|
Re: عبد الحي يوسف وعلي عثمان اذا اختلف اللصان (Re: كمال عباس)
|
السودان: عبد الحي: هذا هو ردي على حديث علي عثمان حول تمويل قناة طيبة
يناير 12, 2020 1٬311 أقل من دقيقة
الخرطوم: الانتباهة أون لاين رد الداعية الإسلامي المعروف د. عبد الحي يوسف على حديث النائب الأول السابق للرئيس المعزول علي عثمان محمد طه الذي جاء في فيلم وثائقي بثته قناة العربية تحت عنوان (الأسرار الكبرى .. جماعة الإخوان) وأكد فيه تمويلهم لقناة طيبة. وقال عبد الحي في برنامج (حوار مباشر) بقناة الجزيرة مباشر: (أعجب متى كان كلام علي عثمان عندهم الحق الذي لا يأتيه الباطل من بين يديه ولا من خلفه لكي يتخذ كلامه كبينة ضد طيبة، وإذا كانوا يصدقونه في هذه، فلماذا لا يصدقونه في كل ما قال. وأضاف: ( متى كانت التبرعات تهمة؟ وهؤلاء الذين يحكمون الآن كانوا يديرون منظمات تتلقى دعماً من الخارج وليس من الداخل وهذا ثابت وقد تكلم به بعض الناس مثل د. صلاح البندر أحد الأعضاد السابقين في الحزب الشيوعي). وقال عبد الحي: (متى كان الحصول على الدعم يحدث بناء عليه المصادرة؟. هذه كلها اجراءات ظالمة ليست دستورية ولا قانونية ولا سودانية. الشعب الذي ثار على من كان قبلكم سيثور عليكم إن شاء الله).
| |
|
|
|
|
|
|
Re: عبد الحي يوسف وعلي عثمان اذا اختلف اللصان (Re: كمال عباس)
|
دفاع مرتبك وشغل بتاع اركان نقاش خالي من الحقائق ، بدأه طبعا بمحاولة لتلميع نفسه وكسب تعاطف المشاهدين .. انا عملت وانا قلت وكلو مسجل وموجود الخ الخ الخ يا بوي زي كلامك ده حسين خوجلي قالو وانتقد الحكومة في برنامجو داك لمن ادوهو هرشة ، لكن لمن سخنت لييه قلت المساجد ليست للسياسة ؟ غازي صلاح الدين قالوا ، المحبوب قال ازفت منو مليون مرة الشيء التاني انهامات الفساد لم يذكر فيها اي حقيقة تبرأه ، الكلام واضح : استلمت تمويل من الحكومة ولا لا ، بخصوص كلام علي عثمان طبعا، ما تقعد تلف وتدور انت متين بقيتو تصدقوا علي عثمان وانتو ايه وجاي بعدها بشوية جايب لينا شهادة من صلاح البندر الانت في الاساس بتعتبروا شيوعي كافر لا تقبل له شهادة من الاساس! موضوع البشير ، رفض يوضح هو كم ، رغم انو القضية بقت قضية راي عام وهو اساسا جايي البرنامج ده عشان يملك الحقايق للراي العام ويبريء نفسو ، ليه ما وضح المبلغ طالما اودع المستند للمحكمة حسب كلامو ، خايف من شنو؟ طبعا الطبال استغل الفرصة وقعد يطاعن في السعودية والامارات قناة العربية وانها ضد الثورات لانو مستضاف في عدوتهم اللدودة الجزيرة وراعيتها قطر وقعد يفتح في مواضيع بتاعة الجيش السوداني وانو لازم يرجع لانو الحرب ما بتخصو ، طبعا امعانا في التطبيل وكسب ود محاوره عشان ما يزنقوا باسئلة بايخة ويتملق قطر ، ده زول ماكر محتال يتشاف بالعين بس .. اما شغل التحريض ضد حكومة حمدوك وتفاهة الحجج التي ساقها وادعائه ان السودان الان يباع تحت تحت ، الكذاب المنافق ، كنت وين لمن البلد كانت بتتباع صحي صحي ؟ جايي اسي بتتدعي وبتكذب وبتجيب في حكايات اتفه الكيزان ما فكروا فيها؟ يتبل بس ، حتقعد برة لي متين ؟
| |
|
|
|
|
|
|
Re: عبد الحي يوسف وعلي عثمان اذا اختلف اللصان (Re: Abdullah Idrees)
|
في بوست للأخ الهادي - كتب فيه مشيدا وممجدا لعبد الحي في حواره مع قناة الجزيرةمنوها بأن الرجل قد لمس نواقص جوهرية في أداء ونهج حكومة الثورة- ذكر الهادي: Quote: ا رأيكم في كلام عبد الحي يوسف عن مسألة اختطاف الثورة وتجييرها لمصالح إقليمية ودولية ؟؟ وا رأيكم في حديثه عن سرقة الثورة وأحلام الشباب وبيع دماءهم وتضحياتهم رخيصة بواسطة أقلية ( متحكمة) في حقت ... أو ما يطلق عليهم بعض الثوار أنفسهم ( بالشلة) ؟؟ وما رأيكم عن قيام الحكومة نفسها بالتشريع وسن القوانين ؟؟ في حقائق كتيرة موجعة ومؤلمة في حديث عبد الحي يوسف لكن الكثيرين يعمدون لتجاهلها وتخطيها ويمسكوا في القشور.. ياخي منو الما عارف عبد الحي كوز وحرامي وفاسد ؟؟ كوز وحرامي وفاسد زيو زي أي حرامي تاني لكنه أقام الحجة على قحت.. ودخلهم في كستبانة في أول ظهور إعلامي له |
وقد قمت بالرد عليه بقولي: ( سلام اخ الهادي بالعكس انت من يمسك بالقشور هنا وأنت من يتوهم ان تحت قبة عبد الحي -فكي وان ورمه شحم ونحاسه ذهب !السؤال هل اتي عبد الحي بما لم تستطعه الأوائل وحاز قصب السبق وتحدث عن غير المطروق والمتداول؟ ؟* سرقة الثورة قال بها من يهمه امر الثورة وأهدافها منذ بداية التفاوض مع العسكر مرورا بمذبحة القيادة والإنفاقات. -والحديث هنا مشروع ويحتمل الاتفاق والاختلاف ولكن ما شأن عبد الحي بالثورة أصلا وماعلاقته بها وهل هو حريص علي الثورة والإطاحة بنظام البشير ؟ ؟قل لناماهو موقفه من الثورة ومن فض الاعتصام ؟ ثانياالمحاور الإقليمية والثورة وهذا ايضا -لم يكتشفه عبد الحي -بل تحدثنا فيه وتحدث فيه كثر أيام مساندة محور السعودية والإمارات لبرهان حميدتي ضد قوي الحرية والتغيير أيام كان عبد الحي وزمرته يسيرون المسيرات. تاييد المجلس العسكري وتحريضا ضد الثوار ! * والسؤال هل يقف عبد الحي ضد محور السعودية حرصا علي السبادة الوطنية ام تغزلا ومتماهيا مع محور قطر وقناة الجزيرة والإخوان المسلمين الذين كان قبل أسبوع حاضرا في اجتماعا ت احدي واجهاتهم خارج البلاد ! ثالثا ماهو موقف عبد الحي وهيئة علماء السلطان من مشاركة السودان في حرب اليمن في عهد البشير وأيام مشاركة قطر فيها ؟ رابعا انفراد الحكومة بالتشريع وسن القوانين نقطة يتحدث فيها من وقف ضد حكم البشير واستبداده وتزييف لارادة الشعب لا من بايعه وسكت علي باطله ! خامسا عبد الحي لم يأت. بجديد ولم يكتشف الذرة وانما ردد وكبيغاء انتقادات الأخريين للحكم الحالي ولكن بلا اتساق او مبدئية فهو لايملك مشروعية اخلاقية او فكرية تؤهله لرفع قميص عثمان هذا او قضايا اكبر من حجمه او ماسكت عنه سابقا في عهد البشير الم. تكن وقتها حرب ضد الشيعة وحماية الحرميين ؟والان بقدرة قادر اصبحو ضد حرب اليمن طمعا في بريق الذهب القطري ونكاية في الحكومة السودانية !
| |
|
|
|
|
|
|
Re: عبد الحي يوسف وعلي عثمان اذا اختلف اللصان (Re: Abdullah Idrees)
|
شكرا أخ عبد الله إدريس Quote: من الحكومة ولا لا ، بخصوص كلام علي عثمان طبعا، ما تقعد تلف وتدور انت متين بقيتو تصدقوا علي عثمان وانتو ايه وجاي بعدها بشوية جايب لينا شهادة من صلاح البندر الانت في الاساس بتعتبروا شيوعي كافر لا تقبل له شهادة من الاساس! موضوع البشير ، رفض يوضح هو كم ، رغم انو القضية بقت قضية راي عام وهو اساسا جايي البرنامج ده عشان يملك الحقايق للراي العام ويبريء نفسو ، ليه ما وضح المبلغ طالما اودع المستند للمحكمة حسب كلامو ، خايف من شنو؟ طبعا الطبال استغل الفرصة وقعد يطاعن في السعودية والامارات قناة العربية وانها ضد الثورات لانو مستضاف في عدوتهم اللدودة الجزيرة وراعيتها قطر وقعد يفتح في مواضيع ة |
والسؤال مسألة تمويل قناة طيبة بواسطة نظام الإنقاذ جاء في مضابط محكمة رسمية حيث أعلنه الفاسدعمر البشير ( الذي بايعه عبد الحي يوسف أميرا للمؤمنين ) وأعلنه علي عثمان محمد طه في إجتماعات ما يسمي بالحركة الإسلامية -فلماذا لم يفتح بلاغا رسميا في مواجهة هولاء بتهمة الكذب الضار وتشويه السمعة ؟ هناك تصريح لما يسمي هئية علماء السودان بواسطة رئيسها يؤيد عاصفة الحزم وعبد الحي قيادي بهذه الهئية السطانية - وهناك تصريح للاتحاد العالمي لعلماء المسلمين - الأخواني يدعمها وعارف الركابي طبل لها - وعبد الحي عضو فيه وحاضر في فعالياته Quote: الاتحاد العالمي لعلماء المسلمين يؤيد عملية “عاصفة الحزم” لوقف المد الحوثي في اليمن ( أعلن الدكتور علي القره داغي – الأمين العام للاتحاد العالمي لعلماء المسلمين – تأييده للشرعية باليمن وبحق هذه الشرعية في الاستعانة بالخليج في محاربة الانقلابيين البغاة، وذلك في إشارة إلى العمليات العسكرية التي تقودها 5 دول خليجية ودولاً أخرى مستهدفة الانقلاب الحوثي، من أجل تحرير اليمن من هذا الانقلاب الغاشم على الشرعية والثورة . ة |
وعارف الركابي كتب Quote: هنيئاً لجنودنا المشاركة في قتال الحوثيّة
وشكر لقيادة بلادنا بهذه المشاركة، وإفادة جنودنا المقاتلين في حربهم وتهنئتهم بعملهم الصالح، ومشاركتهم الميمونة، وعمّا قريب يتحقق لهم بتوفيق الله تعالى النصر، ردّهم الله سالمين غانمين وأسكت أفواه المشوّشين المشنشنين. الإنتباهة |
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|