النضارة الفي شبابك و الطفولة الفي عينيك القلوب الحايمه حولك يا حلو بتتمنى ليك بكره تشفى و بكره نفرح يا حبيب العمر ليك ياخي .. ياخي .. ياخي يا ... ياخي بعد الشر عليك انت يانبع المشاعر ما بصيبك الا خير نحنا مشتاقين وحاتك نحنا مشتاقين كتير و الله ما صابرين دقيقة حتى من مرضك نغير ياخي.. ياخي... ياخي . .انت ما شبه الدموع انت ما شبه العذاب انت ما كلك عواطف انت ما كلك شباب العمر عندك اسير و العمر غيرك سراب ياخي بعد الشر عليك
بعدالدقيقة 20:30 بكى الباشكاتب محمد الأمين و معاهو عازف الفلوت كيف يقدر يواصل بنفس الصوت وهو كان بيبكي و كيف يواصل عازف الفلوت البكى مع محمد الأمين العزف على آلة الفلوت وهو كان بيبكي ؟ افتونا يا ناس الموسيقى احمد ساطور احمد ياسين الموصلي خطاب و بقية الموسيقيين في الموقع
12-06-2019, 10:24 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
كيف يا سمعة خضر ده زول فنان عشان كده بنريدو رغم الصدود رغم البعاد عنا في هواه ما زلنا **** ما تفرح ساكت يا خضر دي برضه مقاطع من اغنية جميلة جدا لمحمد الامين ما عرفت اسما عشان انزلا
12-06-2019, 12:39 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2811
Quote: المنبر يعتبر أفضل حقل لدراسات وبحوث علوم السايكولوجي..
اكيد يا اسماعيل ...العدوات الشخصية تفسد البورد والعدوات المؤدلجة اسواها بس لو اتحررو من ثقافة القطيع والشللية الشلت المنبر ده 20 سنة بكون المنبر فعلا حر
Quote: زول يظهر ليك جلف واحمق و كارثي.. وفجأة كده تتدفق احاسيسو ومشاعرو المرهفة هبطرش،،
تحاشيت الدخول ولكن لمن لقيت كثرة المداخلات قلتا خلينا نطل ولم اغادر رغم ان اليوم جمعة بس الحمدلله بعد صلاة العصر هنا يا اخي هذا .... اعادني لايام الصبى واواخر الستينات اي قبل مايو عندما اسمع محمد الامين في اغانية القديمة طوالي تطل في خاطر صورة مازالت معلقة في الذاكرة هو منزل جدي جلال الدين احمد رحمة الله عليه بقريتنا الشوال وشمس العصر تبرد النهار والخال علي جلال الدين يخرج العناقريب معه صديقة وابني اخي دكتور احمد عبدالحميد يومها كانوا في نهاية المرحلة الثانوية وهم يستمعون من الراديو لغناء ود الامين في ما يطلبه المستمعون كانت تلك الدقائئق القصيرة هي قمة المتعة نتعلق فيها بخيال الصبى الجامح شكرا لخضر الطيب رغم جفوتي له
12-06-2019, 03:26 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
يا سمعة لكل مقام و ضعه اتمنى انك ما تفتكر اني بكرهك و العياذ بالله انت بتكتب في حاجات كتيره من حقك تكتب و من حقي اقول ليك كتابتك دي ما عاجباني انا ما عندي معاك حاجة شخصية على الاطلاق ما تشيل في خاطرك مني كن بخير يا حبيب
12-06-2019, 03:59 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
Quote: دي برضه مقاطع من اغنية جميلة جدا لمحمد الامين ما عرفت اسما عشان انزلا
عادل يا دفعة كيفنك هي نفس الاغنية الانا نزلتها فوق اسمها من شوفتو طولنا من كلمات الشاعر و الصحفي فضل الله محمد و معروفة الثنائية بين محمد الأمين و فضل الله محمد يكفي انهم من مدني الجميلة و فضل الله محمد هو شاعر نشيد اكتوبر واحد و عشرين من وهج الطلقة النارية أشعل نيران الحرية بارك وحدتنا القومية وأعمل من أجل العمران
12-06-2019, 04:13 PM
ابو جهينة
ابو جهينة
تاريخ التسجيل: 05-20-2003
مجموع المشاركات: 22489
الاهداء لخضر الطيب والمتداخلين والمستمعين يا حليل ايام شبابنا والله كنا نصلى الصبح ونرتاد المساجد ولا نفوت صلاة الجمعة خلف الشيخ عبدالجبار المبارك والشيخ ابوزيد ومساجد آخرى ونسهر مع وردي وزيدان ومحمد الامين حتى قريب فجر اليوم التالي ومقدم البرنامج يصر بان الليل ما زال طفل يحبو يا لها من طهارة لم تلازمها شتارة وكانت لنا ايام
12-06-2019, 07:40 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
شكراَ اخ علي الكنزي للإهداء و ذي ما اهدى استاذنا فضيلي جماع الزهور انت كمان اهديتني زهور اي انسان يا الكنزي بعبر عن حاجاتو بالطريقة البراها مناسبة كون بخير يا اخي
12-06-2019, 08:19 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
رسالة للقائمين على ادارة المنوعات بالقنوات السودانية مش ممكن الصولا تكون في آلة و الكاميرا على آلة تانية قلتها للطيب مصطفى في اجتماع جامع على الأخوة المخرجين الاهتمام بهذا الامر قال لي و بكل صفاقة :- منو القال ليك انحنا عاوزين غناء ايقنت بعدها اني في المكان الخطا و غادرت السودان هسي بقولا للأخوة في ادارة المنوعات المخرجين بتاعين الاغاني يكونو من خريجي قسم الموسيقى المتخصصين في مجال الدراما كمخرجين او متخصصين يكونو في مجال الاعمال الدرامية
12-06-2019, 08:20 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
رسالة للقائمين على ادارة المنوعات بالقنوات السودانية مش ممكن الصولا تكون في آلة و الكاميرا على آلة تانية قلتها للطيب مصطفى في اجتماع جامع على الأخوة المخرجين الاهتمام بهذا الامر قال لي و بكل صفاقة :- منو القال ليك انحنا عاوزين غناء ايقنت بعدها اني في المكان الخطا و غادرت السودان هسي بقولا للأخوة في ادارة المنوعات المخرجين بتاعين الاغاني يكونو من خريجي قسم الموسيقى المتخصصين في مجال الدراما كمخرجين او متخصصين يكونو في مجال الاعمال الدرامية
12-06-2019, 07:52 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
Quote: قلتها للطيب مصطفى في اجتماع جامع على الأخوة المخرجين الاهتمام بهذا الامر قال لي و بكل صفاقة :- منو القال ليك انحنا عاوزين غناء
المشكلة مش في الطيب مصطفي في وعي الطيب مصطفي ومشروع الاخوان المسلمين العفن الجابو الترابي من 1964 ونشره كالوباء في السودان ونحن نعيش تجليات قبحه في اليمن في شكل جنجويد شوف كيف تم تقويض الاتحاد السوفيتي بي قضه وقضيضه دون حرب نووبة او طلقة واحدة عشان تعرف عمق المحنة السودانية وضبط المصنع
*بعد سقوط الاتحاد السوفييتي كرمت المخابرات الامريكية عميلها الروسي وكان يشغل منصب وزير الخدمة المدنية في موسكو* *ساله ضابط في المخابرات الروسية : انا كنت مسؤلا عن مراقبتك لم اجد لك علاقة مع المخابرات الامريكية ولا تواصل ولا مراسلة فماذا عملت لها ؟* *قال كنت اعين كل خريج في غير تخصصه في غير مجاله واشجع علي ترقية الاغبياء الي فوق مع دعاية اعلامية لهم واحول دون صعود الكفاءات باختراع نقص الشروط وادفعهم للهجره والابتعاد حتي بقي في راس الدولة العجائز القدامي والاغبياء الجدد فاصيب الاتحاد السوفييتي بالافلاس الفكري وسقط .* *الاساتذة الجامعيين كتبوا لطلابهم في مرحلة الدكتوراة والماجستير والبكالوريوس رسالة معبرة وضعت علي مدخل الكلية في الجامعة بجنوب افريقيا هذا نصها :-* *إن تدمير أي أمة لا يحتاج إلى قنابل نووية أو صواريخ بعيدة المدى ولكن يحتاج إلى تخفيض نوعية التعليم والسماح للطلبة بالغش!* *يموت المريض على يد طبيب نجح بالغش!* *تنهار البيوت على يد مهندس نجح بالغش!* *نخسر الاموال على يد محاسب لص نجح بالغش!* *يموت الدين على يد شيخ دجال نجح بالغش !* *يضيع العدل على يد قاضي بلا اخلاق نجح بالغش!* *يتفشى الجهل في عقول الابناء على يد معلم نجح بالغش !* *عليه فإن انهيار التعليم والأخلاق هو انهيار الأمة بكاملها.* *قف تأمل..اليست هذه أسباب سقوط السودان اسفل سافلين بسبب الانقلابات و الانقاذ*
عشان كده قلنا 1- المحكمة الدستورية 2- والاعلام الحر والمسؤل 3- الشعب الواعي والانتخابات ده الكلوركس البنهي هذه الظاهرة البشعة في السودان
12-07-2019, 06:03 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13685
●خدوري يا فردة، حرام عليك؛ تجينا لحد ود مدني و ما توصلنا تسلم علينا و نبل شوفنا فيك. ياخ كان تديني خبر تلقاتي مستنيك جنب صينية كبري البوليس و رافع لافتة منقوش عليها "ابتسم و اخد راحتك فأنت على مشارف " محراب الحب و الجمال في بلادي". ● كدي هاك الرابط دا كاب ليك فيه مشاعر حنين دفاقة . بس تقرأ على مهل و ما تدي اللي جنبك. إنتي من وين يا بِنَيَّة.. و ناوية على و ين السفر؟!!إنتي من وين يا بِنَيَّة.. و ناوية على و ين السفر؟!!. دا شعارنا لود مدني: ألحان/ الفاتح السقيد و اداء /حيدر الرفاعي. ● برضو في لحن "أسمر جميل عاجنبي لونو" للكاشف بأداء خرالدفي لفنانة شابة شكلها شامية بأوركسترا كاملة. الغريبة في الصومال. عندي في الفيس و غالبني انزلو بالموبايل. بالله يا خدر تبحتو سما واطة و تنزلو لينا هنا. حبيبك/ ود ال ح ي ش ا ن ال ت لا تة
12-07-2019, 06:10 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
يا الله..... يا خضر وشركاه بتتعلم فازت بالمركز الاول في استفتاء الجماهيري العملتو الاذاعة وهي اغنية مكتملة العناصر ... وصعبة جدا جدا.. فيها عمل موسيقى لو قعدنا نحلل هذا الشلال اللحني والحوار وشغل الوتريات ...ما حنخلص ممكن نتكلم في اللحن والتنفيذ الموسيقى والاداء حتى يوم القيامة. في حتة بتعملها الاوركسترا كلها كل الالات بتجي قبل ألكوبليه الاخير ( بكرة ...الريد) وبعد صولو العود.. دي ما يألفها الا عبقري او مجنون ...لانه صعب شخص عادي يؤلف هذا النهج الموسيقي محمد الامين بدأ يبكي مع نهاية الجملة الموسيقية وبداية ( التسليم) للدخول في ...بكرة الريد وهو اتأخر ثانيتين فقط وغنا المقطع ..وكان تأثير البكاء واضح في صوته وهو يردد..( يكرة الريييد .. الريد )..... العازف ياخضر هو اسامة بيكلو عازف ٱلة البيكلو ..وهي اصغر الة موسيقية ولكنها اعلاهم صوتا
12-07-2019, 07:21 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
تسلم حبيبنا محمد آدم الجمال في مرورك يا انيق انا ممكن اكون مستمع جيد لكني ما متخصص في مجال الموسيقى رغم وجود خمسة آلات في البيت حاولتا اغني في فترة سابقة و سمعني الاخ الصديق عبد الرحمن عبد الله الكردفاني قال لي صوتك جميل و خلينا نبدأ بالعود مشيت كويس .. لكن فرقتنا الايام و الغربة و مرض الاستاذ عبد الرحمن و عودته للسودان حاولتا اعزف على الآلات العندي في البيت لكن للأسف الوغد معتز القريش قال ما بجيز صوتي و لا بخليني اتعلم العزف على اي آله من الألات هو عارف اني ح اتفوق عليهو و على اساتذتو و معتز للنصيحة عازف ماهر عزف مع كبار الفنانين في الاكوريون و بعزف بيانو و عود و غيرها لكن يظل الوغد وغد هههههههه
12-07-2019, 07:46 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
عادل يا دفعه صباح الخير اتفق معاك في انو المشكلة في مشروع الترابي و الطيب مصطفى كان واحد من الأدوات لتنفيذ هذا القبح الطيب و انس العاقب و شكر الله خلف الله دمرو ارث من التراث كبير و تسجيلات نادرة ابيض و اسود كانت مسجلة على نوع من الاشرطة اسمو 2 Inches ... الشريط قدر حجم حجر الطاحونة اكيد بتتذكر حجر الطاحونة لانك اقدم من الكسرة :) الاشرطة دي بما تحتويه من سهرات و تراث تعتبر ثروة ضخمة و في كل المجالات .. ضيعوها الناس ديل غايتو العملوهو الكيزان ما بطلع بالساهل الطيب اوقف بث كثير من الاغاني اذكر من ضمنها رائعة الشاعر توفيق صالح جبريل حديقة العشاق من الحان و آداء بازخ الجمال حبيبنا كابلي كسلا اشرقت بها شمس وجدي فهي الحق جنة الاشراق قال المعتوه الطيب مصطفى ظلت الغيد و القوارير صرعى و الاباريق بتن في اطراق قال دا كفر بواح و بعدها مسح الكثير
12-07-2019, 08:09 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
حبيبنا ود الحيشان التلاتة انت مش ملاحظ انك دائماَ بتعقدنا بلغتك السامية و مفرداتك العميقة و لا ما ملاحظ ؟ قول لي بس نجاريك كيف ؟ مدني هي بلاشك محراب الحب و الجمال يكفي انو فيها ابراهيم الكاشف و محمد الأمين و فضل الله محمد و عركي و هي بلاشك حاضرة الجزيرة اعجبتني مدني و اهلها الكرام جئتها من بورسودان مروراَ بكسلا و القضارف و حينها خطرت على بالي رائعة امير الشعراء احمد شوقي حين قال : دَخَـلْتُها وَحَواشِـيها زُمُـرُّدَةٌ والشَّمْسُ فَوقَ لُجَيْنِ المَـاءِ عِقْيانُ والحُورُ في (دُمَّرَ) أو حَوْلَ (هَامَتِها) حُورٌ كَواشِفُ عَنْ سَـاقٍ ، وَوِلْدَانُ و(رَبْوَةُ) الوَادِ في جِلْبَابِ رَاقِصَةٍ السَّـاقُ كَاسِـيَةٌ، وَالنَّحْـرُ عَرْيَانُ وَالطّيْرُ تَصْدَحُ مِنْ خَلْفِ العُيُونِ بِها وَلِلعُيُـونِ ، كَـمَا لِلطَّيْـرِ أَلْحَـانُ وَأقْبلَـتْ بالنَّباتِ الأَرْضُ مُخْتَلِفَـاً أَفْـوَافُـهُ ، فَـهُـوَ أَصْبَاغٌ وَأَلْوَانُ و قبلها همت عشقاَ بكسلا .. و لكسلا قصة عشق اخرى قادتني شقاوتي وانا في مقتبل العمر لزيارة اخوالي الذين هاجرو في بداية الستينات الى مدينة المجلد .. سافرت عبر كوستي و حتى بابنوسة بالقطار و شفتا الروعة والجمال في تلك النواحي و كان نوحي و الازاهير نيام :) ما اجمل من السودان الا السودان بجيك بهناك
12-07-2019, 11:46 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13685
تجيني يا خدوري منزل معاك الغنوتين : ١/ إنتي من وين يا بنية و ٢ / أسمر جميل للكاشف بصوت البنية ديك. حتى لو تستعين بحبايبنا الموسقارين / أحمد إدريس و لا كبر . ● بس عمو عادل ما يسمع كلامك دا في مدني بجينا راجع هسي يقوليك . أهل العوض ديل شن عندهم؛ نحن علمناهم جكين البصل. و لا اسامي حلَّالُم ديلك يكطعن الوضو ؛ برا كريعات و جعيبات و فنيسة و أم صفن عوراض . و اللذيذة أكتر واحدة عاجباه و قاعد يستشهد بيها قال اسما (حشرو عباس) مع أني زاتي أول مرة اسمع بيها عند عمو عادل.
12-07-2019, 12:03 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
حبيبنا ود الحيشان التلاتة البوست بتاعك داك شكلو ابو صلعة ارشفو لكن انت قاصد زينة افتيموس رائعة الفنان الراحل الكاشف هي من كلمات الشاعر عبيد عبد الرحمن انا ما عارف منو الرشح ليهم الاغنية الرائعة دي
12-07-2019, 12:19 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
و كمان الباشكاتب غنى اسمر جميل فتان ما بجود بمثلو زمان .. سبحان من صور يا ساحر المنظر عيونو النعسانة .. فتاكة فتانة اسمر بطبعو فريد فات حسنو كلو حدود و الحكمة لو يبسم .. يسبي الوجود يسحر دي كملتا الموسيقى والله يـــاأســـمــر. يــارائــع الـمـنـظر. مـمـشوق قــوام فـاتن. جــل الالــه صــور. وجـهـه الـقمر ضـواى. بــدر الـسـما الـنـور. ادعــج كـحيل نعسان طبعاَ هي مختلفة عن اغنية الكاشف دي وضع تاني كمان من كلمات الشاعر الجميل خليفة الصادق
12-07-2019, 05:08 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
يا سلام يا احمد ياسين يا فنان يا ريتني لوعرفتك من زمان ممكن نكون اتقابلنا في التلفزيون في السودان لكن انا عندي مشكلة مع الأسماء تعرف زميلنا احمد ساطور هنا داخل بإسم ترهاقا اتقابلنا كتير في التلفزيون و في شغل كتير جمعنا انا ما عرفتا انو دا احمد ساطور الا في سنة 2005 تقريباَ لما قابلتا العزيز و اخونا الاكبر عبد الحفيظ عبد القادر كرار عبد الحفيظ معانا في بريطانيا مشيت ليهو في اوكسفورد زيارة كان بعدها مسافر امريكا و معاهو مجموعة من الموسيقيين السودانيين من كل انحاء العالم حقيقة نسيت اسم الفعالية لكن وكتها تذكرت كتير من العازفين طبعااَ الفرقة الرسمية في الاذاعة من محمدية و عربي و خميس و كل الفرقة معروفة النظام دا شتت كل الناس بما فيهم المبدعين اذكر ايام القاهرة كان فيها يوسف الموصلي و زينب الحويرص و شركة حصاد و تسجلاتها الرائعة بعدها عرفتا عادل الصديق في جده كان وقتها لفت انتباهي ليهو الاستاذ الطيب عبد الله لانو كان مفروض اسجل معاهم سهرة تلفزيونية لكن كان في صعوبة لانتقال فريق العمل لجدة و صعوبة في انتقال الطيب و عادل للرياض
راجع ليك يا فنان بخصوص اغنية بتتعلم من الأيام الحلقة دي بالتحديد كان عندها قصة بين الموسيقار ود الأمين و الاستاذ عازف البيكلو اسامة كان بيناتم خلاف و اتعالج الخلاف قبل الحلقة بفترة لو لاحظتا اسامة بكى قبل الباشكاتب لكن الباشكاتب قصد اسامة .. طبعا بكل التسامح و الحب لكن كان قاسي عليهو حدثني صديقي عازف الفلوت و الفلوت ما ابعد من البيكلو الا في الطول بأنه استاذه في البحث , بحث التخرج من معهد الموسيقى و المسرح كان المشرف عليهو اسامة طلبي منك بسيط يا احمد ياسين هاك دي و شوف الباشكاتب عمل شنو هنا من الدقيقة 14 و لحدي الشغل الانت كتبتا عنو فوق دا شغل انا ما بفهمو لكن بحسو صاح ذي ما قال الشاعر عندما سمع صوت قمرية لم افهم معانيها و لكن شجت كبدي
12-07-2019, 05:36 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
اييييييه يا خضر من الدقيقة ١٤ ....محمد الامين يبطىء اللحن لانه سيدخل في خطاب مباشر للحبيب بعد ان كان السؤال الاستفاهمي اولا ( متين) عرف الهوى قلبك و( متين) .. . بعد ان ابطأ اللحن ودخل في الكوبليه قبل الاخير وهو الخاص باللقاء والشوق والحنية بعد التكرار توقفت الاوركسترا الا من بعض الخلفيات والنقرشات من عازف الاورغ الثاني ال( اسكونسر) اصبح محمد الامين يردد بدون لحن في صيغة خطاب ( اقابلك وكلي حنية) كانها رمية.ورويدا رويدا رجع للحن الاصلي ..الى ان وصل ..يفاجئك يوم في ( عينياااااااا) وهنا ترك مساحة وحرية للفرقة انها تبدع وتتحاور في انسجام تام وهي تعبر بانصاف وارباع التون الى جماليات الموازير الموسيقية....بعدها يتم التسليم لمحمد الامين ليغني المقطع الذي يمثل مشهدا حيا ( ورا البسماااااااات) .. ... الى ان يبدأ في صولو العود
12-07-2019, 10:25 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
بتتعلم من الايام تعتبر الياذة في الاغنية السودانية مع اللحن الميلودي.والتراكيب الهارمونية بنلقى صولو للكمنجة وللاورغ والعود ..لكن الاكورديون جزء صغير جدا في نهاية الاغنية. شىء خرافي هذا اللحن..وما عارف كيف محمد الامين لحن الاغنية دي قبل كدة حكى قصة عن لحن وحياة ابتسامتك . قال قام بتلحين الجزء الاول وكان في مدني في رمضان ..كان نايم وحلم انه لحن الجزء التاني وقام مخلوع من النوم وطوالي بسرعة شال العود وشغل المسجل عشان اللحن مايطير من راسه..لانه الزول لمن يصحى من الحلم بكون متذكر تفاصيل الحلم
احمد ياسين انت موسيقار بحق وحقيقة ، انت مكانك في السودان وليس خارج السودان وإنشاء معهد عالمي لتدريس الموسيقى وتعلمنا أصولها و اسرارها... تحليل رائع لأغنية ود الأمين....شكرا احمد ....
12-08-2019, 04:25 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
امتثال يا موسم الشوق الحلو انا شاكر ليك كلامك الطيب على وزن( خضر) حقيقة بوستات مثل هذه تعتبر متعة بمشاركة المتداخلين طالبت بادخال حصص الموسيقى في مدارسنا الابتدائية ..لانها ستؤثر تاثير عجيب في فكر وسلوك ونفسية الطفل ..حيطلع انسان مليان جمال وخالي من العقد النفسية الموسيقى حتغير في فكر وتصرفات الطفل الى درجة كبيرة من الوعي والحب والجمال وقدمنا الدراسة للمسؤلين السابقين..واذكر ان احدهم اتهمني بالضلال ..وادخال ( الحرام) الى عقول الطلاب
12-08-2019, 03:52 AM
adil amin
adil amin
تاريخ التسجيل: 08-01-2002
مجموع المشاركات: 36923
Quote: بس عمو عادل ما يسمع كلامك دا في مدني بجينا راجع هسي يقوليك . أهل العوض ديل شن عندهم؛ نحن علمناهم جكين البصل. و لا اسامي حلَّالُم ديلك يكطعن الوضو ؛ برا كريعات و جعيبات و فنيسة و أم صفن عوراض . و اللذيذة أكتر واحدة عاجباه و قاعد يستشهد بيها قال اسما (حشرو عباس) مع أني زاتي أول مرة اسمع بيها عند عمو عادل.
مدني بس يا ود الاصيل شوف عمك لمن يكون واعي ...ولمن خضر يمسك الدرب ...طوالي بوقف اطلاق النار والبوست ده ما منطقة علميات ده بوست ريد ساكت
12-08-2019, 10:07 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
Quote: اييييييه يا خضر من الدقيقة ١٤ ....محمد الامين يبطىء اللحن لانه سيدخل في خطاب مباشر للحبيب بعد ان كان السؤال الاستفاهمي اولا ( متين) عرف الهوى قلبك و( متين) .. . بعد ان ابطأ اللحن ودخل في الكوبليه قبل الاخير وهو الخاص باللقاء والشوق والحنية بعد التكرار توقفت الاوركسترا الا من بعض الخلفيات والنقرشات من عازف الاورغ الثاني ال( اسكونسر) اصبح محمد الامين يردد بدون لحن في صيغة خطاب ( اقابلك وكلي حنية) كانها رمية.ورويدا رويدا رجع للحن الاصلي ..الى ان وصل ..يفاجئك يوم في ( عينياااااااا) وهنا ترك مساحة وحرية للفرقة انها تبدع وتتحاور في انسجام تام وهي تعبر بانصاف وارباع التون الى جماليات الموازير الموسيقية....بعدها يتم التسليم لمحمد الامين ليغني المقطع الذي يمثل مشهدا حيا ( ورا البسماااااااات) .. ... الى ان يبدأ في صولو العود
يا سلااام يا احمد ياسين يافنان تحليلك قريتو تلاتة مرات و ورا الكلمات و الاحساس استنبطتا مفردات و احاسيس تانية الموسيقى عموماَ عالم آخر و التحليل الموسيقي من المتخصصيين من امثالك يا استاذ احمد ياسين بخلينا تلاميذ في حضرتكم الملاحظ انو الموسيقيين ما بتكلمو عن الموسيقى الا في مجتمعاتهم مع الزملاء مسألة التحليل الموسيقى مسألة مهمة و كذلك النقد الفني للأعمال المقدمة من فنانيين بقامة الباشكاتب اما موضوع تدريس الموسيقى في المدارس .. كانت مدرسة بخت الرضا الابتدائية هي السباقة في هذا المجال و بعدها كانت مدرسة خليل الابتدائية و اذكر حينها كان استاذنا كمال عبد المجيد عازف الكمان و بجانب تدريسه للغة العربية كان كذلك هو من اقترح حصة الموسيقى الآن اغلب المدارس الخاصة تهتم بحصة الموسيقى كعلم موازي للعلوم الآخرى وهو شئ يجب التركيز عليه لأهميته كما تفضلت في مداخلتك اعلاه و المطلوب منكم فضلاَ و ليس امراَ ان تولو هذا الأمر اهمية قصوى امس قبل مداخلتي الأخيرة كنت في اتصال مع الاخ محمد عثمان عازف الفلوت و محمد هو خريج معهد الموسيقى و مشرفه كما كتبت لك في مداخلة سابقة هو اسامة بيكلو انداح محمد و منه فهمتا فهم آخر .. و بث لي خبر انو سعيد بإنشاء فرقة موسيقية جديدة في مدينة الدوحة الفرقة دي حيجي وقت قريب لنشر ابداعاتها و ساساهم معهم في نشر ابداعاتهم حباَ لهم و لهذه الخطوة رغم الغربة و ظروف عملهم
و دي هدية محبة مني ليك يا استاذ احمد ياسين استاذنا بازخ الجمال كابلي بحركا لي للفرقة الموسيقية و الشكر عبرك للأخ ناصر اللندي
12-08-2019, 07:57 AM
محمد مجيدو
محمد مجيدو
تاريخ التسجيل: 07-06-2013
مجموع المشاركات: 2392
ود الامين .... مافي زيو اتنين ... موسيقار بمعنى الكلمة ... شوف نقرشتو على العود كيف !!!!!! مبالغة .. انا احب غناو جدا ...
انت الاجمل يا مجيدو و اسعدني وجودك في البوست لكن اغنية محمد الأمين دي بالذات انا بتحاشاها انا بتحشاها تماماَ و انت عارف انحنا في غربتنا بنودع و نفارق ناس عزيزين علينا بس قول لي انا عملتا ليك شنو عشان تعذبني بالاغنية دي !! و لسه ما صدقنا انك بي جلالك جيتنا زائر .. ايوة انت .. انت تجبر بالخواطر رائعة الشاعر فضل الله محمد الغريب الساعة جنبك تبدو اقصر من دقيقة و الدقيقة و انت مافي مرة ما بنقدر نطيقا ------ لو كتب الشاعر الفذ فضل الله محمد و الحان و غناء الباشكاتب لكفاهم حقيقة يا مجيدو بتحاشى تسجيلات التلفزيون من سنوات طويلة بحب تسجيلات الاذاعة و انا بهديك نفس الاغنية بتسجيل ماستر اذاعي .. ما اتركز في الصورة بس غمض و انت بتسمع فيها .. ما من الموبايل بسماعات ذي سماعاتي دي و لو عندك رغبة برسلا ليك
12-08-2019, 10:56 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13685
● منتهى الاندياح ي خدر و الله وديتونا لعوالم بديعة لامن بطاااالة عديييل كدا. ياخي معقولة بتتعلم و قلنا ما ممكن تسافر في حتة واحدة.و الله مغنانا في البلد دي لو قرط على كدا بس يكون كفاية . ● واحد مهووس كدا مرة دخل مسجد يصلي لقي اللمام قريبي دا سمعو بقول و لا الضااااللين يلا انطرب قعد يدردق في راسو و يردد وراه " أبو اللمين يا " ● فبالله عليك يا خدوري تكمل جميلك و تنزل لي 《 إنتي من وين يا بنية و ناوية على وين السفر》 طماعين ياخي موش ؟!!!.
12-08-2019, 01:41 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
الحبيب خضر أمبس .. تحياتي بوست جميل حتى لمن غنى مع وردي نورعين طرب حتى الثمالة ============================== اليوم وردت أخبار عن حفلة محمد الامين : التذاكر في السوق الاسود
(( منقـــــــــــــــــول ))
أعلنت شركة البروف للإنتاج الفني والإعلامي عن إجراءات أمنية مشددة مساء اليوم بفندق القراند خلال الحفل الساهر الذي يحيه الفنان الكبير محمد الأمين. وتأتي الإجراءات لإيقاف تداول تذاكر (السوق الأسود) التي أقلقت مضاجع الشركة خصوصاً في حفلات الباشكاتب. ومن المتوقع بحسب صحيفة السوداني، أن يشهد الحفل مساء اليوم تدافعاً غير مسبوقاً من جمهور محمد الأمين والذي يعتبر الأعلى كعباً وسط كل الفنانين في شباك التذاكر.
الخرطوم (كوش نيوز)
12-08-2019, 04:38 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20433
غايتو يا خدر نجاح لا تحسد عليه وكسرت رتابة المنبر السياسية البحتة كلها حمدوك حمدوك حمدوك لكن امريكا ابت تحمدو ففزت بالسبق وليتنا نعيش واقعنا والسودان وطن جميل لو تضافر اهله وصاروا جبهة واحدة لبناء وطن به كل الخيرات التي يتصورها الانسان وقبل ذلك فيهو انسان متسامح وصاحب عقيدة فطرية اهنيك
12-08-2019, 07:50 PM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9252
هذه عندي من اجمل اغنيات الاستاذ الباشكاتب وكنت ادمن سماعها زمن اشرطة الكست واول سنوات الغربة حيث الولع بالوطن والشوق للعودة لترابه احسب هذه القصيدة كأنها كتبت لابي فقد كان رجلا متفردا حتى ان الدكتور كامل ابراهيم حسن رحمة الله عليه كتب عنه مقالا نشر بجريدة الصحافة ومواقع بالانترنت واشار لحادث مازال يحكى في قرانا رحمة الله على كل ابائنا وامهتنا
يا جماعة الخير مالكم علينا.. الله يجازيكم بكل ما هو خير وكل ما هو جميل وبديع ... على الرغم من انكم جعلتم الدموع تنهمر من عيوننا، لكنكم جعلتم ساعات يومنا هذا عيد في عيد .. وكل سنة وانتو طيبين يا رائعين، ،،
12-08-2019, 09:33 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
بتتعلم مع بساطة اللحن وعمق الموازير الموسيقية...تحس كأنه لايوجد هارموني وهل سأل اي احد منكم عن اجابة للسؤال في الاغنية و....ليه الناس بتتألم؟ وهل عرفتم ليه محمد الامين ردد ( اقابلك .. وكلي حنية) بعدة طرق وبعمق متناهي حتى يضعك انت ايها المستمع لتخيل وتصور شكل الحالة لهذا اللقاء الذي طال انتظاره الشىء المحير ان كيف محمد الامين استطاع خلال كل هذه السنوات الطويلة ان يحافظ على صوته المتأرجح بين ( الباريتون و التينور التاني) . اكيد عبقرية الاداء والتدريب الصوتي ودراسته للموسيقى ساهمت في حفاظه على هذا الصوت الهبة الربانية
12-09-2019, 00:28 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
حبيبنا ودالحيشان التلاتة قبل ما انزل ليك انتي من وين يابنية خليني اتحفك برائعة الخليل وهو خليل فرح من جزيرة صاي حفيدته زميلتنا الاستاذة الاعلامية إيثار فرح زوجة زميلنا ود المقرن عماد صديق الجابو شنو مدني انا ما عارف الحاجة دي اكيد بكونو كتبو عنها النقاد الفنيين بالذات استاذنا القامة الدكتور مرتضى الغالي ما له أعياه النضال بدنى وروحى ليه مشتهية ود مدنى ليت حظى سمح وأسعدنى طوفة فد يوم بى ربوع مدنى كنت أزوره أبويا ود مدنى وأشكى ليه الحضرى والمدني آه على حشاشتى ودجنى وحنينى ولوعتى وشجنى دار أبويا ومتعتى وعجنى يا سعادتى وثروتى ومجنى يـا لقلب بالهموم حبكــا طرفه مسهد عيشته ديمه بكا كم تـــألم بالنوى العبكا وكم ذكركم وفكره كم ربكا حين سألنا حاوى الوصب من خمـايل قـرية القصب قالوا جات سيرتك على النصب ونحن بين الروضة والقصب صنفه بعدها قالن ان تصب تربط الأحلام مع الخصب كان حبيبنا وحاشا ما نصبى ومن زمان فارقنا وهو صبى تانى ما سمعنا انقطع خبره يا حليلم طشوا ما اتخبروا واحدة فيهن قالت انجبروا فقر أبونا وخدمة النبرو الكنانة أكرمت نزلى وأغدقت من خيره كل زلى إن حييت أو مت فى الأزل ده مقدر طبعه فى الأزل غايته نجتم نفثتى الخطرت بى تحية من حشاى شطرت للتدور والطارية والما طرت سلاما ما الغصون خطرت خاصة وانك من مدني ذي ما قلتا ليك انا بعشق كل مدننا السودانية مدني دي فيها جحافل من المبدعين هاك الباشكاتب و الاغنية دي غنوها تلاتة اسماعين عبد المعين و الراهب الصوفي الراحل بادي محمد الطيب بالمناسبة الأغنية دي بالذات من بادي اسمعا براك و انا ما مسئول من البحصل ليك ذي ما قال بادي لو ما صحنا قلبنا بقيف و قلنا لسه بكشكش بالحب انت يا ود الحيشان اكيد عارف الشغل دا بوقف القلب مؤلم انت ذي مجيد الفوق دا :) حباَ لكم حلوين
و الأخيرة دي عملتا كريمة زميل المنبر الدكتور مصطفى الجيلي .. و التحية عبرها للأخوة الجمهوريين و الرحمة و المغفرة للشهيد محمود محمد طه ,و لعزيزهم الأستاذ سعيد الطيب شايب في الحالة دي يمتنع الاخ على الكنزي عن المداخلة بالذات في الفيديو الاخير دا :) يا ود الحيشان انت مش شايف انك بتحرف البوست و بتجيير البوست ؟ لكن حبي ليك يا دفعة بخليني اتحمل بس معاك ممكن قلبي يقيف .. حباَ لك يا دفعة و لكل الجميلين
يحي ود قباني شكرا كتير على بروفات الفنان الموسيقار ود الامين ... اوسكار الف الف نجمة ،،،وروعة ....عشان كده كل اعمال ود الامين بلغت الجودة الكاملة في التوقيع الموسيقي.. ومستحيل تلقى اي شترة بين اللحن وعزف الاوركسترا ...موسيقيين كل واحد يستاهل اوسكار خمس نجوم ،،،
12-09-2019, 02:19 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
بالله شوف يا ود الحيشان التلاتة دفعتنا عدولي لما يكون رايق حبيبنا ابو الأمير بدر الدين بقول عليهو حوثي جاب ليك رائعة الباشكاتب و من كلمات الاستاذ فضل الله محمد يعني جاب ليك مدني كلها بيني بينك شوق عمر لا نام و لا مدو انحسر بيني بينك لا الشعر قادر يقولو ولا الوتر و تقول : هواي تستبعدو ليه؟ و تضحي بيهو و تفقدو ليه ؟ كلام زعل ما بنقصدوا انت اكيد ما بتقصدو ....
ما قلت ليك من قبل دا ساند عواطفك و ساعدا خليها تهدأ و عويدا تزعل شوية ، مش كده .
آمنت بالله هاكم ليها بتسجيل مختلف
استاذ احمد ياسين انا ملاحظ انو في شئ في دخلة الاكوردين من البداية لاحظ الباشكاتب دخلتو بالعود دي .. يا ريت تسمع الدقيقة 11:52 لحدي الدقيقة 12:27 تحليلك ليهو شنو ؟ الموسيقى في نهاية الاغنية وضع تاني
12-10-2019, 06:13 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
صولو قصير في ختام الاغنية لٱلة النفخ ( الاكورديون) و على ( استحياء) وبعدها العودة الى اللازمة الموسيقية الرئيسية والى اللحن الاساسي. وصولو ( العود) . وتسريع الايقاع....للوصول الى القفلة .. في الاغنية محمد الامين اعطى الالات الوترية المساحة ..خاصة الجيتار
12-10-2019, 10:03 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13685
● و الله ما عارف نجازيك كيف با خدوري . لكن ياهو دا الشُّغُل البِرُد الروح في بدني و يوقف القلب يرتاح شوية عشان الدم يدُر براه في عروقنا .و ماك طالبني حِلفان إننا من النوع النحن فيها و ما عارفين روحنا ليه لييييه لييييه مشتهية ود مدني . ياخ مانا دايرين بس نغرِّق لجوة في الخصوصيات و لا نفشي سراً لنقول ود اللمين دا ، و هو حبيب الكل ، حقنا دم و لحم؛ و لامن يرجع لينا في أبحراز وطبية عبد الباقي: فكأنما ورد الخطاب فلا عدمنا أناملَ(اً) َنقشتْ عليه حتى تضمَّخ طيبا و لكأن موسى قد أُعيدَ لأمِّه و قميصَ يوسفَ قد أتى يعقوبا ● و لولا خاذلني كيبورد الموبايل و مخستكة معاي شبكة النت ، كنت أنزِّل ليك براي و بالصوت ( الخمري المُعتَّق ) لقريبي الباشكاتب كما يحلو لكم ، تسجيل لمناحة أبونا أزرق طيبة: عبد الباقي الريح حمد النيل.و هنا بتلقى سر الحيشان التلاتة يا خدر. ساؤف عمنا الكنزي سبقني عليها : ♤ غرارة العبوس دار الكمال و نقاص دوبا حليل أبويا اللي العلوووم درَّاس تبكيك الجوامع الانبنت (ضانقيييل) لقراية العلم و كلمة التهليل يا صايم المغارة خيولا البجن بالليل يا ود ليل البحور الجدك ( المانجيل) * الضانقيل: الطوب اللحمر زمن البُنا بالقش. * المانجيل : لقب لجدنا يوسف أبو شراء... و للحديث شجون.....
سلام الاخ الفاضل خضر . دا من امتع البوستات . رائعة الشاعر الفذ اسحق الحلنقي. بتتعلم من الأيام مصيرك بكره تتعلم فعلا الحياة مدرسة عريضة . كل يوم درس جديد بل شهادة التخرج من الحياة . اما جنة واما ناااااار. عااااااااطر الاشوااااااق .
،،،،
عزالدين عباس الفحل ابوظبي
12-10-2019, 05:29 PM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9252
غايتو يا خدر عفيت منك دنيا وآخرة فقدت اعدتني للمراة التي احببت وتسربت من بين يدي كطيف زائر في يوم الخميس ٢٩ سبتمبر ٢٠١٦ زوجتي المرحومة ام اولادي مصطفى وغفران ومغفرة توفت في رعيان شبابها بالمستشفى وكانت لا تشكو إلا من صداع فهي من مدني ابأ عن جد وتخرجت من جامعة الجزيرة وكان عقد القران بمدني واراك تستشهد ما له أعياه النضال بدنى وروحى ليه مشتهية ود مدنى ليت حظى سمح وأسعدنى طوفة فد يوم بى ربوع مدنى كنت أزوره أبويا ود مدنى وأشكى ليه الحضرى والمدني اللهم حرم جسدها على النار وادخلها الجنة مع الابرار واجعل الخير في ذريتها وذراري المسلمين احمعين يا ارحم الراحمين
والله حبكم وعشقكم لمدينة ود مدني فاق حب وعشق بسمات بت عطبرة لمدينتها عطبرة البتسميها تم المدائن... وهو بالله الفنان القامة ود الأمين من ود مدني!!؟؟ وشكرا للبوست الاوسكار ...
12-10-2019, 06:02 PM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9252
تسلم يا احمد ياسين يا فنان يا ريت لو تنداح في اي اغنية تختارا من الفوق ديل بنتعلم منك ياخ
Quote: صولو قصير في ختام الاغنية لٱلة النفخ ( الاكورديون) و على ( استحياء) وبعدها العودة الى اللازمة الموسيقية الرئيسية والى اللحن الاساسي. وصولو ( العود) . وتسريع الايقاع....للوصول الى القفلة .. في الاغنية محمد الامين اعطى الالات الوترية المساحة ..خاصة الجيتار
12-10-2019, 06:55 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7206
Quote: سلام الاخ الفاضل خضر . دا من امتع البوستات . رائعة الشاعر الفذ اسحق الحلنقي. بتتعلم من الأيام مصيرك بكره تتعلم فعلا الحياة مدرسة عريضة . كل يوم درس جديد بل شهادة التخرج من الحياة . اما جنة واما ناااااار. عااااااااطر الاشوااااااق .
محمد الأمين دا وضع تاني يا ود الفحل و اسحق الحلنقي و فضل الله محمد و العديد من الشعراء و الفنانيين سنين طويلة يا عز الدين بنسمع برانا و بنتأمل و بنتألم , و كمان بنتعلم بس في صمت عاوزين مشاركة المتخصصين من احبابنا في المنبر دا و الناس السميعة عاطر الاشواق ليك يا حبيب
12-11-2019, 05:40 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
Quote: غايتو يا خدر عفيت منك دنيا وآخرة فقدت اعدتني للمراة التي احببت وتسربت من بين يدي كطيف زائر في يوم الخميس ٢٩ سبتمبر ٢٠١٦ زوجتي المرحومة ام اولادي مصطفى وغفران ومغفرة توفت في رعيان شبابها بالمستشفى وكانت لا تشكو إلا من صداع فهي من مدني ابأ عن جد وتخرجت من جامعة الجزيرة وكان عقد القران بمدني واراك تستشهد ما له أعياه النضال بدنى وروحى ليه مشتهية ود مدنى ليت حظى سمح وأسعدنى طوفة فد يوم بى ربوع مدنى كنت أزوره أبويا ود مدنى وأشكى ليه الحضرى والمدني اللهم حرم جسدها على النار وادخلها الجنة مع الابرار واجعل الخير في ذريتها وذراري المسلمين احمعين يا ارحم الراحمين
لها الرحمة و المغفرة يا علي و خالص التعازي لابنائها و لاسرتها و لك الفقد كبير يا كنزي عاوزك في بوست تاني تفتحو انت انت من الشوال و اتزوجتا من مدني و جدي الشيخ السماني الشيخ برير اتزوج من الشوال السيدة عزيزة علي ابوعشري خليهو يكون بوست براهو و بجيك فيهو ..عشان اودرك
12-11-2019, 05:07 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
حبيبنا يحيي قباني انا عارف انك مستهدفني انت و جواهر و جميلة بتدورو تضيعوني :) يا لجمال و روعة هذه التسجيلات عندكم كنوز محفوظة في موقعكم الجميل لما انا كتبتا فوق انو الكيزان و الطيب مصطفى كان همهم محو كل هذا الجمال كنت صادق و محق لكن الكنوز العندكم شلتوها بدري قبل ما تطالا ايدي هؤلاء الدواعش الفاسدين ياخ ما عندي رغبة اجيب سيرة الكيزان ديل في البوست الجميل دا و بالمناسبة يا قبة شايف مولانا الطبي حافظ بغازل فيك لانو جاب ليك اغنية ود الأمين .. لشاعرنا الكبير و حبيبك هاشم صديق ما تخليهو يا قُبة مولانا الطبي دا .. دقو بي شغل تاني حتى لو ترسلو ليهو في الواتس او الانستا او الفيس .. المهم ما ينوم :)
12-24-2019, 12:18 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
اسمح لي احرف ليك البوست شووية ... واحكي ليك قصة حقيقية حصلت معااي مع الباشكاتب ومدينة ودمدني ..
في سنة 1981 .. كنت خارج السودان ... وكنت بجهز للزواج ... اديت اهلي شيك بمبلغ ثلاثة الاف جنيه سوداني ( كانت كتيرة وقـتـئـذ ) ( وقتئذن دي كيف معاك ؟؟ ) هههه قلت ليهم الف وخمسمئة ادوها لاهل العروس .. والف خمسمية للفنانين .... وكنت قد اتفقت مع ود الامين وترباس انو يحيو حفلة الزواج نظير 750 جنيه لكل منهما...( شوف الهملة دي كيف ) المهم .. اهلي المحس .. ابت قريرتهم الا ان يحيي لهم الحفل الفنان العملاق وردي (بحكم قرابتنا معه ) وصرفو الشيك وادو وردي الف وخمسمائة كاملة .... وهو بدوره اداها للعازفين (الله يرحمه ويغفر له ) ..... وكانت ليلة روووعة لا تنسى ... اها كانت اجازتي اقل من اسبوعين ... مراسم العرس كانت 3 ايام ... وعشرة ايام قضيتها (شهر عسل) في واد مدني الجميلة .. حيث اقترح علي صديقي ود العمدة ( احد اعيان ود مدني ) ان انزل في الفندق الكبير(انتركونتنتال ) بمدني .. وكان هذا الفندق مخصص للعرسان فقط ( كان على شارع النيل ) والليلة ب 17 جنيه ... ما عارف هل مازال موجود ام اتلحس .... علما بانني كنت حاجز في فندق القرين فيلتش بالخرطوم بري ... وكان فاتح جديد ... الليلة باربعين جنيه .... يا سلام على داك الزمن الجميل والذي لا ينمحي من الذاكره ....
بالمناسبة ياخدووري ....
اغنية ماممكن تسافر ... الانا نزلتها فوق دي ... اهدتني ليها العروس قبلما اسافر ....( دييييني اااانااا ) هههههه عشان كدا هي في الخاطر ....
Quote: في حتة بتعملها الاوركسترا كلها كل الالات بتجي قبل ألكوبليه الاخير ( بكرة ...الريد) وبعد صولو العود..
ياخ بالذات شغل سعدد الدين الطيب الدقيقة 18:56 الاسبوع الفات ومع بدايات البرد والمطر والخريف ووحوحات الغربة شغلتها وبي صوت عالي ويا مزك مافيك ما يسترو إلا أنا، وفي عز البهجة أم العيال فاجأتني بسؤال عن سر البهجة ديك شنو
تتحياتي
12-19-2019, 05:32 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
Quote: اسمح لي احرف ليك البوست شووية ... واحكي ليك قصة حقيقية حصلت معااي مع الباشكاتب ومدينة ودمدني ..
في سنة 1981 .. كنت خارج السودان ... وكنت بجهز للزواج ... اديت اهلي شيك بمبلغ ثلاثة الاف جنيه سوداني ( كانت كتيرة وقـتـئـذ ) ( وقتئذن دي كيف معاك ؟؟ ) هههه قلت ليهم الف وخمسمئة ادوها لاهل العروس .. والف خمسمية للفنانين .... وكنت قد اتفقت مع ود الامين وترباس انو يحيو حفلة الزواج نظير 750 جنيه لكل منهما...( شوف الهملة دي كيف ) المهم .. اهلي المحس .. ابت قريرتهم الا ان يحيي لهم الحفل الفنان العملاق وردي (بحكم قرابتنا معه ) وصرفو الشيك وادو وردي الف وخمسمائة كاملة .... وهو بدوره اداها للعازفين (الله يرحمه ويغفر له ) ..... وكانت ليلة روووعة لا تنسى ... اها كانت اجازتي اقل من اسبوعين ... مراسم العرس كانت 3 ايام ... وعشرة ايام قضيتها (شهر عسل) في واد مدني الجميلة .. حيث اقترح علي صديقي ود العمدة ( احد اعيان ود مدني ) ان انزل في الفندق الكبير(انتركونتنتال ) بمدني .. وكان هذا الفندق مخصص للعرسان فقط ( كان على شارع النيل ) والليلة ب 17 جنيه ... ما عارف هل مازال موجود ام اتلحس .... علما بانني كنت حاجز في فندق القرين فيلتش بالخرطوم بري ... وكان فاتح جديد ... الليلة باربعين جنيه .... يا سلام على داك الزمن الجميل والذي لا ينمحي من الذاكره ....
حبيبنا مجيدو فعلاَ حالة بطالة دا استهبال و استنكاح تلاتة الف يارجل هسي ما بتجيب صحن فول ههههههه
12-19-2019, 05:47 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
اغنية ماممكن تسافر ... الانا نزلتها فوق دي ... اهدتني ليها العروس قبلما اسافر ....( دييييني اااانااا ) هههههه عشان كدا هي في الخاطر ....
اكيد يا مجيدو المدام لما اهدتك الغنية دي ما كانت عارفة انك وغد :) ياخ ربنا يسعدكم دائماَ مع ابنائكم و احفادكم و يديكم الصحة و طول العمر اسعدتني متابعتك و مداخلاتك الجميلة
12-20-2019, 12:14 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
بيلاي شووف اداء الشاب دا .. نفس صوت ود الامين تقريبا .. موهبة واحساس مرهف ...
عاالم بطاالـــــــــــــــــــــــــة ,,
هو عماد الربع من اولاد كسلا صاحبنا درير محمد عمل ليهو زيارة جانا هنا و اسعد ليالينا و استضافو معتز القريش في سهرات ليالي السمر قدر ما حاولنا معاهو يقعد هنا رفض
12-20-2019, 10:14 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
وكنت قايل سوف ياتي دي حقت الفيتوري وليس الشاعر المرحوم كنه اعتقد انه كبتن طيران مش مراكب زيك يا خضر العواليق ودي بالاركسترا طبعا لي ناس الموسيقى لانه فها جهد جبار شديد وكتبت علي انغامها قصة حفيف الاجنحة لانه بنقلك لي رمال بلدنا والنخيل والشمال و ومن هو الذى سوف ياتي دي المشكلة
12-25-2019, 12:31 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
اسم القصيدة ( كلام للحلوه ) و من ديوان كلام للحلوه ... و الديوان كان من ضمن المجموعة الكاملة للاستاذ هاشم ... و به اهداء بخط يده في عام 2010 اعتز به كثيراً ...
12-23-2019, 07:50 AM
محمد مجيدو
محمد مجيدو
تاريخ التسجيل: 07-06-2013
مجموع المشاركات: 2392
يا سلاااام يا مجيدو و يا للروعة عادل الصديق دا حكاية تانية في العام 2006 قمت باخراج سهرتين لعبد الرحمن عبد الله الكردفاني بعد عودته من رحلة العلاج من دولة المجر و سهرة كبيرة و مشهوده للفنان عثمان حسين اشرف عليها ابناء رابطة الصحافة بالرياض و بعدها حاولت مع الاستاذ الطيب عبد الله و عادل الصديق وقتها كانوا في مدينة جده كان صعب الوصول اليهم لانو فريق العمل المعاي عندهم التزامات و دوامات و الطيب و عادل تعذر حضورهم لاسباب خاصة عادل الصديق حقيقة ما كنت بعرفو لكن سمعتا ليهو اغنية العيون من كلمات الصديقة زينب الحويرص لما كانت في القاهرة و الحان زميل المنبر الاستاذ الموسيقار يوسف الموصلي هاك ليها .. عندو طبقة صوت متميزة ارفع الصوت و اوزن السماعات
و العيون بتداري شوقا من عيون الناس و تبكي فاقده جنه وروض محنة فال هوانا عليها يحكي ------ يا حبيبنا هوانا نحنا لسه بدري على وداعو خوفنا نزرع في دروبك لي امل مكسور شراعو لما انحنا نجيكا شايلين هم قليبنا و التياعو نلقى في عينيكا قسوة فيك ملامح الريدة ضاعو ------- بينا بينك شوق و غربة ذكرى لي ايام حبيبة حزن خيم في المسافة البينا بينك و ما قريبة ------- لو اماني العمر عدت احكي بس كيفن اجيبا و لو اماني العمر عدت احكي بس كيفن اجيبا
يا سلام يا زينب و عادل و الموصلي
12-23-2019, 09:50 AM
محمد مجيدو
محمد مجيدو
تاريخ التسجيل: 07-06-2013
مجموع المشاركات: 2392
عادل الصديق خريج معهد الموسيقى والمسرح وهو من ابناء مدينة كوستى الحلة الجديده ويقال انه بدء يقلد محمد الامين منذ فترة طويلة وكان ماهر جدا فى عزف العود لدرجة انو محمد الامين اهداه عوده الخاص ودى مابتحصل من ود الامين.. ظروف الحياة دعته للاغتراب خارج الوطن لو كان استقر فى السودان لفجر فن اصيل رائع ..
نتمنى له وللجميع التوفيق ,,
عااالم بطاالـــــــــــــــــــة ,,
12-23-2019, 12:25 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
يا سلاميا مجيدو للروعة عادل الصديق يمتلك صوت خرافي و هو فعلاَ عازف مجيد للعود الغربة بتدفن الفنانين الطيب عبد الله سنين طويلة في جده و عبد الرحمن عبد الله الكردفاني خمسطاشر سنة في الرياض في جيلين ما بعرفو عبد الرحمن عبد الله
كت آوت : قلت لي سنة 1986 ؟ يعني بعد زواجك بخمسة سنوات ايام التسجيل على اشرطة VHS انا الوكت داك في الروضة يا جدو ههههههه محبتي يا جميل
شكرا لكم على هذه النغمات الجميلة... وعادل صديق فعلا متمكن في عزف العود وصوته روعة ...ولكن النظام القمئ السابق شرد الفنانين من ديارهم ... ...وكمان ود قباني ما قاعد في الواطة ، لأنه صديق الشاعر الشهير هاشم صديق ،،،والله نحن مرات بنخجل نكتب مع فطاحلة في المنبر العام زي الموصلي وود قباني ،،،وأيضا مع علماء في مختلف المجالات ....والتحيات لكم جميعا..فيكم تسير سودانيز اون لاين للأمام...ونستعيد مجد وعزة السودان الذي تتحدثون عنه...حتى الفن كان غير الفن الذي نسمعه الآن.... وحكاية ود الأمين يهدي عوده الخاص لفنان فعلا ما ممكن تحصل بالساهل من الفنان القامة ود الأمين...حكاية اوسكار ، وقلادة اوسكار في عنق الفنان عادل الصديق ....
12-24-2019, 03:14 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
كأن الاغنية ولدت من جديد، ومع ولادتها يتعتّق صوت ودالامين.
.دا ما نقد، دا انطباع شعري..
Quote: المنبر يعتبر أفضل حقل لدراسات وبحوث علوم السايكولوجي..
اندهاشك يا اسماعيل من رقّة ذوق خضر،
قد يقابله اندهاش من آخرين في انتقالك من دعم "الدعم السريع" إلى "دعم الفن البديع" .
ههههه
و دالأمين هو عبقري الاغنية السودانية ما بتهاون في تجويد الآداء هو و وردي لذلك تميزوا بالإضافة الى طبقة الصوت باذخة الجمال بالنسبىة لاخونا اسماعيل انا بتابع بوستاتو بكتب بلغة عربية رصينة و كتابة المقال ليست بالشئ السهل كما تعلم لكن للأسف بميل لإثارة النعرات القبيلية الموضوع بتاع العنصرية دا بزعجني جداَ السودان دا حقنا كلنا مافي افضلية لقبيلة دون الاخرى تحت سماء هذا الوطن يجب ان نعيش و نتعايش انا ما كنت عارف انا من ياتو قبيلة الا لما كبرتا و ما كانت المسألة دي بتعني شئ بالنسبة لي و الى الآن فلنترك القبلية و التحزب و نتجه لبناء وطن يسع الجميع
02-08-2020, 07:45 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
تعتبر هذه الأغنية من أسرع الأغنيات التي لحنها الأستاذ محمد الأمين ويرجع تاريخ ميلاد هذه الأغنية في الأيام الأخيرة من شهر سبتمبر 1964م حيث كنت بمدني بغرض إعطاء كروت حفل زفافي الذي يصادف 1964/10/6م وكان ان جاء الشاعر فضل الله محمد وحينها كان يقف امام النافذة التي كانت على الطريق حيث جاء معاودا للفنان محمد الأمين بمنزله والذي كان يرقد طريح الفراش بكسر في قدمه عندما سقط في احدي هاويات خور أبو عنجة بأم درمان فكان أن سأله الفنان محمد الأمين لماذا غبت عني هذه المدة الطويلة ؟ فرد فضل الله محمد بقوله : والله دائما بجي القاك نائم لما سألت الجماعة عنك قالوا لي متحسس شوية, لحظتها صحت قائلا : ده مطلع أغنية يا فضل الله وبادلني فضل الله محمد الصيحة البكري موجود في البلد؟ وبالفعل شرع فضل الله محمد في كتابتها وقام محمد الأمين بتلحينها بلحن رائع خفيف وبعد عشرة أيام حضر للغناء في زفافي الفنانين محمد الأمين وأبو عركي البخيت ومحمد مسكين وكان من بين الأغنيات التي قدمها محمد الأمين في ذاك اليوم أغنية قالوا متحسس شوية الا وهي أغنية بعد الشر عليك.
الرحمة والمغفرة للشاعر فضل الله محمد والناقد الفني ميرغني البكري ولك الأستاذ خضر الطيب والموسيقار محمد الأمين العافيات الخافيات باطنها وظاهرها.
02-08-2020, 08:14 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
صورة للموسيقار محمد الأمين في العام 1987م وهو يغني على غير العادة من دون مصاحبة آلة العود ويرجع ذلك لان فرقته الموسيقية كانت تضم حينها مجموعة من الشباب الموهوبين تخرجوا من معهد الموسيقى والمسرح وكانوا يتمتعون بقدرات وامكانيات احترافية كبيرة في العزف بقيادة سعد الدين الطيب والفاتح حسين وعثمان النو ومجدي العاقب وميرغني الزين وأحمد باص وميكائيل الضو وفائز مليجي وغيرهم وفي تلك الفترة تخلى الموسيقار محمد الأمين عن الغناء بمصاحبة العود وترك لهذا الشباب كل صولات العود لثقته في قدراتهم ومهاراتهم في العزف وبالفعل أضافوا الكثير من الروعة والدهشة لأغانيه بحسهم وخيالهم الموسيقي الواسع.
02-08-2020, 04:30 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10107
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة