يابكرى مشلعيب عمر دفع الله حدو وين على عبدالوهاب الرطانة يمتنعو

Quote: عثمان عووضة كيفن ما اقيف بجانب نجمة !!.ياخي اسمها نجمة...وكفاية اسمها تعطر سماءك بالأمل والحياة.....ويا بدر الدين ود الأمير...اسمع الحدوتة دي الجاتني في الواتساب عشان تعرف الكلمة الطيبة والكلمة الحلوة تأثيرها كيف على المرأة:::" واحد اسمه ود العوض بيحكي :حكى لي صديقي عمر وقال ::اول امس كنت مخاصم المدام ، ومشت اهلها زعلانة ،،وأمس بالنهار رسلت ليها رسالة في تلفونها :" اعملي حسابك النمل ما يشيلك ،،قالوا النمل بشيل شوالات السكر ، وانتي طن سكر .."كلام بسيط، مش كده يا ود العوض ؟ يمين بالله سمعت ليك ضحكتها من على بعد ستين كيلو ، وخمس دقائق ما في الركشة وقفت قدام الباب ، ونزل منها شوال السكر ..اقصد المدام ،،الشئ المحيرني يا ود العوض الركشة دي جات بالسرعة دي كيف مع بعد مسافة بيت اهلها ...ولدي جاني ناطي في كتفي ، قالت ليه :براحة على ابوك يا ولد ، ابوك جاي تعبان من الشغل !!قلت في نفسي :سنة يا انا ..دي جديدة دي ..زمان تجي من الشغل تعبان وهلكان تقول للاولاد :امشوا لابوكم ..ما تزعجوني قرف يقرفكم ويقرف ابوكم ..دخلت البيت جابت لي الصابون والبشكير والسفنجة والجلابية ،،دي برضه جديدة علي ..وبعد استحميت جابت لي الموية الباردة وناولتني ليها بابتسامة ،،،ما كملت الموية جاتني صينية الغداء ،،،زمان الغداء يجي مع صلاة العشاء ،،وبعد الغداء جك العصير ..ودي كمان جديدة علي ،،،العصير ده من زمن الخطوبة ما ضقتو ..وبعدها بثواني جاتني بتيرمس الشاي والقهوة ،، وقعدت بجنبي في البنبر وديك يا الونسة الدقاقة والضحكات ...ضحك وونسة زي دي من يوم ما كنا في الكوشة يوم الزفاف ما شفتهن ...انت عارف يا ود العوض النسوان ديل الكلام البسيط والحلو بيبسطهن ..وكل ما لسانك يحلى حياتك تحلى ...وذهب صديقي وهو يترنم ::سكر ..سكر ..وحاة عيني سكر ..والله احلى وأكثر..... .بتعرف يا ود الأمير الكلمة الطيبة ..والكلمة الحلوة زيها مافي في الدنيا دي ... ..وتمنياتي لكم بالسعادة الدائمة ان شاء الله ،،،،