《من شر البليلة ما يسيل لعابك ضحكاً؛ ثم يجهشك البكاء》
♧جلس قبالتها في مقعده بالقطار و جعل يطيل النظر إليها مغازلاً، و هو
أشعثُ أغبرُ يبدو عليه العناء من وعثاء السفر ، ثم راح يتبسم و يتكشم ليها
متل نار القصب. و هي كلما تبسم في وجهها رقَّتْ لرقة حاله التي لا تسرُّ عدواً
و لا صليحاً ، و قالت : كم وددتُك أن تزورني . سألها بفضولٍ : هل أنت عازبة؟!!
أجابت بحشمةٍ : أجل : ثم أردف : أمرتبطة أنتِ: أجابت بخجل كلا. قال بلهفة و
شلاقة: إذن ننزل معاك محطتك سوا سوا ، فخير البر عاجله . تساءلت باستغراب:
و لِماذا؟! قال : لكي نرتبط فوراً و في الحال. قالت بحزمٍ : كلا ، بل ليس قبل أن
أحتحت ليك سنونك المشرتمات ديل ، و أخليك لِهْلِه لامن الدوم و عضم
المُشاش ديل تاني ما تقدر تكُدهن إلا يخلطوهن ليك عصير . فأنا
طبيبة أسنان يا سيدي المفضال؛ فا شايف أسلي كييييف!!!

☆كيفك إنتي دكتورتنا بت المشرف ،
الغالية تمر السوق الهن قسموه ما بحوق.
و كمان يا ريت تكون عيادتك أسنان بس لزوم
تطلع الحبكة دي ماكلة معاك أحلى جنبة.
☆ و بعدما تحتحتى لصاحبنا الداقس دا سنيناتو
بالله تديه لينا بالحتة الفوقا الحديدة السنينة. ظا
أشان يشوف لينا ظاطو الطفى النور منو و تاني
ما يمش يسوي جنس كدا و يتشالق قدر دا.
☆ مع خالص عرفاتي و امتناني
و لك السلان و تجلتي و تساؤلي!!
لأريحية تعطيركم ثرى باحتنا القفر
اليباب بغبار زعفران كعبَيك العاليَين!!

☆إ《ناس عايشة و ناس دايشة》 ☆ يا حليل أيام كان قطعان القُمَّل و الضَّفادِع تأكل أجسادنا المنهكة و نحن إذا حمت حلتنا كلها ما تطلع مننا بفنجان دم} ♧ أنا لست مجنونًا، و لكن جئتُ رغِمتْ أنفي £ (دفع الله ود الأصيل)

☆إمعاناً و تمادياً في حفاوتتا والترحاب بيك بت المشرف و بتشريفك باحتنا القفر اليباب جايينك و معاي ود النعيم ، دايناصور منقرض السُّلالة، و أوعة تقولي
بس بالغتو جنس بوليغ. و أنا جاييك يا فاطنة السمحة
بقصاصة ناكتا ليك من غياهب الماضي التليد ؛ لامن خليتني ياخي (انكرش) براي على ذكر ذاك التراث المندثر. وقد بات التفاتنا لاستدعائه من دواخلنا في زماننا هذا يعد مجازفةً أشبه بقفَزاتٍ في جُنح الظلام متهورةٍ و غير محسوبةٍ و لا موفقةٍ
لعباس بن فرناس.فإلى هناك مع اعتذاي لأية مشاهدَ مقرفةٍ(If Any)

☆ فيا إخوتى و اخواتي غنوا لنا" ولا تؤاخذونا علي الرعي حول الحمى ولا تعيبوا عليّ بكائي متكئاً علي أطلالنا وذكر
أيام طفولتى الحلوة مع ذاك الشهيد ، فإنها اعز ما أملك من ذكرى ستظل خالدة ولن انساها حتى القاه عند مليك مقتدر. حيث جاءت المدارس وفرقتنا أيادي سبأ، ثم جاءت عصا الترحال ففرقتنا كذلك؛ ثم جاءت بعدها الجندية فزادت الفرقة وصرنا لا نلتقي الا لماما، فلكم العتبي جمبعاً.
☆ أيام الطلاقات الفشنك كانت جميلة ولها في دواخلنا مراتع خصيبة، ثم يأتى نسام المصري هاباً من الشمال الشرقى ، و كان يعد بواكر الزراعة الشتوية عندما يظهر طير ( أم قيردون) .

☆ كنا نعاني الأمرين في أيام الشتاء، حيث نقضى كل زمهرير الشتاء بجلود شبه عاريةٍ عدا من خرق بالية من الدمور الذي نظل نرقع فيه الرقعة تلو الأخرى حتي يذهب الأصل و تبقى الرِّقاع، وكانت مرتعاً خصيبا للقمل الذى قطع جلودنا من شدة الكرش والحك المتواصل. وعندما يرخي الليل سدوله نأوي إلي مضاجعنا والتى في مجملها عبارةٌ عن عناقريب متهالكة تنسج من حبال الحلفا او الزعف، ونادرا ما تجد عنقريبا سالما، ، فاما تقطعت حباله او انكسرت احدى رجليه (كراع العنقريب) فتلف بجلد البقر و يسمَّى القِد، او يتم كبس علبة أو قليمة قديمة لتلم شعث الشقوق حتى لا تتفاقم و تؤدي الي خراب المرق أو الوسادة .

☆ وكنا ننام داخل البيوت ونتشارك انا والشهيد في عنقريب واحد وغطاء واحد، لا توجد مخدات فكان من يرقد تجاه الحمار (و هو لف الحبل مرات عدة حتى يصبح غليظا ويربط عليه السدا وهو الحبال الطولية، اما النسج او الوسَّير فيكون عبر السدا باتجاه عرضى ثم يشد الوسار كله بالكراب (الشنَّاط) الذي يلف حول الحُمار والوسادة، فكان من يرقد تجاه الكراب توضع له بعض من خرق القماش القديمة، ثم تبدأ المعركة الليلية مع القمل ، وصدقونى حتى الآن مستغرب ايما استغراب من تحملنا لهذه المعاناة، وعندما تشرق الشمس كنا نتحلق حول ( التاتيقة ) وهو ضرا جدار البيت ليقينا من برد الصباح القارص، وبعد ان نشرب شاي الصباح بتشارك الكبابي لانه لا توجد كبابي كثيرة لتكفي خمسة شفع علي الاقل.
☆ بعدها ترتفع الشمس وكان لا يسمح لنا بالرعي حتى تخف حدة البرد، وصدقونى كنا نملص عراريقناو نقوم بقلبها حتى يصير ظاهرها باطنها وتكون الشمس قد اشتدت حرارتها، فشر تلك العراريق والسراويل،دا إن وجدت أصلاً؛ وعندها تري قطيعاً من القمل منتفخاً بما امتصه من عروقنا من دم حارٍّ كنا نلاقط فيه تلاقيط، ترا متل دم الحجامة. كنا نرص أربعة حجارة علي أطراف العراقي ثم بعد فترة نقلبه علي جانبه الآخر حتى
يتم قتل تلك الجموع من القمل، فيها ما تقتله حرارة الشمس وهو الصغير منها ، اما التيران كما كنا نسميهاآنذاك فكنا نقتلها
اما بالصقع بين ظفري الابهمين حتى تصبح داكنة السواد، وأما نضغط عليها بالحجارة.(و لمن لا يعرف تور قمل الملابس من خرلحي الشهادات العربية ؛ أهو بنجازف نرفق منه صورة و يكمن الاستعانة بعمو جقوظ دافنشي ؛ يا عمو هل تسمعني؟ حول!). و أشد ما يثير استغرابي أين اختفى هذا القمل؟ لا تقولوا لي النظافة هى التي قضت عليه،، قد اتفق معكم تماما،
و لكن حتى في أقذر المناطق واوسخها قد اختفى!!! حتى قمل الرأس ذو اللون الاسود والذي تري بيضه معلقا وملتصقا بشعر الرأس وكان يُسمُّونه (الصُواب، و في رواية:الصُّباب) وهو أبيض اللون وتستطيع رؤيته من بعيد!!! فأين اختفي هو الآخر؟!

☆ الشاهد، بعد هذه المعمعة مع هذه الحشرات التي
شاركتنا تلك المعيشة الضنكى، يوجه كل الي واجبه ،
أما حش القش للبقر وأما الرعي . واما الي الطاحونة
(دي راحة بخيت في النجَّاض) و التي تبعد عنا قرابة
السبع كيلومتراتٍ وونيفّا. بالجد كنا وقتها كذلك و
كانت طفولتنا مستمرة علي ذاك المنوال الرتيب.
♧ وكونوا معي أحبتنا فلا بد من توثيقٍ دقيقٍ
لتلك الحِقَب حفاظاً عليها من أن يطويها غبار الاندثار. ☆ود ال ح ي ش ان ال ت ل ات ة /
مؤذنٌ محجورٌ منزلياً بجزيرة مالطا.

♡ثم اندياحاً بالترحاب و حسن
الفال .. و دي سيرة و رقصة بي طبال..
عروسة في جبينا هلال.. يحاكو السمحة
بت الخال..غريب أنا و الغربة أقسى نضال
☆ ويلا ، هاك عيدية كمان يا بت المَشرَّف.
• فلقد هيجتِي فينا أشجاناً خامدة
و أشعلتِ فينا براكين ظنننها هامدة
و أوقدتِ جذواتٍ نحسبها رامدة
الله يرحم حبوباتنا فهم بقامة وطن
......
•نتح الحنين جواي.. طراني حلتنا
زمن الجمال والخير.. أيام مسرتنا
شجر العشر والنيم.. المالي سكتنا
صوت الصفق والريح.. وأغنام زريبتنا
ضل الضحى الممحوق.. وكبابي جبنتنا
الضحكة والترحاب.. وبواقي ونستنا

•والوقفة جمب الباب.. لي ناس معزتنا
عايشين على الموجود.. حابين بساطتنا
يوم كنا متكاتفين.. و(الجد) منارتنا
والقمرة عز الليل.. ضوّت رتينتنا
نسمة دعاش الصيف.. وريحة زلابيتنا
أمي بتسوي الشاي و(حبوبة) حجّتنا
وهسع بقت في الدار..(يا ويح نخوتنا)
وشكراً لأهل الدار.. الداروا سوءاتنا

☆حبوبة وينك لي؟.. حبوبة والله زمان...
كاتلني شوقاً ليك.. ولي حضنك الدفيان
منك عرفنا دروس.. وروينا ريد وحنان
بي توبك المعطون.. غتيتي كل بردان
ودعيتي بالتوفيق.. وحصنتني بالمنان
عفواً.. ملانا غرور ونسينا كل الكان
لا فهمنا درس البر.. لا قيمة الإحسان
وعرفتي درب الدار.. وضاع مننا العنوان


☆(حبوبة).. زوريني.. أنا داير أحجيك
بي قصة الأحفاد.. الخانوا ماضيك
صغرت مروءتنا.. وكبرت مآسيك
لا سدّ جوعك حن.. لا لهفه ترويك
لاهين ورا الدنيا.. ومرات كده نجيك
لا بنفهم أحزانك.. لا بندري بالفيك
ولو يوم ظلمناكي.. عدل الله راجيك

•الغول ختف فاطنة.. وما فينا أي حسن
ملينا من عجَزك.. فتشنا ليكي سكن
و كل ما يطول عمرك.. حتشوفي ياما محن
إمكن نزورك يوم.. لو مرة بس يمكن
لو سنحت الأحوال.. ولقينا باقي زمن
بعناك للمجهول.. و قبالا بعنا وطن.
☆ ود ااح ي ش ا ن ال ت لا ت ة
مؤذنٌ مجحورٌ منزلياً بجزيرة مالطا

و أما عن المتخمين خليجاً بالوهم
فهاك دي《كبسولات ساخنة منعشة عند اللزوم》

☆ النشمي أخو العرب لام في خدامو الهندي
تعال يا تور، و روح يا تيس ، سوي كبسة صب لي قهوة و هكذا.
☆قام يوم الهندي كتل حيلو و جاء وقف انصلب يتملحس قدام
سيده و رب نعمته و فعد يتمرصع ليه و يؤلف كطع أخدر و هو
يضمر شيئاً في نفس كومار بربد قضاءه و او لعد حبن من الدهر:
- بابا أنت ليش كل سنة في روح بانكوك، و لا واهد مرة أنت إنت في
روح بلاد مال أنا داخل إنديا هناك في كيرلا طبيئة واجد هلو. عندنا في
فيلدج في كوكو نط، في تي غادرن. في ركوب مال أفيال . بس لو أنت
يبّي يجي أنا بلاد. أنا في أمشي سوا سوا ممكن سوي ترتيب مال
إجازة كامل مافي مشكل!!
هناك أنت في سير سيم سيم سندباد و لا شهبندر مال تجار!!ههه
☆يلا عمك انبهر و طوالي بصم ليه بالعشرة و سافرمعاه .هناك أول ما وصلو
قام الهندي سلمو لمنتجع ولا من ألف ليلة و ليلة فيه ما لذ و طاب من متع الحياة
الدنيا: فواكه مما يتخيرون و لحومٍ صفراءَ و حمراءَ وبيضاءَ مما يشتهون. لكن الهندي
الذي كشر عن أنياب الانتقام من كفيله المعفن الذي ياما هزأه، أوصى عليه إدارة ذاك
المنتجع الذي كان ملكاً حراً له شخصياً، أن يجعلوا منه مقبرة ومثوىً أخيراً لضيفه
العبيط. ثم اختفى ليعود بعد غيبة ليجده مديناً لهم بأموال طائلة لا قبل له
بسدادها نظيرمتعته. فقال له:اسمع هنا يا أنت. لقد جاءك اليوم
لتعرف من هو التور و التيس يا اامرببك أنا و مرضعاك هندية!
☆ فهذا المنتجع من حر مالك الذي كنت أختلس منه جزءً أصر
و أدخر جانباً كلما تلقيت منك شتيمة وصبرت عليك حتى جمعت
أموالاً شيدتُ بها هذا الصرح ااممرد المنيف حيث قد قررتُ رهنك
عندي عاملاً للنظافة حتى تُكمل سداد ما كان لي عليك ثم ترحل.

☆ ود ال حي شا ن ال ت ل ا ت ة
مؤذنٌ محجورٌ منزلياً بجزيرة مالطا

《النجيضة_النتلت_عريسها ‼️
♧ ﻳﻘﻮﻝ ﺍﺳﺘﺎﺫ ﻟﻐﺔ ﺍﻧﺠﻠﻴﺰﻳﺔ ﻓﻲ مدرسة ﺛﺎﻧﻮﻳﺔ ﺭﻳﻔﻴﺔ ﻟﻠﺒﻨﺎﺕ
ﺣﺪﺛﺖ ﻗﺼﻪ ﺯﻭﺍﺟﻲ ﻋﻠﻲ ﻫﺬﺍ ﺍﻟﻨﺤﻮ : ﻋﻨﺪﻱ ﻃﺎﻟﺒﺔ ﻣﺘﻌﺜﺮﺓ ﻓﻲ
ﻣﺎﺩﺗﻲ ﻟﺪﺭﺟﻪ ﻣﺮﺑﻜﺔ، ﻻ ﺗﺸﺎﺭﻙ، ﻻ ﺗﻔﻬﻢ، ﻻ ﺗﺼﺤﺢ ﻭﺍﺟﺒﻬﺎ، ﺑﺎﺧﺘﺼﺎﺭ
ﻻ ﺗﻔﻌﻞ ﺷﻲ، ﺳﻮﻯ ﺍﻥ ﺗﺮﺩ، ﻗﻮﻭﺩ ﻣﻮﺭﻧﻨﻖ، ﻗﻮﺩ ﻣﻮﺭﺭﻧﻨﻖ ﺗﻴﺘﺸﺎﺍﺍ .. ﺛﻢ
ﻻ ﺗﻔﻌﻞ ﺷﻴﺌﺎ ﺗﻤﺎﻣﺎ . ﺍﺳﺘﺪﻋﻴﺖﻫﺎ ﺍﻟﻲ ﻣﻜﺘﺒﻲ، ﻭﺩﺍﺭ ﺑﻴﻨﻨﺎ ﻫﺬﺍ ﺍﻟﺤﻮﺍﺭ :
ﻳﺎﺑﺖ ﺍﻧﺘﻲ ﺣﻜﺎﻳﺘﻚ ﺷﻨﻮ ؟ !
ﻻ ﺑﺘﺼﺤﺤﻲ ﻻ ﺑﺘﺸﺎﺭﻛﻲ ﻻ ﺑﺘﺠﺎﻭﺑﻲ؟
ﺭﻛﺰﺕ ﺑﻨﻈﺮﺍﺕ ﻭﺍﺛﻘﺔ ﻓﻲ ﻭﺟﻬﻲ ﻭﻗﺎﻟﺖ لب : ﻭﺣﺎﺕ ﺍﻟﻠﻪ ﻳﺎ ﺍﺳﺘﺎﺫ
ﺍﻧﺎ ﻣﻮ ﻏﺎﻟﺒﻨﻲ ﺍﻻﻧﻘﻠﻴﺰﻱ، ﺇﻻ ﻣﺎﻧﻲ ﺧﺎﺗﺔ ﺑﺎﻟﻲ ﻓﻲ ﺍﻟﻘﺮﺍﻳﺔ ...
ﺧﺎﺗﻪ ﺑﺎﻟﻚ ﻓﻲ ﺷﻨﻮ؟ !!!!!

