|
|
|
 Re: تغني السواقي (Re: أبوبكر عباس)
|
ابوبكر عباس بوستك وذكرك لولدك فى البوست بتاعى الذى كتبته بخصوص العشرين قمر الجديدة التى حول كوكب زحل بوضح انك زول عنقالى جعبتك فارغة هههههه
| |
 
|
|
|
|
|
|
|
|
Re: تغني السواقي (Re: أبوبكر عباس)
|
زمن طويل كنت مفتكر انو أنا ح أكون نبي ويوحى إليّ،
إنتظرت الناموس طويلاً
لكن في نهاية التسعينات بديت أقتنع بدجل الدين وانو ما في قوة خارجية اتصلت بالأرض.
بقيت لو نمت بدري في حوشنا بتاع الديوان جنب شجرة المهوقني
بدري دي زي تمانية
وجوا صحوني للعشاء (الأكل) حوالي اطناشر،
العشاء عندنا في بيتنا بمدني ثابت
فول، بيض وسلطة روب،
اللحظة القاعدين بصحوني فيها دي بكون فيها فلاش سريع جداً جداً لحدثين قديمين ما عندهن علاقة ببعض، لكن وجدت بيناتن رابط
الأحداث دي ما بالضرورة عندها معنى كبير
مثلا:
حدث يكون في طفولتك أدوك عيش تدققو في طاحونة الدي
تكون في صف انتظار الدقيق جدعت ليك كم حبّة ذرة في خشمك
| |
|
|
|
|
|
|
|
|
|
Re: تغني السواقي (Re: أبوبكر عباس)
|
الغريبة يا صديق أبجعبة، مداخلتي في بوستك داك كنت داير أدعم بيها فكرتك،
لكن بعد تعليقك السالب حولها
عاينت للمداخلة لقيت فعلاً ممكن تتقري سالبة
فأحتسبتها
| |
|
|
|
|
|
|
|
|
|
Re: تغني السواقي (Re: أبوبكر عباس)
|
محمد حامد ود جيرانا في بانت مدني جنب شارع مدني الخرطوم تقاطع سنار، كان بقترح عليّ في بعض أيام الإجازات نمشي كنار بيكا بالعجلات (٦ كان من بيتنا) نشرك للسمك.
أول مرّة شفت الكنار إندهشت إندهاشة عظيمة لمنظر الكنار وخضرة الحواشات حولو
تعجبت من عظمة الإنجليز وكيف حفروا هذه القناة العظيمة من سنار؟!
لاحقاً محمد حامد الشهير بحمادة تخرج من جامعة الجزيرة كلية الطب،
يوم أمي لاقتو في الشارع وقالت ليهو:
يعني يا حمادة ولدي، بقيتو دكاترة غلبكم تعالجوا لي ركبي ديل؟
قال ليها يا حاجة تعرفي الكا ببر (الكبر)؟
قالت ليهو: دواهو شنو؟
قال ليها: القا ببر (القبر)
الكلام دا ممكن يكون ليهو عشرين سنة،
لليلة أمي زعلانة
وتقول صاحبك العوير دا يقول لي كدا
أول ما تذكرني الكلام دا؛ أتذكر كنار بيكا
وكل ما ألقى فرصّة في زياراتي لمدني أمشي أزور الكنار
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أبوبكر عباس
صديق مهدى على
محمد على طه الملك
فيس بوك
تويتر
انستقرام
يوتيوب
بنتيريست