والله العظيم لا تدروا مدي الغم .. الذي أصابني .. الناس بقوا في حروب السيبر .. وممكن يستلموا كل معلوماتك المهمة .. وممكن يمسحوا كل معلومة لديك .. وممكن يعطلوا ليك سير العمل ..
الغرب أسس .. وحدات دفاع حروب السيبر.. cyber war ودفاع السيبر وور .. مثل واحدات سلاح الجو .. والمدفعية .. والبحرية .. والمشاة .. أضف عليهم وحدة سلاح السيبر وور
لا حول ولا قوة إلا بالله .. مأساة ..
بريمة
09-28-2019, 05:56 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
سلام بريمة ورجغة انت يا داب اكتشفتا الحاجة دي ؟ دا بيأكد انك ما كنت معارض للنظام دا نهائي قبل سنوات انحنا اربعة اصدقاء اتنين طلبة في جامعة هندية وانا من بريطانيا و واحد في السودان بتاع السودان دا مهمتو يفتش الثغرات و كانت اسهل مهمة عشان ما يتعرض لاي مسئولية بتاعين الهند واحد بحقن الموقع انا بستلم الكنترول بانيل مسكنا السيرفر كلو و كل المهام دي بتم بعد الساعة تلاتة عصر هسي انت لو عندك موقع بطلع ليك الثغرات و بحقنو ليك ههههه
09-28-2019, 06:06 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
للمسألة حياتي .. ما حاولت أعمل تست لصفحة في السودان .. الشغل ما أخد خمس دقائق ... قلت يا زول أطلع .. لو مشيت لقدام دا بكون تهكير تام .. ما في داعي أنا أثبت أنهم محتاجين قعدة لمسألة التأمين ..
بريمة
09-28-2019, 06:57 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
يا بريمة انا معاك الناس ديل قاعدين في السهلة بقول ليك استلمنا السيرفر كلو لكن الأمن الخارجي كان موجود في اي دولة اخفاء ال IP Address كان مهم جداً في مهمة ذي دي لحماية الشركاء نعم بتفق معاك انو الشغل دا زول واحد بسويهو لكن بكون محتاج وكت لتفتيش الثغرات و الحقن و استلام الكنترول بانيل و مسح الداتا او تخزينا في هارديسك و انحنا كلنا كنا مشغولين بي دراسة و امور حياتية اخرى اذا كان وليد الكوز مسئؤل من الآيتي و الحماية السايبيرية في وزارة التربية و التعليم هل تتوقع انو الحاجات تكون بخير ؟ الكيزان فشلوا في اي شئ و افشلوا اي شئ لانهم جهلة ما فاهمين الحاصل شنو في الدنيا من حيث امن المعلومات و كان في زميل هنا هو دكتور متخصص في امن المعلومات اختفى من سنوات من خلال بوستاته هو مؤهل ان يقود دفة امن المعلومات انا نسيت اسمو لكن كنت متابع كل بوستاته لاهتمامي بأمن المعلومات
09-28-2019, 07:11 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
من خلال سردك أنك تفترض أنهم يستعملون MySQL أو قواعد البيانات التي تستعمل cpanl .. وأري أيضاً تفترض وجود نوع معين من السيرفيرات .. أنا ما عايز أي حاجة مثل دا ... عيييك نحن هنا خطرين ..
خضر، دي مهمة وطنية .. حماية أمن المؤسسات .. أنا أتخيل لي لما الواحد فينا يكون فاضي .. يتصل علي المؤسسة .. ويحدد معهم زمن .. ويقول لهم أنا بعمل ليكم تست من الساعة كده لكده .. بعد نهاية الشغل أنت تعلمهم بالفجوة .. وتوريهم كيف يسمكروها.
ولا شنو؟ نساعدوا وطنا .. بدل يكون عندنا "ويك أند" نقضوا في المناقرات ..
بريمة
09-28-2019, 07:26 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الحبيب الاديب بريمة يا سلام عليك .. ما شاء الله عندما تكتب عن عالم التكنولوجيا تكون بيل قيتس عندما ما تكتب عن تراث أهلنا البقارة يبدو أنك لم تفارق تلك الأرض لك حضور في اي موقع
تحياتي يا جميل
09-28-2019, 07:26 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الحبيب الاديب بريمة يا سلام عليك .. ما شاء الله عندما تكتب عن عالم التكنولوجيا تكون بيل قيتس عندما ما تكتب عن تراث أهلنا البقارة يبدو أنك لم تفارق تلك الأرض لك حضور في اي موقع
تحياتي يا جميل
09-28-2019, 07:44 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
بتفق معاك يا بريمة في ال Structured Query Language, an international standard for database manipulation. الناس ديل قاعدين في الطراوة انا اتأكدتا تماماً من الحاجة دي درستا كورس لمدة سنة في Leeds Collage في بريطانيا في مجال البرمجيات و أمن المعلومات تلاتة ايام في الاسبوع و المحاضرة تلاتة ساعات ذي السم افادتني جداً في وقتها لضرب مواقع النظام و تعطيلها كلياً لما يصبح الصباح و اعوان الكيزان الفاشلين يرجعو الموقع بنتظر لحدي بعد الساعة تلاتة و بعطل الموقع وبرسل الرسائل العاوز ارسلا بريمة النظام داالانت كنت من داعميه ما وقع بالساهل
09-29-2019, 03:01 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
Quote: الحبيب الاديب بريمة يا سلام عليك .. ما شاء الله عندما تكتب عن عالم التكنولوجيا تكون بيل قيتس عندما ما تكتب عن تراث أهلنا البقارة يبدو أنك لم تفارق تلك الأرض لك حضور في اي موقع
تحياتي يا جميل
ول أبا علي .. عالم السيبر .. عالم مليئ بالكواليس المظلمة .. و العلم متوفر .. وفي متناول يد كل مبرمج .. بس ينكربوا شوية .. وما يحتكروا المعرفة .. زول واحد متخصص في كل شيئ .. لا لا .. العمل بحديث الرسول . كلكم راع وكلكم مسؤول عن رعيته .. في مجالك المحدد .. أنت مهندس قوعد بيانات .. أنت مسؤول من تأمينها .. أنت مبرج واجهات .. أنت مسؤول من تأمينها أنت مبرج ربط .. ما بين الواجهة والقاعدة .. أنت مسؤول من تأمين خطوط حركة المعلومات ما بين الواجهة والقاعدة أنت مسؤول شبكات .. أنت مسؤل من تأمين الشبكة .. وهكذا .. لما المهمة تتوزع بهذا الشكل كل زول بكون .. عنده الأحساس بالمسؤولية ..
يبدوا علي ناسنا في السودان .. شغالين بمفاهيم قديمة عن التأمين .. المفهوم الجديد .. كلنا جنود مجندة من أجل حراسة ما اؤتمنا عليه .. الشعب وضعك في ذلك الموقع ويؤول عليك تبقي قدر التحدي.
فضيحة أب جلال .. 5 دقائق بس .. قفلت الكمبيوتر .. ومشيت .. وقلت الله يكون في عون السودان.
بريمة
09-29-2019, 03:38 AM
adil amin adil amin
تاريخ التسجيل: 08-01-2002
مجموع المشاركات: 37010
فايدة الانترنت وحكومة الانترنت شنو في السودان يا منفصمين بلد نص شعبها نازح 2000000 نازح في دارفور ونصهم مكدس في الخرطوم في اللفة وصابرين..والنص الثالث يتفرج في الماساة يا حليل زمن الكومر وبابور البحر والادارة الاهلية والله الكوز كان بقى فاس ما بكسر الراس اذاعة FM بس قوية ومسموعة في كل السودان وبرنامج حر ومحترم وواعي سنة بس يغير السودان كله
09-29-2019, 03:44 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
Quote: بريمة النظام داالانت كنت من داعميه ما وقع بالساهل
أنا لم أدعم النظام من أجل النظام .. دي حاجة مفروض تكون عارفها .. أنا خرجت من السودان .. بعد عام و3 شهور من مجئ النظام .. وفي تلك الفترة قضيتها في ترحيل أهلنا إلي مناطق أمنة .. محلية القوز .. (أبحث عنها فيي كردفان) وبالذات مناطق تخوم خور أبو حبل .. وكان ذلك عام تخرجي 1989م .. وكنت طوال المدة، أنا في الخلا في الفريق .. ثم هاجرت .. مباشرة ولم أشتغل معهم في أي وظيفة .. وإلي اليوم لا أعرف كيف تسلم المواهي للموظفين .. ولا أدري شيئ عن نظام الخدمة المدنية في السودان .. رجعت عام 1994م بعد أكمال الماجستير .. وتاني رفضت أشتغل أي وظيفة .. وصرت تاجر مواشي .. حتى وصلتنى رسالة فيها منحة للدكتوراه .. فعدت إلي اليونان .. وهناك قابلت صاحبك الكذاب .. الأنا خاتي ليك 300$ .. علي أثبات كذبه وكلك أستاذن حسن فرح يثبت كذبه .. وناقل الكفر ليس بكافر (أنت ناقل كفر ساكت) ..
أذا هناك شخص قال ليك بريمة أشتغل مع الكيزان دولتهم حتى لو يوم واحد .. طوالي قول له كذاب ..
في جامعة الخرطوم .. كنت من الطلبة المحايدين .. ونفذنا أول تكليف من طلاب كلية الزراعة .. بمنع الأمتحانات .. بصورة حضارية .. شبكنا يدينا في شكل دائرة حول بوابة مكتبة كلية الزراعة .. وهناك مناديب في داخل الدائرة .. لو جاء أستاذ بأوراق الأمتحانات .. بسلموه خطاب مكتوب بأننا كرابطة مكلفين ونحترمك ونحترم حضورك .. لكن لن نسمج بقيام أمتحانات .. يقيف الأستاذ والمساعدين .. والمراقبين لما زمنهم ينتهي ثم يعودون .. الكيزان حرشوا الأساتذة سقطوا كل الطلاب .. بغرض ضرب المحايدين .. وكان الكيزان يستهزؤن بنا أيما أستهزاء ... ونحن حسب منشوراتنا لا نتحدث لكن صارمين في حكاية لن يدخل أحد القاعة .. المحايدون مشوا من رابطتنا في كلية الزراعة لينتزعوا كل الروابط من الكيزان .. لا ناس الدقير .. لا فلان لا علان ما قدروا ينتزعوا الروابط من الكيزان عهد فورة الكيزان .. صار الجميع أصحاب لينا .. محاولين أختراقنا .. وهيهات ..نحن صمود وتحدي مبالغ فيه ..
09-29-2019, 04:58 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
الحرب .. تبدأ لأسباب محددة .. ثم لا تلبث الحرب تخلق سيرورتها من خلال الزخم اليومي .. مثلاً المتمردين شالوا أبقارنا .. نحن قصتنا لدرب البقر لما نلحقها .. ونشتبك مع المتمردين أشتباك مودع ... طيب دخل شيل بقرنا .. بالحرب من أجل الديمقراطية شنو؟ بالحرب من أجل حقوق سياسية وتنموية شنو؟ .. طبعاً أنت ممكن تقول لا دخل لهما .. لكن في ذهنية المعتدي لديه مبررات .. منها عايز يثبت وجوده .. عايز يجد مؤن غذائية .. ممكن عايز تصفيتنا عديل بغرض طردنا ..
ماذا يفعل العبار بريمة وأهله؟ .. يموتوا سمبلا كما يقول ول أبا كبر؟ .. نحن نقيف مع الشيطان الأحمر من أجل حقنا في البقاء والأمن والحياة .. حكمتنا ظروف .. لنخلق شراكة .. كما حكمت خصومنا لخلق شراكة مع الحركة في الجنوب .. اليوم التكتلات السياسية .. هي حروب .. لكن بمسميات أخري .. حاولنا وحاولنا الوصول لأخواننا مراراً .. كان أنجح فيهم أستاذي يوسف كوة .. أتصل سراً بقبائل البقارة وعقد معاهدات عدم الأعتداء .. وطرد الجنوبين من جنوب كردفان .. وأوقف قطع الطرق لعربات المواطنين والركاب .. فعل المستحيل. وفتح أسواق السمبك .. أسواق السمبك بقت لينا مهلكة ... الأسعار مضاعفة .. لكن كيف تزوغ من عيون رجال الأمن ... لو أشتبهوا فيك ديك نهايتك .. قارن شوف أولاد دارفور من قبائلنا الأفريقية .. وقفوا ضد الحكومة ومع الحركات لماذا؟ لأن من قتلهم الحكومة .. أنتم في الشمال في كجبار .. وقفتم مع أهلكم ضد الحكومة لأنها القاتل .. هل تصدق أولادنا الذين قتلهم الجيش هم مهربي البضائع لمناطق أسواق السمبك ... عدونا كان واضح .. وما تنسي نحن أبناء أنصار . ولليوم .. حزب الأمة لم يستطع أتخاذ موقف منحاز .. ما تسمع للكذب .. لكن خروج الأمام الصادق المهدي للمعارضة هناك جاءتنا فاتحة الخير .. أنقذ الموقف .. لا نصر الدين الهادي ولا مبارك المهدي .. ولا يحزنون .. الحكومة وجدتنا مكشوفي الظهر .. وقفت هي معنا .. نحن رفضنا أن ننحاز لأي حركة متمردة .. خوفنا ح ينفصل السودان ... وما تنسي عندنا حروب تقليدية حول المراعي في أبيي وبحيرة أبيض، والليري، وكاكا التجارية .. يعنى علي طول الشريط الحدودي .. لدينا حوالي 36 مرحال يدخل الجنوب .. كلها أشتعلت ..
مشاركتي أنا تبلورت في الكتب الثقافية التي كتبتها .. وهذه الكتب تشرح بطريقة تعريفية من هم الرعاة في حزام الحرب .. ثقافاتهم، تحركاتهم، معاشهم .. هل تصدق صارت الكتب مرجع لأشياء ما كنت أنتبه لها .. مثلاً أبناء الشوابنة .. بعضهم أستشهدوا بها في مسألة اللجوء .. بأنهم واقعين في خط تماس هوية الطرفين (الحكومة تكتل فيهم لأنهم نوبة .. والنوبة يكتلوا فيهم لأنهم عرب .. وفي الحقيقة هم خليط نوبي عربي عبداللاب منذ عهد مملكة الفونج) .. أستشهدوا بها أيضا نساء .. بان هناك الخفاض يمارس عليهن غصباً عن أرادتهن .. ودا كذب ساكت .. الخفاض تراث فرعوني .. ونحن البقارة أخذناه من النوبة في الشمال أنفسهم وصار جزء من تراثنا (توطين للتراث النوبي) .. أبناء البقارة واجهنا الجانبينن من كل المعارضين أن أنقلوا حروبكم إلي الخرطوم .. لكن الله غالب .. ومن هنا يذهب الخرطوميون يقضون أجازات سعيدة في الخرطوم زول يمسهم مافي .. ثم يعودا معارضين تاني .. نحن ناس الهامش من تجعلن منا وذهب .. تسمع عياطة في المطار يجيب الضهبان ..
حسي وجودنا بينكم هنا وتفاعلنا الأيجابي أعطاكم فكرة عن من نحن ... نحن أصحاب طريق ثالث .. أبداً القوي السياسية ما قادره تشوفه .. وحتى هذه اللحظة نحن من يميل كفة المعادلة .. أي زول أنحاز ضد الوطن نحن نكن في الكفة الأخرى له .. وكل زول أنحاز لصالح الوطن هو زولنا.
صورة للنحلة "أم دلو" .. خلي واحد يهبشها عشان يشيل منها عسل؟؟ .. طبعاً من ناحية علمية هي لا تدافع عن العسل .. هي تافع عن الملكة .. في داخل المجموعة هناك غرفة مخصصة للملكة ... وطعام خاص .. ومراوح تهب (أجنحة بعض يرفع إلي وأخري إلي أسفل .. وهناك شغيلات يذهب لفزع الرحيق .. وهنا الفرسان للحراسة يسمون بالأنجليزية ال Drones وسميت عليهم طائرات بدون طيار).
بريمة
09-29-2019, 05:38 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
بالجد مرات .. أنت جينيس عديل .. نحن هينين .. لكن الحكومة لو ما قادره .. تمرق من الموضوع بتاع النت دا كلو كلو .. ما يبقي عندها ولا صفحة .. بلد بلا أنترنت في القرن الواحد وعشرين .. هل تصدق يضحكوا علينا لكن نحن في مأمن إلا من الجواسيس في داخل المؤسسات يسربوا المعلومات .. ذي تسريب كشف بأسماء السفراء الذين يجب إقالتهم قبل الحكومة تذيع أسماء المقالين .. والشباب والهواة يعملوا صفحات لكنها للشات والونسات .. وبس .. جواسيس النت يطقطقوا كداااا لما يفترون .. يجرجروا أذيال الخيبة ويمشوا ..
بريمة
09-29-2019, 05:39 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
لو انحنا قاعدين امفكو تبقى انت امفكو ذاتا هههههه انا درستا سنة كاملة في مجال ال Cyber Protection و طبعاً دي من ضمنها ال Cyber Attack اربعة محاضرات في الاسبوع المحاضرة تلاتة ساعات في بريطانيا و بريمة دا زول متخصص في مجال الكمبيوتر و كاتب عندو كتب عن تراث البقارة الزول دا ما ساهل .. مشكلتو معااااط يمعطك بمداخلة ما تعرف ذاتو ترد علي ياتو فقرة هو و كبر واحد بنداحو غايتو ربنا يصبرنا عليهم و عليك ههههههه
خليك من بريمة المعاط .. الناس ديل ما عارفين حتى تشفير المعلومات encryption .. المراسلات clear text .. ب الله حركوا الجيل الراكب راسه ... يحكوا الموضوع .. عشان الحكومة تعمل شرطة مثل بتاعين البوستة .. ينقلوا الرسائل بين الوزارات .. الجيل الراكب راسة زي ما صباها في القيادة .. هم ذاتهم يقعدوا تحت ويتعلموا بسرعة كيفية كشف المواقع المهببة ..
عندنا هنا شركة Dunbar .. ديل بنقلوا القروش من المتاجر إلي البنوك .. دي شغلهم .. تلقي صلب الواحد ملان زخيرة وسلاح .. يدخل المحل .. وطوالي يرافقة شخص أمين المحل يسلمه ربطة يختها في شنطة .. يشيل الشنطة ويدخل بها العربية .. ويمشي المتجر الجنبه .. بعدين يمشي البنك كل شنطة مكتوب عليها نمرة حساب المتجر ..
ممكن يعملوا حاجة زي دي .. يسكروا كل المواقع .. أو يحولوا المواقع إلي static pages كصفحات تعريفية .. لكن أي dynamic contents تتشال من الصفحات .. ال dynamic contents زي المراسلات الألكترونية .. دخل معلوماتك .. أو دخل أيميل .. أو أفتح حساب أو أو .. خطرة عليهم في حالة ضعف التأمين .. ال static contents هي معلومات تعريفية .. نحن الجهة الفلانية .. وشغلنا كده .. ونقدموا ليكم خدمات في مجال كده وكده .. موقعنا محله شارع كده نمرة كده .. هنا تلفوناتنا ... ما ينبهروا بال Iteractive content .. ذي ما يتبادل الناس معلومات في الوتساب .. ويمعنوا التواصل بين الوزارات من خلال الواتساب .. وما شابهه. وبعداك الهكر لو هكر الموقع .. يكون قلة شغلة منه .. لأن كل شيئ معلوم وعلي المكشوف البوديهو يهكر شنو؟
إن شاء يكون ما معطكم تاني .. الموضوع محرقني ..
بريمة
09-29-2019, 07:05 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
أها الشنطة الشايلها رجل الشرطة (البوستجي) .. هو ذاتوا ما يكون عارف شفرة الشنطة أو تتفتح كيف .. يشيلها صم بكم .. الوزير المعنى أو وكيل الوزارة يكون عنده الشفرة ..
الشنطة لو ماشه الفاشر .. يركب معها الشرطي البوستجي .. وما عنده الشفرة حاكم الأقليم أو الوزير المعنى هو عارف شفرة شنطته التي تأتي إليه.
تق تق للهكر إلا يمشي يفتش دولة تانية ..
بعدين أي إنسان تتم أقالته .. وزير، سفير، موظف.. طوالي تتغير الشفرة .. وتسحب أي صلة له بالمعلوماتية في الوزارة .. باسورد، أسم ..
بريمة
09-29-2019, 07:20 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
وما دام تم تغيير الصفحات إلي static pages يصبح ما في داعي لربط الصفحة بقاعدة بيانات .. cpanl البتتكلم عليها يخضر.. ما عندك لها وسيلة .. الزول الوحيد هو تيم قواعد البيانات .. وهم ينقلوا المعلومة لمرؤسيهم ..
الموضوع بتاع شرطة المعلومات ممكن يستمر الثلاثة سنوات الجاية .. في نفس الوقت .. الفرق العاملة في المعلوماتية تتعلم شغلها جيد .. وتأتي راجعة .. وما ح تعرف هي قوي عودها وعجمته التجربة إلا .. بأشراك الهكر الدولي وبمبالغ .. وتقدم معلومات Dummy عشان يهكروها ويكشفوها .. علماً أن المطوب هو معرفة إذا هناك ثغرات .. ويصرفوا علي الكلام دا قروش .. وشهادات تقديرية .. وجوائز مالية .. حتى تكون المنافسة قوية .. ويطمئن الهكرز ما يقعوا في الطعم ..
بريمة
09-29-2019, 07:08 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
خضر، إلي هنا أنا قرّشت .. وأنتم كلكم لديكم وجهات نظر .. وكل زول يدلوا بدلوه .. كيف نؤمن وطنا .. ذي ما الناس لاوت حقها وقلعته .. ما يفرّطوا فيه .. ويكون الحرامي عارف محل أسرارهم ..
دي وصيتي والعفو والعافية ..
والله من وراء القصد يهدي السبيل.
بريمة
09-29-2019, 12:14 PM
adil amin adil amin
تاريخ التسجيل: 08-01-2002
مجموع المشاركات: 37010
Quote: تسريب[B]كشف بأسماء السفراء الذين يجب إقالتهم قبل الحكومة تذيع أسماء المقالين
يت بريمة لاشيء يتفوق علي الذكاء البشري حتي لو استخدمت اخر ما وصل له العالم والعلم انت اشرت لدي بالذات تسرب اسما السفراء وفي بوست هنا بهذا العنوان يبقى التسرب ده عرفتو من هنا ولي القصة دي مالية الاسافير؟؟
09-29-2019, 12:18 PM
adil amin adil amin
تاريخ التسجيل: 08-01-2002
مجموع المشاركات: 37010
وعرفت اخونا الريح ليه درب خضر هو صاحب البوست ده وجاء جاري هنا وعملتو ثنائية في استعراض المعلومات وايضا سيرة حياتك القصة شنو ؟؟ والله ان ق ح ت دي اصلا ما سائل فيها لكن الكتابة تحت مركيات الذنب بعرفا وانت لفت النظر فعلا لي الناس الاذكياء في البورد واسماعيل كلم القط والقط ما فهم المهم دربك اخضر وزح من حميدتي والزم موسي هلال احسن ليك
09-29-2019, 12:21 PM
adil amin adil amin
تاريخ التسجيل: 08-01-2002
مجموع المشاركات: 37010
Quote: خضر، إلي هنا أنا قرّشت .. وأنتم كلكم لديكم وجهات نظر .. وكل زول يدلوا بدلوه .. كيف نؤمن وطنا .. ذي ما الناس لاوت حقها وقلعته .. ما يفرّطوا فيه .. ويكون الحرامي عارف محل أسرارهم ..
دي وصيتي والعفو والعافية ..
والله من وراء القصد يهدي السبيل.
بريمة
دي تاخذ عليها اوسكار والله
09-29-2019, 06:19 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
Quote: يت بريمة لاشيء يتفوق علي الذكاء البشري حتي لو استخدمت اخر ما وصل له العالم والعلم انت اشرت لدي بالذات تسرب اسما السفراء وفي بوست هنا بهذا العنوان يبقى التسرب ده عرفتو من هنا ولي القصة دي مالية الاسافير؟؟
مثل ها النشر .. ما بتعمله الدول التي تحترم وجودها السيادي .. بغض النظر عن أي تنظيم ينتمون إليه .. الوزير مفروض يحمل "فيش" عالي جداً .. وهذا يعنى أنه يعلم معلومات سرية للغاية ..
تلك المعلومات السرية .. هو حالف عليها قسم الدولة أن لا يفشيها لجهة .. بمعنى يموت بسره .. حتى حين يتم فصلهم ... يجب إعادة تذكيرهم بقسم الولاء للدولة .. وتتم مسألة تسليم وتسلم .. كما أنك لا تحاسبهم جملة .. يا أخي يوم القيامة الحساب فردي .. هذه هي السياسة .. من أجرم منهم .. القضاء قاعد ..
ومسألة تشيل القانون بيدك وتنشر أسماء ناس أنت ما عندك عليهم سلطة .. تعدي علي الدولة الحالية والمفصولين .. أنت فوضت دولة .. هي تمثلك في أي شيئ .. لو الدولة خرجت عن مسارها .. سقطها تاني وثالت ورابع .. لما تعي الدرس ، السلطة للشعب.
بريمة
09-29-2019, 06:53 PM
Deng Deng
تاريخ التسجيل: 11-28-2002
مجموع المشاركات: 52561
بطل الهرجلة البتعمل فيها دي! هل سافرت مع شرفاء واشنطن لحضور ندوة السيد رئيس الوزراء حمدوك؟
اليوم الاحد، مقيل وين وعبابيرك شنو؟
مالك ومالو هو شيوعي مثلا..عشان يمشي ليه ...انا وبريمة كيزان جناح عشة الغبشاوي مالك ومالنا والدنيا مدنياوو والله الا يجي ابوهاشم بس ....نمشي نقابلو زولك ده لا بركة لا برنامج اشتراكي ...البنك الدولي ده شنو نحن ما صدقنا خلصنا من عبدالرحيم حمدي ..ومشروع الراسماليةالطفيلية في السودان وقلنا نحوش دهبنا ونفطنا واراضينا من ضباع بروكلين وذائاب ووستريت وادواتهم في العالم العربي ونحرسو بي حكومة اشتراكية ذى الصين والبرازيل يجي يستدين من البنك الدولي تاني بريمة دينق ده كفيلك في امريكا ولي شنو ...عداك العيب والله
09-29-2019, 07:21 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
مرة يا عادل .. في الصفحة الأولي ... متداخلين لينا في بوست .. الناس مسخنة فيه بطريقة هستيرية .. طبعاً أنا مسخن معاهم سوا ... واحد خلي الحوار والمناتلة .. وشبك لي خلقتي وأنا لابس طاقة حمراء .. والبقارة بلبسوا الطواقي الحمراء .. المهم .. الزول حلف الناس .. عليكم النبي شوفوا الزول دا .. شنا شناتة دي .. دا زول حسي ..!! قلت له خلاص سوينى القرد الشمبازي بتاع عادل أمين .. لكن رأي بوصله ليك ..
والله يا عادل ما عندي خصومة شخصية مع أحد .. لكن مسألة كيفية إدارة الأختلاف غلبتنا .. نحن هنا في البورد حطمنا نظرية في علم الأجتماع .. موتناها زت .. النظرية تقول أي مجموعة بشرية تعيش في حيز يوفر لها تبادل وجهات النظر .. ح تصل لحالة تعايش خلال 5 سنوات .. أنا ح أفتش النظرية لأني سمعتها سماع .. حطمنا نظرية أخري في الأجتماع .. ليس هناك جنس بشري نقي .. نحن ندعي النقاء .. ونحن أبعد ما يكون عن ذلك .. أها جنسياتك البنية والخضراء .. تقول لي ليس خلفها أجتماع .. ناس الجنسية الفلانية أعلي كعباً وأجدر من ناس الجنسية الأخرى .. متين تعترف أن البشر جميعاً جنس واحد (وهنا أجناس أخري: بقر، وغنم، حمير، قرود، شمبانزي، فيلة) .. الجنس الواحد .. أنسان، كلب، حمار .. كل فئه منهم لها مشتركات .. كدي أجري بحث في الموجات التي يسمع فيها الأنسان وكذلك تلك التي يري فيها ... وقارنها مع الحمير .. والذباب .. والله يا عادل تعرف أننا جنس واحد .. (وَفِي أَنفُسِكُمْ ۚ أَفَلَا تُبْصِرُونَ) (21) ..
هنا مقارنة .. ما بين رؤية الأنسان والكـلب لضوء الشمس .. شوف الشجر والقش والألون الخضراء كلها الكـلب شايف بدلها لون أصفر غامض .. عينتك دي هي البتهدي للكـلب وردة حمراء ..! .. أفضل هدية للكـلب وردة صفراء أو زرقاء .. وأي حاجة تجيبها للكـلب ما تجيب فيها لون أحمر أو أخضر .. أنت وهو علي أختلاف في المشاعر .. لأن مشاعرك تستجيب للون الأخضر والأحمر .. الماء والخضرة والوجه الحسن يذهبن الحزن .. أنت كده تكون جبت غمة وطمام للكـلب وأنت لا تدري!
أها حسي وريتك سر .. لو تفرح الكـلب .. غرفته كلها أملاها حاجات بالألوان هو البشوفها .. هناك الكـلب يظن أنه في مكان فاخر .. ويكون مرح وفرحان طول الوقت ..
خلاصتي .. نبحث عن المشتركات بيننا .. وحتى مع الكـلاب والحيونات الأخرى .. نكون كلنا سعيدين ..
بريمة
09-30-2019, 04:47 AM
adil amin adil amin
تاريخ التسجيل: 08-01-2002
مجموع المشاركات: 37010
Quote: خلاصتي .. نبحث عن المشتركات بيننا .. وحتى مع الكـلاب والحيونات الأخرى .. نكون كلنا سعيدين ..
بريمة
الدواس هو ديلوكتيك البورد يا بريمة ترامب انت اعترف بالجنوبيين انا بتعرف بيك يا الطيب مصطفي ترامب بريمة بلل قانون الجنسية 1957 قانون عادي في ناس بجو بلد بلقو ناس قاعدين في امريكا بتاخذ خمسة سنة وحسن سير وسلوك تبقى مواطن امريكي نحن في السودان كنا نديها الناس ساكت وجا الترابي ما خلي كوز او مجرم في العالم ما اداه جنسية سودانية عشان خاكر تنظيم الاخوان المسلمين وليس السودان والترابي ذاتو ما شغال بي السودان والسودانيين من 1964-2016 بعدين انا بدين السلوك وما عندي قضية باشكال الناس انا ذاتي شين ولا لونهم ..في مركز بمرتبط بسياسات اقليمية والدولية يدمر الهامش الااقليم معنويا وماديا ومصرين يعيدو تدوير نفس تراهات 1969 الضيعت خالي وحيد القرن عبدالماجد وعلم السودان قلت ليك انا مع موسي هلال وانت قلت مع حميدتي حب الناس مذاهب في ناس مريخ وفي ناس هلال وبرضو سودانيين وانا دواسي معاك ده كلو رييييد ساكت من زمن جبت صورة الامريكيين الغلاد الملظلظين ديل وقلت شغالين معاي عرفتك ما هين والله وانا ابن الدلنج... وقلت ليك مليون مرة النوبة خط احمر وهسة عليك الله سوييي لي خضر ده..برسل ليك 100 دولار قاعد يتفشخر عامل فيها منقط الانترنت ده طبعا يا بريمة انت العدو البايولجي بتاعي في البورد اذا اختفيت انا ذاتي بختفي معاك وجودك مهم جدا ...والحكامات يقعدو بعيد انا قعد ادواسك براي ما تلم لي الغرابة الرايج ليهم درب ديل
09-30-2019, 05:15 AM
adil amin adil amin
تاريخ التسجيل: 08-01-2002
مجموع المشاركات: 37010
Quote: والله يا عادل ما عندي خصومة شخصية مع أحد .. لكن مسألة كيفية إدارة الأختلاف غلبتنا ..
عارفك يا راقي بس الدواس داير غبينة انا استعدى الوعي البعذب زولو والغرور بالضيع سيدو ونيشتة قال (الاخطاء الفادحة تتكرر عندما نعجز عن مواجهة الحقائق ) ودي ازمة المؤدلجين في البورد في الزمن الليبرالي (قرود بافلوف) وديل بعاعيت 1969 في اليورد وايتام الترابي 1989 تواجهم بي مخازيهم الموثقة برضو يلف ويدور ويتمسخر قاعدين في راس لناس بالمحاصصة ويرفسو دي المشكلة العيب فيهم هم وليس فيك انت
09-30-2019, 02:16 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
Quote: فعدت إلي اليونان .. وهناك قابلت صاحبك الكذاب .. الأنا خاتي ليك 300$ .. فعدت إلي اليونان .. وهناك قابلت صاحبك الكذاب .. الأنا خاتي ليك 300$ ..
يا بريمة البحار الوغد مونتي بشاغل فيك لكن هو ما قاصد حاجة تسئ ليك فخلي قلبك رحب و لو ال300 دولار دي خليتا تلاتة الف بتريحني هههههه رسل الكتب بتاعة تراث البقارة باللغتين و بطل بطبطة و نرجع لموضوع أمن المعلومات لانو المرحلة دي كل اعين المخابرات الغربية على السودان
09-30-2019, 02:33 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
و من هنا بوجه الشكر ل Anonymous Hackers group Thank you guys for your valued efforts هم متابعين الموقع دا بالمناسبة و كل المواقع السودانية ساعدونا في ضرب مواقع النظام الاسفيرية و تم تعطيل 200 موقع و سحب كل الداتا و مسحها من السيرفر الرئيسي غايتو عشان تشتغل تاني الا يكون عندهم باك اب في هارديسكات خارجية الانترفيس عادي ممكن يرجع لكن الداتا ما بترجع يا بريمة دي كانت 300 موقع في سيرفر واحد شفتا غباء الكيزان؟
09-30-2019, 02:36 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
Quote: عينتك دي هي البتهدي للكـلب وردة حمراء ..! .. أفضل هدية للكـلب وردة صفراء أو زرقاء .. وأي حاجة تجيبها للكـلب ما تجيب فيها لون أحمر أو أخضر .. أنت وهو علي أختلاف في المشاعر
والله دي با بريمة جاتني في حناني ذاتو وانا متخصص قرود وكلاب حر في البورد وبالمناسبة كلاب الحر من مصطلحات السيد عبدالرحمن المهدي البديعة في عالم السياسة ذكرها احمد سليمان المحامي في كتابه ومشيناها خطا كتبت علينا في صفحة 132
هسة افتح عينك قدر الريال ...انت معانا ولي مع كلاب الحر وجاوب انت مع العلم اليمين ولي الشمال علم مايو 1969× علم الاستقلال1956 مع الخرطة اليمن ولي الشمال السودان المعاق× السودان الاصل الفزر في البورد وفي السودان وفي العالم كده https://up.top4top.net/
10-01-2019, 03:55 AM
adil amin adil amin
تاريخ التسجيل: 08-01-2002
مجموع المشاركات: 37010
انت يا خداري امشي سلم بس علي محمد البرير في شبشة واسالو من الشاذلي خلي الفشخرة نحن جماعتنا ناس وكيليس هكرو السعلوة الكبيرة ووزارة الخارجية الامريكية ذاتا وقعدو امريكا ام فكو وعرفنا المغطي وملان شطة وجينا نوعي رجرجة امريكا في البورد بي وسائل تعليمية مبسطة
من قتل القذافي ولماذا https://up.top4top.net/
ده وقتو
10-01-2019, 05:13 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
Quote: انت يا خداري امشي سلم بس علي محمد البرير في شبشة واسالو من الشاذلي خلي الفشخرة نحن جماعتنا ناس وكيليس هكرو السعلوة الكبيرة ووزارة الخارجية الامريكية ذاتا وقعدو امريكا ام فكو وعرفنا المغطي وملان شطة وجينا نوعي رجرجة امريكا في البورد بي وسائل تعليمية مبسطة
يا عادل شبشة مدفون فيها جدي الشيخ برير ود الحسين و كنت بمشي ليها كتير و حتى جبل العرشكول مقر جدي الشيخ السماني و جبل الشيخ اب رادعة في الحوليات السنوية انت امشي للشيخ الجعلي في كدباس ميرغنيتك ديل ما بفيدوك في شئ غير الفتة ام توم و البخور العدني شكلك انت بتورد ليهم البخور العدني يا حوثي ذي ما بقول بدر الامير :) بعدين مافي موقع على الانترنت ما فيهو ثغرة بختلف التأمين من موقع لموقع و بتختلف البرامج بتاعة الهاكينج و تتعدد طرق التهكير هسي موقع اب صلعة دا مش منطلق من امريكا ..رغم اجتهاد بكري برضو فيهو ثغرات وهو عارف و موقع الراكوبة فيهو ثغرات موقع النيلين دا قاعد ام فكو وانت يا عادل امفكو ذاتا هههههه نعم عندك كتاباتك الجميلة من شهور و انا متابع كتاباتك في مواقع كتيرة كتابات رائعة و متميزة لكن هنا انت شغال في دائرة واحدة يا ريت تطلع منها و انت عارف محبتي ليك كدفعة .. لكن دا ما بمنع اشتغل معاك ضاغط عشان تفهم حاجة :) ياخ بخت الرضاء دي انحنا ما مشينا ليها زيارة .. قضينا فيها ستة سنوات كاملة ما كانت ساهلة و انت عارف
10-01-2019, 08:01 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
يبدو أنا قلت قرشت .. حتى أمعط الناس .. علي حد قول ول أبا خضر، لكن الويزرد Wizard عادل أمين عايز معط .. شوف يا عادل .. أنت نزلت صورة القذافي وقلت "دا وقته" ... وأنا بقول دا وقته .. الوقت للعمل .. شوف الزولة عملت شنو؟ ..
بريمة
10-01-2019, 08:57 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
ول أبا خضر، خلي نشرح ليك ماذا فعلت هذه المرأة بصورة مبسطة .. الصفحة Dynamic page .. ولاحظ هي ركزت في كيفية معرفة ال count بتاع المشاهدة يزداد كيف؟ .. فهي عرفت أن هناك id واحدة .. هي التي تتغير .. فلو أضافت هذه ال id في request (start) وأضافت نفس ال id في response (count) .. تحصل علي success = true وهناك مشاهدتها تزداد. الخطوة المهمة هي كيف تعمل المسألة أوماتيكية .. كتبت script صغيرون .. كل مرة ينتج id جديدة request وكذلك يباصي تلك id لل Response
هنا تري الأتي في كل صفحة تفتحها وتأتيك منها معلومات أنت عملت Request وجاك منها Response لاحظ أيضاً هي ما عندها غرض .. هل أستعملوا secure connection أو لا ..
هذا لا يعنى أنني ضد ال dynamic pages النت بأكمه أنتقل من static pages منذ عام 1995م .. لكن لا ضير إذا نحن ما قادرين نؤمن الصفحات .. نرجع للقديم ومن ثم نتبع قواعد البناء السليم لل dynamic contents نحن عشان نبني ويب ديناميكي مؤمن .. نحتاج لعشرات الخبراء والمدققين .. في أخر حديثها .. هي ذكرت لأصحاب الصفحة كيفية معالجة الخلل .. أولاً المشاهدة تتطلب 5 دقائق وهى شاهدت 211 مرة ..يعني شهادت 1055 دقيقة .. وعدد الدقائق في اليوم 1440 دقيقة .. يعنى شاهدت 18 ساعة مما يعنى التيم لا يمتلك الخبرة الكافية لأكتشاف التزوير في المشاهدات ..
هذه الفتاة أشتغلت شغل مضني .. وهذا ما يفعله الهواة (والهكر عموماً صبورين صبر الورل .. رأيتها تقول أنها تركت الصفحة لعدة أيام لكنها تعود لها بأستمرار لأستكشاف أو التحقق من فكرة أتتها لما وصلت الكراكينج).. وهذه ليس الطريقة التي ذهبت بها ..
سري في بطني ..
بريمة
10-02-2019, 03:03 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
الحبيب بريمة الزولة الفي الفيديو دي عملت شغل عالي المستوى للأسف ناسنا لسه بزحفو و بالطريقة دي ما حيصلو لانو ال Tools بتتغير و في العالم دا الناس شغالين ليل و نهار في موضوع امن المعلومات و وصلوا مراحل بعيدة ال Tools الكنا بنشتغل بها في التسعينات اتغيرت تماماً و ما عادت ذات جدوى حتى قواعد البرمجة اتغيرت من 15 سنة و في كل يوم في جديد الشغل دا لا يقل عن الطب من حيث المتابعة و مستجداتها المبرمجين و بتاعين امن المعلومات ديل في السودان محتاجين لدورات متقدمة و الدورات دي غير متوفرة في السودان للأسف و من هم اكثر حوجة لهذه الدورات هم:- مدراء مراكز أنظمة المعلومات في المؤسسات الحكومية. مدراء قسم أمن المعلومات والوثائق في الشركات. مطوري أنظمة حماية الحواسيب في الشركة. مطوري نظم المعلومات في الشركات. الأكاديميين الراغبين في تنمية قدراتهم في العمل ضمن مراكز المعلومات. وزارة الاتصالات هي المسئولة عن هذا العمل الكبير لتأمين المواقع الحكومية و اعطاء النصح للشركات الخاصة كجهة استشارية مسئولة و متابعة لتنفيذ هذه التوصيات أمن معلومات المواقع الحكومية هو أمن دولة عمل حكومة الكترونية في الفترة دي ببقى صعب جداً دا لو ما كان مستحيل غايتو ربنا يعيينم فقعو مرارتنا كت اوت تاني:- هسي وانا بكتب ليك دخلت على السيرفر بتاع السودان الفيهو 300 موقع حكومي دا عليك امان الله قاعد في السهلة و موقع رئاسة الجمهورية مشيت فيهو خطوتين التالتة كنت ح استلموا لكن اتراجعتا و طلعتا منو .. ما منهم رجاء الناس ديل ربنا يكون في عون السودان
10-02-2019, 03:32 AM
adil amin adil amin
تاريخ التسجيل: 08-01-2002
مجموع المشاركات: 37010
يا اخ قبل الانترنت ده الدنيا دي كانت واقفة ساكت يعني ما في سياسة واقتصاد واجتماع وحياة طيبة ومرتبطة بالشبكة ارئيسة التي تحرك العالم (الله رب العالمين) وعبر كل الاديان والقناعات العالم المادي الذى تتحرك فيه انت والانترنت لو قطعك عن الكود (القران الكريم) وقطعك عن المحرك الاساسي للسيرفر الكوني الله رب العالمين انت في الاخ بتضيع عمرك حاصل فارغ وعصا موسي كلت حنشان فرعون واضحي في ظلام البحر غارق نحن في السودان عايزين نحرك السيرفر الكوني بتاع كوش الاصلية وعقل المعاد وانت وبطة شبشة ده في حكومة وهكر وتامين يا اخ الحكومة في السودان خرجت من 30يونيو1989 ولم تعد حتي الان وانضربت بي فيروس فرنسي اسمو حسن عبدالله الترابي وربط السودان بكل ما هو مشين ومخزي ورجس من عمل الشيطان وقطع المدد الرحماني من السودان وقلت ليك ال2000000 نزاح في دارفور ما دايرين حكومة انترنت... في جبل عامر بتاع الذهب في اقليم دارفور في السودان الله خلق الموارد والانسان والعقل الفعال والعقل المنفعل تجي دويلة ذى الامارات تصنع ليها جيش هلامي ما عنده علاقة بي الكلية الحربية الجنجويد وتنهب موارد الذهب بتاعة ناس دارفور وتقوي بيه عملتا 300 طن ذهب مع فاسدين المركز ويعاني الناس من الفقر والفاقة وتتضخم الخرطوم بالقصور والفلل ويظل لحدي شهر عشرة 2000000 نازح في مكانه ؟؟؟ قلنا نمشي للدول الناهبة للسودان ونقول لحدي هنا كفاية و عبث الدولة المركزية المنحطة ده يقيف ونعيد هيكلة السودان اخلاقيا وقانونيا واداريا واقتصاديا ودي عملتها هنا في صفحة واحدة بس وده نحن بنختصرو في رسوم نوضيحية مبسطة قرود زيك ما بفهموها والانترنت مهارة وليس ذكاء من الاساس ممكن اي قرد من الثديات العليا يكتسبا طيب لو عملت اذاعة FM قديمة ومرقعة بي الجنبات وما ربطها اطلاقا بي الميديا او الاقمار الصناعية ذى زمان وغطت كل السودان وبثيت برنامجي عبرها ذى الحركة الشعبية زمان ووصلت طوالي لوعي الناس الاميين في الاقاليم الستة وكل زول عرف دوره شنو...داخل السودان ...تاني الهكر ال#################### حيعمل شنو مثلا ؟ ياخ العيب في ق ح ت دي ذاتا والسوفت وير بتاعا ...ما عندها حامل فكري ولا مشروع سياسي لمة بلا مشروع واخر مشروع مفيد الحركة الشعبية 2005-2010
10-02-2019, 03:51 AM
adil amin adil amin
تاريخ التسجيل: 08-01-2002
مجموع المشاركات: 37010
Quote: نعم عندك كتاباتك الجميلة من شهور و انا متابع كتاباتك في مواقع كتيرة كتابات رائعة و متميزة لكن هنا انت شغال في دائرة واحدة يا ريت تطلع منها
هنا وهناك وفي كل مكان هو تفس البرنامج ونفس الاهداف وحياة المسلم تمتد بين دارين وليس الدنيا فقط ؟؟ هذه ثورة الوعي والبصيرة التي دعا له الاستاذ محمود محمد طه من قبل والدكتور جون قرنق من بعد انت قلت ما عندك حزب وما عندك دخل البسياسة وريني المحرقك شنو؟؟؟ هل عندك دور ثاني ومع جهة ثانية غير رب العالمين ؟؟؟ الكون ده فيه شبتكين بس رائيستين الرحمن = الشبكة الرئيسية الشيطان= الشبكة الفرعية ودي بتطفي طوالي لحظة الموت =(21) لَّقَدْ كُنتَ فِي غَفْلَةٍ مِّنْ هَٰذَا فَكَشَفْنَا عَنكَ غِطَاءَكَ فَبَصَرُكَ الْيَوْمَ حَدِيدٌ (22)
عشان كده يا عيون قلبي قلنا ليك امشي شبشة للفرمتة وضبط المصنع قبل تحل بك ندامة الكسعي لا خير في البنا ق ح ت ولا البعجن في الطين جنرالات الانقاذ ديل غارقين في نفاق العالم المادي والمشروع الامبريالي الصهيوني المفضوح والوثنية السياسية البليدة والتعلق بي شخص فقط حمدوك او غيره القصة رؤية وليس ناس وليس مشاريع صرف صحي لا خير فيها في دنيانا التي فيها معاشنا ولا الاخرة التي فيها معادنا عايزني اخلي الختمية واباري الترابي او ايتام عبدالناصر وصدام حسين با لبئس ما تدعوني له
https://up.top4top.net/
10-02-2019, 03:37 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10317
حبيبنا بريمة قبل دقيقتين كلمني واحد صاحبي انكليزي من جماعة انونيموس هاكر قروب قال لي لو عاوزين نأمن ليكم المواقع الحكومية بتاعة السودان ما عندنا مانع قلت ليهو انا ما عندي مسئولية عن المواقع دي و لا بعرف القائمين عليها قال لي انحنا ما محتاجين منكم اي تكلفة دا حيكون عمل طوعي في ظل الحكومة الانتقالية الجديدة قلتا ليهو اتواصل مع الناس المسئولين من امن المعلومات في السودان و انتو عارفين كيف تصلو ليهم و انهيت المكالمة
10-02-2019, 05:11 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
كلامك من ذهب .. ذي ماخلتك قبل الأخيرة لو شلناها ووضعناها لناس قوي الحرية والتغيير .. إن شاء الله هم بأفكارهم ممكن يستطيعوا تأمين معلومات الدولة التي تعينهم لمنع التجسس علي أفكارهم والخطواط التي ينون أتخاذها. نرجع ليك قليلاً للشابة ..
Quote: أولاً المشاهدة تتطلب 5 دقائق وهى شاهدت 211 مرة ..يعني شاهدت 1055 دقيقة .. وعدد الدقائق في اليوم 1440 دقيقة .. يعنى شاهدت 18 ساعة مما يعنى التيم لا يمتلك الخبرة الكافية لأكتشاف التزوير في المشاهدات ..
هل وقعت الخطورة في الحتة دي .. ممكن الواحد يتلاعب بالحسابات البنكية .. يعنى الهكر يضيف في حسابة 100 جنيه ويطرح 100 جنيه بمعدل جنيه واحد من كل زول غنيان في الاسبوع .. يعنى أضاف في جانب وطرح من جانب حتى لا يكون هناك خلل في balance sheet في نهاية فترة المراجعة .. ممكن يعملها 1000 جنيه أو يزيد .. وكن يكسروا رقبتهم لا يعرفوا الحاصل شنو .. لأنه ما في تحويل مباشر .. والبرنامج يظل في السيرفير إلا يجدعوا السيرفر نفسه ..
الذي أوضحته المرأة يسمي XSS .. تعنى Cross-site scripting .. والأخطر أنك تفتح ثغرة في السيرفر مباشرة .. هناك ما بين 0-6535 بورت port في أي كمبيوتر ممكن تدخل خلالها المعلومات .. ووجود بورت واحد غير مؤمن يعنى أمكانية زراعة برنامج هكر في السيرفر ..
المسألة علم واسع ...
بريمة
10-02-2019, 05:47 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
Quote: وده نحن بنختصرو في رسوم نوضيحية مبسطة قرود زيك ما بفهموها والانترنت مهارة وليس ذكاء من الاساس ممكن اي قرد من الثديات العليا يكتسبا طيب لو عملت اذاعة FM قديمة ومرقعة بي الجنبات وما ربطها اطلاقا بي الميديا او الاقمار الصناعية ذى زمان وغطت كل السودان وبثيت برنامجي عبرها ذى الحركة الشعبية زمان ووصلت طوالي لوعي الناس الاميين في الاقاليم الستة وكل زول عرف دوره شنو...داخل السودان ...تاني الهكر
لا أجد خلاف البته ما بيني وبينك .. أنا قاعد أقول الناس تبقي قدر المسؤولية في حماية المعلومات .. لو ما قادره .. تعمل صفحات تعريفية .. يعنى نعود للقديم ما دام يضمن لنا السلامة .. وهناك فقط خوفها يكون أن المعلومات يتم مسحها .. حتى لو الهكر مسحها بكون في "باك أب" ..
ليه نسيت تضيف "قرد شمبانزي"!! .. حسي ثقفناك ول ما ثقفناك! قلت ليك أنا أصلاً زول متخصص في علوم البيولوجي .. القرد فصيلة والشمبانزي فصيلة .. وأنت ظليت تردد ذي الببغاء "قرد شمبانزي . قرد شمبانزي" .. حسي وعيت الدرس .. الحمد الله خطوة في طريق أستعدالك.
وبعدين أنا خيرتك بين نرفعك درجة في تنظيم الكوكلكس العنصري من رتبة الكلان .. تبقي وزيرد wizard ..أو نعطيك أسم بديل lizard .. ضب ساكت، مخلوق من مخلوقات الله .. وأخترت العنصرية .. عشان كده أنا رايح أبهدلك .. أنت أكتر زول خارج شبكة التغيير الحاصل في السودن ... زمان كلنا متداوسين لكن يوم أولادنا وصلوا الهدف .. قلنا أرضاً سلاح .. أنت أبيت تعترف بالتغيير .. نحن عايشين في الغرب .. والله زول يسألك عن صلاتك ما في! .. تصلي لا تصلي ما عندهم دخل بيك .. شابكنا شيوعيين شيوعيين ... يا أخي أنت أدعو الناس لكن لا ترغم الناس .. الأنسان مخيّر وغير مسيّر (المتعصبين مثلك قالوا العكس) .. وهديناه النجدين .. أنت عايزنا كلنا نكون ذي حيوان أبون عرف .. كل القطيع يجري في صف واحد خلف القائد .. لو قتلت القائد البقية لا تغير الطريق .. أنت ما عليك إلا تعبئ خرتوشك كرك كرك توباح .. كرك كرك توباح .. يعنى تشوت .. لهدي ما يعدي أخر بغل منهم .. يكون رميت منهم كم .. هو حصادك .. نحن شعب بنفكر .. ونحاول نغير طريقنا إذا شفنا فيه مهلكة .. أنت حسي داقش مثل حيوان أبو عرف تجري لما تقع قروونق علي دقنك!
بريمة
10-02-2019, 06:58 AM
adil amin adil amin
تاريخ التسجيل: 08-01-2002
مجموع المشاركات: 37010
Quote: وبعدين أنا خيرتك بين نرفعك درجة في تنظيم الكوكلكس العنصري من رتبة الكلان .. تبقي وزيرد wizard ..أو نعطيك أسم بديل lizard .. ضب ساكت، مخلوق من مخلوقات الله
يا بريمة والله حكم من تمساح عشاري عملتني ضب ساكت... انعل ابو الداروينية الخلتك كبرت اللفة ونطيت الحجاز والعقال والشيخ سديس الي ما وراء بحر الظلمات واتعلمت النت بي عقلية الجنجويد المجرمة ما عارف في الفرق بيت الحكومة بالتخت مشاريعها الواضحة الما فاضحة للشعب طوالي ويكون الشعب جزء من البرنامج بتاعا وبين النظام المجرم المرتبط بي الدوائر والاستخبارية الاقليمية والدولية في راوية لي جورج اوريل اسمها 1984 اقراها بالله زمان حدكم مكة بس وتجاور وتجي راجع السودان بي هاي لوكس موديل(78) وتكنب في جعبات البوكس بي قلم احمر عريض "عيون في الغربة بكاية " و كمان نظارة بيرسول وتغني ليك الحاكمات انت وحمدوك "وليد بقارة حلاتو بي النضارة " هسة جاي ترفس هنا وتعمل فيها منقطا قلت ليك افهم ق ح ت اصلا ما عندها مشروع ولا برنامج عشان تختو في النت او تلغيه او يتهكر حتي لو كان في كان ظهر في الاعلام وعندنا في الطب حاجة اسمها tumor markers كاشفات السرطان ...مواد انت تستخدما كبرمتر parameters لكشف السرطان ودي بستخدما في السياسة هنا انت حدد التحول الديمقراطي البودينا الانتخابات ويقضي علي سرطان الانقاذ كيف ونزلو للشعب تحت شعار الواضح ما فاضح مش اقلع ده وخت ده واشغل الملتق ده وابدا بي ياصلاح القانون اول حاجة والمؤسسات القضائية لمن الفي زول بمشط في الانقاذ بي قملا بعرف طوالي الزول ده جزء من السرطان ويضلل في الناس وماشي في نفس الانجاه والفخ الامريكي = الفوضى الخلاقة بعدين القرود دي نظرية قرانية مذكورة في القران في وصف اشخاص محددين ما من راسي والثديات العليا مع البشر وتشترك في عقل المعاش "الغرائز" ثلاثة 1- الشمبانزي pan pansicus 2- الغوريلا =التقل في السودان 3- انسان الغاب orange autan وهسة في قرود جديدة "البشر المؤدلج " يخزيك والحوار معه يولد احاسيس بغيضة ( ذى الحصحاص في الجذمة) لانه يتوهم دائما انه اذكى وانظف واوعي منك https://up.top4top.net/
10-03-2019, 02:11 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27540
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
خضر الطيب
علي عبدالوهاب عثمان
adil amin
Deng
فيس بوك
تويتر
انستقرام
يوتيوب
بنتيريست