|
|
|
 Re: لو سايق عربيتك بسرعة الضوء ثم فتحت النور ؛ (Re: النصرى أمين)
|
اي كتلة اذا سارت بسرعة الضو سوف تتحول الى طاقة. يعني انت و عربيتك اصبحتما في خبر كان.
لكن نفترض انك و عربيتك لم تتحولا الى طاقة، فان الصؤ المنبعث من سيارتك ستصبح سرعته ضعف سرعة الضوء (سرعة عربيتك + سرعة الضوء)، عليه انك لن تلحق الضوء ابدا. لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به.
| |
 
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Sinnary)
|
النصري،
سلام .. في الحالات العادية يصل ضوء العربة قبل العربة .. للأسباب الأتية، أولاً: ضوء العربة يسير بسرعة الضوء لأنه من جنس الضوء .. ثانياً: العربة لأنها مادة سوف تسير بسرعة أبطأ من سرعة الضوء .. سرعة المادة أبداً لا تصل سرعة الضوء ..
نأتي إلي الغلوطية، وهى افتراضك أن العربة تسير بسرعة الضوء .. فالضوء هنا لم يخرج من العربة لأن العربة تسير بسرعته .. فأصبحت العربة والضوء جسم واحد .. وبالتالي ح يصلوا الأثنين مع بعض .. دي زي قصة القرادة التي جابت السمسم من القضارف مع الجمل.!
أها الما في شنو؟
بريمة
| |
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Biraima M Adam)
|
سلام
ولكن لو تخيلنا أن المركبة تحولت بالفعل لفوتونات ووصلت سرعتها لسرعة الضوء، ستتفاجأ المركبة بأن الزمن يتجمد عندها، أي يصل التقلص في الزمن حسب السرعة إلى نهايته أي التجمد، حيث لا زمن في سرعة الضوء، فلا تصل المركبة ولا نورها قبل الآخر، لأن ه ببسشاطة لا يوجد زمن لتحدد فيه أيهما يصل أولاً، زائداً عن أن النور لن يخرج أصلاً من اللمبة كما قال الأخ حافظ. فرريلا يوعى من في المركبة بأنفسهم ولا من هم خارج المركبة يمكن أن يرونهم
شكر سناري.... في قصة عرش بلقيس وضعت احتمالات كتيرة ولم أضع احتمال تقلص الزمن...
سألت احد المشايخ عن كيفية دخوله الي أحلامي.. فقال خلينا
من دخول الاحلام.. في ضريح شيخ في مستشفى الخرطوم من اكتر من ٢٠٠ سنة... انا شفت الشيخ دا عيانا في التمانينات
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: عمر نملة)
|
تعال هنا يا عاطف عمر
بي هناك دينق بكفرني
الليلة عندي ليك مزاج ما عارف ليه :)
وأصلاً البوست طلس ساي لا في زول ولا عربية بيوصلوا سرعة الضوء 
النصري وباقي الجادين فطوني عادي ما تشتغلوا بمشاركاتي اعتبروها up البرفعوا بيها البوستات ديك :)
Quote: مكانيكي الدفرنشات
ما شرفتا ورشة العروس المغربية!!
قلتا شنو بتحترم التنوع ووالتعدد
وبتلوم اختك؟
ههههههههههههههههههههه
انتو الجابركم علي جنس دا شنوووو؟
ااها النحددسك ييا قول حببوبة ود التاج:
- الكافر ممكن عادي تخاطبه بالاخ!
- ولايجوز لك مخاطبة من ثبت كفره عيناً بالكافر!
فهمتا ولا نجييب ليك فهامة يا كمبيوترجي؟
طبعن اللخو دا ما فاهم اي حاجة!
والله صحي!
البكتبه ما فاهمه!
وتحول مؤخراً لحمل أباريق القحاتة
بعد أن كان نفاخ نار للجهلول شاتم الرسول! |
شفت يا عاطف السلفي موضوع الابتزاز بالأخت دة أصلو ما بمشي فيني
أيوة أترضاه لأختك دي في فهمي ما عندها معنى .. أيوة جات في الحديث بسياق زماني ومكاني واجتماعي مختلف لما كانت المرأة كيان تابع والرجل بتحكم في كل تفاصيلها ومن ثم مسؤول عن التفاصيل دي
في زمنا الحالي البنت بقت كائن مستقل وممكن تصرف أمورها بدون وصاية من الرجل
يعني هل بتفتكر ممكن الواحد يتحكم في قرارات اخته وهي بي زوجها وعائلتها ومصدر دخلها وتعليمها الممكن أعلى من تعليمه ووعيها أفضل من وعيه
أنا قلت ممكن ألوم اختي ما قلت بديها كفين وأمسح فيسبوكها .. غير الملامة الحنينة ما عندي ليها حاجة
والملامة ما عشان أنا ما مقتنع بحريتها لكن لأنها عايشة في مجتمع شبه قروي .. نحن عرب جزيرة ساي وأهلنا لسة فهمهم بعيد عن قضايا الحريات بشكل عام
لما تعيش في استراليا مثلاً بعد كدة ما بلومها
وشة العروس المغربية دي بي وين؟ ألحقني بيها سريع انت ما عارفني بحب قلة الأدب :)
تصحيح بسيط : أنا ما بتاع ديفرنشيات .. داك الزبير أنا دخلت مجاملة ساي
أنا بتاع طبلونات
منو الشتم الرسول؟ وقال شنو بالضبط؟
أنا برجح إنك قاصد حاتم لكن عاوزك تجيب لي الكلام بالنص
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: أحمد محمد عمر)
|
ارجعوا الى قطار انيشتين. القطار طوله 186 الف ميل و به بابان واحد في مؤخرة القطار و الاخر في مقدمته. يفتح البابان من حساس يفعله ضوء مصباح مثبت في منتصف القطار. القطار يسير بسرعة الضوء. بالنسبة لشخص يقف على الرصيف و شخص اخر جالس في منتصف القطار، متى يفتح البابان بالنسبة لكل من الشخصين؟
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: عبدالله محمد أحمد)
|
اي كتلة اذا سارت بسرعة الضو سوف تتحول الى طاقة. يعني انت و عربيتك اصبحتما في خبر كان.
لكن نفترض انك و عربيتك لم تتحولا الى طاقة، فان الصؤ المنبعث من سيارتك ستصبح سرعته ضعف سرعة الضوء (سرعة عربيتك + سرعة الضوء)، عليه انك لن تلحق الضوء ابدا. لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به.
يازول انت متأكد
ممكن تسبق الحجر ويقوم يفلقك
بالميت يكسر ليك قزاز العربية
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: محمد حيدر المشرف)
|
سلام يا النصرى.. و الإجابة تعتمد على نظام الإسناد بتاعك..
System of reference و انت قاعد تقيس من وين.
لو انت السواق و قاعد جوة العربية وولعت النور فسوف ترى ان النور يصل قبلك
و هو بسرعة الضوء و انت سرعتك صفر. (ما فى سرعة بدون الاعتماد على نظام اسناد)
اما لو كنت واقف فى رصيف كونى خارج العربية فسوف لا ترى ضوءا اساسا لأن الضوء و العربة يسافران سويا و بذات السرعة. كما ورد فى صحيح آينشتاين
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
| Quote: كما ورد فى صحيح آينشتاين |
مدد يا أهل الله ..ما فضل إلا تقول رحم الله الشيخ أينشتاين .. !
دا شنو يا بشامهندس أبو الريش .. ! .. العلوم التطبيقية لا تحمل معيار الإصحاح .. فهي علوم تحتمل الخطأ والصواب ..
وبالتالي أينشتاين وقرنق لن يكون لهم صحاح ..
أقول قولي هذا وللحبيب أبو الريش جواز خطأ رأيه مع احتمال الصواب.
بريمة
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Gafar Bashir)
|
الأخ عاطف من نافذة البوست وجهت لك أسئلة
في بوست (مقال منصور خالد لمصطفى الجيلي) ولم ترجع
رجوتك أن تترك المشاغبات غير العملية من النافذة
وسأساعدك في الحصول على فرصة الكتابة في المنبر تحت أي اسم
لأن التعليقات من النافذة مزعجة ولا يستطيع كل متداخل
الإنتباه لها والتعاطي معها
رجاءاً أترك الممحكات من النافذة وتعال بالباب العديل
حتى ناخد وندي معاك أياً كنت أو كانت آراءك
بالنسبة لسخريتك من جملتي
(إلا إذا تحولت لشيء لا كتلة له) ثم إلحاق ذلك
بجملة ساخرة (لا كتلة له أم كتلة لا نهائية)
طبعاً لا كتلة له لأن الكتلة اللانهائية حتجيب ليها
طاقة من وين تحركها بسرعة الضوء
قاما حتحول ليك الكتلة لكتلة نسبية ويتجمد الزمان والمكان
يجب أن تقرأ جيداً وبعينين مفتوحتين
أنا قلت إذا تحول جسم إلى طاقة إلى فوتونات
يمكن حينها التحرك بسرعة الضوء
ولكن لم أقل أن أي جسم مادي متحرك سيتحول لفوتونات عند سرعة الضوء
يا سيدي يجب أن تنتبه للفرق بين الحركة في سرعة
تقترب جداً من سرعة الضوء والسير في سرعة الضوء
فانت موهوم إذا ظننت أن كتلة لا نهائية تسير في سرعة الضوء
بينما الفوتونات ولأنها لا تمتلك كتلة بل هي موجات ضوئية
كهرومغناطيسية يمكنها فعلاً الحركة بسرعة الضوء
لأنها كما تتصرف كجسيم تتصرف أيضاً كموجات
هذا ما قلته أن لا شيء يمتلك كتلة يسير في سرعة الضوء فلوستوب
ولكن لو تخيلنا أن هذا الشيء تحول لطاقة، لفوتونات
يمكنه إذن فعلها
وأكرر أنه مع زيادة الحركة للمركبة بإتجاه الوصول لسرعة الضوء
يبطئ الزمان ويتقلص المكان تدريجياً بينما تتعاظم كتلة المركبة تدريجياً
حتى يتوقف الزمان والمكان في النقطة التي تصل فيها المركبة لسرعة الضوء
إذ لا ينفصل الزمان عن المكان في نسبية إنشتاين
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: النصرى أمين)
|
اي كتلة اذا سارت بسرعة الضو سوف تتحول الى طاقة. يعني انت و عربيتك اصبحتما في خبر كان.
لكن نفترض انك و عربيتك لم تتحولا الى طاقة، فان الصؤ المنبعث من سيارتك ستصبح سرعته ضعف سرعة الضوء (سرعة عربيتك + سرعة الضوء)، عليه انك لن تلحق الضوء ابدا. لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به.
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Asim Ali)
|
Quote: لو انت السواق و قاعد جوة العربية وولعت النور فسوف ترى ان النور يصل قبلك
و هو بسرعة الضوء و انت سرعتك صفر. |
يا أبو الريش إجابتك دي إجابة جربندية جداً
في المكانيكا غير النسبية السرعات تضاف لبعض ببساطة ككميات متجهة
يعني لو إنت سايق عربية كوريلا في الطريق من الخرطوم لمدني بسرعة س كلم/ساعة وجا بص في نفس الإتجاه بسرعة ص كلم/ساعة
سرعة البص بالنسبة ليك (ك) = (ص - س) كلم/ساعة
في النسبية الخاصة، السرعات لا تضاف بهذه البساطة بل تدمج بالنسبة لسرعة الضوء بالصيغة الآتية:
ك = (ص - س)/(1+ (س x ص/ع^2))
بحيث أن ك هي سرعة البص بالنسبة للشخص داخل العربة
س هي سرعة العربة الكوريلا
ص هي سرعة البص
ع هي سرعة الضوء
لو س و ص هي سرعات قليلة بالنسبة لسرعة الضوء فالحساب بالصيغة النسبية والغير نسبية سيعطي نفس النتيجة
ولكن لو أن س هي سرعة عربة النصري محور البوست
ص هي سرعة الضوء المنبعث منها بالنسبة لشخص خارج العربة
ك هي سرعة الضوء المنبعث من العربة بالنسبة للشخص داخل العربة
في هذه الحالة فإن ص = صفر/صفر
بمعنى أن سرعة النور المنبعث من كشاف العربية ليس بسرعة الضوء بالنسبة للشخص داخل العربة
ولا هو سرعته صفر بالنسبة لنفسه
بل كلاهما كميات غير معينة (صفر/صفر)
__________
عاطف عمر عليك الله إنت فاهم كلامي دا؟😝
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Hafiz Bashir)
|
| Quote: عاطف عمر عليك الله إنت فاهم كلامي دا؟😝 |
حااااااااااااااقد
أها كدة حيغطس في قوقل وويكيبيديا اسبوع حتى يقلع عشان يرد عليك
ياخي انا حارسو بهناك وعندي معاهو مزاج ونسة تطفشو مني كدة!
غايتو يا عاطف انت زول ظريف وأي حاجة لكن وحاة الله معادلات مولانا دي لا بتقدر ليها ولا حاجة
أعمل نايم بنضحك يومين ونقول بن علي هرب وبننسى الموضوع
وتعال بعد شهر راجع وناقر عادي نحن نساااااااايييين ما زي الأطرش بتاع النكتة
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: النصرى أمين)
|
عاوز تفند حججى ليه يا النصرى؟ قنعت منها خلاص؟ قول يجى يبدى رأيه فيها و اللا حاجة.
القيديو الفوق بتاع الزول البينط.. دا برضو فيه حيلة فيزيائية.. المفورض هو كل نطة تكون أقصر من سابقتها لأنه فى طاقة مفقودة نتيجة مقاومة الهواء و خشونة المرتبة.. لكن لاحظ صاحبو الواقف.. ضربة صاحبه على المرتبة
برجله تزيد طاقته للإندفاع مرة أخرى بنفس الطاقة القدية لأن ضربة المرتبة بالرجل تعوض الطاقة المفقودة. و فى الحالة دى the kinetic energy always = the potential energy
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
يا محمد ..
انا يخربنى كان فاهم فى معادلات الفيزياء دى لكن واضح فى خلاف بينك و بين الشبح 🙂
قلنا نعمل المديدة حرقتنى.
بالنسبة الفيديو ؛ مشكلتنا موش فى الطاقة المفقودة ، مشكلتنا لمن ينط ، وهو فى الهواء ؛ العربية اتحركت من مكانها ؛ يفترض يقع فى الواطه و ما يقع فى نفس المكان الذى نط منه .
| |
|
|
|
|
|
|
|
|
 Re: لو سايق عربيتك بسرعة الضوء ثم فتحت النور ؛ (Re: النصرى أمين)
|
| Quote: مشكلتنا لمن ينط ، وهو فى الهواء ؛ العربية اتحركت من مكانها ؛ يفترض يقع فى الواطه و ما يقع فى نفس المكان الذى نط منه . |
الزول دا بما انو راكب على جسم متحرك ...عندو سرعه افقيه (سرعه الجسم المتحرك/التركتر والترله بحاجاتا ) ولما يقفز راسيا لاعلى بيكون مكتسب لسه نفس السرعه الافقيه وسرعتو النسبيه للجسم المتحرك = صفر (سرعه نسبيه بالمعنى النيتونونى مش بالمعنى الاينشتاينى)
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Asim Ali)
|
| Quote: في المكانيكا غير النسبية السرعات تضاف لبعض ببساطة ككميات متجهة |
يا مولانا انت علاقتك شنو بالميكانيكا
انا وخوي ود البشري تبع الميكانيكا
قلت رايي ومنتظر ود البشري
يعني ما جربندية
البتعمل فيهو انت ده حتي لو ( تدثر بالرداء العلمي) برضو جربندية
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Gafar Bashir)
|
| Quote: ما عارفنك دكتور و لا مهندس ولا محامى.. |
وما تنسى جربندي كمان😂
كلو من السينما والأفلام يا النصري
من حضرت زمااان The Thirteenth Floor وأنا شاكي في أي شي
قلت أقرا لي شوية فيزيكس يمكن ترجع تطمني
لمن وصلت الdouble-slit experiment
القصة جاطت نهائي وغلبني ألمها
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Ahmed Yassin)
|
سلام يا أبو الريش
| Quote: السرعة النسبية بين جسمين (الف و باء) يسيران عكس بعضهما تساوى الف زائد باء مقسومة على 1 ناقصا افتح قوس الف مضروبة فى باء و الناتج مقسوم على مربع سرعة الضوء |
دي نفس الفورميولا الأنا إستخدمتها في فوق
وخلينا ننسى فكرة العربية ونعيد حساب سرعة الفوتون بالنسبة لأخيه الفوتون بإستخدام الفورمولا
حتلقى إنو السرعة النسبية للفوتون بالنسبة للفوتون الآخر هي كمية غير معينة.
ودا نفس كلام سناري أنا بس عبرت عنو بطريقة رياضية وسناري عبر عنو بطريقة تانية.
| Quote: حيث لا زمن في سرعة الضوء، فلا تصل المركبة ولا نورها قبل الآخر، لأنه ببساطة لا يوجد زمن لتحدد فيه أيهما يصل أولاً |
إختلافي معاك في إنك قلت "لو انت السواق و قاعد جوة العربية وولعت النور فسوف ترى ان النور يصل قبلك"
والكلام دا غير صحيح بحسب نسبية آينشتاين
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
سالت زميلة طالبة أمريكية إذا كانت ممكن تفهمني نظرية أينشتاين "النسبية " خطوة خطوة، فقالت احسن واحد يقدر يفهمك طلبك هو دكتور توماس أينشتاين وهو يقيم في مدينة سانتا مونيكا في ولاية كاليفورنيا....وهو حفيد ألبرت أينشتاين....ولذلك
وفي الصيف وقبل السفر السودان سوف نزور حفيد أينشتاين ونفهم منه المسألة وأن شاء الله نقدر نرد على سؤال النصري في هذا البوست العلمي المعقد ....
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Hafiz Bashir)
|
سلام يا أبو الريش
تنزيل العفش دا زاتو ياهو المطلوب وأكيد حيكون مكسب كبير ونحن المستفيدين
طبعاً كلامك غير صحيح حسب فهمي أنا وقولي دا زاتو قابل للصاح والخطا
و أنا ما قلت كلامك غير صحيح وسكت
أنا دعمت موقفي بمنطق رياضي وحساب
وتاني بقول ليك سرعة الفوتون بالنسبة للفوتون وحسب الفورميولا بتاعة آينشتاين بتساوي صفر/صفر وهي كمية غير معينة.
لو عندك وجهة نظر مختلفة أدينا ليها عشان نتعلم حاجة جديدة بدل تهرشنا وتتهمنا بعدم المنطق بدون دليل.
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Hafiz Bashir)
|
| Quote: نعم و دا الكلام القلتو ليك فوق.. راجعه باللاى. قلت ليك اوردتها لكن ما التزمت بيها و التفصيل فى الرد زاتو |
أبداً يا أبو الريش مافي تفاصيل في ردك بتوضح عدم إلتزامي بفورميلا دمج السرعات
يا ريت يا أبو الريش عشان ندفع بالحوار للأمام توريني أنا وعزيزك القارئ كيف تطبق الفورميولا بتاعة جمع السرعات لحساب سرعة فوتون بالنسبة لفوتون تاني.
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Hafiz Bashir)
|
هلا حافظ
"وتاني بقول ليك سرعة الفوتون بالنسبة للفوتون وحسب الفورميولا بتاعة آينشتاين بتساوي صفر"
طيب هذا كلامى زاتو.. سواق العربية الماشية بسرعة الضوء، و عشان هو جوة العربية (الفوتون) تكون صفر.. لذلك لما يولع النور يشوفه ماشى قدامه بسرعة الضوء C
و لذلك قلت ليك انك ما التزمت بالفورمولا. ما عملت أى إعتبار لعامل نظام الإسناد بتاع المراقب
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
يا أبو الريش أنا ما قلت بتساوي صفر
أنا قلت بتساوي صفر/صفر
الفورميولا كالآتي
ك = (ص - س)/(1- (س x ص/ع^2))
ك هي سرعة الفوتون بالنسبة للفوتون التاني
س هي سرعة الفوتون الأول و ص هي سرعة الفوتون التاني بالنسبة لنقطة إسناد خارجية
س - ص = صفر
وبما إنو س و ص الإتنين بيساوا سرعة الضو (ع)، إذن (س x ص/ع^2) = 1
1 -1 = صفر
إذن ك = صفر/صفر
سرعة الفوتون بالنسبة للفوتون التاني كمية غير معينة ويمكن أن تتخذ أي قيمة
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
| Quote: تصحيح بسيط : أنا ما بتاع ديفرنشيات .. داك الزبير أنا دخلت مجاملة ساي .. أنا بتاع طبلونات |
انا زاتي بديت أقتنع إنك حاتم ابراهيم الحرامي ...
😜😜😀😀
بوست معنون بالحسناء المستوزرة التي تجد
صورتا في متن البوست ... دخلتا انا فيهو بالغلط
وسألت في موضوع الميكانيك واعتذرت لصاحب
البوست لحرف البوست ... بعضهم أو جلهم ربط
بين استفساراتي وموضوع البوست وانا اعتبرهم
من شذاذ الفهم الأعوج إذ لا علاقة بين الموضوعين
حتي بالأماره أسأل قريبي شانتير ....
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
Quote: باللاى عليك يا حافظ ترجم المعادلة المدغمسة دى بالإنجليزى.. أو ممكن تبحث فى قوقل بالإنجليزى فى وضع images و حتلقاها كصورة.. ودى افضل. و بصراحة
معادلتك الفوق دى ما فهمتها. (ما أدونها ليها).. يكون الاستاذ أداكم ليها فى الفسحــة.
بعدين فيها 3 متغيرات.. يا ريت لو شرحتهم.. و اسم القانون شنو (جمع سرعات، تقلص الزمن، تقلص الطول...الخ) |
عارف يا ابو الريش ما كنت داير ارد ليك لأنو فوق هناك إنت كتبت الفورميلا دي وأنا قلت ليك دي نفس الفورميولا بتاعتي وإنت قلت عارف
لكن جاني شيخي نيلز بور حلمني في المنام وقال لي وليدات خلوة شيخ آينشتاين ديل إتوصى بيهم وناقشهم بحنية.
طيب يا أبو الريش اول حاجة شيخك آينشتاين ما عندو قانون إسمو جمع السرعات. جمع السرعات دا هناك عند ناس أبونا الشيخ جاليليو.
آينشتاين الفورميولا بتاعتو إسمها قانون دمج السرعات (The velocity-composition law) وليست جمع السرعات عشان نكون دقيقين.
والقانون يسري كالآتي:
إذا كان الجسم أ (الفوتون الصادر من الفانوس الأمامي لعربية النصري) يتحرك بسرعة v بالنسبة للجسم ب (عربية النصري)، والجسم ب يتحرك بسرعة u بالنسبة للجسم ج (مشاهد خارجي، أبو الريش مثلاً)، فإن سرعة الجسم أ بالنسبة لسرعة الجسم ج (w) يمكن حسابها بالمعادلة التالية:
في الحالة دي طبقنا القانون لحساب سرعة الفوتون المنطلق من عربية النصري بالنسبة للمشاهد الخارجي (أبو الريش ). وبالحساب ستكون سرعة الفوتون بالنسبة لأبي الريش هي 2c/c = c و بالتالي يمكن القول بأن سرعة الضوء بالنسبة لأي مشاهد تظل ثابتة على c.
وبما أن سرعة عربية النصري بالنسبة لأبي الريش مساوية لسرعة الضوء (حسب الإفتراض الأساسي للنصري في بداية البوست) فإن أبا الريش سيرى أن عربية النصري ستصل للdestination في نفس زمن وصول النور. وهي إجلبتي في بداية البوست كمشاهد خارجي.
وطالما أن عربية النصري نفسها يمكن إعتبارها فوتون فيمكن القول بأن الفوتنات المنطلقة من أي جسم مضيء في نفس الزمن ستصل إلى أي نقطة معلومة في نفس الزمن.
وهذا ما نشاهده في حياتنا الطبيعية اليومية واللحظوية.
سرعة الفوتون بالنسبة لأخيه الفوتون الآخر او سرعة الفوتون من منظور النصري الجالس داخل عربته:
بالنسبة للنصري سرعة الفوتون هي v ولإيجاد قيمة v نعيد صياغة قانون دمج السرعات ليصبح كالآتي:
وبما أن u = w فإن w-u = 0
وبما أن w = u = c فإن wu/c^2 = 1 وبالتالي 1 - 1 = 0
إذن v (سرعة الفوتون بالنسبة للنصري) = 0/0
رسم توضيحي
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
Quote: ههههه النصرى بطل المدايد الحارة دى
عارف كلام حافظ دا ما فيه معادلة مفيدة واحدة.. على غرار جملة مفيدة.
و جاى ليك يا حافظ .. دا ما رد.. |
😂😂😂
إذا هظرنا معاك يا أبو الريش بتزعل
وفي كل الأحوال منتظرك
وأخد وقتك عشان تذاكر كلامي دا كويس وتجي
وإذا عايز نصيجتي، كبر اللفة
ولغاية ما تجي إنت بالنسبة لي كديسة شرويدنغر
😂😂😂
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
Quote: Atif Omer Mohamed Ali
لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به.
...
يا عبد الله كلامك سليم حسب قانون مولاكم نيوتن
Relative velocity=u+v
......
لكن مولاكم أينشتاين اقترح قانون جديد بالنسبة للسرعات العالية جداً( سرعة الضوء):
Relative velocity={u+v \over 1+(u×v)/c^2}
طيب الفرق شنو؟
الفرق في السرعة بس!
يعني القانونين في السرعات العادية بدونا نفس النتيجة تقريباً!! |
يا عاطف ياخي أقسمبلاي أنا مبسوط منك شديد
كونك خيبت ظن أبوحميد الذي قدر إنك حتحتاج إسبوع كامل من القوقلة وهو لا يدري أنك تسطيع إنجازه في اربعة أيام بلياليها فقط.
أهم حاجة بعد مذاكرتك دي كلها تكون عرفت إنو كلامك بتاع النجوم بتاعك داك كلام خارم بارم وما عندو علاقة بموضوع البوست.
والأهم من ذلك تكون إتعلمت إنك تقرا وتفهم الموضوع في الأول قبل ما تبدأ الطربقة
Quote: Atif Omer Mohamed Ali
Stars and other objects beyond our solar system lie anywhere from a few light-years to a few billion light-years away. Thus, when astronomers study objects that lie a light-year away or more, they are seeing it as existed at the time that light left it, not as it would appear if they stood near its surface today. |
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Hafiz Bashir)
|
| Quote: لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به. |
غير صحيح..
يكون صحيح لو الحجر الذى رميته فيه محرك خاص به.. Propeller غبر كدا و من اللحظة التى رميته فيها يحصل ليه ديسلريشن.. عكس اكسلريشن.. يللا أمشى الكالكلوس بتاعك و أحسبها براك انا ادبتك راس الخيط.
و يا حافظ راجع ليك بعد اصل الكمبيوتر.. الكتابة فى التلفون ما تنفع هنا
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
Quote: غير صحيح..
يكون صحيح لو الحجر الذى رميته فيه محرك خاص به.. Propeller غبر كدا و من اللحظة التى رميته فيها يحصل ليه ديسلريشن.. عكس اكسلريشن.. يللا أمشى الكالكلوس بتاعك و أحسبها براك انا ادبتك راس الخيط. |
يا أبو الريش ركز
الكلام بتاع لو راكب عربية مكشوفة دا كلام عبد الله و تحتو رد عاطف عمر
وكلاهما صحيح
الغلط كلامك بتاع الديسيلريشن دا
لأنو المقصود إنو لحظة إنطلاق الحجر تكون سرعته بالنسبة للمشاهد الخارجي بتساوي سرعة السيارة + السرعة التي قذفه بها الشخص داخل السيارة.
ما يحدث للحجر بعد ذلك من ديسيليريشن او اكسيلريشن يعتمد على عوامل ثانية لم يذكرها لا عاطف ولا عبد الله
مثلاً لو أن العربية منحدرة مت الجيل فإن سرعة الحجر ستتزايد يعني حيحصل ليهو آكسيلريشن وليس ديسيلريشن زي ما قلت إنت.
ودي سيمبل دايناميك ما داير ليها كالكولس ذاتو، جعفر وود البشرى بتاعين الهندسة الميكانيكية ديلك عارفين الكلم دا😜
ولو ما عندي ليك معزة خاصة أقسمبلايأنا موضوع زي دا زاتو ما بتكلم فيهو
لكن لو داير تغالط بنوصلك الحد في الكالكلوس.
أبرى قلمك وتعال
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Hafiz Bashir)
|
حافظ
سؤال بس.. الزمن دا كله و نحن نفترض الأحوال المثلى.. طيب الجاب منحدر الجبل دا شنو.. و برضو بإفتراض المنحدر السرعة سوف تتزايد فإن جمع السرعتين البسيط لن يفيدك هنا أيضاً
بعين بصورة قروية قلت (لحظة) إنطلاق الحجر.. طيب باللاى عليك ورينا الديسلريشن يبدأ من الثانية رقم كم؟ عشان نفهم معاك و منكم نتعلم.
تقول لى ابرى قلمك و تعال؟ داير تلخبط فى الكالك زى ما لخبطت فى معادلات الفيزياء؟
وأنا هسى أجهز الرد على المعادلات الفشنك الجبتها فوق. و أنا أقول ليك جيب إستيكة معاك.. ما قلم. كفاية الشخبطة الحاصلة.
و لسة ما نزلنا العفش.
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
| Quote: و برضو بإفتراض المنحدر السرعة سوف تتزايد فإن جمع السرعتين البسيط لن يفيدك هنا أيضاً |
😹😹😹
يا أبو الريش يقولوا ليك سرعة العربية 100 كلم تقول لي جمع السرعتين البسيط ما بفيدني
😹😹😹😹😹😹
يا بكري ويا ناس المنبر هوي إخرجوا لنا نظرائنا
يا النصري ياخي لو سمحت أبو الريش دا إذا ما دفع الرسوم و جاب كراس وقلم وقعد مربع يدينو ما تخليهو يخش الفصل دا تاني
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Hafiz Bashir)
|
Quote: ما يحدث للحجر بعد ذلك من ديسيليريشن او اكسيلريشن يعتمد على عوامل ثانية لم يذكرها لا عاطف ولا عبد الله
ههههههههههههه
طيب وين انتا ولا النصري ذكرتوا الفراغ*؟
ههههههههههههه
ما سرعة الضوء برضو بتعتمد على عوامل تانية!
ههههههههههههه |
عجبني للمارقوت😂😂😂
يا عاطف زمان قريت ليك مداخلة مداخلتين ولما لقيتك ما عندك موضوع ما دخلتك دائرة إهتماماتي وبعدها النافذة بتاعة الفيسبوك قفلت
لكن من بوست زواج الصغيرة داك أعدت إكتشافك ولقيتك زول لزيز شديد وحتى في البوست داك أنا أشرت لإعجابي بخفة دمك
هسه عليك الله اللخة اللخيتني ليها في الإقتباس الفوق دا في ألز منها؟
يا إبني وين المشكلة في إنكم إنت وعبدالله والنصري ما ذكرتو العوامل الأخرى؟
المشكلة يا إبني إنو أبو الريش إفترض عوامل من عندو، لكن مافي أبداً مشكلة في إنكم ما ذكرتوها لأنو أصلاً القاعدة الإنتو إستندتوا عليها غير متعلقة بالعوامل التي إفترضها ابو الريش.
المهم يا عاطف أنا بشكر إهتمامك الشديد بمداخلاتي وتخصيص جزء كبير من مداخلاتك الفيسبوكية (حتى الآن في البوست دا 19 مداخلة من مجموع 27) في متابعتي
والإهتمام الكبير دا أنا ما لاقي ليهو تفسير غير إنو ريدة
الشيء الذي جعلني أشك في إنك جكسوية مكسرة فيني ومتخفية.🤔
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: جلالدونا)
|
يا جلالدونا ..
مافهمت السؤال
اعد صياغته
(لكن للضمان ؛ اتخيلت ضبانه داخل طيارة سرعتها الف ميل فى الساعة ؛ الضبانه طارت فة اتحاه كبينة القيادة ..
سرعتها بتختلف حسب الزول البعاين ؛ لو داخل الطيارة سرعة معينة ؛ و لو خارج الطيارة بافتراض الطيارة من الزجاج الشفاف ، الزول واقف فى المدرج بشوف الضبانه سرعتها مختلفة
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: النصرى أمين)
|
النصرى
بلا ضبان بلا انت كالكلب فى الحفاظ على الود.. اديك مثل ديسنت شوية..
قول عربيتك طويلة جداً طولها مليون ميل.. و انت سايقها بسرعة الضوء.. طيب.. واحد راكب ورا فى اخر كرسى.. قام ولع بطارية فى إتجاه المقدمة
إنت الماشى بسرعة الضوء .. زولك الورا حيشوف الضوء ماشى قداموه بسرعة الضوء.. و خلى بالك من الجاية دى!! الزول اللى على الرصيف خارج العربة حيشوف الضوء
برضو ماشى بسرعة الضوء .. دى الحاجة الغربية فى النظرية النسبية.. تؤمن بيها بس.
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: Abureesh)
|
شكرا أبو الريش على الرد العلمي ..
طبعا أنا ما زول فيزكس ولا الكترونيات ولا رياضيات ..
لكن بالمنطق المجرد اذا كانت سرعة العربية هي نفس سرعة الضوء..
يبقى اذا في ضوء أو مافي ضوء سيان ..
بمعنى الضوء والعربة الاتنين حاجة واحدة لانو اصلا مافي عربة.
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: جلالدونا)
|
هههه يا جلالدونا كيفن ما اجوطا ..
ليكم اسبوع ساكين ليكم لمبة مع أن النصري ذاتو من أول كلمتين قال ليكم قوقلوا زي ما عايزين ..
يبقي إذن في الاساس ما ح تكون في عربية في ضوء بس..
كان مغالتني راجع المادة البتقول دخلت نملة اخدت حبة ومرقت .
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: جلالدونا)
|
يا نصرينا
خلينا نزح الضّبانة شوية
و نمسك فيك انت راكب القطر
و قاعد فى مقعد
الزول الواقف برة القطر بشوفك متحرك بى سرعة القطر مع انك فى حالة ثبات جوه القطر
ليه الكلام ده
لانو الزول القاعد معاك جوة القطر بشوفك فى حالة ثبات مع انو انت و هو متحركين بى سرعة القطر
يلّا يبقى عندنا حالة ثبات متحركة
المتولهم يفتينا فى الحتة دى
و على قول احونا داك ... لنزداد عجبا ,,, و اضيف فى رجبا
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: جلالدونا)
|
طيب يا جلالدونا ..بنفس المنطق
كل شي فى القطر ثابت و غير متحرك (الأبواب والمقاعد و النوافذ و الجدران الخ)
الشيء الوحيد المتحرك هو عجلات القطر لانها هى الوحيدة التى تدفع القطر للأمام..
(ما عارف التعليق الفوق ده هدفه شنو و داير يثبت شنو 😉)
وبالمناسبة كلام مولانا الملك هو اقرب شي للمنطق (فى نظرى)
ذكرني حادثة حصلت ونحن طلبة فى سنة أولى محاسبة فى معهد الكليات.
بعد اسبوعين فقط من بداية الدراسة ؛ و نحن مافاهمين اى حاجة ؛ الأستاذ (نفخو) حدد اختبار فى فى المادة..انا ما فاهم اى حاجة ..طلبت من زميل شاطر ؛ خريج تجارية ثانوية ؛ يقعد جنبى للمساعدة... من اول خمسة دقائق الأستاذ لاحظ و فرقنا من بعض ، بقيت قاعد فى ركن و ما فاهم اى شء ....قررت استخدم المنطق البسيط common sense فى الإجابة.
و كانت المفاجأة ..احرزت اعلى النتائج فى الامتحان..
نفس الشيء ...حافظ و ابريش و سنارى يلتو و يعجنو ، شء اينشتاين و شي معادلات معقدة ..
فى النهاية ..مولانا الملك جاب النجيضه بال common sense
| |
|
|
|
|
|
|
|
|
|
Re: لو سايق عربيتك بسرعة الضوء ثم فتحت النور ؛ (Re: النصرى أمين)
|
يا ابريش
خليك من القطر ..
والله بتحصل لى طوالى ..
انا واقف فى الإشارة، امامى سيارة.
لمن تتحرك السيارة على يمينى للامام ؛ يخيل لى ان سيارتى اتحركت و تكاد تصدم السيارة امامى؛ بدون وعى اضغط على الفرامل لمنع الحادث لأكتشف ان سيارتى ثابته و انى ضاغط الفرامل للنهاية من اساسو . المتحركة هى السيارة على يمينى .
لاحظت الحادثة دى بتحصل لمن يكون عقلى مشغول بأمر ما distracted
انا متأكد الحاجة دى تحصل لناس كتار
| |
|
|
|
|
|
|
|
|
 Re: لو سايق عربيتك بسرعة الضوء ثم فتحت النور ؛ (Re: Abureesh)
|
يامحمد ..واحدة من افضل طرق الوصول لل common sense هو باختصار العودة للابجديات basics
اضرب ليك تمثال
المشهد السياسي السودانى الحالى رغم تعقيداته الظاهرة لكنه (بالعودة للابجديات) و اصل الأشياء ان هناك تنظيم سياسى اشتغل عشرات السنين يجهز للسيطرة على السلطة و عندنا نجح فى ذلك و سيطر على الحكم تلاتين سنة ، افسد و دمر وحطم كل شي مما دفع الشعب لازاحته من الحكم .
هذا كل الموضوع..ده ال basics فى قمة صفاءه ...
غير كده تفاصيل بس .
(دايرين نكمل مئة مداخلة فى البوست عشان نقرض على كده)
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Sinnary
طاهر بدر
Hafiz Bashir
مدثر صديق
Biraima M Adam
عمر نملة
حامد ساكن حامد بشير
محمد حيدر المشرف
Abureesh
Mohd Ibrahim
Asim Ali
فيصل محمد خليل
Ahmed Yassin
احمد عمر محمد
محمد الأمين موسى
Salah Zubeir
جلالدونا
محمد على طه الملك
فيس بوك
تويتر
انستقرام
يوتيوب
بنتيريست