في زول فيكم شاف حاكم بلد يا خي قول نايب حاكم بدرجة ناظر مدرسة بسال عن كشف الحضور الغياب ومنو الشادر وتعالوا نعدهم الله لا يغذ فيك بركة يا بشه كان حي ولا ميت أنت السبب عملت من الشماسي دا زول وقائد عسكري كمان من زمان أنا بقول العسكرية في بر الاحباش دي فوضي ساي فتش في الدنيا كلها ما ح تلقي زيو وهاكم أخبارو مضحكة ولله ولا جا الضحك جنبها بالجد للعاقل مقرفه جدا عادي ممكن ما تلقي شبهو دا عوير ورباطي وكمان حرامي نسوان بس شاطر يتقتل المساكين وقالوا أنو عندو جبل دهب زي الاحاجي زمان بصرف منو بكرم علي جماعتو وقالوا أنو زي زمان كدا مع أني ما بعرفه أصلا وما قادر أتخيل بقي كيف كدا يا جماعة الاخوان ديل أخوان الشيطان فعلا وهو أكبر شيطان وخاصة بعد خان ودعمو و الإشاعات كتير عن بني أدم ونسمع كلامو نقول راجل وعاقل نشوف العمايل تقول حمار في شكل أنسان سموه حميدتي نقول بس يا ربي عدلك ! ما علينا البقت بقت بس عمنا صديق قامة يا سجمان لو شفتو بلد زي بلدنا بالله قالوا لي بالله ما أهلا تائهين ومظلميين عايزين الموت الليله قبل بكرة غايتو نحن الاعلاميين كضابيين كضب عجيب بنقول للناس الأحلام لا تموت وح تتحقق ! لكين الحاصل دا وخاصة بعد الثورة زولكم بعيرنا انو فعل وترك وكمان قدم لينا كذا يا أخي قوم لف كدا أنت زول حرامي ساي سيبكم منو بكرة ح يموت زي موت محمود ود أحمد ناشب الظلمة أنتو سمعتو كلام واحد قيادي كبير من قوي الاظلام والتحالف مع الباطل وبقول ح يكون في أنقلاب ربنا أرحم منكم علي المساكين والله في الكلام سحر يا شيخ تمومه!
تعرفوا أنا عايش بعيد منذ سنوات عن الوطن و الجميلة أمنا أم الناس كلهم ولكن فجاءة وبدون مقدمات أكتشفت أنها أصبحت من بنات بلدي اللي عاملين غاغه في الفيس بوك وأنضمت أخير لمنبرشات ونسوان حول حمدوك وأنا حرة وضد نصرة الشريعة وأنا ضد العادات البالية ونسوان حالتنا والاكيليل ودكان للملابس في الاسفير أختي أتصلت بي خايفه قالت أمك أتغييرت بعد الثورة وبقت تمشي أي ندوة لناس قحت كمان أي وقفة بتكون متابعها في الفيس لو ما مشت قمت دعت ليها حماية من العين والحسد والله قصة قلت امي عايزة تجكس كمان بعد العمر دا وقمت طلبت من أختي بكل أدب أسمها علي الصفحة أو ترسل لي الرابط حق الصفحة فعلا رسلت الرابط وكان الدهشة أسمها في الصفحة ناريمان العسل والصورة صورة ناسي عجاج أتصلت بأختي للتا كيد قالت لي شوف الاصدقاء وانت تعرف وكمان تلقي أغاني احمد المصطفي وصورة ابوك كبيرة في مقدمة الصفحة اللهم ارحمه أها بعدها حصل لي أهتزاز في كل معتقداتي الانسانية بأن الوطن قد تغيير بالفعل وحتي أمي كاتبه في صحفتا أنا مع حمدك حتي لو نمشي كداري سنيين ونبقي نباتيين ونشرب من موية المطرة ونتعالج بالبنسليين الاخيرة دي ما فهمتها وسوف أعود لصفحة أمي بالفاصيل قريبا ولكين من هنا أنادي برفع الحصانة من حميدتي بعد ما قال السيادي ما شرف برضو الفكرة دي من صفحة الاخت ناريمان العسل اللهم احفظ ناريمان العسل ذات الاربعين خريفا أما نحنا فأمرنا راجع لوجودنا خارج الاوطان و للواحد الديان .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست