|
|
 Re: هشام عباس فى لايف جديد اشكالية الوعي الثو� (Re: علاء سيداحمد)
|
احمد حمودي..حبابك يا صديق
كتر خيرك على اشراكنا في هذا اللايف لأخونا هشام عباس..
هشام عباس حبابك يا صديقي..
فعلا سؤال منطقي عن هل كونها ثورة سودانية ام ثورة خرطومية ، والكلام ده قلناهو من ديسمبر 2018 ، وعينك ما تشوف الإ النور..!
الشعب السوداني عاطفي ومزاجي يا هشام ، والمظهر بيأثر كتير..فياريت يا قريبي تاني لمن تجي تعمل لايف امسح وشك قبل التسجيل..يعني حكاية مسح الدقينة والضحكة الناقصة الباهتة بتذكرنا بمناظر مش لذيذة (يعني منظر حسن الترابي وسخريته التي سام بها الشعب السوداني لسنين وسنين.!!!)..
كلامك سمح يا هشام..
ما يخص الآتي:
اولا: فض الإعتصام ليست مسئولية الدعم السريع لوحده او العسكر او جهاز الأمن ، قوى الحرية والتغيير بصمت على فض الإعتصام وادت الضوء الأخضر للعسكر والدعم السريع لفض الإعتصام..فالحديث عن شيطنة طرف دون الآخر هو حديث لدعم خرطومية الثورة التي تحاول التهرب منها..
ثانيا: مافي مشكلة يا قريبي..الدعم السريع جاب بصات وعربات عشان يحل مشكلة المواصلات للجماهير ، مافي مشكلة عندنا خيارين :
واحد: يا اما تجمع المهنيين وقوى الحرية والتغيير تجيب بصات وعربات عشان تحل مشكلة المواصلات للمواطنين وتحرضهم على مقاطعة حاجات الدعم السريع ، ويا اما تشتغل حملات تعبئة وتوعية وتطالب الجمهور بمقاطعات بصات الدعم السريع وتطلب من حناكيش الخرطوم يمشوا كداري لتثبيت موقف احتجاجي (وشعوب كتيرة عملتها من قبل اشمعنا شعب جمهورية العاصمة المثلثة؟؟!!)..نفس الكلام ينطبق على حكاية العلاج الذي وفره الدعم السريع للمواطنين..يا اما نجيب علاج ويا اما نعمل حملات لمقاطعة أي خدمات علاج مقدمة من قبل الدعم السريع..!
اتنين: ما قادرين نعمل حاجات زي دي ، يجب ان نتذكر ان الدعم السريع شريك في السلطة الإنتقالية ، وبالتالي نفض الشراكة دي ونشوف لينا صرفة تانية..!!
ثالثا: ليس دفاعا عن الدعم السريع ، لكن يا اخوي الناس ديل الإتحاد الأوربي محتاج ليهم ، وامريكا عارفة دورهم شنو في حرب اليمن (ترضية لحناكيشها في الخليج ، عشان النقاطة تستمر لأمريكا وده لعب كبير يا صديقي..وشعرا ما عندنا ليهو رقبة..!!)..وفي السودان قحت قبلت بيهم كشريك في الفترة الإنتقالية..فشنو لماذا الشيطنة الجزئية دي؟..شرحوا الناس دايرة تشيطن خليها تشيطن كل مكونات الفترة الإنتقالية ، وتشكها تاني وتعيد تشكيلها من اول..ونشوف الجديد..ومافي حاجة بتمنع تب..!
رابعا: بالمناسبة يا هشام ، شئنا ام ابينا ، الدعم السريع ، تحديدا حميدتي ، عندو شعبية كبيرة في السودان ، والشعبية دي عندها الوعي تفرز بين الدعم السريع والحركة الإسلامية ، وعارفين ما في علاقة بعد الثورة بالحركة الإسلامية..والآن الصراع في مواجهة:الحركة الإسلامية ، وبقايا الإسلاموعروبية في السودان..فالدعم السريع الآن لو قرر الخروج من الخرطوم..فلن تكون هناك دولة سودانية يا قريبي..!!
خامسا: النقة الفي السهلة والكلام المجاني ما بيودي لي قدام..الناس عندها رأي في الدعم السريع تفض الشراكة بتاعة الفترة الإنتقالية وتقول للدعم السريع ما بتلزمنا وادينا عرض اكتافك..ومافي مشكلة تب..ونشوف الخيارات التانية شنو..!
والسؤال المهم يا هشام: لماذا لا تعمل قوى الحرية والتغيير على تبييض وجهها وتقدم خدمات للجماهير تتجاوز خدمات الدعم السريع؟
هل ظنت قوى الحرية والتغيير ان مسالة حيازة الثورة بوضع اليد كافية؟..
العيب في قوى الحرية والتغيير يا صديقي ، القوى الكسلانة التي صحت الصباح ولقت نصيبها ، ولا تريد حتى الدفاع عن هذا النصيب بالجهد المستحق..!
الشغل بتاع فقه (البصيرة ام حمد) لا يجدي في هذه المرحلة ، فالأجدى العقلانية والتعامل بواقعية مع المعطيات الموجودة..!
كبر
|
|
  
|
|
|
|
|
| العنوان |
الكاتب |
Date |
| هشام عباس فى لايف جديد اشكالية الوعي الثورى واشكالية الهامش والمركز واشكالية الدعم السريع | علاء سيداحمد | 11-25-19, 03:33 PM |
| Re: هشام عباس فى لايف جديد اشكالية الوعي الثو� | علاء سيداحمد | 11-25-19, 03:38 PM |
| Re: هشام عباس فى لايف جديد اشكالية الوعي الثو� | علاء سيداحمد | 11-25-19, 03:52 PM |
| Re: هشام عباس فى لايف جديد اشكالية الوعي الثو� | امتثال عبدالله | 11-25-19, 04:25 PM |
| Re: هشام عباس فى لايف جديد اشكالية الوعي الثو� | علاء سيداحمد | 11-26-19, 10:47 AM |
| Re: هشام عباس فى لايف جديد اشكالية الوعي الثو� | علاء سيداحمد | 11-26-19, 06:56 PM |
| Re: هشام عباس فى لايف جديد اشكالية الوعي الثو� | جمال ود القوز | 11-26-19, 07:34 PM |
| Re: هشام عباس فى لايف جديد اشكالية الوعي الثو� | Biraima M Adam | 11-26-19, 09:23 PM |
| Re: هشام عباس فى لايف جديد اشكالية الوعي الثو� | علاء سيداحمد | 11-26-19, 10:45 PM |
| Re: هشام عباس فى لايف جديد اشكالية الوعي الثو� | علاء سيداحمد | 11-26-19, 10:50 PM |
| Re: هشام عباس فى لايف جديد اشكالية الوعي الثو� | Kabar | 11-27-19, 03:21 AM |
| Re: هشام عباس فى لايف جديد اشكالية الوعي الثو� | امتثال عبدالله | 11-27-19, 03:51 PM |
| Re: هشام عباس فى لايف جديد اشكالية الوعي الثو� | علاء سيداحمد | 11-27-19, 05:53 PM |
| Re: هشام عباس فى لايف جديد اشكالية الوعي الثو� | علاء سيداحمد | 11-27-19, 05:56 PM |
|
تعليقات قراء سودانيزاونلاين دوت كم على هذا الموضوع:
at FaceBook
| |
Kabar
فيس بوك
تويتر
انستقرام
يوتيوب
بنتيريست