|
|
|
 Re: الشعب السوداني مابين حميدتي وحمدوك (Re: منصوري)
|
الحبيب منصوري .. تحياتي ..
مشكلتنا أننا نعتمد على الشخوص دون البرامج
عبدالرحمن المهدي ، الميرغني ، أزهري ، المحجوب .... إلخ
حتى أيام البرلمانات لم يقدم أي منهم برنامج عمل أو اقتصاد أو ..
ثم عشوائية العساكر .. وآخرهم المخلوع ..
اليوم ألاحظ يا حبيبنا منصوري .. أننا جمعياً في إنتظار حمدوك
وكأنه يحمل مفاتيح الحل .. وأنا ضمن هؤلاء ..
يبدو أن موضوع السودان شائك جداً جداً
كما يقال في الاقتصاد فنحن منذ الاستقلال مدة 65 عام
نصدر نفس المواد ( البهائم الحية ، القطن ، الكركديه ، السمسم ، والصمع العربي ) بدون أي تطوير
أو قيمة اضافية .. كم من السنوات التي نحتاجها للخروج من هذا المأزق ,,
3 مليار دولار صادرات .. 9 مليار دولار استيراد
تحياتي الحبيب منصوري ..
| |
 
|
|
|
|
|
|
|
|
Re: الشعب السوداني مابين حميدتي وحمدوك (Re: علي عبدالوهاب عثمان)
|
تسلم حبيبنا علي..
من المهم جدا ان تعود الثروة الحقيقة من الكفاءات المهاجرة المنتشرة حول العالم سنوات طويلة تبني بلاد الغير..يجب ان يكون هنالك برنامجا واضحا سريعا مرتبا لاعادة الكفاءات المهاجرة كل حسب تخصصه..بتجرد ونكران ذات وحب للوطن وعزيمة واصرار ..ان نرمى الايدلوجيات المأدلجة وراء ظهورنا وناتى لنعمل ونطوع ما اكتسبناه من خبرة لصالح بلدنا وناسنا
| |
|
|
|
|
|
|
|
|
|
Re: الشعب السوداني مابين حميدتي وحمدوك (Re: امتثال عبدالله)
|
الحبيب منصور .. تحياتي بوست جميل ..
كمان المهم ثقافة العمل عندنا لابد من تغييرها .. فطور ساعتين ونسة إستئذان .. إلخ
ولدي تجربة حقيقية في هذا المحال :
عندما حضرت إلى الخليج قبل فترات طويلة أيام حكم النميري ..
عملت مع سلاح المهندسين الامريكي ( ترجمه وتنسيق مع الجيش السعودي)
ناس في غاية الانضباط - الاجازة شهر كل سنة ولازم تطلع إجازة .. كل شيء جاهر راتب السنة
وتذكرة السفر ذهاب وعودة .. أيام الشباب طبعاً دائماً كنت موقت الاجازة مع كريسماس ورأس السنة ( آه يا زمن)
بعد داك إلى دنقلا مباشرة ..
المهم دخلت للمسئول الامريكي وطلبت منه زيادة الاجازة 15 يوم يعني (45) يوم وقلت له حسب الظروف كالعادة ( أمي أبوي وبعدين .. إلخ)
رد علي المسئول (( إذا كانت وظيفتك تستحمل 45 يوم غياب فلا داعي للوظيفة فعلينا أن نوفر راتبك نعطي جزء منه للبديل ))
تعرف من كلام المسئول رجعت من الاجازة ولسع باقي يومين ..
نحن لدينا سلوكيات غريبة في مكان العمل إذن عشان ( سماية ومأتم وزواج ... إلخ ) فطور ونسة ساعتين
زيارة الاهل والاقارب إلى مكتب .. رغم أن عهدنا في السودان كان ضبط ولكن كنا نتحايل برضو
ولكن من الاغتراب والشركات والاحتكاك مع الاجناس الاخرى تعلمنا منهم كيفية العمل ( وتكلفة بالنسبة للوقت والمواد )
الحبيب منصوري .. لقد مضى كثير من العمر .. لازم نقول الحقيقة وبتجرد كامل ..
ثقافة العمل مهمة جدا جداً
عندنا في مشروع اماراتي أستثماري زراعي في الشمالية .. المدير هندي أوقف خدمات 38 عامل وموظف
بسبب عدم الالتزام والانضباط واستقدم محلهم اجانب ..
يا جماعة أيها الاحباب بالله عليكم خلينا نكون واضحين ..
معليش يا منصوري أنا لغة العامية عندي تعبانة شوية خاصة التذكير والتأنيث ( ناس ضواحي الدنيا )
تحياتي .. وآسف للاطالة ولكن البوست يتيح لنا الاندياح ..
| |
|
|
|
|
|
|
|
|
|
Re: الشعب السوداني مابين حميدتي وحمدوك (Re: علي عبدالوهاب عثمان)
|
الغالية امتثال ما فهمتيني يا غالية ،،
يعنى مثالين ،، يتأرجح بينهما بندول حركة التطور،، سلبا وايجابا،،،
لكن اظنك معاى فى غرض البوست
وهو كما قال الاستاذ علي ،، الفكرة وما تحمله الرؤوس والاشخاص،، وليس الاشخاص فى ذواتهم ،، كما ضرب استاذ علي ببعض الشخصيات الكبيرة التاريخية عندنا فى تاريخ السودان ،،
طبعا استاذ حمدوك قمة شماء ،، لكن نحن مع ما ينطوى عليه استاذ حمدوك من معرفة ومن علم ومن تجربة كبيرة برة السودان
أها لما يجى حمدوك اذا فعلا ثبت ترشيحه، ساعتها حا نعرف حمدوك العمل ،، حمدوك التجربة ،، حمدوك الابداع ،، حمدوك التفاني،، حمدوك الاخلاص
،، المحك الحقيقي ساعتها اعمال وليس اشخاص،،تخلد الاعمال ،، تلقائيا تخلد معها الاسماء،،
وحمدوك وحميدتى راح تضمهم حكومة انتقالية واحدة ، سواء رضينا ام ابينا، حسب اتفاق قادة الحرية والتغيير والمهنيين والشارع،،
أما اذا فى شخص معين اخذه القانون او جرم فعله، طبعا كلنا امام القانون سواسية مافي كبير والا صغير ،،
| |
|
|
|
|
|
|
|
|
|
Re: الشعب السوداني مابين حميدتي وحمدوك (Re: امتثال عبدالله)
|
لا ما تخافي بعد ٣ سنوات بحول الله حا يكون في حزب اسمو (حزب الكنداكات والشباب واصدقاء ثورة الشباب)اها الحزب دا حا يكتسح اى حزب..وهي القوى التي حركت الثورة.. يومها الحزب دا راح يكتسح اى حزب ويكون ديمقراطية كاملة الدسم ..وحا تكون فرصة عمله في الناس خلال الفترة الانتقالية ليقنع الناس وقتما تقوم الانتخابات .. وجود ناس الحرية والتغيير والمهنيين فى الفترة الانتقالية راح ينضف المواعين والصناديق والاوعية التى سوف تجرى عليها الانتخابات لضمان انتخابات حرة ونزيهة .موش صناديق مقلوبة او مخجوجة
| |
|
|
|
|
|
|
|
|
|
Re: الشعب السوداني مابين حميدتي وحمدوك (Re: منصوري)
|
تعرف يا حبيبنا علي عبد الوهاب..حكاية فطور ساعتين ..شاى ساعة زوغة من العمل ..دى كلها راح تكون فيها قوانين خدمة مدنية صارمة جدا عشان نثبت للشعوب العربية دى نحن ما كسالى ولا حاجة .وإنما شعب منتج
| |
|
|
|
|
|
|
|
|
|
Re: الشعب السوداني مابين حميدتي وحمدوك (Re: منصوري)
|
خايفين تبقا علينا (أكلت حنظلة وخافت من البتيخة) اى البطيخة..المثل المعروف
خايفين تجربة الاسلام السياسي الذي مارسه الكيزان فى شعبنا وكان اسوا تجربة وامر امتحان..خايفين الشباب كمان ينفروا من دين الله كلو كلو ..
اللهم إلا إذا جاء اناس يجري الدين فى اخلاقهم ومعاملاتهم وسمتهم وقامتهم الكوكبية التى تقنع بحالها ومقالها وفعلها وعملها وكدها وجهدها ومحبتها وسماحتها وتواضعها وزهدها فى دنيا الناس
| |
|
|
|
|
|
|
|
|
|
Re: الشعب السوداني مابين حميدتي وحمدوك (Re: منصوري)
|
نفسي أرجع والفح الحرية شالا
والبس التوب المطرز بالعدالة
مشتهيك انا يا بلد
،،،،،،،،،
الشعب السوداني شعب عظيم ، يستاهل ان يحكمه عمالقة الناس
الاستاذ محمودمحمد طه قال ( الشعب السوداني شعب عملاق، يتقدمه أقزام )
برضو شعب حنيييين،، ولوووف،، طييييب،، متواضع،،، جسور ،، مقدام ،،، كريم،،
حاجة عجيبة ،، يجمع الأضطاد مرات
يفرح شدييييد مرات
يحزن شديييييد مرات
فى اعراسهم يفرحوا تب حد الفرح
فى احزانهم ولما يموت زول يحزنوا تب،، حتى كان الزول عجووووز وعمرو 100 سنة جد جدهم برضو يحزنوا والبنات يبكن،، ويدمسن
ميؤوس منو وكبييير ولا يرجى له إلا الموت برضو يحزنوا ويبكوا والبنات يدمسن
هل تعلم ان السودان مدنها وقراها وريفها وحضرها ،، هل تعلم إنو مافيها دار عجزة ؟
موش غريبة
حتى لو الزول ماعندو زول يمسكو بعد يكبر برضو ما بيودهو دار عجزة ، ولافي دار عجزة ذاتو
لابد أن الله سيكافئه هذا الشعب العظيم في الدنيا قبل الآخرة ، وتنبثق منه قامات كوكبية ، عالمية
هسه ثورتنا دى موش حيرت العالم وبهرت الجيران؟
حتى كتاب مصر واعلامييها تحدثوا وكتبوا
المصريين مع انهم جيرانا ويعتبرونا امتداد طبيعي لهم ، كانوا ما قاعدين يشوفوا لينا شيتا (شيتن) سمح،، بدأؤوا يتحرروا ويشوفوا سمحنا
،،،،
مغتربينا خارج الوطن تفاعلوا مع الثورة دى جنس تفاعل!
بل قادوها وطوروها،، وكتبوا ورسلوا للدوائر التي تصنع القرار وتتفاعل مع الشعوب التى تطلب الحرية والعدالة
العالم اتفتح واصبح قرية صغيره( إذا اشتكى منه عضو ، تداعى له سائر الجسد بالسهر والحمى )
المغتربين فى اغترابهم ومعظمهم نال الجواز فى البلاد التى هاجروا اليها وحياتهم مشت،، وبناتهم كبروا وولادهم كبروا
بقوا شباب صلاة النبي ،،عينى باردي
برضو يحنوا لى وطنهم بصورة منقطعة النظير ،، كانو العندهم دا والشى الفيهو هم هناك ما مالى عينهم ،، همهم على الوطن،،
الناس الكبار والحريم الكبار وزوجاتهم تراهو عرفناهم عاشوا اواسط عمرهم فى السودان
الجيل الذي نشأ من اصلابهم برضو تلقاهو منفعل انفعال شديد خلاص،، حاجة تحير ،، شفناهم فى امريكا واروبا واستراليا والسويد والنرويج شايلين المكرفونات ويهتفوا
وواقفين امام المنظمات والهيئات التى تصنع القرار
شعب عظيم والله،، لابد ان الله مكافئة بى شيتا لا انسمع ولا انشاف،،
شعب معلم الشعوب، بس عايز ينطلق من عقاله ويكسر القيد
| |
|
|
|
|
|
|
|
|
|
Re: الشعب السوداني مابين حميدتي وحمدوك (Re: منصوري)
|
كمان الغريبة امهات الشهداء..صبر يهد الجبال على فلذات اكبادهن..مع إنو نار الحشا حارة خلاص.ما بيعرفا آلا الجربا..
امهات الشهداء الواحدة تقول ليك ولدى ما كتير على السودان..
مع انو فى امهات يكون الإستشهد ولدها الوحيد
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
منصوري
علي عبدالوهاب عثمان
Yasir Elsharif
فيس بوك
تويتر
انستقرام
يوتيوب
بنتيريست