قبل كده شرح لنا الخبراء بالتفصيل الدقيق وبالصور كيفية نقل الفيديوهات والصور من اليوتيوب الإنترنت إلى المنبر العام ...ولكن نسينا كل شئ ...واظن ان اسهل واحدة هي نقل الفيديو من اليوتيوب إلى المنبر كما شرح لنا عمر التاج ..ولكن نحن بنحتار كيف كوستاوي بينزل الصور الصورها بكاميرا الجوال إلى المنبر العام...وقبل كده صور لينا شوارع واشنطن بتلفونه الجوال ونزل الفيديو هنا في المنبر العام ...كيف !!!؟ والسؤال الثاني هل ممكن تنقل صور وفيديو من الواتساب إلى المنبر .... أسئلة تحتاج للخبراء للرد ...وهذه المرة سوف نطبع البوست ونعمل ليه ملف للمذاكرة...
10-13-2019, 00:52 AM
ترهاقا
ترهاقا
تاريخ التسجيل: 07-04-2003
مجموع المشاركات: 8422
ترهاقا حتى ولو تعلق باستار الكعبة دي وصينا بيها وزيرة الشباب والرياضة عشان ما تخلي الارهابي المتاجر بالدين عبد الحي حتى ولو ذهب الى مكة وتعلق باستار الكعبة ،، لكن كوستاوي حنلح ونلح معاهو عشان يشرح لينا بالتفصيل الممل هذه التكنلوجيا الصعبة والما بتتهضم ... وقرات في بوست سابق من عضو في المنبر ويقول انك موسيقار مشهور يشار اليك بالبنان ،،،وبالمناسبة انا عندي هواية في الموسيقى وبعزف على الات كثيرة ولكن متخصصة ساكسفون ....
10-13-2019, 03:23 AM
ترهاقا
ترهاقا
تاريخ التسجيل: 07-04-2003
مجموع المشاركات: 8422
Quote: وقرات في بوست سابق من عضو في المنبر ويقول انك موسيقار مشهور يشار اليك بالبنان ،،،وبالمناسبة انا عندي هواية في الموسيقى وبعزف على الات كثيرة ولكن متخصصة ساكسفون ..
الاستاذة امتثال كيف حالك؟ الساكسفون من الآلات الجميلة المعبرة ، وبحب استمع للآلة دي كصولو، أما عن شخصي الضعيف ، فأنا خريج معهد الموسيقى آنذاك وقضيت معظم وقتي عازفا مع الراحل المقيم محمد وردي كعازف كيبورد في السودان وحتى في كاليفورنيا ، وعندنا حفلات مشهورة في اليمن وبالتحديد في عدن والكويت وليبيا وقطر والسعودية وواشنطن ونيويورك واريزونا وشيكاقو وايضا تعاملت مع الصديقين العزيزين جدا الكابلي وأبوعركي والمرحوم ابن البادية ، ولمن كنت في مدرسة عطبرة الثانوية عزفت مع القامة المرحوم حسن خليفة العطبراوي وكان زي ولي أمري وكنت في عمر إبنه خليفة حسن خليفة اما الآن ، فأنا قاعد في مدينة كل أفراد السودانيين تقريبا خمسة عوائل عزيزة ، وأنا الآن زي شبه بعيد موسيقيا من الزملاء الخريجين وربنا يجمعنا بيهم في وطنا الحبيب السودان
10-13-2019, 04:10 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
وانا اقول البت دي فيها حاجة .. اتاريك ما هينة .. بتتعاملي مع (20) فتحة ومجموعة مفاتيحها بى ستة اصابع بس ؟ الساكس دا عجيب .. (2 ونص اوكتاف) زائد مفتاحين (تعلية وتخفيض) الاوكتاف دا غير النفخ عموما مع اندهاشنا وتقديرنا واعجابنا الشديد بالموهبة الصاعدة .. وفعلا حاجة تفرح الزول مع دا برضو نناشد الاخوة الاعضاء الاعزاء انه ما يوروها تنزيل الفيديو خاصة كوستاوي وعامة جميع الاعضاء حلفتكم
احمد ياسين أظنك متخرج من معهد الموسيقى...والموسيقى لغة عالمية ...لا يحتاج الفرد فيها إلى مترجم ...ولولا الموسيقى لانفجرت شرايينا من ضغوط الحياة الصعبة ، ومن أحوال السياسة المايلة في وطنا الحبيب ...والموسيقى تهدئ نفوسنا .... وبعدين عندك غلطة مطبعية في السطر الرابع قبل الأخير..في "ما" زائدة...اشطبها ... اما كوستاوي فهو رجل هميم و very helpful و اكيد حيساعد..
10-13-2019, 05:00 PM
عمر سعيد علي
عمر سعيد علي
تاريخ التسجيل: 08-20-2015
مجموع المشاركات: 885
Quote: وقضيت معظم وقتي عازفا مع الراحل المقيم محمد وردي كعازف كيبورد في السودان وحتى في كاليفورنيا ، وعندنا حفلات مشهورة في اليمن وبالتحديد في عدن والكويت وليبيا وقطر والسعوديةوواشنطن ونيويورك واريزونا وشيكاقووايضا تعاملت مع الصديقين العزيزين جدا الكابلي وأبوعركي والمرحوم ابن البادية ، ولمن كنت في مدرسة عطبرة الثانوية عزفت مع القامة المرحوم حسن خليفة العطبراوي وكان زي ولي أمري
العزيز ترهاقا . .كان كده نحن قاعدين مع ناس ما هينين . . ياخي وردي ده بتكون قاعد مستمع في حفلتو وانت خايف انك تكون قاعد غلط خلي بتعزف معاه . . بعدين العزف ع وردي ومحمد الامين ده يخيل لي زي البتلعب في الهلال و المريخ . .
تحية للاخت امتثال ونحن برضو عايزين نعرف طريقة انزال الصور والفيديوهات . .
عمر سعيد والله زي ما قلت نحن قاعدين مع ناس ما هينين ...زول عزف مع وردي وود الأمين، قامتي الفن في السودان ، اكيد زول ما ساهل ...واكيد وردي ومحمد الأمين ما ممكن يخلوا عازف ما متمكن من شغله يعزف معاهم ....لكن قولك أنه الواحد حتى بيخاف يقعد غلط في حضرة وردي...اوسكار ..اوسكار ... اها ونقول لخبراء التكنلوجيا ونقول لي كوستاوي ما براي العاوزة مساعدة ..معاي عمر سعيد ..يلا همتكم ....
امتثال لك ولضيوفك كل الود وهو انت فاكرة ان العم كوستاوى هو البنزل الفيديوهات والصور ياستى عمك كوستاى بالكتير يشغل الكمرا ويخليها تصور وبعداك يجى يكره بنياتو الشاطرات واحدة للمنتاج والتانية لرفع الصور وكان شفتى الكواريك غيرى وبدلى ما عامل فيها مخرج هسى ربنا ريحهن الدكتور منعو من التصوير النظر خلاص باقى فيهو خط واحد
صلاح زبير شكرا كتير على اللنك ... المهم دربنا من هنا لي ستاربكس عشان نقعد مع القهوة والفرابتشينو ونجرب اللنك ...واذا فشلنا أو وجدناه معقد نديك خبر ...عشان تدينا واحد اسهل ..واذا نجحنا حنطبق النظرية هنا في البوست ..
10-13-2019, 08:56 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
اولاُ : الدخول الى اى موقع لتحميل الصور برابط مباشر وبدون تسجيل مثال موقع : ( مركز تحميل الصور, تحميل الصور, مركز تحميل صور) .
بعد الدخول الى الموقع قم بالضغط على : Browse واختر الصورة المراد نقلها من الجهاز ثم اضغط Open ثم اضغط على : رفع الملفات اضغط على رابط الصورة المباشر وانسخ الرابط تعال المنتدى " اضغط على ايقونة : اضف صورة فى مربع المشاركات قم بمسح المكتوب فى المستطيل وبعد داك قم بلصق ما تم نسخه . ثم اضغط على ايقونة : شاهده قبل نشره .. بعد المعاينة والتأكد اضغط : اضف رد -------------------- بالنسبة لصور الجوال لا بد من وجود وصلة يو اس بى لربط الجوال بالاب توب بعد انزال الصور فى الجهاز قم باجراء ما تم ذكره سابقا وبالنسبة لفيدو الجوال لا بد وان يكون لديك قناة فى اليوتيوب او اى موقع رفع فيديوهات ومشاهدتها لرفع الفيديو الى القناة من اللاب توب بعد انزال الفيديو من الجوال اليه . --------------- تحميل الفيديو من الانترنت الى سودانيز :
شغل الفيديو تعال فى منتصف الفيديو اضغط زر الماوس الايمن ثم اضغط Copy embed code كما هو واضح هنا فى هذه الصورة :
بعد نسخ عنوان الفيديو تعال الى مربع المشاركات فى سودانيز واضغط على لصق Paste ثم اضغط على شاهده قبل نشره وبعد التأكد اضف رد .
10-13-2019, 11:15 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: وبالنسبة لفيدو الجوال لا بد وان يكون لديك قناة فى اليوتيوب او اى موقع رفع فيديوهات ومشاهدتها لرفع الفيديو الى القناة من اللاب توب بعد انزال الفيديو من الجوال اليه .
أو :بعد انزال الفيديو من الجوال الى اللاب توب يمكن :انزال الفيديو الى صفحة الفيس بوك ب :- اضغط على ايقونة صورة / فيديو وقم بانزال الفيديو الى الفيس بوك ..
وبعد تحميل الفيديو الى الفيس بوك نقوم بتحميل الفيديو الى سودانيز :
- الضغط على اعلى المشاركة يسار على الثلاث نقاط كما هو واضح فى الصورة :
ثم اضغط على تضمين كما هو واضح فى الصورة :
قم بلصق ما تم نسخه فى تضمين فى المشاركة فى سودانيز ( حسب ما تم شرحه فى المشاركة السابقة )
10-15-2019, 08:28 AM
Mannan
Mannan
تاريخ التسجيل: 05-29-2002
مجموع المشاركات: 6701
Quote: في بوست لي اخونا الغائب ملهم كردفان ربنا يطراهو بالخير خليني افتشو ليك فيهو شرح وافي لما تطلبين واكتر ... معليش يا امتثال اللعيبة الكبار عملو رايحين ...
و كتها اخونا ملهم كردفان اجتهد اجتهاد كبير في المسألة دي في متغيرات حصلت في مسألة ادراج الفيديوهات و الملفات الصوتية لكن الاساسيات موجودة في بعض الاخوان هنا متمكنين في مسألة شرح المسائل الفنية دي و ياريت اخونا الباشمهندس بكري ابو بكر كل فترة يكلف واحد يفتح بوست للشرح فتح النوع دا من البوستات ما ساهل بحتاج وكت كبير لكن المردود بكون اكبر للأعضاء الجدد و القدامى
10-14-2019, 08:30 AM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
جاياكم برواقة لأنه يبدو أن تطبيقاتكم دي بتتطبق فقط في اللاب توب وليس في الجوال ...وبعد أن اجرب التطبيقات في اللاب توب ،نشوف الصعوبات وين .... ولكم الشكر والامتنان والتقدير ... وكل ثورة وانتم بخير
10-14-2019, 03:25 PM
عمر التاج
عمر التاج
تاريخ التسجيل: 02-08-2008
مجموع المشاركات: 3422
تحياتي امتثال وضيوفها ، بكري أبوبكر مهندس برمجة مقتدر و مصمم شاطر يخلط في منبره أدوات الكثير من البرمجيات من أجل تطوير الموقع وتعزيز أمنيته ، و لذلك نجد بعض أكواد لغات البرمجة والتصميم مثل HTML و وجافا سكريبت و ASP لا تعمل في المنبر مباشرة ولذا كان من الأفضل اللجوء للأكواد التي خصصها للمنبر والموجودة في اخر ايقونة في صفحة المداخلة .. استخدام الأكواد سهل جدا في حالة ارفاق أي ملف (فيديو، صوتي، صورة، نص ..الخ) من خلال وضع عنوان الملف في مكان العنوان مباشرة، ويسهل ذلك في حالة استخدام اللابتوب أو الموبايل .. في السابق كان الموقع يتضيف الصور والملفات الصوتية في مكتبات خاصة ولكن نسبة لما تأخذه من مساحة ذاكرة ترك بكري الفرصة للاعضاء لرفعها على المواقع المجانية المتخصصة المتوفرة بالمئات لاستضافة الفيديوهات والصور والملفات الصوتية ، وأصبحت هذه الملفات تمنح ضيوفها ومشتركيها عناوين ملفاتهم واكواد منتدياتهم بكل سهولة .
الكنداكة امتثال كيفك ما شاء الله بوستات أوسكار الايام دي عيني باردة.. و الله موضوع رفع الفيديوهات ده لازمني من زمان... كويس انك كتبتيه...بس خلينا ارتاح شوية كدي و اجي اجضموا ليك.. الشكر ليك و لكل من ساهم في الموضوع ده. بالله ما تنسي تحياتنا الحارة لي بت السيد.
10-14-2019, 03:44 PM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
نقل الصور من الفيس أو الفيديوهات من اليوتيوب من الجوال يتطلب فتح الفيس من خلال متصفح زي قوقل كروم مثلا و فتح اليوتيوب ايضا من خلال متصفح و ليس من خلال ابليكشن و لكن برضو في صعوبة في المنبر تحديدا.
مثلا نقل فيديو أو صورة من الفيس للمنبر في ... 3 نقاط في الركن الاعلي الايمن تضغطي عليها
بيظهر خيارات من بينهاEmbed
تضغطي علي خيار Embed
ممكن تظللي المستطيل البتظهر في بدايته iframe > وتعملي كوبي و تجي تلصقي في مداخلتك في المنبر
في حالة الفيديو فيهو تعليق و ما عايزه التعليق يظهر مع الفيديو...تضغطي Advanced Settings المشار لها بالسهم و بتفتح معاك و فيها Check Box وفيهو Include full post [؟] لو عايزة البوست كامل تعملي check box او العكس ثم تضغطي Get Code
بتظهر صفحة الاكواد تختار في الاعلى IFRAME
ظللي الكود المشار بالسهم و تجي تلصقى في بوست المنبر
... .. .
10-14-2019, 04:00 PM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
رفع الفيديوهات و الصور من مواقع زي مثلا https://www.4shared.com. بعد التسجيل في الموقع ..البداية برفع الافلام و الصور من الجهاز بتضغط على upload لتحميل اي ملف
بعد التحميل ...اسفل الصورة أو الفيديو أو اي ملف مراد نقله للمنبر تظهر اسفل المادة المراد نقلها 👇
بيظهر ليك الصندوق دا👇 و تضغطي More Options
تظللي الكود اسفل HTML Code مباشرة وتعملى كوبي و الصاق في بوست المنبر
... .. .
10-14-2019, 04:15 PM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
اضافه لكلام ناصر بالنسبه لعمليه التضمين من الفيس او يوتيوب احيانا فى متصفحات بتجد صعوبه فى التضمين اعتقد العمليه سهله فى انترنت اكسبلورار ---------- انا برضو عندى استسفار صعوبه التضمين من تويتر عندها حل ؟؟؟
10-14-2019, 04:41 PM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
الحل اسكرين شوت وترفع للمنبر. بالنسبة للمتصفحات زي غوغل كروم ممكن تشتغل و تقبل التضمبن و هسي شغال بيهو ...بس في اجراء بتعملوا ..
الشورت كت بتاع قوقل في سطح المكتب كلبك يمين و تمشي Properties يفتح معالك صندوق فيهو تاب اسمو Shortcut اول خانة فيهو اسمها Target بيظهر الخانة و فيها الاتي C:\Program Files (x86)\Google\Chrome\Application\chrome.exe تضيف الكود -disable-xss-auditor ويصبح كالاتي: :For 64-bit Chrome "C:\Program Files\Google\Chrome\Application\chrome.exe" -disable-xss-auditor"
:For 32-bit Chrome "C:\Program Files (x86)\Google\Chrome\Application\chrome.exe" -disable-xss-auditor" ودا لعلاج المشكلة البتظهر لمن عايز تعمل "مشاهدة قبل النشر" بتظهر صفحة فيها : "This page isn't working
(عدل بواسطة Nasser Amin on 10-14-2019, 05:18 PM) (عدل بواسطة Nasser Amin on 10-15-2019, 10:38 AM)
10-15-2019, 02:31 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: انا برضو عندى استسفار صعوبه التضمين من تويتر عندها حل ؟؟؟
تحياتى الاخوين عاصم و ناصر
بالنسبة لى تحميل المواضيع والصور من تويتر في غاية البساطة و انا بستخدم دائماُ
برنامج تصوير الشاشة : Screenshot من اى متصفح قوقل كروم - فايرفوكس او اكسبلورر وطبعاُ في ويندوز 10 تصوير الشاشة مدمج مع الويندوز واسمو Snip وطبعاُ كل متصفح له ميّزة تختلف عن الأخرى وفى الامن والسلامة شخصياُ افضل فايرفوكس على غيرها
وطبعاُ تصوير الشاشة في المتصفحات الثلاثة يتم تثبيته بالذهاب الى Add-Ons
مثلا في الفايرفوكس :
انقر على زر القائمة في اعلى المتصفح يمين كما في الصورة :
10-15-2019, 02:43 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
الشكر والتقدير والامتنان لكل المرور وهؤلاء الذين شرحوا كيفية نقل الفيديوهات والصور إلى المنبر العام ...وبدات المذاكرة ومحاولة التطبيقات في اللاب توب ...لان كلامكم ده كله مستحيل ينطبق على الجوال..وتذكرت أن علاء بيقول لا بد من وصلة USB ...وبعد أن اتحصل على الوصلة نجرب من الجوال..لكن حتى الآن ما في أي نجاح ..وسالت الزميلات هنا القى الوصلة دي وين قالن ما في الا في wall mart ...وقالت واحدة منهن أنه ما في wall mart الا في مكان بعيد اسمه white plain .....المهم بعد القهوة نرد على منان ...
عزيزنا الفاضل والراكز منان اولا نقدر وقوفك الصلب ومواقفك الراكزة ضد نظام اللصوص والحرامية حتى هوى النظام كاعجاز نصل خاوية ...حيث كان كبيرهم هبل يتبجح ويقول ، البيقدر يقلعنا بالقوة يجي يقلعنا ...ولكن قلعهم الشعب بدون قوة ولكن بسلام وإرادة صلبة وتحت شعار سلمية ..سلمية ..وحرية وسلام وعدالة ، وهم الذين كانوا لا يعرفون الحرية ولا السلام ولا العدالة ولكن يعرفون فقط القهر وسفك الدماء ونهب وسرقة المال العام ، مال الشعب ... اها نجي لحكاية الموسيقار دي ..انا ما موسيقار ولا حاجة ولكن هاوية موسيقى ولكن تعلمت العزف على الساكسفون واحب العزف والموسيقى ..وبعدين حكاية انزل أي عمل لي في المنبر..انت براك شايف تعقيدات انزال الصور والفيديوهات كيف!!، وارجع لفوق واقرأ الشروحات المعقدة دي كيف....وبعدين انت تخلى جهابذة الموسيقى العزفوا مع عمالقة الفن وردي وود الأمين، زي ترهاقا ،،و تجي تطلب منى انا المسكينة الهاوية ....لكن طلباتك أوامر..بس خلينا نتعلم تكنلوجيا الفيديوهات والصور ... وبعدين هل ترهاقا هو الفنان عبد الهادي الذي كان العزف مع وردي لاني متذكرة مرة حضرنا ليه حفل غنائى... مع اطيب تحياتنا ....
10-16-2019, 07:34 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
مجهود جبار ومقدر من الاخوين علاء سيداحمد و ناصر امين يستحقوا عليه جائزة نوبل بالتساوى في الفيزياء صراحة من هسي على الاتية اسمائهم الاستعانة باستاذ كرسي بدرجة بروفسور في اللوغرثمات اول واحد طبعا التربال. علي عبدالوهاب عثمان الموسيقار. احمد ساطور. الشهير ب ترهاقا الاستلذ مخمد عبدالله الحسين الباحث في التراث بابكر قدور عازفة الساكس (الالطو) امتثال عبدالله..طبعا راسها جاط زيادة و عمر التاج قال استعينوا بحساب مثلثات بكري الاسمها قتا ..جتا ..ظتا ..ظا و واحد على الجزر التكعيبي ل: قا قتا ظا ظتا -١ واطلق عليها ( اكواد) مجازا.... والله انا شايف انه نحن نستعين بالصبر والصلاة
10-16-2019, 08:26 AM
عبدالله ود البوش
عبدالله ود البوش
تاريخ التسجيل: 08-12-2009
مجموع المشاركات: 6700
يا امتثال بتي عايني لي جاي وقبل كل شي سلام عليك وعلي خيتاك اميرة وبسمات ان شاء الله طيبين وجركم ملان عجين كلام المختص لا يفهمه الا مختصا اها اخوانا ناس علاء سيد احمد وناصر امين ديل مختصصين شديد خلاص وانتي وناس عبدالله الحسن ديل دايرين ليكم قرفة بصلة تسوا بيها ملاح لوبا وتشوفوا مشهادكم اها هاكم ليها الفيديو من اليوتيوب أولا بالتبادي افتحي اليوتيوب واختاري أي اغنية مثلا ابوعبيدة حسن اغنية والله ما رضيناها ليك واهديها لي انا دا خلي الاغنية شغالة ما بخساك بيها واعملي كلك يمين تنسدل لك قايمة اختاري منها copy embed code دوسي عليها دوسة خفيفة حلو ؟ وتعالي للمنبر زي كانك عايزة تعملي رد على البوست بفتح معاك المستطيل البكتب فيهو انا دلوكتي وانا مسميهو الدلجة في نص الدلجة دي سوي كلك يمين وpaste كدا خلاص ملاح لوبتك قضا نادي الشفع وابوهم ياكلوهو بالهنا وكان لقيت فرقة في الزمن الكعب دا بجي صادي اوريك الصورة في امان الله
10-16-2019, 08:42 AM
عمر سعيد علي
عمر سعيد علي
تاريخ التسجيل: 08-20-2015
مجموع المشاركات: 885
😂 جداد قحت دا بودي الكوشة سلام عليكم في موضوع iframe ودا بيسهل نقل الدراسات وملفات PDF و المواقع للمنبر مع خاصية scroll down الكود رقم 1 يعرض موقع البي بي سي و رقم 2 لملف PDF ويمكن التحكم في الطول و العرض بتغيير الارقام ليناسب البوست. حقو الناس تجرّب
عبد الله ود البوش ،ذكرتني بالبوست الروعة الكتبتو زمان أميرة بت السيد بعنوان : "ود ابو سن ، ود البوش ، ود شيقوق، ود المنسي :انتو ناس سمحين"". في البوست داك متذكرة ان ود ابو سن قال عنكم :ود البوش ود المنسي وود شيقوق، ناس سودانيين جد ..وإخوان بنات وإخوان رجال، ..وقالوا في الأمثال:اخوك كان كتلك بجرك للضل"".والطيب شيقوق قال:"عندما سئل البروفيسور عبد الله الطيب عن مواطن اللغة العربية رد قائلا: في القرآن الكريم وفي البادية، ،وانت كلامك هنا ياهو كلام البادية الواضح السمح و المفهوم....وشرحك واضح ...لكن النقطة الشرحتها دي هي النقطة الوحيدة الفهمتها من شروح الإخوان الأعزاء الذين مروا بالبوست ..وهسه بحاول افهم نقل الصور والفيديوهات من الانترنت ومن الجوال إلى المنبر العام...وهذا أصعب شئ ومحتاجة ادخل فصل تقوية في علوم التكنلوجيا والكمبيوتر ...وضروري في نيويورك عاصمة العالم في معاهد تقوية في العلوم دي..وبالمناسبة المسنوحة بسمات طابعة بوست بت السيد ..وبتتعلم منه كلام البادية الكتبوها المارين بالبوست ومنهم ابو سنينة، وود عبيد .. .وشكرا ليك ما قصرت...ياخيي ... وكل ثورة وانت بخير ....
