|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
توفيق يا حبيب العفو و العافية المصيبة انك طلعتا ود اهلي :) انا كنت عارف انك بتمزح لكن ياخ اهلنا ناس الضهاري ديل ما بتحملو المزاح دا و طلعتا انت و انا من ناس الضهاري هسي منو فينا حبوبتو صافيناز ؟ اعترف و قول الحقيقة :) انت انسان راقي و جميل محبتي ليك و لأسرتك الجميلة و في حاجات أجمل انا ما ح اقولا للناس بس خت في بالك انو المابعرفك بجهلك
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: خضر الطيب)
|
Quote: توفيق حبوبتك كانت خواجية ؟ مش كنا في حبوبتك المصرية صافيناز؟ |
لا لا بالفعل خواجية من النمسا واسمها الحقيقي صوفيا ليها أخت شقيقة هي جدة ناس ابو قرون نحن وناس ابو قرون اولاد خالات لزم والقصة قديمة من ايام المهدية وفتح الخرطوم وبالفعل وزارة الثقافة كان بيت ابوها الاتولدت فيه اهلنا بيعرفوها عمتي صفية وكان شعرها اشقر لكن اتربت في اكد وتطبعت بطايع اهلنا ناس الشمال لا تكشف راسها وتتبلم زيهم وتلبس توب الزراق لما جات العاصمة مرة تانية اتذكر كان لها غرفة ملاصقة ديواننا في حوش مكي المحسي العريق ببيت المال اسمها بيت حاجة صفية شفناها في اخر ايامها عجوز حكو لينا كتير اهلها طالبوا ترجع ليهم لكن كانت بترفض بشدة ولها من الاولاد والبنات كمية وعشيرة كبيرة كانت هم حياتها امكن الكلام ده كتير من ناس امدرمان القديمين يكون اول مرة يسمعوا بيه لكن عرفت كل الحكي ده من عماتنا وحبوباتنا في أكد لما مشيت
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
علي عبد الوهاب كنت اتمنى الاقيه يوم مشيت لاهلي لكن ما ضاع حاجة اكيد حا انسق معاه المرة الجاية انا ما عارف لو ما كان عندي جذور مأصلة في السودان اكيد ما كنت بتفاصح كده وعمري ما خفت من ناس الضهاري لاني منهم وكل السودانيين الحقيقين ليهم جذور في الضهاري دي حاجة مفروغ منها مش في السودان بل في العالم كله لكن في السودان في امير زيي جنو هظار وهم ما عندهم هههههه
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
انداح في الحتة دي طالما انها تاريخ
Quote: لا لا بالفعل خواجية من النمسا واسمها الحقيقي صوفيا ليها أخت شقيقة هي جدة ناس ابو قرون نحن وناس ابو قرون اولاد خالات لزم والقصة قديمة من ايام المهدية وفتح الخرطوم وبالفعل وزارة الثقافة كان بيت ابوها الاتولدت فيه اهلنا بيعرفوها عمتي صفية وكان شعرها اشقر لكن اتربت في اكد وتطبعت بطايع اهلنا ناس الشمال لا تكشف راسها وتتبلم زيهم وتلبس توب الزراق لما جات العاصمة مرة تانية اتذكر كان لها غرفة ملاصقة ديواننا في حوش مكي المحسي العريق ببيت المال اسمها بيت حاجة صفية شفناها في اخر ايامها عجوز حكو لينا كتير اهلها طالبوا ترجع ليهم لكن كانت بترفض بشدة ولها من الاولاد والبنات كمية وعشيرة كبيرة كانت هم حياتها امكن الكلام ده كتير من ناس امدرمان القديمين يكون اول مرة يسمعوا بيه لكن عرفت كل الحكي ده من عماتنا وحبوباتنا في أكد لما مشيت |
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
Quote: الاعتذار ضعف يا تيفة ماتخذلنا فيك |
الملوك والأمراء الزيي لا يعتذرون دي حقيقة ... لكن قالوا في المثل عشان عين تكرم الف عين ودي كانت كم عين عزيزة علي البقولوه بنفذه من غير تفكير .. وفي النهاية اساسا اعتذاري لي نفسي لاني اساسا منهم فبيكون ما اعتذار ... حاجة اقرب للنفس اللوامة كده
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
Quote: غايتو الليلة بقيت أمير جد جد. |
وحات الله عشرة سنة اول مرة تقول حاجة في صالحي هههههه لو عارف كده كان من بدري وقفنا الحرب الخفية دي حاجة برضو بطلب من ناس عزاز ما انجر معاك في وحل الكلام الما بودي ولا يجيب والشاهد انا التزمت الكم سنة الفاتو معاك برد بادب مرة مرة لساني بفلت لكن في الاغلب بسكت وبتجاوز الا في الهظار والدعابة باخد راحتي معاك
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
توفيق انا شخصيا عارفك من زمن انك بتهظر و اظن كل الناس عارفة انك بتهظر معاهم.
شكرا ليك كثير انك ادخلت هذا المصطلح للقاموس السوداني.
_____________ قبل سنتين تقريبا ناس اكسفورد ادخلو كلمة شكشوكة في قاموس اللغة الانجليزية. طبعا اول ما سمعت الكلمة, قلت الخواجات ديل جنو و لا شنو. بعداك المذيع شرح اصل الكلمة و هي كلمة اوكرانية و تعني البيض المعمول بالطوة و مخلوطة بالطماطم.
الله يجازى محن الشيوعي الدخل الكلمة دي في القاموس السوداني بذلك المعني الاخر؟
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: Mahjob Abdalla)
|
ول أبا توفيق،
يا أخي والله خربت علينا الرصة .. يعنى أخوك يلطع من الحنك بتاع الجلابة حبل القيطان ولا شنو؟ لا لا مكاجرة ناس الضهاري لازم تظل .. حتى أستطع أنا مكاجرة الجلابة ..
هل تصدقوا رغم مكاجرتي للجلابة ... توفيق يوماً لم يتدخل .. هو عارف أنا بعمل وأنا عارفه بعمل في شنو؟
يا أخي غير الضحكة في الزمن الغيهب داك .. ما كان قطعنا تلك المسافة ..
بريمة
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: طارق ابراهيم ابوالفضل)
|
الأخ توفيق لك التحية
ولجميع الزملاء والقراء أقول بصراحة
أنا من مدة طويلة كتبت في الخاص للأخ توفيق لمعرفة ملعومة معينه وقد رد لي مشكورا لأني كنت أسمع باسم والده من بعض الأشخاص من الأهل
وكانت معلومتي بأن أهل والده من الشمالية وذكر لي مشكورا بأنه من الشمال ولكن يتعمد فتح هذه البوستات للمشاكسة
بإختصار توجد بوستات محدودة تتكلم عن الأمير عثمان أزرق وهذا مقتطف كتبه (بروفيسور عون الشريف قاسم)
Quote: نبذة عن حياة الأمير عثمان أزرق بقلم: عون الشريف قاسم الأمير عثمان أزرق [1845م-1898م] البديري وقيل [دنقلاوي محسي]... ولد بالقطينة وحفظ القرآن الكريم ودرس مبادئ العلوم الدينية.. ثم عمل هجاناً لنقل البوستة الأميرية بين الخرطوم وكردفان ودارفور في عهد التركية. بايع المهدي وكان أميراً تحت قيادة الأمير عبد الماجد نصر الدين وجرح في معركة جُنس في السكوت عام 1885م... وأوقع عام 1887م بالألماني نيوفيلد في وادي العقب. وعقب انسحابه من موقعة توشكي عام 1889م التي انهزم فيها عبد الرحمن النجومي.. هاجم آبار المرات، وقتل صالح بيه حسين خليفة.... قاد جيوش المهدية في فركة عام 1896م وجرح في موقعة الحفير بنهاية العام.. كان من كبار قواد كرري وقتل فيها عام 1898م.. وقد تحدث تشرشل عن شجاعته وفدائيته في أكثر من مكان في كتابه حرب النهر. وهو عثمان أزرق بن محمد بن عيسى بن النيوم من المحس، وكان جده يونس بن النيوم [لكثرة نومه].. عمدة أو حاكم لمنطقة [أكد] شمال دنقلا، وقد قتله خصومه وفروا.. وتتبعهم ابنه محمد عيسى لأخذ الثأر حتى وصل إلى منطقة الأبيض. أنجب محمد عيسى الحاج أحمد الذي أنجب: 1- إسماعيل والد أحمد. 2- عثمان والد بشرى وجد إسماعيل بشرى.. 3- سعيد والد عبد الله. 4- محمد.. 5- النور والدة حليمة والدة منوهة.... 6- إبراهيم والد مبارك، وزهرة والدة نور الدين [الذي أنجب اللواء الرشيد نور الدين والفاتح وفيصل وعبد الرحمن وإخوانهم].. .. 7- ونصر الدين والد فرح وأبناءه بدنقلا..... ومن البنات أنجب 1- حواء والدة زينب.... 2- آمنة والدة النور وكذلك أنجب محمد عيسى الأمير عثمان أزرق وأولاده: 1- يونس استوطن مصر وتزوج بها وله ذرية.. 2- بشير.... 3- مكي وله من الأبناء.. 1/ عثمان والد مكي وعبد الرحمن.. 2/ عيسى والد توفيق وصادق وواثق.. 3/ صديق والد محمد.. 4/ أحمد والد الوليد وطارق.. 5/ الفاتح ولد محمد.. 6/ عز الدين والد خالد ومكي.. . 7/ مهدي والد ياسر.... 8/ مرتضى والد أحمد... 9/ دوليب... 10/ محمد. ولمكي من البنات زينب زوجة أمين دوليب.. ونفيسة زوجة بكري فضل الله.. وزكية زوجة عمر (م) بخيت العوض.. وعزيزة (م)... وسعاد زوجة مختار التوم... ومحاسن زوجة أحمد مكي إسماعيل..... ونعمات. وأنجب عثمان أزرق من البنات: 1- مريم..... 2- نفيسة والدة: آمنة، ومريم، وفاطمة [والدة خيري عبد الرحمن محمد فضل].
المراجع كتاب [حرب النهر لشيرشل].. محمد عبد الرحيم [مخطوطة أبطال التاريخ في السودان].. وحفيد الأمير عيسى مكي. |
http://meky.arabepro.com/t3-topichttp://meky.arabepro.com/t3-topic
أخير أطلب من الأخ توفيق تأكيد المعلومات المذكورة أعلاه للفائده
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: فتحي عباس نقد)
|
الحبيب فتحي .. تحياتي .. والتحية للامير توفيق .. أنا في أول مداخلة في بوست سابق تحدثت معه في نفس الموضوع محمد عيسى عندنا هناك يطلق عليه ( عيسنتود .. بالنوبية إيسينتود ) الترجمة بالعربي ودعيسي من الشخصيات المشهورة جداً في المنطقة بالقيادة والزعامة ولديه اسر وأحفاد كثيرين جداً ومركزهم ما بين بريكة وأكد ( بركية ، مشو ، الحفير ، سروج ، أكد ) وتجد في هذه المنطقة إسم ( عيسى ) مكرر بصورة كثيفة .. كما كان جدكم الكبير ( نقد ) صاحب الاسم الاشهر .. من نفس المنطقة ورحل إلى منطقة بارا والدويم .. وانتشر إسم نقد ونقدالله .. ( خال فاطنة )
تحياتي فتحي .. والتحية للاميرنا توفيق ..
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: علي عبدالوهاب عثمان)
|
Quote: أنا نفسي الكل يعلم مسقط رأسي بأقصى الشمال في منطقة تسمى أكد حتى لا توجد على الخريطة لكن هي موطني الذي اعتذ به جدا وباهلها وبكل اهلنا في كل اقاليم السودان |
أيوة أكد - بس نسيت الأبيض والقطينة مالك؟ الأبيض - موطن معظم الزعامات المؤثرة حاليا - في العهد الديموقراطي - دا - ويمكن تبقي عاصمة والخرطوم ضهاري !
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: كمال عباس)
|
قبل اي حاجة او رد لحبيب حابي اضيف حاجة انه الفترة الفاتت من عمرنا واقصد ال 30 سنة عمر الانقاذ كانت بمفرداتها ولغاتها نحن اليوم امام عهد جديد اهم سماته ان نكون جادين ونترك اي شيئ ممكن يعكر صفو اتحادنا الوضع حرج جدا نحتاج لمجهوداتنا كلنا مع بعض ندعم بعضنا البعض ننصح بحب بعضنا البعض نحن في معركة وجود الآن ... ولا صوت يعلوا غير صوت المعركة ...
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: HAIDER ALZAIN)
|
Quote: شكرا ليك كثير انك ادخلت هذا المصطلح للقاموس السوداني.
|
والله يا استاذنا المصطلح ده انتقل حتى في الفيس الايام الاخيرة لكن زمان انا قلت انه هو تورية لقصد ما اطلاقا ما المعنى القريب المهم لكل عصر مفرداته ونحن اليوم في عصر جديد واكيد من باب النقد البناء حا يكون عندنا مفردة تخدم قضايانا الحيوية
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
Quote: يا أخي غير الضحكة في الزمن الغيهب داك .. ما كان قطعنا تلك المسافة .. |
اولا يا حبيبنا بريمة سعيدين بعودتك وطلتك الجميلة انا اكتر واحد كنت فاقدك بس خفت اتكلم يلحقوني ليك ... فعلا مرات لو ما بعض المزاح ما بتقدر نوصل كلامنا لانو عديل بيخلق مشكلات نحن ما دايرنها اتذكر في اول بوستات ناس الضهاري الناس ادارست موضوع النزوح بنوع من الجدية الاسباب والحلول اوريك الفرق بيكون وين في البوستات الزي دي الكلام بيكون من غير حواجز ومن غير زعل وفعلا بنكون محتاجين حلول جزرية لو لاحظت الاغلبية كان كلامهم نحن زاتنا خرطومكم دي ما دايرنها ولا بتنفع معانا ولو ما نحن اتو ما كان عشتو وكلام من هذا .. دون تخفظات .. الآن الحصة وطن نترك كتير من تعابيرنا المتداولة وهظارنا نكون جادين فحسب ... امكن بالجدية نتكاتف فالوضع خطير
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
Quote: يا حبيبنا ، يا خي ناس الضهاري فاهمنك كويس وما زعلوا ولا زعلانيين منك |
انا عارف والله يا ترهاقا وكتير منهم بيستحبوا البوستات دي يعبروا فيها براحة من غير تكلف المهم الآن نحن في عهد جديد نغير من طرق كتيرة كنا بنتعامل بيها ده مصطلح ادى دوره في حاجات تانية الان ملحة محتاجة فسح ليها مساحات اكبر في لغات حوارنا لازم نواكب يا صاحبي ونعاصر كل مستجد يحدث في بلادنا
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
Quote: مرة واحدة و ما كررتها تداخلت ليكم في بوست
ردمتني من العيار التقيل ...طوالي قلت الزول دا ما نصيح الجابني هنا شنو |
معليش يا طارق دايما البوستات دي كانت زي الدافوري والشوت ضفاري وخبت من طرف ودي اجمل ما فيها الذ حاجة لمن الامور تهدأ يقوم زول يسخنها تاني الناس تخليني وتقبل عليه ... كمية من اول فاول معاهم تاني ما جونا جوة الملعب بقو متفرجين ... الشوت والردم كان على اصوله
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
Quote: يبدو ان الردم جاب نتيجة |
اها اتا من الناس يا محمد ابو زيد كنت ماخد الموضوع جد عشان كده عمري ما رديت ليك حتى في بوستك المهبب الكنت فاتحه بكل ادب وزوق دخلت عملت الواجب وطلعته ... انت ما فاهم زي ما كل الناس فاهمة انا نفسي زول ضهاري معتق لكن بنشاغل الناس ساي انا ردم شفته مرة في قروب ناس السعودية في الفيس زيو ما لاقاني وحات الله الف ردمة في ربع ساعة ومعاها حظر عشان بقوا ما بستحملوا ردودي كلهم سكتتهم غايتو بعد حظروني بكون متاكد بوستيهم داك وصل الاف مؤلفة وانا ما قلت الا الحاجة الحقيقية الجننتهم ... بس بلغتي الجميلة ...
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: توفيق عيسى مكي)
|
أخي علي عبدالوهاب عثمان
شكرا ليك وللمعلومة
Quote: الحبيب فتحي .. تحياتي .. والتحية للامير توفيق .. أنا في أول مداخلة في بوست سابق تحدثت معه في نفس الموضوع محمد عيسى عندنا هناك يطلق عليه ( عيسنتود .. بالنوبية إيسينتود ) الترجمة بالعربي ودعيسي من الشخصيات المشهورة جداً في المنطقة بالقيادة والزعامة ولديه اسر وأحفاد كثيرين جداً ومركزهم ما بين بريكة وأكد ( بركية ، مشو ، الحفير ، سروج ، أكد ) وتجد في هذه المنطقة إسم ( عيسى ) مكرر بصورة كثيفة .. كما كان جدكم الكبير ( نقد ) صاحب الاسم الاشهر .. من نفس المنطقة ورحل إلى منطقة بارا والدويم .. وانتشر إسم نقد ونقدالله .. ( خال فاطنة )
تحياتي فتحي .. والتحية للاميرنا توفيق .. |
ولك مثلها
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: فتحي عباس نقد)
|
التحية للامير توفيق .. شكراً على هذه المساحة .. والتأصيل مهم حبيبنا فتحي .. تحياتي .. لدي كتابات في هذا الخصوص ( ما عارفها راحت وين ) في اغنية خال فاطمة ( تمجيداً للفارس عبدالرحمن نقدالله ) بها مفردات ذات خصوصية بالغة بمنطقة دنقلا بإختصار ( اب كريك في اللجج) .. ده تمساح الكريك ( والكريك هو خور الذي يتفرع من النيل) وايام الدميرة التمساح يدخل بالغلط في هذا المسار وتجف المياه ولا يستطيع الرجوع إلى النيل مرة أخرى ويكون أشرس حيوان في الكون .. هذه من اخص خصوصيات تلك المنطقة ولا يستطيع أي إنسان الحديث عنها ما لم يكون موغل في تلك البيئة .. والحاجة الثانية : عشميق حبل وجج .. ( معروف العمشيق من النخيل ) وجبل العشميق من اقوى الحبال ولأن المنطقة ركيزتها في النخيل كان يصنع الحبال من العشميق بالنوبية ( اشما ) وعبارة ( يق) للتعريب وكان حبل قوي جداً وكلما اصبح قديم صار أقوى .. ولا احد كان يستطيع تفكيك هذا الحبل ( حبل العشميق ) لأنه كان يسبب جروح في الاصباع إلا بعد البلل في الماء حيث يكون القليل من النعومة ويمكن التصرف معه .. وقد لاحظت في أيام الاعتصام عبارة عميقة جداً هي تخص الترابلة (( الحل في البل )) رغم أنني لست عميقاً في العامية السودانية
تحياتي فتحي الحبيب والتحية لأميرنا توفيق .. وآسف على احتلال البوست .. شفت ناس الضهاري كيف .. أحلى ( ناس ضواحي الدنيا)
| |
|
|
|
|
|
|
Re: اعتذار لاهلي ناس الضهاري اقسم بالله انا م� (Re: علي عبدالوهاب عثمان)
|
ول أبا علي عبدالوهاب .. سلامات..
نحن البقارة نتفق معك في حبل الوجج .. لكن عشميق شيئ والوجج شيئ ..
الوجج .. بالنسبة لنا هو أن تأخذ جريدالنخل (أو جريد شجرة الدليب أوجريد شجرة الدوم) وتتفها .. وتعطنها في الموية لتخرج منها الوجج .. بعد داك تعمل منه حبل الوجج .. بالنسبة للعشميق .. هو أشبه بالشعيرات الريقية التى تقوم في قعر السبيطة (الجريدة سواء من النخل أو الدوم أو الدليب) .. وحينما تجف الجريد تجف تلك الشعيرات وتتحول إلي اللون الأحمر الداكن .. يقومن النساء بجمعهن وتوضع تلك الشعيرات في فوهة (الشرقرق) هو الألة التى يصنع عليها القهوة (البن) .. وهنا بواسطة العشميق يتصفي البن .. وتقوم المرأة تنفض العشميق في داخل الشرقرق في كل مرة حتى لا تفقد البن.
ولا شنو يا حبيبنا علي ..؟
بريمة
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|