جاء ذلك على لسان باسم أحد المتحدثين باسم المجموعة المسماة بمجموعة ( كلنا حميدتي ) في المؤتمر الصحفي بوكالة سونا
حيث ذكر المتحدث صراحة انهم التقوا بعضو المجلس السيادي عن (قحت ) المدعو / محمد حسن التعايشي والذي شجعهم وأثنى على المبادرة التي وصفها بالمبادرة الجميلة :)
غايتو يا الهادى حكايتك غريبة ياخ اسع وينو التعايشى كلام التعايشى والمبادرة دى قبل التعايشى يكون عضو فى مجلس السيادة لان المتحدث التانى قال انا اطلقت المبادرة دى شهر عشرة غايتو يالهادى ربنا يهديك
11-13-2019, 07:50 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10257
شكرا يا هادى يا مؤتمر شعبى وصيتى ليك اختشى ولملم عددك امشى قبال الليل يمسى لان جعبتك فارغة ما فيها شئ بس عيبك دايما بتكتب مكوس منتشى وترمى شباكك قبل مركبك ترسى وهذا عيب كبير يا هادى يا ريت تكبر وتعقل وتانى ما تحتسى
11-14-2019, 00:22 AM
Elhadi Elhadi
تاريخ التسجيل: 01-06-2003
مجموع المشاركات: 9617
أنا عارف في ناس حا تكون محبطة، وناس لسة مؤملة.. وناس حا تواصل في ايجاد الأعذار واختلاق المبررات وتكذيب أنفسهم وتكذيب الواقع والوقائع القاعدة تحصل قدامهم يوم بيوم
لكن أحسن الناس تواجه الحقيقة !!
أنا شايف كدي غايتو :)
11-14-2019, 00:56 AM
عبد الصمد محمد عبد الصمد محمد
تاريخ التسجيل: 12-12-2004
مجموع المشاركات: 1402
لا حولااااااااا ليه الإنكسارات دي الرجال مواقف يا التعايشي أنا أول ما قالوا يشكلوا مجلس السيادة من 5 مدنييين قلت ليهم عايزين ناس في قامة كمال الجزولي مش مستجدين سياسة الواحد خبرته ما تتعدى أركان النقاش واتحاد الطلاب الله يكون في عونك يا بلد
11-14-2019, 01:00 AM
Elhadi Elhadi
تاريخ التسجيل: 01-06-2003
مجموع المشاركات: 9617
ان شاء تبقى بس على المدعو التعايشي ده، الظاهر إنو في طفائح كتيرة حتظهر على السطح في ناس اخطر من الكيزان بيعملوا فيها ثورجيه لحد ما يصلوا لأغراضهم الدنيئة
11-14-2019, 06:58 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9209
Quote: مازال أخوانا من أولاد البحر .. يفتكرون أنفسهم يمتلكون الحقيقة المطلقة ..
حسناً يا أصحاب .. لقد أثقلنا عليكم .. الفطام قالوا حار .. مش كده!
بريمة
انت يا بريمة با بول بوت حايم بي جاي مالك سؤال واحد الفرق شنو بين حميدتي وموسى هلال دا في القضر وقاشر بي الدعم السريع وبلعوط الامارات محمد بن زيد والمشروع المجرم المدمر المفضوح في المنطقة وينهب مع عاليته ذهب دارفور وكرفان مع الروس الامارتيين وقاعد في الفصر الجمهوري ويصدر الجنود لي اليمن وليبيا ده شبهك انت بس يا كوز الصفرة وموسي هلال بتاع حرس الحدود الوعي واتحرر من اصر حثالة المركز وقال اقليم دارفور وقبائل دارفور حاجة واحدة والثروات المعدنية لي ابناء دارفور اولا ((الصحوة )) وقال يرجعو الاولاد الجيش السوداني من اليمن والفي الصورة ده ما برجع مات ودفنهو اليمنيين في ميدي https://up.top4top.net/
انت ابقى راجل عديل وشوف الحق وين وتلم عليه قبل اجي واوسيك المرة دي بس سلاح ليس لك به قبل انت معانا ولي مع التانيين ؟؟؟؟؟
11-15-2019, 05:22 AM
adil amin adil amin
تاريخ التسجيل: 08-01-2002
مجموع المشاركات: 37042
1-حميدتي :يزح من السعودية ومصر والامارات ويسرح الدعم السريع اولا 2-يرجع عائدات اذهب من دبي 16مليار دولار الي بنك السودان ثانيا 3-يطلق سراح موسي هلال ثالثا لانه هو المعتقل موسي هلال وليس اي جهة قضائية محترمة 4 يجيب الامارات ملعونة ولديها تبني 10000 بيت لي 2000000 نازح في دارفور طوالي كده بكون ذى السيد عبدالرحمن المهدي جدير بالاحترام طلس لمركز ده ما بفيد https://up.top4top.net/
11-14-2019, 07:33 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2820
Quote: عندما وقع "حميدتكن " دا مع احمد ربيع على تقاسم السلطة مش كلنا او اغلبنا صفقنا ؟؟؟
أحمد ربيع وقع الند بالند نيابة عن قوى الحرية والتغيير ما مشى يصفق مع ناس بطبلوا لي فرد وكمان يقولوا كلنا ذاك الفرد أحمد ربيع وقع بتكليف رسمي من قوى الحرية، فهل المجلس السيادي يسعى لتضخيم حميدتي وطلع بيان رسمي بجعل الشعب حميدتي؟ المبادرة دي اسمها (كلنا حميدتي) يعني دعوة لعبادة وتمجيد أشخاص وأي مشاركة فيها تعتبر مشاركة في صنع ديكتاتورية جديدة
11-14-2019, 07:53 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
Quote: أحمد ربيع وقع الند بالند نيابة عن قوى الحرية والتغيير ما مشى يصفق مع ناس بطبلوا لي فرد وكمان يقولوا كلنا ذاك الفرد أحمد ربيع وقع بتكليف رسمي من قوى الحرية، فهل المجلس السيادي يسعى لتضخيم حميدتي وطلع بيان رسمي بجعل الشعب حميدتي؟ المبادرة دي اسمها (كلنا حميدتي) يعني دعوة لعبادة وتمجيد أشخاص وأي مشاركة فيها تعتبر مشاركة في صنع ديكتاتورية جديدة
في ناس برضو قالوا كلنا حمدوك
نحن رضينا او ارغمنا على تقبل القسمة للسلطة بين حمدوك وحميدتي يبقى نلتزم بالواقع الذي خلفه هذا الرضا ونعدي فترتنا الانتقالية دي على خير تحياتي
11-14-2019, 08:09 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2820
لو جلس معاهم حمدوك وأقر بتمجيدهم دة وجاب معاهو مدني عباس حنسلخهم بنفس هذه الحروف حمدوك أول وصوله بالسودان رفض الظهور أمام الجماهير المنتظراهو في المطار وفضل الخروج بالباب الخلفي عشاااااان موضوع التمجيد دة
عشان الناس ما تقعد تزايد في قصة اولاد بحر واولاد نهر . . نحن ما عايزين اي تمجيد لافراد اي كان لا كلنا حميدتي ولا كلنا برهان . . انتو قايلين الدكتاتور ده بتصنع كيف . .
11-14-2019, 09:14 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
من يعرف التعايشي او على الأقل استمع له وشاهد فيديوهاته سيعرف طريقة تفكيره وهي أبعد ما تكون عن القبلية و الجهوية من ناحية و من الاستحالة أن يكون طرفا في تمجيد وصناعة ديكتاتور من ناحية أخرى. استمعنا لحديث بتاع المبادرة و كلكم اكيد لاحظتوا الاضطراب و الخوف و الطريقة التبريرية في حديثهم, اتوقع ادراكهم لشناعة ما حدث وربما فوجؤوا بسونا وهي تبرزهم على العلن وتفضح ما لم يريدوا بيانه فا اتوقع ان ذكرهم للتعايشي و ثنائه ليس إلّا محاولة لإضفاء شرعية ما و إزالة الخجل عنهم. المهم الحكمة تقتضي انو الناس تسمع من التعايشي قبل أن تحكم و تنصب المشانق بناء على صورة و حديث طرف واحد بادي عليه الإضطراب و النفاق وإن كان فعلا حدث كما قالوا ففي ستين التعايشي ولا غيره ههذه ليست ثورة أفراد أو اسماء ولا كبير فيها بعد الله إلّا الشهداء. وإن الأمر غير ذلك فأتوقع من كل من استل سكين سلخ و ذبح هنا - عدا الهادي بالطبع :) - أن يتراجع و يعتذر لنفسه أولا ثم للتعايشي ثانيا.
لو برئ كان عمل تصريح في صفحته على فيسبوك أقلاها لينفي ما ذكر عنه في وكالة سونا أو يكذب الصور المتداولة
شخصياً بعد موقف عائشة موسى ما بستغرب أي حاجة كمان تشكرهم على دعمهم وقدرتهم على توفير الامكانيات المادية!!! عميانة من جبل عامر وتأجير الجنود بالراس؟ ولا ما شافت فيديوهاتهم في فض الاعتصام؟ ولا ما سمعت بجرائم الجنجويد في دارفور!
11-14-2019, 11:45 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
Quote: و برئ كان عمل تصريح في صفحته على فيسبوك أقلاها لينفي ما ذكر عنه في وكالة سونا أو يكذب الصور المتداولة
شخصياً بعد موقف عائشة موسى ما بستغرب أي حاجة كمان تشكرهم على دعمهم وقدرتهم على توفير الامكانيات المادية!!! عميانة من جبل عامر وتأجير الجنود بالراس؟ ولا ما شافت فيديوهاتهم في فض الاعتصام؟ ولا ما سمعت بجرائم الجنجويد في دارفور!
الله يرضى عليك خلينا نستند عبلى احكام قضائية(في بعض الأمور) او على الأقل نسمع من الطرف التاني
ماتخلينا نتفق مع صاحبنا صديق مهدي(ههههه)
11-14-2019, 11:54 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
انت يا احمد عمر كنت متوقع في ظل وثيقة ارتضاها الجميع - قول الاغلبية - أن يدخل المدنيين المجلس السيادي شايلين لساتكهم و يصبوها ولاّ كنت متخيّل شكل الشراكة شنو؟ عموما ارجى الحلو زي ما قلت وبطّل الاستعجال
11-14-2019, 12:01 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
خلونا من تقييم دوافع ومنطلقات التعايشي علي أساس قبلي أو جهوي .. أها غض النظر عن خلفية الرجل الجهوية والقبلية دعونا - نقيمه ونحاكمه ككادر ثوري وشخصية قوميةعامة قابلة للنقد والإختلاف والإتفاق .. من هذا المنطلق نسأل : ماهي دوافع ومسببات وجود التعايشي في هذه المجموعة ؟لماذا وكيف؟ - إنتهي حديثي فيما يتعلق بالتعايشي...... ....كلنا حميدتي !ولماذا كلهم حميدتي؟ ومن هم؟ وماهي أهدافهم ؟ ولماذا كلهم حميدتي وحده ولاسواه؟ معه ضد من ومن أجل ماذا؟ لماذا هم حميدتي من دون أعضاء مجلس السيادة وقوي الحرية والتغيير وقيادات الثورة-ورموزها؟- هناك نقطة مفصلية هي المجزرة وفض الإعتصام والمحاسبة والتحقيق والمحاكمة فأين موقع مبادرة - كلنا حميدتي - من هذا المعطي ؟- كلنا حميدتي أهي حملة إنتخابية مبكرة - تعد أمتداد لمسيرات ف - الساحة الخضراء والقصر في يونيو ومايو المنصرميين وهتافات قائدكم مين - رئسكم مين حميدتي !* أهي محاولة لحجز مكان - من مطبلاتية - دفعتهم حساتهم ومصالحهم للإندماج مع مشروع حزب "حمتوي" جديد يملك الثروة والسطوة ؟هناك مؤشرات تدل علي بوادر تحالفات حزبية مع حميدتي - وإستقطاب وهناك حملات لتمجيد وتضخيم دور الرجل وتبرئيته من وزر المجزرة ! والأيام حبلي بالكثير
غايتو بعد حضور التعايشي وصورته وهو متحكّر كده .. ما ظنيت أي تبرير منه حيكون مبلوع .. حكايته بقت مستحميه خالص .. الناس تبذل مجهودها في إيجاد المراقات .. لكن البقى بقى .. ياها ذاتا بس شيل لحمك وأديني قفتي ........
الشراكة لا تشمل التطبيل للدعم السريع ولا تعني استفزاز أسر قتلى ومفقودي الاعتصام بالتماهي معاهم لدرجة (كلنا حميدتي) ولا المشي في قوافلهم الدعائية وشكرهم على شوية قريشات أدونا ليها من ذهبنا الناهبينو وقف التصعيد الإعلامي زي ما عاوز لكن ما تشتغل ليهم بوق وتقول دي شراكة
تأسى بالدكتورة ( فدوى عبد الرحمن علي طه ) التي ركلت المنصب وعضوية المجلس السيادي بسبب الممارسات التي قيل انها قد مورست تجاه تعيينك في المنصب الذي انت فيه
واحترم دماء وتضحيات الناس التي أوصلتك لعضوية المجلس السيادي وقدم استقالتك
وأنت أكيد عارف انو زي سلوكك ده في الدول المتحضرة تمنو الوحيد هو ( الاستقالة) ، فخليك متحضر و استقيل من تلقاء نفسك
11-15-2019, 04:08 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9209
لماذا صمتم عن الحديث عن البرهان رئيس مجلس السيادة باعتباره أعلى شخص يمثل الرمزية السيادية بالبلاد؟؟؟؟!!!! ---------------------------------------------------------------------------------------------------------------------------- تانى جهوية يا سمعة ؟؟؟؟ الجهوية دى حتغركم انت وبريما صدقنى البرهان مازال مواجه بالاتهام على دوره فى فك الاعتصام مثله مثل حميدتى وكل اعضاء المجلس العسكرى
11-15-2019, 04:21 AM
ترهاقا ترهاقا
تاريخ التسجيل: 07-04-2003
مجموع المشاركات: 8424
Quote: مازال أخوانا من أولاد البحر .. يفتكرون أنفسهم يمتلكون الحقيقة المطلقة ..
حسناً يا أصحاب .. لقد أثقلنا عليكم .. الفطام قالوا حار .. مش كده!
بريمة
في ناس بتلبس جزم وجزم بتلبس ناس وفي ناس تلمّع جزم اشرف كتير من ناس وفي ناس بتلحس جزم علشان تراضي ناس وفي ناس بترمي الجزم على وش اتخن ناس وفي ناس تخاف ربنا وفي ناس تخاف من ناس
11-15-2019, 07:25 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
Quote: خلونا من تقييم دوافع ومنطلقات التعايشي علي أساس قبلي أو جهوي .. أها غض النظر عن خلفية الرجل الجهوية والقبلية دعونا - نقيمه ونحاكمه ككادر ثوري وشخصية قوميةعامة قابلة للنقد والإختلاف والإتفاق .. من هذا المنطلق نسأل : ماهي دوافع ومسببات وجود التعايشي في هذه المجموعة ؟ لماذا وكيف؟
في سطرين تأتي بالشيئ وضده .. !! خلونا من تقييم دوافع ومنطلقات التعايشي !!!! .. ماهي دوافع ومسببات وجود التعايشي!؟!!!
أختارك ليك واحدة من الأثنين .. وفي كلي الحالتين أنت غلطان .. نقد دوافع الأنسان مهما كانت مسبباتها تقود للتخوين .. وهذا يخالف كل تأريخ التعايشي ..
----------------------------------- والذين لا يعرفون فهم نقطة الدوافع .. كمال رجل أمريكي .. وفي السياسة الأمريكية نقد الدوافع شبه مجمع عليه أنه خطأ مبين .. تنقد الأنسان في ممارسته السياسية وخطابه السياسي ولا تنتقد دوافعه تخوين.. أم أنا غلطان يا كمال؟
بريمة
11-15-2019, 07:44 AM
adil amin adil amin
تاريخ التسجيل: 08-01-2002
مجموع المشاركات: 37042
انت يا بريمة ركز شوية ما هي انجازات حميدتي البتخليه يحتاج كل الطلس ده ايهما اشرف الذى يبيع الجنود رخيصين للامارات والسعودية من ابناء دارفور وكرفان ولي البرفض سياسات المركز المقبوح كما فعل موسي هلال واصدر بيان ضد ارسال الجنود الي اليمن ومزثق للتاريخ هسة ما في جهوية هنا في موقف انت مع موسي هلال ولي مع حمديتي يا العنكبوت التي اتخذت بيتا نفسي بوم القاك مباري سياسي محترم او رجل دين محترم في السودان انا من الشمال وفي دارفور بشبهني موسي هلال "الصحوة " وعبدالواحد نور (حركة تحرير السودان ) والامارات البلهث وراها حميدتي وناس ق ح ت دي في زمن الكوليرا كان نحن مع الشيخ زايد ورؤساء بلديات وقضاة ومهندسين وكل حاجة محترمة عايز تقارن سودانيين وست منستر بي كعوك المركز ديل ومقاطيع الهامش والله فعلا علي قدر اهل العزم تاتي العزائم https://up.top4top.net/
11-15-2019, 07:46 AM
adil amin adil amin
تاريخ التسجيل: 08-01-2002
مجموع المشاركات: 37042
الناس القامت بما يسمى بمبادرة كلنا حميدتي ما اظنهم بتجمعهم قبيلة واحدة وهم لا يمثلون قبائلهم حين تجمعوا. مثلهم موجودون في كل بقعة وكل قبيلة وكل حي وكل قرية في السودان. ما يجمعهم هو شيء من الإنتهازية والبحث عن مكاسب سريعة. محمد حسن التعايشي (لو الحلو ما جا) ليس إستثناء من بقية من تحلقوا حول حميدتي في الصفات التي جمعتهم.
مسألة يخذلونا بعض الناس الصعدوا على حساب الثورة دي مسألة عادية ومتوقعة، المهم جداً نكون دقيقين في فرز المعانا والضدنا وتحديد مواصفاتهم بدقة شديدة. المعايير الخاطئة في الفرز مثل القبيلة والجهة ديل حيوصلونا للفوضي والضياع.
11-15-2019, 08:14 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
لا لا .. خلينا في موضوع التعايشي . أحفاد ربائب غردون باشا في البحر .. أوعاهم يفتكروا أننا ترمش لنا عين .. إما يستعدل السودان يا أي قرد يطلع شجرته .. ملينا العجن واللت مع هؤلاء يا ول أبا .. كل مرة يعملوا "ريي ست" .. إعادة تدوير لنفس أفكارهم البالية ... لولا أحتراماً لمداخلة ول أبا محمد الشيخ .. لكتبت كلام يليق بهذا المقام! .. أنا أفتكر وصلنا مرحلة متقدمة في فهم الحقوق المدنية لكل إنسان سوداني .. وتم ترسخ هذا المفهوم من خلال .. مفهوم حرية .. سلام .. عدالة ..
