. . ⚠ مجرد سؤال: هل لازال النادي الكاثوليكي في شارع المطار مقرا للمؤتمر الوطني ؟ وهل لازالت كنيسة السودان الداخلية في الخرطوم 2 مقر من مقرات جهاز الأمن؟ . . 📰 خبر جميل: 👈 عمادة المكتبات بجامعة وادي النيل تتسلم نقطة وصولaccess point لاكثر من 60 قاعدة بيانات مدفوعة القيمة تشمل الطب والهندسة وعلوم الفضاء والعلوم الادارية والمحاسبة وعلوم المكتبات وادارة الاعمال والمعمار والفلسفة والتسويق والتربية وغيرها اهداء من السفارة الامريكية بالخرطوم تم تركيبها بعمادة المكتبات يوم الاحد الموافق 27 اكتوبر المنصرم وبدأ التشغيل التجريبي لها يوم الخميس 31 اكتوبر سوف تتاح نافذة بحث لهذه القواعد بمباني عمادة المكتبات اعتبارا من منتصف الاسبوع القادم ان شاء الله 📌 حتى دي كنا محرومين منها . . 📰 خبر جميل تاني: 👈 وضعت سلطات سجن كوبر الاتحادي، (3) من رموز النظام السابق وهم نافع علي نافع، عوض الجاز، وأحمد هارون في حبس انفرادي. وفي سياق ذي صلة قالت المصادر إن النائب العام تاج السر علي الحبر وجه إدارة السجن بعدم التجديد للمعتقلين بأمر الطواريء، كما وجه النيابات بإلغاء أوامر القبض، وإلغاء طلبات الإفراج. وقالت المصادر إن النائب العام سيعيد الاستجواب والتحري للمعتقلين من جديد، سيما بعد تدوين بلاغات جديدة بحق بعض المعتقلين في نيابة الثراء الحرام. وكانت الثراء الحرام قد أكملت الترتيبات للتحقيق مع (7) من رموز النظام السابق. 📌 والله كمان لو الحبس الانفرادي تكون كهربته قاطعة تكون دي المنقة ذااااتها .ه. .ه. 📰 الوطن: 👈 توقعات بإدانة الرئيس المخلوع في قضايا "الثراء الحرام" 📌 قريتها وقعت دانة بالرئيس المخلوع . 📰 الوطن: 👈 "الثورية": سنلجأ إلى "تقرير المصير" حال فشل مساعي السلام 📌 ودا حا يتم كيف يعني؟ جاهز والا تفصيل . 📰 الوطن: 👈 وفد سوداني إلى واشنطن الثلاثاء للمشاركة باجتماع سد النهضة 📌 اعصروا اوعكم تترخرخوا . 📰 الوطن: 👈 "الدستورية" تدرس تسليم البشير وقيادات في حزبه للجنائية 📌 بختهم حا يرطبوا . 📰 الوطن: 👈 النطق بالحكم في قضية الرئيس المخلوع خلال أسبوعين بعد سماع آخر شاهد 📌 يا يوم بكرا ماتسرع . 📰 التيّار: 👈 تنقلاتٍ واسعةٍ في المواقع العليا بالسلطة القضائية 📌 دا اسمه البل مع الخج . 📰 التيّار: 👈 وراق: انتهاكات دارفور سببها الثقافة العنصرية التي عبأتها الأصوليه 📌 وحياتك الاصولية لي هسع شغالة . 📰 التيّار: 👈 القضارف: اكتمال الترتيبات لافتتاح أسواق المحاصيل 📌 بالتوفيق ان شاءالله . 📰 التيّار: 👈 وفد رفيع من جنوب السودان وصل الخرطوم بشأن السلام 📌 سلام تاع نحن والا سلام تاع هم ؟ . 📰 الجريدة: 👈 نبيل أديب: سنشاهد”الفيديوهات” ونستمع لكل من لديه معلوماتٍ عن فضّ الاعتصام 📌 وسنردم المتورطين . 📰 الجريدة: 👈 “زيرو فساد” تكشف عن تلاعب البشير والجاز بعائدات البترول 📌 تلاعب شنو ديل كانوا فاكرينها حقتهم برااااهم . 📰 الجريدة: 👈 تطورّات في قضية مدرسة بشير العبادي وفتح بلاغٍ في مواجهة المدير 📌 البل والردم بس . 📰 الجريدة: 👈 صحة الخرطوم تؤكّد عدم تسجيل أيّ حالات إصابة جديدة بالوبائيات 📌 عقبال باقي الولايات . 📰 الجريدة: 👈 تباين الآراء حول مستقبل تجمّع المهنيين 📌 حقو نرسلهم لبنان . 📰 الجريدة: 👈 قيادي بالبحر الأحمر يبيع مواد تموينية خصصت لإعانة المواطنين 📌 ما بعيده عليهم ديل تلاميذ البلدوزر . 📰 آخر لحظة: 👈 وضع نافع والجاز وهارون في حبس انفرادي 📌 يلحسوا كوعهم . 📰 آخر لحظة: 👈 إعادة استجواب رموز النظام وإلغاء أوامر القبض بالطواريء 📌 مرمطوهم الله لا مرقهم . 📰 آخر لحظة: 👈 غندور: الشارع ليس ملكاً للحرية والتغيير 📌 والجري من جوهانسبيرج ملك منو ؟ . 📰 آخر لحظة: 👈 حمدوك إلى بروكسل الجمعة 📌 يازول بطل الجري دا واركز شوف الداخل . 📰 الانتباهة: 👈 “11” ألف رسم مفروضة على المواطنين بالعاصمة 📌 كانت دولة مكوس بمعنى الكلمة . 📰 الانتباهة: 👈 حركة”مناوي” تقدّم طلبًا لتسجيل حزب 📌 خطوة في الطريق الصحيح . 📰 الانتباهة: 👈 واشنطن تبقي السودان في لائحة الإرهاب 📌 طالما في زي ناس عبدالحي والجزولي واشنطون معاها حق . 📰 الانتباهة: 👈 تهريب”5″ آلاف جوال دقيق يوميًا من حصة الخرطوم 📌 ال 5الف جوال بي تمرق بي وين ؟ واتساب؟ . 📰 الانتباهة: 👈 سرقة آلاف الدولارات من مكتب سلفاكير 📌 أممممك هو سلفا برضو بي يخت الدولارات تحت مخدته؟ . 📰 الانتباهة: 👈 وزير العدل يصرّ على تسليم المتورّطين في انتهاكاتٍ إنسانية لـ”الجنائية” 📌 يصر الحاحاً . 📰 الانتباهة: 👈 غندور: الشارع خرج ضد البشير لضيق العيش وغلاء الأسعار 📌 أومال يعني خرج عشان اتزوج عليهو ؟ . 📰 السوداني: 👈 “قوى الحرية”: ترشيحات الولاة دعاية إعلامية للمرشحين 📌 يعني زي شامبيون وكدا؟ . 📰 السوداني: 👈 غندور يقترح منح منصب رئيس الجمهورية للجيش 📌 انت البارح ماكل شنو كلامك كتر كدا؟ . 📰 السوداني: 👈 اتهام سيّدة بالاحتيال على مستثمرين عرب 📌 هم فاتحين خشمهم لحدي ما احتالت عليهم ليه؟ . 📰 السوداني: 👈 الصحّة تدوّن بلاغًا ضد مستشفى أجنبي يستقبل المرضى رغم إيقافه 📌 احتمال يكون عنده شريك من اخوان المخلوع . 📰 السوداني: 👈 مجلس الأمن يمدّد ولاية”يوناميد” بدارفور لعامٍ 📌 خاذوق العشر . 📰 الصيّحة: 👈 الجبهة الثورية: سنحمل السلاح حال تعيين الولاة قبل السلام 📌 يعني هسع ختيتوهو ؟ . 📰 الصيّحة: 👈 غندور: الحرية والتغيير لا تمثّل الشعب 📌 وانتو لما كتمتوا على نفس الشعب تلاتين سنة كنتوا عاقدين عليهو . 📰 الصيّحة: 👈 مصرع”2″ من المواطنين رميًا بالرصاص من قبل مسلّحين بشمال دارفور 📌 تااااني؟ . 📰 الصيّحة: 👈 المحكمة تستمع لآخر شهود الدفاع في قضية البشير اليوم 📌 هو لسع عنده نفس في الدفاع؟ . 📰 الصيّحة: 👈 الطويل: الدعم السريع عين ساهرة في تأمين الحدود 📌 ناخدها ليك اجابة ونشوف القصير . 📰 اليوم التالي: 👈 مساعدات أمريكية للسودان بقيمة "102" مليون دولار 📌 دي ترضيه عشان التمديد والا شنو . 📰 اليوم التالي: 👈 المهدي: انتصار الثورة لن يكتمل إلا بعودة كل المفصولين تعسفياً لوظائفهم 📌 وهلمجرا . 📰 اليوم التالي: 👈 غندور: العقوبات الأمريكية مقصود بها السودان و ليس نظام البشير. 📌 انتو حقو تسكتوا سااااكت في حتة العقوبات دي . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست