سؤال الحب والهوية والغربة يا اسامة..! ناس سنار يا صديقي..وهم الناس التي تعرفها اصحابي اكتر مما اعرفها..!! المدهش يا اسامة ، لمن تحب زولة من بنات سنار..بتقوم تعرفك بي صاحباتها.. فتلقي روحك بتحب صاحباتها اكتر من حبك ليها..!! ولمن تقوم بتعريفها لأصحابك..تلقى اصحابك بيحبوها اكتر منك..! من بنات سنار يا اسامة ، واو الحنان..!! تستاهل احتفالي بيها..اجيب ليها اسرار بابكر (بت حينا يا اسامة..!!) اجيب ليها كمان يوسف..ويوسف التاني..وكمان خالد حسب النبي ، وكمان عبد الرحمن شنتو..!! تلك الزولة يا اسامة ، واو الحنان ، واو التراضي وبناء الفرح القادم ..!! التحية ليها..اخر صفة ليها ، بعد واو الحنان ، مولانا..!! هكذا يا صديقي مجالي (واو الحنان)..فلا تحزن ان قلت لك: مالو قلبي الأسروهو..!!
كبر
10-28-2019, 11:28 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخونا كبر سلامات .. انا بعرف في فجات من السودان الحبيب لمان الزول يحبلو زولة . بقوم يحب الحولها كلو . والله العظيم يا كبر وبي الجد اعرف زول كان بحب حتي زريبة غنم ابو حبيبتو . حتي زريبة بقر ابو الحبيبة . وفي عز ايام امتحان الشهادة كان لازم يمشي الجروف يحشلو كليقة قش كاربة ويرميها لي بقر ابو الحبيبة بدون ما زول يشوفو . الحمد الله الشاب نجح ودخل كلية العلوم جامعة الخرطوم . تعال شوف الواو ووو . حبيبتو وهو في السنة التالتة علوم تزوجت وهاجرت مع زوجها الي كندا وجابت ولاد . والحبيب جاو عقد عمل و ترك الجامعة وسافر الي خميس مشيط . يبدع هناك متل كل السودانين اصحاب القلوب الجميلة . محمدية يا كبر لو ما كان محب ما كان جلع الكمنجة زي دا الجلع . نفس الشي شاعر الاغنية . انت عارف يا كبر لمان الدنيا تعصلج في وجهك بعد حش كلاليق القش ديك . معناتو بس حضر كمنجتك .
10-27-2019, 07:20 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
الخواض . وكبر . وابو ذر و محمدية . واسرار . واب جلمبو ؟ حولا دا تيم كارب . وممكن يلطش الارجنتين ولا كلمة . عارف يا اخ اسامة في ليل يوم احد من ايام الاحدات سمعنا بي ندوة في جامعة نيويورك . شطفك شطفك مشينا . وصلنا متاخرين لقينا استاذ امريكي مستشرق اسمو د. بوب الحلبي . يترجم في قصيدة ابوفراس الحمداني. .. صبور ولو لم يبقي مني بقية . قؤول ولو ان السيوف جواب . وقور واحداث الزمان تنوشني . وللموت حولي جيية وذهاب ....... . .. في ديك اللحظة القاعة كلها وبي صوت واحد صاحت واووووو .. طلعنا من القاعة وفي الدرب ضربنا عدس اليهود الحلال وبعض الشربوت الملخبت . ودخلنا الي مترو بروكلن . صاحبنا اول ما دخلنا المترو عيونو علي اسكيرتات يوم الاحد بي الليل وانتو عارفين شكلها . صاحبنا الكان صامت طول الندوة صاح واووووو . قام اخونا المتزمت قاسم قالو ترجمة شعر ابوفراس كلها انت ساكت ما حركتك ؟ واوووو . دي بس الا في المترو هههههها . ... كانت لنا في مانهاتن الجميلة ايام . هسع كلنا علي حافة القبر .. واوووو .
(عدل بواسطة Osman Musa on 10-27-2019, 09:19 AM) (عدل بواسطة Osman Musa on 10-27-2019, 09:25 AM) (عدل بواسطة Osman Musa on 10-27-2019, 12:54 PM)
10-27-2019, 12:18 PM
عبد الحميد البرنس عبد الحميد البرنس
تاريخ التسجيل: 02-14-2005
مجموع المشاركات: 7114
تحياتي عزيزي المشاء: هكذا، يخلق النص الجيد مثل كل تلك التداعيات. اللوحة، القصيدة، القصة، قطعة الموسيقى، وغير ذلك من أشكال الجمال مما يدفع المرء إلى التفكير حول أشياء هذا العالم. وإن أحزنني في السياق عبارة عثمان موسى الأخيرة. أخيرا ثمة شعور يخبرني كما لو النص فاتحة لكتابة سردية مطولة. ربما رواية!'
10-27-2019, 03:42 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20429
كبر والعائد من الغيبة الصغرى ابوذر وصاحبنا في بلاد الانتقاضات عثمان وصديقنا في استراليا البرنس:
ساعود إليكم واحداً واحداً ،لكن اسمحوا لي أن أبدأ من النهاية:
كلامك صحيح يابرنس ، ربما يفتح النص الطريق لكتابة أطول وأكثر تفصيلا وانحناءً وانعراجاً،
ليه؟؟
حكاية الكتابة القصيرة بدأت بنقاش بين مجموعة مدرسي لغة عربية "نساء ورجال" وكنت بينهم، حول كيفية كتابة واو العطف "منفصلة أم ملحقة بالمعطوف "،،
فجأة قفز إلى ذهني أن غير العارف بالنحو سيفهم "العطف" كشعور ، وقلت ذلك بصوت مسموع ، فانفجر الجميع بالضحك.
المهم، انتهى النقاش، وحُسم الجدال بواسطة الشيخ قوقل.
فجأة أيضا أمام الشاشة الكمبيوترية بدأت تتشكل خطوط قصة مبهمة موضوعها "واو العطف"، ثم بدأت الكتابة، وانتهت القصة إلى مصير مختلف تماماً عمّا كان في الخطوط الأولية للقصة،
وهذا يعني أن هنالك إمكانية لإضافة العناصر الأولية التي سقطت في الكتابة النهائية، مثل ماذا حدث لمدرس النحو بعد أن قدّم استقالته؟ وكيف يمكن تدريس نحو لايصطدم بمعان أخرى للمصطلحات النحوية مثل "العطف"، وكيف يمكن تأسيس نحو رمزي كوني للغة إنسانية للخطاب الإنساني النفسي؟ إلخ ....
*طبعاً كما عند علماء تأويل النص ، تفاصيل مثل الظروف التي أحاطت بكتابة النص، يجب ألا تلعب أي دور في تأويل النص، وربما تفيد في موضوعات أخرى لها علاقة بعلم النفس مثلا وغيره.
10-27-2019, 04:58 PM
صلاح أبو زيد صلاح أبو زيد
تاريخ التسجيل: 01-29-2011
مجموع المشاركات: 1434
(وهذا يعني أن هنالك إمكانية لإضافة العناصر الأولية التي سقطت في الكتابة النهائية، مثل ماذا حدث لمدرس النحو بعد أن قدّم استقالته؟) *************************** عاد ادراجه ومزق الاستقالة فما الذي تبقى له ؟ غير الواو الضكر غير انتظار الغرق؟
Nearer my god to thee
10-27-2019, 06:47 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
وما وموقفك المعلن الان حيال اليمن السعيد ولا زال سعيد وحر يا اسامة الخواض طيب الشاعر التجاني الحاج موسي ملك الحنان في السودان جاب الاثنين العاطفة والحنان معا في هذه الاغنية الخالدة مع شفافية الاستاذ محمد ميرغني
رديت ليك الزيارة باحسن منها بس نادي ليدي غاغا المعاك ديل قعد يقولو عن بخرب البوستات وهم لا اهل ذكر ولا اهل فكر ....
10-28-2019, 03:15 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20429
شكرا على الزيارة الاسفيرية وهديتك لنا "عاطفة وحنان يا ناس"..
أتفهم نبل دوافعك وإنْ كانت تخرق قواعد الاتيتيك واللياقة الاسفيرية في نظر الكثيرين وليس في نظر العبد الضعيف.
شكرا مرة أخرى.
قال صديقنا كبر:
Quote: المدهش يا اسامة ، لمن تحب زولة من بنات سنار..بتقوم تعرفك بي صاحباتها.. فتلقي روحك بتحب صاحباتها اكتر من حبك ليها..!! ولمن تقوم بتعريفها لأصحابك..تلقى اصحابك بيحبوها اكتر منك..!
هذه التقليد العاطفي يعني ببساطة توسيع المجال الحيوي للحب.
تنمنى أن تتبنّى هذا التقليد مدن أخرى وأرياف سودانية..
وقبل ذلك أن يتمتع أطفالنا بالطاقة الكافية من "العاطفة"...
10-28-2019, 11:33 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20429
واو الحنان..! يا لها من شهقة النص المفتوح يا اسامة..! رماد الذكرى لو صحاكا..لا تهتم..!! نفسي اشوف فيك يوم يا عتمان موسى..!! شاحد المولى يعتر ليك ساق تريان ، ساق مليان..ساق نص مفتوح ، ساق زي غرفة التقدمي الأخير ، ساق زي تعالي اسقي الصباح شاي ، ساق (واو الحنان) ذاتو يا عتمان..!! لمن ترجع ، يا عتمان ، وتقعد تجوعر معانا (حقو الناس لا تشتاق ولا تحزن ولا تندم)..!! متذكر الرشيد كسلا يا عتمان؟ رماد الذكرى لو صحاك يا قريبي..لا تهتم! وجرح الماضي ، بعد الماضي ، لو في صمتو بينزف دم..! جرح الماضي لو قساكا..اقسى عليهو وانساهو..! وافتح شرفة للأمال.. حتى الباقي ، من باقينا..لا يلاقينا ..لآنتلاقي..لا نلقاهو..لا يلقانا..لا يلاقينا..لا نلقاهو ..لا نتلم..! كنا اتنين مع الأيام ، وضعنا معاها في لمحة.. زي ما تضيع من المسكين تذاكر سفرو للرحمة..!! وزي ما تضيع من الأطفال ، خطاهم ديمة في الزحمة.. حتى الباقي من باقينا..لا يلاقينا لآنتلاقي..لا نلقاهو..لا يلقانا..لا يلاقينا ..لا نتلم..! عمري قصير..عمرك كم..؟ عشان نقضيهو في الأهات.. نفتش لي مصير مجهول.. وباب الريدة ، مهما ندقو ، نلقى حقيقتو باب مقفول.. لا يوصلنا..لا يلاقينا ..لا نتلم..!! واصلو الحب بيعيش مرة ..وبيموت مرات ..وببقى رفات..!! وحقو الناس..لا تحزن..ولا تشتاق ..ولا تندم..!!
نفسي اقدر اشتغل بوصية الرشيد كسلا: رماد الذكرى لو صحاكا لا تهتم..! ونفسي اشوف فيك شاكوش يا عتمان موسى..!! واو الحنان..ياااااااااااااااااخ..! ولمن تصحى يا عتمان ، اصرف للكيزان بركاوي..! لأنو ديل الخلو قريبك من ناس: كنا اتنين مع الأيام..وضعنا معاها في لمحة..! الضيعة/النجعة الياها يا عتمان..وحاة اهص صحي..! رماد الذكري..لو صحاك..! واو الحنان..!! كبر
10-29-2019, 06:32 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الخواض وشركاه وهل اتاكم حديث الواو ... (و) اسماعين حسن ود حد الزين او الواوية العصماء حيث قال والله والله يا طير الرهو قسماً عديل ما فيه لو دمع الحبايب ذي نغيم الساقية في الوادي البعيد وتسوي شووو والله يا طير الرهووو ما كت مصدق اني بلقاك يارهوو اشكو ليك من جور زماني .. كيف رماني .. شوف براك ..شوف الزمن كيفن بسوووو زي جموعك السارية في الوادي البعيد بتسوى جو و شوف وراك الزمن كيفن بسو و الليل طويل طولا غريب ما فيهو ضو
الغريبة اسماعين حسن بشكي للرهو ويبدو انه ماعارف ان طير الرهو دا بمشي (يبيض ويفقس) في ابرد مناطق العالم في سيبيريا وفي اسكندنافيا وبعد ما يكبر يرتحل ويجي على السودان مع نهاية الخريف. يعني ما عندو عوشرة
10-29-2019, 06:50 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
في بعض الكتابات او النصوص (القصيرة) بتدخل القارىء الى حالة من الحالات وكل نص ممكن نشبهو ب (المقامات الموسيقية السبعة ) او الثمانية اذا اضفنا مقام الـ (كرد) في الموسيقى الشرقية والعجيب انه مافي اي شبيه ليهو في الموسيقى الغربية ، الحالة العيشنا فيها اسامة دي بتشبه مقام (الصبا) لانه مقام حنين وروحاني و(عاطفي وينبوع (حنان) وكثير من مقرىء القرآن الكريم يقرأوا به لانه يشع عاطفة ورهبة في النفس ويخليك تبكي من شدة التاثر. لذا النص يحمل بين دفتيه ذلك الواو الحنين .. اوالعاطفي
10-29-2019, 06:38 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخونا الكاتب الكبير والمبدع الحقيقي عبدالحميد البرنس سلامات . ياخ عشان الاخوان المشاركين في بوست واو الحنان دا قلبوا البوست زي طبق الفاكهة المشكلة . انا داير اسالك تاني . مالك ما داير تكتب عن المبدعين المصرين سعيد صالح وعادل امام . وانت الكاتب السوداني الاقرب في فهمك لي بطن القاهرة .
10-29-2019, 06:47 PM
عبد الحميد البرنس عبد الحميد البرنس
تاريخ التسجيل: 02-14-2005
مجموع المشاركات: 7114
تحياتي مجددا للمشاء والجميع هنا وهناك: عارف يا عزيزنا عثمان نص المشاء واو الحنان هذا جماله يكمن في أنه قام على تقديم العالم متمثلا في واو العطف المقترن بجفاء النحو والصرف على نحو مغاير مترع بالدفء الإنساني. والناس هنا ربما لهذا تفاعلت معه على هذا النحو الحميم الذي شكل كما اسميته أنت طبقا من الفاكهة. ذلك أن النص الجميل كوجه الحسناء. وماركيز يقول هنا ليس هناك ما هو أجمل في الطبيعة من وجه امرأة جميلة. وميزة الوجه والنص والأشياء الجميلة الأخرى أنها تشكل نقطة انطلاق للسمو ورؤية العالم على نحو مغاير تباركه تلك الرغبة التي لا تقاوم في الحياة!
أما عن سعيد صالح، عزيزنا عثمان، فكان أعلى أبناء جيله موهبة، في تصور الكثيرين، إلا أنه لم يصقل تلك الموهبة بالمعرفة والتجارب الحياتية الجيدة، فكان أن توقف عن النمو والتطور، فاحترق، ثم مات رحمه الله. وعادل إمام، لم يكتف بتطوير موهبته فحسب، أو كما لم تعزله الشهرة والمال عن نبض الواقع الحي وأحزان وأفراح الإنسان المصري العادي، إذ كان يشتري الافيهات من مقهى معين يجتمع فيه ظرفاء الناس، وكان يدفع بكرم، حيث يتم أخذ تلك الافيهات ودمجها مع حرفية الممثل العالية وطاقم الاخراج.
10-31-2019, 05:22 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
بوست ينعش الروح في الاديب ويحي روح ميت الشعور زاتو ,,,
استاذنا الكبير كبر دائما تحلق بينا في عوالم مسحورة ببوستاتك الجميلة الراقية المريحه .... وغايتو لو نزلت لينا مقطع اسرار بابكر ده ومشيت برضو كان حا نتهافت على البوست زي النحل ياخ اسرار دي فيها اسرار عجيبة ,,, صوت سليم مليون في المية ... لك التحية ولكل من مرو من هنا وواصل من غير فواصل عن أي واو ان شاء الله الواو الضكر ونحن قاعدين حارسن البوست ده الليلة ...
تحياتي : ياسر العيلفون ...
11-01-2019, 00:34 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
صباحنا القيّل تحت الضليل الرامى منك شايل شمسو فى ايدو ومباريكى
وفرحنا الميّل وفات حد السكوت مرق حاضن غناهو ويحكى عنك فى نص البلد واقف يناديكى
ويا فاطنة سألتك بى دم الروح المدفق نيل امرقى على الخلوق الشاته تشحد فى سماك الفوق عزك مغطيكى
ندهتك بى لسان شغفى الأساهو طويل فكى جداول إسمك المسحور واسقينا شوفى بلية الولد المرق مجبور ونادينا اربطى جبيرة الخاطر الدوام مكسور وداوينا نرسم ليك شمس محروسة بالأفلاك نلون ليك قمر فى حضنو ركّ ملاك نحلب ليك غنا الليل المحين ريد تشربى بى كفوفنا لما تتكفى وتنهلى من قلوبنا لما تدفى
يا فاطنة
هاكى الفينا فضّل من غنانا بعد عشرق علينا الصوت وهاكى الدنيا مزروعة مستفه بالشدر والناس تسبح ديمه بى نونك لا بتفوت ولا بنفوت لا بتموت ولا بنموت هاكى رحيح ارواحنا كايسك يوت شيلى الباقى من فضلة منانا
والدهشة في ( الواوات) الكثيرة في ( الحزن القديم) حتى ان عمر الطيب الدوس استهل بها القصيدة.. وكانت استهلالية وردي في نثر هذا الرمز الرومانسي التجديدي صعب جدا ان تبدأ قصيدة ما ..ب نفي ولا الحزن القديم انت ولا لون الفرح كنت ولا الشوق المشيت بيهو غلبنى اقيف وما بنت ولا التذكار ولا كنت فيها (٣٧) واو
11-03-2019, 10:25 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
التحية لك استاذنا المبدع أسامة الخواض على هذا الجمال والتحية لك مرة أخرى لانك استنطقت لنا كل هؤلاء الجميلين مثل استاذنا قباني واستاذنا احمد ياسين واستاذنا عثمان موسى وبقية العقد النضيد ...
تحياتي : ياسر العيلفون ....
11-03-2019, 11:18 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
جيتك تاني يا قباني عشان ما تولعليك نار وتردم العويش وتكسح . زولك قال : حتي باقي العمر شيلو . زولك دا بعد براءة اختراعاتو الكتيرة في السودان والخليج في مجال ال سبتك تانك وابداعاتو في مجالو في رسم المباني ما وقف علي دا . برضو ابدع في الهبشيبة . هبشيبة خربشة الاوتار ام شرار . هبشيبة التمتمة والنمة والبحة والعجيبة . زولك ربنا يرحمو مات بي ال heart attack . من سكات . احتباس الدم نتيجة انسداد الشرايين التاجية . والشغلات دي كلها السبب فيها واو الحنان . واو الحنان يا ود قباني الله يدينا خيرو .
11-03-2019, 11:36 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
نحن الذين اجتعنا هنا بكامل رغباتنا وهشاشاتنا العاطفية نكون قد شكّلنا "بوست الفاقدين حنان"، وأعقب ذلك بتحية ياس السر على إشادته البارعة بتجمع هذه القلوب الفاقدة حنان ههههههه
وفقدان الحنان صفة تقال للرثاء من حال صاحبها النفسية أو للتمسخر منه، وفي كلا الحالين ف"الامتلاء بالحنان" من شروط العيش الإنساني الرغيد نفسياً.
حينما طالعتني في إحدى المجلات المصرية عبارة "نادي القلوب الوحيدة"، لم أفهم معناها العميق، وإن فهمت تماما معناها اللغوي.
أوحى لي جو كبوشية القروي المتسم بعائلة ممتدة وعلاقات اجتماعية لاتنقطع إلا نادرا، لأسباب كوننا بشراً، لا نستطيع إتقان التواصل مائة في المائة على الأقل حتى الآن،
أوحى لي أنه من المستحيل أن نجد شخصا وحيد القلب..
ويجتمع هنا جيل تربّى على كلمات "لما تبقّى بعيدة عني"، في محاولة لتحسّس و"تفقّد" الحالة الراهنة للحنان الكوني والمحلي والإقليمي والجمعي والفردي..
وكما قال صاحبنا عثمان موسى الشاعر:
Quote: واو الحنان يا ود قباني الله يدينا خيرو .
في إشارة شاعرية إلى سير البشرية المتعثّر في بحثها عن "الحنان" كامل الدسم، وخيباتها المتعددة في رحلتها السرمدية..
تحياتي لود الشيخ وأحمد ياسين وياسر السر مرة أخرى ..
11-03-2019, 05:08 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
لم يعَُدْ للمعلم الذي لا أعرف حتى الآن اسمه، بانتظار الكاتب أسامة الخواض*،
لم يَُعدْ للمعلم الذي تعرفون يا سادتي وسيداتي، انه قد تقدّم باستقالته، من هاجس سوى "الحنان" وتابعه "العطف" ، وتابع تابعه "الإشفاق\الشفقة".
فابتدأ بما يحبه: الغناء.
فحين خرج من مكتب المدير كان يترنّم ب"يا حنوني " حين أحس أنه بحاجة إلى جرعات حنان عاجلة لإرواء عطشه الشعوري.
طافت بحنجرته كلمات مثل "أهلي الحنان"، و"ما قالوا عليك حِنيّن وين عاد زمن الحِنّيّة" و"ناس ناسيانا من حنانا" و"ياغالية يانبع الحنان"، و"حنّي علي أنا يا ستّي"، و"ألّمني حنان"،و"من أرض المحنّة" و"الحنينة السكّرة**"، و"حنان بلو بلو"، التي تحوّل اسمها إلى "حنان بلوز بلوز" لأسباب لا تعرفها فطنة المعلّم .:
ها هما الحنان والبلوز يتجاوران، ويتحاوران في العبارة السودانية الشهيرة "حنانك زاتو" والتي ترد في سياقات اسفيرية مثل:
"فيديو يكيَّفك في حنانك زاتو"، و "المشكلة لو جيت تعلق تعليق سلبي واحد في صفحته مجموعة من المعجبات بردمو حنانك زاتو" و "الواحدهـ تعمل ليك برفايل يكسر حنانك زاتو! " و " انا:- اخلي حنانك زاتو هو انا لاقي اقعد معاها " و "اقسم بالله رافع راسنا مبسووووط من حنانك زاتو ".
وهنا نصيحة اسفيرية غالية عن أفضل السبل في إنهاء العلاقات العاطفية" : "عاين ليها فى عيونها و قوليها (حبيبتى, انا يسعدنى فى اللحظة دى انى اديك شاكوش عمرك و اقطعوا مع حنانك زاتو,باااااااااااااى)."
كما قد نسمع استغاثات ونداءات لحبيبنا يحي قباني تحت عنوان "أرحنا بها يا قباني" مثل "في غنا يريّح حنانك زاتو"...
الكل يشير إليه ولم يفكّر أحد ولاحتى السودانويين في السؤال الأساسي للفلهمة:
ما هو "الحنان زاتو"؟؟؟
هل هو الحنان في زيِّ "الأصيل" كما عند الجمهوريين: حنان "فردي"، أصيل غير منحول ولا منتحل، ولو كان من "قلع النحل"؟؟؟؟
أم الأصيل كما في "انت ريحتك ريحة الفرير ولا بت السودان أصيل؟؟
أم أنه "كولاج" ركّبه العقل السوداني الطوباوي؟؟
ربما هو مزيج من "الحنان" و"الحنين"، هذا ما بادر به ذهن المعلم، وهي مبادرة اعتبرها المعلّم من وسوسات شياطين النحو، بالرغم من أنه يعرف أن حرفا يمكن أن يجر "حنّ" من الحنين "حنّ إليه" إلى العطف والشفقة "حنّّ عليه".
بعدها مباشرة شعر المعلّم بحرارة تغزو "حنانو زاتو"، واشتعلت الحرارة حين ناداه طيف في مخياله:
"تذكرْ يا معلم أن حروف "المحنّة "نفسها يمكن أن تتحوّل إلى "المِحْنة".
فأدرك أنها حمّى السكت.. _______________________________________ *قد لا تعرفون ياسادتي القراء، أن من يتحكم في صياغة النص السردي، هو كاتبه الضمني أسامة الخواض بالتعاون مع كاتبه الفعلي. وسلطتي الوحيدة عليه كسارد للنص هي لاشعور أسامة الخواض.
**اتّسع الحقل الكنائي للحنينة السكّرة" ليشمل بالإضافة إلى جامعة القاهرة فرع الخرطوم، سودانير، كما في المقالة التالية لاسفيري: "لا بديل غير انتظار ( الحنينة السكرة ) عزيزتنا وناقلنا الوطني سودانير الذي بيع بغير هدى ولا كتاب منير".
11-04-2019, 05:59 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
هههه..حبيبنا عتمان موسى..العن ساكت يا قريبي..! مرات اللعن اصدق تعبيرا عن المحبة..عندي نص مجنون ساكت، يا عتمان ، اسمو ( يا حلوة يا بت الحرام)..! النص/البوست مفتوح ، هنا ،وكما اظن ، اٍثما ، يسمح بالمشاترة (الإندياح على قول الوليدات ابان خرتيات وبنطالين جينز وسخانة ومشرطة ، والبنات ابات شعفورة وشعر منكوش..وقصة شعر بتاعة الوليد، على قول نزار قباني..!!!!!!!!..البنيات الجرسون يا عتمان..!!)..
كبر
11-05-2019, 04:17 AM
Kabar Kabar
تاريخ التسجيل: 11-26-2002
مجموع المشاركات: 18537
حبيبنا ياسر السر..حبابك يا صديقي.. كتر خيرك كتير يا صاحب..اسرار اخر المطبات ، وهناك مطبات قبالها غنية بالجمال والحنين و(واو الحنان)..!! شكرا يا صاحب.. كبر
11-05-2019, 04:19 AM
Kabar Kabar
تاريخ التسجيل: 11-26-2002
مجموع المشاركات: 18537
ههههه..حبيبنا المطر.. نون فاطنة؟؟؟؟؟..يا ربي ده شغل شيعة (داير احرش فيك عبد الحي مين كده ما عارف..!).. ولا شغل محمد محي الدين (والبعثيين جملة)؟..يعني برضك شغل شيعة..!! معليش يا ابا ذر على المشاترة (ونحن بنكتب نص واو الحنان ، وفقا لإجتراح اسامة الخواض الذي يمارس التجريب باستمرار..!!) النص جميل يا ابا ذر ، وداير ليهو مضايرة بعيدة عن النص المفتوح بتاع اسامة (واو الحنان)..!! هناك مطايبات في الخاطر ، وحتما ستكون..! كبر
11-05-2019, 04:24 AM
Kabar Kabar
تاريخ التسجيل: 11-26-2002
مجموع المشاركات: 18537
ههههههه.. ول ابا محمد الشيخ..حبابك يا صديقي.. بدءا يا صديقي ، النص/ البوست هنا..نص مفتوح..شغال علي الفلسفي الوجداني..وصديقنا اسامة الخواض ، بقدرة قادر ، حولو لنص هتافي مطلبي (ناس سودانير ومين كده ما عارف)..وشغل الهتافية المطلبية ده شغل ناس قوى الحرية والتغيير والمجلس السيادي والحركات المسلحة وقريبنا عبد الله حمدوك..!! فالسؤال:هل ممكن بعض من ناس امسودان تنجز مفاهيم فسلفة واشغال وجدان (ان شاء الله من باب مبادئ ابو السيوسيولوجيا، ابونا اميل دور كايم ، الخاصة بمبدأ تقسيم العمل؟؟؟؟؟؟؟).. فهل يحق لي المشاترة يا محمد الشيخ ، حتى ولو جاءت عسكا لمحاولات اسامة الخواض في ضبط نص مفتوح اسمو (واو الحنان) ..وتحويلو من نص فلسفي وجداني لنص هتافي مطلبي؟؟؟ الرشيد كسلا يا محمد الشيخ ، شكلو شغال بحكاية فقه التحلل..!! لمن سمعت الرمية دي (رماد الذكرى لو صحاك)، في الدلنج يا محمد الشيخ ، ما كان عندها علاقة بحكاية (لما تبقي بعيدة)..والله صحي يا محمد الشيخ..!!..احراجا لأحبابنا عتمان موسى واحمد ياسين واسامة الخواض..الرمية دي لمن سمعتها ، الرشيد كسلا..كان بيغني بعدها غنية تانية خالص..!! شرحو: لما تبقي بعيدة..ده شغل فقه التحلل (غسيل اموال يا ود الشيخ ، غض النظر عن كونها اموال مادية او معنوية او وجدانية..!!) اسامة الخواض ، قام باغلاق النص.. نص (واو الحنان)..!! كبر
11-05-2019, 04:48 AM
Kabar Kabar
تاريخ التسجيل: 11-26-2002
مجموع المشاركات: 18537
غايتو يا عثمان موسى ، لو حبيبنا ول ابا ابكر الطويل..صحصح معانا..وجا ملانا فقر بكلام الرشيد كسلا بتاع (بسمتك مشوار لي جزيرة الفيل)..ح يكون الضحك شرطنا كتير شديد يا عتمان..!!..وشرط معانا فكرة النص المفتوح ذاتو..!
معليش على المشاترة يا اسامة الخواض..!
ياربي ، نجينا من دق العيش بالقمرة ..!!
كبر
11-05-2019, 04:31 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: جيتك تاني يا قباني عشان ما تولعليك نار وتردم العويش وتكسح . زولك قال : حتي باقي العمر شيلو . زولك دا بعد براءة اختراعاتو الكتيرة في السودان والخليج في مجال ال سبتك تانك وابداعاتو في مجالو في رسم المباني ما وقف علي دا . برضو ابدع في الهبشيبة . هبشيبة خربشة الاوتار ام شرار . هبشيبة التمتمة والنمة والبحة والعجيبة . زولك ربنا يرحمو مات بي ال heart attack . من سكات . احتباس الدم نتيجة انسداد الشرايين التاجية . والشغلات دي كلها السبب فيها واو الحنان . واو الحنان يا ود قباني الله يدينا خيرو .
قال ليها يا عثمان: و كنت حاسس رغم حبي إني زي الما حبيبك و الحنان البينا ولّف لا نصيبي و لا نصيبك و الزمان عارف مصيرنا حقو لي ما كان يجيبك
11-05-2019, 12:15 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
والله يا شباب بوست واو الحنان دا من البوستات المريحة . تتكيف وانت تقلب تعليقات الجماعة . بصات ون 2 حلوة . المطربة اللبنانية الرشيقة هيفاء وهبي زمان جات امريكا وعملت حفلات . اذكر كانت البصات بتقوم لي الحفلة من الشارع 3 مع ال 88 في بروكلن بيريج لي مكان الحفل في اتلانتك سيتى وممكن تقطع تذكرة الحفلة من داخل البص والبص مجان ماشي جاي بتذكر الاغنية الاولي للفنانة هيفاء اسمها ( الواوا ) الناس دي دبكت في المسرح ودكت الارض دك نسوان من العيارات الهاي نقزن في مسرح اتلانتك سيتى . والناس تشيل وتخت مع هيفاء في الواوا . لكن يا جماعة ما ظنيت بعد ديك البهرجة كلها واوات هيفاء تعادل ربع واو شاعرنا العظيم الحردلو . و و و حاتك انا بكاتل الربح و حاتك قليبي جريح و حاتك انا مكتول و حاتك يا حزن نبيل و حاتك يا بلد يا نيل يا ليل واو عمك الحردلو يا خواض واو الورم واو النجيع و وجع القلب . والله يا اسامة ابدا صورة الحردلو من قدام عيني ما حتتمسح وهو المنظم والمهندس لي افتتاح تلفزيون اليمن الشقيق . داك يا اسامة سفير سوداني من طراز فريد . وبجيك لي واوات البردوني و المحضار وبجيك لي واوات الوعلة اليهودية شفق سلامة اليريمى لو لقيت الورق المجدع .
11-06-2019, 06:32 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
حرف العطف فى علم النحو هو اتباع لفظ باخر بواسطة حرف عطف حيث يلحق اللفظ التابع(المعطوف عليه) متبوعه المعطوف بواسطة حرف لتأدية معنى معينا عنوان البوست واو الحنان وكل المداخلات تفوح بواوات من الحب والحنيين والعطف وانا جاى انشزواشاتر واكتب عن واو قبيحة واو مقالات اسحاق احمد فضل الله المقال عبارة عن مقاطع متفرقةاول مقطع يبدأ بواو لا ندرى كنها\ ثم تنهال الواوات مقاطع متفرقة يصعب ان تجد ترابط بينها
تحياتي وسلامي من القلب أديبنا الخوّاض وضيوفه السمحين الواو دي مِلَّصِق علي كل كلمة لكن الشي الحيّرني (واو الحنان) قدر ماقلت إوالف علي الكلمتين ديل (الحب والرّيد) ينفرتب....ويخلي الحب في التنقرارة ،ويرزم ويحن "طالب" الرّيد هل للبيئة أثر!!؟
11-09-2019, 03:37 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20429
شوفو سيدعبدالعزيز ..احد الذين في النحو والصرف حيروا غلاة العروبيين .. مثلما فعل ودالرضي والعبادي وعتيق وابوصلاح ...ويبدوا انهم كانوا بستمتعوا بتجاوز عروض الخليل بن احمد الفراهيدي اسامة و (واويته) العصماء..نلحق باسامة قول سيدعبدالعزيز و غناها ابوداؤد الفى دلالو ما اعظم جمالو استحل هلاكى ولى حرم حلالو الهلال الشغل الناس هلالو الظلام حين شاف محيو انجلالو نضره خدودو بالانوار يلالو راح انفسنا وريحانو لخلالو المنعم توب العز كسالو مثال النعمة وما اعظم مثالو جداول ديسو فى وردانو سالو طيبو بيعبق كل مالليل امسالو شالو قالو الناس يتمنوا حالو مثالو الباسم وحتى الغيم سجالو ومن ضميرو حب الغير محاهو نايم وخلى الكان نايم صحالو الطريف السبا قلبى وسبالو لو راه الكان راهب سبالو
11-11-2019, 09:53 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10872
برضو واوية سيد عبدالعزيز في مسو نوركم ...قفل القافية (اح) بثلاثة احرف وحرفين نديكم جزء من ابوتلاتة الفيها يبدأ ..ب (الواو) بعد ما يقول مابتعيرنا محاسن محيها الوضاح بجي يقول: نصدر الايات من نور على الالواح المعانى الفرد وميتة الارواح فى العيون المرد والسحر لاواح تجلب الالباب ويفرح النواح من بحبو تهانت واستراح وراح
11-16-2019, 03:53 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20429
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
osama elkhawad
Kabar
Osman Musa
أبوذر بابكر
عبد الحميد البرنس
صلاح أبو زيد
adil amin
Ahmed Yassin
ياسر السر
يحي قباني
MOHAMMED ELSHEIKH
mohmmed said ahmed
عبيد الطيب
محمد عبد الله الحسين
فيس بوك
تويتر
انستقرام
يوتيوب
بنتيريست