وهنا أنا أضع علامات استفهام كبيرة .. أمام هؤلاء .. ماذا تريدون من اهل غرب السودان وهم مازالوا في معسرات اللجوء وكراكير الموت؟ هل يريدونهم يدورونها حرب فيما بينهم مرة أخري ويسقط السودان في مستنقع الدماء؟ ماذا يريد هؤلاء؟ يا أخوانا سووها حلوة .. جيبوا ليكم غرابي متضامن معكم يشرح ليكم كيف تحل القضايا في غرب السودان .. وريحوا دماغكم الخرب دا .. أولاً لو أنتم تقرأوا أسماءنا .. لوجدتم أسم التعايشي .. يعود إلي خليفة الأمام المهدي .. رجل الدولة القوي .. وهذا أرث في التعايشة .. وول أبا سماعين السبب ليكم صداع دا .. ينتهي نسبة إلي التعايشي .. ومهما وجدتم من أحفاد للتعايشي رغم صغر سنهم فهم كبار في عقولهم ومراميهم وأهدافهم ..
وأنا متأكد محسابتكم لنوايانا ح تخيب .. وقد خابت بالفعل لأن شباب كلنا حميدتي .. شباب جاء من أجل أنصاف شخص مظلوم في حضرة مثقفاتية البحر ..
بريمة
11-15-2019, 08:33 AM
Deng Deng
تاريخ التسجيل: 11-28-2002
مجموع المشاركات: 52569
لا لا .. خلينا في موضوع التعايشي . أحفاد ربائب غردون باشا في البحر .. أوعاهم يفتكروا أننا ترمش لنا عين .. إما يستعدل السودان يا أي قرد يطلع شجرته .. ملينا العجن واللت مع هؤلاء يا ول أبا .. كل مرة يعملوا "ريي ست" .. إعادة تدوير لنفس أفكارهم البالية ... لولا أحتراماً لمداخلة ول أبا محمد الشيخ .. لكتبت كلام يليق بهذا المقام! .. أنا أفتكر وصلنا مرحلة متقدمة في فهم الحقوق المدنية لكل إنسان سوداني .. وتم ترسخ هذا المفهوم من خلال .. مفهوم حرية .. سلام .. عدالة ..
وهنا أنا أضع علامات استفهام كبيرة .. أمام هؤلاء .. ماذا تريدون من اهل غرب السودان وهم مازالوا في معسرات اللجوء وكراكير الموت؟ هل يريدونهم يدورونها حرب فيما بينهم مرة أخري ويسقط السودان في مستنقع الدماء؟ ماذا يريد هؤلاء؟ يا أخوانا سووها حلوة .. جيبوا ليكم غرابي متضامن معكم يشرح ليكم كيف تحل القضايا في غرب السودان .. وريحوا دماغكم الخرب دا .. أولاً لو أنتم تقرأوا أسماءنا .. لوجدتم أسم التعايشي .. يعود إلي خليفة الأمام المهدي .. رجل الدولة القوي .. وهذا أرث في التعايشة .. وول أبا سماعين السبب ليكم صداع دا .. ينتهي نسبة إلي التعايشي .. ومهما وجدتم من أحفاد للتعايشي رغم صغر سنهم فهم كبار في عقولهم ومراميهم وأهدافهم ..
وأنا متأكد محسابتكم لنوايانا ح تخيب .. وقد خابت بالفعل لأن شباب كلنا حميدتي .. شباب جاء من أجل أنصاف شخص مظلوم في حضرة مثقفاتية البحر ..
بريمة
وهنا تتجلى لكم عنصرية وقبلية العبار البغيضة.
العبار بريمة ما هو تصورك في كيفية التعامل مع رجل مجرم وأمي مثل حميدتي؟ أعمل حسابك يا بريمة لأنك رجل متعلم وعايش في بلد الحريات والديمقراطيات وبتتمتع بالدستور الامريكي العلماني كمان. فأوعك تعطيني إجابة لا تتلائم مع ما تتمتع أنت به في حياتك.
ثانيا أنت تتحدث عن معسكرات اللجؤ وكراكير الموت، فمن الذي مسئول عن طرد وترحيل هولاء الناس الابرياء؟ مش ديل هم نفس المواطنين الابرياء الذين تسمونهم ب الزرقا يا بريمة؟؟ ومش ياها دي مليشيات الجنجويد المدعومة حكوميا بتاعت المجرم القاتل حميدتي ومن قبله المجرم الاخر موسى هلال؟ ديل مش ياهم الذين كانوا ينفذون سياسيات الاخوان المسلمين القذرة بتاعت التطهير العرقي بدارفور وجبال النوبة؟؟ أنت الان جاي تتباكي على من يا عبار؟ ولا أنت من النوع الذي يقتل القتيل ويمشي في جنازته!!
أوعك تحاول أن تلخبط الكيمان وتحاول أن تخدع الناس وتقلب الموضوع الى غرابة وأولاد بحر! شغلك ده شغل كيزان بطل أستهبال.
11-15-2019, 08:50 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
Quote: تانى جهوية يا سمعة ؟؟؟؟ الجهوية دى حتغركم انت وبريما صدقنى البرهان مازال مواجه بالاتهام على دوره فى فك الاعتصام مثله مثل حميدتى وكل اعضاء المجلس العسكرى
تغرنا الجهوية .. برضوا هذا يسمي بمحاسبة النوايا ..!
البوست تكتل من أقصي شمال السودان إلي أقصي جنوب النيل الأبيض .. ضد شخص بالأمس يقرون بوطنيته.. وجاي فلان يقول المعانا والضدنا .. دا رجل لديه جيش قوامه 43 ألف جندي من أنقي أبناء الوطن يزودون عنه ليل نهار .. كل ما نطالبكم به .. أدوهم فرصة معاكم .. منذ الأزل أنتم تحلبون في بقرة السلطة وإلي متي يظل هؤلاء ممكسين بقرون بقرتكم الحلوب؟ .. الكتافي تساوت يا أستاذنا حسن فرح ..
بريمة
11-15-2019, 08:56 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
أنت يا عبار قاعد تخدم في الدولة الجلابية طيلة حياتك وتقود بالنيابة عنهم حملات التطهير العرقي بمناطق الهامش المختلفة وتم تقسيمكم الى "عرب وزرقة" وأنت بلعت طعم العروبة الحامض وحايم بيهو وسط الناس متبخترا بعروبة زائفة. تقوم تجي تقول علي أنا "جلابي" يا عبار أنا زول عندي سجل في كل مكان ومواقفي واضحة وضوح الشمس من ما يحدث في السودان من فوضى. الاستلاب الثقافي والعرقي الذي تمارسه يا بريمة شئ مخجل ويكشف لنا عن شخص مضطرب ذهنيا.
