|
|
 Re: آن الأوان لكي يحتشد كل ثوار السودان في الخ (Re: عبد الله حسين)
|
اكتوبر الممهور بالدم
صباح الخير
اهلاً مساء النور
زمنًا تجي وبتمر
عبر النشيد المُر
تحت الغنا المحظور
تنده تنادي الشعب
هُب من ظلامك هُب
الشمس جوه الجب
والحكمة خلف السور
ضمِّد جراح الحب
والخاطر المكسور
كنا بنسّنك سن
في خندق الاصرار
في خندق الاصرار
ياما ادخرنّا غناك
ومسكنا فيهو النار
بذلك التيار
اكتوبر الممهور بالدم
صباح الخير
اهلاً مساء النور
شاعر الشعب الشريف محجوب
الثورة السودانية العظيمة تمضي إلى أكتوبر آخر بثبات بنين وبنات
| |
 
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
شهر عشره حبابو
حبابو عشرة
وابقوا عشرة على المباديء
مبدأ الحرية اوّل
لم يحوّر لم يأول
والنضال سكة حياتنا
مهما درب السكّة طوّل
كل شهيد روحو بتنادي
ابقوا عشرة على المبادئ
مبدأ التطهير يصير
ما شعار خاوي وكبير
الحساب لكل واحد
للصنايعي وللوزير
امشوا طهّرو بعدالة
وابعدوا الفاشية غادي
وابقوا عشرة على المبادي
كل ثائر في جهادو
قصدو تتحرر بلادو
نحنا بنساعدو وندعمّ
كل وقفاتو وعنادو
اصلو هدف الثورة واحد
والاعادي هي الاعادي
ابقو عشرة على المبادي
| |
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
30 أكتوبر 2021
الثورة السودانية العظيمة
إلى الأبد ...
أكتوبر ماسك كتف أكتوبر
أعظم شعب وأعظم جيل
ديسمبر وديسمبريون
الملايين يحاصرون الانقلابيين
ويزلزلون الأرض تحت أقادم العسكر القتلة
والشوارع لا تخون
إني أؤمن بالشعب حبيبي وشرياني
نظام القتلة المجرمين يمضي إلى نهايته
والنصر لشعبنا
وللجيل الراكب راس
وللسودان الوطن الواحد ما قد كان وما سيكون
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
الاعتصام ..
رفّة جناح اللهفة في روح ( عبد السلام )..
روعة جسارة ( عظمة ) والشهدا الكرام..
غضب المتاريس العصية..
و دقّة اوتاد الخيام ..
الاعتصام ..
انفض في شارع القيادة العامة..
لكن نبت في كل قطرة دم وقام..
في كل بيت..
في كل قصة ثورة قدام..
في كل شهقة وزفرة في صدورنا إعتصام..
في كل شهيد صعد عند الله محمود المقام
أزهري محمد علي
عالي المقام من قلب الثورة السودانية العظيمة
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
قدام بندقية غنى شهيدنا واقف
وخلف البندقية صورة طاغية راجف
تتباين مواقف بين إنسان قضية ودكتاتور مخالف
حتى النهر جارف يسقى وريد شموسنا ويفرد ضلو وارف
الثورة الفتية ما لون أو زخارف ولا ماعون يلملم جواهو السفاسف
الثورة إشتعالا مسكون بى جمالا حين الحُر يسابق أزمانو ويكاتل
لما الأرض تنبت فى صوتا السنابل تبقى الرحلة ثورة والإنسان قضية
لا حبلاً معلق لا صوت بندقية حد من انطلاقةْ انسان القضيةا
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: هدى ميرغنى)
|
Quote: قدام بندقية غنى شهيدنا واقف
وخلف البندقية صورة طاغية راجف
تتباين مواقف بين إنسان قضية ودكتاتور مخالف
حتى النهر جارف يسقى وريد شموسنا ويفرد ضلو وارف
الثورة الفتية ما لون أو زخارف ولا ماعون يلملم جواهو السفاسف
الثورة إشتعالا مسكون بى جمالا حين الحُر يسابق أزمانو ويكاتل
لما الأرض تنبت فى صوتا السنابل تبقى الرحلة ثورة والإنسان قضية
لا حبلاً معلق لا صوت بندقية حد من انطلاقةْ انسان القضيةا |
الطاغية راجف وخائف لأنه يعلم أن مصيره السقوط والحساب،
والباقي هو الشعب يفعل ما شاء وما يريد،
التحية لك وللشعب السوداني قاهر الطغاة
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
7 نوفمبر 2021
الثورة السودانية العظيمة
تلمم أطرافها بعزم لا يلين
بوقفة المعلمين الثورية
وبحراك مدينة ود مدني
وبالتروس في كل مكان في الخرطوم
وبالعصيان المدني الذي غل أيدي سلطة الانقلاب المجرمة
وتمضي بثبات إلى مليونية 13 نوفمبر2021
كإحدى المعارك
لهزيمة الانقلاب
وإقامة البديل الوطني الديمقراطي
والنصر للشعب السوداني
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
8 نوفمبر 2021
الثورة السودانية العظيمة
الوقفة الثورية في المناقل
اللجان النقابية:
تجمع الجيولوجيين
اللجان التسييرية بشركات النفط
تعليق الدراسة في جامعة الجزيرة
نهوض جماهيري واسع
مدن السودان تنتفض
الثورة السودانية العظيمة
تمضي بثقة إلى ملايينية 13 نوفمبر 2021
معركة وملحمة أخرى
الشعب السوداني
والديسمبريون في الميدان
يا برهان الوسخان وحميدتي المجرم والكيزان
لدحر الانقلاب
نوفمبر ماسك كتف ديسمبر
ديسمبر كمان وكمان
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
11 نوفمبر 2021
الثورة السودانية العظيمة
لقد وقعوا على دفتر الحضور الثوري
لجان مقاومة
لجان نقابية
أحزاب ومنظمات مجتمع مدني
ومن أمامهم وخلفهم وحولهم الشعب السوداني
صارم القسمات
وقاهر الديكتاتوريات
وصانع الثورات
كلهم على الموعد
الثالث عشر من نوفمبر
بتوقيت الثورة
إحدى المعارك الكبرى
التي يخوضها شعبنا البطل
لإسقاط الانقلاب
عاش نضال الشعب السوداني
والنصر لنا
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
13 نوفمبر 2021
الثورة السودانية العظيمة
في إحدى معارك الحرب الكبيرة
ضد نظام القتلة البرهان الوسخان
وحميدتي الجنجويدي المجرم
الملايين يزلزلون الأرض تحت أقدام الطغاة
والخناق يضيق على النظام
وتمضي الثورة العظيمة
إلى الانتصار الحتمي
والنصر لنا
والرحمة للشهداء
وعاجل الشفاء للجرحى والمصابين
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
16 نوفمبر2021
الثورة السودانية العظيمة
تمضي إلى معركة أخرى من معارك إسقاط الانقلاب المجرم
17 نوفمبر 2021
في ذكرى انقلاب آخر مشؤوم
انقلاب عبود
17 نوفمبر 1958
الديسمبريون من جديد في الميدان
الآن الثورة السودانية تمسك بزمام المبادرة تماماً
بينما النظام الانقلابي المجرم محصور تماماً في زاوية ردود الفعل
وقد أرهقته وأرهقت آلته القمعية من جيش وشرطة وجهاز أمن وقوات جنجويد
فعاليات المقاومة الشعبية التي اكتسبت خبرات طويلة في تكتيكات المقاومة
منذ 19 ديسمبر 2018
والتي سوف تؤدي في النهاية إلى تدني الروح المعنوية للأجهزة القمعية
التي تخوض معركة لا نهاية لها ...
ومن ثم تراخي قبضتها الأمنية،
سلام عليهم
بنين وبنات هدوا حيل العسكرية
والنصر لثورة ديسمبر العظيمة
ولشعبنا
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
الشوارع
مشارعَ الخير..
شوارعَ غِــير
شوارع شعـبَـنا الحَـبُّـوبْ
كَـسَـاد
ورَمَـاد
حِـداد وسواد
ولا بتعرِف تـقول الروب
وكلما تجَهجِها الوثبات
بتعرِف لُـغْـوَة الراندوق
بتتعَـتَّـر
تقوم مَـرَّات وتتوَقَّــع
وفجأة تهِــب علي طولها
تقيف من نَـهْـدَة الوِقِّــيع
وتخَـبِر كيف تَـفِــك الطوق
وتعرف وين تلُخ الطين
وتعرف كيف تَـدُق الطوب
وتدي المعنى للطِـقّــيع
شوارع الخير .. مَـشارع غير
مشارع كُـلَّـهِــن وِلـدَنْ ولا نِـدْمَـن
وما مِـن الحُـزُن عِـدمَـن
ولا توب الكرامه رَمَــن
وزادَن في الكَـرَم كِـوِّيع
شوارع ما بتبيع روحها
ولا حتى بتقِــلب البيع
شوارعنا الشوارعية
تلاقي اللَّافَّة في الــلَّــفَّة
وتخُت السفَّــة في السفَّه
وتَــحَــبْس الدمعة بالصِّـنْـقيع.
شوارعي بيقرا في اللابتوب
شوارعي بيكتب الواتساب
شوارعي يدقِّس العاملين
جهاد
وجَــداد
شوارعي بيبدا بى نَـمَّة شوارع منتهى العِـصـيان
يصاقْع الأنبيا الكَـذَبَـه
ويسالم (مصطفى) النُـبْـيان
فهذي النَـمَّـة نَــمَّة سوط
يسوط الأدعيا الفَــسَــدَه
ويلوس الكاذِب المزعوط
يعود ينتِـف .. معِـط ..
