Quote: لا فرقت! وفرقت كتير كمان, صورة جماعية غير رسمية فيها التكشم و الانبساط تفرق عن صورة رسمية
ديل صورتين واتصورن في فعالية واااحدة .. انت اسبغت على واحدة صفة رسمية والتانية فرايحية ساي .. أو غير رسمية كدليل على انبساط التعايشي .. وموافقته على الحضور كيفن الكلام ده !.. يعني هل كان التعايشي مجبور على حضور الفعالية دي مثلا ؟ ... الزول ده جاي بي اقتناعه وبموافقته وأكيد جاي مبسوط اصلا .. ثم يمكن اعتذر لبعض شأنه أو حتى ماحضر التصوير الفرايحي ده ..
Quote: لا موو هيك! بتجيب كلام انه اثنى على مجهودات حميدتي و ودعم "مبادرة" كلنا حميدتي من وين!
انا قلت ( ضمنا ) لانه الحضور ده مضاميته كثيره .. منها الدعم والتأييد والثناء فأشكالهم كثيرة .. ممكن بايماءه بي راسي ساي ومن بعيد اوريك .. اني داعم ومؤيد لي موقفك وهذا الأمر أكيد لايخفى عليك .. مجرد حضور التعايشي وقعاده معهم .. ويتصور معاهم كان صورة رسمية أو غير رسمية .. ده باعتباره دعم لتلميع كلنا حميدتي وبالتالي لحميدتي هم سلف .. إنت قايل الهلمه دي عشان شنو مثلا !! مش عشان حميدتي أم هي تخص شأن عام يخص المواطن يتحتم حضور التعايشي فيها .. اصلا انا حتتي الأنا واقف فيها الجاااابوا شنو التعايشي ده .. مفروض ما يحضر نهاااااااائي .. مافي شيتين عاصرو على الحضور الكارثي ده ..
Quote: ود القوز بامانة كدا حضرت الفيديو ؟
لا ... بطني طامة من حضور التعايشي اصلا لا الفيديو والاتقال فيهو ولا الصور بتعني لي الكثير .. دورها وقف عندي فقط كاثبات حالة .. لحضور مفوض الثوار وأسر الشهداء والممثل ليهم لفعاليه زي دي ..
Quote: ولاّ كالعادة اكتفيت بآذان الآخرين!
كالعادة كيف ياقريبنا ما تتصلح معانا يأخ ..
11-15-2019, 05:58 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: يا بريمة عن زولك اليونانى التقول عيله خبرتو (بس غسال عربات) .. دى بالغتا فيها أمشى راجع سيتو الذاتية وشوف مؤهلاتوا الأكاديمية وخبراتو التراكمية كإقتصادى قبل أن يصبح رئيس. وحتى لو مصدق معلومتك حقو تجيب مثال يمكن تقيس عليه متطلبات تعينات الثورة السودانية
نعم بابندريوس مؤهل أكاديمياً وسياسياً .. ليس محل مزايدة يا نادر .. لكن غسّال عربات حتى يعيش لقضيته .. وهذا ما فعله التعايشي
الأمور السياسية والتحالفات يتم إدارتها عادة في الخفاء .. ومايظهر ليس هو الحقيقة الكاملة بل هو بعض الحقيقة .. التعايشي زول حزب أمة والصادق المهدي داعم لحميدتي .. فكونه يجي يحضر فعالية زي دي معناتها ده تكليف من حزب الأمة وسيدي الصادق وبكده الفولة دي اتفهمت خلاص ..
الناس تقوم تشوف حتتمقلب تاني في منو بعد التعايشي ده .. والله فعلا مناضلين اللايفات واركان النقاش ديل ماعندهم التكتح وهم عبارة عن عرائس ودمى يتم تحريكها بواسطة الدولة العميقة وكلووو ده عشان شي واحد بس افشال حكومة حمدوك والدعوة لانتخابات جاية قريب لانه الافشال الشغال ده بعده على طول حتظهر التحالفات الكانت في الخفاء ..... غايتو الله للثوار التم سرقة ثورتهم والمتاجرة بدمائهم الزكية ..
الله في ..........
