ايعقل أن والى الجزيرة رفض توجيهات رئيس الوزراء وعيساوى رفض قرار وزير الاعلام

Quote: #الموضوع دا خطير جدا شير ولايك ضرووووووري ي ناس انشرو في كل القروبات الحقو الثورة قبل ما تتسرق لعنايه المجلس السيادي لعنايه قوي الحريه والتغيير لعنايه الشعب السوداني لعنايه الخريجين والعواطليه لعنايه تجمع المهنيين السودانيين بولاية الجزيرة لعنايه الثوار الاحرار بولاية الجزيرة #الموضوع كالاتي تحديدا في شهر ديسمبر 2018 وقبل سقوط الانقاذ تم تصديق عدد 5000 الف وظيفه لكل ولايه وفي كافة المجالات الاداريه للخدمة العامة الحصل انو الحراك الثوري سيطر علي الساحه وتلاحقت الأحداث حتي سقط النظام في ابريل لحدي الوقت داك كانت الوظائف المصدقه ال5000 الف دي معطله اجرائيا وبعداك تم حل النقابات والمؤسسات الكيزانيه الكانت ادارة الاختيار للخدمة العامة اساسا جذء لايتجزا منها لانو التمكين كان ولا زال للكيزان عبر المؤسسة دي توظيف الكوادر التابعه ليهم وتمكينهم الحصل شنو في الجزيرة تحديدا انو والي ولاية الجزيرة المكلف احمد حنان احمد صبير عمل كالاتي باشر إجراءات ال5000 الف وظيفه لولايه الجزيرة وفتحها العامه مع مراعاة مسك اكتر من 2500 وظيفه للكيزان عشان اتمكنو من جديد عندما اكتشفنا الحاجه دي تم الاتصال لمكتب السيد رئيس الوزراء واعلامه بالحاصل السيد رئيس الوزراء يوم 3 في الشهر دا طلع منشور وزاري انو يتم توقيف إجراءات تعيين ال5000 الف وظيفه دي لحين النظر في الموضوع دا بشكل قانوني وسليم يضمن التوزيع العادل للفرص دي للخريجين الذين عانو من العطاله بسبب تمكين الكيزان في الخدمة العامه. الحصل شنو تم توصيل المنشور بتاع إجراءات ايقاف التوظيف المشكوك فيه لامين عام الحكومه بالولاية عادل الخطيب وبدوره تم تسليم المنشور للوالي حنان والذي لم يعترف بهذا الإجراء وقال بالحرف الواحد هو ما بتبع لي حمدوك بل بتبع للمجلس السيادي ومشي في تحدي القرار عبر الدعوة عبر جريدة الجزيرة لي لجنه الاختيار الكيزانيه انها تسرع لقيام الامتحان التحريري للوظائف المعطله دي من اجل وضع اليد على الوظائف دي لضمان وجود منسوبي المؤتمر الوطني في الوظائف دي المصيبه من انو الامتحان التحريري بلغت قيمته 710 الف جنيه لعدد ال5000 الف وظيفه دي!!!!!؟ شفتو الدولة العميقه دي شغاله كيف يلا ي حنان الخمس الف وظيفه دي الا تسكنهم في راسنا نحن قبل ما تسكنهم في الوزارات والمؤسسات الحكومية وتسقط انت والعينوك ذاتو ولو ي ناس الجزيرة بالذات الخريجين والعطاله دايرين تخلو حقكم عشان الكيزان اشتغلو بدلا منكم وانتو تتفرجو اسكتو علي المهزله دي الامتحان بكره ي جماعه وانا من هنا بدعي كل جماهير الولايه لي الخروج غدا في مسيرة لمباني الخدمه المدنيه لحراسة مكتسبات الثورة دي من سرقه واضحه من الوالي المكلف الاسمو حنان دا والمطالبه بأقالته فوووراااا مرسل لكم خطاب حمدوك لايقاف قرار توظيف ال5000 الف وظيفه وكفي طه عواض #معا_لتفكيك_دولة_الكيزان_العميقه #لم_تسقط_بعد