|
|
|
 Re: رئيس الوزراء حمدوك .. من أي ولاية ومحلية .. � (Re: Biraima M Adam)
|
والله يا بريمة يا خوي بستغرب في زول عايش في الغرب حيث المساواة وتلقى تعليم في مؤسسات عالمية وعايش أفضل حالات التحضر الإنساني ورغم كدة لسة بقيس الناس بي جهاتم وألوانهم!!
لما الناس أجمعت على حمدوك بسبب سيرته الاقتصادية
ما كان عندو أولاد أهل ولا قبيلة بسوقوا ليه عشان يبقى الرئيس منهم
| |
 
|
|
|
|
|
|
|
 Re: رئيس الوزراء حمدوك .. من أي ولاية ومحلية .. � (Re: Biraima M Adam)
|
كانسان فى القرن الواحد وعشرين يهمنى (فقط) اعرف جهه انتما سودانى زى لما يعبر عن جهتو بواسطه ثقافتو وفنو.
انا ابن معلم ايام انتقال المعلم من اقصى السودان الى اقصاه وبعض حياتى فى المدينه اعرف جارى فى الحى او زميل الدراسه دون انتباه او اهتمام لتمييزه عن الاخرين بمعرفه اصولو القبليه او الجهويه
لمن اين حمدوك ؟
قراتها عرضا فى بدايات تقلده لرئاسه الحكومه وانسانينها الله كما انسى دائما مايتعلق بهذا الامر ويكفى انو نعلم انو سودانى وتمييزكل سودانى عن الاخر بانجازه وعلمه
تحياتى
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Khalid Abbas)
|
Khalid Abbas
شنو أعرض عن هذا؟
دي مؤهلات .. أنا جايبها من بيتنا .. حزت عليها بجدارة .. أنظر الأتي:
Quote: حسي عليك الله أنا سوقت ليه؟ .. يا أخ رئيس الوزراء كان راعي غنم فاشل ساكت .. أنا سرحت أحسن منه، أنا سرحت بالغنم وترقيت وسرحت البقر .. سنين عددا ..
وهو هرب من السرحة وجري للمدرسة ..
وأنا بسرح وبمشي المدرسة ..
لكن هو شاطر بقي شيوعي !
بريمة |
الثروة الحيوانية ثاني أكبر دخل في ميزانية السودان قبل البترول وبعد أنفصال الجنوب .. ما ياهو أنا رجل أقتصاد .. مربي بقر تقول لي أليس هي مؤهلات؟ أتعجب من هؤلاء.
بريمة
| |
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Biraima M Adam)
|
Quote: قراتها عرضا فى بدايات تقلده لرئاسه الحكومه وانسانينها الله كما انسى دائما مايتعلق بهذا الامر ويكفى انو نعلم انو سودانى وتمييزكل سودانى عن الاخر بانجازه وعلمه
تحياتى |
أتأكد المعلومة التى أعطوها لك غلط .. سبب البوست كل ما ورد عن منشأ سيادة رئيس الوزراء كان خطأ .. عشان كده أنا وضعت جائزة لهذا السبب.
بريمة
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Asim Ali)
|
| Quote: غلط ولا صاح هل سيؤثر لك على انتمائه للسودان ؟ او يميزه كمواطن عن باقى المواطنين ؟ |
معقولة .. هل صار الإنتماء مسبة؟ .. لقد سمعت أناس كثر يرمون بانتماءاتهم .. تهرباً من دفع أستحقاقات الأنتماء .. كالمدارس التي تبني بالعون الذاتي والخدمات العامة ..
لن يكن عندي الأنتماء مسبة .. أفخر بجذوري كما أفخر بسودانيتي ..
يا أخوانا أنا فينى دماء نوبية ..
بريمة
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Biraima M Adam)
|
أنا في المنبر دة شفت حملات تبرع كتيرة جداً
ولا واحدة فيهن ما كانت حصرية على سكان منطقة معينة
بعدين الشئ البعرفو العون الذاتي دة بتعمل جوة الحلة وبتصلو بالمغتربين بالإسم .. يعني مافي طريقة نكران .. البدفع بدفع والما عندو أو ما داير مافي زول بجبره
فالحنك بتاع زول ينكر حلته عشان ما يدفع قروش مدرسة دة ما بأكل عيش والله
ما تقول افتخر بجذوري كما افتخر بسودانيتي لأنه انت عندك العالم مقسوم على اتنين اولاد بحر واولاد غرب
بعدين الافتخار دة منطقه شنو؟ يعني فينا واحد اختار قبيلته ولا مسقط رأسه؟ بتفهم زول يفتخر بحاجة جابها بمجهوده الشخصي لكن يفتخر بحاجة جاته كدة من الله ما عندو يد فيها !!
دة غير انه الافتخار في معرض مواقفك دة بتحسب احساس بالتميز عن باقي المكونات السودانية ودي ياها العنصرية الأمها بت عم ابوها
أتمنى من خلال البوست دة تكون فهمت إنك الوحيد المهتم بالجهوية والسودانيين كلهم ما فيهم زول مشغول بأهل الوزير فلاني وحلة عضو المجلس السيادي الفلاني .. الناس ارتقت بفهمها بعيداً عن المناطقية بتاعتك دي يا بريمة وانت لسة شايل رايتها وحايم بيها
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Shinteer)
|
هنا خيارات الكتب:
الخيار الأول واحد مؤلفاتي الشخصية
1. Baggara of Sudan: Culture and Environment
2. Baggara of Sudan: Marriage Culture and Traditions
3. Baggara of Sudan:Amazing Tea Culture and Traditions
4. Baggara of Sudan: Humor and Folktales
الخيار الثاني:
1. Fundamentals of Marketing
by Sommers, Barnes and Stanton
2. Social Psychology by Baron and Byrne
3. Contemporary Business and E-Commerce Law by Cheeseman
الخيار الثالث
كتب البرمجة ..
Java
JavaScript
Spring Framework
Struts 2 Framework
Hibrnate Framework
and
Others
في كلمة Others ممكن تعلمني بتخصصك وأنا أبحث في مكتبتي,
اعملوا بحث عن هذه الكتب في الأنترنت ..
أها أنا جادي ولا بهظر ..!
بريمة
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Biraima M Adam)
|
شروط المسابقة
أي زول أنتقد هذا البوست .. راسب في كسب الجائزة ..
أول واحد فيهم أبو العزائم وأمثاله ..
ومن حق صاحب الجائزة أن يضيف شروط أخري .. مثلاً أن يقسم أن الأمر من الرأس وليس من الكراس.
شافين كلما تشدد بنو أسرائيل تشدد الله معهم .. من أذبحوا بقرة، إلي لونها صفراء تسر الناظرين ... قَالَ إِنَّهُ يَقُولُ إِنَّهَا بَقَرَةٌ لَّا ذَلُولٌ تُثِيرُ الْأَرْضَ وَلَا تَسْقِي الْحَرْثَ مُسَلَّمَةٌ لَّا شِيَةَ فِيهَا ۚ قَالُوا الْآنَ جِئْتَ بِالْحَقِّ ۚ فَذَبَحُوهَا وَمَا كَادُوا يَفْعَلُونَ.
كلما إزداد النقد تزداد الشروط ..
بريمة
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Hassan Makkawi)
|
انتو دحين لمان جو يقسمو مجلس السيادة مش الناس قالت لازم كل إقليم ينال حظو
ما شايف الناس تكالبت على ق ح ت كما تكالبت على باحثي المفضل بريمة
ما في حاجة لو عرفنا انو حمدوك من ولاية نهر النيل محلية الشريك
بعدين بذمتكم جميعا
الوحد لو في الغربة مثلا لاقاه سوداني وقعد يتونس معاه
ماهو الس}ال الاهم؟
اليس
- من وين في السودان ياخينا في السودان؟
- والله ياخي من حته جنب ام روابة اسمها الزهامير
- ايواااه. تعرف ياخي واحد قرا معانا من ام روابة اسمو خالد سيد احمد؟
- والله ياخ الاسم دا ماغريب علي
طيب ورونا شنو العنصرية في الونسة دي عشان نردم ليكم بريمة ردم السيح والريح
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Biraima M Adam)
|
براك جاوبت على روحك يا محمد الشيخ
(من وين ياخينا) غرضها إيجاد معارف مشتركة تفتح ونسات اجتماعية ومن ثم تجمع الناس كلهم في دائرة واحدة
لكن ما عشان أحدد مستواهو الاجتماعي أو الأكاديمي أو أي مؤهلات أخرى
لكن في سياق بريمة ما عندها معنى غير (حمدوك منا آل البيت) ودي بتفرق ما بتجمع
| Quote: ما في حاجة لو عرفنا انو حمدوك من ولاية نهر النيل محلية الشريك |
عشان كدة قلنا مافي حاجة للمعرفة دي من أساسه
| Quote: طيب ورونا شنو العنصرية في الونسة دي |
العنصرية في نتيجة بريمة الجاهزة المنتظرة زول يقول ليه السلام عليكم عشان يضعها كنتيجة | Quote: الناس ديل حرقتهم حكاية راعي غنم |
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: أحمد محمد عمر)
|
| Quote: الناس ديل حرقتهم حكاية راعي غنم |
سبحان الله .. يا أخي الرسول كان ودوه البادية يرعي الغنم .. وأبناء الصحابة ..
وبعدين شنو حكاية عنصرية دي .. هي بقت موضة ولا شنو؟ .. أول كتاب في لستة الكتب .. تجد فيه خلفية رعوية كاملة عني .. والبقية في كتاب الفكاهة ..
أمنت بالله رباً وبمحمد نبياً ورسولاً ..
بريمة
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: Biraima M Adam)
|
ما فيها حاجة لو واحد افتخر بان منطقتو وليست قبيلتو انجبت فلان.
ياخي نحن أناس غرب الدامر ديل بنفتخر ببروف عبد الله الطيب ايما افتخار
ولا علاقة هنا للعرق او القبيلة لانو الانساب تداخلت
بل ممكن الواحد كمان يديها كوز ويفتخر بقبيلتو عديل دون التنافس العرقي مع الآخرين وادعاء نوع من ال superioroty
| |
|
|
|
|
|
|
|
|
|
Re: رئيس الوزراء حمدوك .. من أي ولاية ومحلية .. � (Re: نادر الفضلى)
|
سلام يا حبيبنا بريمة وضيوفه الكرام، ما عارف ليه الناس حملت كلام بريمة اكتر ما يحتمل، ما عيب إننا نحدد جايين من أي منطقة في السودان للتعارف، لكن العيب هو عدم إعترفنا بتنوعنا، المهم هو ان نقبل ونتعايش مع بعضنا البعض بتنوعنا، التنوع ثروة.
نجي لسؤالك يا بريمة، شخصيا مازلت لا أعرف السودان بالتقسيم الإداري الجديد، مازلت أعرفه بالأقاليم الستة القديمة.
وأعتقد إنو حمدوك بقاري او بديري دهمشي
وهو من إقليم كردفان
غايتو نحن عيال الجلابة في الخرتوم كل القبائل العربية من بعد سوق ليبيا وإنت ماشي غرباً بنقول عليهم بقارة
ما عارف الفهم دا صحيح أما خاطئ، ياريت تصححو لينا
وبالمناسبة البديرية والمناصير مقسمومين بين الجلابة في الشمال والبقارة في غرب السودان.
| |
|
|
|
|
|
|
|
|
 Re: رئيس الوزراء حمدوك .. من أي ولاية ومحلية .. � (Re: محمد أبوالعزائم أبوالريش)
|
المعلومة الصحيحة ..
رئيس الوزراء السيد حمدوك من ولاية جنوب كردفان، محلية القوز .. (رئيس الوزراء حمدوك، القائد عبد العزيز الحلو، والسيادي د. صديق تاور .. جميعهم من نفس الولاية)
هنا المحليات في حنوب كردفان:
رقم المحلية حاضرة المحلية
1 الدلنج الدلنج
2 رشاد رشاد
3 أبو جبيهة أبو جبيهة
4 تلودي تلودي
5 كادقلي كادقلي
أضيفت إليها محليات:
السلام
القوز
كليك
هبيلا
دلامي
برام
هيبان
أم دورين
الريف الشرقي
العباسية
محلية القوز تقع في الأجزاء الشمالية لمحلية الدلنج سابقاً (الرقم 1 في الخرطة المرفقة)
بريمة
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Biraima M Adam
Asim Ali
محمد أبوالعزائم أبوالريش
Shinteer
عادل ابراهيم احمد
Hassan Makkawi
MOHAMMED ELSHEIKH
يوسف الطيب احمد إدريس
نادر الفضلى
النذير حجازي
صديق مهدى على
Osman Awoda
فيس بوك
تويتر
انستقرام
يوتيوب
بنتيريست