ريشن
بِـتَـكْـرَهوا شَـعْـبَـكُم ليشِـن؟
وتـنسوا الآخرة ..
ساعة الموت
بتكرهوا شعبَـكُم ليـشِـنْ؟
وهُـو الأداكُم المَـثْـنَى وثُــلاث ورُبَــاع
وهو الودَّاكُم الكُــلِّـيَّــة
وهو اللبسكم النيشان
وهو السَّـكَّــنكم المنشية
هو العلمكم أكل الحوت
بتكرهو شعبكم ليشن؟
ومن خيرو الكتِف ورمان
دي شيزوفرينيا؟؟
والا انيميا
في حب الوطن واتراكمت أزمان
بتكرهو شعبكم ليشن؟
وتلهطوا من شمال وايمان
وتكالوا من الطيور عيشِــن
وتبزغوا في قداحة الخير
من البلد الحكم طيشِــن
تجحدوا في نعايم المولى
تلهفوا في فطايس النعمة
تلهطوا من حرام القوت
بتكرهوا شعبكم لي شنو؟
شتايمكم
فضل خيركم
عمايمكم
هي شوم طيركم
كروشكم
من فضل خيرنا
وتِــجَـدِّعوا خيرنا للغيرنا
وتمسحوا فوق رقابنا البوت؟
بتكرهو شعبكم ليشنو؟
بتكرهوا شعبنا الطيب
وتربحوا من لهب حربو
ترجعوا زي ديوك العِدَّه
وين ما يقبلوا يخربوا
فارجعوا بينا لي عند شارع التقنت
ولي الولد السقا الباجور
وارجعوا بينا لي يات من مطار في الدنيا
سودانير
لسانكم فينا زي منشار
بيطلع في الصباح
زفران
وينزل في المسا
كفران
دي وَلْــدَه وخاسره يا جربان
تقولوا عليه رباية جوع؟
وبين هوت دوق ولحس الكوع؟
تقول يا انتو ما ولاد تسعة
لا حَـوَّاتنا حوَّاتكم
ولا هذا البلد هيلكم
ولا رَبَّــتكم أُمَّــاتكم..
محمد طه القدال
من قلب شوارع الثورة السودانية العظيمة
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
17 نوفمبر 2021
مجزرة أخرى بشعة
يرتكبها نظام العميل المجرم برهان وقاطع الطرق الهمباتي قائد ميليشيا الجنجويد الإرهابية القاتل حميدتي بدعم من الميليشيات الكيزانية الإجرامية وجهاز الأمن المجرم
15 شهيد من خيرة أبناء بلادنا
اغتالتهم يد الغدر الانقلابية الغادرة
الفقد الفادح يقتلنا ألف مرة والحزن أكبر
على امتداد بلادنا المكلومة
نكفكف دموعنا
نواري شهدائنا الثرى
نضمد جراح المصابين
ولا خيار أمام شعبنا سوى المضي إلى نهاية الطريق
حتى نحرر بلادنا من الانقلابي المحتل الغاصب
ووضع حد نهائي وللأبد للانقلابات العسكرية المجرمة
ولتأسيس الدولة المدنية الديمقراطية
والأرض تنبت ألف ثائر
ولو متنا جميعاً لحاربت المقابر
المجد للشهداء
وهم أكرم من جميعاً
في مقاماتهم السامية
والثأر من القتلة المجرمين
هو دين على عاتق كل سوداني وسودانية
من شرفاء وشريفات الوطن
والنصر آت
النصر لنا
للشعب الحر
للديسمبريين
للجيل الراكب رأس
والحساب والعقاب
للبرهان الوسخان
ولقائد الميليشيا الجنجويدية الإرهابية
ولا نامت أعين الجبناء ...
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
لا يحيق المكر السيء إلا
الزمان العفو عنهم فات .. ولّى
والزمان الثأر ..رد الصاع .. حلّ
فالذي لم يعرف الإنسان .. لن يعرف الله
أيها المبعوث فينا .. بالتجلة
سلم الدرب عليك .. الشعب صلى
خُذهُمُ بين يديك .. يا إلهي ما أُحيلى
شهداء الوطن الآتين .. يللا
حميد
من قلب الثورة السودانية العظيمة وشهدائها الأبرار الأخيار
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
20 نوفمبر 2021
الثورة السودانية العظيمة
تواري شهدائها الميامين الثرى
وتضمد جراحها
بعد مجزرة السابع عشر من نوفمبر
عام الغضب الحارق
وتمضي إلى معركة " زلزال الشعب "
وهي تردد مع الشهيد عبد العظيم العظيم
" لقد تعبنا يا صديقي،
لكن لا يستطيع أحد الاستلقاء أثناء المعركة "
والنصر للشعب السوداني قاهر الطغاة ومفجر الثورات
والخزي والعار والحساب
للعسكر القتلة الخونة العملاء المجرمين
وتبت أيادي الغدر وتب ...
وإيد في إيد
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
20 نوفمبر 2021
الثورة السودانية العظيمة
تواري شهدائها الميامين الثرى
وتضمد جراحها
بعد مجزرة السابع عشر من نوفمبر
عام الغضب الحارق
وتمضي إلى معركة " زلزال الشعب "
وهي تردد مع الشهيد عبد العظيم العظيم
" لقد تعبنا يا صديقي،
لكن لا يستطيع أحد الاستلقاء أثناء المعركة "
والنصر للشعب السوداني قاهر الطغاة ومفجر الثورات
والخزي والعار والحساب
للعسكر القتلة الخونة العملاء المجرمين
وتبت أيادي الغدر وتب ...
وإيد في إيد
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: هدى ميرغنى)
|
رصد الراكوبة
تناقل نشطاء على وسائل التواصل مقطع فيديو للعم أحمد بكار والد الشهيدة ست النفور التي ارتقت يوم الأربعاء الموافق 17 نوفمبر برصاص البرهان. وقال والد الشهيدة:
(ست النفور كان جاها هبوط قبل يوم لانها ما بتأكل؛ بتشيل أكلها توديه للثوار في الشارع .. انا مامعاي قبيلتي الشكرية .. معاي انتو ديل يعني انتوا قبيلتي و بتي دي ما ولدتها لي انا ولدتها للعامة وهي ماتت عشانهم .. لو احتجتوا اي شي اتصلوا علي حتلقوني حاضر بي كبر سني دا واي شي في بيتي دا حقكم انتوا وانا صابر ومحتسب وفخور بي بتي بس انتو ابقوا عشرة ما تتراجعوا لحدي ما نجيب حقها وحق اخوانها)
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: هدى ميرغنى)
|
خوفي من تلحق رفيقك .. كلمات حميد:
خوفي من تلحق رفيقك ..
كلمات حميد
يفضل النخل البقاوم
في السقوط نخل الفقارى
يا اندلاع صوت الغفاري
في حلق دغش الغلابة
لو خريفك تاني يطرح
آه يا آخر سحابة
لما يا شرف المواكب
يبقي هم الناس امارة
تندحر كل المناصب
ينكسر كرسي الوزارة
كنتوا وين . . وين انتو كنتوا
لما الشوارع ما ثبت قداما مارد
نفض الصمت المسافة
مدت الشوق المضارع
للصباحات التجلة
كف شهيداً بق مارق
من فرقة الظلمة فجراً
تم بي دمو الشرافه
وضم حضن الأرض عاشق
كنتوا وين . . وين انتو كنتوا
لما كان في سجنو ثائر
بي جلابة السونكي نومتو
ويصحي بي امر العساكر
قومتو في الزنزانة يمحي
و يفتح الاف الحناجر
تجدب الاطفال ويكتب
انبل الاشعار لباكر
تشطب السجان وصوتو
ويبقي فنانا البساسق
كنتوا وين وين انتو كنت
لما فضل الدين عباية تدبي
فوق كتف الغنايا
تنصب في الجو طوابق
تنقلب في التو بنوكا
للبداهن و البنافق و البوافق
ولما كان نفس العباية
تتمسخ بي قدره حبلا
لي قصار عمر الكحايا
من جنب تنسل سيفا
لي قصار عمر الكحايا
من جنب تنسل سيفا
عبّر السواهو سارق
شدة الفقر الخرافي
حدة الشغل اللمافي
رغم الآف المتاجر
و الخوازيق و المرافق
كنتوا وين . . وين انتو كنتو
لما البيوت في الشمال قامت خنادق
للكتابات البتنزل فوق ضهاريهم مطارق
لما طلاب الحقيقة كانو بختارو المشانق
و لما لسة الله بموت في الجنوب بين البنادق
كنتوا وين وين انتو كنت
آه يا وطني المستف في المطارات القصية
اه يا كفني المنتف في مدرات القضية
اه يا صمتي المكتف في العبارات الندية
اه يا نفسي الملطف بالنهارات الصدية
اه من رفع المصاحف بالرماح الاجنبية
المعاطف ... أجنبية
العواطف ... أجنبية
الجلابيب ... أجنبية
الدواليب ... أجنبية
الدهاليز ... أجنبية
السراير ... أجنبية
المساير ... أجنبية
صبة الكاس ... أجنبية
ختة الراس ... أجنبية
رشة الدلكة ... أجنبية
رعشة الفركة ... أجنبية
طفية النور ... أجنبية
والخوازيق عربية .. عربية
فضي نارك يا محارب ولا هات البندقية
غني عشقك يا صبية نحن قدامك مدارك
غني للوطن المفارق
عشت يا وطني المبرق بالندى ولون المشارق
يا محرق .. يا مجرب
عشت بشرف البنادق
ويسقط العفن البتلب فوقنا من شرف الفنادق
لو خريفك تاني يطرح آه يا آخر سحابة
لما يا شرف المواكب يبقي هم الناس امارة
تندحر كل المناصب ينكسر كرسي الوزارة
كنتوا وين . . وين انتو كنتوا
لما الشوارع ما ثبت قداما مارد
نفض الصمت المسافة
مدت الشوق المضارع للصباحات التجلة
كف شهيداً بق مارق من فرقة الظلمة فجراً
تم بي دمو الشرافه
وضم حضن الأرض عاشق
كنتوا وين . . وين انتو كنتوا
لما كان في سجنو ثائر بي جلابة السونكي نومتو ويصحي بي امر العساكر
قومتو في الزنزانة يمحي
و يفتح الاف الحناجر تجذب الاطفال ويكتب انبل الاشعار لباكر
تشطب السجان وصوتو ويبقي فنانا البساسق
كنتوا وين وين انتو كنت
لما فضل الدين عباية تدبي فوق كتف الغنايا
* تنصب في الجو طوابق تنقلب في التو بنوكا للبداهن و البنافق و البوافق
ولما كان نفس العباية تتمسخ بي قدره حبلا لي قصار عمر الكحايا
من جنب تنسل سيفا لي قصار عمر الكحايا
من جنب تنسل سيفا عبّر السواهو سارق شدة الفقر الخرافي
حدة الشغل اللمافي
رغم الآف المتاجر و الخوازيق و المرافق
كنتوا وين . . وين انتو كنتو
لما البيوت في الشمال قامت خنادق للكتابات البتنزل فوق ضهاريهم مطارق
لما طلاب الحقيقة كانو بختارو المشانق
و لما لسة الله بموت في الجنوب بين البنادق
كنتوا وين وين انتو كنت
*آه يا وطني المستف في المطارات القصية
اه يا كفني المنتف في مدرات القضية
اه يا صمتي المكتف في العبارات الندية
اه يا نفسي الملطف بالنهارات الصدية
*اه من رفع المصاحف بالرماح الاجنبية*
المعاطف ... أجنبية العواطف ... أجنبية الجلابيب ... أجنبية الدواليب ... أجنبية الدهاليز ... أجنبية السراير ... أجنبية المساير ... أجنبية صبة الكاس ... أجنبية ختة الراس ... أجنبية طفية النور ... أجنبية
والخوازيق عربية .. عربية
* فضي نارك يا محارب ولا هات البندقية غني عشقك يا صبية*
نحن قدامك مدارك
غني للوطن المفارق
عشت يا وطني المبرق بالندى ولون المشارق
يا محرق .. يا مجرب عشت بشرف البنادق
*ويسقط العفن البتلب فوقنا من شرف الفنادق
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
21 نوفمبر 2021
الثورة السودانية العظيمة
تتلقى طعنة نجلاء من رئيس زوراء حكومتها حمدوك دستان
وهي تتأهب لخوض معركة " زلزال الشعب "
بتوقيعه اتفاقاً ملطخاً بدماء الشهداء مع العسكر الانقلابيين القتلة المأجورين العملاء المجرمين
بعد أن ضاقت بهم أرض السودان الحُرة وأبية
بفعل حصار الشعب السوداني الفعّال لما يريد
بقيادة الديسمبريون العظماء
لتهب دول الشر إلى نجدتهم وهم في طريق سقوط تاريخي لم يشهد له العالم مثيلاً
ومحاولة قطع الطريق على الثورة السودانية العظيمة التي يتكالب عليها الأعداء
ولكن هيهات
الآن تحتل الثورة السودانية العظيمة أراضي جديدة
حيث يتقدم الشعب بقوة وثبات على كل الجبهات
وتتقهقر قوى الانقلابيين أمام الزحف الشعبي العنيد
فليذهب الخونة والقتلة إلى مزابل التاريخ
ويبقى الشعب الحُر ووطن سعيد فعّال لما يريد ...
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
لو فينا أطلعي مننا
أو برة أدخلي .. أدخلي
غنيتك البارح براي
إنصلبتو التانيين غناي
والليلة بتواتاك شعر
دونو إنعتاقك أو فناي
هيا يا مغنين الشعر
ضد ها الزمان وطبنجتو
شعر ..شعر .. الشعر شعر
أيوة يلا علينا جاي
ونكر المغني كمنجتو
نادوسُ يا فجر القصائد إندلقْ
ما حكّ جلدك مثل ظفرك فانطلقْ
إنا شرحنا لك صدرك
أو شرخنا فانعتقْ
يا أنتَ يا كل الذين لأجل خاطرهم طهوتُ
غداة عقم زهور كلم لتنفتقْ
غضباً يؤرق موقديه .. كورته
رجماً لكلِ من تنازل أو تخاذل
أو تشاعر
أو تداعر
أو تهاون
أو تخاون
أو تعاون ضد فتحك أو أتاني يسترقْ
تربت يداك ..
