|
Re: ابقوا رقاق .. الجوع جاكم (Re: أيمن نواى على)
|
حسن فرح ايمن نواى ههههه الظاهر عليك يا دوب حسيت بالجوع....عايش فى نعيم ....يا بختكم ............ رسلوا يا المغتربين.. رسلوا يا المغتربين .. بعد دا الجوع بيحصلنا .. يا المغتربين اربطوا الاحزمة .. تدفعوا كدااا لمن راسكم يسخن .. اقترح مباراة كرة القدم تكون نصف ساعة .. لو عملتوها ساعة واحدة.. اللعيبة يفقدوا سوائل يرقدوهم الانعاش .. محظوظين العلاج يكون مجان .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
سلام استاذ عادل امين جوع مخطط و منظم و مرتب من نوع ابوكديس افرنجى شعره سبيبى كمان .. يا دوبك ثورة الجياع الجد جد بدأت .. مليون جنية .. مواصلات ذهاب واياب 50 جنية فى اليوم فى الشهر مليون جنية .. لا اكل لا شراب لا ايجار لا كهرباء لا لبس .. اخير زمن عمال الصاجة يشتغل قصاد بطنه .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
تدفعوا كدااا لمن راسكم يسخن ---------------------------------------------------- صدقنى يا ايمن ما كتيرة على الاهل والوطن الشباب دفعوا دماءهم فداء للوطن هل بقت على ملاليم تستقطعها انت وانا وغيرنا من اجل اخراج الوطن من هذه الكارثة ؟
| |
|
|
|
|
|
|
Re: ابقوا رقاق .. الجوع جاكم (Re: Hassan Farah)
|
حسن فرح تستقطعها انت وانا وغيرنا من اجل اخراج الوطن من هذه الكارثة ؟ ............. اذا كانت من اجل الوطن لا باس .. لكن من اجل الكروش الضخمة و العربات المظللة .. و العلاج فى الخارج و العيش الفاخر للناس الفاخرة .. على وزن الحج الفاخر .. كل شئ يكون فاخر الا الفقراء يزادوا فقرأ .. و الاغنياء يتمتعوا بال 68 مليار دولار عينك يا تاجر .. و المغتربين يجمعوا الملاليم لتثبيت اركان الدولة .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
هو رفع الدعم عن الوقود برهو .. معاها باقى قرارات البنك الدولى فى الطريق لم يكشف عنها بعد .. كل قروش رفع الدعم و معاها شوية قريشات كدة لدفع اقساط الديون المجدولة للبنك الدولى .. مجانية التعليم والصحة تكون فى خبر كان .. يعنى الشعب يدفع للتعليم و الصحة و الديون المجدولة و مخصصات وزراء و ولاة الاحزاب الجدد جعانيين 30 سنة .. الويل لكم ايها الشعب من مستجدين النعم .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
. بطل منأحاتك دى وورينا إنت رؤيتك شنو لحل المشكلة ؟؟؟ قحت عندها 3 سنين وحتمشى أكرر 3 سنين مش 30 سنة، بعد التلاتة سنين ديل تعال لينا إنت برؤية واضحة و نديك ٤ سنين و كمان نجدد ليك ٤ سنين أخرى المهم ما عايزين تكسيرلمجهودات الناس و لا عايزين تمهيد لدكتاتور تاني مع الإحترام
| |
|
|
|
|
|
|
Re: ابقوا رقاق .. الجوع جاكم (Re: bakri abdalla)
|
Quote: سلام استاذ عادل امين جوع مخطط و منظم و مرتب من نوع ابوكديس افرنجى شعره سبيبى كمان .. يا دوبك ثورة الجياع الجد جد بدأت .. مليون جنية .. مواصلات ذهاب واياب 50 جنية فى اليوم فى الشهر مليون جنية .. لا اكل لا شراب لا ايجار لا كهرباء لا لبس .. اخير زمن عمال الصاجة يشتغل قصاد بطنه . |
وهسة قايلين نفسهم الوحيدين المنقطين سياسة واقتصاد قلنا ليهم ما تقعدو مع جنرالات زمن الكوليرا ديل في الرصيف القذر ذى ما قال توترسكي ..سلموهم برنامج تحول ديمقراطي فدرالي اشتراكي حقيقي وزحو بعيد لحدي ما تتتخذ الدولة التي خرجت من 30 يونيو 1989 ولم تعد حتي اليوم ذى ما كانت بع د ده تعالو ابرزو مواهبكم في سودان((نظيف)) انتو يا ناس ق ح ت ما مسؤلين من عفن الانفاذ .. .قامو جارين طوالي للمحاصصة والاستوزار وبلعو الطعم ولم نتحرر من اصر الهوان الانقاذي وعاقين مع نفس قلنا ليهم من الاول زحو من دلاليين المشروع الامريكي الخمسة مصر والسعودية والامارات وايضا قطر وتركيا جرو ليهم والحال في حالو قلنا التزمو بي مسار الحركة الشعبية محل وقف 2010 جدعو الدستور والاتفاقيات الموقعة ومشو يحاورو الحركات المتشرزمة الان ويضيعو في الزمن حاصل فارغ وهسة الجرعات دي حيرموها في حمدوك ومن هسة حميدتي بتاع شركات الذهب قال المجلس العسكري تشريفي
| |
|
|
|
|
|
|
Re: ابقوا رقاق .. الجوع جاكم (Re: adil amin)
|
سلام بكرى عبدالله بطل منأحاتك دى وورينا إنت رؤيتك شنو لحل المشكلة ؟؟؟ قحت عندها 3 سنين وحتمشى أكرر 3 سنين مش 30 سنة، بعد التلاتة سنين ديل تعال لينا إنت برؤية واضحة و نديك ٤ سنين و كمان نجدد ليك ٤ سنين أخرى المهم ما عايزين تكسيرلمجهودات الناس و لا عايزين تمهيد لدكتاتور تاني مع الإحترام ................ فارقوا الحل فى القيادة العامة فراق الطريفى لى جمله .. لو عندك خت لو ما عندك شيل .. قتلوا الحل فى القيادة و فرقوا دمائهم بين الاحزاب و الطوائف .. وقسموا الغنائم اقصد الوزارات و الولايات بينهم .. الان تطاردهم لعنة الضحايا .. بداية العزاب الجوع الكافر و نهاية العزاب لا يعلمه الا الله .
| |
|
|
|
|
|
|
Re: ابقوا رقاق .. الجوع جاكم (Re: عبد الصمد محمد)
|
Quote: ابقوا رقاق .. الجوع جاكم |
سلام عليكم ايمن وضيوفو -قبل الثوره بسنه او سنهونص مشهد شفتو بعينى رجل الخمسينات او الستنات بجلابيه نظيفه وعمه يبحث فى سله قمامه كافتيريا مشهوره فى المحطه الوسطى بحرى عن بقايا سندويتشات -وربما حسب تصورى رشخص يحث عن مايطفى جوعه حتى لايشارك اطفاله النذر اليسير من مايوفره لهم - والان الحال كل يوم زياداتوانفلات سوق و(تراخى ) عن الرقابه -طبعا العسكر مسئولين عن الولايات ومادون من مستويات الاداره-وبعد رفع الدعم و(زياده الرواتب) سيذبح السوق اصحاب الدخل المحدود بدعوى رفعالدعم وطالما زادت المرتبات والعمله لن يتم السيطره عليها لانها فى ايدى تجار السوق الاسود ولا مكافحه جاده من اللجنه الامنيه للانقاذ..حتتكرر مشاهد زى الذكرتوبل وافظع بعد رفع الدعم -البل مجرد اعلام فعلى الارض فعليا فى مفاصل الدوله الفلول موجودين بل ويتم اعاده تنظيمهم وتوزيعهم داخل مفاصل الدوله وحتى مايسمى ( بل) احيانا يستبدل فلول من سىء لاسوء.وبشهاد مدينا فى العمل من الكفاءات اللى جا بيها لبتغيير بعد الثوره وفى حديث معاهم عبر فى ياس مامعناه انو مافى تغيير خقيقى و(مازال الجماعه قاعدين). -حمدوك من ماجا اول ايام (ماخاطب طاقات الشعب بغرض توجهها وتفجيرها) اولا كمسلمه من مسلمات اى حراك ثورى يبتغى الانعتاق من ديكتاتوريه داخليه واستعمار خارجى حديث باى شكل من الاشكال.وحتى عمليه تلميع الفرد وحكايه (شكرا حمدوك) اول مؤشرات السالبه ان نعتاد تمجيد الفرد وان نبحث عن صنم للتوجه اليه ونتجاهل ان عن القوه فينا كافراد وكشعب .تمجيد حمدوك سيجعل استهداف الكيزان ودولتهم العميقه لافشالو اقصر طريق لاجهاض الثوره لانو الشعبكلو (متكل على حمدوك فاذا انهار النهارت الثوره)طبعا اقصد بمعانيها العميقه مش المواكب والهتاف سواء فعليا او على الاسافير. بعدين اى زول برا السودان لايعرف الحقيقه وحتى لو جا اجازه فهو لايتعدى حدود ادراك السائح ولم يعايش حياه السودانى بالداخل اليوميه وحقيقه الوضع والخطر الماثل امام الثوره. --مخخط الكيزان ودولتهم العميقه واضح من برى واحد كتابهم ايام مفاوضات ق ح ت مع اللجنه الامنيه عبر عن خطه اجهاض الانتقاليه ان المجلس سيجعل قح ت وحكومتها تصعد سلم الحكم ويكسر الدرجات بعد صعودها فلاهى استكاعت مواصله الصعود ولااستطاعت الرجوع .ودا البحصل هسى عند الكيزان السوق والاقتصاد والقوه (اللجنه الامنيه) الموجوده كشريك حكم فى الولايات ومادونوالحكومه الانتقاليه (الاتحاديه) اشبه بموظفين يدوروا حول انفسهم بدلا عن قابضين على مفاصل حكم (سلطه وقوه وثروه) بالتالى يصعب عليهم اداره دوله هم فاقدين اصلا للامساك بخيوط ادراتها الحقيقيه. -مايحدث
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
الاستاذ عادل امين قامو جارين طوالي للمحاصصة والاستوزار وبلعو الطعم ولم نتحرر من اصر الهوان الانقاذي وعاقين مع نفس .............. ديل نفوسهم ساقطة .. يلعقوا فى دماء شهداء الثورة .. لا فيهم جريح ولا شهيد فى القيادة .. ناهيك عن شهداء دارفور و كردفان و النيل الازرق و كجبار و بورسودان و سبتمبر و القائمة تطول .. المحاصصة و الاستوزار بقت ليهم حنظل فى حلوقهم يتجرعونه ولا يكاد يستسيقونه .. شفت ناس تشريفين دى حلوة كيف .. ربنا شاف ناس الحركات صرف عنهم كيدهم ولم يجرعهم الزل بكاس الحنظل .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
سلام عبد الصمد كلام الزول الحريص على البلد واضح مهما كان حاد في نقده
................. الحل يكون متطابق لى ثقافة و عادات و تقاليد البلد .. لكن الحلول المستوردة الجاهزة يرفضها الجسم لعدم تطابق فصيلة الدم .. استاذ عادل امين مشخص و مجتهد فى الحلول البديلة شكر الله سعيه .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
سلام كمال عباس رفع الدعم وزيادة معاناة أمر مرفوض ,,, لابد من إيجاد حلول للأزمات- قصيرة وطويلة المدي للإقتصاد ومواجهة الأزمات والدمار الذي تسبب فيه عهد الإنقاذ المشؤم مقرونا بنهب الموارد والفساد ,, من الجيد والضروري نقد إي إتجاه يزيد من معاناة الجماهير من قبل قوي التغيير والثورة ................... القفذ فوق الحيطة القصيرة داىما مفضل لعديمى الخبرة .. قوى الحرية و التغير تلجأ الى المسكنات و المهدائات .. و الحلول السهلة على حساب المواطن البسيط و تحمل الموطن فوق طاقته خوفا من تماسيح المؤتمر الوطنى .. لان برنامجها نفس برنامج المؤتمر الوطنى .. الاستيلاء على السلطة عبر التمكين و الفساد المقنن .. و الان يسن فى قانون يمنع التظاهر .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
سلام عاصم على قبل الثوره بسنه او سنهونص مشهد شفتو بعينى رجل الخمسينات او الستنات بجلابيه نظيفه وعمه يبحث فى سله قمامه كافتيريا مشهوره فى المحطه الوسطى بحرى عن بقايا سندويتشات ................. مع ناس قحت ديل .. عمنا دا ما حا يحصل صندوق القمامة .. إلا يقوم الدغش بدرى يمشى كدارى يقيف فى الصف ليحصل بقايا العيش الفاخر ان وجد .. الثروة فى يد الكيزان و السلطة فى يد العساكر و وظائف التعين فى يد الاحزاب .. و الثوار مربعين يدينهم يتفرجوا .. الكل فى انتظار حمدوك لرفع الدعم لتعم الرفاهية و التنمية .. بعد سنتين و نصف يدخلوا انتخابات الديمقراطية فى سبات و نبات .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
قال رئيس حزب المؤتمر السوداني، عمر الدقير، القيادي البارز في قوى إعلان الحرية والتغيير، إن الموازنة العامة للدولة للعام 2020، نعتقد أنها غير موفقة، لأنها قائمة على جدلية الدعم ................ اسمعوا احد صناع التمكين الجديد .. يقول نعتقد هو ليس متاكد ان الموازنة موفقة ام غير موفقة .. مش من الافضل ان تتأكد اولا يا عمر الدقير ثم تخاطب الشعب .. و لا دا طق حنك ساكت و السلام .. و صلت الى درجة الاستخفاف بالعقول .. ليك حق ما دام ما فلقوق بالحجارة .. و اجدع كمان رافع صنقوره .. لم يقطع الشك باليقين لان الموازنة قائمة على جدلية الدعم .. يكون مبتسم و يتلفت يمين و يسار ليرائ وقع كلمة جدلية على رؤس الاشهاد .. انت يا فالح اذا ما كان فى جدلية فى رفع الدعم .. يكون القرار صحيح 100% .. يعنى المشكلة فى الجدلية و ليست فى رفع الدعم .. يا هو نوعك دا المغطس حجرنا .
| |
|
|
|
|
|
|
Re: ابقوا رقاق .. الجوع جاكم (Re: Kostawi)
|
Quote: علن وزير الإعلام السوداني فيصل محمد صالح السبت إن بلاده تعتزم تجميد قرار رفع دعم المحروقات في موازنة 2020 حتى انعقاد مؤتمر اقتصادي في مارس آذار.
كما قال صالح لرويترز "اجتمع رئيس الوزراء ووزير المالية وعدد من الوزراء مع ممثلين لقوى الحرية والتغيير واتفق الطرفان على تجميد قرار رفع الدعم في موازنة 2020 حتى انعقاد مؤتمر اقتصادي في مارس المقبل".
هذا وأضاف "على ضوء مقررات هذا المؤتمر تتقرر السياسات الاقتصادية للبلاد ومن ضمنها السياسات بخصوص دعم السلع". |
| |
|
|
|
|
|
|
Re: ابقوا رقاق .. الجوع جاكم (Re: Kostawi)
|
Quote: حتى انعقاد مؤتمر اقتصادي في مارس آذار. |
Quote: هذا وأضاف "على ضوء مقررات هذا المؤتمر تتقرر السياسات الاقتصادية للبلاد ومن ضمنها السياسات بخصوص دعم السلع" |
قبل يومين قريت في حتة انو سيدى الصادق المهدى طالب بمؤتمر اقتصادى. يعني الجماعة سمعو كلام الكبير.
| |
|
|
|
|
|
|
Re: ابقوا رقاق .. الجوع جاكم (Re: Mahjob Abdalla)
|
سلام كوستاوى كان تاخر الفيدوا دا شوية كدى .. نجلد الجماعة المرطبين ديل .. لكن ما دام وصلت البوست بتاعنا لازم نرحب بيك اولا .. كل سنة و انت و الاسرة طيبين .. ما ممكن نرجعك ساى كدة .. لابد من سبق صحفى لكن الجماعة اذا ردموك انا ما عندى دخل .. حمدوك ما حا يكمل الفترة فى رئاسة الوزراء .. حمدوك حا يقدم استقالته .. اذا سالوك قول ليهم فى رئيس وزراء كمل فترته فى رئاسة الوزراء .. هيكل السيستم مضروب .. حمدوك ما حا يقدر يقدم شئ للسودان ما لم يتعالج الخلل اولا .. كيف انت اجتهد براك .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
Quote: حمدوك حا يقدم استقالته .. اذا سالوك قول ليهم فى رئيس وزراء كمل فترته فى رئاسة الوزراء .. هيكل السيستم مضروب .. حمدوك ما حا يقدر يقدم شئ للسودان ما لم يتعالج الخلل اولا .. كيف انت اجتهد براك . |
وهو جزء من السيستم المضروب وشغال في البنك الدولي والامم المتحدة بس وعي الساسة في السودان محلي جدا ولم يتجاوز 1964 ومخلفات الشيوعيين والبعثيين والناصريين \ لا مسكو درب الحركة الشعبية الاصل 2005-2010 ولا جابو حاجة احسن منه والشعب السوداني وخيارته الانتخابية من قبل الاستقلال ما بتجيب حثالة سياسية البجيب الناس ديل هي الانقلابات والمحاصصة عليك الله القعد ناس قح ت مع جنرالات زمن الكولير ا من الاول شنو قبل يفرضو عليهم برنامج تحول ديمقراطي حقيقي وينزلو للشعب كضامن وينا الهيكلة انا قلت ليك يا ناوي زول بجري لي مصر والسعودية والامارات او قطر وتركيا او امريكا والبنك والدولي ده ما اتحرر من شنو لسه\زما في فرق بين جرعات عبدالرحيم حمدي زمان وحمدوك هسة حمدوك ده لمعتو تمثلية فجة وواضح معارضة ناس قريعتي راحت دي ما كان عندها رؤية او حامل فكري او مشروع سياسي واضح وهم ذى الكيزان حدهم مثلث الحمدي واعادة انتاج الجولة المركزية الريعية الغبية ويستمر مسلسل تفكيك السودان بي فلان وعلان ويتركو البرنامج الواااااااااااااااااااااااااااااااااااااااااضح مااااااااااااااااااااااااااااااااااااااااا فااااااااااااااااااااااضح
| |
|
|
|
|
|
|
Re: ابقوا رقاق .. الجوع جاكم (Re: Mahjob Abdalla)
|
استاذ محجوب قبل يومين قريت في حتة انو سيدى الصادق المهدى طالب بمؤتمر اقتصادى. يعني الجماعة سمعو كلام الكبير .................. تقاطعات هلمجرا .. دي واحدة من اسباب الفشل .. و تدخلاته عبر وزير المالية الذى يستلم الاوامر من الصادق و ليس من حمدوك حتما سوف تودى الى استقالة حمدوك عاجلا ام اجلا بدون ادنى شك .. اضافة الى ان بقية الوزراء يعملوا بتوجيهات رئيس الحزب و ليس رئيس مجلس الوزراء .. هذه الربكة فى الموتمر نتيجة لهذه التقاطعات .. ليس من مهام الجهاز التنفيذى اتخاذ القرارات .. بل تنفيذ القرارات وفق الزمن المحدد له .. مثل هذا الاجتماع يخصص للتداول داخل مجلس الوزراء وليس للعلن فى مؤتمر صحفى .. المؤتمر الصحفى يكون للاعلان عن بداية زمن التنفيذ .. سلبية مثل هذا الموتمر حتما يؤثر على ارتفاع السلع و الدولار فى السوق .. كل هذه التقاطعات و صغر صلاحية رئيس الوزراء لا تمكن الوزارة من تحقيق اى نجاح يذكر .. بل قد يزداد الامر سواء على سوء .. عندما قال الثوار حكومة تكنوقراط غير حزبية لمنع هذه التدخلات .. بلو واشربوا مؤتمركم الاقتصادى الى حين يجيكم البل الجد جد .. بالمناسبة ما تنسوا تجهزوا رئيس وزراء عشان ما تتفاجؤ .. تدفروها كدا لمن تحصلوا بيها الانتخابات .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
إن شاء الله ما يحصل جوع
رفع الدعم عن البنزين وليس على الجازولين بالتالي لايؤثر على أسعار السلع
رفع الدعم عن البنزين سوف يؤدي إلي توفر البنزين وعدم إرهاق خزينة الدولة وميزان المدفوعات
رفع الدعم عن البنزين سوف يوقف عمليات تهريبه لدول الجوار
الخوف من جشع التجار بإختلاق الأسباب من دون أسباب لزيادة الأسعار
| |
|
|
|
|
|
|
Re: ابقوا رقاق .. الجوع جاكم (Re: الصادق عز الدين)
|
استاذ عادل امين ويستمر مسلسل تفكيك السودان بي فلان وعلان ويتركو البرنامج الواااااااااااااااااااااااااااااااااااااااااضح مااااااااااااااااااااااااااااااااااااااااا فااااااااااااااااااااااضح ....................... يعرفونها كما يعرفون ابنائهم .. لكنهم استكبروا و اصروا على تفكيك الوطن نيابة عن تفكيك المؤتمر الوطنى اكراما له لرد جميل وسام الطبقة الرفيعة .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
الصادق عزالدين شاء الله ما يحصل جوع
رفع الدعم عن البنزين وليس على الجازولين بالتالي لايؤثر على أسعار السلع
رفع الدعم عن البنزين سوف يؤدي إلي توفر البنزين وعدم إرهاق خزينة الدولة وميزان المدفوعات
رفع الدعم عن البنزين سوف يوقف عمليات تهريبه لدول الجوار
الخوف من جشع التجار بإختلاق الأسباب من دون أسباب لزيادة الأسعار ......................... تم تاجيل رفع الدعم الى حين انعقاد المؤتمر الاقتصادى فى مارس .. لكن حا يكون فى ارتفاع طفيف فى الاسعار و يصاحبها ندرة فى السلع نسبة للاحتكار لتوقع زيادة فى الاسعار فى شهر مارس لتجنب التجار فرق الاسعار التى تؤدى الى الخسارة .. رفع الدعم عن البنزين يوفر مبلغ من المال ليتم دفع اقساط الديون المتراكمة .. رفع الدعم عن البنزين بداية لسلسلة المتوالية متعاقبة لرفع الدعم عن بقية السلع و الدولار و تحرير جميع السلع .. بعد ان نستوفى الشروط يمكن ان نتحصل على قروض بفوائد ربيوية و بعض الإعفاءات من البنك الدولى .
| |
|
|
|
|
|
|
Re: ابقوا رقاق .. الجوع جاكم (Re: أيمن نواى على)
|
انعدام القمح و الوقود .. الجوع جاكم قبل المؤتمر الاقتصادى المزمع فى شهر مارس .. و اليوم اخر يوم لوزير الصناعة للوفاء بالوعد ثلاث أسابيع مضت و انعدم الخبز .. مافى خبز يقيفوا ليهو صفوف .
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|