|
|
|
 Re: حميدتي المدينة غير (Re: Mohd Ibrahim)
|
شايف الطول والقامة يا اخ محمد؟
افورقي بس ماشاء الله، والغريبة الزيارة لارتريا
ولواءات الجيش ومدنيو المجلس السيادي يتطوحون للوداع والاستقبال
Quote: *النائب الأول لرئيس مجلس السيادة الإنتقالي يتوجه الي أسمرا*
توجه النائب الأول لرئيس مجلس السيادة الانتقالي الفريق أول محمد حمدان دقلو صباح اليوم الي اسمرا عاصمة دولة إريتريا في زيارة رسمية تستغرق يوما واحدا يرافقه عضوا مجلس السيادة الانتقالي الفريق الركن ياسر العطا والأستاذة نيكولا عيسي عبدالمسيح ووزير الثقافة والإعلام الأستاذ فيصل محمد صالح .
وكان في وداعه بمطار الخرطوم عضوا مجلس السيادة الانتقالي اللواء ابراهيم جابر والأستاذ محمد الفكي سليمان والأمين العام لمجلس السيادة اللواء أسامة الصديق جادالله ووزير الداخلية الفريق شرطة الطريفي ادريس ووزير الزراعة والموارد الطبيعية عيسي عثمان شريف. |
غايتو الصور توضح بجلاء الفرق الواضح بين
حميدتي الخلا وحميدتي العاصمة..
| |
 
|
|
|
|
|
|
|
 Re: حميدتي المدينة غير (Re: اسماعيل عبد الله محمد)
|
مغصة عيال خراطيم..
بهتموا بالقشور...
اها جاتكم القشرة المن امها..
الملاحظة في أناقة ولدنا
| Quote: السياسي السوداني الوحيد اللابس بدلة قدرو و slim fit كمان |
دا تعليق ناشطة سودانية مقيمة في هولندا..
| |
|
|
|
|
|
|
|
|
|
Re: حميدتي المدينة غير (Re: اسماعيل عبد الله محمد)
|
السياسي السوداني الوحيد اللابس بدلة قدرو و slim fit كمان
يا اسماعيل كيفك
حلو الوحيد يعترف بارتكابو مع اخرين المجزرة ويسلم اخوهو والضباط النفذو للعدالة , بعد داك
يلبس
slim fit
ياكل ام فتفت ما بهمنا و يرجى البل القانونلى لقواتو اجلا ام عاجلا .
| |
|
|
|
|
|
|
|
|
Re: حميدتي المدينة غير (Re: مرتضي عبد الجليل)
|
| Quote: ياكل ام فتفت ما بهمنا و يرجى البل القانونلى لقواتو اجلا ام عاجلا |
انت بتتكلم من على الرصيف
وقولك لا يعتبر جريمة
الزول الان ممثل لسيادة وطنك السودان..
بالغانوووووون هههههههههههههه
| |
|
|
|
|
|
|
|
|
|
Re: حميدتي المدينة غير (Re: عمر التاج)
|
| Quote: ومشروع سيسي كبير في السودان |
لا لا لا لا في دي غلطت غلط كبير...
لم يصل السيسي ابداً إلى موقع الرجل الثاني الممثل لسيادة الدولة...
السيسي ومناوي كانا مساعدين فقط لرأس السيادة
لكن حمديتي اليوم يمثل السيادة
بحقو
سواء الوجاهة والأناقة
او القوة و السطوة
كلاب
عشان تآمنوا
ههههههههه
| |
|
|
|
|
|
|
|
|
|
Re: حميدتي المدينة غير (Re: مرتضي عبد الجليل)
|
سلامات مرتضى،
التاريخ ده لو الناس مشت تبحت فيهو كعب خلاص
كل الأحزاب الكبيرة التقليدية والتقدمية لديها ثقوب سوداء في التاريخ
وانت مثلا كتقدمي يساري ستجد تاريخك الحزبي متورط في مجزرة الجزيرة أبا وغيرها..
لذا اتوقع ان ينسى الناس التاريخ قريبا ويقلبوا جغرافيا..
وعلى هذا الأساس نتعامل مع حميدتي في متاهته الجديده ونتابع اخبار الزيارة..
Quote: #وزير_الاعلام_الاريتري_يمان_قبرمسكل
الجنرال حميدتي اطلع الرئيس اسياس افورقي على مجريات محادثات السلام السودانية وأكد على اهمية دعم ارتريا لإنجاح العملية بينما اكد الرئيس اسياس على استعداد الحكومة الارترية وشعبها لاداء دورها الذي وصفه بالمتواضع مع الاتفاق على تعزيز العلاقات الثنائية |
ونعود لصور عربي الخلا في حلته الجديدة..
| |
|
|
|
|
|
|
|
|
|
Re: حميدتي المدينة غير (Re: عمر التاج)
|
بالله قفوا وتاملوا الصورة الأخيرة دي..
وشوفوا فريق المدينة (خرت) الفريق افورقي كيفن
وفي عقر داره كمان
افورقي لسه بلبس اللبسة الاشتراكية الباهتة
وينتعل شبط مبشتن، وجلسة مملة حزينة
بينما جنرال الخلا بتاعنا ما شاء الله، آخر هندمة وشياكة
فل سوت زي الليل، ألوان دبلوماسية طاعمة
طقم اكسسوارات ومكملات متناسق، جزمة زي الجزمة
شرابات طاغية على المشهد، جلسة ملكية..
الراجل ما شاء الله مثلنا في الخارج خير تمثيل،
ومثل بنا في الداخل أيما تمثيل هههه
..
أما الصورة الأكثر جاذبية واحترافا، فهي الصورة الثانية فوق..
في تلك الصورة يبدو حميدتي وكأنه يسبح في الهواء
يتطلع نحو الافق، ويكاد يناطح الشمس
الصورة ممكن ان تكون لوحة فنية عالية الجودة شديدة الاحترافية،
لا تقل روعة عن صورة عريس يشهق ملء حبه وحبوره وهو يتأمل عروسه الفاتنة..
| |
|
|
|
|
|
|
|
|
|
Re: حميدتي المدينة غير (Re: جمال ود القوز)
|
ونحن بدورنا نرد الهدية بأفضل منها ونهديك اغنية (انكسر المرق واتشتت الرصاص)..
..
ويا سمعة كويس انك ماقريتها زي التانين (سياسي) ..
الا انا قصدي السيسي الكبير.. والرئيس الخطير
جابها عسكرية، وقلب مدني اترشح وفاز،
وتاني رجعها عسكرية..
انها عسكرية المدن الحديثة التي تتوافق مع توجهات الغرب يا صديقي..
| |
|
|
|
|
|
|
|
|
|
Re: حميدتي المدينة غير (Re: عمر التاج)
|
حبابك مولانا الملك
Quote:
فعلا انيق ورشيق بس حقو ناس سمعة ينبهو يزرر الجاكيت |
انت في أسد الخلا ده
ولا السبعة بتاعين المدينة المبارينو في البساط الأحمر في الصورة الفوق
واحد فيهم قافل الزراير وقوفا مافي..
بما فيهم عضو المجلس السيادي المدني
| |
|
|
|
|
|
|
|
|
|
Re: حميدتي المدينة غير (Re: خضر الطيب)
|
Quote:
عريان العروض ما بسترنو هدومو
و الكتل العيال لابد يجي في يومو |
لينا ستين سنة بنسمع (دخلوها وصقيرا حام)..
لليلة لا زول دخل لا صقيراً حام،،،
اقعدوا في الفصاحة و خلونا للبيان بالعمل،،
| |
|
|
|
|
|
|
|
|
|
Re: حميدتي المدينة غير (Re: اسماعيل عبد الله محمد)
|
بالمناسبة اخ اسماعيل
بالمناسبة اولاد (الخرب)
اعني الغرب
آخر اناقة بالبدلة
they are so smart
وكذا الدينكا
بس انحنا ناس مربع حمدي كروش وبروش
ولكن ما زال فينا الانيق
وانا لو حميدتي تاني ما بلبس بدلة عسكرية
| |
|
|
|
|
|
|
|
|
 Re: حميدتي المدينة غير (Re: Ali Alkanzi)
|
مافي اي غيظ يا سمعة
نحن بنشجع اللعبة الحلوة وبس
واوهو السودان كلو عايش على الحاء
حمدوك وحميدتي وحا نعمل
و الخلاصة طلعنا من قميص حمدوك ووقعنا في بدلة حميدتي
| |
|
|
|
|
|
|
|
|
|
Re: حميدتي المدينة غير (Re: عمر التاج)
|
التاج حبيبنا .. تحياتي ..
صدقني حضور .. منافس خطير لإبننا الأصم
أين قروب ناس (( منبر شات ))
أكيد حميدتي عندو مستشارين على مستوى
ملاحظة حبيبنا الكنزي صاح .. إخواننا الجنوبيين قمة في الاناقة
طول والاستايل .. وحميدتي كمان ما شاء الله ..
إذا استمر في هذا ( اللوك ) سوف يجذب المزيد من الجمهور
حبيبنا التاج صدقني بوستاتك جميلة جداً
حبيبنا التاج رغم سنوات العمر البدلة معاي 100% بسبب النحافة
لكن الجلابية السودانية مشكلة لأنها تحتاج إلى ناس عريض المنكبين
| |
|
|
|
|
|
|
|
|
|
Re: حميدتي المدينة غير (Re: Ali Alkanzi)
|
اخي علي الكنزي كيف حالك
Quote: بس انحنا ناس مربع حمدي كروش وبروش
ولكن ما زال فينا الانيق |
يا ريت كل ناس مربع حمدي يكونوا حقانيين زيك
..
شكراً على قول الحق.
| |
|
|
|
|
|
|
|
|
|
Re: حميدتي المدينة غير (Re: جلالدونا)
|
زمااااان في أغنية لواحدة إسمها عوضية عز الدين
مغص يا مغص يا العزابة تاكلو فول وعدس يا العزابة
اليوم منطوق الاغنية يقول
مغص يا مغص يا الجلابة........
| |
|
|
|
|
|
|
|
|
|
Re: حميدتي المدينة غير (Re: اسماعيل عبد الله محمد)
|
أوافق الكنزي وشيخنا علي انه الشاسي بتاع الغرابة والدينكا متزبط مع الفل سوت
وحتى حميدتي ما بانت وجاهته وازدانت بطنه المستوية الا بالنيولوك بتاع اسمرا
زمان كان الكاكي ظالمو، ويبدو عليه كأنه مجند نفر..
الجلابة برضو فيهم الاستايل البخش في اي حاجة وتتظبط أموره..
واضرب مثال بنميري، والزبير محمد صالح.. رحمهما الله.
كنا بنشوفهم قيافة سواء بالكاكي أو البدلة أو الزي القومي..
| |
|
|
|
|
|
|
|
|
|
Re: حميدتي المدينة غير (Re: عمر التاج)
|
| Quote: الشائع لما تكون فاتح الزراير معناه انت من السكيورتي المرافق .. |
معلومة مهمة مولاي الملك، نحن الجلابة ديل اتربينا على الجلابية والعراقي، اسه البدله أصبحت لزوم شغل وبس، تقفل قاعد وتفتح واقف ومرات بدون كرافتة ولا شرابات، لكن ان شاء الله لو اشتغلنا وزراء بعد العمر ده نكلم السكيورتي يقفلوا.. ههههه
أو كمان ننضم لحزب حبيبنا علي وننسي الجلابيب والعمم ونبقى ناس قمصان كاروهات وجاكت أو لبسة اشتراكية، تحية ليك حبيبنا علي والف شكر..
ا
Quote:
حبيبنا التاج صدقني بوستاتك جميلة جداً
حبيبنا التاج رغم سنوات العمر البدلة معاي 100% بسبب النحافة
لكن الجلابية السودانية مشكلة لأنها تحتاج إلى ناس عريض المنكبين |
| |
|
|
|
|
|
|
|
|
|
Re: حميدتي المدينة غير (Re: walid taha)
|
من الناحية السايكلوجية و البرتوكولية فإن وضعية الجلوس و البعد بين الرجلين ينم عن الثقة
رأي في الاخ حميدتي لم يتغير بعد
لكن اعجبتني وضعية جلوسه التي تنم عن الاعتزاز .
بعكس كبكبة المسؤولين السودانيين امام اقرانهم الاجانب منذ 1956
| |
|
|
|
|
|
|
|
|
|
Re: حميدتي المدينة غير (Re: اسماعيل عبد الله محمد)
|
ههههه
اها
لما بناء لكم مسجد و منامتين لحفظة القران انتو ضيفتوه و اكرمتوه بي شنو؟؟
أكيد بلبن الطير من جبال كوريا الشمالية
ياخي لا داعي لذكر اكرامكم للفريق أول حميدتي
لأنه و من ناحية القيمة المادية لا يساوي واحد علي 50مليون من تكلفة المسجد و ملحقاته.
من الانسب الاكتفاء بذكر ما قام به تجاه منطقتكم- وهو للناس و السودان كافة.
| |
|
|
|
|
|
|
|
|
|
Re: حميدتي المدينة غير (Re: دينق عبد الله)
|
ماشاء الله صلاح الزبير،
صورة في السلك أو اوسكار علي قول امتثال
طلعتوا انت وحميدتي جلابة ولبسوا الجلابية البيضاء مكوية
والحميدتي ماصدق، الجلابية نفعت معاه ياربي يكون اتزوجها ولا لا؟
على كل حال الجلابية خايفة فوقه، والبدلة خالت فوقو، بعكس الكاكي
وحميدتي المدينة فعلا طلع غير حميدتي الخلا الكنا بنعرفه.
اخونا دينق سلامات..
سمعة كان لازم يحتفل معانا في مولد زي ده
والقائد السيادي ما شاء الله مما حشش بقى حديث المدينة
الا تعال نسألك عن رأيك في الممارسة بتاعة أعزمني وأمنحك
أو بمعنى تأتي زورني وبتبرع ليك
القاعدين يمارسوها المسؤولين والمواطنين معا
هل هي ممارسة سليمة وبتمارس في أرقى المحتمعات
ولا عادة دخيلة واستغلال غير حكيم لموارد الدولة..
السؤال أيضا موجه للأخ صلاح، بعيدا عن (إكرامية) حميدتي
| |
|
|
|
|
|
|
|
|
|
Re: حميدتي المدينة غير (Re: دينق عبد الله)
|
عاين جوز اللوز ديل ...
بيكون لعبتوا بلي اللتنين .. صاح؟
جوز ما يخسر .... هههه
| Quote: ياها دي الكتف الاكلتوها. |
Quote: لما بناء لكم مسجد و منامتين لحفظة القران انتو ضيفتوه و اكرمتوه بي شنو؟؟
اكيد بلبن الطير من جبال كوريا الشمالية |
حميدتي ركب عربيتو و معاهو ٤ عربات يعني ٥ عربات
لاندكروزر (أوباما) من جبرة في الخرطوم جنوب
لي مسيد الشيخ باسبار بمدينة البسابير مرتين
٣٠٠ كيلو ماشي وجاي ... مرة للتبرع للمسيد
وللبسابير زاتا التي اقام فيها مبني المحكمة
وبيت القاضي والمرة التانية لافتتاح هذه
المنشآت .... مش لأنو عندو عقيدة في جدي
زي وزي باقي أهلي ومش لأنو من المنطقة كما
تعلمون ومش لأنو عبيط ممكن أي جلابي ياكل
كتفو وراسو عشان يقطع المشوار دا ماشي
وجاي ليقوم بما قام به ... ولكن مؤكد
لأمر أنتم لا تعرفونه ولن تعرفونه مني ... ومؤكد
هذا الأمر يفوق بأضعاف ما قدمه للمنطقة ....
(صدور الرجال بنوك) ....
اهمدو وروقو فلسنا ممن يأكل الكتف قبل أن
نعطي اكتافنا لتؤكل ...
| |
|
|
|
|
|
|
|
|
|
Re: حميدتي المدينة غير (Re: اسماعيل عبد الله محمد)
|
يا عمر البنطلون slim fit ...
وللعنقالا المثقفين بقولو ليهو skinny
| Quote: دي علي هامان يا فرعون |
هامان منو إتا فرعون زاتو ... هههه
هامان دي لافقه مع دينق ...
زي التقول لاعب مصارعة بتاعت القفص ...
مافي استسلام حتي الموت ...
| |
|
|
|
|
|
|
|
|
|
Re: حميدتي المدينة غير (Re: اسماعيل عبد الله محمد)
|
اخي صلاح الزبير
لك التحية
انا و اسماعيل لدينا مواقف كثيرة متباينة حول الاخ الفريق أول حميدتي.
لذا لم نكون اي ثنائية ضدك
فقد استوقفتني فقرة ضيفناهو و اكرمناهو
بناء لينا مسجد و منامتين
ما قام به الرجل تجاه اهله هناك شيء عظيم .يستحسن الثناء عليه دون ذكر اكرامكم المزعوم له.
لا ادري لماذا تفترض بانك تفهم ما لن و لا نفهمه انا و الاخ الباشمهندس اسماعيل؟؟
عموما يفرحني جدا وضع اي طوبة في أي جزء من السودان
---------------------
هسة في ذمتك كنية هامان لافقة معاي
| |
|
|
|
|
|
|
|
|
|
Re: حميدتي المدينة غير (Re: دينق عبد الله)
|
.
حميدتي جندوا كانوا بدقوا في المعتصمين يوم فض الاعتصام وبيسألوا فيهم ..
مدنية ولا عسكرية ؟
.
.
.
الزول دا يا سمعة انا سبق وقلت ليك متى ما جرى أكل الايس كريم في عروقوا حا يبعيكم في أقرب ملف ..
فعلا صدقت توقعاتي واهو بقى (مدنيااااو) ......
.
..
.
مرة لاقوني شباب صغار وقعدوا يسألوا فيني ..
(مدنية) ولا عسكرية؟
مدنية ولا عسكرية؟
قلت ليهم : مكية ... ...
| |
|
|
|
|
|
|
|
|
|
Re: حميدتي المدينة غير (Re: صديق مهدى على)
|
Quote: غايتو حميدتى التكة كان اتمصلت بعرف يرجعها لكن المصيبة الفى الرقبة دى كان اتملصت البرجعها
ليهو منو هههها غايتو جنس محن |
ههههه
يا صدقي في واحدة فيها لستك زي الفيونكة
| |
|
|
|
|
|
|
|
|
|
Re: حميدتي المدينة غير (Re: MOHAMMED ELSHEIKH)
|
قسم الفضيل يا مراااحب
Quote: حميدتي جندوا كانوا بدقوا في المعتصمين يوم فض الاعتصام وبيسألوا فيهم ..
مدنية ولا عسكرية ؟
.
.
.
الزول دا يا سمعة انا سبق وقلت ليك متى ما جرى أكل الايس كريم في عروقوا حا يبعيكم في أقرب ملف ..
فعلا صدقت توقعاتي واهو بقى (مدنيااااو) |
يعني بقت علينا قصة الشيخ بتاع الكوتشينة القالهم
هنا ببكيكم وهناك ببكيكم هههه
اسه حميدتي في العسكرية ببكي وفي المدنية ببكي
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عمر التاج
Mohd Ibrahim
اسماعيل عبد الله محمد
جمال ود القوز
محمد على طه الملك
خضر الطيب
Abureesh
Ali Alkanzi
علي عبدالوهاب عثمان
جلالدونا
walid taha
MOHAMMED ELSHEIKH
دينق عبد الله
Salah Zubeir
قسم الفضيل مضوي محمد
صديق مهدى على
فيس بوك
تويتر
انستقرام
يوتيوب
بنتيريست