|
|
|
 Re: الثورة الثالثة ضد قحت .. تنضج على نار هادئ� (Re: أيمن نواى على)
|
يا أخونا استفيدوا من اخطأ الثورة الفاتت .. نجضوا الشغل .. الشفافية فى الاعلام و تمليك المعلومة و زيادة الوعى الجماهيرى .. وحسن الإدارة و التنظيم و الرقابة و الاشراف و اتخاذ القرار و تنظيم قنوات التعامل المادى مراكز تجميع الاموال و مراكز الصرف و المراجعة و التقرير المالى الشهرى .. قوموا الى ثورتكم يرحمكم الله .
| |
 
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
سلام ترهاقا
دعمي اللامحدود لحمدوك
..................
كلنا حمدوك .. لكن ذى ما قال محمد يوسف حمدوك لا يملك سلطة .. حمدوك زى و زيك لا يستطيع ان يفعل شئ .. و المجلس السيادى يقول انه مجلس تشريفى فقط .. السؤال من يملك السلطة .. البلد قاعدة ام فكوا فى السهلة .
_______________________________________________________________________________________
العنوان محبط ويدل على مدى كراهيتك لقحت
لا أدري ما السبب ؟؟؟؟؟؟
العافية درجات
بالنسبة لكل شريف ومن أجل كنس بني كوز إلى الأبد يجب دعم هذه الحكومة
وإلا عاد الزواحف إلى حيث ما كانوأ
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: bakri abdalla)
|
بكرى عبدالله
العنوان محبط ويدل على مدى كراهيتك لقحت
لا أدري ما السبب ؟؟؟؟؟؟
العافية درجات
بالنسبة لكل شريف ومن أجل كنس بني كوز إلى الأبد يجب دعم هذه الحكومة
وإلا عاد الزواحف إلى حيث ما كانوأ
.......................
التعامل بالعاطفة لا يسمن و لا يغنى من جوع .. خمسة ملفات ساخنة فى الطاولة .. السلام .. رفع الدعم .. تقرير نبيل اديب .. تسليم المحكمة الجنائية .. انهيار العملة المستمر .. حمدوك لا يملك اى صلاحيات لحل هذه الملفات .
الزواحف لا تستطيع ان تقف فى وجه الشعب إلا من خلف ظهر قحت .. اليوم اذا قالوا للزواحف تستلم الحكومة ما تقدر تقدم شئ .. 30 سنة عجزوا عن حل واحد من الملفات المذكورة .. الزواحف لا تسعى الى السلطة فى الوقت الرهن لانها تعلم تماما ان الشارع غير راضى عنها و لا يمكن ان تسير حكومة من غير رضاء الشعب .. الان الزواحف تسعى الى التسوية و عفا الله عن ما سلف .. ما يحدث منها فرفرة مزبوح لكى لا تقدم للعدالة تحت ضغط الشارع لمجموعة قحت المتخاذلة .
الشارع اسقط الزواحف وهى فى كامل قوتها .. و قادرة على اسقاط الزواحف مرة تانية و تالتة و رابعة .. المشكلة الان فى قحت بديل الزواحف..
قحت هى التى تضخم الزواحف لتخلق بعبع تخوف به الثوار لتجد الدعم و التأييد لتواصل فى مشروع الخرمجة .. وكل من يخالفها تلقى عليه تهمه الكوز لتتخلص منه .. الشارع اقوى من قحت و الزواحف ..
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
بدرالدين
طيب البديل شنو ؟؟
الخروج على الحاكم حرام ..
ولو جلد ظهرك وأكل مالك
ثورة ثالثة لمصلحة منو ، البستفيد منها منو ؟؟
.....................
السؤال عن البديل .. طرح د. جون قرنق .. مشكلة السودان مش منو البيحكم ..المشكلة كيف يحكم ااسودان .. و الجابة هى الدستور الذى يتوافق عليه اهل السودان .
اما بتاعت ان جلد ظهرك و اكل مالك دى بتاعت الكيزان اتبنتها قحت .
الثورة الثالثة هى قادمة لا محالة .. و قحت هى التى تساهم فى قيام الثورة الثالثة بكثرة اخطائها .. كما ساهم الكيزان فى الثورة الاولى بخطائهم .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
قال ثورة ثالثة قال : الكيزان الملاعين مكشوفين وين ما راحو :
فى الخرطوم :
Quote: خطير خالص خالص خاااااالص
..
..
طبعا لسه انا جوه بيت الكلاوي وشكلي حخش لجوه اكتر كمان
..
اقبض الشغل التقيل ده
..
العميد امن مهندس الطاهر الطيب برانكو
امسك الخشب ... انا جيييييتك
..
سعادة العميد امن الطاهر الكان وزير الزراعه في ولاية الخرطوم
يعقد اجتماعات مع عدد من ضباط الامن الفي الخدمه ومع بعض الاتشالو في اخر كشف
ويرتبو لمؤامرات ضد الحكومه الحاليه
الاجتماعات في بيتو بحلفاية الملوك الحي الاول
..
..
الي عناية الرفاق في الحكومه الانتقاليه
والمجلس السيادي
والي عناية الشعب السوداني العظيم صاحب المصلحه الاكبر في التغير
..
