|
|
|
 Re: π مشاهدات و مجابدات أغبش £ (Re: دفع الله ود الأصيل)
|
{3}
[} قلنا: يا أيها الملأ ، أفتونا في أضغاث أحلامنا،
إن گنتم إلى تفاسير الرؤيا تنفذون!؟ فقيل لنا :
أجل، لقد كتب عليكم الهيام: تهيمون على وجوهم
في الأرض مائة سنة إلا سبعين عاما(...)، تحرثون
فوق سطح الماء ؛ و لكن لم و لا تحصدون شيئا
أبدا ، اللهم إلا أن يكون ذلك حشفا و سوء كيلة.
| |
 
|
|
|
|
|
|
|
|
Re: π مشاهدات و مجابدات أغبش £ (Re: دفع الله ود الأصيل)
|
(6)
[} الأئمة ثلاثة من حيث وجوب الخروج عليهم من عدمه:
1- إمام عادل مقسط بين رعيته، و هذا يحرم الخروج عليه مطلقاً.
2- حاكم كافر أو مرتد، والخروج عليه و مقاتلته متفق على وجوبه مع
حصول القدرة عليه، و في حال انتفاء القدرة وجب السعي بشتى و أنجع
الطرق السلمية لتحصيلها في سبيل الإطاحة به و رميه في مزابل التاريخ.
3- و أما السلطان الجائر الفاسد ، ففي الخروج قولان هما:
أ/ عدم الجواز ؛ لما يترتب عليه من فتن و شرور قلما يسلم
منها بشر ،حجر أو شجر ، و هو رأي غالب أهل السنة والجماعة.
ب/ وجوب الخروج، وسل السيوف في سبيل الأمر بالمعروف
و النهي عن المنكر ، و نسب الإمام ابن حزم هذا الرأي إلى
أبي حنيفة و مالك والشافعي.
[} طيب نجي لي زولنا دا و معه زبانيته و بطانة سوئه
الأقربين هل هم داخلين في صنف من التلاتة و لا برة ؟
يعني بالعربي الفسيخ گدا يغورو وتسقط و لا تقعد بس؟!
| |
|
|
|
|
|
|
|
|
|
Re: π مشاهدات و مجابدات أغبش £ (Re: دفع الله ود الأصيل)
|
(((9)))
[} طبعن آخر خبرية واردة من أخونا الياقوت عبد العظيم عن
أهلنا و عروبنا الغُبُش أبن مسوحن موية الله يطارهم بالخير قالو:
ملجة الخدار عدمانة فرطاقة البصلة ، و هداك ليه شوال بنبون
البصل اللخدرالواحد دا ، قفز بالزانة فجعتن كدي من 200 جنيه ،
و قام مسحسح لا من ترااااح دق في المليونين و نص و خمسة.
[} يعني ، ممكن يورونا (عنطجة) البصلة بتطلع بي كم گدي عشان
ما نتوه و يتخلبتن علينا اللختساسات؟! ثم بالموناسبة ، هو المقصود
بس نعلو كمان بصل الگلاب؟!لأنو دا البديل الوحيد المنيشين عليه
أگان الگوع حمى، و فقدنا ريحة البصل بعد نسينا شكل نتشة اللحم.
[} ترا ، ما فاضل بعدا ؛ عاد علا الواحد ينحشر وين تانيعاد،
علا بين البصلة و قشرتا. و لا كمان أقول ليك حاجة،علا نطش
بالخلا و الرفيق الفسل؛ نقعد نباري ساااهبي شدر اللعوت
الزمان في المثل قالو ما بيلمو علا الموت!!!
[} يلا بس هناك نعيش مع الطبيعة. و لا عنتر نط و لا لاب طوب
و لا هم يحزنون.فمسلن الواحد ممكن عادي يتغدى نيم و يحلي لالوب؛
بعدين يتعشى بي ودگ من دفرنش النملة، عشان تحرم علينا الرشوشة.
و خلطة التغشف دي تگون مكشنة بي فرطافة بصلة گلاب؛ يلا و عليها
كوب شاي مدنگل، ساااخن و مقنن بي لبن عشر .و كان ما شبع بعد
اللهمقة دي گولها يمش يتمها بي تلاتة (گيزان) موية غولاد ليهن
فقرة السيف ما يدليها، نظام (تعويم) مغنطيسي گامل ، و گدي!!!
| |
|
|
|
|
|
|
|
|
|
Re: π مشاهدات و مجابدات أغبش £ (Re: دفع الله ود الأصيل)
|
(11)
[} يا خوانَّا صحيح (لازم تعرفو الظلم جيي من وين عليك) ،
و لكن المشكلة موش في التغيير بحد ذاته و بس، و بعدين يا دنيا
عليك السلام . كان على كدا هينة ؛ و إنما في كَيْفَ نعد أنفسنا بكل ما
أويتنا من قوةٍ و من رباط الخيل يعني نحنا بقينا شامة بين شعوب الارض
قاطبة إننا بنعرف كويس جدن نعكس كورنة ؛ فبالله عيك كم مر ة قلبناها
و طربقناهافوق راس نميري و عبود و كتشنر ظاطو كتلنالو زولو غردون
باشا و دفناه في قصر الشعبالإ تحرَق أمس دا؛ و لكن مشكتنا دايماً في غياب
اللاعب البيقدر يدخلا لينا قوووون ، يختها لينا في جك التمانيات؟! فياخي
بصرحة الفنشنغ عندنا تعبان شديد. منذ الاستقلال و نحن لسة و ح نفضل
لي بعد باكر نتزحزح لايصين دخل دائرة سخيفة ( بين عسكر و
حرامية) ؛ عاملين كالمُنْبَت: لا ارضاً قطع و لا ظهراً أراح .
نفس المأزق العايشنو معظم كفاءاتنا ، راكبين في طوطحانية
ما بين غربة و وطن . زمان الناس حونان كان أهلنا يخشون علينا
من مطرقة الغربة القساية و ها نحن اليوم بقينا نخاف عليهم من سندان
حضن وطن نيرانو غلاية .على أن اتخاذ أيامنالحالتين گبديلة للأخرى
يعد أمراً بلا جدوى، و أشبه بحال من يحاول عبثا إزالة النجاسة عن
بدنه و ثوبه بگتحة گأس خمر معتق من عبقري الرباب.
[} و ترا هو جنس التوهان دا المخلينا لسة يوماتي مشبوحون بين لافتتين،
قصدي صفين (جاز و رغيف) ، كشان من يدافع الأخبثين ، أو بالأحرى ،
گشان بالع شفرة موس حلاقة على حدين؛ أوإن شئنا الألعن و أظرط، كحال
الساعي عبثا ً لوضع كلتا قدميه في كلتا خفي حنين. حتى لا نشبه حالنا بحال
طفل غشيمباسط گفيه إلى فقاع رغوة صابون ليبلغ به شفتيه و ما هو ببالغ،
إلا بسق الأنفس فاللهم لا لا اعتراض ولا حول و لا قوة إلا بالله!!
* ود الحيشان التلاتة / مؤذن في جزيرة مالطة،،،
| |
|
|
|
|
|
|
|
|
|
Re: π مشاهدات و مجابدات أغبش £ (Re: دفع الله ود الأصيل)
|
{{{12}}}
[} المداخلة الشحمانة دي لامن قراها خالاُ لينا رد لي قال:
رغم الطفشان في بلاد الغربة منفعلين معانا بمشعاعركم الطيبة.
بس لينا الله و عيشة السوق. و بالنسبة للعيشة المرة محرشة بناتا
قالت ليهن:أنا مارقة، تحين أبوكن دا ما تبقن عليهو عشرة ، لاكين
ورنو لي المكشن برا بصل. و مرقت مشت حامت البلد و البلدين
و جات راحعة ب شبه خفي حنين ، ما جابت معاها علا بس تلاتة
ملاوي فتريتة و ود (عگر) و قالت و موعودة بالملوة الرابعة بعد لم
العيش في الدرت. تخيل من تلاتة حلال : ود النو و المسلمية حلة
عبدالرحمن و الهبيكة النقر، و ما تمت گيلة عيش فرد واحدة.
| |
|
|
|
|
|
|
|
|
|
Re: π أو مَنْ كان هَمُّهُ ما يدخل كَرْشَهُ.....؟!! £ (Re: دفع الله ود الأصيل)
|
{{{14}}}
و طالما أنو الحديث مرات بجيب العريس . فإذا كانت
دي الطريقة القاعدين نمارس بيها عاداتنا الغذائية و همنا
كلو محصور بس في شهوة البطن، بس وين نلقى لينا نتشة
لحمة و لا نعتر لينا في فرطاقة بصلة و يومنا كلو رايح مننا
في دوامةالجري و الرحيح ورا لقمة الكسرة النضيفة و الويقود
البنجضوها بيه، فلازمن يعني باقي وكتناو نهدرو و نضيعو كمان
في الحصول على حمامات عشان نفضي فيهن محرجات الحوما
رالوتني.، الله يكرم الشامعين و السامعين الأحياء منهم و الأموات.
أما فعلن و الله ، عالم ظراط بصحيح√
[} فبالله دي أمة فاضبة تاكل ترقد مما تزرع و لا جعجعة ساي
برا طحين يذگر! تعرف أي زول من گسلا و لا من ربوع شندي،
و لا بالذات من جزيرتنا الخدرا دي ، تلقاه بيشكي من أزمة بصل
فحقو بس (يصعطوه) ببصلة گلاب يدعكوها ليه في نخريه
[} و هناگ خبر حايم على ضهر موجة عبر وسايل
التناصل اللااجتماعي الله لا يطاهن بالخير بين المقوقلين
و ا لمقوقلات و المتوترين والمتوترات و المفسفسين و
المسففسات!! و ننقله ليكم هنا برتوشه مع شوية تخريمات
هنا و هناك بتصرفنا الخاص و لينا فيه بسحق السلبطة.
π شيخ يحصل على دكتوراة في (الفسوة)√
[} ماحدث في جامعة الزعيم الأزهري يوم 7 نوفمبر 2018
ليست نكتة سمجة؛ بقدرما كان أمراً واقعاً فعلن قد لا يصدقه عقل ،
و هو أقرب إلى مهزلة.. و مت شر البليلة مايضحك..ففى ذات ذلگ اليوم
فرغت هيئة من كبار العلماء الثقات من مناقشة رسالة عصماء لمنح شهادة
الدكتوراة مقدمة من الشيخ (ف.س). كان موضوعها - صدق أو إن شئت
لا تصدق إنت حُر - الفقه المقارن في انبعاث غازات البطن حينما تنطلق
متل مدفع الدلاقين من مؤخرة القوي و الضعيف على حد سواء ، اللهي :
(الفساء) و هي بهذه المناسبة عند البهائم تسمى (حبقة) كما وردت في
شعر عمنا / ود الواثق. و هي طبعن، بخلاف فسوة { الديك} ؛
و دا كمان مصطلح آخر له أبعاد خماسية تانية خالس .
| |
|
|
|
|
|
|
|
|
|
Re: π أو مَنْ كان هَمُّهُ ما يدخل كَرْشَهُ.....� (Re: دفع الله ود الأصيل)
|
(((17)))
غايتو بالنسبة لفضيلة شيخنا الأستاذ الديك / تور بتاع
فقه الضرورة المقارن دا ، فبصراحة عشان نقفل الملف دا
نهائي و نمرق من حتة الكتمة دي البسبق (عصفة الهبباي)،
فأنا شايف إنو بكدا حقق لي روحو شهرةً على نطافق أوسع
مما كان يصبو إليه عبر أثير الأسافير ، و بالتالي انطبق عليه
المثل القديم و ساير : أللهم طلع ظيطي إن شا ء الله حتى و لو
بي (انفلات ريح) ؛ و الناس كمان برضو عديمين شغلة و من
النوع البحبو يعملو من الحبة قبة و من الفيل نملة و مستنيين
ليهم بس ظريطة عشان ييسوو لينا بيها ظيطة و ظمبريطة .
| |
|
|
|
|
|
|
|
|
|
Re: π أو مَنْ كان هَمُّهُ ما يدخل كَرْشَهُ.....� (Re: دفع الله ود الأصيل)
|
(((18)))
{{{7}}}
[} طبعن وجب التنويه ، بعد گل عصفنا الذهني المباح
و المتكرر هذا، إلى أننا نبذل قصاري جهد المقل في سبيل سرد
سلسلة من هذه المشاهدات والمجابدات }بواقعية فائقة Sur-realism،
على غرار نسج الأحاجي و حبك القصص القصيرة أو متناهية القصر
أحيانا، و التي قد يسهل إسقاطها بگل عفوية على لسان حالنا المايل و الما
بعجب عدو ولا صليح لتبيان عنصر المفارقة ، و أيضا كتجسيد حي لحالات
تناقض أمرنا الواقع ؛ فبالتالي يمكن تناولها گنوع من رغيف العيش الحار من
نارو {جاهز لعمليةالقروض حاف على الناشف} ؛ و بخلاف أدب الرواية كاملة
الدسم و متگاملة الأضلاع و منفرجةٍ الزوايا و گاملة الدسم ، و التي قظ تتطلب
بدورها حبگاً دراميا لفصولها ، و بناءً هرمياُ لملامح شخوصها و لتهيئة
الأجواء المحيطة بمدارات أحداثها و تلگ عناصر و مواعين أدبيرة
عادة ما تگون مصبوبة سلفا ً في قوالبَ و أنماط ٍمعينة و متداعية ً
تلقائياً ،و ليس گما هو الحال في أسلوب تناولنا للشغلانة
برمتها هنا على طريقة (التيك أواي).
π ود الحيشان الت لا ت ة √
π مؤذن في جزيرة ما ل ط ة√
| |
|
|
|
|
|
|
|
|
|
Re: π أو مَنْ كان هَمُّهُ ما يدخل كَرْشَهُ.....� (Re: دفع الله ود الأصيل)
|
{{{19}}}}
سيل من إشادات المتابعين أعاجم و عربانا، بمدى تحضر و
و رقي حراك العصيان المدني المسالم لشعبنا المعلم ، يطوي
ثالث أيامه، مبهرا الدنيا بأسرها، بلا شتائم لا خراب لا حراق ،
حيث لا بلاطجة و لا بلاشفة و لا فلاسفة. فگم أنتم مبهرون
حقا يا شباب. فليسدد الله رميكم و ليحث خطاگم ؛ و گفاگم
الله سلبطة المندسين: أمنجية أو جهوية او همباتة ثورات.
| |
|
|
|
|
|
|
|
|
|
Re: π أو مَنْ كان هَمُّهُ ما يدخل كَرْشَهُ.....� (Re: دفع الله ود الأصيل)
|
{{{{21}}}}
يا غافلاً وله في الدهرِ موعظةٌ.. إن كنت في سِنَةٍ فالدهرُ يقظانُ
و ماشيًا مرحًا يلهيه موطنهُ.. أبعد حمصٍ تَغرُّ المرءَ أوطانُ ؟
تلك المصيبةُ أنستْ ما تقدمها.. و ما لها مع طولَ الدهرِ نسيانُ
يا راكبين عتاق الخيلِ ضامرةً.. كأنها في مجال السبقِ عقبانُ
وحاملين سيُوفَ الهندِ مرهفةُ.. كأنها في ظلام النقع نيرانُ
و راتعين وراء البحر في دعةٍ.. لهم بأوطانهم عزٌّ و سلطانُ
أعندكم نبأ من أهل أندلسٍ.. فقد سرى بحديثِ القومِ رُكبانُ ؟
كم يستغيث بنا المستضعفون.. وهم قتلى وأسرى فما يهتز إنسان ؟
لماذا التقاُطع في الإسلام بينكمُ.. و أنتمْ يا عبادَ الله إخوانُ ؟
ألا نفوسٌ أبياتٌ لها هممٌ.. أما على الخيرِ أنصارٌ و أعوانُ
يا من لذلةِ قومٍ بعدَ عزِّهمُ.. أحال حالهمْ جورُ وطُغيانُ
بالأمس كانوا ملوكًا في منازلهم.. واليومَ هم في بلاد الكفرِّ عُبدانُ
فلو تراهم حيارى لا دليل لهمْ.. عليهمُ من ثيابِ الذلِ ألوانُ
ولو رأيتَ بكاهُم عندَ بيعهمُ.. لهالكَ الأمرُ واستهوتكَ أحزانُ
يا ربَّ أمّ وطفلٍ حيلَ بينهما.. كما تفرقَ أرواحٌ وأبدانُ
وطفلةً مثل حسنِ الشمسِ إذ طلعت.. كأنما هي ياقوتٌ ومرجانُ
يقودُها العلجُ للمكروه مكرهةً .. و العينُ باكيةُ والقلبُ حيرانُ
لمثل هذا يذوب القلبُ من كمدٍ.. إن كان في القلبِ إسلامٌ وإيمانُ
| |
|
|
|
|
|
|
|
|
|
Re: π و من طرف المسيد جاتأغرب بدايل.....� (Re: دفع الله ود الأصيل)
|
(((22)))
حمة والله و حكاية من طرف المسيد :بين المحكمة و الإنداية
@ حيث يحكي أحدهم : كان صديقي طه( موش الدلاهة طبعن) موهُوباً في حلِ جميع
أنواع المشاكل مهما تكون معصلجة، و ابتكار وسائل عبقريّة، بحق، في تصريف الأمــور
... و كنتُ، أنا، رغم استفادتي من مواهبه، بحكم صداقتي و ملازمتي له، كنتُ أحسده قليـلاً
على جرأته و حضور بديهته، و القبول الكبير الذي يُقابلهُ به الناس، و من بينهم الذين يلتقوهُ
للمرَّةِ الأُولى.و كنّا في تلك الساعات من مساء الخميس، قيد الحبس بتهمة (السُكر)...و كانت
ليلة القبضُ علينا بوقتٍ متأخرٍ و نحن نخيِّت في الدرب سبعة تمانية و نتَّرتع خطوة لي قدام ،
و اتنين حركة ورا؛ و نقول : "أرقد آ عيش أن جرابك" و طبعن فشلنا في الإتصال للحصول
على (ضامن) حتى يتم اطلاق سراحنا، و نعاود محكمة العُد في صباح يوم الأحد ناخد 40
جلداتنا بآخر مزاج متلما تعودنا لامن بقينا جِلدن معلم على جر الشوك و لكن ، استطاع
طه أن يُقنع أحد العساكِر بتبني قضيه ضمانتنا... كيف؟ لا أدري أو في حوالي الحادية
عشرة من صباح الجمعة و جدنا أنفسنا طليقين، على أن تُجري محكمتنا لبعد باكر.
| |
|
|
|
|
|
|
|
|
|
Re: π و من طرف المسيد جاتأغرب بدايل.....� (Re: دفع الله ود الأصيل)
|
(((23)))
و اقترح عبقرينا طه أريتو معلم حبيبك طالما القصة بايظة بايظة، نقضي نهار
الجمعة في اندايتنا قبلنا، فسألته:- معاك قُرُوش؟- لا!- أنا ذاتي ما معاي! قال لي بيقين
من عجنته الحياة، و تعكته الظروف و عركته الظُروف:- قول خير ، أرح!... ربَّك
بيفرجا.و ذهبنا إلى الإنداية، و طلبنا ما لذَّ لنا و طاب من مريسة و كانجي مورو، و بدأنا
نشرب غير آبهين للحساب الذي يجب دفعهُ، و لا غضبة ست اللِّنداية عندما تعلم بخلو
و فاضنا و جيوبنا من المال...و فجأة دخل علينا أحد الرُّعاة يجلب بهيمة مُكتنزة.. و لم
يخطر على بالي، أبداً، إنَّو طه كان جاداً و هو يفاصله في سعرها، و ما انتهت مفاوضتهما
حول السعر و اتفقا حتى أمره طه المُفلس أن يذبحها: من اللضان لللضان - على بركة الله ،
أضبحا!و طفِقيُتابع عملية الذبح و السلخ ، و تجهيز اللحم... و تكسيرهُ ، و أنا لسة مُحتار
في المصدر الذي سيدفع منه طه ثمن المريسة، ناهيك عن الضبيحة...و لكن واصل طه
خطتهُ، التي كنتُ أجهلها حتى الآن، و وجه حديثهُ للراعي:- يلا قسم اللحم دا لخمسة
عشر كوماً، و طلع الراس و الكلاوي براهم.- حاضر حاضر يا معلم. و فعلاً تم تقسيم
اللحم للأكوام المذكورة، فاحتفظ منها طه بثلاثة بخلاف رأس البهيمة و كلاويها،
| |
|
|
|
|
|
|
|
|
|
Re: π و من طرف المسيد جاتأغرب بدايل.....� (Re: دفع الله ود الأصيل)
|
(((24)))
# ثم نهض المعلم طه واقفاص ليشرع في تنفيذ الجزء التالي من خطته واقفاً
موجهاً نداءه لروّاد اللنداية:- يلا يا أخوانا علينا جاي! .. دا الهوبلِّلي و الكوم بي
عشرة جنيه بس ... و في غضون دقائقٍ معدُودات ، كان اللحم المُكوَّم قد نفد و قد
تم بيعه، بمائة و ثلاثين جنيه، لجمهور زبائننا السُكارى مرتادي الإنداية... دفع منها
طه، من فورهِ، مائه جنيه ثمناً للبهيمة جالبة الحظ، و احتفظ بالثلاثين الباقية، التي
كانت كافية لدفع أثمان مرايس الجُمع لثلاثة أسابيع أو يزيد...و رمقت طه بنظرة
مختلسة أنا احتسي، باطمئنان، عبّاراً ثالثاً، و هو يسوُط حلة الشوربة المصنُوعة
من رأس البهيمة! و قد تلطخ شاربه بالمريسة و إحمرّت عيناه، و تبدى
لي أنه يناجي نفسه:- ما بتحيَّر إلا مغيَّر!
تخريمة: ..
# ياخي ما قلنالكم: ادو المَرَّاسة ديل فرصة ولو مرة فى وزارة المالية والاقتصاد
الوطني دي عسى ولعل ينعدل الحال و ينصلح حال البلد المهوب دا على أياديهم
و زي ما أهلنا قاللو: قادر ربك على كل شيء و يضع سرُّو في أضعف خلقو!!!
| |
|
|
|
|
|
|
|
|
|
® مستنگحون حملان في الحيشان برتبة فرسان😂 في الميدان π (Re: دفع الله ود الأصيل)
|
(25)
® مستنگحون حملان في الحيشان برتبة فرسان 😂😂😂 في الميدان
إن ضيق ذات اليد والحوجة الماسة للمال لمجابهة ضروريات الحياة و متطلباتها شبه
المعدومة كانت سبباً فى خلق وتفشي شريحة واسعة النطاق المستنكحين الدخيلة على
بلادى.. هذه الشريحة من ناس( تولوب) لهم الكثير من النوادر و القصص والحكايات..
وأكثرها مثير للضحك و البكاء معا.. إنهم يتمتعون بذكاءٍ خارقٍ وحنكة ٍنا درةٍ.. يعرفون
المخارج من المواقف من أضيق الشقوق و بأقل الخصائرالممكنة ، و اللاممكنة..
يحكي هذا الشاب،: اهاااااا مشيت لزيارة فردتى ورفيق صباى متوكل.. وصلت البيت.. دقيت الجرس والباب..
لم يفتح الباب إلا بعد التأكد تمااااما مِن مَن هو الطارق.. فتحت الباب شقيقتة بعد كم سؤال تحقيقى.. وبعد التأكد
الجازم من شخصى الشفت.. فتحت الباب سلمت ودخلت الصالون لقيت متوكل فردتى فى حالة توتر وكدر شديد..
سلامات يا حبوب.. مالك معفوس كدا.. قال اسكت يا ابوعويض يوسف اخوى متورط فى شيك بمبلغ كبير.. وعامل
ليبتون ليه اسبوعين.. ناس المباحث كرهونا البيت والحلة.. ممممممممممم لا حولاااااااا شيك بكم.. قال 250 مليون.
. والموجود من المبلغ 150 مليون..يعنى العجز 100 مليون.. قلت ليه طيب والحل؟.. قال عنده ود عمتو حا يجى
بعد شوية وقال عنده فكرة.. قلت ليه يا زول هوى فكرة شنو؟.. ود عمتك ده حنفولى وعنده شرتيت(قروش) بحل
الموضوع؟.. الشيكات دى بحلوها بالدفع بس.. الحنك مااااا بقسم فى هكذا امور.. المهم ونحن بنتكلم وصل ولد
عمتة.. زول شكلو مفتح ومقرم والدنيا واقعة ليه.. هو عارف الموضوع.. بدأ الكلام بالراحة وثقة.. قال يا
جماعة الموضوع بسيط.. انا اتصلت على زول حا يحل الموضوع ده حا نمشى ليه الآن نتفاهم معاه..
تمام.. كيف حا يحل الموضوع ؟.. قال ما عليكم خلونا نتحرك مانضيع زمن انا مواعد الزول هسي.
| |
|
|
|
|
|
|
|
|
|
Re: ® مستنگحون حملان في الحيشان برتبة فرسان😂 (Re: دفع الله ود الأصيل)
|
(26)
ركبنا العربية وتحركنا على بيت اعظم مستنكح فى العالم.. عمك بدر.. نعم اسمة بدر..
وصلنا البيت.. اتصل ولد عمة متوكل.. فتح الباب عمك بدر شخصياً.. رجل فى بداية
الخمسين من العمر.. وجية جدا. وشكلة صبوح ومقنع.. هادئ ومرتب.. دخلنا البيت.. جابو
لينا الشاى كبابيه يطاقشن .. و طوالي سأل عن الموضوع.. حكو ليه القصة من طق طق
للسلام عليكم وموضوع الشيك..قالو يوسف متعود على حركة الشيكات دى.. بشيل بضاعة
وبكسر فى السوق وشغال بفهم طاقية ده فى رأس ده.. لكن لو اتخارج من الورطة
دى تانى تووووووبة ما بعمل الحركة البيش بتاعة الشيكات..
# عمك بدر قال عندكم كم.. قالو 150 مليون ناقصين 100 مليون من مبلغ الشيك.. قال لا لا اموركم طيبة..
اول حاجة ادونى 5 مليون سريع عشان اجهز ادوات النصب... ادوات النصب دى شنو ��؟.. ضحك قال
جلابية سكروتة وعمة و شال توتل اصلى و مركوب نمركطع جنينة واجار عربية برادو يومين.. وادونى اسم
صاحبالشيك ورقم تلفونة الآن.. و خشمكم عندمكم.. اخد الرقم من متوكل وطوااااالى اتصل.. الووووو ياـــ هلا
و يا مرحبا .. السلام عليكم يا ابنى العزيز، ياخ معاك خال يوسف بكلمك من بورسودان.. في الحقيقة انا بتكلم
بخصوص الشيك وعايز احل المشكلة دى وارجع ليك حقك... يوسف ده ود عاق و تافة ومنحط.. مارضنا معاه
و رافع كثافة امو أختي المسكينة . الله لا يطرح فيه بركة.. ياخ غايتو عمك نزل في يوسف دا شتيمة الارازل.
لامن خت ليهو مع الكلب الأكل الدريش . وحدد مواعيد من صاحب الشيك.. قال ليه بعد خمسة ايام يعنى يوم الاثنين
الجاى بجيك اشرب معاك شاى المغرب تب فى البيت . و آخد وصف البيت.. مع السلامة يا ابنى... يلا قفل الخط
على كدا . صراحة انا لقيت نفسى قدام ممثل خطيييير جدا.. ضحكنا كلنا بعد المكالمة.عمك بدر قال سيد الشيك
كفاية ندية 140 مليون.. انا بشيل 10 مليون من الجاهزة.. وانتو بعد نخلص تدونى الساهلة هههههههههههه
لا حولااااااا بالله فى كدا... وقال كلام خطير جدا.. يوم المواعيد كلنا نجى معاه ومعانا يوسف زااااااتو...
تكلمو يوسف أثناء جلسة الاستنكاح دى احتمال ياخد ليه كف صاموتى من عمك بدر و يسمع ليه كم
كلمة فارغة... وخشمو دا عندو... ياااااا عمك الناس ديل عندهم امر قبض يعنى من محلهم
داك ممكن يستلمو الزول وعلى الرج عدل... بثقة شديدة قال لا لا لا ما تلاوزو
أنا مسؤول وبضمن ليكم زولكم يرجع معاكم تب ويبت فى البيت عاااادى..
| |
|
|
|
|
|
|
|
|
|
Re: ® مستنگحون حملان في الحيشان برتبة فرسان😂 (Re: دفع الله ود الأصيل)
|
(28)
فتح لينا الباب سيد الشيك زااااااتو اول حاجة عاين لى يوسف عين ماااااا ريحتنى..
وسلم علينا سلام كويس لكن سلم على يوسف سلام ما لذيذ ��.. دخلنا لقينا معاه نفرين
وقفو وسلمو علينا سلام اولاد بلد.. قعدنا... اول عشرة دقايق كلام بيش سلامات وبسمات..
وسيد الشيك كلما يعاين ليوسف يقرب ينط ليه فى رقبتو.. اهااااااا هنا عمك بدر بدأ يتكلم وصن
المكان إلا من لعلعة صوته الجهوري... كان بتكلم بثقة رهيبة... قال لى صاحب الشيك شوف
ياااا ابنى موضوع شيكك ده انا ما طرف فيه وعلى طلاااااقن بالتلاتة أكان ما ام الولد شقيقتي
الويحيدة و صاحبة عيا تغت وسكري أنا ده كنت دخلتو السجن قبلك.. و لا كنت مبطل البزينيس
بتاعي في مدينة الثغر الباسم و جيبتكم ا بس انا ما هانت على اختى المرأة الكبيرة صاحبة المرض
و بكل صراحة الولد ده هو السبب فى عياها(طبعا المقصود بالولد هنا يوسف)..ده ولد عاق عديم
اخلاق خالى مروه.. ما ملتزم.. لا خلقةلا اخلاق... دايما مورطنا ومصغرنا.. ونحن ناس سمعتنا
ذى الدهب.. وعلى كل حال يا ابنى انا جيت من بورسودان مخصوص للموضوع ده.. خليت
اشغالى وعيالى فى قفاى.. والنصيحة المبلغ كبير.. فجأة سكت عمك بدر.... كان برتب فى
كيفية الولوج فى الحنك الاساسى ....والمكان تممممممم ولا حركة... وعاين لى يوسف.
.. ونهرو نهرة اهتز لها المكان وقال ليه... عاجبك الموقف الختيتنى فيه ده ياااا كلب..
وقام علية...طاااخ.. صرف ليه قلم اصلى.. لما الجماعة بما فيهم صاحب الشيك
زااااتو وقفو على حيلهم مسكو عمك.. وعمك مصر يديه كف تانى.. والجماعة
لا ياج.. خلاص اهدأ اهدأ... والحاج يناهد... قعدوه بعد تعب..
بعد قعد مساااااافة... قال احححححح استغفر الله..
| |
|
|
|
|
|
|
|
|
|
Re: ® مستنگحون حملان في الحيشان برتبة فرسان😂 (Re: دفع الله ود الأصيل)
|
(29)
# طيب يا جماعة نواصل نضمبنا...الصراحة الولد ده ما عندو التكتح... واهلو ناس عدمانين..
انا جيتكم وجبت الولد ده معا... وجبت قدرتى القدرت عليها ... وهنا يتحسس الكيس ..وغيرها
ما عندى حررررررم.. وانتو اصحاب حق القال حقى غلب.. وانتو العايزنو سوه زول بلومكم
مافى.. لكن كان دخل السجن زوووولن بسأل منو مافى.. و قالو المال تلتة ولااااا كتلتو ؛فدحين
انا عندى.. وسكت تانى وسحب الكيس وقعد يعد... وهنا صاحب الشيك والشباب المعاه ركزوا
مع عمك شديد.. لما وصل 140 مليون... قال والله بسيطة لكن دى قدرتنا... والرأى عندكم...
# ورجع فى الكرسى للخلف وقال انا نضمى كمل... صاحب الشيك قال بسيطة ياحاج لكن
دقيقة... دخل جوه بعد خمسة دقائق رجع وسوس الجماعة المعاه دخلو الثلاثة جوه البيت تانى...
غابوا عشرة دقائق... انا قلت ايواااااا بكونو ضربو لجماعة البوليس والموضوع مستحمى.. وحات
الحلف رجعو ومعاهم الشيك وأ مر القبض سلموهم لعمك بدر.. واتفقو بكره يتقابلو فى القسم الاوسط
عند وكيل النيابة ينهو الموضوع... والحمدلله الحمدلله الحمدلله بارك الله فيكم... مشكورين... والله انتو
رجال اولاد قبايل... ده طبعا حنك عمك بدر... اها عندكم رقم التلفون لو عندكم اى حاجة فى بورسودان
امركم مقضى تب... يلا السلام عليكم... ادونا خاطركم .. اقعد يا حاج... ما بقدر ما شين لى أم الحيوان
ده فى مستشفى الزيتونة... هههههههههههههه هو صاحبى اساسا والدتة توفت قبل خمسطاشر سنة عليها
رحمة الله... ركبنا العربية كاضمين كلنا... بعد شارعين كلنا فى وقت واحد فقعنا الضحكة... عمك
طلع علبة البينسون جدعها لينا فى الطبلون قال أنا زااااااتى ما بدخن... وطلع الحقة ذى علبت
الاورنيش دنكل سفة ذى السفة وقال هوى انا بنزلكم السوق العربى اركبو ليكم امجاد... انا
عندى شغلة تانية بباقى الليل ده... ويااااااااا يوسف بالله الكف كيف؟ ههههه ههههههه..
آمنت بالله ... معقول عليك الله وصلنا لحدي المرحلة دى
| |
|
|
|
|
|
|
|
|
|
Re: ® مستنگحون حملان في الحيشان برتبة فرسان😂 (Re: دفع الله ود الأصيل)
|
(((30)))
@ و هكذا ديدن التاريخ أن يحرص على إعادة كتابة أ و بالأحرى تدوير نفسه
أو إن شئتَ ترتيب أوراقه , فالتاريخ يسنتسخ نفسه ,و قد يغالط التاريخ نفسه أو
يسخر، لا بل و يضحك من نفسه. أما أن ينسى التاريخ نفسه فهذه جديدة أو يلغي
نفسه و يشطب مداد ملامحه فربما صعبة ولكنها واردةٌ و ليست مستبعدة أو مستحيلة.
# ففي العام ١٩٦٧ممحمد احمد المحجوب مخاطبا ً بسخريته المعهودة شيخ ا لكيزان
حسن الترابي:إنني لا أخاف على شعب السودان من تبسمك ولا من أحلامك تبسم وتجلع
كما يحلو لك..و لتحلق حيثما تطير بك الأحلام .. و لكنني أخاف على السودان أن تعتلي
السلطة فيه يوماً ما أو أحدٌ اتباعك .. و يوم ذلك سوف يفقد السودان كرامته.. والمواطن
سبل عيشه ولا يجد ما يسد رمقه... وسوف يكون مبغضاً من أقرب الأقربين إليه).
| |
|
|
|
|
|
|
|
|
|
Re: ® مستنگحون حملان في الحيشان برتبة فرسان😂 (Re: دفع الله ود الأصيل)
|
{32}
يعني بالعربي ا لفسيخ دسيناه و بقينا (أم فكو) ساي؟!!
طيب على غرارها تذمرت واحدة قديمة::( أمسگو التگگ )
[} جماعة راگبين لوري هوستن (داوودي) من أم گوراگ،
جيهة المحيريبة لأداء واجب العزاء في أم صفقن عراض.
يلا ، في الطريق و هم شابين على (إسگيف) ترعة عالية ،
قام سير المروحة انگطع. فقام السواق عمل شغل بصارة،
شحد من أحد الرگاب يسلفهم (تگة) سروالو يربطوها في
محل السير يمشو بيها حالم . يواصلو الرحلة . و فعلن
الراجل ملص تگتو أداهم ياها و ضم كرعبنو و قعد.
[} و لگن لامن مشو بيها شوية (تچ) انگطعت حتها، فقامو
استلفو تگة زول تاني ثم ثلاث فرابع و خماس و هلم جرا.
و هگذا ، گلما يربطولم تگة تنگطع التگة ورا التگة. لحدت ما
گملو تگك الجماعة گولهن و خلوهم قاعدين ساي {أم فگو} .
فلامن وصلو بيت البگا ، بقو في ورطة مجهجهبن ماهن
عارفبن ظاطو يرفعو يدينم يشيلو بيهن الفاتحة لأهل
المرحوم و لا يمسگو بيهن سراويلم الناصلات!!
[} حاشية: ترا ياها الباقية علينا هسي؛ و لانا
عارفين نشيل الصبر كل العمر ؛ و لانا گمان
قادرين (نقلب الكگر راسا على عقب الجقر)!!!
| |
|
|
|
|
|
|
|
|
|
® نسأل الله لبلدنا الثبات..فإنه الآن يسأل😂 (Re: دفع الله ود الأصيل)
|
(34)
لحماااااك يا ملاااااك:
والآنن إلى نشرة بطائفة من الأنباء المتفرقة ها و هناك
( جوية - افتصادية - اجتماعية - سياسة بطبيعة الحال، إلخ)
[} ضمن معمعة التأهب اللي گانت جارية حاليا على قدم فيل أعور و ساق
نملة عرجاء، لتوديع ثم استقبال أفواج المعتمرين في شهري رجب وشعبان
فيكنف ضيافة خادم الحرمين الشريفين حيث الحجيج (گطع..قاصد نور البقع،
و قلبي الزاد وجع و أحماني القيد منع )و مع قبايل رمضان الجاينا المرة دي
مع دهاريب ارشاش و الخريف في ظل حالة توجس و خيفةً شديدةً من تفشي
وباء الگوليرا و المسماة عندنا تدليعًا بمجرد (إسهالات مائية):وربنا بس يستر
و يلطف بحشود أبنائنا و كنداكاتنا المعتصمين في حمى قوات شعبنا البواسل :
| |
|
|
|
|
|
|
|
|
|
Re: ® نسأل الله لبلدنا الثبات..فإنه الآن يسأل�� (Re: دفع الله ود الأصيل)
|
© إلى ذلگ، فبعد ذهاب ريح النظام البائد و تصفية ماسورة بصات الوالي ،
فقد فرغ للتو فريق متخسس من نجاري المراكب بنمطقة الوابورات ، فرغوا
من تصميم قوارب صيد عملاقة جيددة (كطع أخدر) لكي يتم تسييرها خلال
فترة الخريفلتفويج المواطنين من و إلى مختلف محليات الولاية طيلة أيامات
الخريف و تحسبا لمفاجآته غير السارة . و ذلگ مصداقاً لقول الراحلين /
ود الرضيو سرور: "من الأسكلا و حلَّا.. و قام من البلدولَّى و دمعي
للتياب بلَّا..و بي تذكارو بتسلَّى .. و شوقي الليلة يا بلَّة"
| |
|
|
|
|
|
|
|
|
|
Re: ® نسأل الله لبلدنا الثبات..فإنه الآن يسأل�� (Re: دفع الله ود الأصيل)
|
@ هذا علما بأن رمضان كان هو الموناسبة الوحيدة التي كنا
نتذوق فيها طعم الحلو مر؛ ثم مع أ أولئك القطط السمان ليظلوا
بعدها مواصلين في الحلو بس، و يفگونا نحنا عگس الهوى الغلاب
برانا مع (المراير) مثما أ ن عيد اللحمة المبارك هو المناسبة الوحيدة
الكان ممكن نضوق فيها معاهم "المرارة "مرة بس في الحول و فنة
في الدهر ليعاودوا انغماسهم في الطراوة ، بينما يواصل أهلنا الغبش
أبان مسوح موية مشاوير المراير براهم. و الآن ، إليگم نشرة أحوال
الطقس حيث باگر بعود القاش ؛و بجي الخريف، و اللواري بتقيف:
| |
|
|
|
|
|
|
|
|
|
Re: ® نسأل الله لبلدنا الثبات..فإنه الآن يسأل�� (Re: دفع الله ود الأصيل)
|
و نقصد بذلك طبعن الطقس الطقس السياسي الذي كان سائداً و لا
يزال يلقي بظلالٍه العاتمة و أجوائه الكاتمة على و ضعنا الاقتصادي .
إلى ذلك، كان يعكف (محللون) من وزارتي المالية و التموين المنهوبتين
على ابتكار مصفوفةٍ (صدمة) اقتصاديةٍ قالو عليها : ما تخر الموية
حيث كانت تهدف إلى تقزيم رغيفة العيش و ترهيفها، لدرجة خلوها
ما تنفرز ظاتو من شر يحة الاسكراتش ولا نخاسة السنون بعد الأكل؛
دا لامن تلقي أكل أصلن. كما تتسبب تحويلات مسارات الحركة
في خلق اختناقات مرورية تكاد تمنع سلكان دروب الدوام ذهاباً
و إياباً ،علا عبر مضيق هرمز مروراُ برأس الرجاء الصالح.
{
| |
|
|
|
|
|
|
|
|
|
Re: ® نسأل الله لبلدنا الثبات..فإنه الآن يسأل�� (Re: دفع الله ود الأصيل)
|
5}
[}على صعيدٍ آخر، أفاد مصدر سيء الاطلاع من اللجنة
الدائمة لإجازة نصوص مصنفات الملكية الفكرية ، بأن برامج
هابطة على شاگلة {أغاني أغاني} و {نجوم الغد} و هما تمثلان
نسختنا المبتگرة ،و بأياد سودانية خالصة و أمينة لما يسمى{ ستار
أگاديمي} . أقول: توشگان تهبطان بمنسوب ذوائقنا للطرب الأصيل،
و تنحسر بوجدانالناس، لدرجة الحسرة على مَغْنَى الزمن الخرافي
مع ناس (حنان سكليب و عوضية ردحي)!!
| |
|
|
|
|
|
|
|
|
|
Re: ® نسأل الله لبلدنا الثبات..فإنه الآن يسأل�� (Re: دفع الله ود الأصيل)
|
[} كذاگ، أمام إصرار البناطلين على النصلان من أصلاب
بعض المتنصلين و المتنصلات بيننا، فإننا مضطرون لتزليقها
برغوة صابون ؛ و بمعاونة آخرين . مما يبشر برفد سوق العمل
بفرص جديدة (لبيسة و مليصة). هذا ، فضلاً ، بطبيعة الحال ، عن
احتمالات أن يستفحل أمر (الملص) أحيانا، لدرجة قد تستدعي تدخلاً
جراحيا ، مضمون الفشل. جدير بالذگر ، أن آخر ما توصلت إليه بيوتات
الموضة من صرخات مدوية في هذا الاتجاه تتمثل(شطفني، أديني حقنة،
درقدني في النجيلة ، بابا سامح لي، أوصف ليك بيتنا و شارع بيتنا)
| |
|
|
|
|
|
|
|
|
|
Re: ® نسأل الله لبلدنا الثبات..فإنه الآن يسأل�� (Re: دفع الله ود الأصيل)
|
[} كذلك ، تراكم بنود العطالة في أوساط الخريجين، بات ينذز
بازدحام نقابة الركشات بطواقم من حملة زمالة (جراحين بلا حدود)،
طالما أن (مخرجات حمارنا الوطني) الهالك كانت أصلن منتهة
الصلاحية و لم تتمخض عن أي فأر و لو ميتا، و لا عن اية صيغ
تصالحية بين أمراء الحرب و السلم ، مما كان ولا بد له أن يصيب
البلاد و العباد ، و لا محالة ، بغرقرينة مزمنةٍ انتهت ببتر أرض
الميون ميلٍ مربع من أطرافها بعد أن (ملصت عجيزتها) لتبقى
امفگو بس ببلوزة بدون إسكيرت ، زي (گارينا ما تبارينا) .
| |
|
|
|
|
|
|
|
|
|
Re: ® نسأل الله لبلدنا الثبات..فإنه الآن يسأل�� (Re: دفع الله ود الأصيل)
|
{35}
[} طبعن ، يقولون عن الجزائر:( بلد المليون شهيداً) ؛
نتزحلق لتحت شوية لموريتانيا، نلقى روحنا في بلد المليون
و نِصْفَ شاعرٍ .لحد ما نديها شبحة لتحت ، لحدي ما ننحدر نجي
لبلدي يا حبوب، حيث تَعُج الساحة بمليونين و نصف المليون ما بين
مغنٍ و مغنيةٍ و مادحٍ و مادحة. ياخي ، قَدُرما تفتح ليك قناة شنو ، دا
لو رفعت ليك بعرة إلا واحدين أو واحدات يتهوززون يغنون؛ أو أنهم
يتنحنحون عايزين يبدؤون يغنون؛ أو مذيعون بيسألوهم: إذن، حتسمعونا
شنو؟ و هلم قام جاري (بقت علينا ظاطا ياها :شنقلي طوبابة تلقي لي غناية).
[} نذكر كيف أن الخارطة البرامجية زمان كانت تضعها وزارة الثقافة
بناء على منهج ترفيهي و حسٍ تربوي أخلاقي مُتْعُوب على إعداده ثُمَّ
إخراجه بمهنيةٍ و إحترافيةٍ عالية. فياخي حليل زمن برامج "طبيعة دايناميكا
الأشياء" للبروف /حساس محمد حساس ،"علم نفسك" للأستاذ مالك الزاكي
(مدير معهد القرش الصناعي)."الصحة النفسية"( الدكاترة سليمان أبو حسبو
و طه بعشر "محراب الأداب و الفنون" لعبد الحليم سر الختم) و "في ظلال
القرآن" لتفسير القرآن الكريم للعلامة/ عبدالله الطيبمع تلاوة شيخ/ صديق
أحمد حمدون و"العلم و الإيمان"لمصطفى محمود. و"الكون ذلك
المجهول".تعال هسيفااا الموشكلة إنو قال ليك"مشروع
لاحضاري" قال!!فااا عاد غايتو دي علا يحللها
الشربكا براهو.لكن ما قتا لي ، هو دامنو بالله؟!!
| |
|
|
|
|
|
|
|
|
|
Re: ® نسأل الله لبلدنا الثبات..فإنه الآن يسأل�� (Re: دفع الله ود الأصيل)
|
{36}
ذات خربف من حرايف أيام الزمن (الجميل) و كدي
گان ريسنا أسبق الأسبق ، الراحل /أب عاج، جعفر النميري
كان بصراحة رغم إنو عسكري و راسو ناشف زي بوتو اللابسو
صحي ، لكن كان حمش بلحيل و ا ن حفيان فوق النار بمش ، يعني
كان مالي هدومو تب راسي بلحيل لا بتراقص و لا بتخابس، و لا
بحرش زباينتو يتكل نص شعبو عشان يعيش التلتين ، قال مالكية قال
# الشاهد، أب عاج كان اليوم داك راكبولو طيارة هليگوبتر
و حا يم بيهاحول أضلاع العاصمة المثلثة ، عشان يتفقد أحوالرعيته.
و إذا بگلتا عينبه تقعان على بركة (طمل) گونتها مياه الأمطار الآسنة
و قد اخلتلط فيها حابل غثاء السيل بنابل مخرجات البني آدمين
و خرا (القعونج)معا وعلى صعؤد واحد.
[} يقال: التفت الريس إلى محافظ الخرطومو كان آنذاگ، السيد /
مهدي مصطفى الهائ و قالليه: اسمع با مهدي ، كي دنقر معاي بهنا،
شايف الطملة دييييك ، بكرة بجي حايم بجاي لو لقيتا لسة مجمعة هنا
بشربگ ليها بنخرينك. سامع ولا لا فأول ما نزلوا استنفر المحافظ طاقم
محافظتو عن بكرات آبائهم و أ مهاتهم و مشو فللي لا بلوون على شيء ،
يجتهدون عليها گخلية نحل شفطو لك الطملة دي ما خلو فيها ولا نقطة.
فلامن سألوه، لماذا فعلتَ هكذا ؟! قال لأني عارفو الضنقلاوي المتهور
دا، والله فعلن او ما شطفناها، عارفو سمححا يشربني ياها بنخريني .
و بصراحة و الواحد لازم برضو يخاف على جيوبو الأنفية.
فشايفين كيف كانو الرؤساء و وكان ولاة الخرتوم
* ود الحيشان التلاتة
مؤذن في جزيرة مالطة
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا�� (Re: دفع الله ود الأصيل)
|
*****(((((371)))))*****
@ أهااا، بعد الفواصـــــل دي ، ممكن نرجع بكم لموضوعنا،
اللي هو "ناكل لوبة بي دغلوبا" عدييييل كدي من الجريف و اللوبيا !!
نان و تيب،و مالو ياخي؟! موش ترا قالولنا بروتين (برمائي)؟! أخير لينا
من حاجة قرففف اسمها: (جلافيط القعونج) اللهو ظاطو لمن سمع تصريحات
عمك / اللي كان وزير صحتنا الاتحادي النارية ديك طبعن أخدا على محمل
الجد. و قام يتعزز القعونج، و صابو هلع جري الخلا لبد اندس عمل نظام
بيات شتوي قبال أوانو. أها ملاحظين إنو و رغم عنف الخريف و كترت
الطمل في قيعان المدينة و لا قعونجاية واحدة ما سمعناها تاني قالت
بغم، تحين ما قلتو نوبة؟! أها عاد تحين جنس دا ما خير منو
الواحد يمدغ لو صفق نيم و نحلي قرض راسو عديل!!؟
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
Quote:
اقتباس المشاكسة الأصلية كتبت بواسطة أبو صديق
* صباح الخيرات ود الأصيل يا ود العزتين و يا عابر السبيلين ي
عني هسي اللوبا دي بايته( قصدي من الأرشيف يعني ). دا أولاً.ثم ثانيا
إنت ما تركز ليك علي إسم واحد ماااالكزي التقول مساكك ليك في شيك طاير
|
(38)
® بو صديق و مساكم بكل صباحاتٍ رابحاتٍ و أماسي بكل خيرٍ نافحاتٍ.
حللت أهلاً و نزلت سهلاً بهذه الاستراحة النفاجية الخالصة والمتواضعة
على طريقة أهلك ناس ود مدني على طريقة (راكوبابنا) عنقريباب الحرس
القديم ناس ود التهامي، و نسمة الصباح و ست أبوها و دبوية بت المطر؛
يا حليلم و حليل دواز بطراهم و بطرا أيام زمانم الخرافي.
@ و أما بالنسبة لسوعالك عن نوع اللـــوبة ؛ فلو قصدك بايتة هي،
فلازم تحدد. لو زول جروف عندنا الفوك (لوبة عفن)دي نفاخا قبض أيد.
و كان زول تقانت عندنا لوبة عدسي دي لبليلة رمضان؛ غايتو مع الصيام
ما بتنفع ، علا عاد كان تربطلك(كوز) موية غليد كدا في صرتك
مع حقة الصعوط و محكاكة الملود .
© و أما لو قصدك الزول الماكلا يكون بايت القَوَىْ ، فذاك شأن آخر.
خسوسن كمان،لو رقد ليك رقدت الشيح و عكس مراقد الريح؛لأنها بتفرز
حامض (Lobic Acid)؛ و دا بقى أخطر من غاز ثاني أوكسيد اللعوتيك الفتاك.
و محرم تداوله ,و تعاطيه دولياً باعتباره سلاح دمار شامل و تناوله و قد يرقى إلى
جريمة ضد البشرية. و أما عن كترة الأسامي ففعلا أنت تاريك ناقشا كويس شكلك
مجرب ياخوي ، و بتنفع لشغل الطواقي و الشيكات الطايرة. و لو ملاحظ حتى الانتماء
العرقي برضو صحن فتة. دا كلو لزوم سهولة المناورة ،عند حالات الضرورات
التي تبيح المحظورات .ياخ، و لا خليــك؛ ظنيتك ماك عارف الباقية ساكت!!
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
Quote:
مقتبس من ود سنترها: ↑
شوف عين وما سمع حاليا فى امبدات وغرب الحارات البليلة العدسية تزيح الفول
من عرشه وتحتل ( قدرته ) كبديل اقل سعرا فى جميع الدكاكينكسرةالبلد دى ماشة ويييين
ما معروف حتى الفول رفع نخرتو علينا وطلب الفول عامل تلاتين جنيه وكمشة واحدة بث
|
(39)
تعظيم سلام ليك ود صنطرها و ربك غايتو
يجيبو قوي، و لا نملك علا نقول ربنا لا تُؤاخذنا
بما فعل السفاء الفقهاء منا ، و لا تسلط علينا
من لا يخافُكَ و لا يرحمُنا
@ عندنا ليك مشاكسة بهنا واصلة من عمك
راكوبابي ملحوتابي كبير هو / بشير ود التهامي:
بقول لي: حليلك يا عمك هوي النايم علي حيلك
و هو اللوبا قالولك نان هين ...؟!هسع في رمضان
دحين (ملوة) اللوبيا الفُك لوباالعفن براها بي كم؟!
® قلنالو: بشة ي عمگ، يعني مداقرننا حتي في اللوبة عفن دا؟
ياخ دا قاعدين يداعونا بيهو. وكتين يشوفوگ مطنقر عامل ضبان
ضكر و ما دايرين بهببوگ، ترا يقولولك: "إن شاء الله نوفاخ
اللوبة الفُك الما ينفك"
© أها عاد كان كدي الواحد علا كان تاني يضرب الخلا و الصي
سااه ؛ يعيش نباتي مع الطبيعة؛ يعني كان يشوفلو ضريصاء و لا بيت
نمل؛ يتعشا بشوية رشوشة من( دِفْرِنش) نملة، مگشنة بي بصل كلاب؛
و عليها تلاتة (كيزان) موية گدي غولاد ، من ترس الحقنة، يطفحا بيهن.
بعدين يظبطا ليك بي شاي مدنگ گدا، و گمان مقنن بلبن عوشر . و يلا
من ثمة يمش ينبطح ليگ تحت نيمة مرشوشة، يرقد مراقد الريح؛ و عاد
يسويلگ سوات ( الشيح) و مراقد الريح مع ثاني أوكسيد اللعوتيك.
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
(40)
•, عان دا بيسأل كمان سلام ود الأصيل الفرق شنو بين اللوبا واللوبا واللوبا
عفن والجريف و اللوبيا و البتكوفر أكتر ياتا. قلنالو ياخي زعل الفُك الما بنفك!!
(((((40)))))*****
@ود صنطرها ياخ و الله فعلن القلوب شواهد، أنا جيت هنا ساكي لي زولن بقولو:
لوبشير ود التهامي من كمير العوضية جيهة كبوشية. علا فعلاً لقيت روحي رايح وسط
أخوان من أطعم النفاجية في نخبة النخب ناس الحفيان و ود المطامير و سواح و عاشق
الترحل و ابو أيثار و التنين نفاخ النار كنا زمان الناس حونان بالجد صابنها هناك
حملان في الحيشان و عاملين ثورة كونية . طيب على حس اللوبة و الحديس طبعن
دايمن بجيب باقي العريس! !فتعال نگرم مثواگ بشوية طرايف من حلتنا.
# ناكل لوبة با سليقة بي مهيوبة!!
[] فمن شر البليلة ما يضحك!!! و قبال ما نخش في غريق اللوابي و كدي، قالگ:
واحد من عروبنا ديل(معطرب يعني مغترب ، من العطرابة) و شالق متل صاحبي
قشير دا، جايب أبناهو و جاي من الخليج كرت كرتونة ؛ و مخلي رحاب الحرمين
الشريفين وراه و قال داير يقضي العشرة اللواخر وسط العشيرة فيربوع تاس )
أم صفقن عوراض)، غادي من تبول واتا مصبح على جبل اللبايتور .
∆ فتاني يوم بدا يدق جرس. قال جاهو ملل شديد من ثالوث المعاناة :
عطش+ كتاحة تراب + نمطية حياة ريفية). العصار دا يقوم من نص
صنقورك ؛ مع جو الرتابة موت بطيء، من كثرة التكرار في كل شيء.
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
(((((41)))))
*فلاحظ إنو الحلة دي عن بكرة أبيها تقريباً، عدا من رحمه و فتح عليه ربك بقرشين حلوين ،
يصومون و يفطرون علي خير و بصنف واحد فقط لا غير، هو/ (السليقة): يمرقو كل صباح
على الجزاراتريقان ريقان، يجيبو ربع أو تمن الكيلو دا شايلنو مصرور مضارينو في تيابم، متل
(فسحة الفحص لللجضمارةعند الدكتور)، و عليه فرطاقة بصلة و سلقة ملحة و شوية موية .
# والبعدم خالس، ممكن يضبحو لوبة تمشي حاجتين( بليلة + ملاح) يضربوه مع جك من الشيء
وضده آبري /(حلو مر). و يلا عليها!! *****(((((+)))))*****¶ بعد داك يا التراويح جوك ناس،
متعودين يصلوها بالفاتحة و معاها بس سورة فرد واحدة من الخفايف متل ناس/ الإخلاس (قل هو الله أحد )
أو الكوثر ( إنا أعطيناك ا لكوثر ) عشان يرجعوا فسراع فسراع يتكاملو النوم دايخين متل جداد سمير. الساعة
تمانية دي شفتا لو في جنازة ما تلقى طفاي النار البسترا . ياخي ديل قال ليك : مرة كدا عمك إمامن الراتب شكلو
تقل ليك العيار في السليقة شوية و (بطنو مگركبة).∆ فقامو بالعدم ، جبدولم واحد أظنو ضيف جايبو الدرب ساه
قالولو يصلى بيهم. عمك داقس كدا ، ما كان ناقش النظام عندهم : إنو كل الركعات من قولة تيت للنهاية بنفس
الوتيرة فقام هبش ليك راس ( و الضحى و الليل إذا سجى). يلا تعالت أصواتهم محتجين من خلفه يزجرون
و كادو يضربونه لامن اتلخبت ظاطو. قام اتنحنح و نضم فب الصلاة قال ليهم: في شنو يا جماعة مالگم ؟!
فردو ليك بي حس گورالي فرد واحد " " يا زول ،دي مي ياها السورة القريت بيها مع الفاتحة دي.
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
٪٪٪٪(((42)))٪٪٪٪
® ناگل لوبة بي دغلوبا))
تعرف يا ود صنطرها ، أنا بجيب ليك محني مع فردتي
قشير ود التهامي كنا شَلة عاملين ثورة كونية هنا ، زمن الناس
حُونان و العنقريب بشيل طلطاشر نفر بالراحة؛ و مصران العرنون
والبومايار دا طول السلب . فالمشاكسة الجاية دي كتبها ود تهامي
قال:يازول مساكگني انا مالي گمان؟! مدين منك قريشات و علمتا
ظغبير وماشفتني تاني...؟!انا متلي متل (ود شلعي) بجي داخل
تووووشك و بمرق جب جلب جنبلغلأنو (يد في الموية و يد
في النار)..؟! بس حسب معلوماتي الرهيفة وغير موثوقة
(المريسة في الغربتعتبر وجبة فطور وكدي) فشنو ليك؟!
® قلتلو اسمع قشير يا حامل المسگ، والله ياها، كان قالولك سمين،.
علا بس تسكت ساي و تقول يامين. هي و نان آعشا البيتات البدرج العاطلات.
و مقنع الكاشفات هي و نان أنا عندي قريشان بزوغو بيهن. كونتا مستني
ضحيتي سواكني يجيني من أخوانا (المعطربين) عايم گاطع بحر المالح
من طرفگ و لا من عبدو؟! و كان بالنسبة لمعلومة المريسة أعلاه ،
دي شكلك لاطشة حااارة بالشوكه و الشنكارمن عماتك ناس بت
أبوها و (حوا بت عبد ربب النبي) لو بتطراهن بالخير؟!
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
(43)
© أها قت لي جماعتك ظابطنها على (الاخلاس) و بس.
لأنو أقل تأخير، نفاخ اللوبة بشوف شوغلا و و بعدين نبقى
في (حاو و تر). ههههاي من البساطة البتفقع المرارة.
@ عشان كدي كل ما تهل بشايرالخير. رمضان أحلي وينظظظظظ؟!
طبعن بدون شك في السودان .و إن شاء الله ديامن تامين و لامين .و
عشان كدا بالجد "وا شريري نا و يا حليلي نا النايم على حيلي،لو ما
كنت سوداني؛ و ناس أمحمد و عطاناديلا ظاطو ماهون أهلي".
¶ فياريت ي بشة تجونا كل شوية تغيرو معانا جو في نفافيج أم صفقن
عراض).و خلك من جماعة النام البائد المخلوعين ديلك الليرمضان دا
كان فرصتنا الوحيدة غنهم يضوقو معانا (الحلو مر) و بعداك تاني
يواصلو باقي فصول السنة هم حلو (بس) و نحن مراير و (بس).
¶ متلما برضو الضحية كانو بياكلو معانا المرارة،؛ و يفكونا عكسغضبة
الهبباي، نرجع تاني: نحن لوبة لوبة؛ هم توبة توبة؛ و دهن النغانغ دا تلقاهو
سايل بي السداغات لي تحت الكيعان) ناس مرطبة ياخي، و ناس مهببة.
*****(((((+)))))*****
فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
(((45)))
سمح هاك النختم ليك الوصلة دي بواحدة و بمش و بجيك:
@ الجنا باشري تراهو باقي جناين ويحيد أمو . ترا عايشين بالكفاف..
أها لهمة الكسرة دي يوم بي بصارة ، دُقَّة ملحة و شطيطة يَتِفًّو فوقكــأ
بصلةمكادة و يظرطوها يبلعوها بالغسب متل الشي الكعب. و كان لامن
غيروا خلااااس علا بي ملاح لوبة و لا أم جنون الويكو والقرن و لا ويكاب
(Wake-Up) لأنو بِنَعَّس. حيلتم بسمعزاية تقرتن فرد و احدة بحلبوها لي
طنوب اللبينة، و دحيش نعير يركبوبو لي (طاحونة الأنيـن). و عندهم
حبيبات فتريتة زي اردبين مدفونات في مطمورة في صفاق البيت.
# فيوم أمو مرقت ليها لي ناس بكا . فالزول دا انتهز فرصة
غيابا و غفلا ليك قام يتشوبر قلع المطمورة مشى جلب العيش
باعو في سوق تمبول. فا جات أمو سعلتو . قال داير يحفر
ليهم مُسْتُراح (لزوم طلع و فوقو زي الناس) قال يرتاحو
ساااه من المزازاة بي شدر العَشَر و بُتُّق اللعوت.
# أها قامت أمو لامن جات راجعة لقتو خارب سوبا.
فسعلتو قام وراها بالحاصل؛ و هي لسانا سنين قامت
زعلت شدشد و قالتلو:" هي و نان يا الخزين الدُخري
عشا البايتات ، و مقنعالكاشفا ت ويا البدرج العاطلات،
تحين أدبخانتك البدور تحفرا دي تاني بتملاها بي شنو ،
و كتين بعت مونتنا و قَمَّحْتنا عدَّمتنا بُتَّابة العيش؟!!
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
ممتنون لبهاء حضولك ود صنطرها ، فألف
مرحب بيك؛ و .يبدو لينا عترنا لنا بهنا في صديق لدود ودود
متل بشير ود تهامي وهو صاحب المشاكسة الجاياك دي:
Quote: @ لالا يا ود الأصيل بس فاكر. علا بس في بوستن
كان حقzekra ،اسمو (خالتو آمنة ست العرقي غلبت البوليص)؟؟!!بعدين
(ام طرقاً عراض) دي الظاهر عليهو كان عندكم واحدة (فالحة في العواسة)
و طرقتا عرييضة بلحيل و من هنا أتي الاسم؟!(هو انتا قايل أي زولة بتعرف
تعوس) ههه اسكت ساااي (جنس خرمجةهي لكن) ولا في طرقة من اصلو في
شلاتيت و شراميل طرقة وكدي .؟!حليل (طرقة الكسرة البترحمن ديك) طرقة
واحد بس يعطنوها لي في (كورية الروب) تاكل وتشبع وتشرب الباقي وتتكرع
لا من تدَّشا و تحمد سيدك حمدا يوالي نعمه ..واحات الله وماك رايدني حليفه
لما كان الناس عقيدتهم سمحه وقلوبهم منشرحه (كان الغنمعندنا تلد تيمان
جوز جوز) (سخلة وعتود)..علا هسع دي حدث ولا حرج ...؟!
فاللهم لا تمحنا لا نبيلنا ×؛ و حسبنا الله و نعم الوكيل
. |
*****(((((46)))))*****
# لعلك تقصد يا بشة أيام ربع الرطل يدفس القزازة لي حنكَّا، و متر
مصران البمبار متل حبل المهلة يربط و يحل، تحين مو كدي ي بشة؟!
عمومن ،لا أملك سوى الوقوف مشدوهاً أمام هذا اليراع النابض بالحيوية
وهودافعني دفعاً للخروج من عزلتي المجيدة و لاجمني لجماً بلجام من نار
لأقول خيراًأو لأصمت. فيبدو أنني واقع و لا محالة في شر أفعالي إذ أجاري
خيولاً عربيةًأصيلةً في عنفوان صباها و قد هرم قلمي و سقطت أسنانه في حلق
محبرتي بعد أن نضب مدادها..و لكن فضولي يدفعني أيضاًلسؤالكم فيقول : إنتو
يا بشر؟! جيتي من وين يا بنية و ناوية على وين السفر؟ قلت من بلدي الوديعة؟
مدني يا أجمل خبـرْ! فيك قضيت الطفولة فيك شاب عمري و كبر ..عايشة في
حدقات عيونى و باقيةفى جواي أثــرْ.. تلهم الكــــاشف يغنى و تلهم المساح شِعِرْ
.السلام شيليه منى،و ذكرياتى مع الصُّوَرْ.. بلغي ناسي و صحابي قولى فرقنا
القدرْ إن نأيت لابد راجع حتى لو طال السَّفَرْأذكر ايامنا الجميلة و مجلس
النيل فى العصرالحنينيا مدني ليك صحا فى نفسى الوَتَرْ..(مع اعتذاري
للتطاول على شاعر:"مدني يا أجمل خبر"و مغنيها ود الرفاعي).
أخوك الملتاع شوقاً / ود ال ح ي ش ا ن ال ت لا ت ة .
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
*****(((((47))))*****
@ بخاطري شيء: حين يكون البوح درراً مما نتبارى به عن معاني الألفة
سنبدأ معكم من هنا ، كنوع من أعطاء الخبز لخبازيه و لنتمتع بما تخبزون. و
نستوصي خيراً بما تطرحون كي تعود بيادرنا سيرتها الأولى ما راكوبة خريف.
في خاطري أن نضم أصواتنا لمهرجان واقعنا الذي بين أياديكم ؛ لنغرس معاً فسائل
حنطةٍ و شعيراً بصحارينا اليباب ؛فلنسكب عليها حوضاً من نبل عطفكم الجياش .
ُ# في خاطري شيء: أن نَمُدَّ إليكم صحافنا بيضاً من غير سوءٍ "تحتضن "ترانيم
"أقلامكم و دوزنات حروفكم مدرارةً بمعنى أن المجال مفسوحٌ أوراقاً و قصاصاتِ قراطيس
ليذرف الكل عليها الحبر مدراراً بإضاءاتٍ و إشراقٍ بكل ما يجول " بخلدكم" فلتكتبوا.لنا ما
يدور بخُلْدِكم "ولتهمسوا لنا بما يتردد بطبول آذانكم ..فهنا القراطيس لا تزال عذراء بيضــاء دوماً
لم يغزوأرضها "وجع"العتمة. فقط ـ أكتبوا لنا ما يحلّق بفضــاء "خواطركم وأن كنتم ترونه لا شيء"
في نظركم فذاك منكم تواضع كحُبْلَى السنابل حين تنحني بقطافها؛ و الفارغات رؤوسهن شوامخ و هو
بنظرنا يبقى" كل شيء" ننتظركم ... فبارك الله فيكم أعزائي و زادكم بسطة في العلم و رفعكم شموخاً
في الهمة. اسمحوالي أن أضيف فواصل متواضفةً بعد نقاطكم في أؤلئك الذين يعلقون سلبياتهم و ينأون
بنائحة اللومفي قٍَصَرِأنظارِهم لفضائل الحب على مشجب ثبت على جدار الزمن من باب الحفاظ على
بعض ماء الوجه ،و لسان حالهم يقول:نعيب زماننا والعيب فينا ..ومال زماننا عيب سوانا.. و نهجو ذا
الزمان بغير ذنب ..ولو نطق الزمان لنا هجانا..وليس الذئب يأكل لحم ذئب. و يأكل بعضنابعض عياناً.
لقد أقعدنا حطام دنيايا كثيراً عن غاياتنا النبيلةوالحب أسماها.و تسكعنا طويلاً نلهي أنفسنا بمناظر
الطريق حتى وجدنا أنفسنا نحبوافي زمان الكبار. ... فأصبحنا نعيش في عالم "افتراضي "
بعيد عن قيمنا ورسالتنا الخالدة حتى صار كل شيءعندنا منقلباً عقباً على رأسه.
أرجو ألا أكون سرحت من الموضوع متل فراق الطريفي لي جبملو.
| |
|
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
[ Quote:
اقتباس المشاكية الأصلية كتبت بواسطة بشير ود تهامي مشاهدة المشاركة:
ذكرتني ياخ لما كنا في المرحلة المتوسطة (حليل المتوسطة)؟!كنا في حصة الخغرافية
بجيبوا ليها (اطلس) وبوزعوا كل اثنين في كتاب اها انا وزميلي الان (عميد شرطة) كان
بجيناكتاب اطلس مكتوب فيهو وبين الخرائط بخط جميل جدا (عصيدة حااارة ومعاها كوز
مريسة)؟؟! كل الاطلس مكتبوب بهذه الطريقة اها في كل توزيعه بجينا الاطلس ده لدرجة
انو لو حصل غلط مشى عند ناس تانين بجيبوه لينا (هوا) وياخد الما مكتوب فيه مننا ؟!
وحسب معلوماتي الرهيفة تنقد (المريسة في اهلنا الغرابة تعتبر وجبة كاربة و كدي)؟!!
|
٪٪٪٪٪٪٪٪٪(((+49+)))٪٪٪٪٪٪٪٪٪ تخريمة سريعة كدا و نقطة نظام بالله، قشير يا ود التهامي كدي أمهل و لا تسحسح تبقالي متل الجاك الكضاب. علا إتا اللخو ، تحين قوت لي لامن كنتو في المرحلة المتوسطة مو گدي؟!. يا زول ما تخاف الله و تقوم تلف يا عمگ ما تشبحا شديد گدي ، يقوم ينگطع فيگ طايوق، و لا تنزلق لگ صابونة مخروقة. ياخي المتوسطة دي نحنا ظاطنا اللانا قدرك و لا نا لحم سدرك ما رجيناها.حاضرين السانوي العام ، و گان ليگ إتا آبو ضراع، عاد تگون من الوسطىو زات الراسين و لي غادي.و لا عاد گان گدي أخير نرجعگ مرحلو الأساس راسو عدييل!! © عارف يا بشة ، طريتتي عمگ الجاگ الگضاب. مرة في لمة فراش بگا ماسگ لگ المجلس مگطع الناس النفس. بس الدورابة و را الدورابة. فگان جنبو ود عمن ليو، قاللو إتا آالجاگ گلو ما تگبر الگضبة أنا بديگ قرصة و بقولگ الجاگ ، أنبهگ و گدي، عشان تباقصا شوية. قاللو سمح أتفقنا. ∆ و يلا قبل علي اللمة ، و بدا يحگيلو في مغامرة بطلا هو مع تومساح عوشاري ، قال صدناهوفي بحر أزرق جيهة الصعيد. قال ضنبو دا برايو بجيبلو خمسطاشر متر؛ أها و د عمو بدا يقارص فيه و هو بدا يباقص في طول الضنب ، لحدت ما وصلو نص متر بس. و داگ لسة يقارص فيه لامن گطع جلدو تگطع، و يسويلو : الجاگ، الجاگ. فلامن خلاس زهج منو ، قاللو تطير عيشتو الجاك ، أها عاد علا گان أخليه ليگ أملط ، برا ضنب؟!
| |
|
|
|
|
|
|
|
|
|
Re: نـــــــاكل لــــــــــــوبة بي دغلوبا� (Re: دفع الله ود الأصيل)
|
Quote:
اقتباس المشاكسة الأصلية كتبت بواسطة /
د. سيف الاسلام مشاهدة المشاركة :
الليلة عاد طريتني خالي ود المطامير وو نفاخ
اللوبا أثناء رحلته إلي ابو ظبي بالطيارة.
|
خالك ود المطامير ياخوي زولي تب. و ود حفرتي. كولنا ناس ضهاري و المشي كداري و عايشين بالعيش ا لحجاري و البنزين التجاري و كدي . لكن شايفو ههداك مصنقر محگر وسط كبار رجالا ت الراسمالية الوطنية يحدر لي و أحدر ليو، لا الناس ديل بي صمتم رحبوبي، علا هو اللي هسي عامل تقيل، و لا فتح خشمو هبهبني ولا عبرني ؛ يعني متغابي فوقي العرفة ، مع إني براي جايب سيرتو كم مرة هنا. لكن ياهو حال عروبناديل الواحد شبعلو بيمبلاح لوبا ساي بتنفخ يتقفهم و بسويلو حيب في طاقيتو. © أها قتا لي هسي هو منقكع في جزيرة نائية ، أها للعبادة و لا للتأمل الإيحائي' و لا گمان تلقاه عامل زي راهب متنسك في صومعتو، و لا شغال يصطاد في (اللحم الأبيض المتوسط؟!!) أها و إن شاء الله بس تگون السنارة غمزت ؛ ولا لسة مجخم؟!! ¶ طبعن گنا شلة جو رطب گاربة ياكلو ناقة النبي صالح على قولت المخلوع ا لسابق حسني مبارك وإن شاء الله ود أم سيسي برضو لاحقو في الدرب، ا لمهم شُلتنا كان فيها هو زاتو خالك ود المطامير و العبد الفقير إلى الله عابر سبيل،و أبو إيثار ، و السواح ، و عاشق الترحال و الحلبي البشبه أوگامبو داگ، اسمو التنين ، نفاخ النار؛ گتا ياخعاملين ثورة گونية عدييل. علا باهو تراحال الدنيا فراقة فرقتنا يا حبيبي.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
| |
دفع الله ود الأصيل
فيس بوك
تويتر
انستقرام
يوتيوب
بنتيريست