11-15-2019, 11:33 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2820
أضطررت لإعادة الاستماع للمؤتمر الصحفي بتركيز عشان اشوف سياق اشادة التعايشي بالمبادرة و جات وين وكيف ومن منو, وهو امر لو تعلمون شاق وقاس صراحة الشباب ديل اتعبوا من سياتي بعدهم بالنفاق و التمسّح, أمّا سونا و صحافييها وأسئلتها المعدة بعناية فيبدو ان فيصل لم يمر عليها بعد, مبالغة يا سونا صحفي يقول أنا صاحب فكرة كلنا حميدتي وعايزين نلاقيه عشان نكون كلنا حميدتي!! وواحد تاني يقول ركبت عربات الدعم خمسة مرات في حين عربات الحكومة ما بتقيف رغم القرار, وواحد جا متاخر سأل عن ما رشح في السوشيال ميديا عن حضور دمبلاب اللقاء و هذا خلط متعمد بين موضوع خداع لجان المقاومة و استدراجها للقاء حميدتي و بين هذه المجموعة! وربّما يكون هذا هو الغرض الاساسي من المؤتمر البادية فيه العجلة و الكلفتة و اضطراب المتحدثين و استراتيجية الدفاع البدو بيها هو اثارة الغبار على موضوع اجتماع لجان المقاومة المهم أين ورد ذكر حضور التعيشي للقاء و اشادته بالمبادرة "خت لي خطين تحت المبادرة دي" ورد ذكره مرّتين من قبل رئيس المجموعة - الأكثر إضطرابا ودفاعية بين المتحدثين - وفي المرّتين اشار لأن عضو السيادر كان حاضرا و اشاد بالمبادرة و ذكر هذه النقطة على ما يبدو في سياق اضفاء شرعية على لقاء حميدتي كأنه عيب أو يستدعي الخجل لكن ما اهو التعايشي زاتو كان في المهم ذكر الناطق الرسمي ان هذه مجموعة واتساب منذ 17 يناير و تجمعت مع مجموعة اخرى باسم 6 ابريل و انّهم قاموا بمبادرات طوعية بدأت بعلاج احد مصابي فض الاعتصام الما اهتم بيه احد - هنا مزايدة بائنة - ومن ثم تواصلت المبادرات الطوعية الخدمية كصيانة وطلاء عنابر مستشفى بطلاء ضد البكتريا و ترحيل مواطنين و هكذا و عندهم نية لتوسيع الاعمال و القيام بالمزيد من المبادرات الطوعية. المهم - وهذا رأيي الشخصي لا للحلو بها - ان التعايشي اشاد بالمبادرات الطوعية الطرحوها ماسحي الجوخ ديل وحتى الاشادة لا اعتقد انها تجاوزت المجاملة و المطايبات السودانية العادية بعد اللقاء اخذوا صورة جماعية مع حميدتي لم يكن من ضمنها التعايشي, في هذا دلالة ما ايضا.
في صورتين واحدة برة دي البتتكلم عنها والتانية جوة وديك الظاهر فيها التعايشي في حديثه عن لقاء حميدتي اللي حضرو التعايشي - حتى إشعار آخر - قال قائد المبادرة (نحن الزول دة لمن مشينا ليه مشينا نبايعو بس بي شكر والله ياخي كتر خيرك على مواقفك الانسانية وانت قدت التفاوض ووصلت النتيجة بتاعة التفاوض للحكومة المدنية
غايتو حميدتي ده ب قواته ال ٤٠ الف بقى زي مسمار جحا في بيت حكومة السودان الانتقالية... ..والله يجازي الكان السبب ..طبعا بشة ، هبل نظام اللصوص والحرامية الذي اسس هذه المليشيات لابادة شعب دارفور ...
11-15-2019, 12:30 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا احمد عمر أنا حدّدت الصورة البتكلم عنها و هي الجماعية بعد نهاية اللقاء الفيها الابتسامات و التكشّم ورفع الجلاليب - لو لاحظت واحد في الطرف جا مستعجل رافع جلابيته - دي الصورة الكان وجود التعيشي فيها ح يكون شين جد, لكن الصورة الأولى هي صورة اثناء اللقاء و هو جالس في كرسيه و الفرق واضح تاني موضوع المبادرة الاثنى عليها التعيشي حسب كلام اب فقرة الفي الفيديو حسب ما انا فهمته محصور في المبادرات الطوعية. وغني عن الذكر طبعا انه دا فهمي أنا :)
11-15-2019, 12:42 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
يا زول نظرية الجلبنة دي .. أنت قايل لديها لون أو جنس .. الجلبنة سلوك وفكر .. وأنتماء إلي أحفاد ربائب غردون .. ودا كله أنت تملكه حتى رمزك الوطني علي عبد اللطيف جوه الشغلة دي .. وغرب السودان نفسه مليان أم جلبة أنت جلابي .. وفوق الجلابيي زايد سكر .. !
بريمة
11-15-2019, 01:15 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: دي الصورة الكان وجود التعيشي فيها ح يكون شين جد
أصلا وجود التعايشي كلوو شين ياقريبنا .. كان بي صور أو بدون صور اصلا الصور دي كان دورها اثبات حضوره .. وأهو طالعنا بي طلته البهية وشفناهو مقنقن جنب حميدتي .. ثم ليه انت ياودو خاتي للصورة كبير اعتبار .. مافرقت طالما التعايشي حضر اللقاء .. واثنى على مجهودات عمو حميدتي .. ودعمه ضمنا ولمّعه كمان طالما دعم مباردة كلنا حميدتي .. ولاّ مووو هيكـ .. انا شايفه ده شغل بتاع ابتزاز .. وتحطيم لي صورة هولاء الرموز في أعين الثوّار .. غايتو أنا لو كنت مكان التعايشي ده .. وبعد الهيلمانة القامت لامن استبعدوني .. والطريقة التمت اعادتي بيها لمجلس السيادة .. كان حميدتي بقى قبله مابلمني معاهو محفل زي ده .. اللهم إلا وسط كل جماعة مجلس السياده أو في جمع .. لا أكون فيه في موضع مجرد (شبهة ) شبهه .. أو كالغراب الأبيض وسط الغربان السود .. لكن الفي التعايشي اتعرفت وبقت عليهو البقت على من سبقه .. واللاحقون بالمناسبة كُثر وكل فرّط وانحنى مايلوم إلا نفسه ..
وزي ما قال ليك أبوحميد البيتفاصح معاك فوق ده .. اللهم إلا يجي التعايشي ويقول ده ما أنا ... ولا جيت محفل كلنا حميدتي ولابعرفهم ذااااتو .. وعنزة ولو طارت ياود البشرى .......
11-15-2019, 01:45 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
لا موو هيك! بتجيب كلام انه اثنى على مجهودات حميدتي و ودعم "مبادرة" كلنا حميدتي من وين! ود القوز بامانة كدا حضرت الفيديو ؟ ولاّ كالعادة اكتفيت بآذان الآخرين!
11-15-2019, 01:51 PM
adil amin adil amin
تاريخ التسجيل: 08-01-2002
مجموع المشاركات: 37042
Quote: هو في رجل دين او رجل سياسة محترم في السودان المركزي؟
وهل في جنرال محترم بعد قوات دفاع السودان يا اسماعيل ؟؟؟ كلهم استخدمتهم المخابرات المصرية الرخيصة في الانقلابات وحروب الابادة الوسخة في كل السودان وكمان مشروع الترابي القذر المتمدد من 1964 لحدي الليلة من الدفاع الشعبي ناس بريمة ديل لي حرس الحدود لي الدعم السريع الدولة خرجت بعد الاستقلال ولن تعد حتي الان بي علما ووحيد القرن بتاعا وهسة العبار بريمة ده جزء من ازمة البورد وانا بفرمت فيه لي 20 سنة حاصل فارغ مباري الترابي وحميدتي ومشروع الاخوان المسلمين البشع لحدي هسة والقصة كبرت مرقت من السودان لليمن وليبيا وينا الرجالة والمرجلة في زول مباري ولد زايد المازوم وناس شخبوط ولخبوط دحلان ويطاول علي سودانيين وست منتسر لي شنو ؟؟؟ دول مجلس التعاون الخليجي 6 سلطنة عمان الرقاية في الحياد الايجابي والبحرين لا تهش ولا تنش الكويت االان الدولة المحترمة والواعية الحقيقية في هذه المرحلة الجابر حميدتي وق ح ت الجري ورا الامارات والسعودية الدمرو ليبيا واليمن شنو ؟؟؟ في زمن يخرجن منها الاعز الازل والسودان بلا كرامة الان بين العرب وهسة حميدتي ده ولي علي الحاج اتحداهم يمشو لولي نعتمهم محمد بن زايد =حميدتي وعلي الحاج = تميم بن حمد يقدمو ليهم مشروع 10000 قراية نموذجية لاعادة توطين 2000000 مواطن وفي سنة بس عشان نقفل ملف دارفور الانساني اما السياسي هو الفدرالية باعادة الاقليم وعمل انتخابات حاكم اقليم وبرلمان اقليم *** وانت يا اسماعيل من دارفور قدم نفس المشروع للكويت عشان نشوف بيان بالعمل منو المباري الهوا والناس الهوا في السودان طال ما انت بتشوف وتسمع في البورد وتعقب شفت يا سمعة الناس البترفس في البورد وفي السودان هسة دي 10% من ذكاء جون قرنق ما عندهم و ومخهو اضيق من جذمة الزيزي زمان وما فايت مثلث الحمدي والامارات وقطر ديل https://up.top4top.net/
11-15-2019, 01:52 PM
adil amin adil amin
تاريخ التسجيل: 08-01-2002
مجموع المشاركات: 37042
Quote: هو في رجل دين او رجل سياسة محترم في السودان المركزي؟
وهل في جنرال محترم بعد قوات دفاع السودان يا اسماعيل ؟؟؟ كلهم استخدمتهم المخابرات المصرية الرخيصة في الانقلابات وحروب الابادة الوسخة في كل السودان وكمان مشروع الترابي القذر المتمدد من 1964 لحدي الليلة من الدفاع الشعبي ناس بريمة ديل لي حرس الحدود لي الدعم السريع الدولة خرجت بعد الاستقلال ولن تعد حتي الان بي علما ووحيد القرن بتاعا وهسة العبار بريمة ده جزء من ازمة البورد وانا بفرمت فيه لي 20 سنة حاصل فارغ مباري الترابي وحميدتي ومشروع الاخوان المسلمين البشع لحدي هسة والقصة كبرت مرقت من السودان لليمن وليبيا وينا الرجالة والمرجلة في زول مباري ولد زايد المازوم وناس شخبوط ولخبوط دحلان ويطاول علي سودانيين وست منتسر لي شنو ؟؟؟ دول مجلس التعاون الخليجي 6 سلطنة عمان الرقاية في الحياد الايجابي والبحرين لا تهش ولا تنش الكويت االان الدولة المحترمة والواعية الحقيقية في هذه المرحلة الجابر حميدتي وق ح ت الجري ورا الامارات والسعودية الدمرو ليبيا واليمن شنو ؟؟؟ في زمن يخرجن منها الاعز الازل والسودان بلا كرامة الان بين العرب وهسة حميدتي ده ولي علي الحاج اتحداهم يمشو لولي نعتمهم محمد بن زايد =حميدتي وعلي الحاج = تميم بن حمد يقدمو ليهم مشروع 10000 قراية نموذجية لاعادة توطين 2000000 مواطن وفي سنة بس عشان نقفل ملف دارفور الانساني اما السياسي هو الفدرالية باعادة الاقليم وعمل انتخابات حاكم اقليم وبرلمان اقليم *** وانت يا اسماعيل من دارفور قدم نفس المشروع للكويت عشان نشوف بيان بالعمل منو المباري الهوا والناس الهوا في السودان طال ما انت بتشوف وتسمع في البورد وتعقب شفت يا سمعة الناس البترفس في البورد وفي السودان هسة دي 10% من ذكاء جون قرنق ما عندهم و ومخهو اضيق من جذمة الزيزي زمان وما فايت مثلث الحمدي والامارات وقطر ديل https://up.top4top.net/
11-15-2019, 02:04 PM
Deng Deng
تاريخ التسجيل: 11-28-2002
مجموع المشاركات: 52569
Quote: يا زول نظرية الجلبنة دي .. أنت قايل لديها لون أو جنس .. الجلبنة سلوك وفكر .. وأنتماء إلي أحفاد ربائب غردون .. ودا كله أنت تملكه حتى رمزك الوطني علي عبد اللطيف جوه الشغلة دي .. وغرب السودان نفسه مليان أم جلبة أنت جلابي .. وفوق الجلابيي زايد سكر .. !
بريمة
العبار بريمة بلل.
زي ما قلت لك.أنا زول لي تاريخ وارث ومواقفي واضحة وضوح الشمس من ما يجري في السودان، والسودان مازال يحتاج الى فكرة السودان الجديد للراحل جون قرنق دي ما بيور. وعندما أنا أقول السودان فأنا أتحدث على حدودها التاريخية من نمولي لغاية حلفا.