الناس تعمل حسااااابا
الا قد بلغت اللهم فاشهد
#هيكلة_جهاز_الامن |
فى الدمازين المحروسة :
Quote:
#لجان مقاومة الدمازين دخلو الكيزان في فتيل
كان هنالك بعض من فلول الكيزان المنحلين في اجتماع للعمل ضد الثورة وهجم عليهم الثوار وحدس ماحدس
ياريت لجان مقاومة ولاية الخرطوم يستفيدو من تجارب اهلنا في باقي الولايات |
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: محمد البشرى الخضر)
|
علاء سيد احمد
قال ثورة ثالثة قال : الكيزان الملاعين مكشوفين وين ما راحو
..................
سنة كاملة حاكموا زول واحد بى 25 مليون دولار.. يحتاجوا لى كم سنة عشان يحاكموا فى مليار دولار .. لغاية الفترة الانتقالية تنتهى ما يكونوا انتهوا من محاكمة البشير .. الجرجرة دى كيفنها .
كل الاضطرابات الامنية و المشاكل الأقتصادية الحاصلة فى البلد .. بداية حلها تسليم البشير للمحكمة الجنائية او محاكمته داخليا .. البشير فى الحكم الشعب يعانى .. البشير فى الاصلاحية الشعب يعانى .. فى شنو 30 مليون مواطن يعانى بى سبب شخص واحد .. سلموا لاهاى يا حاكموهو يا فكوهو اى واحد ياخد حقوا براهوا .. لكن يمسكوهو و يوفروا ليهو الحماية دى ما راكبة الراس.
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
ود البشرى
في حالة نوّاي مشكلتو انه ما شايف في قحت غير جلّابة بس ما أكتر
..........................
ود البشرى .. انتوا لو بتجيبوا لينا الجلابة النضاف زيك .. انحنا ما عندنا مشكلة .. لكن كل الجلابة البيجيبوهم و سخانين .. انحنا نعمل ليكم شنوا .. انحنا زاتنا عندنا الوسخانين .. بندسهم تحت و نطلع ليكم النضيف .. هسى انتوا ما بتخجلوا ترصوا لينا ناس قحت ذى السنون الصفراء المصدية تفوح منها الرائحة الكريهة .. دايرننا نصفق ليكم على الانجاز العظيم .. فوق كم نتاذى من المنظر و الرائحة الكريهة .. قحت كونهم كلهم جلابة دى براها مشكلة فى ظل الجهوية و القبيلة و العنصرية المتفشية .. مستوى الوعى لم يرتفع بعد حتى يتقبل الناس مجموعة من سحنات معينة جلابة او غير جلابة او من جغرافية واحدة .. دى واحدة من مشاكل قحت ما مستوعبة مشكلة السودان. .. و بالتالى لا يمكن ان تقدم حل ناجع او سلام .. مثل هذه العقلية تفرز الحرب او الانفصال و هذه هى الخطورة .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: عبدالغني محمد الحاج)
|
عبدالغنى
دعمي اللامحدود لحمدوك
.............
دعمك لى حمدوك بطئ و متاخر .. فى دعم سريع اسرع منك لى حمدوك .. و سبقوك و رشحوا حمدوك لوزارة المالية .. واحدة من أسباب رفض حمدوك القيود المفروضة و ما زالت نفس القيود موجودة .. دعم لى دعم يفرق .. ادعم بى وعى ولاتعتصم بالجبل اليوم لا عاصم من الطوفان .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: محمد البشرى الخضر)
|
ود البشرى
غض النظر عن سخف الكلام - وسخانين و سنون شنو ماعارف- قحت ما جلابة، انت الشايفهم كدا
ودي مشكلتك، انت ولازم تعمل على حلها
والا ح تظل تعبان كدا
.......................
ود البشرى .. اضايقت الله لا جاب الضيق .. اول خطوات العلاج النفسى اعتراف المريض بالمرض .. عدم الاعتراف يضعف فرصة العلاج .. من بعد خروج الانجليز المناظر هى ذاتها .. دخلت البلد فى شنو كدة ما عارف الوزة .. لكن المطلوب اولا الاعتراف بالمرض بعدها نبدا التشخيص ثم نجد العلاج .. اتباع المنهج العلمى ضرورى .. العلم نور .. اذا مشيت مستشفى التجانى الماحى .. سالوك انت مجنون قلت لا انا ما مجنون يدخلوك جوة المستشفى طوالى بدون نقاش ..غايتوا دى نصيحتى ليك .. اسال اى متخصص فى الامراض النفسية قبل ما تجى ناطى ترد .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: محمد البشرى الخضر)
|
محمد البشرى
يلا ابدا بالاعتراف بمشكلتك وإنك لا ترى في الدنيا سوى جلابة وغير جلابة
....................
الحمدلله المرض دا ما عندنا .. معظم قبائل السودان عاشوا معانا فى البيت بالشهور و بعضهم بالسنوات .. امسك عد .. حلفاوين .محس . دناقلة. جعلين .شوايقة. بطاحين .من الجزيرة .حوازمة. مسيرية . فونج.دينكا.نوير.فلاتة.برقو.فور.زغاوة.شلك .. فى اعضاء فى المنبر يشهدوا بذلك .
نجيك انت .. ابقى صادق اذكر من القبائل ضيفتها شهر واحد فى اسرتك .. المنبر قدامك .. اذا كانوا قلة اعلم انك تحتاج الى جلسات خاصة .. ممكن نرسل بعض الوصفات فى الخاص تساعد على التخلص من العنصرية و العنصرية المضادة فى ان واحد .. راسلنى فى الخاص اذا احتجت الى مساعدة نحن رهن الاشارة .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: محمد البشرى الخضر)
|
ود البشرى
أها انا ضيّفت وتضيّقت في عشرات البيوت السودانية طوال حياتي وفي مدن وحلّال عدّة, لو سألتني عن قبايلهم ما بعرفها
لم أر فيهم أو اعرف سوى سودانيين وبس
اتمنّى تكون فهمت الفرق وعرفت مشكلتك وين
........................
