دونالد ترامب "جذور العنصرية"

يا عمو سلام////
دونالد دا {طرمبة هوا} همباتي من عوالم الفهلوة و النصب و الاحتيال؛
متطفل ساي على عالم نفاق السياسة و هي الأقذر. و فضل يتحدلب لحدما
نط في البيت الأبيض متل {ديك العدة}.با ينط يكسرا يا (يوسخ) فيها يخسرا.
و طبعن من زمان نحن مسمين (أبولهب) و الجقة كلنتون (حمالة الحطب).

# ثم بعدبن، ربيع مين و عربي شنو ي شيخ؟! لو قصدك فورات الياسمينو المناديل
القامو بيهاالشفع دييييلك، و أول ما { أرمضت الفصال} و لامن أدوهم نص كيلو
رز و باقة زيت رجعو بيوتم؛ ياخ دي نكتة بضحكو بيها علينا العلوج.

¶ لكن ألذ نكتة كانت مذيع الجزيرة لامن مرة في وراء الخبر بسال { محلل}
أمريكي {مسطح}عن ردة فعل متوقعة من أنصار كلنتون{ حمالة الحطب} تكون
مناهضة لاحتجتجات أنصارطرمبة {أبو لهب}. فقال ليه: أنتا فاكر نفسك في مصر
و لا السعودبة. فأنا استغربت: أول مرة اسمع السعودية يكون فيها زول بقول " بغم"
من أساسو. وين يا خوي مع قوات الدرك |لأسفل طبعن عارفين ياخوانا العلج دونالد
طرمب ةليش فاجأ الدنبا بأسرها بقنبلة فوزه المدوي و غير المرغوب فيه.

¶ و لكن بالعكس، أنا شايف إنو{ هو الرماد و كلنتون قدحو}. بس هو كان
أقل نفاقا و أكثر وقاحة، ليقوى شيئا عجز جبناء ناخببنهعن البوح به كفاحا ؛
فأودوعوه خلسة، لصناديق الاقتراع.ألا و هو: أن { عبلة} تظل حتى في
عقلية العم سام في{الملايات الملتحفة العمريكية} ، أقول: تظل هي هي
{ بقرة حلوب} ليست إلا ؛ فيما يستمر (عنتر) كاو بوي، فلا يصلح إلا
{للحلبو الصر} أكثر منه {للكر و الفر}

# و لا لا ، هو في الحقيقة، عشان تقرب الصورة ، بشبه (ديك المسلمية)
اللي هو مناسب { ديك العدة} ،معرس بتو {جدادة الخلا}اللي هي أول ما
جات داخلةبعين قوية طلبت شاحن للآيفون بتاعا، و قعدتتفرض في سطوة
تفوذا شوية شويةلحدت ما طردت {جدادة البيت}

# بالمناسبة ، بحوزتنا نبذة تعريفية{c.v}جاهزة لكل واحد و واحدة
من سكان قفص الجداد أعلاه. لتوصيل المنازل، راجعنا في منشور
{ تراثيات. و كنوز من سحارة حبوبتي بت و د التاي}؛ يأتيكم قريباً.

# في حادثة بتبادلوها مختصي الإعلان عن شركة فولكس واجن قالوا: انخفضت
مبيعاتها ق قاموا عينو خبير مختص اعلان و قالوا ليه عاوزين نزيد مبيعاتناعمل
ليهم علانات كلها سخرية من شكل العربية وتشبيهو بالخنفساء و الشركة قربت
تحاكمو لكن بعد أيام من الاعلانات ارتفعت مبيعات العربة بشكل لا يصدق

# لامن كنا شَفّع و ما كان في واتساب ولا تلفون وقتها .. بس مجرد شائعة
انتشرت كما النار في الهشيم إنه المطربة فاطمة الجعلي راجل وليس امرأةما كان
في زول عارف مين فاطمة الجعلي دي .. لكن بعد أيام من انتشار الشائعةبدت بوسترات
حفلات فاطمة الجعلي تملأ الشوارع وكل الناس بدخلوا حفلاتها عشان يتأكدوا إنها
ضكر ولا انتايةلا زلت أشك إنه شخص موهوب في الاعلان هو من اطلق الشائعة

صورة الشفت قليل الأدب الاتوضعت لترمب أثناء الحملة الانتخابية اعتقد كانت
هي السبب الرئيسي في فوزه على الحربوية . لم يدخل عالم السياسة بالصدفة و
يعمل لنيل ذلك المنصب منذ أكثر من ثلاثين عاماً .. لكنه وجد الباب فاتح الآن

@ و دا زمن {نخاسة}في كول شيء و التجارة شطارة. و متل ما قالو :"العين بتبكي
الدمع والإيد بتدي الدفع" . وجدنا زمان لامن يجي ماش السوق نجيه جارين نتملحس:يا جدي
جيب لينا معاك زومبارة؟! يقوم يقشطنا على جعباتناو نضحكنجر . لحد ما واحد فينا يوم فهم
النظرية قام عصر لوتعريفة و قاللو: ي جدي هاك جيب لي معاك زومبارة.حتين الجولكين فر
خشمو ضحك؛ و مسك الشويفعسلملو في راسو وقاللو: ياولدي والله ترا ياكا إنتا اللي زمبرتا.
تخــــربمـــــة:
بس ياخ ما قالولنا ؛ أها أختنا/ فاطنة الجعلي دي إن شاء بس لي هسي بكون
(فتشوها) وراو قدام عرفوها لينا نتاية ، و لا ضكر ، و لا كمان الخوف تطلع
لينا {خمسو ضكر} لا إلى هؤلاء و لا إلى أولئك؟!!!!لأنو عندنا ليها عداد قريب
و شرطنا نرسى على بر، فلام يكشفو لينا الطبق يرونا الحاصل شنو؟!

and برضك ذكرتني حياة أهلنا مع {سعية الباهيم }في البطانة. و دي نكتة قديمة
داير لا زولن غنامي مقرقح متل ولدنا/ود بادي ؛ شان يفهم في مصطلحات ثقافة
{الحلب و الصر}. ديل وليد و أختو قاعدين يلعبو{العيتنوبة} ينقزو {يقلبو الهوبة}
فوق سدر جدهم. فقام الوليد مرق طهارتو و قاللو هاك يا جدي صررني. جدو ماخدو
على قدر عقلو ختف لو تلقون شرطو و بلاهو بشوية بزاغ و ربط للشويفع طرف
الهناية {الحميميسة} و قاللو يلا خلاس صرررناك ، قوم أجر.

¶ و لاهاااا، هنا عاد البنية إخيتو نهشتا الغيرة. و للشلاقة ليها و على حسب جهلا و
غباها، جات جارية من هنووووك فاتحة (حاجاتا) و أصرت و ألحت ستين يمين بالتلاتة،
علا حتنا يصررني متل ما سوو لأخوي. لحد ما دخلت عمك الجولكين ظاطو في حيص
بيص. ففاماتلفت منها كدي و قال لها: والله عاد يا بنيتي المتلك إنتيماني عارف لك صرفة ،
علا بس كان يخمجو لك شوية بعر يجلطوك {يلوطوك} بيه ساااه؛ و ننفك من شبكتك.

¶ بالله بس ما تخذلنا. يا عموا عادل دي نكتة متكلفة و متعوب عليها ؛
جبناها ليك هنا مخسوس ،شان تفر الكشمة تورينا سنيناتك تضحك.

بس لو رجعنا تاني لكلام المحلل الأمريكي المشلق داك . لما سألوه عن ردة
فعل مضادة من أنصار كلنتون. قال دا ممكنيحصل بس في العالم ما دون التالت.
علا بس في دي صدق والله و هو كذوب . لأنو فعلا،ما أن تمرق الحشود بمظاهرات
هادرة.و إلا تصدى النظام لقمعهم بحشود جنود لم يروها؛ و لا قبل لهم بها، و هي
أعظم هدراً و أشد بأسا و تنكيلا من قوات{ الدرك الأسفل}. من نار جهنم

عمومن ، انا غايتو اشك ان يكون طرمبة دا جا برضا الشعب الالامريكي
الموضوع فيهو إنَّ غياتو برضو نقول:(وَبَشِّرِ الصَّابِرِينَ الَّذِينَ إِذَا أَصَابَتْهُم
مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ ). لكن بالمناسبة ي عمو موش ملاحظ
أوراق اللعبة قاعد تتلخبت بسرعة دفع رباعي؟! أهو يعني مثلاً زمانكنا فاكرين
الفرق بين (غرب) و (عرب) بس حتة نقيطة.أهو دي الوكتي جينا نكتشف إنو
مواضيعم كلها (إنَّات) و إخواتها من حروف التوكيد و النصب و الاحتيال. في
حين إنو مواضينا نحنا كولها طلاعتو كسور دائربة و بواقي؛ و أفعال ماضي
ناقصة من ناس ليتَ التي تفيد التمني اللي لو كان( بينفع كل حبيب ..ما كان
السعادةبقت قسمة و نصيب.. و لا قلبونا الحيارى مع الأيامتشيب .. و لا
عاش قلبي تايه .. في حبك غريب)أو حتى عسى و لعل التي لا تفيد في
أحسن فروضها شيئاً أكثر من ضياع بصيص الأمل و خبيبة الرجاء.
تثبيتة بلنتي:
# هذا مع ملاحظة أخيبرة جدن و هامة للغاية:، ألا و هي :أنه تبيت
إنهم متفقين بما لا يدع مجالاً للشك إنهم الشيء الوحيد اللي معانا فيه
و يمكنيكونو متفوقين علينا بي (كوزين) كمان،هو إنو برضهم مجتمع
(ضكوري للطيش ) ، و بامتياز كمان . و آسفين لوج ع الوش. .