|
Re: التغاضي عن حميتي وقواته السريعه سبب البلا (Re: عمر عثمان عبد الوهاب)
|
حبيبنا عمر .. تحياتي .. الدعم السريع وحميدتي مدعومين من الدول المناحة للسودان خاصة الخليجية لأنه ورقة ضغط لأي حكومة في السودان هي مشابهة للتجربة الايرانية في الدول الاخرى ( حزب الله في لبنان ) ( والحشد الشعبي وغيرهم في العراق ) الحوثيين في اليمن .. وهي تجربة ناجحة بالنسبة لايران .. ربما أخذوا الخليجين النسخة الايرانية لتطبيقها في السودان .. كما حفتر في ليبيا .. وهكذا هذه نتيجة تخبطات النظام البائد
تحياتي الحبيب عمر ..
| |
|
|
|
|
|
|
Re: التغاضي عن حميتي وقواته السريعه سبب البلا (Re: خضر الطيب)
|
الراكز خدر
أنا حضرت لقاء الإسبوع الماضي كان مواجهة بين قحت وقيادة الشرطة عن إنسياب الأمن وتقاعس الشرطة وكان الضيف المحايد عمر عثمان إذا كان هو نفس الشخص فقد كان كلامه رائعاً وكان معبر عما يريده الثوار ورد بقوة على تبريرات الشرطة الفطيرة أظن أن عمر ذكي ويعرف المسافة الفاصلة بين تدينه وتدين الكيزان
| |
|
|
|
|
|
|
Re: التغاضي عن حميتي وقواته السريعه سبب البلا (Re: خضر الطيب)
|
السلام عليكم
عمر عثمان الذى كان ضيفا فى الحلقة هو عضو المنبر عمر محمد عثمان ( جنابو عمر )
وكان قد أحيل للصالح العام فى التسعينات برتبة النقيب وهو راجل فاهم ومرتب علما بأنه كان أول دفعته فى كلية الشرطة
ياخضر بعد السلام سؤال ؟ هل أنت متأكد أنه جنابو عمر ( قلب للكوزنة ) وكمان عشان المعايش جبارة !!!!! الكلام ده جبته من وين ؟
يقال يا خضر أنك أيضا كنت كوز فى وقت سابق .... الكلام ده صاح ؟
| |
|
|
|
|
|
|
Re: التغاضي عن حميتي وقواته السريعه سبب البلا (Re: عباس محمود)
|
يقال يا خضر أنك أيضا كنت كوز فى وقت سابق .... الكلام ده صاح ؟
--------------------------- هههههههههههههها
اها ياخدوري تعال رد
الوغدنه جاتك في خشم بابك
شابكني كوز كوز شلت حالنا وشنيت سمعتنا لا بارك الله فيك
كيزان فطاحلة مشهود ليهم بالكوزنه وكانو ارقام في النظام البائد ارتدو وبقو شيوعيين لا ويظهرو علي قنواتنا الفضائيه يتفوصحو ويشرعو ومافي زول قالهم تلت التلاته كم.
جمهوريين كانو لايقبلون طعنه ابره في استاذوم الجهبز بقو قحاطه قلعو العراريق ولبسو كرفتات وهاك ياحريه سلام وعداله.
حتي من كان شيوعي ومازال شيوعي ودخل قحط كشيوعي , يجي مرات ينزلق ويتضاري من الشيوعيه.
غايتو ربنا ابتلانا باحزاب من عاليها لي واطيها جربانه وطرور ساي .
الله المستعان
| |
|
|
|
|
|
|
Re: التغاضي عن حميتي وقواته السريعه سبب البلا (Re: عمر عثمان عبد الوهاب)
|
مرحب بيك عباس محمود
Quote: هل أنت متأكد أنه جنابو عمر ( قلب للكوزنة ) وكمان عشان المعايش جبارة !!!!! الكلام ده جبته من وين ؟
يقال يا خضر أنك أيضا كنت كوز فى وقت سابق .... الكلام ده صاح ؟ |
عمر عثمان جا و اعلن كوزنتو هنا في المكان دا و البوست موجود انا ما كنت كوز و لا حصل انتميت لاي حزب و الله على ما اقول شهيد العمرين ديل كيزان مسترزقين عاوز اقول ليك حاجة الببقى كوز ما بقدر يتخلى عنهم لانهم بسجلو ليهو كل مصيبة و المسترزق البعلف منهم ما بخلوهو ساي دي حقيقة الناس الحثالة ديل
| |
|
|
|
|
|
|
Re: التغاضي عن حميتي وقواته السريعه سبب البلا (Re: HAIDER ALZAIN)
|
Quote: العمرين ديل كيزان مسترزقين |
من مسار البوست يا خضركه فهمت انك بتعني بالعمر الآخر جنابو عمر عثمان .. فيما يخص العمر جنابو عمر عثمان الاتهامات الفارغة والغوغائية دي مافي داعي ليها يآخ ما تقول كلام ساي من أجل الاستهلاك والظرافة بنفس السبهللية اللذيذة دي بكلامك عن جنابو عمر عثمان ممكن تطلع انت كوز وتقعد تحلف وتشهد الله زي ما عملت هسه ما اظنك بتعرف جنابو عمر كويس ولا متابعه عشان كدة كتبت ما كتبت بناء على ظن سابق أتمنى انك تعتذر عن هذا اللبس وتستغفر لنفسك ..
تحياتي ومودتي المعهودة ، :)
| |
|
|
|
|
|
|
Re: التغاضي عن حميتي وقواته السريعه سبب البلا (Re: HAIDER ALZAIN)
|
Quote: من مسار البوست يا خضركه فهمت انك بتعني بالعمر الآخر جنابو عمر عثمان .. فيما يخص العمر جنابو عمر عثمان الاتهامات الفارغة والغوغائية دي مافي داعي ليها يآخ ما تقول كلام ساي من أجل الاستهلاك والظرافة بنفس السبهللية اللذيذة دي بكلامك عن جنابو عمر عثمان ممكن تطلع انت كوز وتقعد تحلف وتشهد الله زي ما عملت هسه ما اظنك بتعرف جنابو عمر كويس ولا متابعه عشان كدة كتبت ما كتبت بناء على ظن سابق أتمنى انك تعتذر عن هذا اللبس وتستغفر لنفسك ..
تحياتي ومودتي المعهودة ، :) |
تحياتي ليك يا حيضر لكن والله البوست بتاع اعلان كوزنتو موجود بس انا ما عندي وكت افتش كلم صاحبك ابو حسين هسي بنكتو ليك لكن ابو حسين ما بقدر يعمل كدا صدقني الكلام دا حقيقي
| |
|
|
|
|
|
|
Re: التغاضي عن حميتي وقواته السريعه سبب البلا (Re: خضر الطيب)
|
. خضر الطيب كوز انتهازي ارزقي وكان شغال في أخطر جهاز الا وهو التلفزيون وتحت ادارة الطيب مصطفى وكان بيشارك في اعداد برنامج ساحات الفداء برئاسة اسحق فضل الله وبواسطة ذلك البرنامج بيتم حشد الشباب ورميهم في محرقة الجنوب بدعاوي الجهاد ... لكن الآن بقدرة قادر قَلَب 180 درجة وبقى يقول ثورتنا ... والله الدنيا فيها حاجات تحير ...
| |
|
|
|
|
|
|
Re: التغاضي عن حميتي وقواته السريعه سبب البلا (Re: قسم الفضيل مضوي محمد)
|
Quote: خضر الطيب كوز انتهازي ارزقي وكان شغال في أخطر جهاز الا وهو التلفزيون وتحت ادارة الطيب مصطفى وكان بيشارك في اعداد برنامج ساحات الفداء برئاسة اسحق فضل الله وبواسطة ذلك البرنامج بيتم حشد الشباب ورميهم في محرقة الجنوب بدعاوي الجهاد ... لكن الآن بقدرة قادر قَلَب 180 درجة وبقى يقول ثورتنا ... والله الدنيا فيها حاجات تحير ... |
قسم الفضيل عليك الله دا اسم راجل كان عندنا عمتنا الله يرحما اسمها قسم الفضيل هي ما عمتي اخت ابوي لكن جارتنا كانت احتراماَ بنقول ليها عمتنا انا ما كنت كوز و مافي كوز بتخلى عن الكوزنة انتو انتهيتو يا زواحف و انا شفتك في الزحف الاغبر الاول لكن الفيديو راح مني كنت مفروض اعمل ليك اسكرين شوت بالنسبة لبرنامج ساحات الفساء كانوا بنتجوهو في شركة خاصة بالكيزان و بحيبوهو لينا للبث فقط احمد ربك اني رديت عليك يا معتوه
| |
|
|
|
|
|
|
Re: التغاضي عن حميتي وقواته السريعه سبب البلا (Re: خضر الطيب)
|
والله ياخضر اخوي ورطت روحك ورطة شينه خلاس ههههههها
قلت لي في غزوة الميل أربعين كنت بتوزع مويه علي المجاهدين؟؟؟؟
مافيها حاجة ياخضر ياخ فالكوزنة ليست ذاك العار الذي تستعر وتتضاير منه
بعدين تلتين سنه ان بقيت فيهن كوز مافي زول بلومك تب بس ماتبهت خلق الله واتا مامتاكد
وعمر عثمان جنابو انا تابعت اللقاء وكان شخص محترم وكلامو مرتب وكان بيقول حقائق
وادله ومواقف تحترمه فيها حتي وان كان جردل مش كوز
الدور والباقي عليك اتا كلما يكبلولك حبة مويه في جرابك ده تمرقلنا عقرب
| |
|
|
|
|
|
|
Re: التغاضي عن حميتي وقواته السريعه سبب البلا (Re: قسم الفضيل مضوي محمد)
|
Quote: المبدع و الفنان الراقي خضر الطيب
فجيعتي فيك لا تقل عن فجيعتي في فقد ابناءنا في فك الاعتصام
بالله كنت موظف مع الطيب مصطفي و كمان بتبث ساحات الفداء المنتجه في دهاليز الاستديوهات الخاصه ب بني قينقاع
حصل اسرع اردمهم و ان دعا الامر بلهم
الزبير الختمي |
يا شيخ الزبير ما تسمع كلام المرجفين ديل انا كنت بنقل ليكم الحولية السنوية من مسجدكم في الملازمين و على الهواء مباشرتن ..هل انا ختمي ؟ سيبك من عمر عثمانين ديل و قسم الفضيل الكوزنة انتو اقرب لينا عندي اصحاب من الميرغنية و الانصار و الشيوعيين و حتى الماعندهم دين انا كنت بفتش لي مخرج من التلفزيون المديرو المعتوه الطيب مصطفى و الحمد لله كنت أول سوداني وافقت قناة MBC في الرياض انها توظفني لكن و الله ما عندي اصحاب كيزان تباَ للكيزان في اي مكان
| |
|
|
|
|
|
|
Re: التغاضي عن حميتي وقواته السريعه سبب البلا (Re: خضر الطيب)
|
شفت يا خدركة العاقبة الأخلاقية اوالـPayback فوراً الخلتك تتحوى بالطائفية الهزيلة
دا حق جنابو عمر عثمان الرجل الوطني والمهني الغيور والشرطي النظيف اللي هو جنابو برضو بالمناسبة كان مع حبيبنا شيخ الزبير طائفي رجعي لذيذ كدة زيو :). ما محتاج تجيب لي البوست انا كنت بالمنبر وقتها عشان كدة قلت ليك ما بتعرفو كويس ولا متتابع مواقفه وكتابتو ماقبل الثورة للآن..
عموما الله يهديك استعدل كرعين البوست دا بإضافة كوز واحد وهو صاحب البوست ولا بأس من إضافة فسم الفضيل كعلبة ساي :)
| |
|
|
|
|
|
|
Re: التغاضي عن حميتي وقواته السريعه سبب البلا (Re: عمر عثمان عبد الوهاب)
|
معظم ان لم نقل كل مفاصل الدوله أصبحت بيده
حتي ذباب الإنقاذ الالكتروني بي صمة خشموم سخرهم في خدمته وعمل ليهم راكوبه وردم ليهم ترامس الشاي والقهوه والسجاير والتمباك واللازي منو وكلمة كلمة وسطر سطر عندو بيها خبر وفي لحظتها وتوها
كل شاردة ووارده تمر به وعبره واليه
الجيش حمتي البنك المركزي حمتي الثروه حمتي الحكم العدل حمتي
وحسك عينك تقول كلمه كده ولا كده عن حميتي
حتي الصحفيين مافيهم ود مقنعه تجرا وكتب عنو سطر ماياهو عشان عارف روحو حيساق امام اسرته ويتمسح بالواطه
خليك من الصحفيين هنا في منبرنا ده ناس تحسب مليون مره قبل ان تتحدث عن هذا الرجل
مرات بتخيل حميتي ده لو كان ظهر لي سوار الدهب وفي نفس تسلسل الاحداث كان حيحصل ليهو شنو؟؟؟
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|