تبت يدا كل الذين تغامزو
وتهامزو ..
وتلامزو ..
وتقززو ..
فتلذذو ..
من فيه جرحك يا وطن
حميد
من قلب الثورة السودانية العظيمة كمان وكمان
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
22 نوفمبر 2021
الثورة السودانية العظيمة
تتجاوز محطة حمدوك
وتمضي حزينة إلى معركة " الوفاء للشهداء "
وتعلن أن الشعب السوداني هو من يقرر مصيره
وليس العسكر القتلة المجرمين
ومن ارتمى في أحضانهم
أو دول الشر الإقليمية
أو المجتمع الدولي
فالعسكر يتقهقر
والثورة تتقدم بثبات
والنصر للشعب الحر ...
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
يا ديارى الوين ....أنى
تور عفين الشين .....أنى
ما اضينة وزين انى
—-
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
——
بطنك كرشت غى البنات نافى
دقنك حمست جلدك خرش مافى
**
وكت الوهم نافيت .. صدق الوعد جافى
وكت العلم جافيت .. مرة الصدق وافى
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
24 نوفمبر 2021
الثورة السودانية العظيمة
إلى معركة " الوفاء إلى الشهداء "
و" دم أخويا مو معليش "
فالتحية للثورة الباسلة
وهي تتقدم بثبات
لإحداث التغيير الجذري
وللجيل الراكب راس وهو يحرس تروسها
ويحمل راياتها خفاقة في وجه العدا
ولديسمبر القادم في الذكرى
وللديسمبرييين العظام تحية واحترام
والقومة للشعب الأبي والوطن العزيز
والنصر لنا ...
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
ما كنس بالروح ترابو
رشّا بي دمو ودموعو
دفّا بي ضمة ضلوعو
حين سقط بالنار صريع
فيهو ما استكتر شبابو
لا تعذر بي عَقابو
ولا حسب للموت حسابو
لاقاهو في غبطة وشجيع
دمو كان عربون لدمك
ودمِّ جايي
همو كان إنساني همك
للنهاية
يا زبون الشارع الما بيرضى ظلمك
وعزمو عزمك
يا هوايا
خوفي يا منبث في حلمك
فينا من إنبتّ نجمك
خوفي في كل الربيع
ما نلقى نسمك
وننسى رسمك
حتى إسمك
يا بديع
حميد
من شوارع الثورة السودانية العظيمة المخضبة بدماء الشهداء
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
29 نوفمبر 2021
الثورة السودانية العظيمة
تمضي إلى معركة أخرى
من معارك حرب استعادة الوطن المحتل
بـ " شوف مختل "
وقيام الدولة المدنية الديمقراطية
الثلاثين من نوفمبر
نوفمبر ماسك كتف ديسمبر
مرة أخرى الشعب في الميدان
يا حمدوك كان
ويا القاتل برهان
والأخوان المجرمان حمدان
ومافيا الكيزان
وكل عميل وأرزقي خان
والثورة تمضي إلى ذكراها الثالثة
في الثامن عشر من ديسمبر العظيم القادم
فقد صار واجب الساعة الثوري
رص الصفوف
والعمل على حشد أوسع وحدة شعبية
وقيادة موحدة لقيادة الثورة
والنصر للشعب السوداني
وقواه الحية
الديسمبريون العظام
والجيل الراكب راس
والهزيمة الماحقة للقتلة الخونة المجرمين
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
تشوفي رهاب بُعُد نجمي
وأشوفو قريب قُرُب نضمي
أشوف العالم التحتاني
هيلا هوب وقف ناهضْ
دكّ عمايد الفوقاني
جوه الُّجب رمى العارضْ
وفي السابو الدمار أفراق
عريق الحب نبض قابضْ
متل قبض الحروف في اسمي
غناوينا القبيل رقراق
علينا تصب برد قارضْ
أَلُكْ طيناتا من دمّي
وارمِّلها من عصب عشاق
أنط تُلُّبْ وأجيك عارضْ
وأجر نمي
أدودي لهاتي بالغنوات
عقب يبرد حشاك يا امي
تسوي السي وتبتسمي
تسمِّي الشعب وتعتصمي
حميد، من الموجة والخزان، من قلب الثورة السودانية العظيمة
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
30 نوفمبر 2021
الثورة السودانية العظيمة
تحتل أراضي جديدة
في معركة الثلاثين من نوفمبر
الحشود تصل القصر
والجلاد يرجف في قصره
وارتخاء القبضة الأمنية
وتقهقر العسكرتاريا
بفعل الضربات المليونية القوية المتوالية
رغم استخدامها أدوات قمع محرمة دولياً
والعنف المفرط الذي واجهت به الحشود
فهذا مؤشر يأس واضح
ففعلياً فإن كفة الشعب والثورة راجحة
حيث روح الثورة حية ومتقدة
ولياقة الحشود طاقة متجددة لا تنضب
في مقابل يأس وإرهاق يثقل كاهل جنود
الآلة العسكرية الأمنية القمعية
فختامه مسك نوفمبر
قبل معارك ديسمبر
والنصر للشعب السوداني
والهزيمة الساحقة الماحقة للانقلاب المجرم ...
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
طريق الشعب أوسع من زحام الضيق
وقلب الشعب أرحب من رحاب الضو
ونبض الشعب كل حلم براه يتم
شجر متشابك الهامات
جيلاً جاي حلو الشم
صبايا وفتية يمرحوا فى صباح الغد
عيونهم برقهن لماح
سؤالم رد
وتطلع من شقوق الأرض
آلاف المدن قامات
يطلعوا من قلب الحجر الصم
خفاف ولطاف
ثعابيناً أوان الجد
دفاعاً عن حياض السلم والإفصاح
سلموا ليَّ عليهن جملة
حتى اللسة قبل الخلق والتكوين
صناع الحياة اليوماتي
ملح الأرض
شاعر الشعب
الشريف محجوب
من قلب شوارع الثورة السودانية العظيمة
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
5 ديسمبر 2021
الثورة السودانية العظيمة
تتأهب لمعركة ملايينية أخرى
في السادس من شهرها العظيم
عاد ديسمبر
وعادت معه ذكرى الشهداء
في وطن الشهداء
وذكرى إعلان الاستقلال من داخل البرلمان
فمرحباً شهر الثورة في شارع الثورة
والانحاء للشعب السوداني
وهو يفعل ما يريد
وللديسمبريين
والجيل الراكب الراس
ولجان المقاومة الباسلة
نرفع القبعات
وللترس الصاحي
تعظيم سلام
والنصر لنا
والهزيمة لإعداء الشعب
برهان الوسخان
والمجرم حميدتي
وحمدوك ديستان
وكل مافيا الكيزان ...
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
6 ديسمبر 2021
الثورة السودانية العظيمة
عادت الحشود اليوم
6 ديسمبر
إلى شوارع الثورة
في الخرطوم ومدن السودان
في معركة أخرى
أكدت على تراجع آلة القمع الأمنية الانقلابية
بفعل عزم الثورة على مواصلة الطريق
إلى الدولة المدنية الديمقراطية
فالتحية لشعبنا في ثورته المستمرة
حتى تحقيق أهدافها
والمجد للثوار الأحرار
وتستمر الثورة
والنصر لنا
ولا نامت أعين القتلة الجبناء
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
13 ديسمبر 2021
الثورة السودانية العظيمة
الشعب العنيد مجدداً في الميدان
وأصبح العسكري الانقلابي المجرم القاتل
يدافع فقط عن قصره الجمهوري
بعد أن حررت المليونات شوارعنا
من شلة العسكر الفاتي وميليشيا الجنجويد
وجهاز أمنهم القذر وشرطة الإنقاذ
بعد أن أعلن حالة الطوارئ في هوجته الأولى
في محاولة يائسة لقمع الثورة العظيمة
فازدرد قراراته الواحد تلو الآخر
وشرب ماء فرماناته التي ظلت حبراً على ورق
فهذا الأرض لنا
وللشعب العنيد
الذي يفعل ما يريد
وللجيل الراكب راس
وللديسمبريين العظام
ولنذهب إلى التاسع عشر
في الذكرى الثالثة للثورة العظيمة
موحدين وموحدين
أشد منعة
وأقوى بأس
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
17 ديسمبر 2021
الثورة السودانية العظيمة
إلى التاسع عشر
ذكرى إعلان الاستقلال من داخل البرلمان العام 1955
الذكرى الثالثة للثورة العظيمة
معركة من معارك الحرب ضد الانقلابي لتحرير الخرطوم
لتحرير السودان من البرهان الوسخان والقاتل حميدتي
ومليشيا الجنجويد المجرمة
فيا شعباً تسامى يا هذا الهمام
لك الانحناء
والنصر لك
والخزي والعار والهزيمة لشلة العسكر الفاتي
ولا نامت أعين القتلة الجبناء ...
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
أرفع راسك
زلزل أسرك
أصلك شعباً صعباً كسرك
وحّد ناسك
إنت المجد مقاسو مقاسك
حرر نفسك بإيدينك
عندك زندك
وحُمرة عينك
ودُخري الحوبة شبابك زينك
علّي هتافك
أدي شراع الغنا مجدافك
خلي الخوف يخشاك ويخافك
ويبقى رماد البينو وبينك
كل الدنيا بتسأل عنك
يا مبدع ثوراتك وينك
إنت الزيّك ما بتذلّ
كم من ظالم ظلمك ولّ
أنا متفائل بيك وبحلم
بل متأكد ما بتتخلى
ما بتتفرج تفضل ساكت
وحفنة تقبقب في خلق الله
أنا متفائل بيك وعارف
إنك يوماً ما تتجلى
تبقى حديث العالم كلو
إذاعة إذاعة
جريدة جريدة
مجلة مجلة
يملى الشاشة بشاشة
ثباتك وضو عافيتك
وعلمك وقلمك وجلابيتك
وقدلة ولدك
وجدلة بتك
ونيلك قلدك
جنب طابيتك
والقهروك زوالم شمسك
كل الأيدي وكت تتماسك
تكتب نصرك
تهزم ليلك وظلمة حبسك
ما من بيتك يا الحبيتك
كل من ظلمك ولا تربيتك
قدرتك إنت وإمكانيتك
شامخ تبني ديمقراطيتك
وعزة بلدك ورفعة شانك
يا متعدد وواحد ابداً
تحيا العشرة البين أديانك
وسلم حقيقي يزيدك عددا
ويبقى عنان السما عنوانك
شاعر الشعب
الشريف محجوب
من قلب الثورة السودانية العظيمة
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
الطلقة رقم (1 )
امتطت الريح الصهوات،
ترجل قرص الشمس
وأحنى النخل الهامات
سقط العقرب فوق العقرب
كان اليوم التاسع عشر،
دقات الساعة
أتت أربع مرات
الزمن الأول
الزمن الثاني
الزمن الثالث
الزمن الرابع
الزمن الوهج
الزمن المازوت
الزمن الغائر
بعد الظهر،
الزمن النسر،
اندفع إلى الأضلاع،
إلى الأعراق، إلى الحدقات
لما جلجل ساح القصر
وانهمر الصحو
يرش الفرح المجهد
في الطرقات
الشاعر كمال الجزولي
ذات تاسع عشر، عام الغضب الحارق
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
آمـــنـــا بـــيـــك ومــوحــديـــن
فى إيدنـا فـاس وقلـم رصـاص
شتـلـة و كمنـجـة و مسـطـريـن
و طبنـجـة فــى خـــط الـتـمـاس
حـراســة مــــن كــيــد الـبـكـيـد
ضــد الـرصـاص والانتـكـاس
نبـنـيـك هـــوى وأشـــد بــــاس
حميد كمان وكمان
من قلب الثورة السودانية العظيمة
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
19 ديسمبر 2021
الثورة السودانية العظيمة
تجاوزت كل التوقعات
ودخلت القصر
مقتحمة الكباري
عنوة كده واقتدار
ومتجاوزة للحواجز الأمنية
ومتحدية للقمع المفرط
والبمبان الجبان
والرصاص الحي
والملايين كانوا في الموعد تماماً
بتوقيت الثورة
ففر جمع الطاغية
وأي طاغية دمية من خشب
والبرهان الوسخان دمية من خشب
وحميدتي القاتل الجبان دمية من خشب
وعبد الرحيم القاتل الجبان دمية من خشب
وكل قاتل مأجور دمية من خشب
فالشعب في الميدان
الديسمبريون في الميدان
والجيل الراكب راس في الميدان
ولجان المقاومة صمام الأمان في الميدان
وأنت مختبئ مثل ############ خلف آلتك الأمنية القمعية مرتعداً
بعد أن ارتخت قبضتها الأمنية
بفعل ضربات المليونيات والملايين الهادرة
التي لا صاد لها ولا راد
وإيد في إيد حلفنا نقاوم نقاوم
وما بنساوم
ولك يوم أيها القاتل الرعديد
نراه قريب وتراه بعيد
فقد أُطيح بالطغاة الأقوى منك
وهذه قوانين التاريخ
...
| |
|
|
|
|
|
|
|
|
|
Re: آن الأوان لكي يحتشد كل ثوار السودان في الخ (Re: عبد الله حسين)
|
إلى الخاممس والعشرين من ديسمبر
جات كلاكلات إيد علي إيد
بري شمبات المسيد
جبره وأمدر
والحشود المارقة من كبري الحديد
إنت بتكيد والشعب يفعل ما يريد
يحيا الكفاح وينبغي
وتسقط كتائب الجنجويد
أزهري محمد علي
من قلب الثورة السودانية العظيمة
سلامات عوافي
يا خلاصة الخير الفي الناس
وترياق الزمن المتعافي
| |
|
|
|
|
|
|
| |
هدى ميرغنى
فيس بوك
تويتر
انستقرام
يوتيوب
بنتيريست