: خاته بالي ﻓﻴﻚ ﺍﻧﺘﺎ 😊
ﻛﻴﻒ ﻳﻌﻨﻲ؟ !!!!😲
ﺩﺍﻳﺮﺍﻙ ﺗﻌﺮﺳﻨﻲ😍 .. ﻣﻦ ﺟﻴﺖ ﺍﻟﻤﺪﺭﺳﻪ ﺩﻱ ﻗﻠﺒﻲ ﺭﺍﺩﻙ،
ﻭﻛﻨﺖ ﺩﺍﻳﺮﻩ ﺍﻃﻠﻊ ﻣﻨﻬﺎ ﺍﻻ ﻗﻠﺘﺎ ﺍﻗﻌﺪ ﺷﻮﻳﺔ .. ﻳﻤﻜﻦ ﺍﻟﻘﺴﻤﻪ ﺗﺪﻳﻨﻲ ..
ﺍﺳﺘﻄﺮﺩ ﻭﻫﻮ ﻳﺤﻜﻲ ﻟﻲ، ﺍﻧﺎ ﻳﺎ ﺃﺳﺘﺎﺫ ﻛﻨﺖ ﺧﺎﻃﺐ و مرتبط بي واحده
أصلا !!ﺳﺮﺣﺖ ﺷﻮﻳﺔ، ﻭﺍﺗﺨﻠﻌﺖ ﺷﻮﻳﺔ، ﻭﻋﺎﻳﻨﺖ ﻓﻲ ﺍﻟﺒﺖ ﺗﺎﻧﻲ، ﺍﻗﺴﻢ
ﺑﺎﻟﻠﻪ ﻣﻦ ﺩﻭﻥ ﻣﺎ ﺍﺷﻌﺮ، ﻗﻠﺒﻲ ﺿﺮﺏ ﻭﺩﺧﻠﺖ ﻓﻲ ﺍﻋﻤﺎﻗﻲ ﻭﺍﺗﻮﻫﻄﺖ !!💓
ﻟﻜﻦ ﻗﻠﺖ ﻳﺎ ﺍﺧﻲ ﺍﻧﺎ ﺍﺳﺘﺎﺫ، ﻣﺎ ﺻﺎﺡ ﺍﻗﻮﻝ ﻛﻼﻡ ﺯﻱ ﺩﺍ ﻟﻄﺎﻟﺒﺘﻲ، ﻭﻫﻲ
ﺍﻣﺎﻧﻪ ﻓﻲ ﺭﻗﺒﺘﻲ .. ﻭﻃﺮﺩﺗﻬﺎ ﻣﻦ ﺍﻟﻤﻜﺘﺐ ..😤😠😬😬

☆ ﺍﻟﺒﺖ ﻭﺻﻠﺖ ﺧﺸﻢ ﺍﻟﺒﺎﺏ، ﻭﺑﻌﻔﻮﻳﻪ ﻣﺒﺎﻟﻎ ﻓﻴﻬﺎ، ﻭﺑﺴﺎﻃﺔ ﻣﺪﻫﺸﺔ،
ﺍﺗﻠﻔﺘﺖ ﻭﻗﺎﻟﺖ ﻟﻲ : ﻓﻜﺮ ﻓﻲ ﻛﻼﻣﻲ ﺩﺍ، ﻭﺍﻧﺎ ﻣﻨﺘﻈﺮﺍﻙ ﺗﺠﻲ ﺑﻴﺘنا، ﻣﻦ
ﻫﻨﺎ ﻟﻴﻮﻡ ﺍﻟﺠﻤﻌﻪ ﺟﻴﺖ ﺟﻴﺖ، ﻣﺎﺟﻴﺖ ﺍﻧﺎ ﻃﺎﻟﻌﺔ ﻣﻦ ﺍﻟﻤﺪﺭﺳﺔ ﺍﻟﺸﻮﻡ ﺩﻱ ...😊

ﻭﻳﻮﻡ ﺍﻟﺴﺒﺖ ﻛﺎﻧﺖ ﻣﻌﺰﺓ ﻓﻲ ﺍﻟﻐﻴﺎﺏ، ﺍﻻﺣﺪ، ﺍﻻﺛﻨﻴﻦ، ﺍﻟﺜﻼﺛﺎﺀ، ﺍﻻﺭﺑﻌﺎﺀ،
ﺍﻟﺨﻤﻴﺲ .. ﻳﻮﻡ ﺍﻟﺠﻤﻌﻪ ﺍﺧﺬﺕ ﻃﺮﻳﻘﻲ ﺍﻟﻲ ﺑﻴﺖ ﺍﺑﻮ ﻣﻌﺰﺓ ...ﺭﺣﺐ ﺑﻲ ﻭﻫﻮ
ﺷﺒﻪ ﻣﻨﺪﻫﺶ، ﺍﻛﺮﻣﻮﻧﻲ ﺑﺎﻟﻤﻮﺟﻮﺩ، ﻭﺩﻟﻔﺖ ﺍﻟﻲ ﻗﻠﺐ ﺍﻟﻤﻘﺼﺪ : ﺷﻮﻑ ﻳﺎ ﺣﺎﺝ
ﺍﻟﺒﺖ ﺍﻟﻄﻠﻌﺖ ﻣﻦ ﻣﺪﺭﺳﺘﻨﺎ ﺩﻱ .. ﻭﻟﻜﻨﻪ ﺑﺒﺪﻳهيةﺳﺮﻳﻌﺔ ... ﻗﺎﻃﻌﻨﻲ :ﻭﺍﻟﻠﻪ ﻳﺎ
ﺍﺳﺘﺎﺫ ﺍﻟﻌﻠﻢ ﺳﻤﺢ، ﻟﻜﻦ ﺍﻟﻈﺮﻭﻑ ﺻﻌﺒﺔ ﻭﺍﻧﺎ ﻣﺎ ﺑﺮﻛﺰ ﻣﻊ ﺍﻟﻘﺮﺍﻳﻪ ﺩﻱ ﻟﻠﻨﻬﺎﻳﻪ،
ﺍﻟﺒﺖ ﺟﺎﺗﻨﻲ ﻗﺎﻟﺖ ﻟﻲ ﻛﺠﻨﺘﻬﺎ، ﻗﻠﺖ ﻟﻴﻬﺎ ﺟﻤﺪﻱ، ﺍﺑﺖ ﻭﺑﻴﻨﻲ ﻭﺑﻴﻨﻚ ﺍﻧﺎ
ﺫﺍﺗﻲ ﺭﺍﺳﻲ ﺑﺮﺩ ﻣﻦ ﻛﺮﺍﺱ ﻭﻛﺘﺎﺏ ﻭﻗﻠﻢ ﻭﻟﺒﺲ ..
ﻗﻠﺖ ﻟﻪ : ﺯﻭﺟﻨﻲ ﻟﻬﺎ !! 💐
ﺍﻋﺘﺪﻝ ﻓﻲ ﺟﻠﺴﺘﻪ، ﻭﺭﺩ : ﻧﺤﻦ ﻻﻗﻨﻚ ﻭﻳﻦ !! ﺍﻟﻒ ﺍﻟﻒ ﻣﺒﺮﻭﻙ !!
ﺭﺟﻌﺖ ﺍﻟﻲ ﺍﻫﻠﻲ، ﻭﻓﺴﺨﺖ ﺧﻄﻮﺑﺘﻲ ﺍﻟﻤﻌﺮﻗﻠﻪ ﺍﺻﻼ ﺑﻄﻠﺒﺎﺕ ﺧﻄﻴﺒﺘﻲ
ﺍﻟﻐﺮﻳﺒﺔ ﻭﺗﺠﺒﺮﻫﺎ ﻏﻴﺮ ﺍﻟﻤﺒﺮﺭ، ﻋﺪﺕ ﺍﻟﺸﻬﺮ ﺍﻟﺘﺎﻟﻲ ﺑﻐﺎﻟﺐ ﻣﺴﺘﻠﺰﻣﺎﺕ ﺍﻟﺰﻭﺍﺝ
ﻭﺣﻴﻦ ﺗﺨﺮﺟﺖ ﻃﺎﻟﺒﺎﺗﻲ ﺯﻣﻴﻼﺕ ﻣﻌﺰﺓ، ﻛﺎﻧﺖ ﻫﻲ ﺍﻡ ﻟﻄﻔﻠﻲ ﻋﺒﺪ ﺍﻟﻘﺎﺩﺭ !!!
ﻭﻛﺎﻧﺖ ﻛﻠﻤﺎ ﺗﻼﻋﺒﻪ، ﻭﺗﺮﻓﻌﻪ ﺍﻟﻰ ﺍﻋﻠﻲ ﺗﺤﺘﻀﻨﻪ ﺑﺮﻓﻖ ...ﻭﺗﻘﻮﻝ ﻟيﻪ :
‏( ﺍﻣﻚ ﻧﺠﻴﻀﺔ، ﺧﻠﺘﻦ مع ﺍﻟﻜﺮﺍﺭﻳﺲ ...
ﻭنتلت ﻣﻦ ﻧﺼﻬن ﺍﻟﻌﺮﻳﺲ).
😅😂😂😂😂😂

(حافظوا على بطيخكم يرحمكم الله)
♧ كيف بتيختك عاملة معاك 😄
● يحكى أنه كان هناك أميرٌ يحكم إمارةً وكان لديه حكيمٌ
ذكي .. وكان هذا الأمير يحلم بأن يبقى دوماً شاباً قوياً وأن
لا تصله الشيخوخة . فطلب من حكيمه أن يأتيه بدواء يطيل
في العمر ووعده بأن يعطيه أي شيء يطلبه إن جاء له بطلبه .

● فذهب الحكيم يبحث في المدن والقرى عن دواء يطيل العمر
ويبقي الإنسان في مرحلة الشباب .
● ولكنه عندما مَرَّ بقرية وسأل أهلها عن عشبة أو أكلة تطيل العمر ،
نصحه أهل تلك القرية أن يذهب إلى أعلى الجبل حيث يسكن هناك
أخوان وربما يجد عندهما ما يريد .

● ذهب الحكيم إلى حيث يعيش هذان الأخوان ووصل
إلى هناك قبل الغروب بقليل .

● كان البيت الأول ضيقاً والأشياء من حوله مبعثرة ،وأمام
باب البيت يجلس رجل عجوز ( قد أكل الدهر عليه وشرب ) ،
فسلم عليه الحكيم فرد عليه العجوز السلام ورحّب به .

●ثم طلب الحكيم من العجوز أن يسمح له بالمبيت عنده حتى
الغد . وقبل أن يتكلم العجوزجاء صوت من داخل البيت فإذا
هي زوجته لتقول : ما عندنا مكان للضيوف !! ابحث لك عن مكان
آخر فطأطأ العجوز رأسه وتأسف من الحكيم .

●توجه الحكيم إلى البيت الآخر فإذا هو بيت في غاية الجمال
والنظافة والترتيب وتحيط به أنواع الزهور والنباتات الجميلة
.بالإضافة إلى أصوات الطيور والبلابل . وإذا بشاب جميل الوجه
والملبس ينتظره ويرحب به ونادى على زوجته :اليوم لدينا ضيف !
فرحبت الزوجة بالحكيم أجمل ترحيب .

●في اليوم الثالي أفصح الحكيم للرجل عن سبب زيارته لهم وسأله
لماذا أنت في صحة وشباب بينما أخوك الأكبر قد شاب وهرم .فضحك
الرجل وقال له أنت : مخطيء هو أخي الصغير وأنا أكبر منه بعشرين سنة !!

●تعجب الحكيم وزاد ولعه لإكتشاف سر بقاء الرجل في مرحلة الشباب وطلب
معرفة ذلك مقابل أي شيء يطلبه .فوعده الرجل بذلك ولكن بعد أن يتناولا الغداء .

●في الغداء قدم الرجل وزوجته أفضل ما لديهما من الطعام ثم جلسا تحت شجرة
تطل على الوادي، وطلب الرجل من زوجته أن تذهب إلى بستانهم الذي يقع أسفل
الوادي وأن تحضر لهم بطيخة .

●فذهبت الزوجة .. وبعد ساعة جاءت ببطيخة . نظر زوجها إلى البطيخة
وأخذ يضرب عليها ثم قال لزوجته : لا يا زوجتي العزيزة !! أرجو أن ترجعي
هذه البطيخة وتأتي لنا بواحدة أخرى .فقالت الزوجة : على عيني !!!

●ذهبت الزوجة إلى أسفل الوادي ورجعت ببطيخة أخرى ...
ولكن الزوج لم يقتنع وأرسل زوجته مرة ثالثة وذهبت الزوجة
بكل رحابة صدر ونزلت إلى الوادي وجاءت ببطيخة . وفي هذه ا
لمرة وبعد أن تفحص الرجل البطيخة فتحها وأكلوا منها.

●أعاد الحكيم السؤال وطلب معرفة الأكلة أو العشبة التي تحافظ على الشباب .
فأجابه الرجل إنها ليست أكلة أو عشبة بل السر في صحتي وشبابي هي زوجتي !!!
منذ أن تزوجتها لم أجد منها غير الحب والرحمة والحنان والإحترام والتقدير .

●هل تعلم يا حكيم أنه لم تكن في بستاني غير بطيخة واحدة وأنها
نزلت إلى الوادي ثلاث مرات وكانت في كل مرة تأتي لنا بتلك البطيخة
نفسها ولكنها لم تمتعض أو تبدي أي علامة تنقص من شأني أمامك ؟؟

☆تعجب الحكيم من هذه المرأة وأيقن أن السعادة وراحة البال والصحة
والشباب تصنعها *الزوجة الطيبة الصالحة* بمحبتها وعطفها واهتمامها و
ليست الأدوية والأعشاب. ويا ربت باخي لو كل زول منكم اتخذ لنفسه أربع
بتاتيخ من هءا الصنف يكونن حلا و حمار. مش من اانوع الاق و مخسنك

☆و أنت أصحى ؤا لريش👈
كيف بتيتختك عاملة معاك نعلها بس
من صباح الرحمن مركبالك وش ككو؟
🍉🍉🍉 ؟؟

● أرسلوها لكل بتيخاتكم لعموم الفائدة.
😂😂😂😂

《Smart Cheating》
♧ في سوق جانبي خلف سوق الكومبيوتر بمنطقة البحصة
في العاصمة دمشق شخص عامل بسطة صغيرة وعليها قطع غيار
كمبيوتر تبدو بحالة جيدة (هارد ديسك ورامات وسي دي روم وغيرها)،
وكان عامل سعر موحد أي قطعة بـ 2000ليرة.
● كان يبيع هذه الأشياء ويقول للزبون جربها عند محل
الصيانة اللي جنبي ولو طلعت معطلة تعال استرد نقودك.
●محل الصيانة المجاور عنده عدة بسيطة وكهرباء وجهاز كومبيوتر
ليفحص عليه هذه القطع ويتقاضى 500 ليرة أجرة الفحص.

● الناس تشتري القطع اللي شكلها جديدة وتروح تجربها
عند محل الصيانة المجاور فيتبيّن أنها معطلة.... فيرجعوها
ويرد لهم صاحب البسطة نقودهم كاملة ويعتذر منهم.
●بأخر النهار يتناول صاحب البسطة مع صاحب محل الصيانة
العشاء معاً ويتقاسما الغلّة ويستمر استهبال الجماهير......وتتكرر
العملية وتصبح مهنة ثابتة يتم التعامل فيها بالتراضي والتفاهم دون
ضغط أو إكراه !!!....هي خطة جهنمية و (قانونية) تماماً لأنها:
●أولاً - صاحب البسطة كان (صادقاً) تماماً مع الناس وأوفى بالتزاماته
كاملةً غير منقوصةٍ لأنه كان يعيد القطع المعطلة دون أي حسم من ثمنها أو اعتراض. .
●الثاني : - صاحب محل الصيانة والفحص لم يتقاضى إلا أتعابه لقاء عملية الفحص.و
الأخطر أنهما حطٍّما كل النظريات الاقتصادية (الراأسمالية والإشتراكية والإسلامية)
وشكّلا معادلة محاسبية جديدة وهي أن الأرباح ورأس المال يزيد رغم ثبات كمية
وقيمة البضاعة!!!.
● هي السرقة الذكية 《Smart Cheating》 التي تنشأ في ظل بلد يسود فيه
الفساد غي البر و البحر يأكل فيه الإنسان أباه ويقتل فيه الإنسان أخاه في غابة
يسود فيها ( قانون )يحمي النصابين والمحتالين ليظل البقاء للأكثر وحشية !!!.....

: ♧ لست مجنونًا، و لكن جئتُ رغم أنفي £ \دفع الله ود الأصيل/
● واحد نزل ضيف هجعة علي صديقن ليو قديم
و لكن، نظراً لشُح ذات اليد و ضيق ذات الشرايين كاد
صاحبه أن يَنكرَه حطباً .. و قبِل استضافته على مضضٍ..
جاب ليو عنقريب النوع الشناطو مكطع وحبالو مهرتمات،
ياخ دا لامن تقعد صلبك يلامس التراب و تغتس ما ينشافن
علا عضنينك مدلدلات متل صفق العُشَر . يلا بالليل كدا صاحب البيت جاتو صحية و جاي ماشي الحمام, لقي ليك الضيف واقف منشحط على حيلو و حايم متل جمل العصارة؛ قام لاوز منو قام سألو: مالك ياخونا واقف علي حيلك و شايل الليل حيح حوامة؟ قاللو : و الله أنا قلت برقد حبة و أقوم أريح صفقاتي ديل حبة من الرقاد . ترا دا حال المشهد السياسي، اللقتصادي والأمني في بلدنا الحبوب من زمان مع بني زاحف آل كوزان و الآن
الآن و ليس غدن مع سفهاء بني قحطان.

● قريت ليك يابجغادو : هل تعلم إنو (البعل) يصحو 10 مرات و أكتر
في الليلة دييك لكي يطمئن قلبه على صحة (بغلته) المصون . و بتتساءل ك
مان : مصدقين و لا أمسحا.
● فقلنالك لا لا ما تمسحا ، اطمئن، فنحن مصدقون و لكن بالمشقلب تمامن ؛
إنو عمك بصحى عشان يطمئن على صحة وسلامة بدنه صخشياً ؛ لأنو ديل
صويحبات يوسفَ في خانة الصاحب بالجنب و الجار ذي القربى و الجار الجُنُب،
و الذي لا تؤمَن بوائقه إلا و هو مقرنٌ بالأصفاد خلف قضبان الزنازن.

《 من دفتر يوميات واحد منحوس 》
● جيرانا ﻋﻨﺪﻫﻢ ﻋﺮﺱ ﻭﺟﺎﺑﻮﺍ ﺗﻮﺭ جيس ﻛﺒﻴﺮ ﻭﺳﻤﻴﻦ ﻳﻜﻔﻲ بلد بﻱ حالا
ﻭﻧﺤﻨﺎ ﻣﻨﺘﻈﺮﻳﻦ ﻳﻀﺒﺤﻮﻫﻮﺍ ﻭﻧﻀﺮﺏ ﺍﻟﺸﻴﻪ ﻭﺍﻟﻀﻠﻊ ﻭﺍﻧﺎ ﺷﺨﺼﻴﺎ ﺻﺎﻳﻢ ﻟﻴﻬﻮ ﻋﺪﻳﻞ
ﻛﺪﺍ ﻣﺎﻓﻄﺮﺕ ﻭﻻ ﺍﺗﻐﺪﻳﺖ ﻗﻠﺖ ﺍﺗﻌﺸﻲ ﻣﻌﺎﻫﻢ ﻭﺍﻃﻖ ﻃﻘﻪ ﻧﻀﻴﻔﻪ ﻭﺷﻐﺎﻝ ﻣﻌﺎﻫﻢ ﺑﻨﻔﺲ
ﺩﻗﻴﻨﺎ ﺍﻟﺼﻴﻮﺍﻧﺎﺕ ﻭﺭﺻﻴﻨﺎ ﺍﻟﻜﺮﺍﺳﻲ ﻭﻣﻠﻴﻨﺎ ﺍﻟﺤﻔﺎﻇﺎﺕ ﻭﺍﻧﺎ ﺻﺎﺣﺒﺖ ﺍﻟﻄﺒﺎﺥ ﻗﺎﻝ ﻟﻲ ﺑﻌﺪ
ﻳﻀﺒﺤﻮﺍ ﺑﻨﻈﺒﻂ ﺍﻡ ﻓﺘﻔﺖ ﺑﺎﻟﺸﻄﻪ ﻭﺍﻟﺪﻛﻮﻩ ﻭﻧﻌﻤﻞ ﻟﻴﻨﺎ ﺣﻠﺔ ﻣﻘﻠﻮﺑﻪ ﺳﺮﻳﻌﻪ ﻛﺪﺍ ﻛﺒﺎﺏ ﻭﻛﺒﺪﻩ
ﻧﻘﺰﻗﺰ ﺑﻴﻬﺎ ﻣﺴﺎﻓﺔ ﺍﻟﻌﺸﺎﺀ ﻳﺠﻬﺰ ﻑ ﻭﺍﻟﻠﻪ ﻟﻤﻦ ﻗﺎﻝ ﻟﻲ ﻛﺪﺍ ﻟﻤﻦ ﺍﻟﻌﺒﺮﻩ ﺧﻨﻘﺘﻨﻲ( غبكى أشعب)
ﻭﺣﺒﻴﺘﻮ ﺷﺪﻳﺪ ﻗﺮﺑﺖ ﺍﺑﻮﺳﻮ ﻓﻲ ﻗﺪﻭﻣﻮ ﺩﺍ ﻭﻣﻦ ﺷﺪﺓ ﻣﺎﻓﺮﺣﺖ ﻗﺮﺭﺕ ﺍﺑﻘﻲ ﻃﺒﺎﺥ لاﻤﻦ أﻛﺒﺮ .

● ﻓﺠﺄﻩ ﺍﻟﻨﺎﺱ ﻛﻮﺭﻛﻮﺍ ﻗﺎﻟﻮﺍ ﺍﻟﺘﻮﺭ ﺷﺮﺩ ﺟﻴﻨﺎ ﺟﺎﺭﻳﻦ ﺑﺮﻩ ﻭﺍﻧﺎ ﻣﻨﻬﺎﺭ ﺗﻤﺎﺍﺍﺍﻣﺎ ﻛﻴﻒ ﻳﻌﻨﻲ ﺍﻟﺘﻮﺭ
ﺍﻟﺒﺎﻧﻲ ﻛﻞ ﻋﻠﻴﻬﻮ آمتلي و أمانيِّا السندسية ﻳﺸﺮﺩ؟ ﻑ ﻣﺸﻴﺖ ﻭﺭﺍﺀ ﺍﻟﺼﻴﻮﺍﻥ ﺧﺘﻴﺖ ﻳﺪﻱ ﺍﻻﺗﻨﻴﻦ
ﻓﻲ ﺭﺍﺳﻲ "ﻭﺑﻜﻴﺖ من غير بحس بيا" ﻟﻤﻦ ﻗﺮﺑﺖ ﺍﻏﻤﺮ ﻭﺟﻴﺖ ﺭﺍﺟﻊ ﻟﻘﻴﺘﻬﻢ ﻗﺴﻤﻮﺍ ﺍﻟﻨﺎﺱ لي نفير
ﻳﻤﺸﻮﺍ ﻳﺴﻜﻮﺍ ﺍﻟﺘﻮﺭ ﺍﻫﺎ ﻣﺸﻴﺖ ﻣﻌﺎﻫﻢ ﻧﻔﺘﺶ ﻟﻠﺴﺎﻋﻪ 4 ﺻﺒﺎﺣﺎ ﻣﺎﻟﻘﻴﻨﺎﻫﻮ ﻳﺎﺥ ﺍﻟﺘﻮﺭ ﻛﺄﻧﻮ ﺍﻻﺭﺽ
ﺍﻧﺸﻘﺖ ﻭﺑﻠﻌﺘﻮ ﻭ أﻧﺎ ﻣﻦ ﺍﻟﺠﻮﻉ ﺧﻼﺹ ﺟﺎﻧﻲ ﻫﺒﻮﻁ ﺭﺍﺳﻲ لفَّ ﻭﺑﻄﻨﻲ ﻃﻤﺖ ﻭﻛﺮﻋيني ﻣﺎﺗﻦ
ﻑ ﻗﺮﺭﻭﺍ ﻳﺮﺟﻌﻮﺍ ﻭﻳﺘﺼﺮﻓﻮﺍ ﻳﺠﻴﺒﻮﺍ ﺑﺪﻳﻞ لأﻧﻮ ﺍﻟﺰﻣﻦ ﺿﺎﻳﻖ ﻭﺗﺎﻧﻲ ﻳﻔﺘﺸﻮﺍ ﺍﻟﺘﻮﺭ ﻉ ﺭﺍﺣﺘﻬﻢ.

● أﻫﺎ ﺟﻴﻨﺎ ﺭﺍﺟﻌﻴﻦ ﻟﻘﻴﻨﺎ ﺍﻟﻨﺎﺭ ﻣﻮﻟﻌة ﻓﻲ ﻣﻜﺎﻥ ﺍﻟﻄﺒﺎﺥ ﺍﻟﻨﺎﺭ ﻣﺴﻜﺖ ﻣﻦ ﺍﻟﻜﺎﻧﻮﻥ ﻓﻲ ﺍﻟﺮﺍﻛﻮﺑة ﺍﻟﻘﺎﻋﺪ ﻓﻴﻬﺎ
ﻭﺣﺮﻗﺖ ﺍﻻﺧﻀﺮ ﻭﺍﻟﻴﺎﺑﺲ ﻣﺎﺧﻠﺖ ﺷﻲ ﻗﺎﻣﻮﺍ ﻣﺴﻜﻮﺍ ﺍﻟﻄﺒﺎﺥ ﺩﻗﻮﻫﻮﺍ ﻟﻤﻦ ﺑﺎﻝ ﻓﻲ ﻫﺪﻭﻣﻮ ﻭﻃﺮﺩﻭﻫﻮ ﻭﺗﺎﻧﻲ
ﻏﻴﺮﻭﺍ ﺭﺍﻳﻬﻢ ﻗﺎﻟﻮﺍ ﻻ ﻧﺴﻠﻤﻮﺍ ﺍﻟﺒﻮﻟﻴﺲ ﻻﺯﻡ ﻳﻐﺮﻡ ﺍﻟﺤﺎﺟﺎﺕ ﺩﻱ ﻭﻳﺪﻓﻊ ﺣﻘﻬﻢ ﻻﻧﻮ ﺩﺍ إﻫﻤﺎﻝ ﻣﻨﻮ ﺷﺎﻓﻨﻲ ﺗﻒ ﻟﻲ
ﻓﻲ ﻭﺷﻲ ﻗﺎﻝ ﻟﻲ ﻛﻠﻮ ﻣﻨﻚ ﺍﻧﺖ ﻣﻦ ﺍﺗﺼﺎﺑﺤﺖ ﺑﻮﺷﻚ ﺍﻟﻤﻔﺘﻮﻝ ﺩﺍ ﻣﺎﻛﺴﺒﺖ ﺧﻴﺮ.
● أﻫﺎ ﺗﺎﻧﻲ ﺍﻟﻨﺎﺱ ﻛﻮﺭﻛﻮﺍ ﻗﺎﻟﻮﺍ ﺍﻟﻌﺮﻳﺲ ﻗﺮﺻﺘﻮ ﻋﻘﺮﺏ ﺧﻤﻮﻫﻮ ﺑﺴﺮﻋﻪ ﻭﺩﻭﻫﻮﺍ ﺍﻟﺤﻮﺍﺩﺙ ﻭﻫﻮ
ﺷﺒﻪ ﻣﻴﺖ ﺍﻛﻠﻴﻨﻴﻜﻴﺎ، ﻳﻜﻮﺭﻙ ﻳﺎﺗﻐﺮﻳﺪ ﻳﺎﺗﻐﺮﻳﺪ ﺭﻏﻢ إﻧﻮ ﻋﺮﻭﺳ غفلتو تعيسة ابحظ ﺍﺳﻤﻬﺎ أﻣﻴﺮى
ﻣﺎﻋﺎﺭﻑ ﺗﻐﺮﻳﺪ ﺩﻱ ﻣﻨﻮ ( شكلها مشلوبة) ﻛﻤﺎﻥ ﺍﻟﻤﻬﻢ ﺧﻤﻮﻫﻮ ﻭﻫﻮ ﻣﺤﻨﻦ ﺣﻨﻪ ﺣﺪﻫﺎ ﺭﻛﺒﺘﻮ
أﺧﻮﺍﺗﻮ ﻣﺘﺨﻠﻔﺎﺕ ﻣﺎﺑﻌﺮﻓﻦ ﻳﺤﻨﻦ ﺣﻨﻨﻮﻫﻮ ﺣﻨﻪ ﻓﻮﻕ ﻝ ﻋﻀﻢ ﺍﻟﺸﻴﻄﺎﻥ ﻛﺄﻧﻮ ﻛﺎﻥ ﺑﻌﺠﻦ ﻓﻲ
ﺍﻟﺤﻨﻪ ﺑﻜﺮﻋﻴﻬﻮ ﻭﺑﻌﺪ ﺩﺍ ﻓﺼﻴﺤﺎﺕ ﻭﻟﺌﻴﻤﺎﺕ ﻭ ﻣﺎهن ﻗﺎﻋﺪﺍﺕ ﻓﻲ واطات الله ظي!!
● ﺍﻫﺎ ﺭﺟﻌﺖ ﺑﻴﺘﻨﺎ ﻗﺎﻓﻠﻪ ﻣﻌﺎﻱ ﺟﻮﻩ ﻭﺑﺮﻩ ﻭﺟﻌﺎﻥ ﺍﺭﺟﻒ ﺯﻱ ﺍﻟﻘﺼﺒﻪ ﻓﺘﺸﺖ ﺍﻟﺒﻴﺖ ﺩﺍ ﻛﻠﻮ
ﻣﺎﻟﻘﻴﺖ ﻟﻲ ﺣﺎﺟﻪ ﺍﺗﺴﻤﻢ ﺑﻴﻬﺎ ﺣﺘﻲ ﻟﻮ ﻋﻴﺸﻪ ﺍﻗﺮﺿﺎ ﻣﺸﻴﺖ ﺷﺮﺑﺖ ﻟﻲ ﻣﻮﻳﻪ ﻣﻦ ﺍﻟﺘﻼﺟﻪ ﻧﺰﻟﺖ
ﻓﻲ ﻗﻠﺒﻲ ﺯﻱ ﺍﻟﻜﻬﺮﺑﺎ ﻗﻄﻌﺖ ﻣﺼﺎﺭﻳﻨﻲ ﻟﻤﻦ ﺑﻘﻴﺖ ﺍﺗﻠﻮﻱ ﺯﻱ ﺍﻟﺪﺍﺑﻲ ﻭﺍﻟﺴﺎﻋﻪ 5 ﺻﺒﺎﺣﺎ ﻣﺸﻴﺖ ﺻﺤﻴﺖ
ﺑﺘﺎﻉ ﺍﻟﺪﻛﺎﻥ ﻟﻘﻴﺘﻮ ﺭﺍﻗﺪ ﻣﺸﺘﺢ ﻭﻏﺎﻣﺖ ﻳﺪﻳﻬﻮ ﻭﺍﻟﻜﺮﻋﻴﻦ ﻣﺸﺘﺤﻦ ﺑﺮﻩ ﺍﻟﺴﺮﻳﺮ ﺷﻜﻠﻮ ﺣﻠﻤﺎﻥ ﺑﺤﻨﻨﻮ ﻓﻴﻬﻮ
ﻳﺎﺥ ﺍﻟﻌﺮﺱ ﺩﺍ ﺟﻨﻦ ﺍﻟﻨﺎﺱ ﻛﻠﻬﻢ ﺻﺤﻴﺘﻮ ﻗﺎﻡ ﻣﺨﻠﻮﻉ ﻭﺷﺒﻜﻨﻲ ﻟﻴﻚ ﺍﺑﺸﺮ ﺍﺑﺸﺮ ﻭﻫﻮ ﻏﺎﻣﺖ ﻳﺪﻭ ﻉ ﺍﺳﺎﺱ
ﺍﻧﻮ ﻣﺤﻨﻦ ﻗﻠﺖ ﻟﻴﻬﻮ ﺩﺍ ﺷﻨﻮ ﻳﺎﺯﻭﻝ؟ ﻣﺎﻟﻚ ﺍﻧﺖ ﻣﺸﺘﺢ ﻛﺪﺍ؟ ﻣﺎﻟﻘﻲ ﻟﻴﻬﻮ ﺭﺩ ﻳﺮﺩ ﻟﻲ ﺑﻴﻬﻮ ﺍﻟﻤﻬﻢ ﺷﻠﺖ ﻟﻲ
ﻣﻦ 5 ﺻﻨﺎﺩﻳﻖ ﺑﺴﻜﻮﻳﺖ ﻭﻟﺒﻦ ﺑﺪﺭﻩ ﻭﺭﺟﻌﺖ ﺍﻟﺒﻴﺖ ﻟﺨﻴﺘﻦ ﻭﻋﺠﻨﺘﻬﻦ ﻛﻠﻬﻦ ﻣﻊ ﺑﻌﺾ ﻭ ﻃﻔﺤﺘﻬﻦ ﻭ ﻧﺎﺱ
ﺍﻟﻌﺮﺱ ﻟﺤﺪﻱ ﺍﻟﻀﻬﺮ ﻻﺣﺲ ﻻﺧﺒﺮ ﻣﺎﻋﺎﺭﻓﻬﻢ ﻟﻐﻮﺍ ﺍﻟﻌﺮﺱ ﻭﻻ ﺍﻟﺘﻮﺭ ﻟﻘﻮﻫﻮ ﻭﻻ ﺍﻟﻌﺮﻳﺲ إتلحس راح فيها؟!
ﻫﻮ ﻟﻮ ﻣﺎﻣﺎﺕ ﺑﻘﺮﺻﺔ ﺍﻟﻌﻘﺮﺏ ﺡ ﻳﻤﻮﺕ ﺑﺎﻟﻤﻐﺴﻪ لأنو ﺷﻘﺎ ﻋﻤﺮﻭ ﻛﻠﻮ ﺭﺍﺡ" ﻓﻲ ﺭﻣﺸﺔ ﻋﻴﻦ ألعدوك با حنين"
ﺗﻮﺭ ﺑﻨﺺ ﻣﻠﻴﺎﺭ شتت ﻭ ﻣﻮﺍﺩ ﺗﻤﻮﻳﻨﻴﻪ ﺏ ﻧﺺ ﻣﻠﻴﺎﺭ ﺣﺮﻗﺘﺎ ﺍﻟﻨﺎﺭ ﻣﺎ ﻓﻀﻞ ﻓﻴﻬﺎ ﺍﻻ ظروف ﺍﻟﻜﺎﺗﺸﺐ ﻣﺠﺪعة
ﺑﺎﻟﺤﻮﺵ ﻭﺍﻟﺸﻔﻊ ﻳﺘﺨﺎﺗﻔﻮﺍ ﻓﻴﻬﻮ ﻭﺍﻟﻠﻪ ﺍﺧﻴﺮ ﻟﻴﻬﻮ ﻳﻤﻮﺕ ﻭﻻ ﻳﻮﺍﺟﻪ ﺍﻟﺤﻘﻴﻘﻪ ﺍﻟﻤﺮﻩ ﺩﻱ ﻳﺎﺥ ﺍﻧﺎ ﻣﻦ ﺍﻟﻠﻪ
ﺧﻠﻘﻨﻲ ﻣﺎﻟﻘﻴﺖ ﻟﻲ ﻋﺮﻭﺱ ﻧﺤﺲ ﻭ ﻛﺞ ﺯﻱ ﻋﺮﻭﺳﻮ ﺩﻱ ﺧﺸﺖ ﻋﻠﻴﻬﻢ ﺑﺎﻟﺴﺎﺣﻖ ﻭ ﺍﻟﻤﺎﺣﻖ ﻭ ﺍﻟﺒﻼﺀ
ﺍﻟﻤﺘﻼﺣﻖ ﻭﻟﻮ ﺍﺻﺮ ﻳﻌﺮﺳﺎ ﺑﻌﺪ ﺍﻟﺤﺼﻞ ﺩﺍ ﻳﻜﻮﻥ ﺣﻴﻮﺍﻥ ﻭﺍﻟﻠﻪ ﻭﻳﺴﺘﺎﻫﻞ تغريد تعمللو عمل

《و لا نزال في دائرة النحس》
● االشعب السوداني فقد الثقة في كل الناس والله الليلة حصل لي موقف
ماعارف اوصفو، قد يقول قائلٌ:هو نتيجة نحسي وكجي و و لكنه قضاء وقدر.
و أنا في السوق لقيت لي واحد ببيع خواتم فضة عجبني خاتم كدا وشلتو دخلتو
في اصبعي عشان اجربو وبقينا نتكلم في السعر بكم ومابكم قال لي الخاتم دا ب 3الف
قلت ليهو نقصني قال لي شيلو ب 2ونص المهم مااتفقنا وعايز اطلع ليهو خاتمو ارجعو ليهو
وسبحان الله مجرد مالخاتم دخل في اصبعي كأنو اصبعي كبوا ليهو خميره فار واتنفخ واتورم
وقال اعرفو طلعوا مني الخاتم دا تاني وبقيت اجر وبتاع الخواتم يجر لمن اصبعي كب دم قلت ليهو
عندك صابونه؟ قال لي صابونة شنو العندي؟ قلت ليهو طيب ارح ع المطاعم ديك بنلقي عندهم باقي صابونه اعملها في اصبعي عشان الخاتم يتزلق ف بتاع الخواتم شكا في انو انا حرامي وعايز انصب عليهو قام مسكني من لياقة قميصي وقال لي ارح قدامي ع المطاعم وكلم واحد يحرس ليهو باقي خواتمو ومشينا ل بتاع مطعم كدا لقيناهو ممحن ومهموم وخاتي يديهو في راسو قلت ليهو لو سمحت ياخال داير لي حتة صابونه اطلع بيها الخاتم دا ف الراجل رفع راسو عاين لي وعاين لبتاع الخواتم دا وهو مقبقني من هدومي و قام قال لينا دا آخرما توصلتوا ليهو في النصب والاحتيال؟ ياخ انا زاتي ماعندي حاجه تسرقوها مني ياها ديك حلة عدس ملانه من الصباح مابعت منها صحن واحد لو عايزين تشيلوها شيلوها وريحوني منها ياخ وفجأه غير رايو قال لي عايزين صابونه مش؟ دقيقه أجيبا ليكم و
دخل جوه وانا وزولي دا مقبلين كدا نحاول في الخاتم مااشعر ليك الا بخرطوش اسود نازل في ضهري زي السيف قولة صررر انا خميت بتاع الخواتم في وشي ووقعت بيهو وقبل نفهم الحاصل وقع ليك فينا هبد بالخرطوش انا وبتاع الزفت دا ونحنا واقعين هرد لحمنا هرد وانا انكرش واتحيحي واكورك ليهو دقيقه ياخال افهمني وهو يقول لي افهمني انت وحاول حس بي اقول ليك مابعت صحن عدس واحد وتسمع صررر وبتاع الخاتم يبكي وينكرش ويقول احييي انا يايمه وماقادر يقوم ولاقادر يجري يخلي خاتمو عندي يعني موت موت المهم لمن الدق كتر علينا كربشنا كدا وقمنا جارين لانو سمعناهو يكورك ل بوليس شرق الزلط تعال ياجنابو بس جنابو البرجاهو منو انطلقنا جري الوحوش والزول العبيط دا ماسك في هدومي لمن وصلنا حته كدا وقفنا بتاع الخواتم قال لي وهو يبكي خليتك ل الله جيتني من وين انت املص لي خاتمي يازول ولا اقسم بالله اجيب لي منشار اقطعو ب اصبعو وكان جادي في اللحظه ديك لانو وصل مرحله من الغضب قرب يغمي عليهو قلت ليهو دقيقه خلاص امشي اشتري ليك صابونه من الدكان قال لي ليه اشتري لي صابونه ب 200جنيه؟ ذنبي شنو؟ تشتريها انت دا قلت ليهو خير ارح نشتريها مشينا اشتريت صابونه ومشينا المزيره بقي يشيل ويكب لي وانا اغسل في يدي بالصابونه لمن الصابونه قربت تكمل حتي خاتم الجن دا مرق من اصبعي جدعت ليهو خاتمو وقلت ليهو تاني داير مني شي؟ يلا طير اختاني قال لي طير اختاني انت اصبعك زي عود الطوريه الخاتم
ليك شنو؟ المهم اتنابذنا زييينتي وبردنا بطنا في بعض واي واحد طار ع جهه وهسي اصبعي ورام و منفخ ومحمبق زي بلح الشام وينتح زي القارصاني عقرب وجسمي كلو يشح من الدق انا ماعارف البحصل لي
دا شنو اليومين ديل واقع فيني دق وجلد كدا ماطبيعي انا لسه السوطين الاخدتهن في
عرس الجعليين مابرن وينتحن وهسي كمان اتجلد بخرطوش مويه اسود
ممنوع دوليا؟ اللهم لا اعتراض ع حكمك يالله....

《ﺳﺒﺖ ﺃﺧﺪﺭ》
/لست مجنوناً ولكن جئت رغم أتفي/
●ﻭﺍﺣﺪ ﻣﺸﻰ ﻟﻠﺪﻛﺘﻮﺭ يشكي ﻗﺎلليو ﻓﻲ ﺣﺎﺟﺔ مجهجهة باكاتي، ﺘﺠﻴﻨﻲﻓﻲ ﻧﺺ ﺑﻄﻨﻲ ﻫﻨﺎ ﻭﺗﺎﻧﻲ ﺘﻤﺸﻲ ﺑﻲ ﺟﺎﻱ ﻭ ﺗﻠﻒ ﺑﺟﺎﻱ ﻭ ﺗﻄﻠﻊ ﻟﻲ ﻓﻮﻕ ﻭ ﺗﻨﺰﻝتحت حبل السرة ﻭ ﺗﺎﻧﻲ ﺗﻄﻠﻊ. ﺍﻟﺪﻛﺘﻮﺭ ﻗﺎﻝ ﻟﻴﻮ ﺃﻛﻠﺖ ﺷﻨﻮ؟قالليو ﺃﻛﻠﺖ لي ﻓﺘﺔ بموية فول على أﻗﺎﺷﻲ و علبها سفة ﻛﺠﻴﻚ و ﺑﻠﻴﻠﺔ فك لوبة عفن ﻭ ﻣﻼﺡ (ويك آب)
ﺑﺎﻳﺖ في مشلعبب ﻭ ﺑﻌﺪﺍﻙ ﺣﻠﻴﺖ ﺑﻲ ﺷﺮﺍﻳﺢ ﺃﻧﺎﻧﺎﺱ!!!
☆ ﺍﻟﺪﻛﺘﻮﺭ ﻗﺎلليو ﺑﺲ أقيف لي هنا !!..عارف ﺍﻟﺒﺘﺰﺍﻭﻍ
ﺩﺍ ياﻫﻮ ﺍﻷﻧﺎﻧﺎﺱ..كايس لمنفذ مخارجة ﻣﻦ
زنقة الوﺭﻃﺔ ﺍﻟأنت ختيتو ﻔﻴﻬﺎدي.
▪ تخريمة: ﻓﻲ ﻧﺎﺱ عليها جنس طعومية بس زي
الأﻧﺎﻧﺎﺱ..ﻭ ﻧﺎﺱ برضو أولاد ﻧﺎﺱ ﻭ ﻧﺎﺱ تانيين زاتو
ﻣﺎ ﻧﺎﺱ ﻭ ﻧﺎﺱ قاﻋﺪﻳﻦ ساي بس ﺃﺫية ﻟﻠﻨﺎﺱ!!!

《خلي الإنسولين مطرح ما يسري يمري》
● نحن شعب الله المحتار الوحيد حتى المهاجرين منا بعيشوا غرباء طول حياتهم في مهاجرهم
عارفين ليه؟ لأنو السوداني بيصعب عليه التواؤم مع البيئة الجديدة ويوم نزوله في المطار بيمشي
يكوس السودانيين وين والبيوت البتسوي القراصة والكسرة... وفي رمضان ما بيصوم كان ما رسلو
ليه كرتونة الآبري والرقاق. طيب ..ظروف مسقط راسم خياراتك فرضت عليك اغتراباً أو لجوءاً؟
فياخ عليك الله ما تخرب الموت بالرفسي ساكت ياخ...حاول اتعلم كيف تندمج مع مجتمعك الجديد
وعيش اليوم لأنو اليوم البفوت ما قلنا للزمان ارجع يا زمان موش حايرجع تاني!!! ما تعيش كأنو
ربنا كاتب ليك حياتين.. واحدة للغربة... وحياة تانية بعد ما ترجع السودان... وبالله لو كنت
مهاجر في دول أوربا او امريكا ما تعمل خططك كلها انو اولادك راجعين يعيشو في السودان.

● عشان كدة ما تفكر تبني بيت كبير ... (لو فكرت) ما تكتر الساس تحت عشان اولادك
بعدين يجو يبنو فوق....لانها دي احلام سعيدة ما بتتحقق...عارف ليه ... لانك هتموت بجاي
و ببيعوا البيت تاني سنة طوالي وكل واحد بمشي يسكن براه ... لانو حريم الاولاد ما متفقات.
ياما شفنا بيوت اتاسست لخمسة طوابق واعمدتها وقفت فوق.. وفي النهاية ما كملت وسيدا
مات قبل ما يضرب جير في البيت من برة... ونص الاغتراب ضاع طوب وخرسانة وحديد
تحت الأرض عشان الساس الكبير ،،، وضاع عمر صاحبها و اندفن مع الساس عشان كدة تاكد
من أنك تعمل بيت قدرك انت وام العيال بس... واعمل حساب اوضتك والحمام الداخلي
واهم حاجة المزلقان عشان الكرسي المتحرك تقدر تحوم بيه بسهولة. وخلال فترة
الإغتراب ..استمتع وسافر قدر ما تقدر .. وشوف الدنيا...وعلم
الاولاد وابنيهم وثقفهم واستثمر معظم وقتك معاهم ..
*يعني باختصار* :
●ابنو ابنائكم ... لا تبنو لهم ... وما تخلي حلمك زي الأحلام
التقليدية السودانية، وهي اهداف وثوابت الشعب السوداني،
(البيت ، و العربية، الاردن للعلاج ، والدفن احمد شرفي )..
و الورثةجاهزين للنهش والتور هن وقع تكتر سكاكينو.
● عزيزي المهاجر..استمتع، وتصدق* قدر ما تقدر،
وحلحل مشاكل الناس. قد تكون هذه اخر ايامك
في الدنيا...
●اعزائي المغتربين عيشوا دنيتكم العمر
مرة واحدة بطلوا اللهغدفة وشلهتة وجلد الذات،
و بطلوا التفكير في بكرة كتير...و استلقي أرخي
جسمك عسان الإنسولين مطرح ما يسري يمري.

♧ لست مجنونًا، و لكن جئتُ رغم أنفي £
(: دفع الله ود الأصيل)

[} عندنا عرس بت جيرانا ياخ دي مبكية الحلة كلها مواقفاها على فد كراع❤ من أصغر شافع لي أكبر جولكين 😂المهم يوم العرس دا كان يوم أسود لي الحله كلها.
[} خلاس "جانا الخبر جانا البلا و السمحة قالو مرحلة" القنبلة الموقوتة حتفارق و تنفجر في حتة تانية💔 رغم أنو احنا المربينها ياماكسىنا ليها جبال تلج وديناها مشاوير مجاني و ياما غرفنا
موية الطمل من بيتهم بخشومنا وياما وياما😂 بس يلا الخسران يمرق من المصران 💫 المهم كعادة ناسنا قمنا بالواجب وقفنا في العرس دقينا صيوان الحفلة وكفينا المعازيم وظبطنا ااأمور لحدي ما ساعة الصفر العرسان جو🌟 زافنهم بعربية سوناتا موديل الفين وتسعطاشر👌 الوقت داك الفين و عشرين زاتو ماجات 😂المهم السواق بلعب بعربية الزفة يمشي و يتَّرز يقيف و يفحط يكيل التراب في مخربنا هو مو عارف بلعب بقلوبنا و فاقع مرارتنا 😂 لحدي ماخلاس وقف والعروس نزلت وكانت طالعة قيامة عديل.😍ونحنا منتظرين العريس ينزل عشان نقول والله مابستاهلها ونقعد نشنف فيهو.!!😂 لكن عينكم ماتشوف الا النور.

[} العريس نزل بهناك ،؛علي الطلاق تقول بس شامي كابور و لا شاروخان ممشوغ الغوام مفتولالعضلات تبش عروق بامبَي و لونو ملاح نعيمية بالسمن و البدلة دي نازلة فيهو كبس بس عارض أزياء لكرستيان ديور🔥 غايتو حديد لاقا حديد👏 نحنا غلبنا زاتو نقول شنو. بقينا نهجج و نكشف بس وجاء زولك مسكا من يدها وقال ليها حاجة في أضانا و قالت قررر يا الضحك.ونحنا ناس قريعتي راحت سنين و دنين ماف زولن قدر يشوف سنها😂
[} المهم مسكا من يدها ومشو علي الكوشة،؛ قربو للكوشة
فكا يدها و تناها من خصرها زي فريع البانة. وطبعن نصها
عبابرة عن ميسي في وسط برشلونة، و إحنا بجاي برشلونا
برشلت عدوك !!شغل كده بس عروس البحر يا حورية 😂
ونحنا بهناك في الدمعات غرقنا.!!💔بس نعمل شنو عاد
دي القسمة و النصيب و لامن خلاس الحفلة حتفرتق فينا
واحد ملقوف حلف ستين يمين قال علا يمشي يسلم عليها"
بي حسرة و ضياع و رعشة الكف الخضيب .. مقرونة بي
نظرة وداااع جابو القدر في سكتي في الليلة ديك"👋
قلنالو العريس المتل حيدر قطامة بجيب خبرك. قال خلوني
أموت شهيد الحب العذري🔥قلنالو الله معاك روحك براها
مجعرة..يلا لامن قرب للعروس وداير يمد يدو شاروخان
داك قام انحشطلو في سدرو سلم عليهو بدل العروس
لفخو ليك طالوش في ضهرو لامناتعتع وعرف حاجة
و زولك العملاق حدر لينا كدااا.و قال في زول تاني
ناوي يسلم؟ قلنالو :لا ياخونا السلام كتل الضهيد
جون قرنق، و يلا اتلحسنا بقينا متخارجين.!!
😂😂💔😂😂💔

📖 يومياتي كمعاشي مستجد(في KG-1) يا دوبك£

1/ الساعة 6: مشوار الفرن
2/ الساعة 7: اقيف برة مع الأحفاد حافلة الروضة جاية
3/ الساعة 8: افتح الباب للشغالة
4/ الساعة 9: شيل البستلة سيد اللبن جا
5/ الساعة 10: فطور اجباري
6/ الساعة 11: اطلع فوق عايزين ننضف تحت
7/ الساعة 12: انزل تحت عايزين ننضف فوق
8/ الساعة 1: اقيف في الشارع حافلة الروضة جات
9/ الساعة 2: كدي شوف الجرس دق ده منو
10/ الساعة 3: كاسات الحوش ديل مالك ما كبيت ليهم موية؟
11/ الساعة 4: اقعد في الصالون و اقفل عليك الباب جاراتي جايات
12/ الساعة 7: انت نايم في الكنبة مالك ؟
13/ الساعة 9: غرفة الطوارئ بالمستشفي ارتفاع حاد بالضغط 🤣🤣
سهر الجداد ولا نومو🤣🤣

♧ اخترنا لك من سلسلة : ما يتحيَّر إلا مغيَّر£
▪واحد قاعد تعشي في البرندة قال لبعلتو🧕🏽 يا بت الشيخ ،
ملاحك دا طعامو مرخي ، قومي جيبي لي حبة ملحة! قالت ليهو:
يا راجل كرَّهتني عديييل؛ قوم براك جيب ملحك؛ أنت أقرب مني،
و أنا ركبيني ديل ساحن عديل من مساسقت مراسيلك دي .
▪ فحدر ليها في يدينا فاضيات و سكت منها. يلا فجأتن كدا
تلفونا رن جات فيهو رسالة واتساب و كان مجدوع في المتبخ.

▪ البغلة قامت صوف جري عليهو لقت الرسالة من بعلها
ذات نفسو الممسوخ 👳🏽‍♀ لقتو كاتب ليها: يلا جيبي الملحة
و كمان وكتين الله رفع كراعك براك ، بالله المرة معاك فقشة
ليمونة كان نودر الطمام دا لو سمحتي. فشايف كيف!! ما قلنا
ليكم بطلو فرسنة فاضية و رفقن بالغوارير شغايغ النعمان و
أخدوهن بي سياسة النار الخدرة و هادية!!

▪أشهر من اشتُهِر بالنوادر و القفشات كان العم جحا
و هو أقرب إلى شخصية وهمية من صنع خيال الأدب الشعبي الذي
لا أبَ له لا أم و لا وريثَ. و لكن كان لجحا منافسان من عالم الشهادة؛
أولهما أبو نواس الحسن بن هانئ الملقب بشاعر الخمر و الغلمان والمجون
و ثانيهما بهلول الملقب بأعقل المجانين. و كانت لكليهما مواقفُ و مقالبُ
ساخرةٌ و نادرةٌ مع الخليفة هارون الرشيد. و إليكم بواحدة منها كسراً
لروتين رتابة الحبسة الكاتمة دي :
® حمير بهلول في اسطنبول π√
© من نوادره المضحكة المعبرة¢
@ أزواج من جماعة "حزب الخُضُر"£

∆ حيث طلب البهلول من أمير المؤمنين/
هارون الرشيد أن يحكّمه بالعبادمدة شهرٍ واحدٍ،
فقط لا غير فرفض هارون، ثم ألحّ البهلول ، و
لم يستجب له أمير المؤمنين الرشيد .

¶ و بعد المشاورات و الالحاحات و اللاتي و اللتيا،
اتفقا على مضض،أن
يحكم البهلول البلاد ليوم واحد فقط، و بشرط:
أن لا يظلم البهلول احداً.

¶ و مع حلول ساعة الصفر المحددة لتقلد البهلول منصب القائم
مقام بصلاحيات{ أمير ليومٍ واحدٍ فقط لا غير} ، ذهب هارون لنزهة
في بساتينه مع الأسرة الملكية و على رأسهم حرمه المصون/ زبيدة.

¶ و في رابعة النهار يلتقي هارون بالبهلول و هو يسوق بين يديه
قطيعاً {مراحاً} من مئات الحمر الأهلية المستنفرة ، فرت من قسورة ،
¶ فاستغرب هارون لهذا المنظر و سأله:
- ما هذا (الرهط) من الحمير يا بهلول و من أين أتيت بها؟
فأجابه البهلول:
- لقد مررت بالبلاد يا مولاي ، لأتفقد أحوال الرعية من العباد
و فرضت على كل (بغل) تأخذ (بعلته) بزمام أمره ؛ و تطويه كبيراً
تحت حناحيها؛ فرضت عليه ضريبةً عبارةً عن حماره الذي(يركبه)،
¶ فقال هارون:
- هل من المعقول يا بهلول في بحر سويعات، أن تحشد كول هذا
الكّمّ الهائل من المغلوبين على أمرهم؟
- فقال البهلول: دعنا من هذا يا مولاي ، المهم أنني لم أظلم أحداً، و إنني أثناء
تجوالي في ربوع البلاد رأيت ما لا عينٌ رأت و لا أذن سمعت؛ و لم يخطر ببال أحدٍ.
- ماذا رأيت يا بهلول؟
- رأيت يا مولاي فتاة حسناء غيداء مصقول عوارضها؛ تمشي الهوينة كما يمشي
الوجي الوحِلُ. علبها جنس طعومية ترمي في "الشووووق المشييييت ليهو"بحيث
إذا أصبحت نهاراً ،تنحت لها الشمس و قالت: هلم اجلسي مكاني، و إذا بزغت مساءاً،
كانت نجمة حميراء، توارت لها خجلاً، فلقة وجه القمر , و هو في ليلة البدر ....

¶ فكم تمنيت أن تكون تلك الحسناء الفاتنة زوجة بالحلال لمولاي أمير المؤمنين.
فماذا قلت يا مولاي.

¶ فجذبه الرشيد إليه و قال : أخفض صوتك بهلول
با مجنون ،كي لا تسمعنا زبيدة ( تودينا ف60 داهية)!

¶ فقال البهلول: إذن ، عليك بحمارين (مكاديين) ، يا
مولاي..هذاو لنا عودة حين ميسرةٍ ؛ مع أبي نوَّاس.

® بت ي محاسن، كدي جيبي لي السرج
داك النشد و نركب !!!

© ناس عايشة و ناس دايشة£
♧ علمتنا صروف القدر و نوائب الدهر
دروساً لا تُنسى£ //دفع الله ود الأصيل//
《 شغل مخك تأكل ملبن 》

●أحد زعماء المافيا اكتشف أن محاسباً لديه إختلس منه مبلغاً و قدره عشرة ملايين دولار، وكان المحاسب أصمَّ وأبكم، فقرر الزعيم أن يواجه المحاسب بما اكتشفه فأخذ معه خبيرًا
في لغة الإشارة، وقال له : قم بسؤاله: أين العشرة ملايين دولار؟! فسأله الخبير عن طريق
لغة الإشارة : فأجابه المحاسب أنه لا
يعرف عن ماذا يتحدثان ، فأشهر الزعيم مسدسه و ألصقه بجبهة المحاسب ثم قال لمترجم لغة الإشارة : إسأله مرة أخرى قال الخبير : سوف يقتلك إذا لم تخبره عن
مخبأ النقود ، فأجابه المحاسب بلغة
الإشارة : النقود في حقيبةٍ سوداءَ
مدفونةٍ خلف المستودع
● ثم سأل الزعيم مترجم الإشارة
ماذا قال لك :أجاب الخبير أنه يقول إنك
رعديدٌ جبانٌ و لا تقوى على قتل ذبابةٍ و لا
تملك الشجاعة الكافية لكي تُطلِق النار عليه ،
حينها أفرغ الزعيم عيار في جمجمة المحاسب ، و لينتهى الأمربرمته لصالح خبير لغة الإشارة لكي يذهب و يستأثر بالمال المختلس!!!

●العبرة : من الخطأ أن تضع ثقتك كلها
في من ينقل إليك الكلام وتبني قراراتك
على كلامه، فقد تكتشف بعد حين أن تلك
الثقة لم تكن قطُّ في محلها ، فتكون
خسارتك فادحة لا تقدر بثمن..

...

مشينا نعيد بعث خيت قديم من مرقده بعنوان:
"طالع حمال و نازل زبال" لقيانه اتلحس مشى خور
المايقوما فعندنا مداخلة دايشة قلنا نحشرا هنا، عن
الزول لامن يعرس قالو بمربأربعةأطوار حيوانية غريبة :
1) طور النرجسية ( الطاووسية ) تلقاه ناقش ريشو
عامل ضبان ضكر.. و يلا يا أرض اتهدي ما عليك أدي.
2) يجي بعداك طور الحمارية وشيلان التقيل, نظام
جيب جيب .. بس وين ما يمش بخم و يجيب.
3),نجي بعداك لطور الكلبية : تلقى زولك يهو هو بي
سبب و برا سبب في الهينة و القاسية و يرمي
في نصايحو بالمجاني ساي يمين و شمال.
لحدما نوصل أخيرن لطور القردية(الشمبانزية)
حيث السيرالية و العودة القمرى لأحضان الطفولة
النطيط مع الشفع الأحفاد من هنا لهنا.

واحد بيحكي :ساقني فردة عزيز إلى دار رجل وقور احتفى بنا ايما حفاوة و اغدق علينابكرمه الفياض و عطفهالحياش . ثم وبعد التحلية قدم لي عرض بتلاتة من بناته فائقات الحسن والجمال على أن يزوجني بأحداهن و لما جاءني الأمر بغتةً طلبت منه يخليني أرجع أهلي أشاور، فقال لي قبال تشاور أخير تلقي نظرة فقد لاتعجبك إحداهن فأول ما جات أكبرهن( ذات 30 ربيعاً فقط لاغير) تحمل الشاي متهاديةً ماشية الهوينى كما يمشى الوجي الوحل غراء فرعاءمصقول عوارضها و ملء ا لدرع بهكنةً .. إذا تقوم إلى جاراتها يكاد الخصر ينخذل. فشنو طوالي غيرت رأي وقلت لعمك خلاس أعتبرني شاورت و أهلي رضيانين و قالو لي تغلبا بالمال و تردمك بالعيال . وتم الزفاف و في ليلة القبض على قاطنة وضبح الكديسة في لكوندة على كورنيش الني إذا بطارقٍ ثقيل الظل على الباب و قبل أن أفتح قام بالواجب بي شلوت عنيف و إذا بي جك موية ساقط في شتاء قارس ينزل على وشي كالصاعقة ، فإذا بها دي (بغلتي) الحاجة تنهزني وهي تتزمر من شخيري ، بس شكلها حست بي ، إني حلمان أخرج مع مهرة غيرها.

● الصين تعداد سكانا ترليون و نص نسمة و يزيدون.
كلهم بياكلو تلاتة وجبات تيك أوي و بطلعو زي الناس عادي. علا
بعد انتشار كورونا تحولت المدن إلى بيوت أشباح و خلت الشوارع
حتى من زحمة دراجات توصيل الوجبات إلى المنازل.
● ياخ في الصين و لا هنا واحدة طلبت أكل من برة ؛
و لامن عامل التوصيل جا يسلما عطس {بالصيني} طبعن ؛
فطوالي فكت ليه الأكل في وشو وأدتو شلوت و رشت المادة
الواقية.كلب يلحس خشومكم. دحين ما قلتو نجيخاااااو !!

حياك الله جدو اللمين و بياك. طبعن أنت عارف نحن عنقالة ساي (حزب كنبة)؛
ما لينا غرض في أولئك و لانا عارفين من وين أتانا "هؤلاء". عشان كدا لاقيين
راحتنا نقول راينا بمزاج. فكدي عندي ليك كمان واحدة تانية تعال تقزقز بيها نتأملا سوا:
♧ شلووووووم £
● جماعة عزابة ساكنيين سوا و حصل نقاشٌ حادٌ كاد أحدهم ،على إثره؛ يفتح راس أخيه
بكراع طربيظة عرجاء فقدت إحدى سيقانها في عراكٍ عبثي. لكن واحد محضر خير قال ليهمى:
يا أخوانا قولوا بسم الله ؛ ألعنوا الشيطان و باركوها. قام نطَّ واحد تاني ملقوف عامل فيها أبو عرام قال ليهم:
انتو هسي إبليس المسكين دا سألكم و لا جاكم. ناس بتاعين شبك بس.
● الشاهد أنو بالليل لامن صاحبنا دا مشى جر بطانيتو
و راح في سابع نومة قام جاهو إبليس اللعين في سُباتٍ عميقٍ و حلمة طويلة طق معاه حنك قال ليه :
ياخ أنا مبسوط منك جنس بسطة بالجد لأنك دافعت عني و نصرت أخاك مظلوماً،وليس ظالمن.
● فشنو ؛ هسي أنا عايز أكافئك. دحين أركب في ضهري دا أعملني بساط ريح و حأطير بيك أحوِّمك الدنيا دي
من أدناها إلى أقصاها. قال ليك إبليس طاير بالبني آدم دا يفرَّج فيه: دي منارة النور و العطور و البخور باريس؛
و دي مدينة الضبابلندن التي كانت لا تغرب عنها الشمش،قبل كشة (البريكزت) ؛
و دا سور برلين المنهار بعد عودة شطري ألمانيا بالأحضان ؛و داك سور الصين
الكان العظيم و قفلوه حولوها لبيوت أشباح بعد انتشار كورونا و هلم جرا.
● المهم الله يعزكم زولنا من طول السفر بطنو كركبت و شعر بحوجة ماسة جدن للحمام قال لإبليس:
ياخ نزلني سريع أنا داير أمشي الحمام.الشيطان سأله: ياخينا بول موية ساي و لا متقلات (Heavy Duty )
. داك قال ليه: و الله دا شكلو (هُرار) راسو عديل (مخرجات حُمار وتني و كدي) . إبليس لامن صر وشو ؛
لكن قال ليه: يا زول ما مشكلة أخُد راحتك في ضهري دا عادي؛ لأنو حالتنا بقت واحدة ملح و ملاح و إتا ظاتك
ياخ ما قصرت معاي. كمان لو فصلت معانا كويس و بحلحتها اكتر خليت طياراتنا يعبرن بأجواءكم،
أها ليك علي،بعد شوية بجيب ليك (بتي) عديل نعرسا ليك و إتا نايم تشخر في نومتك دي.
● قال ليك عمك دا نزَّل متقلاتو و أخد راحتو تب لامن دعا قال: الحمد الله الذي أذهب عني الأذى
و عافاني. و فجأتن كدا صحا لقي الدنيا تحتو مطمبجة و الريحة دي مبننة ، ضبانو يوِن
و العزابة متلميين يضحكو عليه يقولو: قررر و اتخيلوا باقى المقلب.
● و زولنا دا خجلان لامن مو عارف يودي وشو وين.
و تاني عاد توبة يا حبوبة من التحشر.
♤ أها العملوا الشيطان فى زولنا دا نفس السيناريو اللي نفذو
العلج النتن ياهو في تيس حلبتنا أبو برنيطة، السبد (بُلهان).
● تخزينة:
♧ قالو: البباري الجداد بوديه كوشة خور المايقوما £

♧ إبليس أستاذ لابن آدم و تلميذ لبنت حواء £ (Re: دفع الله ود الأصيل)
🚫🚫🚫🚫🚫🚫🚫🚫🚫🚫
{91}
●قصه في قمممة الروعة و الغرابة..تمووت من الضحك 😂
▪ واقعة حقيقة يذكرها أحد رجال الهيئة بالمملكه العربية السعودية
(هيئة الأمر بالمعروف والنهي عن المنكر والاستبدلوها في رمشة
عين بهيعة ا لترفيه) و يقول إنه لن ينساها :
● يقول قبضنا على شاب ومعه فتاة و كالعادة أرسلنا الشاب إلى هيئة
التحقيق و أخذنا الفتاة إلى مركز الهيئة لنصحها و الاتصال بولي أمرها
لكي يستلمها و يستر عليها
● جلست الفتاة هضيمة الخاطر كسيرة الجناح و لم تنبس ببنت
شفةٍ واحدةٍ و لم تجاوب على أي سؤالٍ طرحناه. تعبنا معها بلا فائدة .
● ثم يقول : أشارت الفتاة إليَّ بيدها و هي متغطية تماماً: أن أقترب
منها فدنوت منها قليلاً و بحذرٍ فقالت بصوت خفيض: أريد أن أكلمك
لوحدك فطلبتُ بدوري من الزميل الذي يعمل معي أن يخرج قليلاً حرصاً
على خصوصيتها ؛ و حفظاً لسرنا في بئر . سألتها ماذا تريدين أن تقولي
قالت بصوت مخنوق بالعبرات: الله يستر على أهلك و بناتك أستر عليَّ
فصاحبك اللي طلعته هو أخوي وهو لا يعلم فهو سيعرفني من صوتي
● يقول الرجل: كدت أفقد صوابي من فجاءة وشدة الموقف الذي
وضعت فيه؛ إنه اخٌ و صديقٌ عزيزٌ و معروف بين كل رجال الهيئه
بالورع و لالتزام داالاخلاقي. تمالكت نفسي وقلت أنا بتصرف من أجل
أخوك هو و ليس من أجلك لأن ما يهمني الآن هو صاحبي والكارثه
التي قد تحل به هي بسببك قلت لها أهربي ولا يراك أحد وسهلت
لها حيلة للنغاد بجلدهاففهلتْ وتظاهرت أنا بالغضب من هروبها.
●حمداً لله مر الموقف بسلام وكلي حرصٌ ألا يعلم أخوها الذي
هو معي بشيء مما حدث. و بعد عدة أسابيع أردت من باب حب
الاستطلاع أن أعرف أخبارها هل تزوجت هل تغير حالها فسألت
صاحبي بعض الأسئلة حتى سألته هل تزوجت كل أخواتك ؟؟
فقال : أنا ما عندي أخوات كلنا شباب !قلت له بالله عليك😳😳😳
فأقسم على ذلك و تعجب حتى من إلحاحي فذكرت له ماحصل معي
فضحك حتى بانت لي نواجءه و كاد يسقط على الأرض من الضحك.
😂😂😂😂
و أنا كدت أنفجر من شدة الغضب على ما فرطت في تلك الثعلباية.
♤ فعلن ، إبليس أُستاذ للرجال، و لكنه تلميذ برلوم في مدرسة النواعم.
أسعد الله اوقاتكم بكل خير وابتسامة🤣 💕

حاج البلولة عمره 89 سنة إختفى شهر من صاحبو
حاج الطريفي، وبعد الشهر شافو حاج الطريفي وسألو: وينك
يا فردة ليك شهر لا حس ولا خبر؟ حاج البلولة قال ليهو كنت
في السجن والله. حاج الطريفي: يا زول في شنو مالك؟
حاج البلولة: الخدّامة الشغالة معانا قالت إنّي اتحرشت بيها،
ولمّا جابوني للقاضي في المحكمة. اتنحنحت وشنقت طاقيتى.
وإعترفت بالتهمة من باب الإفتخار يعني، وإنت زى ما عارف
عمري 89 سنة، وتهمة زي دي تشرّف أي واحد في سنّي.
حاج الطريفي: وأوع يكون القاضي الأهبل دا صدّقك؟
حاج البلولة: أبداً .. ود الحرام دا حكم علّي بشهر
سجن بتهمة الكذب وتضليل العدالة..
😂😂😂😂😂😂😂

♧ لست مجنونًا، و لكن جئتُ رغم أنفي£
《السمبرية و مالك الحزين🦩
[} زمن الناس حونان في الثانوي العام بنطلع
من المدرسة و ننتظر البنات نحربس ليهن لحدي
ما يمرقن و يجن مارات بجنبنا متقاطرات يتاتن
زي قدلة جنا الوزين بين جناين الشاطئ
و بين قصور الروم.
[} المهم كان عندي مُزّة طويلة وسمحة بلحبيل
لامن ترمي في الشوك المشيت ليهو ، ولا أنا براي كنت
شايفها في عيني غزالة ماني عارف. كنت بعاين ليها من
بعييد لبعييد و بلبد ليها جمب مزيرة كده عشان أشرب
ما أروى .. لحد ما تجي كاطعة أبل شوقي و أبقى
متراوح على أهلي. كان حب عذري شديد.

♡ الشاهد، واحد من اساتذتنا الله يطراهم بالخير
يوم قبضني ليك بالثابتة و تاني يوم قال لي : شايفك
بتشرك للبنية العاملة خلقتا متل السمبريه ديك جنب المدرسه.
طبعن (السمبرية لغير الناطقين بها و الناطقين بغيرها: طيرة
سوداء طويلة و معشكبة كده لتظهر مع دهاريب مطر الرُّشاش
الرشَّا) كشمت وقلت ليهو أي والله "الاستاذ شافني وشفتو و ما
في داعي للانكار و الجرجرة " قال لي: ما تضيع زمنك دي سمبرية
سااااي . قلت ليهو : تمام يا فندي و انصرفت راشداً .

[} تاني يوم قلت أتأكد اشوفها من قريب وكسرت كرونة جنب المزيرة
وجيت جمبها على استحياء كده و هي تمشي كما يمشي الوجي الوحل.. ولقيتها
بالجد بعد تغبيش الوعي و غسيل الدماغ الحصل لي تخيلتها فعلن سمبريةٌ تسعي
وقلت والله بالجد أنا كنت مطلش و ما مركز و فعلاً محتاج للبعدل لي كراسي راسي ،،

♤ ومن ديك وعيييك مرت الليام و الشهور و الدهور.. و أنا في إحدي زياراتي للبلد .
ألاقي ليك كبيرنا زاتو الذي علمنا سحر البيان (مرشد التايهين وقتها) عربيتو مبنشرة واقف
في الشارع نزلت سلمت عليهو وكان معاهو المدام قلت ليهو علي مهلك استريح لامن ربطت
اللستك في العربية و بقيت متخارج فمن باب رد الجميل قال لي: تعال سلم على المدام .أها لامن
" مديت يميني بلا كلام ما قدرت قدامك أقيف"بس "يا معاين من الشباك يا أحلى زةل شفناك" يشهد الله
شوف عيني دبل البياكلن الدود وش جكسويتي زاتا الما بيغباني ألقاها ليكنفس سمبريتي بزااتها و صفاتا لكن وشها كفلقة قمر التمام.. متوهطه تب جنبو و ترضِّع ليها في شافع أتاريه عمك كان مدقسني و من الزمن كاتل
بيها ملف.أها من الزمن داك نقشت ليكم نظرية [الدولة العميكة] وبقيت أنا ماني عارف زاتييقولو علي[مالك الحزين] ولا أبو السعن!! فا شنو ،غايتو نقول أمرنا لله؛ لكن تاني مرة اصحي يا بريش!!
∆مع تحية خاصة لود البوش ،السيناريو دا مفصل عليه∆
😊👋 😊👋

تخريمة:بعد درامة السمبرية واحد من عروبنا شمتان فوقي
قاللي يا حليلك السمبرية ختفا أبو ااحصيت(الثعلب) و خلاك تتلفت
مشتح الإضنين قلتلو: يعني قصدك أنا طلعت أبو العفين و لا كيف يا
معفن أعدل گلامك و لابلاقيك في فرقة و بلحسك مرقة(ماجي).
~~~~~~~~~~~~~~~~
¶عمك كرستلاوي مغترب في السعودية . عايش خرمان ريقو ناشف
لامن يوم داك جاي نازل إجازة اتصل بصاحبو من الزمن الجميل يلاقيه
يستقبلو. فداك جاه ليك بجركانتو مليانة بالزي منو . لكن الموشكل إنو نسيبو
أنصاري سنة برضو حلف إلا يجي معاه . فهم راجعين في الطريق و بعد السلامات
وتبادل و عبارات الشوق و الريد و الحنين الدافق صاحبو قاللو: و الله ياخ جايب
ليك معاي هدية بتحبها موت علا لكن الظاهر ما ليك في الطيب نصيب ، لأنو زي ماك
شايف قطرنا فيه عسكري ؛ فماني عارف كيف نضرب السنة دي قدام نسيبك الحقنة
دا، غايتو علا بعد نوصل ، داك طبعن شفقان قاللو: نوصل وين ياخي ما برضو حا يجونا
مية حقنة يساهرو بينا صباحي . قاللو: يا زول ابشر تب، و ما يتحيَّر علا مغَيَّر؛ فوضعو ليها
الخطة (ب) قاللو: في الطريق إتا تشيل الجركانة تنزل تضارىبيها وراء بُتُّق الشدر ويلا تكجر من
فوقا هدومك و تتململ تعمل فيها زي البتتسير و يلا تاخد لك منها كرعة كرعتين تلاتة تملأ قرنك
تب و تجي راجع تناولني ياها أنا حتي أشيلا أطلع بيها زي الناس و أجي و هلم جرا . فصاحبنا
الوهابي عگليتة شايفم بعملو في العملية المهببة دي قال ياربي الجماعة ديل عندهم سلس
بول و لا انفلات ريح ولا شني الحكاية ؛ الكلو شوية شايلين الجركانة مسوين بيها الدرب
ساساقة و يجو فقام لاقى عمك و هو راجع مسك منو الجركانة قال حتو داير يكطع
الجمار و بالمرة يتوضأ للعصر.دا بس عشان ربنا يكشف أمرهم.فلامن بقو في
في فتيل غايتو اضطرو يوروه إنو دي فعلن موية نار صافية لامن شفافة؛
لاكين ما طاهرة و غير صالحة للاستنجاءذد«كطع الجمار » ناهيك
عن الوضوء فشايفين كيفن، يعني برضو ما بتخبر علا مغير.
.

🤣🤣🤣🤣🤣🤣🤣🤣🤣
♧ لستُ مجنوناً .. و لكن جئتُ رغمَ أنفي£

♤ الجريمة التي أثارت دهشة مصر و زلزلت أكان رأيها العام
- إذا گان لها رأي- فمنذ گم سنة، و التي تبعثك على فر البسمة
و لو صفراء على الرغم من ضيق ذات الشلاضيم ، هي شيطنة
سائق سيارة إسعاف كُلِّف بنقل رهطٍ فاقدي الذاكرة
إلى مصحة الأمراض العقلية بحي العباسية .

▪ أثناء الرحلة شعر السائق بالنعاس و (الخرمة)
لشرب كوب من الشاي الكشري و تدخين النارجيلة
(الشيشة).هكذا توقف في مقهى و نزل ليعدل دماغه.
ثم عاد إلى سيارته ليتفاجأ بهم وقد افرنقعوا و لم يبقَ
منهم مجنونٌ واحدٌ، و هذا يعني أن ركابه يجيدون فتح
أبواب السيارات. إذن فهم إذن أصلا ليسوا بمشكنبين
بل أصحاءٌ يتمتعون بكامل قواهم العقليةِ و النفسية
المعتبرة شرعن و غانونن؛ فماذا يصنع بهذه
الورطة ووااميلة بالف نيلة و نيلة؟!

▪ لم يعرف كيف يتصرف و يسدد الدفاتر في مستشفى
العباسية التخصصي لعلاج تامسحلبي ؛هنا خطرت له فكرةٌ
جهنميةٌ هي أن يتوجه إلى أقرب موقفٍ مكتظٍّ و ينادي على
الركاب : "عباسية نفر.. علينا جاي مجاناً يا مستعجل!".

▪ كانت ساعة ذروة زحامٍ والمواصلات شحيحة، هكذا تدافع
الركاب الأعمى شايل المكسر و قفزوا إلى بطن (شريحة) الإسعاف،
و قد ظنوا أنه سائق سيارة إسعاف فهلوي يحاول التحايل على
الحكومة و داير يعمل (كُرُب) للظفر ببعض المال.

▪ انطلق السائق المحتال إلى مصحة الأمراض العقلية ليفرغ
حمولته هناك و يحصل على إيصال التسليم ، و ما يثبت لإدارة
المصحةخلو سبيله من أية مسؤولية، ثم نفد بجلده.

▪ طبعًا ما حدث بعد هذا جدير بأن يصنف الحادثة كواحدةٍ
من عيون الأدب العالمي كروايات أكاجثا كريستي البوليسية.

▪ الركاب البدلاء كان بينهم العامل الكادك و المادح و المدرس
المطحون والموظف المهموم و المحاسب المديون و البائع المتجول
و (سيد اللبن جاء يا نفيسة و اداني قرشين و تعريفة) . فضلوا يؤكدون
للأطباء و طواقم التمريض بتلگ القلعة الصفراء أنهم عقلاء، و أن خدعة
(بتِّي كلب) انطلت عليهم لتُوقِع بهم هنا في شر أفعالهم خلف القضبان.

▪ لكن دفوعاتهم تلك باءت بفشلٍ ذريع، فهي لم تعدُ أكثر من كونها
بالضبط استعراضاً عملياً لتصرفاتٍ تساعد على تشخيص حالاتهم على
أنها الجنون في آخر مراحله. كقولهم مسلن : « كنا فاكرنها سيارة نقل عام»
..« طبعًا.. طبعًا.. سيارة نقل عام تبدو كسيارة إسعاف.. جميل جدًا » إذن لا
عليكم .. و لكن ، يلا ألبِسوهم السترات البيضاء أو بالأحرى أحشروهم
فيها حشراً كما الكلاب الضالة.

▪استغرق الأمر أسبوعًا كاملاً أمضاه الضحايا في شدٍ و جذبٍ و قضمٍ
للأظافر قبل أن يعرف الجميع الحقيقة، وقد تم تقديمفيلم سينمائي
كوميديٍّ ساخرٍّ بهذا السيناريو المضحك المبكي.

▪ فكما قلنا لكن: أنها لحسة كوع في زماننا هذا و ببلدنا
الحبوب هذا أن تثبت أنك عاقلٌ بينما يصر الآخرون على رؤية
غير ذلك لسببٍ ما، و أنو رأسك مافيش و في يدينك كلابيش
(اخفظ مالك)و نصيحتنا ليك لوجه الله:أن تركب نمرة (11)
و تمشي كداري بدل سيارة إسعاف يتظاهر صاحبها بأنها
نقل عام و أنه فاعل خيرٍ يريد الثواب.
🤣🤣🤣🤣🤣🤣🤣

♧ ياخ أكتر ناس ظابط معاهم السقط
هم قصار القامة، تلقاهم الواحد يتمغى مرتاح
و ملفلف نفسو جوة قنجة و لا حت إن شاء الله فتقة
قرقاب ، عامل متل حشوة الشاورما بالبيض.
∆ لكن تعال لي أبان سيقان طوال التيلة ، تلقى
الواحد يتململ و يتقلب متل السنسنة الحمراء و
يجابد في الملاية ترا مشختفة لاهي لاحقة جاي
و لا جاي ، أكان قدرت غتت ليهو راسو تگشف
گرعينو و العكس صحيح تراهو متل
التگتگ الشاحن مواسير !!!

#أضحكتني

‏عندنا في#السودان الآبري ذلك المشروب
السحري العجيب حد الخرافة، إذ له وجهان
الشيء و ضده (حلو/مر ) ؛ و نحن لا نجد له
مثيلا سوي شهاداتنا الكرتونية من گل جامعاتنا
و گلياتنا المتفشية هنا و هناك، گما النار في الهشيم
على أن وجه التشابه و القاسم المشتركة الأعظم
بينها و الحلو مر أنك تتعب في گل منهما
كده لامن عينك تطلع و بنهابة المطاف
تبله ، و تشرب مويته. 😆😆😆

لقيتو ليك واقف لط حيلو ما شايلو ،
وشغال يخيط في الشارع سبعة تمانية
قلت ليهو : شنو يا زول الشغل ده ما قلت خليتو ؟ 🤔
قال لي : والله ياخ خليتو لكن الايام دي محتفلين بالعيد وكده 😇
قلت ليهو : عيد شنو يا زول 😳
قال لي : عيد الام 😌
قلت ليهو وده علاقتو شنو ؟
قال لي :يااااخ دي مااا اُم الكبائر زاااتا!!
😂😂😂😂

♧ لست مجنونًا، و لكن جئتُ رغما عن أنفي £
(دفع الله ود الأصيل)
∆في ولد سأل أمو: ليش في عيد للأم
وما في عيد للأب فشدقتو و شدتو من أضانو
و ردت عليه وهي مطنقرة شايلا أخلاقا في راس
مناخيرا:😡 اسمع هنا يا شافع الجن أنت، و ركز معاي
كويس:في سفن أب ومافي سفن أم😠 وفي واتس أب
ومافي واتس أم 😠وفي كاتش أب ومافي كاتش أم
و في برضو علي بابا ومعاه 40 حرامي ومافي
علي ماما 😠 يعني ما ركزت إلا في اليوم
عيدي الما قاعد يجي في السنة فرد مرة
دا و بس..موجعك خالس يعني؟!
يلا قوم انقلغدع و لف من هنا،
داهية تخمك و تاخدگ أنت
وتاخد أبوك زاتو معاگ!!

‏
[} أعمامك كبار جابو طعمية حاااارة
و دورو كشتينة و مشغلين شريط عبدالكريم
الكابلي قديم جاهم جارهم ما بيلعب كشتينة
قعد يتفرج و يلقط في الطعمية لما كملها كلها
جنبة الشريط إنتهت
قال ليهم الشريط ده جنبتو التانية فيها شنو
واحد من أعمامك زعلان منو قال ليو فيها أقاشي
😂😂😂😂😂😂😂

ﺍﻟﻮ...الو...
ﺍﻳﻮا يا نزار ﺩﻯ ﺍﻧﺎ ﻣﺤﺎﺳﻦ
ﻣﺎ ﻋﻨﺪﻯ ﺭﺻﻴﺪ
ﺿﺮﺑﺖ ﻟﻴﻚ ﻣﻦ ﺗﻠﻔﻮﻥ إحسان ﺍﺧﺘﻰ
😄 رد نزار : ضاربة لي مالك...ﻓﻰ ﺷﻨﻮ تاني؟ ﻗﺒﻴﻞ ﻣﺶ ﻫﻴﺠﺘﻰ
ﺍﻟﺪﻧﻴﺎ ﻭﺟﺒﺘﻰ ﺍﺑﻮﻙ ﻭقلتي دايره الطلاق وﺍﺗﻔﻘﻨﺎ ﻋﻠﻰ كدا؟!
👩ﺃﻳﻮا ﺗﻄﻠﻘﻨﻰ ﺑﺲ
😄ﺧﻴﺮ خلاص خليها التصبح الواطة
ﺑﻜﺮا ﺩي بطلقك
ﻭﺍﺟﻴﺐ ﻟﻴﻚ ﻭﺭﻗﺘﻚ ﻟﺤﺪﻯ ﺑﻴﺖ ﺍﺑﻮﻙ ﻛﻤﺎﻥ
ﻋﺎﻳﺰﻩ ﺣﺎجة ﺗﺎﻧﻰ؟
👩 عاوزة ﻣﻨﻚ ﺷﻨﻮ ﺗﺎﻧﻰ؟
ﻫﻮ انت ﻋﻨﺪﻙ ﺣﺎﺟﻪ ﻳﻌﻮﺯﻭﻫﺎ؟
ﻳﺎ ﺍﻟﻜﺘلاﻥ ﻳﺎ ﺍﻟﻌﺪﻣﺎﻥ ﻳﺎ ﺍﻟﺼﺮﻣﺎﻥ يا السجمان يا الرمدان
ﻣﺎ ﻋﺎﻳﺰﻩ ﻏﻴﺮ ﻭﺭﻗﺘﻰ ﺑﺲ
ﺍﻳﻮا ﺗﻄﻠﻘﻨﻰ
ﺍنت ﻗﺎﻳﻞ ﺑﻨﺎﺕ ﺍﻟﻨﺎﺱ لعبة ﻓﻰ اﻳﺪﻙ !!
ﻳﺎﻳﺎﺑﺎ ﺟﺎﻳﺐ ﻟﻰ ﺍﻟﻤﻌﺪﻭﻡ
ﻭﻻ الدهب المختوم
ﻭﻻ ﻭﺻﻠﺘﻨﻰ ﻣﻄﺎﺭ ﺍﻟﺨﺮﻃﻮﻡ !!
ﻣﺎ ﻋﻤﺮﻱ ﻛﻠﻮ ﻗﻀﻴﺘﻮ ﻣﻌﺎﻙ ﻓﻰ
ﺍﻟﺸﻠﻬﺘﻪ واللهلهة والبهدلة ﻭﺍﻟﺒﺸﺘﻨﻪ
ﺍﻗﻌﺪ ﻣﻌﺎﻙ ﻟﻴﻪ !!
ﻣﻦ ﺍلتلاجة ﺍﻟﻤﻠﻴﺎﻧﻪ
ﻭﻻ ﺍﻟﺠﻴﻮﺏ ﺍﻟﻮﺭﻣﺎﻧﻪ
ولا.......
ﻣﺎ ﺧﻠﻴﺖ مرا ﻓﻰ ﺍﻟﺤﻠﻪ ﻣﺎ اتدينت منها
ﻣﺎﻟﻚ ﺍنت ﺷﺎﻳﻞ ﺣﺎلي ﻭﻧﺎقر ﻃﺎﺭيﻳﻮﻡ ﺟﺒﺘﻨﻰ
ﻣﻦ ﺑﻴﺖ ﺍﺑﻮﻯ ﻣﺎ كنت ﺯﻱ ﺍﻟﺰﻫﺮﻩ المفتحة
ﻣﻴﺔ ﺭﺍﺟﻞ ﺇﺗﻘﺪﻡ ﻟﻰ ﻣﺎ ﺇﺷﺘﻐﻠﺖ ﺑﻴﻬﻢ !!
ﻓﻴﻬﻢ ﺍﻟﻤﻬﻨﺪﺱ ﻭﺍﻟﺪﻛﺘﻮﺭ ﻭﺍﻟﻤﺤﺎﺳﺐ
ﺍﻻ بس ﺍﻟﻨﺼﻴﺐ ﻭﻗﻌﻨﻰ ﻓﻴﻚ
ﺍن شاء اﻟﻠﻪ ﺗﻘﻊ ﻓﻴﻚ ﺣﻴﻄﻪ
ﺍﻧﺎ ﺷﺒﻬﻚ؟!!
ﻳﺎ ﺍﻟﻠﻪ ﻗﺒﺤﻚ
ﻭﻻ ﺷﺒﻪ ﺍﻟﺒﺸﺘﻨﻪ والعشتنة ﺩﻯ؟
ﻣﺎﻓﻰ ﺣﺎﺟﻪ ﻏﻴﺮ ﺍلطلاق
ﺑﺲ ﺗﻄﻠﻘﻨﻰ ﺑﻜﺮا من الصباح
ﻭﺍﻧﺎ ﺭﺍﺟﻴﺎﻙ ﻓﻰ ﺑﻴﺖ ﺍﺑﻮﻯ
😄 ﺍﻧﺘﻰ ﻫﺴﻪ ﺑﺘﻨﻘﻲ ﻣﺎﻟﻚ؟
نحن ﻣﺶ ﻗﺒﻴﻞ انتهينا من ﺍلكلام ﺩﺍ
وشلتي شنطتك ﻭﻣﺸﻴﺘﻰ ﻣﻊ ﺍﺑﻮكي؟
ﺍﺻﺒﺮﻯ ﺑﺲ ﻟﺤﺪﻯ ﺍﻟﺼﺒﺎﺡ ﺑﺘﺠﻴﻚ ﻭﺭﻗﺘﻚ لحدي بيتكم
👩 ﺍﻟﺼﺒﺮ يا يمه ﺍﻧﺎ ﺧﻠﻴﺖ ﻓﻴﻬﻮ ﺑﺎﻗﻰ ﻣﻌﺎﻙ؟
ﺃﻳﻮا ﺑﺲ ﻭﺭﻗﺘﻰ
ﻣﺎﻓﻰ ﺍﻯ ﺣﺎﺟﻪ ﺗﺎﻧﻰ ﺑﺘﻠﻤﻨﻰ ﺑﻴﻚ
ﻣﺎﻟﻰ ﻳﺎ ﻳﻤﻪ ﻣﺎ ﻋﻨﺪﻯ ﺍﺑﻮ
ﻭﻻ ﻣﺎ ﻋﻨﺪﻯ ﺍﺧﻮﺍﻥ؟
ﻭﺍﻟﻠﻪ ﺍﺧﻮﺍﻧﻰ ﻳﺴﺪﻭ ﻋﻴﻦ ﺍﻟﺸﻤﺲ
ﺷﻨﻮ ﺍﻟﺒﻘﻌﺪﻧﻰ ﻣﻌﺎﻙ ﺗﺎﻧﻰ؟
ﺍﻧﺎ ﻧﺎﻗﺼﻪ ﻫﻢ ﻭﻻ ﻏﻢ؟
ﻭﺍﻟﻠﻪ ﺍﻟﻬﻢ ﺍﻟﺸﻴﻠﺘﻨﻰ ﻟﻴﻬﻮ ﻣﺎﻓﻰ ﻣﺮا ﺑﺘﺸﻴﻠﻮ
ﻳﺎ ﻋﻴﺸﺔ ﺍﻟﻌﺪﻡ ﻭﻭﻻﺩﺓ ﺍﻟﻨﺪﻡ
ﺍﻧﺎ ﻛﺎﻥ ﻣﺎ ﺻﺒﻮﺭة ﺑﻘﻌﺪ ﻣﻌﺎﻙ ﺍنت؟
مالي يا يمة ﻧﺎﻗﺼﻪ ﺷﻨﻮ ﻣﻦ ﺍﻟﻨﺴﻮﺍﻥ؟
ﻛﻞ ﻳﻮﻡ ﺍﻧﺎ ﺍﻗﻮﻝ ﺑﻜﺮا ﺗﺘﺼﻠﺢ وتتألف وتتسمح
ﻭﺍنت ﻣﺎﺷﻰ لوﺭﺍﺀ
ﻗﻠﺖ ﻟﻴﻚ ﺷﻮﻑ ﻟﻴﻚ ﺷﻐﻞ ﺑﺎﻟﻠﻴﻞ
اشتغلت ليك ﺍﺳﺒﻮﻉ ﻭﺍﺣﺪ ﻭﺟﻴﺘﻨﻰ ﻋﺎﻭﺝ ﺑﻮﺯﻙ ﺍﻟﻤﺎﺑﺸﺒﻪ ﺑﻮﺯ
ﺍﻟﺮﺟﺎﻝ ﺩﺍ .ﻗﻠﻨﺎ ﻟﻴﻚ ﺃﻏﺘﺮﺏ ﻭﺳﻮﻗﻨﺎ ﻣﻌﺎﻙ ﺷﺎﺑﻜﻨﻰ ﻣﺎ ﺑﻘﺪﺭ ﺍﻓﺎﺭﻕ ﺍﻟﺒﻠﺪ
ﺍنت ﺍﻟﺒﻠﺪ ﻋﻨﺪﻙ ﻓﻴﻬﺎ ﺷﻨﻮ ﻏﻴﺮ ﺑﻨﻄﻠﻮﻧﻚ ﺍﻟﻨﺎﺻﻞ ﺩﺍ ﻭﻋﺮﺍﻗﻴﻚ ﺍﻟﻤقطع دا
😃 ﻳﺎ ﺑﺖ ﺍﻟﻨﺎﺱ ﺍﻧﺘﻰ ﺩﺍﻳﺮﻩ ﻣﻨﻰ ﺷﻨﻮ ﺗﺎﻧﻰ؟ ﻭﺭﻗﺘﻚ ﻭﺑﺘﺠﻴﻚ ﺑﻜﺮا
👩 ﺑﺎﻟﻠﻪ ﺷﻮﻑ ﺩﺍ !!
يورق صفقتك يايابا شاحدة ليك الله
ﺍﻟﻮﺭﻗﻪ ﺩﻯ ﺍﻧﺎ ﺍﻟﻄﻠﺒﺘﻬﺎ
ﻭﺍﻧﺎ ﺍﻟﻤﺼﺮﻩ ﻋﻠﻴﻬﺎ.
ﻗﺎﻝ ﻭﺭﻗﺘﻚ ﻭﺑﺘﺠﻴﻚ ﺑﻜﺮﻩ!!
ﻭﺍﻟﻠﻪ ﺍنت ﻭﺭﻗﺘﻚ ﺫﺍتها ﺗﺠﻰ ﻣﻜﺮﻓﺴﻪ ﺯي وشك
ﺍنت ﺷﻨﻮ ﺍﻟﻌﻨﺪﻙ ﺍﻟﺒﻴﺸﺒﻪ ﺣﺎﺟﺎﺕ ﺍﻟﻨﺎﺱ؟
امشي طوالي ﻋﺮﺱ ﺑﺖ ﺟﻴﺮﺍﻧﻜﻢ ﺍلعينها ﻃﺎﻳﺮﻩ ﺩﻳﻚ
ﺍﺻﻠﻬﺎ ﺗﺸﺒﻬﻚ ﻭﺗﺸﺒﻬﺎ
😄 ﺍن شاﺀ ﺍﻟﻠﻪ بعرسها ﺧﻼﺹ ﺍﻗﻔﻠﻰ ﺍﻟﺘﻠﻔﻮﻥ ﻭﺑﻜﺮا ﻧﺨﻠﺺ ﻣﻦ ﺍﻟﻤﻮﺿﻮﻉ ﺩﺍ
👩 ﺃﻳﻮا ﻧﺨﻠﺼﻮ..ﺩﺍ ﻳﻜﻮﻥ ﻳﻮﻡ سعدي وهنايا ﺍﻧﺎ ﻗﺎﻋﺪﻩ ﻣﻌﺎﻙ ﻋﺸﺮة
ﺳﻨﻴﻦ ﻣﺎ ﺿﻘﺖ ﺭﺍﺣﻪﻋﺸﺮﻩ ﺳﻨﻴﻦ ﻳﺎ نزار ﺍﻧﺎ ﻗﺎﻋﺪﺍﻫﺎ ﻣﻌﺎﻙ وصابرة
معاك علي الحلوة والمرة ﺍﺧﺮتها ﺗﻘﻮﻝ ﻟﻰ ﺑﻌﺮﺱ ﺑﺖ ﺟﻴﺮﺍﻧﺎ ؟!!
😃 ﺍﻧﺘﻰ ﻣﺶ ﻗﻠﺘﻰ ﻟﻰ ﻋﺮسها؟!!
👩 ﺗﻌﺮسها يا نزار !!
يعرس ركبيك ان شاء الله ﻳﺎ نزار
ﺗﻌﺮسها ﻓﻮﻗﻰ ﺍﻧﺎ؟
😄 ﺍﻧﺘﻰ ﻣا قلتي ﻋﺎﻳﺰﻩ ﺍلطلاق
وقلتي لي اعرس بت جيرانا البتشبهني؟
ﻋﺎﻳﺰﺍﻧﻰ ﺍﻗﻌﺪ ﺭﺍﻫﺐ ﺑﻌﺪﻙ؟
👩 ﺗﻘﻌﺪ ﺍن شاء اﻟﻠﻪ ﻓﻰ ﺟﻬﻨﻢ يا نزار
ﺧﻼﺹ ﺍﻧﺘﻬﻴﻨﺎ
ﻭﻛﻼﻡ ﻛﺘﻴﺮ ﺍﻧﺎ ﺫﺍﺗﻰ ﻣﺎ ﺩﺍﻳﺮﺍﻫﻮ ﻣﻌﺎﻙ
👩 نسيت اكلمك ﺍﻧﺎ ﻗﺒﻴﻞ طلعت مستعجلة ﺧﻠﻴﺖ ﺍﻟﻬﺪﻭﻡ
ﻓﻰ ﺍﻟﺤﺒﻞ ﻟﻤﻬﻢ ﻭﺩخلهم ﺟﻮﻩ ﺍﻻﻭﺿﻪ شايفة في غبار
ﻭﻣﺎ ﺗﻨﻮﻡ ﻓﻰ ﺍﻟﺒﺮﻧﺪﻩ ﺍﻟﺠﻮ ﺑﺎﺭﺩ شديد ﺍﻟﻠﻴﻠﻪ
ﺍنت ذاتك زي الشفع ﻣﺎ ﺑﺘﺘﻐﻄﻰ ﻛﻮﻳﺲ
بكرا تعديها لي كلها تعطس وجرسة وما بتتحمل
النزلة عشان نزلتك كعبة شديد وبتجيك معاها حمى
انت اسع اتعشيت وبلعت حبوبك والا لا؟
😃 ما اتعشيت ولا بعلت الحبوب؟
👩 مالك يا نزار داير تعمل لي جلطة
الدكتور قال ليك شنو؟! ما قال تتعشى وتبلع الحبوب؟!
كُرْرْرْرْ علي يا يمة خلاص ﺑﻜﺮا ﺗﺠصمان ﺃﺧﻮﻱ ﻣﻦ ﺍﻟﺴﻌﻮﺩﻳﺔ
ﻭﻗﺎﻟﺖ ﻣﺎ ﻋﺎﻳﺰﺍﻫﺎ..ﻋﻨﺪﻫﺎ بطانية غيرها..ﻗﺎﻟﺖ ﻟﻲ شيليها غتي بيها
اولادك من الصقت ﻭﺑﻌﺪﻳﻦ ﺑﺮﺿﻮ ناس ابوي لقيت ﻋﻨﺪهم ﺃﻧﺒﻮﺑﺔ ﻏﺎﺯ
شل ﻣﻠﻴﺎﻧﺔ، وما محتاجين ليها في اتنين غيرها نشيلها ﻣﻌﺎﻧﺎقلت لي امي
والله نزار يوم داك جاء مصدع من صف الغاز..ﺑﻜﺮا من ﺍﻟﺸﻐﻞ ﺗﻌﺎﻝ
ﻋﻠﻴﻨﺎ ﻋﺪﻳﻞ ﻧﺘﻐﺪى ﺳﻮﺍ مع ناس امي مشتهينك ﻭﻧﻤﺸﻲ بيتنا.عادل اخوي
بيوصلنا بالأمجادما ﺗﻔﺘﻜﺮ يا نزار ﺃﻧﺎ ﻣﺎ ﺯﻋﻼﻧﺔ ﻣﻨﻚﺃﻧﺎ ﺯﻋﻼﻧﺔ
ﺷﺪﻳﻴﻴﻴﻴﺪ والله ﺑﺲ ﻗﻠﺖ ﺍﻟﻠﻪ ﻳﻠﻌﻨﻚ ﻳﺎ إبليس اللعين
+ فا شنو، علييييييكم الله في احلي من السودانية ؟!
😂😂😂😂😂

مطباية نواعم.. و زي ما قلنا جت تنصاب وقعت فيها
«و يا حافر حفر السو.. وسع مراقدك فيهن»
: بسم الله الرحمن الرحيم
السلام عليكم و رحمة الله و بركاته

🌹🌹🌹🌹استفتت الشيخ خلاها تكره روحا لما جاوبها بعقل!
سؤال: زوجي يطلب مني خدمة أمه، بحجة أنها مريضة تحتاج لمن يخدمها، فهل واجب علي خدمتها؟
=-=-=-=-=-=-=-=-=-=-=-=-=-=-=-=-=
الجواب: لا يجب عليك خدمة أمه، بل خدمة أمه واجبة عليه هو، وليس له أن يلزمك بذلك.

وانصحه بثلاثة حلول:
الأول: أن يأتي بأمه إلى بيته ليتمكن من خدمتها بنفسه هو وأولاده الذين هم أبناؤها كذلك، فخدمتها واجبة على أحفادها كما هي واجبة على ولدها.

الثاني: إن لم يتيسر هذا الحل، فيلزمه أن يذهب هو إليها لخدمتها في مكانها، ولو تطلب الأمر أن يبيت عندها الأيام والليالي إن كانت تحتاج إلى ذلك.

الثالث: إن لم يتيسر له ذلك، فيجب عليه أن يستأجر لها من تخدمها وتمرضها، وهذه النفقة واجبة عليه، فيلزمه أن يقتصد في معيشتكم على القدر الواجب في النفقة ليوفر ما يدفعه للممرضة.
وإن كان في دخوله على أمه والممرضة عندها ما يثير الحرج أو الشبهة أو الفتنة، فأنصحه بأن يتزوجها، فيجمع بين المصالح، خدمة أمه، ودفع الفتنة والشبهة عن نفسه.

وطبعا هذا من حقه، لأن نفس الشرع الذي تتمسكين بحكمه في عدم وجوب خدمة أمه عليك، هو الذي حكم له بجواز التعدد.
وخليكي أنت في بيتك معززة مكرمة لأنه لا يجب عليك خدمة أمه طبعا.

🌷🌷🌷🌷🌷
و السلام عليكم و رحمة الله و بركاته.

∆[٢٤/‏٥ ١٨:٠١] دفع الله الأمين ود الأصيل:
شيخ ود لزينة ،زلكن دقس في حتة إنو الخدامة
الجابوها دي من يعرسا بسقط عنها اجب خدمة أمو،
و ليها برضو تفقة،؛ ويا ابد زيد كأنك ما غزيت.

دي قصة واحد مغترب بخيل كُرتاحة يكطع الخميرة ن بيت النمل
حصلت زمن التراسل بالجوابات،أها عندو خالو رباطابي في البلد رسل
ليهو جواب قاللو دايرمنك تجيب لي ساعة، صاحبنا رد لخالو قاللو: داير
ياتو نوع؟ الخال رد ليهو بجواب قاليهو ما فارقة جيب أي نوع.المغترب قعد
يتمحرك شهر شهرين والتالت مرة حتين ردالوو بجواب تاني ، قال ليهو داير
ياتو لون و بعداك سالو: داير حجما يكون كيف؟ و طبعاً الجواب بياخد زمن
لحدي ما يصل. الخال أخلاقو جات هنا وعرف الفولة ماكولة قاللو يا ود اختي
الفيك عرفناها خلاس ، علا لاكين أنا طالب منك تجيب لي ساعة و لا
تفتش لي بقرة بني اسرائيل نضبحا ونفرِّق لحما؟! بالله قوم لف على
حيلك يا عاطل ، ثكِلتك أمك و أخواتك من الرضاعة😂

πفتش عن جقور الدولة العميكة £
إحباط محاولة تهريب حمولى 2 طن عقارب (ميتة)
كما ورد رسميا. لعمري إنه لجهد يستحق منا الإشادة بما
يبذله رجال هيئة جماركنا الفتية من تضحيات بعينونعا الساهرة
ذودا عن حياض أقتصادنا الوطني، و صونا لموارد البلاد، خصنا
حصينا و سدا منيعا لثغرات التلاعب بقوت العباد.
(} جدير بالسكر ان شحنة العقارب كانت في طريقها
خارجا لأغرلض تصنيع السميات و الأدوية، خلافا
لقوانين صادر/وارد و ضبط الحياة البرية{موش
حياتنا نحنو أمة خير البرية}.
التعليق :
¶سعال1): هن العقارب عمرهن بكتلن؛ و هسي الكتلن شنو؟؛ أكيد في حاجة غلت؟!
¶سعال2) بعدين وكتين الموت بقى بالصمايت صمايت كدي، أولى هن و لا الجقور ديلك
النخرن كبري المنشية من تحت.
دا طبعن كان بقت على عقارب و جقور أمات ضنب البنعرف ديلك؟!
(} كسسسرة/
∆ و لكن جاءنا في ما وراء الخبر إنو الموضوع فيه إنة
{ إنا لله و إنا إليه راجعون}. طلع دا كولو تمويه؛ و من لونن
المصفر تبين إنو العقارب بنات الذينة بسفن رملةمطلية بموية
دهب. فا سنووو، ياخي ياما ورا السواهي دواهي.

*صو ر شعبية في الذاكرة
عن نماذج بشرية ربنا براو عالم خلقم لي شنو،
1) نوع الجاي حيلو مههدود داك ومرتو تخت لي الأكل
وتبدأ تحكي ليه في شمارات الحلة أكان ساي تفتح له شهيتو،
يقوم ينفض يدو حردان من الكسرة و تترب يقمزقايم مارق،
لشنو، لأنو بس عجيل ناس فلانة قالو: وقع في الطملة و ما
لقالو زول أبو مروة يرفعو، لأنو ضنبو قالو مقطوع!!
2) ولا واحدن أأخوين لينا معرس ليه مدة و الناس بتسألو :
أها آ زول إن شاء الله قربتو تبقو تلاتة ، يعني شنو تلاتة كمان
بعدما عرسنا وانتهينا، ياخي إن إن شاء المرة حملت؟! أيوااا، والله
ماني خابرا علا خايتو زي الشايف أضانا بدت تصسر، أقبض، تنخت
عليك آشقي، يعني أتاريو زولنا النجيض شغال ينكت في العضان،
ولسة ما عرف يجي مشاقق بالدرب التحت، يا السايق بالفيات
قوووم بي و أخد سندة ، بالدرب لتحت تجاه ربوع هندة..
3) والله كمان دا أخونا تربالي من أهلنا ناس العوض زهجان
من مزازة الخيران لقضاء احاجته الطبيعية، فراح مشغل مخو
و غفل أمو مشى سوق أم دفسو جلب مونة سنتم باعاج ت و حفر
ليهم بالقريشات أدبخانة عشان" يمرقو فيها زي الناس" ،أها وكتين
أمو كشفت المأمرة، هاجت وماجت قالتلو: سمح آ جناي الدخري
عشا البايتات و مقنع الكاشفات ومدرج العاطلات و كتين بعت
مونة سنتنا ،أدبخاانتك الحافرا دي بعدينك بتملاها بي شنو؟!
* ياخي ينعل أبو دي عيشة ظاطو، والله لولا ناس طيبانين
وحلوين زي ديل نحن ما نستحق زاتو ينزل لينا مطر!
ربنا يا ربنا رينا جيب المطر عا بلادنا
يا ربنا رب السعود واسقي غنمنا والقعود

[ ∆واحد قال لصاحبه المرة دي مخوفاني عديل كـدي.
قال ليو خلاس امشي البيت و أنت من هنوك جاري النم مع ااحردلو
بالدوباي، و لو لقيت الباب مقفول ماتدقو شلتو بكراعك شديد،نظام
وصل تمساح جزاير الكرد ..البيضى«الغرد» ويمدغ قرض يلا تدخل
عيدلبعا تلقاها راقدة رز بسمتيو تقعد تكسر ليك تلج، قال سمح
∆مشي ورجع حانف وشو ،صاحبه قال ليهو؛ أها كيف*؟
قال ليهو مشيت ورحت مشلت ليك الباب كراااوو*
المرة بأعلى حسها المفروض قالت ( تك)*
أنا قمت صوف والغنمايه جرينا جنبي
شتحت كرعينا و بالت في محلها!
😂😂😂😂
∆سافَر قومٌ ومَعهم سوداني فأصابَهم ريح
عاصِف ثم نَجوا، فأعتق كلٌ منهم مَملوكًا*ک
فقَال السوداني : "اللهم تعام ألا مَملوك لي أعتقه
ولكِن نفيسة بت حاج علي طَالق لوجهكَ ثلاثًا*
😂😂😂😂😂

مرتي بتستقطع مني جزء من الراتب شهريآ بحجة انو لازم يكون
في مبلغ مالي مدخر في البيت تحسبآ لأي حدث غير متوقع ، وفي النهاية لقيتها
اشترت بالقروش دهب .. و لمن سألتها انتي موش قلتي القروش دي لأي حدث
غير متوقع ، قالت لي : انت كنت متوقع انو اشتري بالقروش دي دهب
قلت ليها لا قالت لي : يبقى حدث غير متوقع ..
اتعلمو بالله عشان تعرفو حاة😃

ﻃﺮﻳﻘﺔ ﺍﻧﻬﺎﺀ ﺍﻟﻤﻜﺎﻟﻤﻪ ﺍﻟﻬﺎﺗﻔﻴﻪ ﻓﻲ ﺍﻣﺮﻳﻜﺎ !!! ok bye
😎🇺🇸😎
ﻃﺮﻳﻘﺔ ﺍﻧﻬﺎﺀ ﺍﻟﻤﻜﺎﻟﻤﻪ ﺍﻟﻬﺎﺗﻔﻴﻪ ﻓﻲ ﺑﺮﻳﻄﺎﻧﻴﺔ !!!! good bye
😎🇬🇧😎
ﻃﺮﻳﻘﺔ ﺍﻧﻬﺎﺀ ﺍﻟﻤﻜﺎﻟﻤﻪ ﺍﻟﻬﺎﺗﻔﻴﻪ ﻓﻲ ﻓﺮﻧﺴﺎ !!!!! Au revoir
😎🇫🇷😎
ﻃﺮﻳﻘﺔ ﺍﻧﻬﺎﺀ ﺍﻟﻤﻜﺎﻟﻤﻪ ﺍﻟﻬﺎﺗﻔﻴﻪ ﻓﻲ ﺍﻳﻄﺎﻟﻴﺎ !!! ciao
😎🇮🇹😎
ﻃﺮﻳﻘﺔ ﺍﻧﻬﺎﺀ ﺍﻟﻤﻜﺎﻟﻤﻪ ﺍﻟﻬﺎﺗﻔﻴةبين أهلنا الطيبانين
في السودان هي في الحقيقة بتكون يا دوبك بدت!! 😎🇸🇩😎
- يلا بعد نقول : اها خلاص مع السلامة
- ﺍﻟﻠﻪ ﻳﺴﻠﻤﻚ ﺍﻟﻠﻪ ﻳﺒﺎﺭﻙ ﻓﻴﻚ ﺍﻟﻠﻪ ﻳﺴﻠﻤﻚ ﺳﻠﻢ ﻋﻠﻰ ﺍﻡ ﺍﻻﻭﻻﺩ
ﺍﻟﻠﻪ ﻳﺒﺎﺭﻙ ﻓﻴﻚ ، ﻗﻮﻝ ﻟﻠﺤﺎﺟﻪ ﺑﺠﻴﺐ ﻟﻴﻬﺎ الديمو/ ضراطية بالكحيك
و ﺍﻟﺪﻛﻮﺓ لمن أﺟﻲ
- ﻭ ﺍﻟﺸﻔﻊ ﺩﻳﻞ ﻣﺎﺗﺨﻠﻴﻬﻢ يطﻠﻌﻮ ﺍﻟﻈﻠﻂ
- ﺍﻟﻠﻪ ﻳﺴﻠﻤﻚ ﺍﻟﻠﻪ ﻳﺒﺎﺭﻙ ﻓﻴﻚ ﺍﻟﻠﻪ ﻳﺴﻠﻤﻚ
أﻫﻢ ﺣﺎﺟﻪ ﺣﺎﺟة ﺯﻳﻨﺐ ﺩﻱ بالزات ﺳﻠﻢ ﻋﻠﻴﻬﺎ شديد ﻋﺸﺎﻥ فارقتها
ﺯﻋﻼﻧﺔ ﻣﻨﻲ .. وإتا عارفني زول حريف و ظريف و أكلي رغيف
- الله يسلمك الله يبارك فيك الله يديك العافيه
- وكمان ﻣﺎﺗﻨﺴﻲ ﻣﻌﺰﻭﻡ ﻋﺮﺱ ﺑﻨﺖ ﺍﺑﺮﺍﻫﻴﻢ عثمان بت خالت حبوبتك ام ابوك
. الله يسلمك الله يبارك فيك ﺍﻟﺤﻴﺘﺰﻭﺟﺎ ﻭﺩ ﺣﺎﺝ ﻋﻠﻲ ﺣﺒﻮﺑﺘﻮ ﺑﺘﺒﻘﻲ ﻟﻲ ﺍﺑﻮﻙ وهم
ﺑﻨﺎﺕ ﺧﺎﻻﺕ ﻗﺮﺍﻳﺒﻜﻢ ﺍﻟﻨﺎﺱ ﺩﻳﻞ من الحله والله قريب لى بيتكم وراو طوااالى
- ﺍﻟﻠﻪ ﻳﺴﻠﻤﻚ ﺍﻟﻠﻪ ﻳﺒﺎﺭﻙ ﻓﻴﻚ
😂😂😂
😳😳😳
ﺗﻮﻭﻭﺕ ﺗﻮﻭﻭﺕ ﺗﻮﻭﻭﺕ
- قالو ﺍﻟﺮﺻﻴﺪ كطع طالب نور البِدَع .. قلبي الزاد هله أحماني القيد منع
😂😂😂😂😂
ودمتم سالمين غانمين