يا ود البشرى .. تقدر تحلف على كلامك دا .. ما بتقدر لا نك ما صادق .. عاوز تعمل مفتح على منو .. الواحد مولود بى اسنانه .. بطل اللف و الدوران .. اعترف انك مصاب بداء الجهوية .. عشان كدة بتحاول تلصقها فى اى واحد .. دعمك لى قحت ما من اجل فكر او مبدأ بل من اجل انا و اخوى على ابن عمى .. لازم تجتهد تخرج من الحتة الضيقة دى عشان نمشى لى قدام .. انا شغلتنى شنو فى المنبر غير العلاج .. بس انت اشجع اعترف ما تخونك ااشجاعة .. من اجل السودان ممكن تضحى و نعتبرك بطل سجل اعترافك .. قدامك فرصة ذهبية ما تضيعها.. فى انتظارك ما يغشك الشيطان .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
تمر بعدة مرحل لتبلغ غايتها .
-----------------------------------------------------
المغرض نواى غايتها فى نظرك شنو ؟ عودة الكيزان طبعا مش كدا؟
غايتو من مناشيرك البترفع فيها كل يوم فى سودانيزاون لاين نفهم انك لا تريد خيرا للبلاد والعباد
انت شن جنسك؟ كوز او منتفع من نظام الكيزان؟؟
ام مجرد حاقد اعمت بصيرته العنصرية
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: Hassan Farah)
|
حسن فرح
المغرض نواى غايتها فى نظرك شنو ؟ عودة الكيزان طبعا مش كدا؟
غايتو من مناشيرك البترفع فيها كل يوم فى سودانيزاون لاين نفهم انك لا تريد خيرا للبلاد والعباد
انت شن جنسك؟ كوز او منتفع من نظام الكيزان؟؟
ام مجرد حاقد اعمت بصيرته العنصرية
............................
الما بعرف يقول عدس .. نقولوا علمانية تقولوا ديل شيوعين .. نقول تسقط قحت تقولوا ديل كيزان .. اركزوا بطلوا البطبطة يا جداد قحت .. جهويتكم و عنصريتكم استفحلت بقت حالة متاخرة تحتاج الى علاج فورى .. اتلموا كلكم مرة واحدة كدة ندرس الظاهرة و نحللها لنصل الى نتيجة .. من غير علاج الجهوية و العنصرية تكون امامنا عفبة حقيقية لا نستطيع ان نتخطاها .. لابد من ان تتعاونوا .. الشخص الذى لا يستطيع ان يساعد نفسه لا يمكن ان يساعده الاخرين .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: محمد البشرى الخضر)
|
بالله دي حالة دي! الواحد يسألك ويجاوب عنّك و يرسم سيناريوهات و عك وخبص!!
ما تستنا اجابتي يمكن احلف ليك و الموضوع ينتهي
...........................................
رمتنى بدائها و انسلت .. زى ما قلت ليك ما بتقدر تحلف .. اختصر ليك المشوار .. خمسة اشخاص من الغرب او الجنوب تم استضافتهم فى اسرتك لمدة شهر .. تكون خالى من امراض الجهوية و العنصرية .. مثل هذه الامراض تكثر فى الريف و القرى ..اما فى الحياء القديمة فى المدن تكاد تختفى .. العنصرية هى شنو .. تبدأ من البيت وتنطلق فى المنبر و الشارع و تتوج فى قمة الاحزاب ذات السحنة المعروفة دى .. و هى تقصى الاخرين و تشكل قحت من ذات السحنة هذا خطر على وحدة البلاد و الغريبة يدعموها بقية فتافت العنصرية بالحمد .. مثل هذه التصرفات تفتح الباب لتكوين اجسام بسحنات مختلفة .. و منها يبدأ الانقسام الاميبى على شكل السحنات و اللون و الجغرافية ..عندما تنفصل البلاد يبكوا على الوحدة و تراب الوطن .. و هم ذات الاشخاص ساهموا فى الانفصال الاميبى .. العنصرية المبطنة تتجزر فى اللاشعور .. من اعرضها لاتتجانس إلا مع بعضها فى اللاوعى و تنفصم فى الوعى بشخصية اخرى .. يكون الشخص عايش بشخصيتين مزدوجتين .. لذلك يكون مطرب فى الخيارات يمارس العنصرية فى اللاشعور و يبكى و يتحسر على فقدان الوطن .. عندما نتحدث عن وحدة البلاد يجب ان تسبقها خطوة معالجة الامراض العنصرية .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
Quote: المغرض نواى غايتها فى نظرك شنو ؟ عودة الكيزان طبعا مش كدا؟
غايتو من مناشيرك البترفع فيها كل يوم فى سودانيزاون لاين نفهم انك لا تريد خيرا للبلاد والعباد
انت شن جنسك؟ كوز او منتفع من نظام الكيزان؟؟
ام مجرد حاقد اعمت بصيرته العنصرية
|
تحياتى دكتور ودفرح هل هذا الشخص ليه علاقة مع الزوول الاسمه مين كدة نواى الكان بتطلع فى القنوات
الفضائية وخاصة العربية والجزيرة ايام الثورة الزووول داك كان ضد الثوار ايام اعتصام القيادة ولى هسع ما قدرت استنتج انه كووز
او مصلحنجى وشايفه هسع قلب مع حميدتى
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
التناقض و الازدواجية فى التركيبة النفسية سمة ظاهرة .. يدعى التدين وهو يسرق و ينهب .. يدعى الشرف يزنى و يغتصب .. يدعى الاشتراكية و هو راسمالى .. يدعى الديمقراطية و هو رئيس خمسين سنة .. يدعوا الى السلم و يجنح للحرب و يقتل الاسير .. بلد محتاجة الى اطباء نفسانين اكثر من الخبز و البنزين .. يا ود البشرى الموضوع دا داير بوست منفصل .. نرجع لى قحت و الجداد الالكترونى .. شايف واحد يتاوق ما قادر يخش .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
احمد حمودى
تحياتى دكتور ودفرح هل هذا الشخص ليه علاقة مع الزوول الاسمه مين كدة نواى الكان بتطلع فى القنوات
الفضائية وخاصة العربية والجزيرة ايام الثورة الزووول داك كان ضد الثوار ايام اعتصام القيادة ولى هسع ما قدرت استنتج انه كووز
او مصلحنجى وشايفه هسع قلب مع حميدتى
.................
احمد حمودى .. المابتدورة تحدر ليهو فى الضلام .. ابوك اسمه حمودى يعنى انت خلاص ولد حميتى .. شد حيلك شوية وخلى الخرخرة .. انت داير تخش العيادة براك .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
الوحدة ليست كلمات يتشدق بها الفرد .. هى سلوك تقبل الاخر .. تزرع فى الفرد داخل أسرته تخرج للشارع تشكل باقة متنوعة فى الاحزاب و المؤسسات و التنظيمات .. اما الوحدة التى تكتب بماء من ذهب داخل القصر و تلقى فى سلة المهملات لا تبنى وحدة حقيقية .. ولا تعنينا فى شئ.
الكوز الحرامى والشيوعى الحرامى .. لا فرق بينهم .. زيوه و ذى كوز التمكين و قحت التسكين يمشوا السجن طوالى بدون نقاش .. انحنا عملنا شنو .. نشيل حاج احمد و نجيب احمد .. بطلوا اللعب بالنار ياقحت .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
الجماعة لبدوا .. لواءات لايفات جاهزين اليومين ديل شغالين تمارين لياقة ساكت .. كلهم منتظرين تقرير نبيل اديب عن فض اعتصام القيادة .. اذا التقرير صادق و اثبت ان الفئران وقعوا على فض الاعتصام .. سوف يتركوا الثوار كل شئ و يتم مطاردة الفئران فى الشوارع .. العجاج يكون رابط فى السماء و الغبار ما يديك الدرب هكذا يكون مصير كل متسلق بدماء الشهداء .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
| Quote: الثورة الثالثة ضد قحت .. تنضج على نار هادئ� |
دور بيهم في البورد يا نواي قرود بالفلوف
ثورة الوعي البصيرة تبدا من محل وقف جون قرنق السوداني وليس بن عوف الساقط الجدع دستور 2005 الفدرلي دون حياء
وخلنا مع ايتام عبدالناصر وصدام حسين وبعاعيت مايو 1969 وعلم مايو علي حساب المشاريع الوطنية الوضحة ما فاضحة
الثورة رؤية ومسار مش فلان وعلان
1- تجدع علم مايو والاسنلاب الوسخ ده وترجع لي علم الاستقلال وترفعو بس في بيتك اذا وعيت
2-تدين كل الانقلابات الوسخة والوراها المخابرات الاقليمية والدولية 1958 و1969 و1989 و2019 وترد الاعتبار لي اهل الطريق الاربعة ديل
جيل الاستقلال الذهبي النظيف العفيف وجون قرنق
السيد عبدالرحمن المهدي الانصار
السيد علي الميرغني الختمية
الاستاذ محمود الجمهوريين
الدكتور جون قرنق الحركة الشعبية
وتتجاوز اهل الرجس الاخوان المسلمين والسلفيين"الانقاذ "وبعاعيت مايو اهل السفاهة الشيوعيين والبعثيين والناصريين 1969
تزح من قرود السيرك الامريكي الخمسة مصر والسعودية والامارات من ناحية وقطر و تركيا من ناحية ثانية ومن امريكا ذاتا والبنك الدولي
اسرع قطر في الصين
احسن تلفون كوريا الجنوبية ساسمونج
احسن سيارات اليابان
انتهت قصة امريكا والاتحاد الاوروبي دي زمان ديل ببيعو السلاح بس للسعودية والامارات لقنل الناس في المنطقة
ترجع في السودان اول حاجة
1- المحكمة الدستورية
2- الاقاليم وتلغي الولايات
3- دولة جنوب السودان بالحريات الاربعة والنفط مقابل الغذاء
4- تخرج من حرب االيمن مع اعتذار كبير للشعب اليمني
5- تتجه الي الايقاد وتتخارج من جامعة الدول العربية حيث الاحترام والوجود الحضاري الحقيقي للسودان والحزام المداري والمرء حيث يضع نفسه
6- الصين والبريكس وبنك التنمية والسكة الحديد اولا في السودان والطاقة الشمسية وبدائل النفط
****
ديل رايح ليهم درب وقليلين ادب ساكت ما تشتغل بيهم
في فرق بين الوعي قلة الادب
وحدهم قريب
الثورة الحقيقية تراهن علي وعي الناس وليس غضبهم والكيزان ما الحاحة الكعبة الوحيدة في السودان
القصرية ايضا والعروبيين
مش شايف القصرية ظهرية بي جوة وبيضاء بي بره ؟؟
ديل بعاعيت مايو ديل 1969
اردمهم ردمهم البلا في البورد
البوستات قدامهم وهم في فلان وعلان
المخ ضيق ما قادر يتجاوز مثلث الحمدي ويستوعب مشاريع وطنية في حدود السودان الكوشي الاصلي 1 يناير 1956
واعلام ذى النعال لا يوقظ فكرة ولا يهذب شعور
https://top4top.io/
بن عوف بداها ولغي الدستور والصبة بتاعة جون قرنق واللجنة الامنية غير الوطنية هي البتحرك السودان في الاتجاه المشين والعالق حتي الان و ناس ق ح ت ديل بدل يحددو نقاط التحول الديمقراطي الحقيقي من اول مفاواضات مع جنرالات زمن الكولير
ويمسكوهم الدرب ويلزمهم هم بنظافة وسخ الانقاذ لانهم كانو جزء منها ويخلوهم يمشو من محل الصبة البداها جون قرنق 2005-2010 وانتخابات سجل ليها 18 مليون قعدو يمشطو في الانقاذ بي قملا وفي 18 ولاية و هسة يولولو ذى نائحات الاجرة في روتانا زمان
جلسو في الرصيف القذر والسيرك المصري ودمبلاب في السودان واقبل بعضهم علي بضع يتلامون
بالله اخلي جون قرنق واباري خالد سيلك وناجي الاصم وبعاعيت مايو صديق يوسف ساطع الحاج واحمد الربيع والسنهوري وانا في الاقاليم اعمل بيهم شنو ديل هسة
| |
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: adil amin)
|
وحاة الله يا نوّاي مجرد قراية هرتلتك دي خلّي المشاركة فيها مضيعة للزمن!
ياخي اثبت إنّك طيرة ساكت
يعني اسّي هبشة صغيرة كدا خلّتك تتهردم و تتفنقل على وشّك وتثبت براك انّك فعلا ماشايف في قحت غير جلّابة وانت حاولت تصلّحها بأنهم حلابة وسخانين سنونهم صفر!
وعايز تصلّحها وبتحاول كسر رقبة تعمّم مرضك على الجميع وتعمل فيها عايو تعالج العنصرية
كدا ابدا بي رقبتك أول!
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: محمد البشرى الخضر)
|
استاذ عادل امين
ديل رايح ليهم درب وقليلين ادب ساكت ما تشتغل بيهم
في فرق بين الوعي قلة الادب
وحدهم قريب
الثورة الحقيقية تراهن علي وعي الناس وليس غضبهم والكيزان ما الحاحة الكعبة الوحيدة في السودان
القصرية ايضا والعروبيين
................................
ديل دايرين يدخلوهم المدرسة من جديد .. ما عارفين كوعهم من بوعهم .. الغريبة الواحد يكون متخرج من جامعة عريقة و لسع ريح ليهو الدرب دا يعملوا ليهو شنو .. ربنا يكون فى العون .. نساسكك معاهم كدا عسى و لعل عقلهم يفتح شوية .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
شوف مستوي الوعي ذاتو ...مبارين ناس مش مبارين رؤية او مشروع واضح ويقول ليك البديل شنو
مش قلنا نمسك في مشارعينا الوطنية التي تعثرت من الاستقلال وفي حدود 1ايناير 1956
يجي يقول ليك حمدوك بس ذى تسقط بس
طيب حمدوك ده بي مشروع بعايت مايو ق ح ت 1969 ومثلث الحمدي ولي بي صبة جون قرنق 2005-2010 الوصلتنا الانتخابات
قالو حمدوك بي مثلث الحمدي وق ح ت والله دي ذى وجبة فول بي معلقة جاز ...
مش بقولو معلقة جاز تخرب برميل بتاع عسل
وهسة مرت سنة مع حمدوك وقحت وشالو السيدة وخلو حرم المحاصصة ويمشطو في الانقاذ بي قملا وفي 18 ولاية ومع نفس الناس
هسة ده تحول ديمقراطي او فدرالي عليك الله
الثورة رؤية وحامل فكري ومسار واضح ومؤسس بي دستور واضح وخطوات واضحة ووعي جماهيري حقيقي = الاغلبية الواعية
وهسة طرحت ليهم الستة نقاط دي من 2010 في البورد يجي يلف ويدور
زول ما عنده اي وعي سياسي من الاساس وجزء مت قطيع منتهي الصلاحية و ماقادر يروج بضاعتو المصرية اليايرة دي قاعد في رسانا في البورد وفي السودان لي شنو
هسة النقاط الستة دي ما واضحة ؟؟
Quote: ترجع في السودان اول حاجة
1- المحكمة الدستورية
2- الاقاليم وتلغي الولايات
3- دولة جنوب السودان بالحريات الاربعة والنفط مقابل الغذاء
4- تخرج من حرب االيمن مع اعتذار كبير للشعب اليمني
5- تتجه الي الايقاد وتتخارج من جامعة الدول العربية حيث الاحترام والوجود الحضاري الحقيقي للسودان والحزام المداري والمرء حيث يضع نفسه
6- الصين والبريكس وبنك التنمية والسكة الحديد اولا في السودان والطاقة الشمسية وبدائل النفط |
ومشروحة في 10000 بوست وتسجيلات وووسائل تعليمية وقرود بافلوف في لا صوت يعلو فوق صوت المعركة
هسة هم بعرضو بيم ليه؟؟؟ما لم ومالك مش يفندوا كلامك او ينقرعو
انت وريهم الثورة الثالثة تكون كيف
اصلو الزول البمكسو الدرب وما يمسكو واحد من اثنين
اما معتوه مخو ما شغال او مخو شغال غلط او زول ساقط ورخيص وشغال مع قرود السيرك الاميركي الخمسة مصر والسعودية والامارات وقطر وتركيا والبنك الدولي وامريكا ومشروع صدام الحضارات والوعي درجات
وعي وطني
وعي اقليمي
وعي دولي
وعي كوني
عشان كده قلنا السودان في حاجة لي مهدية ثالثة جديدة يزح من العرب عشان يلقي نفسو اول حاجة وعمقه الحضاري ويتحرر من تراهات مايو 1969 وعلم بابكر عوض الله ده او ل حاجة بعد داك بتجي الهوية والدولة الوطنية بتاعة 1938-1956 المصنوعة في انجلترا ذى الطائرة الاير باص ..والبلد الطيب والناس السياسية((النظيفة فعلا )) وبي صناديق الاقتراع وعبر ((الاغلبية الواعية )) الذين يمثلهم فعلا ايقونات السودان الحقيقية الاربعةة
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
ود البشرى
يعني اسّي هبشة صغيرة كدا خلّتك تتهردم و تتفنقل على وشّك وتثبت براك انّك فعلا ماشايف في قحت غير جلّابة وانت حاولت تصلّحها بأنهم حلابة وسخانين سنونهم صفر!
.....................
انت وسع عقلك شوية عشان تفهم .. وصفت افعلهم و ليس اشخاصهم .. ارجع للبوست فوق .. محتاج تدرس البلاغة فى التشبية و التورية و الجناس و الطباق .. هسى لو دا واحد عربى كان فهم انا قاصد شنو .. مشكلة المنبتين ثقافيا مشكلة كبيرة فى فهم اللغة .. اقولك احلف فى حاجة معينة تحلف فى شئ اخر .. اقول ليك تيس تقول احلبوا .. انت الواحد إلا يدرجو خطوة خطوة مع الشرح الملل .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
تقرير نبيل اديب لو طلع ملفق ساى .. و هذا هو المتوقع .. الثوار يصفروا عداد الثورة من جديد .. الا يطيروا عصافير قحت من نبال الثوار .. فى كلتا الحالتين لو التقرير صادق مشكلة و لو ما صادق مشكلتين .. البحث عن طريق ثالث يجرى على ساق وقدم .. و ما ممكن يتم الهبوط الناعم بمصالحة الموتمر الوطنى .. و فى نفس الوقت يثبت اتهام فص القيادة للموتمر الوطنى .. كده وب و كده وبين .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
نبدا بالشرح الممل .. لماذا تكوين قحت من الاساس غلط و خدعة للثوار .. اكثر من 120 جسم مشارك فى قحت تم حصر اتخاذ القرار فى ثلاث تجمعات حزبية وحدة مهنية اضافة الى نداء السودان .. و انسحب حزب الامة من نداء السودان للتخلص من الحركات المسلحة .. و يشارك فى قحت باسم نداء السودان .. لقد نبهنا ان هذا الرجل لاذمة و لا عهد له ..استخدم الحركات الموقعة معه جبريل و منى حصان طروادة ليصل الى كرسى الحكم .. كل ذلك من اجل حصر إتخاذ القرار فى داخل مثلث حمدى فقط و تهميش المهمشين اصلا .. حصر قحت و اختزال الثورة فى مثلث حمدى ستكون عواقبه وخيمة .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
محاولة قحت حصر اتخاد القرار داخل مثلث حمدى له عواقب وخيمة كما ذكرنا .. اخر تعداد سكانى للولاية الشمالية 700 الف نسمة .. ولاية نهر النيل مليون و مئتان الف .. لا يمكن لى و لاتين اقل تعداد سكانى تتحكم فى 16 ولاية .. الولايات الجنوبية .. دارفور و كردفان و النيل الازرق و سنار تمثل 10 و لايات ماهولة بالسكان تمثل اكثر من نصف تعداد سكان السودان اى انتخابات يمكن ان تفوز بالاغلبية و تشكل الحكومة محاصصة و ليست حكومة كفاءة بمزاجها كما تفعل قحت الان .. و يكون السبب قحت فتحت ابواب المحاصصة و الجوية و لا يمكنها تحمل رد الفعل .. و البعيد شنو ذى ما قحت حصرت نفسها فى مثلث حمدى .. الهامش يحزو حزو قحت و يشكل حكومة الهامش بمحاصصة .. حميدتى رئيسا للسودان و عبد العزيز نائب للرئيس ..عبدالواحد محمدنور رئيس الوزراء و نائب رئيس الوزراء من البجة .. و منى وزير الخارجية .. وزير الدفاع من كوش .. وزير الدخلية جوزيف تكة .. ثلاث وزرات لى كوش و ثلاث للبجة و ثلاث للنيل الازرق و ثلاث لكردفان و ثلاث للجزيرة و ثلاث لى دارفور .. وكدة يتم محاصصة الهامش أسوة ما تفعله قحت .. وكل مثلث حمدى و قحت خارج السلطة تستلم المعارضة .. كل وزير يعين الموظفين من داخل ولايتو .. المانع شنو يفعل اهل الهامش كما تفعل قحت ..فتحوا عيونكم يا ناس قحت انتوا تلعبوا بالنار .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
تتعدّد أسباب كراهية قحت وتتنوّع في الكوز وفي الكان مستفيد وفي العايز يستفيد وفي الحاسد ساي الحسادة الواحدة دي
في حالة نوّاي مشكلتو انه ما شايف في قحت غير جلّابة بس ما أكتر
-------------------------------------------------------------------------------------
محمد البشرى الخضر نواى دا اضافة لكراهيته للجلابة يمكن عندو سبب آخر ......يمكن الكيزان ربطولوا شئ
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: Hassan Farah)
|
حسن فرح
محمد البشرى الخضر نواى دا اضافة لكراهيته للجلابة يمكن عندو سبب آخر ......يمكن الكيزان ربطولوا شئ
..................
حب و كراهية .. انحنا فى حفلة عرس .. نحن فى حضرة وطن تحكمنا الحقوق و الواجبات .. ثانيا انتوا منوا ذاتو توزعوا فى صكوك المحبة و الكراهية .. لو ما اخاف الكضب انت موصل ليك سلك ارضى .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
قحت خالفت معالم طريق نجاح الثورة .. منذ سقوط حكم البشير كنا نتوقع زيارة قحت للارضى المحررة فى كاودة و جبل مرة للوقوف على احوال المواطنين المرابطين و الشهداء و الجرحى و الارمل و اليتامى .. تجمع كل الشعب فى بوتقة واحدة لمواجهة التحديات .. لكنها ادارت ظهرها و ولت مدبرة نحو تقاسم السلطة و المال فى اروبا و امريكا حيث الراحة و الدعة و النعيم .. و ضربت بزيادة الاجور عرض الحائط بعد ان فارقوا الفقر فراق الطريفى لى جمله .. ودعا يا فقر الهم على ديارنا تانى ما تعدى.
شكرا حمدوك و انت تستر عورة قحت بزيارة كاودا .. قحت كلها عورة تستر شنو وتخلى شنو الله يكون فى عونك و عون الشعب .. قحت ليكم يوم .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
اطمئن يا نواي مافي ثورة بتقوم ما دام في حزب كبير وقوة عسكرية كبيرة بتدعم حمدوك ..
نعم بتكون في احتجاجات ويمكن تعديلات في جسم الحكومة لكن ثورة أو انقلاب ناجح بعيدة جدا ..
واذا حصل انسحبت القوة السياسية والعسكرية وسقطت حكومة حمدوك ..
عارف البستلموها منو ؟
أقول ليك ..
كتلة نداء السودان وحميتي وبشكلوا حكومة مدنية ..
وقتها العاملين غاغة الآن بشوفوا البل على أصلو..
عشان كدا أحسن الناس تعقل.
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
لو ما اخاف الكضب انت موصل ليك سلك ارضى .
-----------------------------------------------------------------
الموصل ليهو سلك ارضى معناتا محمى حماية تامة من اى ضربة صاعقة .....الشحنة تفوت فى السلك لا تصيب الجسم باى ضرر وتدخل الارض
كعب الزيك ديل تلقى ماشى فى الشارع واول ما يسمع صوت الرعد يجرى يقيف تحت شجرة
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: Hassan Farah)
|
ود الملك
نعم بتكون في احتجاجات ويمكن تعديلات في جسم الحكومة لكن ثورة أو انقلاب ناجح بعيدة جدا ..
واذا حصل انسحبت القوة السياسية والعسكرية وسقطت حكومة حمدوك ..
عارف البستلموها منو ؟
................................
الاجتجاجات اصلا هى مقصودة .. و استبعاد الحركات المسلحة فى نداء السودان مقصودة .. و بطئ السلام ايضا .. عدم تسليم المتهمين .. و رفع الدعم مقصود .. خلق الازمات للضغط على شفع السياسة للحصول على اكبر مقاعد فى الوزارات و اغلبية الولاة فى الولايات .. اما ان ينفذ شرطه او احتجاجات و قيام حكومة مبكرة .. الحقيقة هو فقد قواعده تماما .. كل هذه المحاولات اليائسة لاستعادة القواعد عبر استخدام قوة السلطة .. معروف انه ضعيف جدا لا يستطيع حماية. او ادارة سلطة لقد فقدها مرتين .. و عاجز تماما عن تحريك الشارع .. ما يفعله الان هرش شفع السياسة لا اكثر .. دائما النتائج تكون عكس قرائته .. لانه لا يجيد قراءة الاحداث
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
حسن فرح
الموصل ليهو سلك ارضى معناتا محمى حماية تامة من اى ضربة صاعقة .....الشحنة تفوت فى السلك لا تصيب الجسم باى ضرر وتدخل الارض
كعب الزيك ديل تلقى ماشى فى الشارع واول ما يسمع صوت الرعد يجرى يقيف تحت شجرة
............... ......
حسن فرح .. انت راجل سكرة مستوى على الاخر .. You make my day .. انت كنت عايش وين .. سلك حماية الصاقعة توصل للبيوت و القطاطى .. السلك الارضى يوصل للاشخاص الله لا وراك ليهو .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
نواى انت بس اعمل حسابك حتى داخل بيتك ممكن الصاعقة تضربك
صدقنى وكما ذكرت لك اياك ان تقف تحت شجرة اذا سمعت صوت الرعد
اما حكاية السلك الارضى ممكن ينقذك لو ربطت طرفه فى طربوش ولبست الطربوش فوق راسك وتركت الطرف الآخر مدلدل جارى فى الواطة
داخل بيتك لوسمعت صوت الصاعقة عليك فورا ان تبتعد عن اى سويتش او جهاز كهربائى او مصدر مياه حتى لو كنت تعلم ان العمارة مأرضة earthed
نصيحة لوجه الله بدون مقابل
اها جوفك برد ولا لسع
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: Hassan Farah)
|
حسن فرح
داخل بيتك لوسمعت صوت الصاعقة عليك فورا ان تبتعد عن اى سويتش او جهاز كهربائى او مصدر مياه حتى لو كنت تعلم ان العمارة مأرضة earthed
نصيحة لوجه الله بدون مقابل
اها جوفك برد ولا لسع
...................................
لكن بس ما عندنا سيوتش او جهاز كهربا و الموية نشرب مع البهائم فى الحفاير سوا .. الطلق و زخائر الانتنوق نزحهم من الموية و نشرب حتى الاطفال و العجائز .. شكرا ليك على النصيحة الغالية مقدما لمن تتوفر الحاجات دى عندنا نعمل بيها طوالى .
الاصلوا فى الجوف اندفن ..لا بتمحى و لاتنتهى منه الحريق .. لا خلاص وقفنا فى قيفة تب منتظرىن الفرج .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
آخر ابداعات و تجليات قحت .. بعد ان اصابها الخوف و الهلع من الوحدة و العزلة .. قررت تصنع كتائب الظل من لجان ثوار الاحيآ .. بعد ان فشل المخطط الاول لترويض لجان الاحيآ عبر لجان تنسيقية موالية تم تعينها بواسطة قحت .. اخر تقليعاتها قررت تفتح ابواب التجنيد للامن و الشرطة و الجيش للثوار .. بذلك تكون اصتطادت عصفورين بحجر واحد .. تتحكم فى الثوار بالاوامر العسكرية و تتخلص من المظاهرات و الاحتجاجات فى ان واحد .. فترة التدريب تحجز الثوار فى معسكرات سنة و نصف منقطعين تماما عن بقية الثوار .. و تنفرد ببقية الثوار فى الاحيآ .. قحت تكون قطعت شوط فى تدجين الثوار و تكملة برامجها فى التحكم و ااسيطرة .. عندما يتخرج الثوار من التدريب.. الفترة الانتقالية تكون على وشك الانتهاء و دخلت زوبعة الانتخابات .
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: أيمن نواى على)
|
لكن بس ما عندنا سيوتش او جهاز كهربا و الموية نشرب مع البهائم فى الحفاير سوا .. الطلق و زخائر الانتنوق نزحهم من الموية و نشرب حتى الاطفال و العجائز .. شكرا ليك على النصيحة الغالية مقدما لمن تتوفر الحاجات دى عندنا نعمل بيها طوالى .
--------------------------------------------------------------------------------------------
وانت فاكر الحاجات دى عندنا نحن؟
المناصير والرباطاب اراضيهم قام عليها خزان مروى ونصيبهم منه كان الغرق والترحيل والخراب دعك عن الكهرباء التى تركتهم فى ظلام دامس وانطلقت بعيدا لتنور الآخرين
منطقتنا تنتج 65% من دهب السودان ونصيب اهلنا منه الاوبئة والسرطانات والتهابات الكبد الوبائى
بس ناسنا صابرين
| |
|
|
|
|
|
|
|
|
|
Re: الثورة الثالثة ضد قحت .. تنضج على نار هادئ� (Re: Hassan Farah)
|
حسن فرح
المناصير والرباطاب اراضيهم قام عليها خزان مروى ونصيبهم منه كان الغرق والترحيل والخراب دعك عن الكهرباء التى تركتهم فى ظلام دامس وانطلقت بعيدا لتنور الآخرين
منطقتنا تنتج 65% من دهب السودان ونصيب اهلنا منه الاوبئة والسرطانات والتهابات الكبد الوبائى
بس ناسنا صابرين
......................... .
ما عارف نقول ليك شنو .. و لا نخلى شنو .. البترول بس اكثر من 150 مليار دولار .. ما شفنا منها إلا قنابل الانتنوف و الزخائر .. انت عارف ال 150 مليار دولار كنا نكون لابسين عقالات و نصيف فى اروبا و امريكا .. كنا اتعلمنا الكلام بالنخرة و نضرب العمال بالعقلات .. ونرسل اولادنا يتعلموا فى بريطانيا و امريكا و الصين .. لكن الله قادر دي قسمتنا .. انتو كويس عملوا ليكم خزان .. انحنا تجى طائرة الانتنوف تكتل اسرتين ثلاث و تحفر الارض .. تصب المطرة تملى الحفر نشرب منها دا الخزان بتاعنا .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أيمن نواى على
ترهاقا
bakri abdalla
بدرالدين بابكر مصطفى
علاء سيداحمد
محمد البشرى الخضر
Hassan Farah
احمد حمودى
adil amin
محمد على طه الملك
فيس بوك
تويتر
انستقرام
يوتيوب
بنتيريست