السودان: رهق قائمة الارهاب وتقشير البصل الامريكي ..؟!
تأتي الولايات المتحدة الامريكية في المرتبة الثالثة بعد الصين والهند في تصدير البصل والكرات (2015 – 2016م) بكمية قدرها (400ر159ر3) طنا. – لم ترصد الكميات للاعوام الخيرة. وفي العالم العربي تاتي مصر في تصدير البصل بكمية (602) الفا و16 طنا. من الاول يناير حتى 25 ديسمبر 2019م. السودان وسكانه ما يقارب الاربعين مليون او اكثر يعانون من انسكارب دموعهم الهطالة جراء (التقشير) هذا. والسؤال: الى متى (نقشر البصل) حتى يزيل اسم السودان من قائمة الدول الراعية للارهاب..؟!
حمد
01-29-2020, 04:28 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
ابو توتو - ود البشرى - سلام كتير - خوفي - خوفي - وخوفي - الطريق يغبى قحت - وتروح التلاتة سنين وزيادة بيشششش بامارة الصفوف المسهدة حدها جبل اولياء.. دا البنزين والجزولين براهو - الرخيف بقى تحلية ساكت بعد بليلة اللوبيا - وووب علينا وووبين على ام الجزولين.. هو نحن خلصنا من رغيفة اللقمة الواحدة والركوب فوق بعض في البصات .. والهلع من مجرمي السواطير... تقوم تجينا (كورونا).. هو دا وقت هزار ما فرقت معانا اصلو ميتين ميتين - الفاتحة من الحين.. هههه
كسرة : حكى لي واحد صاحبي من ناس الكلاكلة قطعية - عن اهلنا الحلفاويين وعلاقاتهم الاجتماعية القوية جدا، قال لي ان احدهم يساكن حي الحاج يوسف شرق النيل كل يوم والتاني يصل من الشغل تعبان شديد وفي البيت يخبروهو عن عزاء او مناسبة سارة في الكلاكلة، يطلع من البيت ويلعن ..... المواصلات حتى يصل الكلاكلة في يوم وهو جالس في صيوان عزاء - جلس بجانبه شيخ كبير السن يظهر انه مصاب بنزلة برد ، ومن وقت لاخر (يقح ويقح - يسعل يعني) وكل مرة اخونا يلتفت على الشيخ ويتذكر تعب العمل وشعلقة المواصلات .. فما كان منه إلا ان وقف قائما ووجه الفاتحة للحضور وهو ملتفت للشيخ قائلا: يا جماعة اذا حضرت الوفاة فالفاتحة من دي الوقت والسلام عليكم. ههههههههه * كترت الدموع بتبيض منها العيون - اعمل حسابك ..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة