أخيراً .. ٢٥ ديسمبر عطلة رسمية في السودان بمناسبة الكريسماس

Quote: قبانى لوكنت معى فى الكرسمس بودمدنى

Quote: يا قبة وودالشيخ ذكرتوني ملصق كان الأستاذ محمد الأمين بقاعة الصداقة ورائعته جان والكريسماس وتاني ما سمعنا عنها

Quote: يا خليل الكريسماس تلقانا قبل أسبوع بنجهز فى الأصناف الجيدة من مستلزمات الإحتفال ونطقس الخبارات قالو القرين فيلدج جايبين ليهن فرقة اسيوبيه اسيوبيه بى سا سخانه ههههه ينط واحد يقول ليك لا لا ياخ اخير نمش المكتبة القبطية فيها منو ؟ والله ما عارف لكين جورج قال احتمال يكون فيها فرقة أوروبية يا زول لا دى ولا دى الجن التعرفو ولا الجن الما بتعرفو نمش كازينو النيل اللزرق فيهو حنان بلوبلو ياها شبهك يا معولق والله جد لا ده كلو هين العضة كيف شيه ولا حلة ؟ أجمل ما فى الكريسماس يا يحي هو الصقط صقط الخرطوم الحنين وحنان الخرطوم الدافى

Quote: بدو أنك من جيل بصات أبورجيلة الصفراء والطراحة من المحطة الوسطى ام درمان للخرطوم بخمسة قروش والطرادة تلكم الورقة العجيبة التى تفعل الأعاجيب وبيت الأزهرى الشاهق المزركش ومحطة مكى والشهداء وام درمان الثانوية بنات حيث الدلال والغنج والمسرح القومى شباك الدنيا فى ام درمان والانجيلية ودلع الملازمين وزقاقات ودنوباوى وأبروف وأصالة فول أحمد سعد والسوق الجديد وعجلات جامسكا وخيرات واستوديو الوادى والبيرة ام جمل وقمرنا وسمك الموردة وقعدات النيل فى الجندول والدور التانى فى سينما ام درمان والعدنى ولحمة عثمان كايرو وحفلات العرس ونحن نرتدى الشارلستون فى خنفسة مايكل جاكسون ونسمع بوب مارلى وبونى ام يا لذاك الجمال والبساطة والأريحية ، حتى طعم الطعام كان مختلفا ، لماذا ذهب كل ذلك؟؟؟؟؟

Quote: لكن في حاجات راحت عليكم وما بترجع ... البيرجع لينا حاجات إحتفالات الكريسماس تاني شنو؟ (ناس جاز العقارب ووليم أندريه وكمال كيله .... إلخ.)

Quote: أعتقد يا قبانى قصة اغنية زمان الناس كانت فى الرياض فى السعودية أو حاجه زى كده

Quote: طبعاً الأهم من الفوق ديل كلهم، قول للزمان ارجع يا زمان وأمور ليها علاقة بالـــــ state of mind