آدم الحريكة للمالية لا لبتاع حزب الأمة

Quote: #الحريكه_للماليه #لا_لتعيين_بتاع_حزب_الامه أمس شاهدت حفل وداع د. أبراهيم البدوي في واشنطن ، والمعروف إن أبراهيم البدوي حزب أمه صارخ يمثل الحزب في مختلف الوسائط (شوف أول تعليق ) بعدين يا مريم الصادق ترك الحزب دي ما ( بتقسّم معانا ) سيبكم من حكاية العصفور الدخل وطلع من بيت المسطول دي . وفي النهاية مررتو ترشيحاتكم للأحزاب في السيادي بما أنو الزول ده سافر ويكون وصل اليوم الخرطوم ، ده يتنافى مع سياسية قحت المعلنة بأنو حاترشح تلات لحمدوك ووحمدوك يختار واحد وحتى حمدوك أعلن صرّاحة أمس إنه ما حيتلزم بترشيحات قحت ......................... أبراهيم البدوي الأنصاري تابع الصادق أنا أفضل عليهو د. أدم بريمة الحريكة زميل حمدوك ورئيس قسم الأقتصاد الكلي في الامم المتحدة لأسباب كتيرة :- - آدم الحريكة من أكتر السودانيين والأفارقة أنتاجاً علميا عشرات الكتب والتقاربر الإقتصادية المحكمة وعلى دراية بمشاكل المجتمعات يعني متخصص تنمية في أفريقيا من عشرين سنة وواضع عديد من الخرط الاقتصادية يعني فرقو من البدوي ما فرق كفاءه فرق تخصص وفرق بيئة عمل . - الحريكة زامل حمدوك مهنياً سنين طويلة وشاركه أيضاً في البحث العلمي الأكاديمي ومنسجم معاهو تماماً ، والأنسجام ده حا ينعكس في وضع خطط متناسقة - آدم الحريكة غير حزبي يتناسب مع ما تواقفنا عليها - الحريكة تقدر تقول من جيل الشباب لانو فارق عمر كبير مع ابراهيم البدوي . ................ أبراهيم البدوي متخصص أحصاء و لا علاقة بالتنمية الإقتصادية ولم يعمل في أي جهة تقارب وضعنا في السودان ومنشغل بالسياسة اكتر من الأقتصاد وبصراحة بحته وراهو ما شايف ليه أي أنتاج علمي مناسب غير بعض المقالات قبل 15سنة ولا علاقة لها بوضعنا بس رئيس منتدى فلان ومنتدى علّان زيها وزي منتدياتنا حقت الفيس دي ما أكتر وما وراها أي جهة سيادية نحن لو أنكربنا بنجيب الحريكة وبندعم حمدوك ونقوي موقفه لو حمدوك طلبو كل صفحات الشباب والأخوان الليهم علاقة بحزب الأمة كان قريب أو بعيد يفخموا ليك موضوع البدوي ده عشان يصدموك يقول ليك العالم الجليل والمش عارف شنو لا لتعين البدوي .. لا لتدقيسنا في التعليقات سيرة الحريكة مقارنة بسيرة البدوي