11-15-2019, 06:21 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2816
Quote: يا جمال حسب علمي التعايشي استقال من حزب الامة زمااااان
كلامك صاح ياسمعة لكن ده مش معناته خلاص رمى طوبة حزب الأمة شوف هو مشى زار الصادق المهدي في بيته ليه وانت حتعرف العلاقة الجابتو للسيادي غض النظر عن البوابة الجاء بيها بالمناسبة الصادق المهدي يدو لاحقه وبيقدر يمارس ضغوط ماتستهين بيها ولو هو اصلا مش موافق على تعايشي ما كلن جاء اصلا هسه شوف الشغل التحت تحت ده والحيظهر ليك لي قدام عمكم حميدتي عنده قوة والصادق عنده قواعد جماهيرية أها المابيودي التعايشي للحلف القوي ده شنو ؟ .. ثم انت بس اقرا الكركبة الحصلت في حضوره لكلنا حميدتي واعرف دوافع الحضور ده حتقرأ باقي ماخفي من الصورة انت قايل هو يعني ماعارف إنه الثوار وأسر الشهداء .. حيرفضوا حضوره ده وحيكون ليهم موقف رافض !! .. عارف وفاهم لكن برضو جاء وحضر .. لانه ده شغل المخفي منو أكثر من الظاهر
ياسمعه نحن اتمقلبنا واتخمينا واللي كان كان كل صباح جديد نكتشف إنه تم سرقة الثورة عبر المواقف المتخاذلة والتحالفات .. وشغل النسنة والسمسرة التحت تحت بيع تقيل شغال لينا الله وعيشة السوق ...
11-15-2019, 06:29 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27556
نادر، هنا كلامي .. أين قلت كل خبرته في "غيسل العربات"؟ ..
Quote: هل سمعت برجل يسمي أندرياس بابندريوس؟ .. هذا الشخص كان رئيس وزراء اليونان .. ينتخبونه مراراً حتى شاخ وتوفاه الأجل .. حينما كان في المهجر هنا في أمريكا .. كل مدته التى قضايا غير العمل النضالي ضد الدكتاتورية ... التي ولدت وأفرخت في عقر داره في اليونان .. منشأ الديمقراطية .. كان يعمل في "غيسل العربات" .. وحينما عاد بعد أسقط الدكتاتور اليوناني .. حمله الشعب اليوناني علي الأعناق رقم أنه كان غسّال عربات .. معادن الرجال لا تقاس هكذا يا ول أبا نادر ..
كان يعمل في غيسل العربات تعادل كان يعمل في السكيورتي . ولا شنو؟ الأستهزاء واضح .. وهذا ما رفضته وأتيت ليك بحجة دامغة .. بابندريوس من أعظم رجال الديمقراطية في القرن الماضي وبرضو كان يغسّل العربات ..
ما نتغالط ساكت .. ممكن تعتذر وهذه لها قيمة أدبية كبيرة .. وبالذات أنت كبير في نظرنا غض النظر عن عمرك.
بريمة
11-15-2019, 06:32 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
استخدام الكيزان لفريق خلا لسرقه الثوره واعاده تدوير حكمهم للبلد باستخدام واجهه ذات بعد قبلى وقوه عسكريه موازيه للجيش القومى. اما مشاركه شخصيات فهذا نتيجه طبيغيه لتمجيد الافراد على حساب الاهداف والبرامج. التعايشى دا مش الناس قعدت تهاتى بيهو وانتازلت ليهو مديره جامعه الخرطوم (حاليا) عن ترشحيها لمجلس السياده ؟ خمو وصرو واحسن نسكت لحدى هنا واحسن الناس تشوف وتفتنع براها
Quote: استخدام الكيزان لفريق خلا لسرقه الثوره واعاده تدوير حكمهم للبلد باستخدام واجهه ذات بعد قبلى وقوه عسكريه موازيه للجيش القومى.
الكيزان سقطوا رسمياً بعد 12 ابريل 2019 تعليق فشلنا في شماعة الكيزان بعد هذا التاريخ يعتبر عجز و عدم حيلة مننا,, من اطلقت عليه وصف فريق خلا لم يأتي به الكيزان في مجلس السيادة بل انت من اتيت به و كان عندك فرصة مواتية بعدم القبول بذلك لكن ممثلك الشرعي (قحت) هو من أدخلك في .........يز الوزة.
الشماعة بعد زوال الكيزان رسمياً يجب أن تكون (قحت). حملوها السمؤولية تنجوا
11-15-2019, 11:59 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
يا اسماعيل انا مامقتنع بفريق الخلا ومليشياتو من البدايه .وخدعه الانحياز للثوره ماوقعت لى ابدا وارجع لى بوست (زحزحه موقع الاعتصام ) من قبل 11 ابريل وتلميح الى الخدعه ودور قوات فريق الخلا لما كانت قواتو منتشره فى الواجهه العربيه للقياده . هل صدو عدوان الفجر عن المعتصمين ؟ ولا وقفو يتفرجو منتظرين ساعه الصفر لمخطط قوش يوم 11 ابريل. فيق الخلا الخلا حستنفذ اغراضو بع اعاده تدوير النظام يولحق قريبو ويمكن حال اسوأ . اما الصمت فهو لانو بعض الناس شايفين ناس قحت والحكومه المدنيه معصومين ولايجب ان يمسو بالنقد وجزء اخر من الناس ارتضى الركون لنداء الجهويه والقبليه قوه السلاح الغاشمه.والسكات برضو لانو لو دايرين نقول نوجه اصابع اتهام حتكون بالاسماء والدلائل والاحداثوالقيامه تقوم والناس تقول ناس فتنه .اخير نسكت لغايه ما الناس تفوق من غفلتها واحتمال تتلدغ من جحر الكيزان والمليشيات وقائدها
11-15-2019, 06:44 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27556
Quote: واحسن نسكت لحدى هنا واحسن الناس تشوف وتفتنع براها
نو نو .. الناس تمارس العمل الديمقراطي في جميع أشكاله .. لكن يجب أن نتحاشي مسألة تخوين الناس .. ومحاسبة الدوافع ..
كلنا يعرف تلاتين سنة أعترك فيها أبناء السوداني مثل الرجال البلهاء .. تخلي الناس تخاف من أي شيئ .. لكن توطين الديمقراطية بطريقة صحيحة معركة أخري شرسه .. لازم الناس تمر بها وتستوعبها.
بريمة
11-15-2019, 06:51 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2816
Quote: كان يعمل في غيسل العربات تعادل كان يعمل في السكيورتي
يا يريمة الله يهديك أقرأ كلامى كويس سكيورتى، غسال عربات، غسال صحون، ديلفرى بتزا، سواق ليموزين كلها شغلانات شريفة وما فيها عيب. فى دبلوماسيين ووزراء وضباط كبار ظروف الحياة إضطرتهم بشتغلوها .. لكن نوعية هذه الشغلانات ما هى البتعطيهم المؤهلات والكفاءة لتولى مناصب رفيعة فى أى شركة أو دولة
أنا قللت ليك التعايشى إشتغل شنو غير سكيورتى عشان يكون مؤهل لمنصب بمجلس السيادة .. الرئيس اليونانى كان عنده خبرات أهلته للرئاسة، أكيد غسال عربات ما منها عشان كدة طلبت منك تراجع سيرتو
التعايشى جابوه من الخارج لشنو لو خبرات خارجية ياها الحراسة دى قبلها بالسودان ما بعرف ليهو أى خبرة عمل.. لو فى ورينا ينوبك ثواب
** يا إسماعين .. إنتقاداتى لإفتقار غير التعايشى لخبرات عملية تؤهله لشغل منصب إنتقالى، قلتو بالمنبر دا .. بسإنت ربما لم تطلع عليها أو لم تحرك فيك ساكناً لأنه المعنيين ليسوا من ربوعكم!
11-16-2019, 03:42 AM
adil amin
adil amin
تاريخ التسجيل: 08-01-2002
مجموع المشاركات: 37012
انحط البوست كالمعتاد ووبقى ونسة ناس في بلاد يضجر من نفسه فهيا الضجر احسن موسي هلال ولي حميدتي يا غرابة ؟؟؟ طال ما القصة عندكم فلان وعلان وعي ناصريين وبعثيين وشيوعيين وكيزان واحد الثورة رؤية ومسار vision and processes يا ناس الليدي غاغا لا الكتابة لا الصور ولا الكلام ما وعتكم البلد دي فيها صراع بين محور الامارات و محورقطر قرود السيرك الامريكي وحميدتي ده اداة الامارات في السودان ولازال الرخيص يبيع لها الجنود في اليمن وليبيا ونهب الدهب ويوديه ليهم لي ما خت الدهب في البنك المركزي السوداني ؟؟
وموسي هلال لا يفعل ذلك ولا اي سوداني اصلي اذا زح من جميدتي من الامارات ورجع الجنود من ليبيا واليمن ورجع الدولارات عائدات الذهب 16 مليار من الامارات الي السودان وجاب الامارات ملعونة والديهت بنت 10000 قرية لي 2000000 نزاح في دارفور واطلق سراح موسي هلال ...ممكن يكون فعلا حاكم محترم ذى لولا داسلفا في البرازيل كان ماسح احذية وبائع صحف وبنا البرازيل جعلها الاقتصاد الثامن دون الاستعانة بي البنك الدولي او الامارات ملعونة والديها القصة ما كنت منو القصة بقيت شنو ؟؟؟
أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ إِنْ هُمْ إِلَّاكَالْأَنْعَامِ ۖ بَلْ هُمْ أَضَلُّ سَبِيلًا (44) لمن نقول ليكم انتو قرود يا ناس ق ح ت مايو 1969 وايتام الترابي قردة خاسئين تزعلو ليه؟؟ الدولة مؤسسات وليس فلان وعلان https://up.top4top.net/ واخر برنامج وطني في السودان هو الحركة الشعبية 2005-2010
11-16-2019, 05:01 AM
Hassan Farah
Hassan Farah
تاريخ التسجيل: 08-29-2016
مجموع المشاركات: 9171
WE ARE CREATED TO RULE NOT TO BE RULED --------------------------------------------------------------------------------------- هههههههه والله كلام يا سمعة كمان عايزتحاجج رب العالمين العنصرية لزوما شنو يعنى حميدتى عشان جمع له شوية مرتزقة عايزين تفرضوه على السودانيين حاكما بالقوة حكاية اسياد وعبيد نسجل لك هذا الموقف يا سمعة
11-16-2019, 09:13 AM
Deng
Deng
تاريخ التسجيل: 11-28-2002
مجموع المشاركات: 52561
فريق الخلا حميدتي ورقة محروقة وهو رجل مجرم وقاتل، لا يمكن أبدا أن يلعب اي دور إجابي في المرحلة المقبلة. خصوصا إذا كنا نتحدث عن الحرية والسلام والعدالة.
العبار بريمة بلل.
أنت دائما تراهن على الحصين الخاسرة.
11-16-2019, 02:08 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27556
Quote: السيرة الذاتية لعضو مجلس السيادة محمد حسن عثمان التعايشي من مواليد رهيد البردي، جنوب دارفور 1973م متزوج وأب لثلاثة أطفال يقيم في لندن المملكة المتحدة
-درس الإبتدائية بمدرسة رهيد البردي ثم مدرسة برام المتوسطة والثانوية ثم جامعة الخرطوم كلية الإقتصاد والعلوم السياسية
-برز كقائد طلابي رفيع أثناء دراسته الجامعية وقدم تجربة سياسية ونقابية ملهمة للعديد من أبناء جيله أهلته ليصبح رئيس إتحاد طلاب جامعة الخرطوم دروة ( 2002 -2003 ) بعد معركة طويلة مع سلطة الإنقاذ من أجل إستعادة الإتحاد
-بعد التخرج من الجامعة واصل في العمل العام كناشط في المجتمع المدني ومبادر في إجتراح الحلول الجذرية للمشكلة السودانية التاريخية عبر رؤية مركزية تتمثل في ضرورة ترسيخ القيم الأخلاقية في الممارسة السياسية وضرورة إمتلاك المرأة والشباب لزمام المبادرة وتهيئة المناخ لشراكة حقيقية بين كافة شرائح المجتمع للسير جمباً إلي جمب كشركاء في القرار والمصير لا رعايا
-عمل بوكالة تطوير الحكم والإدارة بالخرطوم في الفترة ما بين 2005-2013 -ثم صندوق دارفور للإعمار والتنمية
-له مساهمات كبيرة في مجال النشر والتدريب والتأهيل أحد مؤلفي كتاب (أسباب عنف الطلاب في الجامعات السودانية) نشرعام 2005
-عضو نشط بمؤتمر الدوحة الأول للمجتمع المدني لسلام دارفور –قطر 2009 ومؤتمر الدوحة الثاني للمجتمع المدني –قطر 2010 هاجر محمد حسن عثمان التعايشي إلي لندن في العام 2014 ولم تنقطع مساهماته وواصل مع سودانيي المهجر في طرح الرؤي والأفكار والبرامج العملية لأسقاط نظام البطش ووضع خطط البناء المرحلي والإستراتيجي للسودان
------------------------------------------------------ يا أخوانا هل أنتم ملاحظين أنا عامل "بيبي ستر" لعادل ودينق.
بريمة
11-17-2019, 04:36 AM
adil amin
adil amin
تاريخ التسجيل: 08-01-2002
مجموع المشاركات: 37012
Quote: يا أخوانا هل أنتم ملاحظين أنا عامل "بيبي ستر" لعادل ودينق.
بريمة
برضو ما احسن واوعي واذكى من جون قرنق كان مباري درويل الامارات في السودان حميدتي ليه ما يطلق سراح موسي هلال انا احترم موسي هلال بس انت عليك الله من الترابي صنمك الاكبر بقيت تباري ..الناس البخدمو كعوك المركز ليه ؟؟؟ https://up.top4top.net/
الصورة دي يا ورل مفروض تطبعا قميص تقشر بيها في امريكا وتقيف مع حملات اليمنيين ايضا ضد العدوان علي اليمن عشان يعرفو السودان قبائل ايضا مش كعوك ونجلت ساكت والقبائل بقولو الراس بي الراس والرجال تموت متوافية وانا من الليلة يا عبار من دينكا نقوك ...خليت جقود ..اسمي مجوك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة