|
Re: نداء للمعارض ود الباوقة 📣📢 (Re: نعمات عماد)
|
صباح الخير الراكزة دكتورة نعمات
Quote: مطلوب حضورك سريع لتقود معارضي المنبر المملين .
|
هههههههه مالك علينا يا دكتورة انحنا ما صدقنا اتخلصنا من المعتوهين ديل و اتخلصنا من حبوب الدغت :) الله لا جاب عقابم
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: سلام الراكز خضر و سلامتك من الدغت
سبحان مغير الأحوال !
ود البارقة و آخرون أصبحوا المعارضة الجديدة ،
لكن النصيحة ود البارقة دمو خفيف 😄 ما زي الممل حسن عبالله علي 🙃
|
تسلمي دكتورتنا العزيزة و الما بجيب لينا الدغت شنو اذا عايشين تلاتين سنة دغوتات دغوتات مع المعتوهين ديل ؟ لما كنت في الرياض عملوا رابطة اعضاء سودانيز اونلاين و كان في دعوة لاجتماع في واحدة من الاستراحات اتفاجأتا بي انو رئيس الرابطة المعتوه ود الباوقة . انا اول ما شفتا المخلوق العامل ذي ضب الادبخانات دا طلعتا من الاجتماع و تاني ما جيتم , المعتوه ود الباوقة يجيد التمثيل بمهارة عالية الجودة و انتهازي جداً و Greedy bastar.d ما عاوز اتلفظ في حضرتك .. كمان انتي ما ترفعي دغتي هههههههه انتي قصدك على عبد الله حسن الشى البشبه فار الفحم دا مش ممل بس, دا مقرف حد القرف تباً لهم تافهين الحمد لله ارتحنا منهم و ذهبو الى مزبلة التاريخ غير ماسوف عليهم, دا لو قبلت بيهم المزبلة
| |
|
|
|
|
|
|
Re: نداء للمعارض ود الباوقة 📣📢 (Re: خضر الطيب)
|
يا جماعة الخير انا اثني دعوة نعمات....مش العهد الجديد شعاره حرية وسلام وعدالة ..خلاص ندي الحرية لود الباوقة يجي يورينا رايه في العهد الديمقراطي ..وكان جينا للحق دمه خفيف. .واكيد حيعارض بمنطق ويورينا مسالب العهد الجديد بتجرد ،،، ...يا خضر دغت الدم لسع ما نزل ،،،في ناس عاملين نفسهم مع الثورة ومع الديمقراطية وبيضعوا الطوب والمطبات قدام حمدوك ...
| |
|
|
|
|
|
|
Re: نداء للمعارض ود الباوقة 📣📢 (Re: امتثال عبدالله)
|
سلام اختنا الراكزة امتثال
Quote: ..يا خضر دغت الدم لسع ما نزل ،،،في ناس عاملين نفسهم مع الثورة ومع الديمقراطية وبيضعوا الطوب والمطبات قدام حمدوك . |
طالما اتخلصنا من كبار الطفابيع يبقى السحالي ديل مقدور عليهم حيندثروا تدريجياً
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
معلومة مؤكدة ود الباوقة تعرض لنوبة اسهال حادة بعد ما سيدو بشة ابخشمن فاكي نازل دح وفضح في اي زول غمت ليه ود الباوقة غير الاسهال بتجيه كاروشة لمن يشوف سيدو جوة التخشيبة عليه نقدر ظرفو الطاريء من عدم الظهور
دوك نعمات شالوم
| |
|
|
|
|
|
|
Re: نداء للمعارض ود الباوقة 📣📢 (Re: معاوية المدير)
|
من الوآت سآب مباشرة، الزول دا بيقولكم عندو تراتبية بس ينتهي منها، ؤ قالكم متسائلاً هل القوم يؤمنون بشعار سلآم وعدالة ؟ ثم ختم بقوله خلصت المصفوفة الحمد لله وعلي وشك الإنتهاء من التراتيبية، ثم وصاني بقوله وريهم الكلآم دا بالنص بالله. إنتهي...
