مساء الورد عبد الصمد لا اشك و لا اقلل من صوت احمد المامون و فضل ايوب لكن تقييم الصوت في الهواء الطلق بالنسبة لينا كفيديو بكون صعب مصطفى طبعاً لا يعلى عليه فهو فنان مجيد و الاغنية دي رسلا لي حبيبنا بدر الدين من شهر و بدر الدين الامير هو الصندوق الاسود لمصطفى سيد احمد و انا بهتم كتير لما بدر الدين يرسل لي اغنية لمصطفى سيد احمد اسمع حسن شرف الدين تسجيل استوديو
09-28-2019, 06:47 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10279
هنا الاغنية بصوت صاحبا الخير عثمان و هي من كلمات الشاعر عمر فلاح حصل اختلاف في من غناها اول هل هو الخير عثمان ام التجاني السيوفي و لم يحسم هذا الامر الى ان توفاهم الله في النهاية انحنا مستمتعين بالآداء من الفنانين ديل و الخير عثمان من جيل ابراهيم الكاشف و قد اشتهر بأغنية حنتوب الجميلة و حنتوب دي اتخرج منها حبيبنا ود الحيشان التلاتة .. المدعو ود الاصيل :)
09-28-2019, 07:28 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10279
دار فلاح بالملازمين بالقرب من معهد القرش واهتمام دار فلاح بالغناء الشعبي و اغاني الحقيبة كبير جداً كنت بتردد عليها في امسيات اخر الاسبوع و كنت وقتها ساكن جنبهم كانت في نقاشات عن حقيبة الفن و بعدها اغاني الأغنية فعلاً اسمها النُدامة رغم كلمات الأغنية بلغة عربية رصينة لكن جات كلمة النُدامة باللغة المحكية -------- الاخير دا منقول دار فلاح للغناء الشعبي
هذه الدار المعتقة التي قدمت الكثير لخارطة الغناء الشعبي في السودان انشئت دار فلاح عام 1969 بامدرمان بعد حدوث خلافات بين محمود فلاح واتحاد فن الغناء الشعبي وقد كان الفنان محمود فلاح عضو في هذا الاتحاد ويغني في شكل ثنائي مع الفنان عبد الله محمد وانشق من اتحاد الغناء الشعبي واسس دار فلاح للغناء ومعه شقيقه الشاعر المخضرم احمد فلاح الشهير بـ (شاعر العيون) لانه نظم العديد من القصائد في وصف العيون الفاتنه ..............! محمود فلاح شخصية لها دور محوري في حياة الاغنية الشعبية وقد لعب ومعه شقيقه احمد فلاح معلماً بارزاً ومهماً في تأريخ الاغنية الحديثة في السودان بشقها الشعبي والحديث التي تستخدم فيه الالاّت الموسيقية! وقد تتلمذ علي ايديهم العديد من المطربين (ترباس - عبد الوهاب الصادق) وقدمو الكثير لعدد كبيرمن المطربين وقد كان رأي محمود فلاح واضح لكل مطرب بان اي مطرب لايستطع التلحين لن يكتب له النجاح والاستمرار في مجال الغناء وكان يصقل مواهبهم من خلال بروفات مكثفة وتمارين ويعلمهم كيفية تنمية ملكة التلحين وقد قدم لاول مرة ومن خلال الدار المطرب كمال ترباس في اغنية ( اّن حمامي وناح حمامي ) من الحانه وكلمات شقيقه احمد فلاح وكانت لترباس بمثابة ضربة البداية لمولد مطرب ووصوله للنجومية ... كذلك قدم للفنان عبد الوهاب الصادق (حبايبي الحلوين) من الحانه وكلمات احمد فلاح وقد كانت دار فلاح للغناء ملاذ لكل المطربين والمبدعين ومازالت الدار مفتوحة بعد وفاة المرحوم محمود فلاح
09-28-2019, 07:05 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
والله ياصمد قريت العنوان وطوالي قفز لخاطري أحمد المأمون .. وفعلا لقيتك جايبه ربما لانه عاجبني صوته .. لكن شايف ناس كتار مستهجنين صوته .. غايتو نلوذ بالمقولة بتاعة حب الناس مذاهب .. أنا شايفه غنّاي أكتر من مأمون سوار الدهب .. والاتنين ممتازيين .. وأصواتهم جميلة .. لكن ود المأمون أنا شايفه متمكن زيادة .. وجهة نظر ليس إلا ......
09-28-2019, 07:36 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
يا سلام يا سلام فنان غناي شديد يسلم ذوقكم كلكم لكن لماذا الأغنية الإفتتاحية بصوت الفنان الكبير حسن شرف الدين وليس الفنان القادم بقوة أحمد المأمون برضو عاوزين رأيكم في ريماز ياسر
09-28-2019, 09:17 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
شكراً خضر وأبوالحسن ما ساهل لكن شاعر الأغنية محمد عثمان عبدالرحيم أنا متأكد وشاعر العيون السمعت بيه أنا عبدالله النجيب ما سمعت بأحمد فلاح صدقني الشاب دا حيملك الساحة عشان كدا جمهور محمود عبدالعزيز بعشقوه صوته كلما يكبر بزيد قوة ونقاوة على عكس ود ناس أبو صلاح
شكراً أستاذة صباح وريمازشابة ينتظرها الكثير وإن لم يعجبني تبني فرفور لها
شكراً يا جمال يا أستاذ الذوق الود دا عنده حنجره ألماظية شكراً على روائع الجابري وخد هذا الأداء الرائع لأغنية زيدان إبراهيم
09-28-2019, 10:04 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7214
Quote: الأغنية طبعاً للشاعر محمد عثمان عبدالرحيم شا عر أنا سوداني سوداني أنا وهو من نفس مدينة أحمد المأمون (رفاعة)
كلامك صحيح يا عبد الصمد أغنية الندامى شاعرها محمد عثمان عبد الرحيم ولكن يقال أنه حاول المشاركة بها في مسابقة شعرية مع قصيدة أنا سوداني ولم تسمح له اللجنة المنظمة بالمشاركة بعملين فشارك بقصيدة الندامى بإسم شاعر ثاني لا أذكر إسمه الآن وربما تكون هذه الحادثة هي سبب اللخبطة في نسبة الأغنية للشاعر محمد عثمان عبدالرحيم
الأغنية يا خضر قطعاً من الحان الفنان التجاني السيوفي وهو اول من غناها في الإذاعة في حفل بث مباشر ولا أظن أن هنالك تسجيل لها بصوت التجاني السيوفي في مكتبة الإذاعة وأغلب الظن ان التجاني السيوفي غادر السودان وانقطع عنه قبل تسجيلات الإذاعة.
09-28-2019, 10:15 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10279
الندامى (جمع نديم )وليس الندامة بالعامية من الندم والاسف الشاعر محمد عثمان عبدالرحيم ولحنها التجاني السيوفي الشاعر احمد ابراهيم فلاح قدم للخير عثمان اغنية من كلماته والحانه اغنية (عيوني وعيونك أسباب لوعتي) غناها الخير قبل ابراهيم الكاشف ابوجبل (التجاني السيوفي) برضو لحن للخير اغنية،(امل) لاسماعيل خورشيد بعدين حنرجع لاحمد مامون وقوة الصوت...وحكاية الواحد يغني وهو قاعد وهل بتاثر في قوة الصوت؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة