شنو يعني لو ما طلعت عذراء !!

♡ لك مني تحية، سلام و عدالة أخوي دينق ،و تجلةً
لضيوفك الكرام البررة . ممتن جدن لأريحية تواضعك
و أطمئنك لأنه لا تشابهَ بين موضوعية بوستك و بين بُعد
مقاصدي من عذرية معنوية ، نفسية و أخلاقية... إلخ ؛ أكثر
منها مجرد انفضاض بكارة ( حسية ) .بالطبع ،فضلاً عن أسلوبي
لطرح القضايا من أبعادٍ خماسيةٍ و زوايا حادة قد لا يروق عويشها
لكل حاطبٍ ، و ليست كممكنة من ضرعها كل حالبٍ.ثم رافسةٍ
فدافقةٍ بعد ذلك كل ما كان حلب. و بالنهاية لا نملك سوى قولنا:
إنه (لو لا اختلاف السلع لبارت الانظار ) و إنو قالو: الريد قِسَم.
▪ و مع ءلك : فلو حبيت ندخل في مشروع اندماج و توءمة ؛
فستجدني إن شاء الله راكزاً و لن أبرح لك أثراً. بس زي قلت
ليك: شريطة تكون انت البنا و ليك القدح المُعلَّى و أنا التربال
بناول الطين . و دايمن حاضرين للطببين.

مساء البكارة عليك أخوي دينق، و تسمح لي
أقول ليك طبعن: يا طالب لبن الطير في االباقير
و لا كايس لي وخزة من إبرة ضمير و أمانة في
كوشة نفاق. ياخ بالله عليك ماك شايف براك : دي
نهزتْ صفيحة موية من ( كرجاكة ) في زقلونة في
حلَّالنا بالضهاري ؛ و لا قَلَّتْ راس حطب مع ندرة الغاز
التجاري ؛ و لا شبحتْ كراع في دفار لناس أمبدة كرور
بدل الجري و الرحيح كداري؛ ولا معافرة في صف رغيف
حَجَّاري .كولها دي موش ظروف معيشية قاهرة و كفيلة
تفض غشاء بكارة عمك حيدر قطامة ظاطو، خليك
من بنية فتية بت تسعطاشر سنة، عمر الزهور، عمر
الغرام .. عمر المنى؟!صاح و لا تراني غلتان؟!
إذن، سم الله و كُلْ بيمينك، و كُلْ مما يليك!!

سلامات مربعات أخونا بو الريش،،،
ياخي اولن حمدله على السلامة الفتحت
خشمك دا معانا لأول مرة ؛ و انفك الساجور
تانياً و دا الأهم ، وينن هسي المطبات هنا؟ بالذات
المداخلة دي أنا سلت روحي عديل. و بالمناسبة
الكتابة الأيام دي بالموبايل؛ و الله الواحد لو ما
هو ضكر كانت تجهجه باكات ، هي بسم الله،
قصدي (غشاوات) بكارتو عدييييل كدا.