| |
|
|
|
|
|
|
Re: نداء للمعارض ود الباوقة 📣📢 (Re: معاوية المدير)
|
Quote: لزول دا بيقولكم عندو تراتبية بس ينتهي منها، ؤ قالكم متسائلاً هل القوم يؤمنون بشعار سلآم وعدالة ؟ ثم ختم بقوله خلصت المصفوفة الحمد لله وعلي وشك الإنتهاء من التراتيبية، ثم وصاني بقوله وريهم الكلآم دا بالنص |
ود البارقة فعلاً دغمسة حقت الدولة العميقة ، تعال مارق للعدالة أول و بعدها السلام .
و ما تنسى تجيب معاك ورق البوفيه 😂
ود المدير شيل شيلتك ، صديق مهدي بيلحقك ابسن ،
يعني كوز و كتائب ظل😂😀
| |
|
|
|
|
|
|
Re: نداء للمعارض ود الباوقة 📣📢 (Re: MOHAMMED ELSHEIKH)
|
شكراً ود الشيخ على رسالة نسيبك الكوز ،قول ليهو ما يخاف البلد بقى فيها غانون و قضاء نزيه .
أديم تاني يا خضر
كلنا مرضنا بسبب إجرام الكيزان ،
بعد جريمة فض الإعتصام بسبب الزعل دخلت في مرحلة ما قبل الإصابة بالسكري prediabetes
| |
|
|
|
|
|
|
Re: نداء للمعارض ود الباوقة 📣📢 (Re: احمد حمودى)
|
سلامات ياحمودي يا اخي الاخ خضر الطيب راجل صديقي جدا قبل كدا ورطني في حتة مع جماعة عزيزين عشان كدا انا بتكيف لامن الجماعة زي ناس ود الباوقة والطيب قريمان يظهرو هنا وهو يجيب الليمون. تحياتي لك ولدكتورة ولصاحبي خضر
| |
|
|
|
|
|
|
Re: نداء للمعارض ود الباوقة 📣📢 (Re: محمد نور عودو)
|
Quote: معلومة مؤكدة ود الباوقة تعرض لنوبة اسهال حادة بعد ما سيدو بشة ابخشمن فاكي نازل دح وفضح في اي زول غمت ليه ود الباوقة غير الاسهال بتجيه كاروشة لمن يشوف سيدو جوة التخشيبة عليه نقدر ظرفو الطاريء من عدم الظهور
دوك نعمات شالوم
|
يا جماعة هوووووى ود دفع الله جاب ليكم النجيضة ؟ وثم تحياتى للضيوف ودكتورة نعمات
| |
|
|
|
|
|
|
Re: نداء للمعارض ود الباوقة 📣📢 (Re: احمد حمودى)
|
Quote: ليه ياخ...؟؟؟ ما كنا ترانا رايقين ،، أنا زي أستاذي خضر الطيب |
الحبيبة تماضر كيفك ؟
خضر الطيب و انتي نسيتو المثل بقول شنو ؟
" خلي أصدقاءك قراب و أعداءك أقرب "
معليش إتحملو شوي .
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: يا جماعة الخير انا اثني دعوة نعمات....مش العهد الجديد شعاره حرية وسلام وعدالة ..خلاص ندي الحرية لود الباوقة يجي يورينا رايه في العهد الديمقراطي ..وكان جينا للحق دمه خفيف. .واكيد حيعارض بمنطق ويورينا مسالب العهد الجديد بتجرد ،،، ...يا خضر دغت الدم لسع ما نزل ،،،في ناس عاملين نفسهم مع الثورة ومع الديمقراطية وبيضعوا الطوب والمطبات قدام حمدوك ... |
دائماً أوسكار يا امتثال يديك العافية . حرية : حر يجي المنبر سلام: رسلناه ليهو مع ود الشيخ عدالة : العدالة جاياهو في محلو 😂
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: ما دايرين زول واللآ زولة يكفر لعووضة هنا، إفتكر في بوست مفتوح لتلقي الكفارات |
صباح الخييييير ( على طريقة الطباخ اليوتيوبر ، خرموش)
يا ود المدير جيت عندكم. في البوست و فكرت اقولكم. :
( ما لكم. تكأكأتم على الزول الخلوق عووضة ! هيا أفرنقعوا )....
بس خفت تخلوه هو و تشبطوا فيني 😂 بري بري منكم .
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: عليك الله يا دكتورة ضيف عليهو صاحبو الطيب قريمان كيتا لصاحبي خضر الطيب دا عشان ما ينوم |
حبيبنا محمد نور عودو انت حاقت حاقت .. حاقت بالتا ء عشان ما تتنفس ههههههههه ياخ الطيب دا بالذات و البزات جمع بزة كان برضع من شطراً ميت مع وفد المنافي بتاع المجنترة تراجي وواحد سحلول تاني نسيت اسمو الطيب دا كان قريبنا و مننا يعني في معارضة الفنادق .. بقى بعدها في منافقة المعارضة قاعد سنة في الخرطوم بعلف بإسم حوار الطرشان و هو ذاتو كان حوار لتراجي اها قامت المجنترة دي رفستو كما يرفس الحمار الكل.ب عاوز تجلطني انت كمان يا عودو ؟ تباً لك .. آسف حباً لك :)
| |
|
|
|
|
|
|
Re: نداء للمعارض ود الباوقة 📣📢 (Re: خضر الطيب)
|
صباح الخير بتوقيتنا يا دكتورة نعمات
Quote: أديم تاني يا خضر
كلنا مرضنا بسبب إجرام الكيزان ،
بعد جريمة فض الإعتصام بسبب الزعل دخلت في مرحلة ما قبل الإصابة بالسكري prediabetes |
انحنا اديناهم الفيها النصيب من الخارج كنا شغالين معاهم بالبلوتوث و شبابنا من الجنسين انجزوهم و جزوهم من جوة نعم الشباب دفعو التمن غالي لكن انجزوا الثورة خير انجاز الرحمة و المغفرة لشهدائنا الابرار و الشهداء افضل منا , و عاجل الشفاء للجرحي و عودة المفقودين و الله يا دكتورة صحيت الساعة خمسة صباحاً يوم فض الاعتصام اول ما فتحتا قناة الجزيرة شفتا المجزرة اتسمرتا في مكاني .. و الله عاوز اقيف غلبني و من يوما انا ما قادر انوم بقي عندي Panic Disorder بقيت آخد دواء اسمو Citalopram لمده لا بارك الله في الكيزان و كتائب ظلهم و المجلس العسكري المأجور
| |
|
|
|
|
|
|
Re: نداء للمعارض ود الباوقة 📣📢 (Re: خضر الطيب)
|
يا مرحب بالناس الصبّوها قنا 🌷
علي دفع الله نورك ولا ثورة ديسمبر ؟
الف سلامة و كفارة. ليك يا زول .
الكوز ود الباوقة. شكلو اختشى من دينق و زاغ .
ما زي الكوز حمد إبراهيم ، بلا خجلة جاي يدافع. عن
الدجالين علماء السلطان .
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: ضيف عليهو صاحبو الطيب قريمان كيتا لصاحبي خضر الطيب دا |
الأخ الفاضل محمد نور عودو
سلام و احترام
قريمان ، ها ااا وين يا
معليش يا عودو قريمان دا بيكون كيتاً علي أنا ذاااتي 😆
اللهم إلّا إذا جاي يواصل في البوست القديم بتاع " قتلة و مفسدين ".
| |
|
|
|
|
|
|
Re: نداء للمعارض ود الباوقة 📣📢 (Re: خضر الطيب)
|
عاوز تجلطني انت كمان يا عودو ؟ لا يا ياخي بعد الشر عليك وربنا يديك الصحة والعافية ورضاء الوالدين مع عمر طويل ومد يد انشاء الله. انت عارف يا خضر با اخي البورد دا نموزج العكسي لحكومة الإنقاذ نحن نقبل أي حد. عشان كدا خلي ودالباوقة وفرانكي والبقية
مافي مشكلة انا ببقي ليكم رئيس وفد المفاوضات
| |
|
|
|
|
|
|
Re: نداء للمعارض ود الباوقة 📣📢 (Re: ترهاقا)
|
الأخت نعمات تحياتي و الله انا بتاوق مرة مرة و كنت عايز اعلق... لكن لقيت الكلام حار من الاول و وجهات النظر متباينة فازددت حيرة فقلت اخير اتابع بس.. فأنا ما بعرف ود الباقة شخصيا الا من خلال مداخلاته لكن و الحق يقال رجل ما كان بيميل للسباب او الردود الجارة..
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: تعرفت على الاخ عمر ود الباوقة حين وجودي في السعودية، راجل سوداني اصيل وأخو اخوان ، اضم صوتي للدكتورة |
صوتك بألف ي فنان ي ترهاقا
أكيد الناس البتعرف ود الباوقة مستغربين من علاقته بي بشة المخلوع !!
انا اعرفه من مداخلاتو فقط. ، وهي. في الغالب تبدأ بي : هيييع
الأسد النتر يقدل و تنتهي بي سيدي الرئيس .😂
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: عرفت على الاخ عمر ود الباوقة حين وجودي في السعودية، راجل سوداني اصيل وأخو اخوان ، اضم صوتي للدكتورة |
بالله يا ترهاقا ود عمي دا عرفتو كيف؟ ياخي انت راجل موسيقار ومرهف ونحن امنياتنا كانت بس ننضم معاك تجي تعرف لي نسيبي الماشاف حاجة غير الدلاليك والشتم دا؟
وبالكااااد يعرف انو في الة موسيقية اسمها الرق .
غايتو الأيام الجاية حا اسوقو معاي السفارة عشان اعرفو على طاقمنا الجديد
طبعا بقينا اهل مكان وكدي و وي وي وي وي
| |
|
|
|
|
|
|
Re: نداء للمعارض ود الباوقة 📣📢 (Re: احمد حمودى)
|
Quote: كنت عايز اعلق... لكن لقيت الكلام حار من الاول و وجهات النظر متباينة فازددت حيرة فقلت اخير اتابع بس |
سلام اخ محمد عبدالله الحسين
طبيعي ان نحتار عند الكلام عن زميلنا ود الباوقة ، فهو في
رأي البعض طيب و ذوق و ظريف و أكيد دا برضو رأي بشة
المخلوع في ود الباوقة 😄
المهم النداء للمعارض ود الباوقة جاء على أساس أن العهد
ديمقراطي ( ان شاء الله ) و ما دامت حرية التعبير مكفولة للكل
فأن ود البارقة أخف على النفس من ناس حمد إبراهيم و غيرهم .
و لكن هذا لا يعني ان وجوده هنا سيكون نزهة في الحديقة .
و ما يظهر كردود حارة ما هو إلا انعكاس للحقيقة في واقعنا الجديد . ::::::::::::::::؛ أخيراً يا صباح الفل على الأستاذ عووضة و حمودي و كل المتداخلين 🌷
| |
|
|
|
|
|
|
Re: نداء للمعارض ود الباوقة 📣📢 (Re: معاوية المدير)
|
الاستاذة نعمات .. ياسلام على التسامح هي قمة الانسانية مهما كان السبب ود الباوقة فقد ... المجالس لا تحلو إلا بوجود المعارض أو مختلف الراي التسامح من أعلى القيم .. والتسامح هو الحل .. في روندا في جنوب أفريقيا كان التسامح هو الحل ونقطة الانطلاق .. أتمنى ان تسود مثل هذه الروح لدى مجتمعنا .. شكرا الاستاذة نعمات .. وأنت ترفعين رايات القيم ..
أنا أكرر دائماً .. أجمل ثلاثي في المنبر ( دينق ود الباوقة معاوية عبيد ) ليهم وحشة ..
تحياتي الاستاذة نعمات .. واصلي
| |
|
|
|
|
|
|
Re: نداء للمعارض ود الباوقة 📣📢 (Re: Deng)
|
يا دينق ما تخوف ود الباوقة زول على نياتو شوف الدنيا بنت الكلب بالامس كنا معارضين ضد حزب ود الباوقة واليوم ود الباوقةاصبح معارض.. نتمنى له اقامةطيبة في المهجر كلاجي سياسي.. الدنيا سمحة وجميلة يا خنازيرالانقاذ الطاحونة مدورة
| |
|
|
|
|
|
|
Re: نداء للمعارض ود الباوقة 📣📢 (Re: احمد حمودى)
|
صباح الخير و شرفتوني
استأذن للتعليق على صورة "كتائب الظل" الإتكرم كوستاوي بمشاركتنا إياها،
شبيه هتلر ال في نص الصورة دا منو؟ و ما سر نظرة الفخر في عيون المدعو ود الباوقة؟
ود الباوقة يا ثعلوب يظهر فعلا انت اسم حركي لجماعة ما، زي ما أشار بلدي يا حبوب مشكورا
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
سلام استاذنا علي عبد الوهاب
شكرا لحسن ظنك و اتفق معاك التسامح و العدالة طريقنا لدولة المواطنة.
يا محمد نور عودو فرانكي بتاع الرصاص في الرأس؟ استنى شوية لغاية ما تنكشف مصالحو التجارية مع الكيزان، يمكن يعمل
فيها منحاز للثورة 😂
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: يا دينق ما تخوف ود الباوقة زول على نياتو شوف الدنيا بنت الكلب بالامس كنا معارضين ضد حزب ود الباوقة واليوم ود الباوقةاصبح معارض.. نتمنى له اقامةطيبة في المهجر كلاجي سياسي.. الدنيا سمحة وجميلة يا خنازيرالانقاذ الطاحونة مدورة |
😪😂😂😂😂 سلام ذو اليد مشكور على المداخلة الطريقة اللجوء إلا كان تركيا.
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
ايوااا يا ود المدير الكلمة دي كانت رايحة مني 😂
Quote: غايتو الأيام الجاية حا اسوقو معاي السفارة عشان اعرفو على طاقمنا الجديد |
يا ود الشيخ الطاقم القديم دا مفروض من السفارة و على كوبر طوالي
صح ولا لا يا ناس السعودية ؟
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
فرانكي بتاع الرصاص في الرأس؟ أي ياهو زاتو الراجل يمكن ربنا هداهو يا دكتورة غايتو الكتابة في سودانيزاولاين دا صعب خلاص أقلة مجمجمة الأرشيف قاعد شكلو مجهوداتي بتاع الصلح مع ناس الطيب رحمة وعمر ود الباقة وفرانكي ووايل حمزة ديل ما اظن يلقي قبول بي اخوي واخوك
| |
|
|
|
|
|
|
Re: نداء للمعارض ود الباوقة 📣📢 (Re: محمد نور عودو)
|
انت رجل طيب و فاضل يا محمد نور لكن الناس ديل لا صلح و لا تصالح معهم الاكل لما توديهو الزبالة ممكن تمشي تاكلو ؟ بالتاكيد لا اها ديل ما كانوا اكل كانو زبالة و الزبالة بحرقوها اتحرقو يا اخوي ما تحرق روحي ههههههه
| |
|
|
|
|
|
|
Re: نداء للمعارض ود الباوقة 📣📢 (Re: خضر الطيب)
|
Quote: انا لو في محلو...كنت ح ( اقدل ) في البيت زي قدلات سيده التعيس |
😂😂😂 احمد ياسين يا فنان
المؤكد انه اذا عاد ود الباوقة للمنبر، لن يستطيع عنونة بوستاته مثلا
الأسد النتر يقدل داخل الزنزانة، هي ضيقة شديد و بشة ما فاضي من
الإعترفات و توريط نفسو.
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
Quote: اخبار الدولار شنو يا باوقيشن والكافتريا ومعاوية عبيد |
سلام عبداللطيف الله يطراك بالخير، وين الأخ معاوية عبيد؟
الدولار كان و ما يزال لعبة الكيزان المفضلة.ملايين الدولارات
المكدسة في خزائنهم مسروقة من حر مال الشعب يجب انتزاعها منهم بالقانون و المحاكم بأسرع ما يمكن.
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
قام أتعزز الليمون 🍋
ود الباوقة أتعزز على الكتابة في المنبر رغم متابعة عدد كبيرمن القراء و ترقبهم لظهوره.
يا محمد نور عودو وائل حمزة ما بيقدر يعتب هنا،
أولياء الدم لشهداء المناصير عندهم قضايا ح تتفتح قريب.
| |
|
|
|
|
|
|
Re: نداء للمعارض ود الباوقة 📣📢 (Re: احمد حمودى)
|
Quote: والله ورونا الويل نا س ودالباوقة ده ده فقش مررتنا فقش خلي يجي والله ورونا الويل نا س ودالباوقة ده ده فقش مررتنا فقش خلي يجي |
سلام عليكم استاذ متوكل يا ود الباوقة مفروض تجي تاخد ليك كلمتين على جنابك الظاهر مديون شديد للسودانيين في السعودية ¿¿ بالله عليك خايف من شنو؟ يا ريت المغتربين يطلعوا كل الحصل ليهم من الإنقاذ و الكيزان المدسوسين وسطهم للتجسس عليهم في الغربة.
| |
|
|
|
|
|
|
Re: نداء للمعارض ود الباوقة 📣📢 (Re: Deng)
|
Quote: هيييع انبهلت معارضة وفنادق على ود الباوقة ود الباوقة كوز ظريف وانتهازي مهضوم اكتيير على قول اللبنانيين اما ما يدعى ب قريمان ف دا عبارة عن بذرة جوافة معفنة |
😂😄☺ بختك يا ود الباوقة او بقبق، جاتك البشارة من كمال على الله شخصيا شكرا يا استاذ على الله.
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
على ذِكر الوضاعة والخسة، مسؤولين من الخير .. وين المنحط صلاح غريبة؟؟ معليش يا كمال، لكن مافي كوز ظريف ولا مهضوم، فالكوز عموماً كائن غير سوي، وجدانه صدئ ومعفن بسبب النشأة الفكرية والتنظيمية في كنف تنظيم يحلل السرقة والكذب والقتل والتنكيل والنفاق والغش وكل القيم الوضيعة. أما الانتهازي المتكوزن، فهو أسوأ وأضل، خصوصاً مستجد النِعَمْة والفاقد التربوي، زي ود الباوقة. الكوز عموماً، بصرف النظر عن دوافع وأسباب وجوده في ماخور الإخوان المسلمين (أياً كانت تسمية التنظيم)، كائن وضيع وخسيس من المستحيل التعامل معه أو هضمه.
| |
|
|
|
|
|
|
Re: نداء للمعارض ود الباوقة 📣📢 (Re: فرح الطاهر ابو روضة)
|
Quote: هو ود الباقه.. براهو.. ماتنسوا معاهو واحد في الرياض برضو كوز معتق وبتاع اللباسات الفي جده أو مكه السيد ح. فى طفابيع برضو ظهروا فجأتن(كما يقول الفاتح جبرا) الماكيكي.. ابو محمد فؤاد |
هلا هلا بالماكيكي ابو محمد فؤاد
المنبر أزهر و أنور بطلتكم و طلة فرح الطاهر أبوروضة 🌷🌿
الكوز السيدح ده ما لقى غير يبيع الملابس الداخلية جنب الحرم في مكة ولا شنو؟
| |
|
|
|
|
|
|
Re: نداء للمعارض ود الباوقة 📣📢 (Re: عمر التاج)
|
Quote: تصحيح يا دكتورة وتحياتى اولياء الدم فى كجبار الغريبة هو زاتوا من تلك المناطق |
🎉👏يوم شكرك ما يجي يا استاذ احمد حمودي. ربنا يرحم شهداء كجبار الغربية و يقتص لهم من الكيزان. أعوذ بالله من الكوز قاتل اهله.
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
ده اذا فى زول اسمه ود الباوقة اصلاً يا استاذة نعمات..حدثنى من اثق فيه ان هذه العصابة ابتدعت من اساليب الخداع ما لا يخطر على بال كأن يبتدعوا عدة شخصيات يشرف عليها شخص واحد و لا بأس ان يعلن بين الفينة والاخرى عن وفاة والد احد هذه الشخصيات او نجاة زوجته من موت محقق بعد حادث حركة مروع و طبعاً نحن نعجبك فى احسن الله عزاك و كفارة و ما تشوفوا شر, عشان كدى يا اختى لا استبعد ان تكون الشخصيات التى آذتنا طوال السنين الماضية ليست سوى شخص مريض واحدة ببساطة مافى زول قال دفعة ود الباوقة او اشتغل مع ميادة او صادف علاء فى عقد او بكا ...الجماعة ديل اشباح و ممكن يكون شبح واااحد.
| |
|
|
|
|
|
|
Re: نداء للمعارض ود الباوقة 📣📢 (Re: د.محمد بابكر)
|
Quote: ده اذا فى زول اسمه ود الباوقة اصلاً يا استاذة نعمات. |
سلامات يا دكتور .. عمر ود الباوقة شخصية موجودة بالفعل وليست افتراضية .. يعمل في السعودية، ويعرفه عدد من بورداب الرياض القدامى والجدد. ود الباوقة فاقد تربوي وشخص محدود التعليم (لا أقول هذا الكلام من باب السخرية، بل للتوضيح) ساقته ظروف البحث عن الرزق إلى السعودية بعد سنوات قضاها عاملاً في العراق في حقبة الثمانينيات (فترة الحرب مع إيران)، والعراق آنذاك لم يكن يفرض تأشيرة دخول، لذا كان قبلة لغالبية السودانيين من العمال غير المهرة unskilled labour الذين يفشلون في الوصول إلى دول الخليج. أكتفى بهذا القدر في سيرة الرجل، وما يُحمد له، بالطبع، أنه كان حريصاً على البحث عن الرزق الحلال اينما كان. لكن ود الباوقة انحدر بمحض إرادته إلى درك التكسب من رزق المؤتمر الوطني الحرام، وهو رزق مصدره مال سحت وشروط الحصول عليه ممارسة مجموعة من القيم الساقطة في مقدمتها التطبيل والكذب والنفاق، والشاهد أن ود الباوقة مارسها جميعاً بقدر افقه المحدود وقدراته المتواضعة وأخلص تماماً في اللزوجة والتطاول. والمتابع لهرائه وتطبيله على مدى السنوات السابقة يلاحظ أنه لا يستطيع كتابة فقرة كاملة في نقاش، ولا يدخل أصلاً في نقاش وإنما يكتفي بكتابة سطر أو سطرين وجمل مقتضبة ونشر صورة للعبوب عمر البشير .. ويستخدم أرزقية وعواطلية المؤتمر الوطني حسابه في سوادنيزاونلاين، مثما هو الحال مع الوضيع صلاح غريبة، في التطبيل والدعاية الساذجة لأسفار "أسد افريقيا". سخريات الأقدار وعهر الكيزان السياسي وتكنولوجيا وسائل التواصل الاجتماعي شاءت أن يتطاول الفاقد التربوي وأرباع المتعلمين والأرزقية والعواطلية الذين استقطبهم سيء الذِكر المؤتمر الوطني، مثل ود الباوقة وفرانكلي والسيدح، على سبيل المثال فقط، كمطبلين يغالطون ويكابرون ويفسدون النقاش وينشرون فساءهم النتن في منابر التواصل الاجتماعي مدافعين ليل نهار عن باطل لا تخطئه أي عين مقابل أجر معلوم أو قطعة أرض أو بوفيه أو ماكينة تصوير في السفارة بالرياض أو القنصلية في جدة. الكوز عموماً إنسان ساقط ومنحط ويجب أن يتم التعامل معه على هذا الأساس .. كيزان سودانيزأولاين ساقطون ومنحطون ويجب التعامل معهم على هذا الأساس أيضاً، ويجب أن نفرق بين تباين وجهات النظر واختلاف الرأي الذي لا يفسد للود قضية عموماً وبين ممارسة الكيزان للعهر السياسي الذي ينطوي على خبث وسوء طوية وسواد نية ولؤم مع الآخرين. الكوز شخص تجتمع فيه كل القيم والصفات المنحطة وإن حاول التظاهر بغير ذلك من خلال محاولات المزاح والدعابة المصطنعة .. ويجب عزلهم اجتماعياً هم والأرزقية والعواطلية الذين جندوهم بثمن بخس. تحياتي،
| |
|
|
|
|
|
|
Re: نداء للمعارض ود الباوقة 📣📢 (Re: Shaker Hamid)
|
Quote: ده الكلام النجيض يا دكتورة نعمات.
ولازم تكون هنالك عملية تسليم وتسلم. |
سلام يا سلطان دينق
شفت ود الباوقة طلع البرادعي؟ 😱
وانا اللي كنت قايلاه بسيط......
انصح المراجعين للسفارة يشيلو معاهم سندوتشات و موية و عصير و شاي،
ولا يصوموا احسن، إلى حين إستعادة البوفية من مجموعة ود الباوقة.
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
مراحب يا ابوروضة
معقول يا فرح ود الباوقة يكون متدرب على 20نوع من الاسلحة؟
ما رأيك يا بقبق في كلام الكوز الإرهابي القال بأن عددكم 350الف مقاتل ؟
و أين تخبئون دباباتكم و اسلحتكم؟
| |
|
|
|
|
|
|
Re: نداء للمعارض ود الباوقة 📣📢 (Re: نعمات عماد)
|
يا دكتورة التحيات العطرة جيت اقرأ مداخلة تعبر عن العالم اكتبو و عادل علي ما قصر تب قال العايز اقولو بالنص الزول دا بكون قاااااعد هنا و يقرأ مداخلاتكم و يمكن رد عليها ... دا كوز يا يا دكتورة كوووووز
| |
|
|
|
|
|
|
Re: نداء للمعارض ود الباوقة 📣📢 (Re: عماد الدين الطيب عمر)
|
Quote: غالباً سيرتاح خلال الفترة الانتقالية ويتفرغ لأعماله الخاصة.
ليعود بعدها بعد أن تستقر البوصلة ويحدد وجهته القادمة. |
سلام الحكيم هاني
توقعك معقول، أي أن ودالباوقة سيعود مع بداية الإستعداد للإنتخابات بعد الفترة الإنتقالية.
لكن بصراحة بعد قراءتي مداخلات عادل علي و د. محمد بابكر و عماد الدين الطيب، قد
أصبت بغثيان و قشعريرة تذكرت على أثرها وجه لشاب في نهاية العشرينات، عنده دقن
شعثاء، هذا الشاب يظهر في كثير من الأماكن التي أذهب إليها حتى التي تبعد عشرات
الكيلومترات و قد صنفته كتائب ظل حتى يثبت العكس.
و يا أستاذ سيد ابراهيم
شكرا لتبشيرنا بأمر البوفيه، لكن ما عرفنا سبب قفل البوفيه ! أوعى تقول البوست هو السبب؟
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|