عادت صفوف السيارات من جديد أمام محطات الوقود بالخرطوم، بعد الندرة الكبيرة في الجازولين والبنزين طوال الأيام الماضية. وأكد شهود عيان لـ (الانتباهة أون لاين) أن معظم الطلمبات أغلقت مداخلها في وجه أصحاب السيارات العامة والخاصة مما خلق أزمة كبيرة في المواصلات والمواعين الناقلة، إضافة إلى شكوى أصحاب الملاكي من ندرة البنزين والجازولين.
وأعلنت وزارة الطاقة والتعدين عن وضع الترتيبات اللازمة لمعالجة العطب الذي أدى الى تعطل خط هجليج الناقل للنفط بسبب عطل أجهزة التسخين لمعالجة اللزوجة مما أدى إلى توقف تدفق الخام القادم من حقل هجليج بولاية غرب كردفان وحقول دولة جنوب السودان. وكشف وكيل وزارة الطاقة والتعدين د. حامد سليمان حامد أن الفرق الفنية تعمل على مدار اليوم لاصلاح العطب، متوقعاً ان يتم ذلك في الساعات القادمة، مضيفاً أن الوزاره تعمل على وضع التدابير اللازمة لتلافي أي آثار سالبة لإمداد المصفاة. وأوضح وكيل الوزارة د. حامد سليمان إن العطل طال الخط الناقل للخام من مربعات 1،2 ،4 التابعة لشركة (تو بي). ويمد هذا الخط مصفاة الخرطوم من منطقة هجليج بولاية جنوب كردفان. وأفاد سليمان أن عطلاً أصاب الوحدات الخاصة بتسخين الخام ما أدى إلى تكون ماده شمعية في جدار الأنبوب أعاقت مرور النفط الخام. وقال إن الوزارة اتخذت كافة التدابير الكفيلة بإعادة تشغيل الخط وضمان استمرار عمل المصفاة التي قال إنها تعمل حالياً بشكل طبيعي .
02-03-2020, 04:20 AM
adil amin
adil amin
تاريخ التسجيل: 08-01-2002
مجموع المشاركات: 37000
معنها النفط الفي السودان ده بجي من دولة جنوب السودان عبر الانبابيب وطوالي بودو الطرمبة ولي السيارة طوالي حسب ما قالت الانتباهة المعفنة بتاعة الطيب مصطفي زمان يعني ما في مصفي تكرير ولا في مستودعات في المدن الكبرى في السودان لحفظ مشتقات النفط كاحتياط هل نفط الجنوب بجي في شكل نفط خام ولي بترول ومشتقات؟؟ طيب الناس شايفة في ازمة في الشارع اعلام ق ح ت ووزير نفط ق ح ت شايف شنو ؟؟؟ طيب لمن النفط ده بجي من حبابنا في جنوب السودان ليه ترفع سعره للجمهور في ميزانية 2020 قلنا النفط مقابل الغذاء مع دولة جنوب السودان بوفر العملة الحرة في البلدين فتح اسواق محاصيل في كل الحدود السودانية مع دولة جنوب السودان قلنا ليكم امشو للصين وفكونا من دول الخليج والبنك الدولي يعملو ليكم بنيات نفطية جيدة واساسية وسكة حديد مع دولة جنوب السودان وفي سنة بس الصينيين ديل في 9 ساعات عملو محطة سكة حديد خلونا من اللهاث وار دول الخليج وامريكا والبنك الدولي الصفقات المتكافئة من رؤية المفكر العالمي روجع غارودي وارجع لي بوست البنك الدولي المنبر اما عولمو وعيكم يا ق حت ولي زحو من راس لناس قبل ينفجر الوضع في السودان بسبب مشاطكم الانقاذ بي قملا في 18 ولاية انتو قايلين الانقاذ دي البشير بس ؟؟او المؤتمر الوطني بس الانقاذ دي وعي مشوه عروبي حده مثلث الحمدي بس هل سمعتو في الدنيا قمامة سفحها انقى من القمة الانقاذ دي 18 ولاية يا تاجي الاصم والمرض في المركز وليس في الجنينة وفي بورتسودان مشكلة السودان في العصابة المجرمة والمزمنة في المركز من الاقليات والحديث ذو شجون المركز ده بوابة عبور المشاريع المجرمة من الخارج الي الاقاليم وشوفهم كيف رسلو فاليونو ماتيب بقتل ا هلو النوير بسبب النفط وكيف رسلو حميدتي يهين موسي هلال وينكل باهله المحاميد عشان ذهب جبل عامر لصالح الروس والامارات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة