|
|
|
 Re: استفتاء: ماذا يعني لكم عدم رجوع صاحب الپوس (Re: النذير حجازي)
|
سلام
لك الحق في الفعل( ترد أو لا ترد على من يشاركك في بوستاتك.. ايميلك.. واتس.. ايمو.. فيس.. تلفون عادي.. الخ...) ولغيرك الحق في رد الفعل. ( يتقبل عدم ردك.. يسحب مشاركته لك... يحظرك.. الخ) عني ارد على كل من يشاركني ويتداخل معي ويتصل بي حتى البوليس تصدق برجع بتصل بيهم... اخر رد فعل لي سمعت خبر وفاة شخص لاحد الناس وليس مقرب.. ارسلت رساله بالواتس اعزيه واسأله عنوانه والوقت المناسب...استلم الرساله.. انتظرك كم يوم. لم يرد.. حظرته ومسحت تلفونه.. كسر الخاطر ما جميل..
| |
 
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: عمر نملة)
|
النذير سلام . .
في تقديري البوستات الاخبارية (نقل خبر من صحيفة او ما شابه) لا تحتاج للرجوع من صاحب الموضوع . .
وفي بوستات صاحب البوست ما بكون عندو رأي قاطع فيه فقط بكون عايز يستشير او يعرف آراء الناس في موضوع محدد وده ممكن يرجع للشكر لمن استجاب للدعوة وادلى بدلوه . .
وفي بوستات صاحب البوست بكون بيتبنى وجهة نظر محددة وده لازم وحتماً يرجع عشان يرد على المخالفين او حتى المتفقين معاه . .
الحاجة البايخة في ناس بيرجعو للبوست اذا تداخل معهم ناس معينين ويتجاهلو البقية - مافي داعي لذكر امثلة - ربما هم يرونهم مميزين من الواجب الرد عليهم دون الآخرين . .
| |
|
|
|
|
|
|
|
|
 Re: استفتاء: ماذا يعني لكم عدم رجوع صاحب الپوس (Re: عمر سعيد علي)
|
سلام عليكم النذير وضيوفو
اتفق نع الاخ عمر وادسك مثال بوست وقوف مجلس الوزراء مه وزيره الشباب فى قضيتها مع عبدالحى .نقلت الخبر وعند موقف معين مؤيد وتداخلت مره واحده ردا على الاخ ودالبشرى لكن المداخلات وتطور النقاش ووزن المتداهلين خلانى اتابع واستفبد من التقاش بس
| |
|
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: النذير حجازي)
|
سلام يا باش م النذير و ضيوفك الكرام
كيف الأحوال؟ و منور المنبر
الغائب عذره معاه، لذلك لا يزعجني ان لايرد صاحب البوست،
أما إذا وجهت سؤال لشخص محدد و لم يرد فبرضو عذره معاه.
لكن بصراحة احيانا الردود ( الطريفة أو القيمة) بيكون ليها
وقع جميل على نفوس المتداخلين، خاصةً لو صاحب البوست
شخص يقدره و يحترمه كل الأعضاء.
| |
|
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: نعمات عماد)
|
السلام عليكم يا نذير ..
عن نفسي أقدر ظروف الناس وأحترم رغبة الزميل في الرد أو عدمه سواء أكان صاحب البوست أو مجرد مشترك فيه
بعض البوستات تكتب لنقل خبر أو توصيل رسالة وفي هذه لا أجد ضرورة للرد على كل النقاشات أو الأسئلة
وبعض البوستات تكون بغرض المناقشة وهنا من الأفضل أن يمر صاحب البوست على تعليقات الاخرين ولو بعد حين
وان كان لا يستطيع أن يعلق على المداخلة أو لا يرغب فعليه ان يكتفي برد التحية بمثلها أو أفضل منها
| |
|
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: نعمات عماد)
|
شكر يا عاصم وحبيبتنا دكتورة السنون لإثراء الپوست.
يا عاصم معليش مداخلتك ما شوفتها عندما كتبت الرد، شكلنا كتبنا في وقت واحد،
لكن جات كويسة لخير مثال في نوع بزعل لمن يفطوهو 😁😁
وسيد الپوست المسكين بكون ما شاف المداخلة
وأنا مع رأي د. نعمات أي زول بديهو العذر لأني ما عارف ظروفو شنو، ما كلنا ظروفنا واحدة أو صحتنا المزاجية واحدة.
| |
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: أبوبكر عباس)
|
| Quote: ماذا يعني لكم عدم رجوع صاحب الپوست لپوسته؟! |
لو اتسألت السؤال دا قبل كم سنة كدا ايّام لسة جديد وشايف البورد دا حكاااية كدا وقيامة رابطة وثقافة وصفوة وبتاع قبل ان ارى الوجه الآخر للقمر كنت بقول ليك بتحسّس و يمكن ارجع امسح مداخلتي و شنو وشنو من الحركات الأرع دي
لكن اسّي اجابتي: ولا حاجة! لا يعني لي اي شيئ عدم عودة صاحب البوست له! هو عودته زاتها لا تعني شيئ خليك من عدمها
واساسا فكرة "صاحب" البوست فكرة تعبانة, مافي حاجة اسمها صاحب البوست في رأيي
| |
|
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: بلدى يا حبوب)
|
حتى طريقة متابعة البوست تحتاج لجهد المتابعة كل مرة والتانية حيث أن آلية البوست اعتقد قديمة الا كل مرة تفتح ونشوف ولا اعلم اذا كانت هناك آلية أخرى لمتابعة البوست غير متوفرة عندي بسبب الاعدادات أو جهلا مني، لكن شايف الآلية عقيمة .
بخصوص الردود اذا كان في بوست ابتدرته انت او كنت متفاعلا داخل بوست ثاني فالعملية تقديرية ربما ترى أن مشاركتك استنفدت غرضها أو ربما تظن أن تحامل الطرف الآخر جعلك تزهد من التواصل، احيانا البوست يحتاج لحراسة عديل وتفرغ واحيانا يكون الغرض انشاء بوست بغرض إرسال رسالة ، عموما كل بوست يقدر بقدره وحسب أهميته وعموميته أو خصوصيته لدى صاحبه والمتحاورين.
بالمناسبة في ناس شايفين روحهم صفوة وبيردوا لي صفوة زيهم وبيهمشوا الباقين ولكن يكفي المتداخل أنه أرسل ما يريد وتحرر مما في صدره ودلقه على المتصفح أو البوست.
والحكاية اعتقد في النهاية عادية ولا تدعوا للمشاحنة والمباغضة فكل يدلي بدلوه وهو راض عما يفعل ويتقبل الآخر كما هو فلسنا في معرض أثناء الآخر عن قناعته فقط نشارك الآخرين بكل حسن نية ومحبة.
| |
|
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: احمد عمر محمد)
|
الأخ النذير
سؤالك ده بيخليني أعلق على جزئية معينة في عدم الرد..
هناك في كيمياء خاصة بتربط بين بعض الأعضاء..ما أقدر اسميها شللية زي ما بيسميها البعض،
و لكن خلينا نقولاستلطاف متبادل و تفاهم بين شخصين أو مجموعة بيفهموا بعض و اتعودوا يتبادلوا التعليق و المكاواة و المشاغلات دون حساسية ..
زي ديل بيتفاعلوا مع بعض بشكل جيد مهما يكون محتوى البوست..
و في المقابل هناك في عدم استلطاف أو رأي خاص حول شخص ما أو الكيمياء مفقودة بينهم .. فلما واحد منهم يعلق تجد صاحب البوست يتلكأ في الرد لأنه مجبر أو لا يرد...
طبعا هذه زاوية معينة.. هذا بخلاف المشغولية أو استنفاذ الموضوع لألقه بسبب التكرار...
| |
|
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: أبوبكر عباس)
|
المسألة ما موضوع بوست ولا تلفون ولا بيت اول حاجة مسؤولية وثاني حاجة احترام لنفسك ولغيرك.. وثالث حاجة وأهمها تكملة الموضوع.. ودي مصيبة المواضيع الغير مكتملة. زي ما شايفين كل السودان مواضيع غير مكتملة.. شوارع.. مطارات... مستشفيات.. ثورات.. محاكمات... لا وكمان تبدأ الموضوع واكون جادي معاك وبكل بساطة تهمل وما تتابع.. لا وكمان مستكثر ردة فعلي.. ومعاها حكم الزول دا صعب خلاص... دي اول خطوة لازم الناس تركز فيها.. تحمل المسؤلية.. لأي التزام سوا كان بوست او غيرو.. الاهتمام بالاخر يا سادة.... قبل فترة صاحبي هولندي اتصل صاحبو السوداني يخبرة ان زوجتة ولدت.. راح الهولندي بعد أن اخبرهم انه سوف يأتي الساعة ١٠ ويخرج منهم ١٠ و١٠.. اخذ معه زهور شوكلاتة... ولبسه للمولودة.. وصل وسلم وبكل بساطة الراجل وزوجتة بتكلمو بالتلفونات من دخول الهولندي وحتى عشرة وعشرة... بكل بساطة اخذ وروده وشوكلاتة ومن غير اي انفعال.. قال لي انا اعطيتهم اهتمامي الكامل ومشاعري.. وهم ما قدرو.. بكل بساطة قررت ما يكون معاها خسارة مادية.. واقول ليك لسه بدري عليكم..
يا نذير.. تفتح بوست اخباري.. ولا غيرو انت مسؤول مسؤولية كامل عن كل صغيرة وكبيرة.. ولا اتحمل النتايج.. و الارا.. كل ينظر من وجهته..
| |
|
|
|
|
|
|
|
|
|
Re: استفتاء: ماذا يعني لكم عدم رجوع صاحب الپوس (Re: بابكر قدور)
|
أخي الكريم وضيوفه الكرام
حقيقة أنا أكثرالاعضاء ممارسة لهذه العادة ولكن عندي أعتقاد مناقشة الاخبار غير ذات جدوي والامرالثاني أكتب في عدة مواقع والحق لا أجد سعة من الوقت للردعلي البعض
وهذاحالي حتي بصغحتي في الفيس
وليس هنالك أي قصد في عدم الرجوع للبوسات الكل موضع تقدير ,احترام
لكم ودي
| |
|
|
|
|
|
|
|
|
 Re: استفتاء: ماذا يعني لكم عدم رجوع صاحب الپوس (Re: زهير عثمان حمد)
|
| Quote: والامرالثاني أكتب في عدة مواقع والحق لا أجد سعة من الوقت للردعلي البعض |
يازهير الصحيح تقول : انقل لعدة مواقع ولا أجد سعة من الوقت للقراءة والتمحيص والرد على الجميع ..
التحيات للاخ النير حجازي ...
من اسباب عدم رجوع صاحب البوست انه قد يكون ذهب للصلاة مثلاً ..
سبب آخر يكون في زول كُج وبايخ كتب في البوست..
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
النذير حجازي
عمر نملة
عمر سعيد علي
Asim Ali
نعمات عماد
عمر التاج
محمد البشرى الخضر
Hani Arabi Mohamed
بلدى يا حبوب
احمد عمر محمد
محمد عبد الله الحسين
بابكر قدور
زهير عثمان حمد
HAIDER ALZAIN
فيس بوك
تويتر
انستقرام
يوتيوب
بنتيريست