Quote: اول واحد طبعا التربال. علي عبدالوهاب عثمان الموسيقار. احمد ساطور. الشهير ب ترهاقا الاستلذ مخمد عبدالله الحسين الباحث في التراث بابكر قدور
والله يا استاذ أحمد ياسين عزّلتنا جنس عزييل انا ومعاي ناس الكاشف دييل ناس خرمجة في التكنلوجيا تغيير صورة البروفايل اللي جابو اخونا ملهم ما اظن موجود حسع
شكرا يا امتثال ايه رايك وراي اهل المنبر نديك لقب اوسكار فاظنك انت التي ابتدعتي هذا التعليق في المنبر وصار في افواه بعض الاعضاء المهم دخلت عشان اقول ليك شكرا لاني قدرت ارفع صورة الكنزي في البروفايل بس ما تسأليني عملتها كيف ؟ والله اظن لو قالو لي اعيد التجربة ما اظن انجح بس تابعت الارشادات بتحميل صورتي في M9C ,ونقلت عنوان الينك في البروفايل حقى ولم تظهر الصورة فورا ولكنها ظهرت بعد ايام اظنها كانت في طور الشرنقة شكرا ليك ولكل متداخل شرح او نصح
10-17-2019, 02:37 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
بالله بس رايك شنو في الصورة دي ؟ ما ابداع؟ لسا شباب مش؟ عارف القميص دا اسا مباريني من زمن طويل والله ممكن يكون اكبر سنا من صاحبة الطرح وكدا علي الكنزي ما بكون شخصبة مجهولة الهوية كل البيانات منزلة
10-17-2019, 03:41 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: بالله بس رايك شنو في الصورة دي ؟ ما ابداع؟ لسا شباب مش؟
شوف يا شيخ علي....اديك راي زول خبير موسيقى تصويرية.. يعني لمن تشاهد عمل درامي فيلم ...مسلسل .. ..تمثيلية ..... اللقطات التعبيرية كلها مرتبطة بالموسيقى والمؤثرات الصوتية دي صراحة صورتك لقطة .....وجميلة جدا جدا ازيدك ....وبكل صدق وامانة واحساس صورتك دي ادتك ( بعدا ثالثا)
10-17-2019, 04:19 PM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9253
Quote: شوف يا شيخ علي....اديك راي زول خبير موسيقى تصويرية.. يعني لمن تشاهد عمل درامي فيلم ...مسلسل .. ..تمثيلية ..... اللقطات التعبيرية كلها مرتبطة بالموسيقى والمؤثرات الصوتية دي صراحة صورتك لقطة .....وجميلة جدا جدا ازيدك ....وبكل صدق وامانة واحساس صورتك دي ادتك ( بعدا ثالثا)
يا زول البعد الثالث دي ذاتا اطاحت باوسكار امتثال يالله صفقو كلكم لك ممتن وشاكر عارف بنتي جات قبل ايام من جنيف وقالت لي والله يا ابوي منور صحة ما شاء الله وبهذه المناسبة دعني ادعو لامي التي علمتني ان احمل قلبا ابيضا اللهم ارحمها وتب عليها وحرم جسدها على النار وادخلها الجنة مع الابرار في غرفتها لا توجد صورة بالحائط غير صورة (ابوعلوة) شفت البعد الثالث دا ودانا وين ؟ اكرر شكري
10-17-2019, 10:45 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: صراحة من هسي على الاتية اسمائهم الاستعانة باستاذ كرسي بدرجة بروفسور في اللوغرثمات اول واحد طبعا التربال. علي عبدالوهاب عثمان الموسيقار. احمد ساطور. الشهير ب ترهاقا الاستلذ مخمد عبدالله الحسين الباحث في التراث بابكر قدور عازفة الساكس (الالطو) امتثال عبدالله..طبعا راسها جاط زيادة و عمر التاج قال استعينوا بحساب مثلثات بكري الاسمها قتا ..جتا ..ظتا ..ظا و واحد على الجزر التكعيبي ل: قا قتا ظا ظتا -١ واطلق عليها ( اكواد) مجازا.... والله انا شايف انه نحن نستعين بالصبر والصلاة
*************************************************************************** زي ما قال اخونا ترهاقا... و أنا عن نفسي بعترف إنه ما عندي في الفنيات دي و لا عندي ليها روح... لكن التانين ما بعرفهم ..يلا كل واحد منهم يعترف أو يقدم اعتراض مشفوع بالأدلة. و هسه كلامك الفوق ده حاولت أتصبر شوية و أفهمه...في الأول مشيت كويس و تاني الموضوع كبسا كبسا...
تراكا يا علي الكنزي انتصرت وقدرت تنزل صورتك في البروفايل ...اظن عندك صبر شديد ... أما نحن وزي ما وصانا أحمد ياسين بنستعين بالصبر والصلاة حتى نلحق مرحلتك الوصلت لينا دي وبقيت تنزل الصور في البروفايل ..وبعد كده امشي للمراحل الثانية التنزيل في مربع الردود في المنبر....
10-19-2019, 05:31 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
تعرفي يا امتثال احسن حاجة اعملها اني ابعد من بوستك دا قدر الفهم الفاهمو بعد دخلت بوستك دا الفهم طار انا ما ناقص جوطة راس احسن نبقى عشرة على الكتابة و كوبي بيست و بس و لو الله قدر عايز فيديو صورة اي حاجة احسن استعين ب صديق
10-19-2019, 10:35 AM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9253
Quote: تراكا يا علي الكنزي انتصرت وقدرت تنزل صورتك في البروفايل
وانت تضيف قائلاً:
Quote: اتاريه ..كان بذاكر من وراكم
بصراحة كدا جاءتني الفكرة ان اطرح بوست بطلب المساعدة لرفع الصورة وكنتُ متردد في فتور الاجابة وعملتا نايم فطلب امتثال التي لا يرد لها طلب جاني وقيعة في الصقيعة استجابة لدعوة امي
ولبدت ليك وابيت ادخل في طرح امتثال واعبر عن رغبتي خوفا من ان يحجم المتدااخلون من اعطاء المعلومة وفضلت لابد واطبق في النصائح والمساعدة ولم تجد فتيلا وقمت صهينت عن الموضوع لأنني اعتبرت نفسي فاشلا، فبعد يومين تفاجئني صورتي في المنبر وافرح فرحا عظيما بالنصر المبين وكمان انت رفعتا معنوياتي للسماء ومنتظر الموسيقى التصورية التي ترافق الصورة حتى يتم الابداع
10-19-2019, 12:14 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
شيخ على ..بالمناسبة انت زول حلو وكريم اصل ضحكت حتى انتفخت اوداجي من لبدتك ومحاولاتك اليائسة والمستميتة والمتكررة من اجل رفع صورة بروفايلك ونجاحك بالصدفة رب ..رمية من غير رام. وانا من هذا المنطلق اعلن عن رصد جائزة قيمة للاتية اسمائهم في حال قام احدهم برفع صورته مثلما فعل على الكنزي مصادفة وبعد تلاتة ايام فوحىء بصورته وهو للان غير مصدق ولا يعلم ان بكري اب صلعة لقى ثقل في الباندوث وعرف مصدرها وحن قلبه وكاد ان يبكي ..فقام بوضع صورتك الهايف عليها. ..هم: علي عبدالوهاب عثمان...التربال من اقاصي الدنيا ترهاقا...استاذنا وملهمنا..هو الوتر السابع محمدعبدالله الحسين....الاستاذ والاديب امتثال عبدالله الشهيرة ب امتثال اوسكار والبقية تاتي
عماد الدين ما في صديق يساعدك، الزمن ده زمن صعب ، زي يوم القيامة كل زول بيقول نفسي، ،نفسي ..ولازم تعتمد على نفسك وتتعلم التكنلوجيا المعقدة دي.. وخليك زي علي الكنزي، ،صابر ومصطبر وكان بيذاكر من ورانا لغاية ما نجح ...والحاجة الغريبة بسمات بت عطبرة اتعلمت نقل الصور ،،وقالت ساعدوها في التعلم أهل عطبرة في المنبر نفس الشهامة والمروءة ..وهسه نست كل شئ حتى ابسط شئ وهو النقل من اليوتيوب ما بتقدر عليه .... المهم انا عملت محاولة باللاتوب لنقل الصورة البروفايل وانتظر الثلاثة ايام بتاعة على الكنزي..واذا الصورة نزلت ..نكون نجحنا وتعلمنا ..والا ...نرجع المذاكرة تاني ..وانا صبورة وما بخلي الموضوع ده الا اكون خبرة واساعد ناس كوستاوي اذا احتاجوا لمساعدة....البوست مستمر إلى حين ذاك الوقت...واحسبه قريبا وانتم ترونه بعيدا ...
10-19-2019, 01:14 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: عماد الدين ما في صديق يساعدك، الزمن ده زمن صعب ، زي يوم القيامة كل زول بيقول نفسي، ،نفسي ..ولازم تعتمد على نفسك وتتعلم التكنلوجيا المعقدة دي
يا اخي دي اسهل من موية الماسورة ولسا في اصدقاء اوفياء بس جربيهم مثلا عمك علي الكنزي رسلي ليهو تذكرة RETURN TICKET مع فيزا شوفي كان ما اجيك واوريك كيف بنزلو الصورة جربي كان ما مصدقة؟ بالله ما كلام يا احمد ياسين منطق مقنع جدا جدا وادي طلبنا دفرة بالله
10-19-2019, 01:48 PM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
Quote: المهم انا عملت محاولة باللاتوب لنقل الصورة البروفايل وانتظر الثلاثة ايام بتاعة على الكنزي..واذا الصورة نزلت ..نكون نجحنا وتعلمنا ..والا ... نرجع المذاكرة تاني ..وانا صبورة وما بخلي الموضوع ده الا اكون خبرة واساعد ناس كوستاوي اذا احتاجوا لمساعدة....البوست مستمر إلى حين ذاك الوقت... واحسبه قريبا وانتم ترونه بعيدا ...
سلام امتثال في طريقة سهلة لانزال صورة في البروفايل و من اي موقع الفيس , قوقل الخ... تضغطي على الصورة العايزاها و تعملي كليك يمين بتجيك خيارات من ضمنها Copy image address تضغطي على الخيار دا و تجي المنبر تفتحي اليروفايل حقك و تمشي لخانة "صورتي" وفي المربع الجنبو مكتوب Select an image تعملي Paste و تضغطي Change Profile
علي الكنزي اذا كان على ال return ticket ...فدي ساهلة ما دام ما ذهاب واياب ، وبقت على الاياب فقط ... لكن المشكلة في الفيزا...لأنك ما بتقدر تحصل على الفيزا الا عام ٢٠٢٠ م بعد أن يترك طرمبة مقعد الرئاسة ....بعد الانتخابات لأنه مستحيل يفوز تاني..وبعد أن يتولى الديمقراطيون الإدارة الأمريكية ويسمحوا للسودانيين الحصول على الفيزا دون تعقيدات....
ناصر أمين جربنا التجربة دي مرات كثيرة ولكن بنلقى اللنك مكتوب زي ماهو وبدون أي صورة ونضطر نمسح ....لكن جربنا أخيرا ما أشار إليه علاء وفي انتظار الثلاثة ايام ..ونشوف اذا الصورة نزلت ....والا عدنا للمذاكرة والتجارب....وبعد ذلك دروس التقوية في المعاهد المتخصصة ...
10-26-2019, 09:24 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
الاستاذة اوسكار امتثال اراك تردين على اقتراحي قائلة:
Quote: علي الكنزي اذا كان على ال return ticket ...فدي ساهلة ما دام ما ذهاب واياب ، وبقت على الاياب فقط ... لكن المشكلة في الفيزا...لأنك ما بتقدر تحصل على الفيزا الا عام ٢٠٢٠ م بعد أن يترك طرمبة مقعد الرئاسة ....بعد الانتخابات لأنه مستحيل يفوز تاني..وبعد أن يتولى الديمقراطيون الإدارة الأمريكية ويسمحوا للسودانيين الحصول على الفيزا دون تعقيدات....
طيب الفيزا والرتيرن تكت على تعالي الشوال وجبي اللاب توب بتاعك في قريتنا الشوال شوفي كان ما انزل ليك الصور العايزاها بس اتذكرت خسارة الريف ما فيهو نت عشان كد برضو انتظري سنة سنتين لمن يصل النت القرى وهي الاكثر حوجة لذلك الاخ احمد يس برجع اليك بكرة ان شاء الله الحمدلله ضحكتك وما زعلتك اكثر المتداخلين منفوخين من الكنزي مع انو الغنامية تاكل عشاهو غنسان طيبان زي امو
10-28-2019, 06:48 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11826
محمد الشيخ انت نفسك بيقوم لمن تنفخ لان نفسك قصير ...والظاهر عليك كسلان وما بتمشي نص ساعة في اليوم على سبيل الرياضة وتلقاك راكب عربيتك ٢٥ ساعة ، حتى ولو مشوار نص كيلومتر جاري على العربية.....عليك برياضة المشي نص ساعة في اليوم ، وبعد داك مش بس تنفخ في الساكسفون ولكن في البوق الكان يستعملوه التتار في الحروب.....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة