الوعي الجديد الصينين بنو محطة قطار في تسعة ساعات ونحن ناس تسقط بس ما قادرين يسلمو المجلس العسكري خارطة طريق الي الديمقراطية واضحة وهو محاصر بال15 يوم التي امهلها لهم الاتحاد الافريقي قبل تصفية الحسابات فكر في اعادة بناء الدولة اولا اصغر خارطة طرسق ترجع الديمقراطية في السودان
خارطة الطريق 2019
العودة للشعب يقرر-The Three Steps Electionالانتخابات المبكرة عبر تفعيل الدستور –
المؤسسات الدستورية وإعادة هيكلة السودان هي المخرج الوحيد الآمن للسلطة الحالية..بعد موت المشروع الإسلامي في بلد المنشأ مصر يجب ان نعود الى لاتفاقية نيفاشا2005 ودولة الجنوب والدستور الانتقالي والتصالح مع النفس والشعب ..الحلول الفوقية وتغيير الأشخاص لن يجدي ولكن تغيير الأوضاع يجب ان يتم كالآتي :
1- تفعيل المحكمة الدستورية العليا وقوميتها لأهميتها القصوى في فض النزاعات القائمة ألان في السودان بين المركز والمركز وبين المركز والهامش-وهي أزمات سياسية محضة..
2- تفعيل الملف الأمني لاتفاقية نيفاشا ودمج كافة حاملي السلاح في الجيش السوداني وفتح ملف المفصولين للصالح العام
3- تفعيل المفوضية العليا للانتخابات وقوميتها وتجهيزها للانتخابات المبكرة
4- استعادة الحكم الإقليمي اللامركزي القديم -خمسة أقاليم- بأسس جديدة
5-إجراء انتخابات إقليمية بأسرع وقت وإلغاء المستوى ألولائي للحكم لعدم جدواه ..
6 إجراء انتخابات برلمانية لاحقة
7- انتخابات رأسية مسك ختام لتجربة آن لها أن تترجل
8- مراجعة النفس والمصالحة والشفافية والعدالة الانتقالية 9- استعادة دولة جنوب السودان بالحريات الاربعة والجنسية المزدوجة كاتب وباحث من السودان
04-17-2019, 12:53 PM
adil amin
adil amin
تاريخ التسجيل: 08-01-2002
مجموع المشاركات: 36971
الفرق بين التغيير واعادة التدوير 1- لمن يعرفو ان التغيير وقف في حدود محور الامارات السعودية مصر وطال كما عم القوميين العرب ده موجود ما مرقنا من نحن جذم المصريين من عبدالناصر لي عبدالفتاح السيسي 2- اتذكرو كويس يا بعاعيت تجمع المهنيين او الشيوعيين لمن اسقطت السعودية طائرة البعثيين 1969 ده مش ندخل في سياسات السودان الداخلية ؟؟ 3- الزول البفتش الديمقراطية في السودان بمشي عديل في اتجاه المحكمة الدستورية العليا يصلحا اولا للفيش والتنشبيه ولا المجلس العكسري ماشي في هذا الاتجاه ولا المعارضة بكل بعايتها من مؤتمر شعبي وقوى اجماع وطني وتجمع مهنيين ماشين في هذا الاتجاه 4- وجود الجنود السودانيين في الييمن ما فارق مع المعارضة المركزية الغبية دي ولا المجلس العسكري لانهم منسجمين مع المخطط الدولي التي تقوده امريكا وطليعة الانحطاط 5- لا يوجد وعي خلف هذا العلم البغيض يستوعب قضايا السودان في حدود 1يناير 1956 اطلاقا ولا اكبر من رؤية جون قرنق التي لا تموت مجرد انتهازيين عايزين يقعدو في راس لناس 4 سنة بس بالتعيين وليس بالانتخابات 6- اذا وعيتو يا ابناء السودان في المهاجر وفي الاقاليم ومعسكرات النزوح فقط اعتمدو علم الاستقلال عشان تعرف مصر ودول الخليج نحن حضارة 7000 سنة وليس بقعة جغرافية يحكمها الفاشلون والازرقية والساقطون بالاجندة الخارجية وبنعرق الديمقراطية الطريق ليها وامريكا لا تحترم الديمقراطية ولا ارادة اشعوب وهي دايرة عليحل شعرها في المنطقة والمتحولون ساسيا والاخوان المسلمين هم ادواتها
04-20-2019, 08:39 AM
adil amin
adil amin
تاريخ التسجيل: 08-01-2002
مجموع المشاركات: 36971
Quote: الثورات في السودان هي الثورة المهدية الاولي 1885 تحررنا من الاتراك والثورة المهدية الثانية تحررنا من الانجليز 1956 لا توجد اي ثورة بعد الاستقلال 1956 مصر لازالت تستبعد السودان ايدولجيا ولازالت النخبة السودانية وادمان الفشل تضلل الشباب بي علم مايو1969 ورؤيتها العقيمة للتغيير الثورة الثالثة هي قيامة الساحة الخضراء 2005 والتحرر من شنو ؟؟ من وهم العروبة الزائف والقعاد تحت جذم المصريين والمسخرة المستمرة للاعلام المصري والعربي الثورة الحقيقية واتفاقية نيفاشا ودستور 2005 والمحكمة الدستورية العليا وانتخابات 2010 اجهضا هؤلاء الفاشلين من النظام انقلاب 1989 الترابي وتنظيم الاخوان الدولي وايتام بابكرعوض الله ومايو 1969 المخابرات المصرية لازلنا مستعبدين ايدولجيا من مصر واسنغرب ان يتماهي الجمهوريين مع هذه التراهات وينسو ثورة جون قرنق الدستورية والتي تنباء بها السيد علي الميرغني ود ابوالقاسم حاج حمد والحديث ذو شجون السودان في طريقه الي الهاوية اذا ما رفعنا علم الاستقلال بدل علم بابكر عوض الله وتجاوزنا النخبة السودانية وادمان الفشل وزحينا من كل العرب نهائيا الثورة الدستورية الحقيقية تبدا بوضع تسعة قضاة في المحكمة الدستورية العليا وبداها بروفسر معتصم عبدالله الجمهوري بالطعن في اهلية البشير من 2005
04-20-2019, 08:41 AM
adil amin
adil amin
تاريخ التسجيل: 08-01-2002
مجموع المشاركات: 36971
انا عايز اقنع الشباب ديل بانهم بارو سراب بي تسقط بسبب تدني الوعي السياسي في السودان وقلت ليهم اقرو كتب الدكترة منصور خالد عشات تعرفو تبارو منو هسة الفرق شنو بين ياسر عرمان واركي مناوي ومالك عقار وبين حميدتي لمن يشمو الامارات نكاية بقطر وكل الدولتين تقومان بمشروع الفوضى الخلاقة المدمر في العالم العربي بصناعة التناقضات المزيفة ودمرو سوريا واليمن وليبيا ومصر ودول الخليج هم سبب بلاوي السودان وكل العالم الاسلامي والعربي هل ده تدني وعي من الثلاث الفاشلين ديل ام سقوط اخلاقي مشين طيب كانو قاعدين مع جون قرنق تحت شعار السودان للسودانيين ليه ؟ طيب من 2005 بنكتب ونتكلم هنا عن الانتهازية وكلاب الحر لماذا اصر الشباب علي علم مايو 1969 وتجمع لمهنيين بتاع المستهبل محمد يوسف ايضا وكل هؤلاء رجعو لي مثلث الحمدي الان وبانتهازية واعية متخصصين فيها الشيوعيين وعايزين يعينو ناس بالفرض وبدون المرور بالمحكمة الدستورية العليا وهذا يفتح الباب اما م حزب المؤتمر الشعبي "امراة لوط" وناس علي الحاج وغازي صلاح الدين وجرالات القصر ايضا يعيينو ما يروق لهم ما فيش حد احسن من حد الجرائم من 1989 2019 هي جرايم نظام وليس جرائم اشخاص وفسادهم يزكم الانوف لا يجدي التنكيل فقط بي اللقو عنده سجارة البنقو لذلك يفرون من المحكمة الدستورية العليا الامارات تشتري جنود رخيصين من السو\ان في حرب اليمن ما راي الغبي ياسر عرمان في ذلك ؟؟ والله كل يوم تشرق فيه الشمس ياسر عرمان ده يمارس سقوطه العمودي الي الاسفل اما ما مستعجل بس خايف علي الشباب مجرد ما يشكل هؤلاء الانتهازيين العروبيين الخسيسين حكومة وبرلمانهم الصوري د يهبو الشباب ديل بي حميدتي ذى رابعة العدوية وهم لسه في تسقط بس عشان كده البرنامج الحقيقي للشباب ترفع علم الاستقلال ويتحررو من اصر كلاب الحرب المستبعدين ايدولجيا خدم مصر في مثلث الحمدي الالتزام برؤية الحركة الشعبية دستور نيفاشا والنغيير عبر المحكمة الدستورية العليا وهسة بقوك بدور المحكمة الدستورية العليا هنا اي بعاتي ساقط يتعين فى اي منصب بنفتح ملفو سياسي من 1964 ولحدي الليلة انا ما مستعجل ابدا فقط الشباب يقرو كتاب منصور خالد لاخير علي الاقل (انفصال جنوب السودان والزلزال الشرق الاوسط وحياك الله يا Arif Nashed
04-24-2019, 07:54 AM
adil amin
adil amin
تاريخ التسجيل: 08-01-2002
مجموع المشاركات: 36971
المناظر هي ذاتا والصور نفس المشاهد ونحن في 27 يناير 2020 وصلتو وين هل ركبتو لي الانقلاب 2019 مكتة ثورة ام علي القلوب اقفالها ولا زالت الامارات وقطر وبقية الدلالين ديرين علي حل شعرهم في السودان https://top4top.io/ نتعلم من الصين وفيتام كمان لازالو يبيعون الجنود رخيصين للامارات في حرب اليمن ولبيبا المرة دي في وجود حكومة ق ح ت الموقرة
01-27-2020, 04:57 AM
adil amin
adil amin
تاريخ التسجيل: 08-01-2002
مجموع المشاركات: 36971
Quote: اما ما مستعجل بس خايف علي الشباب مجرد ما يشكل هؤلاء الانتهازيين العروبيين الخسيسين حكومة وبرلمانهم الصوري د يهبو الشباب ديل بي حميدتي ذى رابعة العدوية وهم لسه في تسقط بس عشان كده البرنامج الحقيقي للشباب
وفعلا صدق ظني وكانت كولميا خيمتنا الاخيرة وارجع لي تاريخ بالبوست الحقيقي البديات السيئة حتما ستقود الي نهايات سيئة والامر ده ماشي باستمرار https://top4top.io/ تدوير الصحون الانقاذي مستمر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة