|
|
|
 Re: حمدوك يبدأ التفاوض على قرض من صندوق النقد (Re: زهير عثمان حمد)
|
| Quote: وكان حمدوك قال في تصريحات سابقة: إن السودان يحتاج إلى 8 مليارات دولار من المساعدات الأجنبية في العامين المقبلين لتغطية الواردات، وللمساعدة في إعادة بناء الاقتصاد بعد الاضطرابات السياسية المستمرة منذ أشهر. |
ورجعنا للبنك الدولي الجرعات ونسخة جديدة من عبدالرحيم حمدي جديد كان شيوعي وشغال في الامم التي ما اتحدث يوما والبنك الدولي الشجبو الشيوعيين زمااااان وهسة عايزين يمشطو بي قمله
يا اخ 8مليار دولار ليه ؟؟
انت دورك في الحكومة الانتقالية تهيكل البلد ديمقراطية وافدراليا وتوصلنا الانتخابات الوصلتنا ليه الحركة الشعبية في 2010 وبي دستور محترم وجل ليها 18 مليون ناخب سوداني هل الهيكلة والانتخابات والقضاء الدستوري الناجز المحكمة الدستورية عايزة 8 مليار دولار ؟؟؟
ده دور الحكومة الانتقالية توصلنا الانتخابات بس وباقل زمن ممكن ..في موهوبيين بالملاييين ومن كل الاقاليم في السودان بقدرو ينهضو بي اقاليمهم من جديد بس سياسات المركز المجرمة دي تنتهي دستوريا وقانونيا اولا
الناس البختارهم الشعب في الاقاليم الخمسة والمركز بعد نلغي الولايات هم بعرفو بصلحو القضاء اولا والسياسة ثانيا والاقتصاد بتصلح براه لمن يجي من ينتخبهم الشعب مباشرتا ما دخلك يكونو ختمية يكونو انصار يكونو كجوريين
المحاصصة والانقلابات العسكرية نتيجتا واحدة تاتي من ينفذو سياسيات الخارج المدمرة
التنمية في القرن 21 مرتبطة بالديمقراطية والفدرالية والمحكمة الدستورية فقط
https://up.top4top.net/
| |
  
|
|
|
|
|
|
|
|
Re: حمدوك يبدأ التفاوض على قرض من صندوق النقد (Re: Abureesh)
|
بامشهندسنا يا غالى
صباحات الخير و الود
الراجل قالو مزنوق فى الترشيحات
و محتار فى الاختيارات
ربنا يعينو
و لا هو بالراجل المتسرع عشان يقرر اهم سياسة مالية للدولة قبل التشكيل الوزارى
ايام حكومة الجزولى عمنا عوض ع المجيد وزير المالية تفاوض مع البنك الدولى لجدولة الديون و كدة
الناس و الحكومة هاجت و ماجت .. لن يحكمنا البنك الدولى
قدم استقالتو بكل احترام ..
..
اليوم يمكن اعلان الحكومة
و بكرة و بعدو نشوف حكاية السياسة المالية
و لا اعتقد ان الحكومة ستتجه للاستدانة من البنك الدولى
و لا سيما ان حماس الشعب بالداخل و المغتربين لجمع الدولارات المطلوبة
ستغرى الوزير بكيفية الاستفادة من هذا الحماس
و اكيد لديهم من البدائل ما يجعل فكرة البنك الدولى حاليا مستبعدة
مودتى و تقديرى
| |
|
|
|
|
|
|
|
|
|
Re: حمدوك يبدأ التفاوض على قرض من صندوق النقد (Re: Abureesh)
|
| Quote: البلد تنضغط بامكانياتها الشحيحة الموجودة دي وحتتصلح |
كسرة و عصيدة - مصدر صحي للنشويات و الالياف
زيت سمسم القضارف - دهنيات صحية جدا في نفس مقام الزيتون
لحمة مجففة (بدون ذكر الاسم) و كجيك و فسيخ - بروتين اصلي (Organic) من مراعي الغرب و نهر النيل العظيم
النتيجة - صحة مجتمعية و عاطفية.
__________
مش في زولة كدا قبل كم شهر شتمت المتزوجين؟ قولو ليها الرد الرد, بالسد
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
زهير عثمان حمد
adil amin
Abureesh
محمد بدرالدين
جمال ود القوز
عزالدين عباس الفحل
Mohammed Haroun
Mahjob Abdalla
فيس بوك
تويتر
انستقرام
يوتيوب
بنتيريست