أما الفكر الذي تتبناها أنت هو الفكر الجلابي الرجعي للسودان القديم. وأنت وحميدتي مثال حي لذلك الفكر المتخلف.
سبب اللقاء يا محمد مبايعة حميدتي كما ذكر قائد المبادرة في الفيديو فوق أي حضور للتعايشي يعتبر موافقة على مبايعة حميدتي ومساهمة في تلميع صورته الشخصية الما عندها علاقة بي مجلس السيادة
مبايعته على شنو؟ انا الحتة دي ما فهمتها من كلام الزول المضطرب دا , التاني قال عايزين نشكره على وقوفه مع الثورة وقيادته للتفاوض و اظن الامين العام كمان قال حاجة تالتة! المهم حين وجهت الدعوة للتعايشي او تم ابلاغه او الطلب منه حضور اللقاء, ماذا قيل له! دي هي الحتة المهمة و التي - كان جات مع الحلو - ستوضح الكثير من الامور حتى ذلك الحين لا يستقيم الحكم عل التعايشي و تخوينه دون السماع منه
مبادرة اسمها (كلنا حميدتي) بس من الاسم ساي شارع الله ما مفروض يلموا بيها بغض النظر عن سبب الدعوة وكمان لا جمعية لا منظمة مسجلة .. قروب واتساب !!!! عضو مجلس سيادي يمشي اجتماع قروب واتساب !
Quote: حين وجهت الدعوة للتعايشي او تم ابلاغه او الطلب منه حضور اللقاء, ماذا قيل له!
أنا عندي أخير يكون باع من اتغفل وإلا فالمصيبة أعظم
11-15-2019, 02:59 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وضح لي أن الأخوان ود البشري والأخ أحمد عمر يبحثون عن حقيقة ما .. رغم أني لا أعرف أهداف ومرامي ذلك .. من جانبي البحث عن الحقيقة مشروع في أطاره وظرفه وزمانه.
أنا ح أضقل بالعبار دينق .. والكوكلان كلس عادل أمين حتى لا يمل الناس البوست لكن أي زول يأتي لمحاسبة النوايا .. ح أقيف له في حلقه .. لأن دا جزء من ترسيخ العمل الديمقراطي.
بريمة
11-15-2019, 03:44 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
مرشحة مجلس السيادة د. فدوى عبد الرحمن على طه .. قالت أنا مستقلة ما حزب أمة وفوق راى قامت إعتذرت عن االترشح لمجلس السيادة إحتجاجا لرفض ترشيح (التعايشى) اللى هو حزب أمة العارفة نضالو .. نوع بتاع نضال أركان النقاش بالجامعات وخبرات سكيورتى (غفير) بإنجلترا .. طبعا أكان ترشيحها أكان ترشيح التعايشى وراهم السيد الإمام بعد ما إقتنع وقنع من ترشيح نفسه (رئيسا) .. أها فدوى فى لعبة الفى جيبو سبع لفات .. بت أختها إتعينت وزيرة تعليم عالى (بركات الإمام) .. برضها مستقلة (هههاى) .. بت أختا عينتا مديرة لجامعة الخرتوم .. والتعايشى المهول إتعين غصبن عن أى ثائر عضو مجلس سيادة ... أول شى عملو مشى مع حمدوك وقدم فروض الطاعة والولاء والشكر الجزيل لإمامه لحدى هسة مافى زول سأل اللما شنو حمدوك بتاع مجلس الوزراء مع تعايشى السيادى عشان يزور معاهو الإمام!!! .. والفات الفات فى جيبو سبعة لفات
الإمام قال حميدتى زيو مافى بس يقلع الكاكى الشين دا ويستنضف ليهو بدلة أفرنجى وللا جلابية جناح أم جكو ويحترف السياسة ويبقى رئيس كان عايز .. ولو الإنتقالية إتجهجهت لابد من إنتخابات مبكرة .. الإمام بيحضر للعهد الجديد القريب .. فمن ضمن الفات والسبعة لفات لابد تعايشيهو يدعم مبادرة كلنا حميدتى .. بتظهر جهوية وعنصرية لكنها سيناريو فى منظومة السبعة لفات! وأكيد فى ناس ما عندهم مانع ليس حبا فى الإمام بس عشان اللعيبة من جهتم! .. ننتظر وربنا يحيينا ونشوف!
هو فى مجلس سيادة (مدنى) بميلا العين عشان حارقين طقات كيبورداتكم فيهو
11-15-2019, 03:05 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2820
مع التحية للاحباب هكذا الديمراطية والبراغماتية السياسية في اي دولة ديمقراطية يمكن أن يحدث تحالفات بين اقصى اليمين واليسار وهذه محمدة في عالم السياسة لأن هذه الممارسة فيها ترويض وسليمة ولجوء إلى المصلحة ربما التعايشي ينظر إلى المستقبل القادم كسياسي طموح يريد استيعاب حميدتي الذي يملك شبيعة في الشارع وقوة عسكرية وامتداد خارجي وذلك في حزب او تحالف سياسي يمكن ان يديره التعايشي وهذا السلوك في صالح البعد الديمقراطي .. تحويل ولو جزء من الاتجاه العسكري للدعم السريع إلى عمق سياسي .. الصناديق بدل السلاح ورغم أنفي سوف استخدم لفظ ترويض لأن التعايشي هو الأقدر لأنه الأقرب الى بيئة حميدتي وربما من نفس البيئة أن حسب نظرتي الموضوع في صالح الممارسة الحزبية تأملوا إذا اصبح حميدتي بدون حاضنة سياسية وتفرد بالقوة العسكرية فقط
تحياتي للاحباب ربما اختلف معي البعض ولكن أحسب ان التعايشي ينظر إلى الانتخابات بعد 3 سنوات وسوف نرى الكثير من التحالفات المثيرة .. انظر حول العالم تجد الكثير من أمثلة
11-15-2019, 04:13 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
Quote: بتظهر جهوية وعنصرية لكنها سيناريو فى منظومة السبعة لفات! وأكيد فى ناس ما عندهم مانع ليس حبا فى الإمام بس عشان اللعيبة من جهتم! .. ننتظر وربنا يحيينا ونشوف!
برضو جمعت بين حاجتين متناقضتين .. لو وقفت في السبعة لفات .. نقول أنت ولفاتك. لكن حتة .. "أكيد فى ناس ما عندهم مانع ليس حبا فى الإمام بس عشان اللعيبة من جهتم!" طبزت فيها .. أضف أنك حاولت الأستهزاء بمقدرات السيادي التعايشي بحكاية شغال سكيورتي .. هل سمعت برجل يسمي أندرياس بابندريوس؟ .. هذا الشخص كان رئيس وزراء اليونان .. ينتخبونه مراراً حتى شاخ وتوفاه الأجل .. حينما كان في المهجر هنا في أمريكا .. كل مدته التى قضايا غير العمل النضالي ضد الدكتاتورية ... التي ولدت وأفرخت في عقر داره في اليونان .. منشأ الديمقراطية .. كان يعمل في "غيسل العربات" .. وحينما عاد بعد أسقط الدكتاتور اليوناني .. حمله الشعب اليوناني علي الأعناق رقم أنه كان غسّال عربات .. معادن الرجال لا تقاس هكذا يا ول أبا نادر ..
هنا أندرياس بابندريوس .. كان يغسل العربات في أمريكا من أجل قضيته ..
بريمة إسماعيل اثبتوا لي أن حميدتي لم يشارك في قتل ٣٠٠ الف نسمة من شعب دارفور وانا اول من سينادي به رئيسا السودان وإذا في انتخابات حرة بعد الفترة الانتقالية هو حيفوز بالأغلبية المطلقة....
11-15-2019, 04:46 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2820
Quote: بريمة إسماعيل اثبتوا لي أن حميدتي لم يشارك في قتل ٣٠٠ الف نسمة من شعب دارفور وانا اول من سينادي به رئيسا السودان وإذا في انتخابات حرة بعد الفترة الانتقالية هو حيفوز بالأغلبية المطلقة....
في زول قال ليك عايز يرشح حميدتي لكي يكون رئيس؟
اسمعي التسجيل الصوتي بتاع الزول الكان حاضر الاجتماع.
سؤال: زول قتل 300 الف حسب ادعائك , جايبنو طرف رئيسي في الوثيقة الدستورية و في الفترة الانتقالية ليه؟
ارجو ان يترك موضوع الاتهامات للجنة نبيل اديب,,
11-15-2019, 04:49 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2820
أنا عشت في أقوي ديمقراطيتين في العالم .. اليونان والولايات المتحدة .. من أعظم رؤساء الوزراء من بعد أندرياس بابندريوس . يسمي ميسوتاكس من جزيرة كريت، جزيرة نائية في وسط البحر الأبيض .. عشان نسافر منها لأثينا بنركب البواخر مساءً .. والشروق يجينا في العاصمة .. والشعب الكريتاوي شعب يوناني تقليدي .. رعاة ماعز وغنم .. ومزراعين .. ثم دخلت عليهم السياحة مؤخراً ..
الشعب اليوناني أبو الديمقراطية .. ساند ميسوتاكس .. سنوات .. وبقوة من أقصي جنوب اليونان حتى أقصي شمالها .. وأمريكا جابت أوباما .. الزنجي الأفريقي ..
عندنا مقولة تقول: في المعاينة في أمريكا تسأل عن ماذا تعرف .. في فرنسا تسأل عن أين درست .. وفي أفريقيا تسأل عن من تعرف!
الأستهبال دا كله الديمقراطية سوف تحسمه ..
بريمة
11-15-2019, 05:14 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2820
Quote: يا ولدبوك باقي ليك ديمقراطية ناس الكع يا جنا دي بتحسم حاجة؟
أنتظر بس .. دا ح يكون كرنفال دولي في الرقابة الديمقراطية .. هناك صراع مهموم بين المنظمات التى ترعي الديمقراطية مثل مركز الرئيس كارتير .. وغيرها .. كلها ح تكون حاضرة وتكشف أي خلل بالثانية والدقيقة.
الله يحضرنا الوقت دا .. الزول كان حبواً يحضر السودان .. والله ح نموتوا في حراسة صناديق الأقتراع ..
بريمة
11-15-2019, 05:38 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
يا بريمة عن زولك اليونانى التقول عيله خبرتو (بس غسال عربات) .. دى بالغتا فيها أمشى راجع سيتو الذاتية وشوف مؤهلاتوا الأكاديمية وخبراتو التراكمية كإقتصادى قبل أن يصبح رئيس. وحتى لو مصدق معلومتك حقو تجيب مثال يمكن تقيس عليه متطلبات تعينات الثورة السودانية
التعايشى أنا ذكرت ما يفهم منه أن مؤهله جامعى .. لكن ذكرت خبرته (بلندن) كانت يعمل سيكيورتى وما بعرف ليهو خبرة غيرها .. قول لى لو عنده خبرات تانية (غير أركان النقاش) ودى ما بتقدر تعزلها عن حقيقة ماثلة وفى الأذهان أنه التعينات للمناصب للفترة الإنتقالية كانت على مبدأ الكفاءة التى من ضمنها المؤهل الأكاديمى + الخبرة العملية (النوعية).. وناس االخارج جابوهم عشان ينقلوا خبرات من واقع ما شغلوا من وظائف فى الخارج .. التعايشى غفير لندن حنستفيد منو شنو؟ بس حنك نضال أركان النقاش؟! ياخ زول ما بفرق بين دولة وحكومة ومجلس سيادة ومجلس وزراء مشى قعد مع الحركات المسلحة وطلع صرح بتكلم بأنه (الحكومة) !! Give me a break
غايتو فى حكومة حميدتى والصادق المهدى بيكون لافق شديد
11-15-2019, 05:56 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2820
شاطرين في اغتيال الشخصية في كم سياسي سوداني برطع و تقلد المناصب بحجة أنه كان رئيس اتحاد طلاب جامعة الخرطوم (الجميلة و مستحيلة) خلاص بقت على ولدنا؟,, بعدين انت قايل اركان النقاش دي زول ما عندو فكر ورؤية وطايوق بقدر عليها,,
لا تبخسوا الناس اشيائهم,, لو قلبنا الدفاتر بنطلع ناس ليهم عناقر وفاخورة قاعدين ميطي في حكومة (كفاواتك) دي على قول أمل الكردفاني,,
موضوع الحكم دا انحنا مهيئين ليه جينياً ما شفت حميدتي سايق كمية من الدكاترة و البروفسرات و اصحاب الخبرات و الكفاوات كيف؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elhadi
صديق مهدى على
جمال ود القوز
ترهاقا
Hassan Farah
محمد عبد الله الحسين
Biraima M Adam
adil amin
اسماعيل عبد الله محمد
MOHAMMED ELSHEIKH
عمر سعيد علي
محمد البشرى الخضر
ABDALLAH ABDALLAH
كمال عباس
Hafiz Bashir
Deng
علي عبدالوهاب عثمان
فيس بوك
تويتر
انستقرام
يوتيوب
بنتيريست